رواية مجبور اعيش من بعد فرقاك -17
< طلعوا البنات >
سعود : تدرين ناصر بالسياره غريبه ريناد نادتهم
رهف : يووه يمكن تزعل
سعود : ليش هي ماتحبه ؟؟
رهف : الا بس تركي يقولها ناصر نصاب ومدري ايش
سعود : تركي هذا اكبر نصاب شفته بحياتي والمشكله ان ناصر يصدقه
< راحوا البنات السياره وطلعوا كلهم قدام ومانتبهوا لطلال يحسبون وحده منهم ؛ ودانه كانت قاعده فوقه >
جود :ارفعي صوت الاغاني
هيفاء : ايه ارفعيها ودقي بوري
طلال : ترى في كرسي ورا
< التفتوا البنات يبغون يشوفون الصوت وعهود ونجود وبسمه وريم وملاك اخترعوا ونزلوا من السياره >
< طلال يشبه ناصر مره بس ناصر شكله اصغر ؛ عمره 22 يدرس ادارة اعمال >
ريناد التفتت ورا : بسم الله كم ناصر في ؟
ناصر : وش رايكم مين احلى ؟
غاده : ولا واحد
دانه مصدوم وماقامت
ناصر ؟: مين انتي ؟؟؟؟؟؟؟
غاده :مالك شغل <ونزلت من السيااره>
< ونزلزا كل البنات وجت ريناد تبي تنزل ومسكها ناصر من يدها >
ريناد خافت : ناصر فك يدي
ناصر : تبين اخليك تروحين مني ثاني
ريناد : طيب وش تبي ؟؟
ناصر : ابيك انتي
ريناد : خلاص بروح
ناصر : ريناد انا احبك ومقدر اعيش بدونك والكلام اللي قلته ذاك اليوم كان من صدمتي فيك لانك اخر وحده توقعتها تخونني ومع اقرب خويائي
ريناد : انا ماخنتك انت اللي تكلم 20 وحده غيري
ناصر : مين قالك اني اكلم غيرك
ريناد : تركي
ناصر انصدم : تركي قالك كذا ؟؟
ريناد : لا امه ايه هو
طلال قاط وجهه : خلاص انتي تحبينه وهو يحبك حبتكم القراده ؛ لاتزعجوننا وارجعوا لبعض
ريناد : حبك برص ناصر قصه وانتهت
ناصر : تكفين لاتقولين كذا انا احبك
ريناد : اللي يحب مايخون
ناصر : بدق عليك اليوم نتفاهم
ريناد : اذا بتكلمني عشان تكشخ عند خويائك انا ماابيك
ناصر : ريناد والله محد يدري اني اكلمك الا تركي
ريناد : خلاص بروح
ناصر : تكفين ردي علي اليوم
ريناد في خاطرها : والله ودي بس مقدر
ريناد : يصير خير باااااي
طلال : يلعن شكلك تجنن
ناصر : اقول اسكت
طلال : مين الطويله ؟
ناصر :دانه ليش ؟
طلال : ابي اتعرف عليها
ناصر : احمد كان يكلمها < وعلمه عن احمد > بس خلاص اذا كلمت ريناد اقولها
< راحت ريناد عند رهف >
سعود : وش رايك بالمفاجأه !؟
ريناد : باايخه
سعود : غريبه يعني ماعجبك شكله !؟
ريناد : انا مايهمني الشكل يهمني انه يحبني
سعود :وناصر يحبك
ريناد : كثر منهاا
< وراحت ريناد البيت >
رهف : غريبه شكلها زعلانه
سعود : بروح عند ناصر بشوف وش صار وبدق عليك
رهف :اوك بااااي ياقلبي
سعود : مع السلامه ياعمري
< ريناد كانت مستانسه لانها شافته بس متضايقه عشان اللي قالته >
وش تتوقعون بيصير بين ناصر و ريناد ؟
وطلال بيتعرف على دانه ؟
وناصر بيدري عن تركي ؟
< عند الشباب >
طلال : سعود
سعود : هلا
طلال :وش رايك تعرفني على دانه ؟
سعود : دانه ماتكره احد زيي
طلال : افاا ليش ؟
سعود : كانت تكلم احمد وتحبه وهو كان يلعب عليها والحين حاقده علي بسبة اخوي
ناصر : خلاص انا بعرفك عليها
طلال : مااتوقع ريناد بتكلمك الا بالمشمش
سعود : تدري ان تركي قال لريناد ناصر نصاب ويلعب عليك ويكلم غيرك
ناصر : لا مااتوقع تركي يسويها ؛ يمكن هذه تصريفه عشان تكلم 20 واحد غيري
سعود : حرام عليك مااتوقع
طلال : شكلها مره بريئه كم عمرها ؟
سعود : هذي كثر منها لانها ماتسكت عن حقها او عن حق اختها
طلال : هههههههههههه من جد انهم فله تعجبني النذاله
سعود : تصدق كنت متوقع ماتبي تقابلك لانها مو حلوه بس بالعكس تشبه ميريام فارس
طلال : ههههههه ايه عشان شعرها كشه ؛ بس تصدق هي احلى ؛ هي تدري عنا بس ميريام فارس لا
ناصر : ههههههههههه من زمان داري انها حلوه من كثر ماتمدح فيهم امي
طلال : خالتي تدري انك تكلمها ؟
ناصر : لا ريناد ماتبيها تدري
طلال : ليش ؟
ناصر : تخاف امي تقول لامها
طلال : ايه خالتي لسانها يعورها اذا قعدت ساكته
< رن جوال ناصر >
ناصر : الووو
احمد : ان ماعلمتك الادب انت والحيوانه اللي تكلمها مايكون اسمي احمد
سعود : بس البنات علمي
طلال : اجل وش بيكون اسمك احمده
ناصر :لا تسب في ريناد وليش وش سوت لك ؟
احمد : الا بسبها الحيوانه الحقيره النذله وبتشوف وش بسوي فيها يوم السبت
ناصر : كم عمرك ؟؟
احمد : وينكم ؟
ناصر : بنروح بيتنا
احمد :خلاص بجي عندكم
سعود : لاتتهور وتروش بعدين تعال
ناصر : ايه تكفى ارحمنا
< قفل احمد في وجيهم >
< دق سعود على رهف >
سعود : هلا
رهف :اهليين
سعود :مارجعتي البيت ؟
رهف : لا امي قالت ارجعي الساعه 1
سعود : بترجعين لحالك ؟
رهف : ايه انا ومها
سعود :لو مها مو معك كان جيت
رهف : اهاا
سعود : كيف الحفله ماخربتها عليكم ريناد ؟
رهف : لا حرام عليك ؛ ماقد شفت وحده زيها ؛ انا لو اتطاق معك اقعد اصيح بس هي عادي عندها ولاكنه صاير شي < تكبر راسها >
سعود : هي ماهمها احد فاله امها ؛ بسألك هي تحب ناصر من جد ولاتطقطق عليه ؟
رهف :لا تحبه من جد بس ريناد حتى اذا تضايقت ماتقول لأحد وبعدين هي ماتبي تخرب علي
سعود : اهاا ؛ ماجاوبتي على سؤالي لو اخطبك بتوافقين
رهف : الحين لأ بس اذا خلصت مدرسه ايه
سعود : انا عادي انتظرك طول عمري بس اذا انخطبنا الحين يصير عادي اكلمك قدام اهلك وبعدين انا بخليك تدرسين ما قلت شي
رهف : اذا بس ملكه عادي بس زواج مو الحين
سعود : خلاص بقول لأمي تجي تشوف امك
رهف : تشوفني انا بالاول يمكن ما اعجبها
سعود : المهم انك تعجبيني وخلاص بكره بكلمها
رهف : ok حياتي الحين بقفل بكلمك بعدين
سعود : ok انتبهي على نفسك باااي
< في بيت ناصر جا احمد >
احمد : خويتك انا بوريها
ناصر: خلاص وش تبي منهم
احمد : عندهم حلين دانه ترجع تكلمني او اني بطقك او بطق ريناد
طلال : غصب تبي البنت تكلمك
سعود : من جد انت اللي غلطت معها وكلمت خويتها
ناصر : ولو تقرب من ريناد ماراح تلوم الا نفسك
احمد : لا خفت < وقام يبي يطقه >
<وتطاقوا مع بعض ؛ وناصر انكسرت يده ؛ واحمد طلع ويده تنزف >
< عند البناات >
نجود : تكفين كلمي عبدالله
ريناد : اعطيني رقمه
<دقت ريناد على عبدالله >
عبدالله : هلا والله وغلا
ريناد : هلا بك كيفك ؟
عبدالله : تمام انتي شخبارك ؟
ريناد : تمام وش فيك متطاق مع نجود ؟
عبدالله : نجود تغيرت مره وصارت حركاتها مره بايخه
ريناد : ليش وش سوت ؟
عبدالله : عهود كل يوم تكلم خالد وتشوفه ونجود ماكلمتني من اسبوع
ريناد : عهود مايهمها احد
عبدالله : وليش نجود ماتصير زيها ؟؟
ريناد : تخاف امها توديها عند ابوها
عبدالله يستهبل : ياعمري خلاص قولي لها بعد شهر تدق علي
ريناد : عن الاستهبال نجود تحبك
عبدالله : حبتها القراده
ريناد : انت تحب وحده غير نجود ؟
عبدالله :ايه بس ماعطتني وجه
ريناد : منهي ؟
عبدالله : اخاف اقولك تزعلين
ريناد : لا مارح ازعل
عبدالله : ماقد سمعت احد يسب فيك والكل يمدحك وبصراحه انا معجب فيك وودي اتعرف عليك
ريناد : في ناس يحبوني وفي ناس يكرهوني وانت ماتعرف الا اللي يحبوني عشان كذا
عبدالله : مجنون اللي يكرهك
ريناد تصرف له : نجود تبي تكلمك
عبدالله : بس بكلمها عشانك
< وقعدت نجود تكلمه ؛ نجود كانت تحب عبدالله بس هو مايحبها ؛وهو معروف عنه انه راعي بنات ولعاب ؛بس حب نجود لعبدالله ماكان يخليها تقوله شي >
< الساعه وحده كل وحد من البنات راحت بيتها >
دانه : مادق ناصر ؟
ريناد : لا انا ابي انام تعبانه
دانه : OK
< الساعه 2 دق ناصر وماردت لانها نايمه ؛ ودق على دانه >
دانه : الوو
ناصر : هلا والله اخبارك؟
دانه : تمام انت شخبارك ؟
ناصر : تماام ؛ ليش رينااد ماترد؟؟
دانه : تعبانه وراحت تنام
ناصر : ليش وش فيها
دانه : لا مافيها شي بس عشان كانت ترقص وتستهبل
ناصر : اهااا
وفي خاطره : ليش هي كل شي عندها عادي وانا لأ ليش تقدر تعيش بدوني وانا لأ
دانه : تبي اقولها شي ؟
ناصر : لا خلاص بكره اكلمها بس اسمعي
دانه : هلا
ناصر : شفتي اللي اليوم كان معي ؟
دانه : ايه صح هو يقرب لك؟
ناصر : ايه ولد خالتي ليش ؟
دانه : مره يشبه لك بس هو شكله اكبر حتى بلوزته زيك
ناصر : ههههههه المهم هو يبي يكلمك
دانه : مااتوقع اني نسيت اللي سواه احمد فيني عشان اكلم غيره
ناصر : والله ان غلاتك من غلاة وعد اختي ويمكن انتي اغلى واكثر شي ندمت عليه اني عرفتك على احمد تدرين اليوم انكسرت يدي بسبة اختك وبسبتك
دانه : لييييييييييييش ؟؟؟
ناصر : يقول دانه ترجع تكلمني ولااروح اطق ريناد وتطاقينا على كذا
دانه : شين وقوة عين بعد
ناصر : ماعليك منه اتحداه يسوي لكم شي ؛وبعدين انا مارح اخليه
دانه : مشكور ماتقصر
ناصر : المهم وش رايك تتعرفين على طلال ؟
دانه : خلاص اوك < ماعندها وقت >
ناصر : هو الحين عندي تكلمينه ؟
دانه : اوك
طلال : هلاا
دانه : اهلين شخبارك ؟
طلال : تمااااام انتي ازيك ؟
دانه : كويسه قدا
طلال : قلبنا مصاريه
دانه : هههههههههه من جد
طلال : رجولي تعورني منك يادبه
دانه تفشلت : والله سوري ماكنت ادري ان في احد بالسياره ؛ وبعدين دبه بعينك
طلال : هههههههه ليش ماتشوفون ؛ لا واختك داعمه وتكلم بجوال ناصر وتقول سعود اعطاني سيارته هديه مصدقه نفسها
دانه متفشله : .......
طلال : هههههههه ترى امزح
دانه : لا عادي
طلال: عادي ولااوتوماتيك
دانه : هههههه سخيف
طلال : مسرع دريتي اني سخيف
دانه : ايه حنا في عصر السرعه
طلال : ههههههههه انتبهي لاتسرعين ويشوفك المرور وتروحين التوقيف زي احمد
دانه : ههههههههههههههههههههههههههههههه < شوي وبتموت من الضحك >
طلال : وش سويتوا لاحمد يبي يطق اختك ؛ لا والحمار يقول لناصر بطقك ولابطقها ولا بكلم دانه على باله اختاري الاجابه الصحيحه
دانه : ههههههههههههه ولاشي جاا يبي يكب عليها كوفي رمته في وجهه وعلمت المشرفه حقت الباص ونادت المرور
طلال : شكلها بريئه بس بالعكس فيها لعانه
دانه : امداك تقزها ؟
طلال : ايه مو حنا في عصر السرعه ؛ كلكم قزيت اشكالكم بس مين اللي كنها لمبه ؟
دانه : ههههههه وشو لمبه ؟
طلال : البيضاء مره لا ولابسه ابيض بعد ؛ كيف تشوفونها بالشمس ؟
دانه : هههههههههههه ايه عهود لا نلبس عبايات في الشمس < مسويه ذكيه >
< وقعدت تسولف معه لين الساعه 4 وريناد صحت >
ريناد : مين تكلمين ؟؟
دانه : جدي
ريناد صدقت : ليش داق عليك ؛ زعلان على جدتي لانها ماتت من سنتين
دانه : ههههههههههههه اقول ارجعي نامي
طلال : اهئ اهئ قطع قلبي
ريناد : اوك بروح انام
دانه : ههههه من متى الادب ؟
ريناد : من الدرس الثاني
دانه : قايمه من النوم تنكت
ريناد : تحلمت بتوم جيري تدرين
طلال : انا تحلمت بسبايس تون
دانه : ههههههه دقي على ناصر
ريناد : اذا صحيت
طلال : يمه البنت شكلها مجنونه
< ارسلت ريناد لناصر >
خــــلاص قررت ابتعد وارحــــــــــل عن اراضــيك
خــــلاص القلــــب ماعاد يتحـــــــــمل خطـــايـــــاك
ماكنت حشى وربي بيوم بخليك بيوم ولااقدر انساك
والـــــــحين روح ارجــــــوك اســــمح لي وحــــياك
وعســــــــــــــــــى ربـــــي يحـــفــظــك للي يــغلــيك
< دق ناصر عليها وماردت وارسل لها رساله >
صدقيني
لا انا مااخون !!
مااخونك لو تخونيني معاه ...
يانظر عيني تمونين ويمون ..
شي طبيعي من يخون في هالحياة
< دقت عليه ومارد > < يستهبلون على بالهم لعبه مره هي تدق ومره هو >
< ارسلت له >
اذا ماتبي تكلمني او مالك خلقي وش رايك تدخل النت ؟؟
< ارسل لها >
روحي نامي ياقمررر وبكره اكلمك
ابي توقعاتكــــــــــــم
لرهف
دانه
ريناد
؟؟؟؟؟؟؟؟؟؟؟؟؟؟؟
< يوم الخميس الساعه 8 في بيت ابو نايف>
< دقت جود على ريناد >
ريناد : هلاا
جود : اهلين كيفك ؟؟
ريناد : ليش صوتك كنك هنديه؟؟
جود : لاني احاول اقلدك
ريناد : هههههه اخلصي وش تبغين ؟؟
جود :: مارح تطلعين
ريناد : مدري مافي مكان اروح له
جود : وش رايك نروح صحارى؟
ريناد : اخاف امي تعيي
جود : لا عادي نقول لليان تجي معنا
ريناد : اذا جت ليان بيجي فهد
جود : نروح نتمشى واذا خلصنا ندق عليهم نروح نتعشى معهم
ريناد : بقول لمامي وبدق عليك
جود : اوك بااي
ريناد : بااي
< عند امهم >
ريناد : مامي بطلع
ام نايف : وين بتروحين
ريناد : بروح صحارى مع جود
شمس : بجي معك
ريناد : رزة الفيس زي وجه التيس
دانه : هههههههههههه
شمس : أحاول اصير زيك
ريناد : سخيفه
ام نايف : خلاص خذيها معكم
ريناد : لا يمكن فهد مايبيها
دانه : من جد حتى انا ماابيها تروح
شمس : بجي يعني بجي
دانه : مارح تمشين معنا
شمس : ايه عاد بمشي مع جود ؛ واصلا اشكالكم تفشل
دانه : لاتكفين من زينك
ريناد : مامي
ام نايف : نعم
ريناد : مارح تطلعين ؟؟
ام نايف : الا بنروح انا وام ناصر زواج
ريناد تكلم دانه : وناصر وين بيروح ؟؟
شمس : مين ناصر ؟؟
ريناد : ناصره صديقتي بالمدرسه هههه
دانه : هههههههههههه
ريناد : امزح ناصر حبيبي
شمس :حبتك القراده شكلك ماقد شفتي وجهك بالمرايا
ريناد : الا شفته مو حلوه ؛ الا انقط عسل
شمس :ماااااالت
دانه : مارح تجين معنا
ريناد : من جد روحي مع امي
شمس : بجي معكم
ريناد : اقلبي وجهك مافي
ام نايف : خلاص شمس مافي تروحين هم كبار
شمس : من زينكم انتم وطلعتكم
< رن جوال دانه >
دانه : الوووو
جود : وش قالت امك ؟؟؟؟
دانه : وافقت ؛ كلمتي فهد ؟
جود : لا باقي الحين بدق عليه
دانه : خلاص متى بتروحين ؟
جود : الحين مشعل بيوصلني عندكم بعدين نطلع سوا
دانه: سوا ولا موبايلي
جود : لا جوالي
دانه : سخيفه
جود : طالعة لك
دانه : طيب انزلي
جود : اقول اقلبي وجهك بااااااي
دانه : ههه باي
< بعد ساعه جت جود وراحوا هي وريناد ودانه >
الياس : وين ابغى روه هبيبتي < وين تبي تروح حبيبتي >
ريناد : تموووووون
الياس : ايوا في معلوم
جود : حتى السايق صار يستهبل
دانه : روح صحارى
ريناد : لابعزمكم على كوفي
دانه : في صحارى اعزمينا
ريناد : لا في ستار بكس اللي بالسفارات
يتبع
وبكمل البارت بالليل بس الحين طالعه
سي يوووووو
جود :ايه روح هناك
دانه : ريناد القعيطيه بتعزمنا
ريناد :احمدوا ربكم
دانه : ماعلمتك تعرفت على طلال
جود تستهبل : حبيبة امك وابوك
ريناد : ههههههههههه الله يرجك < وصارخت > شوفي اللكزس فيها واحد يجنن
جود : يلعن اصله حلووو
دانه : انتي ليش ماتكلمين ؟؟
ريناد : من زين صوتها وشكلها عشان تكلم خخخ
جود : ههههههههههه لاني احب حسن < يكون خوي اخوها >
ريناد : من اسمه كرهته
دانه : من جد عليه اسم
جود :الحب ماله علاقه بالاسم والشكل
ريناد :هو يحبك
جود : مدري !
ريناد : تحبين واحد يمكن مايحبك
دانه :وليش ماسألتيه ؟؟
جود : اخاف انه مايحبني ؛ او انه يقول لمشعل
ريناد : كم عمره
جود : 24
ريناد : اكبر من مشعل
دانه : ياشيخه احلفي
جود : خلاص قفلوا الموضوع
ريناد : مامعي المفتاح
دانه : ههههه
< في ستار بكس >
ريناد : وش تبغون ؟
جود :ابي كابتشينو
دانه :وانا بعد ابي كابتشينو
ريناد : انا بعد بس ابي موكاا
... : حسابكم علي
ريناد : من متى المعرفه عشان تحاسب يالله اقلب وجهك
... : افااا طيب ليش معصبه ؟
ريناد :من شوفة وجهك
دانه : خلاص ماعليك منها هي دايم كذا
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك