بداية

رواية ياسمين -1

رواية ياسمين - غرام

رواية ياسمين -1

رواية سعودية
اول ما ابدأ الرواية لازم اعرفكم بشخصياتها وأبطالها
ياسمين:- بنوتة حلوه مره عمرها 17 سنه دلووعه فيها اشوية رجة مرررة روعه جميلة ووحيدة امها وابوها
امها:-نهى دكتورة في الجامعة امها صغيرة لأنها متزوجة وهي صغيرة
ابوها:-فهد سنير كبير يعني غني ومدلع بنته اخر تدليع مايخليها تحتاج الى اي شي دايم ينفذ اي شي تبغاه حتى لو من قاع الارض
اعمامها وعيالهم
عمها ابو سعود: هو الكبير واسمه طلال عنده شركة المنيم كبيره في الشرقيه وعنده ولدين وبنت
زوجته ام سعود: مريم تشتغل في المدرسه وكيله
سعود :ولد مملوح عمره 20 سنه يدرس ثاني سنه جامعه بس بأمريكا
محمد:اصغر من ياسمين بسنه عمره 16 بثاني ثانوي ولد طيب حبوب ووسيم يخق القلب لي شافه
نور:نور عمرها 15 سنه حلوه لطيفه في اول ثانوي
ــــ
عمها ابو عبد الله:اصغر من ابو ياسمين عنده بنتين واسمه وائل
زوجته:سارة تشتغل ممرضه في احد المستشفيات
سهى :كبر ياسمين بالضبط مولودين في نفس السنه واصاحب الروح بالروح
مشاعل:11سنه في خامس ابتدائي فصعونه مره خفيفة دم
عبدالله:ولد وسيم عمره 18 سنه
ـــ
عمها ابو مشعل وهذا اكبر من ابو ياسمين يعني الثاني بعد ابو سعود:
اسمه عبد الهادي يشتغل بززنز مان يعني طول ايامه مشغول بالعمل عنده ولد واحد وبنتين
زوجته:ربى عندها كوفير تسلي وقتها فيه
مشعل:عمره 22 سنه ولد حده يخق القلب من الجمااااااال درس جامعه والحين يشتغل مع ابوه
نوف:عمرها 16 سنه مرره حلوه مغروره اشوي بس طيوبه
الهنوف:هذي بعد كبر ياسمين ومعها بنفس الصف بثالث ثانوي علمي
حلووه مملوحه
ـــ
ياسمين ماعندها خالات ولا خيلان لأن امها كمان وحدية امها وابوها
الجزء الأول

ام ياسمين:يااسمين حبيبتي قومي قعدي من النوم الحين الساعه اربع العصر ورانا طلعه الليله في بيت عمك ابو مشعل
ياسمين :اوووووو يمه مانمت الا الصبااح ابغى انام ولاحقين على بيت عمي
:ام ياسمين:انتي غبيه اقولك بسرعه قومي ماصليتي
ياسمين:اووووووووووو صح ياااربي بدخل النااااااار ماصلللللليت الظهر
قاامت ياسمين بسرعه وراحت غسلت وجهاها وتوضت وصلت بعدين اخذت دش وتكشخت طبعاً مايحتاج ياسمين انيقه
نزلت ياسمين الصاله تحت
ياسمين:السلام
الكل:وعليكم السلام
ابو ياسمين:وش ذي الحلاوة يابنتي والله لو شافك واحد بالطريق وانتي بهال حلاوة طاح
ياسمين:ههههههههه يبه عاد وش تقول الحين بستحي
ام ياسمين:هههههههه تستحين من ايش والله طالعه احلى من القمر
ياسمين:احم احم يمه يبه خلاص لاتخلوني اصير مغروره
الكل:هههههههههههههههههههه
ياسمين:يالله انا استأذن بروح الحديقه اشم هوا
الكل:الله معك
طلعت ياسمين
ابو ياسمين:نهى تصدقين
ام ياسمين:ايش
ابو ياسمين:ياسمين كل ماتكبر تصير شبهك حتى نفس تصرفاتك تذكرين لما اغازلك تقولين خلااص لا استحي
ام ياسمين:هههههههه عاد ذكرتيني بهذيك الايم والله حلوة
ابو ياسمين:وش رايك نعيدها ونسوي لينا شهر عسل جديد
ام ياسمين:والهل حلوه الفكره بس ياسمين تقعد مع مين
ابو ياسمين:اي احد من اعمامها
ام ياسمين:والله مقدر انا قلبي في ياسمين
ابو ياسمين:يعني تقولين لي بهذا الكلام ان لازم تروح معنا خلينا نعيد ايام الشباب
ام ياسمين:شايفنا احنا ايش الحين الاربعين مادخلت
ابو ياسمين:ايه
برا عند ياسمين ياسمين تتمشى على الحديقه اللي في بيتهم ورن جوالها وتطلع سهى
ياسمين:ياهلا سهويتي
سهى:اهلين بعد قلبوو
ياسمين :اخبارك
سهى:والله منن سمع صوتك تمام
ياسمين:هههه فيكم شي اليوم الكل جالس يتغزل فيني وش السالفه يالله قولي
سهى:مافي شي حرام ادلع بنت عمو الجميله
ياسمين:لا مو حرام ههههه براحتك والهل من يحصل له الدلع تغنى هههههههههههه
سهى:ههههههههههههههههه اقول يامهستره من وين جبتي هذي من حصل له الدلع تغنى
ياسمين:والله مدري ههههههههه الا بقولك
سهى:ايش
ياسمين:الليله بتروحون اكيد بيت عمي ابو مشعل صح
سهى :ايييه
ياسمين :ماودي اروح
سهى:ليش
ياسمين:تدرين ليش
سهى:سمسومه حبيبتي اذا كان على مشعل فأكيد مابتشوفيه ليه يعني خايفه تروحين
ياسمين:والله من اروح بيتهم او مجرد اشوفه قلبي يدق حبيته يا سهى
سهى:ياسمين بس الكل عارف ان عمي ابو سعود خاطبك الى سعود ولده شلون تحبين مشعل وهو اكبر منك بكثير
ياسمين:سهى انا احس سعود مثل اخو ماجابته امي بس مشعل مدري مدري ياسهى شلون حبيته بس نظرة عيونه وطريقة كلامه اما سعود اذا شفته عادي لأني متعوده عليه
سهى :هاه انتي قلتي متعوده عليه يا ياسمين افهمي اذا جا يوم ملكتك على سعود بتوافقين او لا
ياسمين:مدري
سهى:يعني ماتدرين يعني ممكن تحبين سعود والله سعود ولد يخق القلب ولا تنسين سعود اعلى من مشعل يدرس بأمريكا ولا العين الزرق يعني وش تبغين جمال واخلاق وعلم ومشعل شخص عادي
ياسمين:مدررررررري بس صحيح سعود حلو لكن مدري شلون حبيت هذا الانسان لكن تهقين اذا درى ابوي او امي يزعلون
سهى:شي اساسي طول العمر يقولون انتي لسعود واخر شي يدرون انك حابه واحد غيره وش ذا يعني لعب عيال
ياسمين:طيب طيب انا بافكر بس موب رايحه اليوم باسوي روحي مريضه او اي شي
سهى:بلا غباء وتعالي
ياسمين:اوووووووووف
سهى:يالله اذن المغرب اشوفك في بيت عمي
ياسمين:اوك
راحت ياسمين وصلت وبعدها تعدلت وعلى الساعه ثمانيه راحوا الكل بيت عمهم ابو مشعل اول مادخلت ياسمين كان اللي واقف عند اباب سعود سعود يحب ياسمين لأن اهله قالوا له هذي اللي بتاخذها
سعود:ياسمين
ياسمين:اهلين سعود
سعود:اخبارك
ياسمين بأرتباك:الحمدالله وانت اخبارك
سعود:بشوفتك تمام
ياسمين :خير فيك شي
سعود:لالالا بس حبيت اسلم عليكِ معنى انتي اللي تسلمي علي لني انا توي جاي من امريكا
ياسمين:ههههههه اعذرنا
سعود:دوم الضحكه والله
ياسمين:يالله انا داخه تامر على شي
سعود: سلامتك
ياسمين:الله يسلمك باي
دخلت المجلس سلمت ع الكل وجلست مع البنات
نوف:يااسمين والله لك وحشه من زمان عنك وعن سوالفك يعني اجازه مافيه نلتقي الا في جمعات العايله
ياسمني:لا انا كنت باسويها لكم مفاجءه بس انتي يانوف بتخليني اقولها كنت مخططه على حسابي اوديكم منتجعنا اللي بالخبر عشان نسبح ونتونس
البنات:اللللللللللللله ياااا ياسمين والله عليك افكار
ياسمين:احم مو انا بنت فهد ونهى هع
ام مشعل:بنااااات يالله قوموا وجهزوا الطاوله معنا
البنات:انشااءالله
ياسمين بصوت خفيف في اذن سهى:اكره ماعندي اقوم اسوي شي
سهى:ياخايبه شلون اذا تزوجتي كله ع الخدم
ياسمين:لالا اكيد بصير غير
سهى:ايه اشوى
حطوا الاكل ع الطالوله
ام سعود:بنتي ياسمين وش فيك ماتاكلين
ياسمين:وش ما اكل هذاني جالسه اكل بس انا سامعه طريقه جديده عشان يصير الجسم حلو ان كل لقمه تاكليها لازم عشر دقايق بين كل لقمه ولقمه
ام سعود:اووووو اجل الأكل برد وماخلصنا الاكل الا بعد ساعتين
ياسمين:ههههههههه والله ياخالتي الطريقه مره سهله وانتي بعد جسمك مايحتاج حلو جربيها وبتقولين صدقتين يا ياسمين
ام سعود:ههههههههههه نجربها ونشووف
الكل:هههههههههههههههههههههه
سهى تساسر ياسمين في اذنها:تكلمي كثير مع ام سعود عشان تروح تسولف لسعود عنك
ياسمين:تتمسخرين!
سهى:وش تقولين لا والله اتكلم جد بعدين عندي لك سالفه بس خلينا نروح البيت عشان اتكلم على راحتي
ياسمين :اووك
خلصوا اكل وراح الكل ع المجلس وسوالف حرييييييييم مالها او ولا اخر
ياسمين دااااار راسها من الهذره
ياسمين:يمه
ام ياسمين:خير بنتي
ياسمين":للعلم ترا هذرتكم عورة راسي ومملتني وخلتني اطفشش متى بنروح؟
ام ياسمين:اووف منك لسا وقت عيب نطلع بدري تونا ماكلين
ياسمين:ياصبري على هذي العايله الضمغراطيه
ام ياسمين: صبرك عندي بالبيت
ياسمين:وش بتسوين يا نهى
ام ياسمين:لاعبه معك نهى تأدبي يا بنت
ياسمين:سووري يا ماما الحلوة تزعلين بسرعه
ام ياسمين:يالله خليني اسمع وش يقولون
ياسمين:آهـ
جلسوا يسمعون السوالف حقهم ونعسوا منها بعدين على طول لما راحت ياسمين البيت اتصلت الى سهى
ياسمين:الووو
سهى:الوات
ياسمين:انا على اعصابي وش السالفه اللي تقولين بتقوليها لي
سهى:اوف عليكِ مانسيتي
ياسمين:لا يالله ساي اللي عندك
سهى:اووووك .. وش كان يقول لك سعود عند الباب لما دخلتي
ياسمين:تراقبيني
سهى:لا
ياسمين:ماقال لي شي بس تعرفين على قولة الكل العاشق الولهان يسأل عن اخباري
سهى:يااسمينه احس روحي اشاهد مسلسل مكسيكي
ياسمين:ههههههههههههه ليه
سهى:ههههههههههههههه عشان حركاتكم بس تدرين اراهن عليك انك تحبين سعود
ياسمين:لا
سهى:ايه
ياسمين:انا قلت لك مين احب
سهى:بتكلم بجد
ياسمين: تكلمي
سهى:ادري انك ماتحبين مشعل بس عشان تسكتيني وتسوين لي سوالف وادخل فيها سعود تقولين كذا
ياسمين حت ان سهى قارئة كف او مشعوذه كيف عرفت خطط ياسمين:من قالك
سهى:هاه قولي كلامي صح ولا غلط
ياسمين:سهى اترجاكِ لا تزعلين مني بس انا استغربت شلون عرفتي اني سويت لعبة مشعل لعبه عشان بس تجيبين طاري سعود
سهى:ما ازعل منك لأني ابغى مصلحتك
ياسمين:طيب انا ما ابغى احد يدري اني احب سعود انا ما احسس لأحد
سهى:وش اقول لأحد اخرتكم بتنعرفون لأن انتوا مكتوبين لبعض والله انك محظوظه سعود يحبك وانتي تفين حبه وتروحين وتسوين قصص خرافيه عشان لا تحسين بحبه
ياسمين:طيب تهقين يقول لي انه يحبني او بس كذا مجامله الى اهلي واهله عشانهم قالوا انه لي وانا له
سهى:لالالالالالالالالالالا كل اللي قلتيه لالالالالا سعوود انا متأكده مئه بالمئه انه يموت فيكِ مو بس يحبك
ياسمين:طيب وش رايك اقول الى ابوي يخليهم يسون رحله ونخيم في البر واشوف هناك اذا كان ايه او لا
سهى:ياذكيه عليكش افكار يالله قولي الى ابوكِ بكره الحين اكيد نام
ياسمين:اووووووووك اقوله
سهى:لا تيعين هذي الفرصه منك اوك
ياسمين:اكيييييد
سهى :يالله بروح انام
ياسمين:انا بقعد ع النت
سهى:اوك باي
ياسمين:بايات
دخلت ياسمين النت دخلت على منتدى وبالصدفه سعود مسجل فيه وهي سجلت فيه وجلست تتكلم بالشات (صندوق المحادثات) وكان نك سعود (حبها في دمي سرا) وهي نكها كان (حبه في دمي سرا) لما دخلت وشافت نفس النك ياسمين استغربت حتى سعود
اول ما تكلت قال لها سارقه نكي قالت لا هذا انا نك دايم استخدمه قال حتى انا
سعود:طيب انتي تحبين عشان تقولين حبه في دمي سرا
ياسمين:اممم احبه ويحبني بس لا هو يدري ولا انا ادري انه اذا كان يحبني ما تصارحنا
سعود:انتي نفس حالتي انتي.. وسكت
ياسمين خافت قالت يؤ لايكون هذا سعود بس تجاهلت:انا ايش
سعود:طيب انتي كم عمرك
ياسمين:ليه تسأل؟؟
سعود:انا بس كذا ابغى اتأكد من شغله انا عمري 20
ياسمين انصدمت:اا العمر كله انا عمري 17
سعود:انتي ياسمين؟؟
ياسمين:هااه سعود؟
سعود:ياسمين ايه انا سعود
ياسمين جمدت تمنت الموت في هذي اللحظه
سعود:ياسمين وينك
ياسمين:شلون عرفت اني ياسمين
سعود:مثل ما انتي عرفتي اني سعود
ياسمين دمعت عنيها :ااااااا باي
سعود:ياااسمين وقفي لا تطلعين تكفين
ياسمين:مقدر
سعود:طيب خذي ايميلي
ياسمين:جنيت انت لا
سعود:انا ولد عمك
ياسمين:لالا اخااف
سعود:ياسمين تكفين بقولك شي من زمان ابغى اقوله
ياسمين:بلاها سالفة الايميل اتصل على رقم بيتنا
سعود:ايه احسن اوك يالله باي
نزلت ياسمين على طول عشان التلفون واخذته غرفتها وصااح التلفون
ياسمين بصوت خفيف:الو
سعود:هلا ياسمين
ياسمين:اهلين سعود تراني خايفه تكفى قول وش تبغى
سعود:ياسمين من زمان يقولون نحنا لبعض صح
ياسمين:ايه
سعود:طيب ليه خايفه
ياسمين:مدري
سعود:ياسمين انتي كل يوم تكبرين في عيني امي لما تجي وتتكلم عنك اذوب وانتي بالنت قلتي انك تحبيني وانا احبك
ياسمين ساكته
سعود:كلمه وحده مني ومنك هي احبك
ياسمين تبكي
سعود:ياسمين ليه تبكين
ياسمين:مدري سعود انا تعبانه
سعود:تصرفين يعني
ياسمنين:آآآآآآهـ خلااص ياسعود انت دريت بحبي لك وانا دريت بحبك لي
سعود:طيب ليش تبكين
ياسمين:قلت لك مدري
سعود:طيب طيب اخليكِ تروحين تنامين بس بقولك شي اخييير
ياسمين:ايش هو
سعود:لا تدخلين المنتدى مره ثانيه وانا برومس مني ما ادخله
ياسمين:طيب ليش
سعود:بلا ليش ولا ايش انتي اسمعي الكلام وبس
ياسمين:اووووووووووك يا ولد عمي المتعنتر لي
سعود:لعيونك هاه
ياسمين:يالله باي
سعود:الله معك
راحت ياسمين ونامت وهي فرحانة مرة يوم ثاني كلمت ابوها على سالفة البر وافق وبيروحون بكرة
ياسمين:هاي سهى
سهى وهي نايمة:اهلين
ياسمين:يادووبة قومي اقعدي عندي لك كلااام
سهى:اوك اصلي وادق عليكِ اوك
ياسمين :اوك..
اتصلت سهى
سهى:هاي
ياسمين:هايات صح النوم
سهى:صح بدنك هاه وش السالفة الحلوة اللي بتقوليها لي
ياسمين:كلمت سعود
سهى:اييييش
ياسمين:زي ماسمعتي
سهى:شلوون
ياسمين:معي بنفس المنتدى وبعدين هو اتصل ع البيت وكلمته
سهى:موب مصدقة ههههههههههههه
ياسمين: لا تصدقي
سهى:طيب وش قال كلام حلو شي ماشيات
ياسمين:قال احبك
سهى:لا
ياسمين:والله
سهى:هههههههه الله يوفك حبيبتي والله هههههههه لكن السالفة ضحكتني
ياسمين:هههههههههه
سهى:ياسمين كملي
ياسمين:بس
سهى:علي
ياسمين:ياااربي بكره في الرحلة بقولك
سهى:ليش احنا راح نروح
ياسمين:ايوه
سهى:الله حركااااات
ياسمين:يالله اشوفك بكرة
سهى:اوك باي

الجزء الثاني

يوم الرحلة
وصل الكل وقعدوا
ام مشعل:سهى حبيبتي ناوليني القهوه
سهى:انشاءالله
ام مشعل تتكلم في اذن سهى:سهى محلوة
سهى ابتسمت لها
نور:آآهـ مشتهية معسلة
ياسمين:ايييييش
نور:ايوه والله اشوف سعود اذا شرب اشتهيه
ياسمين تضايقت لأنها ماتحب لمعسله:ليش سعود يشرب؟؟
نور:ايه وعلى تفاح بعد
ياسمين:وع مدري وش محببنهم فيها وانتي بنت عيب تشربي
نور:لا والله عادي
ياسمين:وععع
نور:اجل شلون بتستحملين سعود اذا تزوجتوا وانتي ماتحبين لمعسلة
ياسمين سكتت
نور:نحنُ هنا
ياسمين:هاه
نور:ماجاوبتيني
ياسمين:على ايش
نور:يعني على ايش اللي قلته له
ياسمين:نكبر ونشوف
نور:يعني ايش
ياسمين:مو كأنك زودتيها كلام مليت انا ترا
نور:وش قلنا لك عشان تصرخين
سهى:نووور ترا كثرانه اسئلتك وش فيك
نور:احم في المستقبل محاميه هههههههه
سهى:والله!!
نور:مايحق لي؟
سهى:لالالا اكيد يحق لك
نور:تسلمين
ياسمين:سهى تطلعين معي الحديقه؟
سهى:ايه والله يالله قومي
ياسمين:يالله
طلعوا برا وياسمين حدها متضايقة كانت
سهى:ياسمين وش بك انخسفتي على طول
ياسمين:آآهـ متضايقه
سهى:بسم الله من كم ساعه طايرة من الفرح وبعدين متضايقه ليه؟
ياسمين:تضايقت لما قالت نور ان سعود يشرب معسلة ياخوفي بعد يدخن
سهى:لا ما اتوقع عمي مابيرضى
ياسمين:كل شي جايز اذا كان يعسل
سهى:وليه متضايقه عشن سالفه كذا كل الأولاد يشرون يعني حلت على سعود
ياسمين":ايه انا ماحب المعسله تجيب لي الضيقه
سهى:طيب انتي كلمي سعود قولي له اتركها واكيد بيتركها دامك انتي اللي قايله له
ياسمين:لا مالي دخل فيه
سهى:مو انتتي تحبيه؟ قولي له
ياسمين:لا يعني لا
سهى:براحتك والله اذا قلتي له راح يتركه اذا يعني بتقولي له من اولها بينساها عشان مايجي الزواج او بالقليل الملكه الا واهو تاركنها اذا مزعجتك السالفه
ياسمين:بس هذي حياته اذا انا دخلت في حياته اقول له
سهى:ياااربي عليكِ اذا صرتي عنيده هو يحبك وانتي تحبيه يعني عادي اي شي بيوافق عليه
ياسمين:واذا قال لا الفشله في وجهي انا وثاني شي بيسألني من اين عرفتي اني اشرب ووووإلخ
سهى:والله هذي تجي لك بذكاءك انتي تقدري تقولين له مثلاً قولي مره انا كنت اهذر مع صاحبتي الا هي تقول اشتهت معسله وانا ماحبها ولا اطيقها يعني كذا حسسي له صيري ذكيه يابنت العم
ياسمين:والله جبتيها مشكوره بس لازم نشوف وقت نتكلم فيه
سهى:بسيطه خليها علي
ياسمين :ايش بتسوي
سهى:قلت لك خليها علي
ياسمين:لالا سهى لا تخليني في موقف حرج اترجاكِ
سهى:لا محرج ولا شي انتي بس اسمعي كلامي
ياسمين:وش بتسوين؟
سهى:طول عمرك محروقه بصلتك ياطويلة العمر انا وانتي نطلع برا ونتمشى عند خيمة الرجال وانا بنادي على اخوي وبعدها بتركك انتي وكذا بيشوفك سعود وبيجي لك هاه وش رايك
ياسمين:واذا ماشافني؟
سهى:لا اكيد بيشوفك
ياسمين:يارب
سهى:يالله نقوم
ياسمين:الحين؟؟
سهى:ايه وش مستنيه
سعود:بنات
سهى وياسمين:هاااااااا
سعود:لا يكون رعبتكم
سهى:طيرت قلوبنا جيت كذا لا احم ولا دستور
سعود:سامحوني بس كنت اتمشى وقلت اسلم عليكم
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -