رواية في صمتي كلام -27

رواية في صمتي كلام -27

غانم وهو يشوف فوزيه ... شبعت والحمدالله .عاليه .. يبه وين رايح .؟
غانم .. وهو ما يرد عليها وهو رايح لغرفة انجــــــود ..
عاليه .. زين كذا يا يمه تخلين ابوي ما ياكل شي .. كل يوم على هالحااله لازم تذكرينه ..
فوزيه .. لازم اذكره منو هو عشان ما يتكبر علي ,,
غاليه .. اجل ليه تاخذين وااحد اقل منك يا يمه ..
فوزيه .. عشان ما يتكبر علي وعشان يكون خااتم بصبعي ..
غاليه .. يمه انتي كذا تصغرين بعينه .. ولا تلوومينه اذا كرهه
فوزيه ... عداال الحين يحبني وانا انا احبه ,, كل وااحد فينا عاايش في غرفه بحااله من يوم جبت عاليه ..
غاليه بهمس .. مالوم ابوي لاتزوج عليك ..
فوزيه .. وش قلتي يا غاليه ..؟
غاليه .. سلامتك ما قلت شي ..؟
غانم وقبل لا يدخل يدق البااااب ..
انجود كانت جالسه قرب الدريشه وضاامه ارجولها بصدرها وهي تشوف بالدريشه المنظر الحلو ..وهي تفكر وهي تبكي ..

وش اخر هالدنيــــــا ..؟ ووش اخــــــر هالجرووح والمشاااكل اللي ورااااي ..؟

الا تسمع صووت البااااب ...

انجود ..

غانم ... في احد هنا ؟؟

انجود .. وهي تشوف ابوها دخل وما تكلمت اي كلمه وجلست تشوف الدريشه ..

غانم .. السلام عليكم ..؟؟

انجود ...

غانم .. قلنا السلام ..؟وهو يشوف صنية الفطور ما لمست منها اي شي يعني ما اكلت اي شي ..

غانم .. انجود ليه ما اكلتي يا بنتي ..؟

انجود وهي تشووفه وسااكته ................

غانم وهو يقرب منها بهدووء .. انجووود ياقلبي يالله تعالي انا بوكلك بيديني وش رايك ..؟

انجود .. وهي تقوم من مكاانها وترووح لسريرها تناام وتغطي وجهها بالبطاانيه ...

غانم وهو يقرب منهااا .. انجود حرام اللي تسوينه فيني كذا ..

انجود .. انا ما جبرتك تاخذني ..

غانم .. انجود ياقلبي ..

انجود تقااطعه .. انا مو قلبك .. قلبك ميت وما افتخر به ..

غانم .. انجود طيب كلميني ... بس مو كذا ..

انجود وهي تشيل البطاانيه منها .. لو سمحت اطلع .. انا ما ابغااك ..

غانم .. ما توقعت قلبك حجر ..

انجود .. طالع زيك .. للاسف ..

غانم .. انا قلبي مو حجر مثل صلابتك ..

انجود .. ليه مو مثله الا نسخه منه ..

غانم ..انجـــــــــــــود ..

انجود بصراخ .. وش تبغــــــــــى من انجود .؟؟ اترك انجود بحااالها مثل ما تركتها وهي صغيره ..؟

غانم .. ياليت تسمعيني ..!!

انجود .. وياليت انت تتركني بحالي ..!!

غانم .. انجود انا ابوك ..

انجود .. وانا قلت لك الف مره ابوي ميت ..

غانم .. طيب طيب انا ما ابغى اتعبك بس لي طلب اتمنى انك تنفذينه ..

انجود بنظرات حقد وكره .. طلبك مرفوووووووووووووض من الحين ..

غانم .. بس انتي ما سمعتيه ..؟

انجود .. ما يهمني اسمعه ..؟

غانم .. طلبي هو انك تاكلي فطووره بس ..

انجود .. ما ابغى اكل من حلالك الحرام شي ..

غانم بصراخ .. وش اكلي حراااااااااام ..

انجود وهي تشوفه بكره كبير .. اضربني على هالكلمه وقووول انك جرحتيني بعد ..؟

غانم ... انجود كلامك لي جاارح كثييير..!!

انجود وهي تبكي .. جاارح ..!! تدري هالكلمه منك تفرحني ..!!

غانم .. ما ظنيت انه جروحي تسليك ..؟

انجود بضحكه هههههههههههه كثير تسليني .. الاني قدرت اني اذوقك المر اللي ذقته ..

غانم .. ما توقعتك تشيلين بين الظلوع قلب انااني ومكروه ومعقد كذا ..

انجود .. شهاده افتخر فيها ..

غانم .. انجود .. انا ابوك

انجود .. رديت وقلت انا ابوك .. عرفنا وياليتنا ما عرفنا .؟ وش تبقى مني الحين .. خلاص قل انك تبغى تذبحني

خلاص اذبحني وانتقم وريحني منــــــــــك ..

غانم ... بس انتي ما سمعتيني ..

انجود .. طبعي كذا ما اسمع اللي ما سمعني ..!!

غانم .. بس انا سمعتك ..

انجود .. انت بس سمعت هاامش من هالجروح اللي تصرخ .. بس ما سمعت دمووعي وهي تصرخ .. ما شفت هالعين

وهي تدور زولك جدام العالم وتقول وينه ابوك يا انجود ما سمعت صوتي بنص الليل يناديك ؟؟ انت ما سمعت شي مني

عشاان اسمعك .. غانم وينك بيوم تخرجي بالمدرسه ينادوني باسمك والكل يلتفت يقولون بنت غانم الهاري بنت

الملايين هذي وانا اقول لهم تشاابه اسماء بس ولا ابوي ميت ..؟

وش اقوول لك اللي سمعته مني ما يعتبر نص الكلام اللي بقوله لك .ولا حتى ربعه ولا ثلثه يا غاانم ..

غانم بهدوء .. طيب قوليلي يا يبه بلاش غانم ..

انجود وهي تلتفت لدريشه .. اسفه هالكلمه ما اقدر اقوولها ..

غانم .. حااولي ترااها سهله .

انجود وهي تشوفه بنظره كره .. سهلـــــــــه .. !! المشكله انه كل شي عندكم صاار سهل .. (بضحكه على جنب) ها

يا غانم .. هالكلمه راح تمووت وانت ما سمعتها مني ..

غانم .. اجل اسمعيني

انجود .. ليه كلك ثقه اني راح اسمعك ..؟

غانم .. الانك هالمره راح تسمعيني غصبا عليك يا انجود .. انا تعبت معك حاولت معك بكل الطرق بس للاسف رفضتي

تسمعيني .. ولكن هالمره لازم تسمعيني ..!!

انجود .. انا قلت لك الف مره .. ما ابغى اسمعك ...

غانم وهو يجلس على الكرسي ... انجود اسمعي هالقصه ...

انجود وهي تشوف الدريشه ومو معطيته اي اهتماام وسااكته ..

غانم .. عرفت امك من خالك راشد .. الانه خالك راشد كان معااي في لندن .. وعرفته وعرفني كان يومها يعرف اني ارمل

بس ما يعرف اني متزوج فوزيه وعندي منها بنتين وطرح علي باني اتزوج اخته العنود وانا وفقت الاني

من تزوجة فوزيه وهي شاايفه نفسها علي وانا ما خليتها على ذمتي الا عشاان ابوها الكريم والشهم وثانيا عشاان

بناتي ما حبيت انهم يظعون ...

وبعدها انا وفقت اني اخذ امك الاني ابغى زوجه تهتم بي وتحاافظ علي من غير ما تدري فوزيه

الانها حييل شاايفه نفسها وما تطلع الا الصبح وما تشوفيها الا بليل ولا ومتاخر بعد كل يوم حفله وكل يوم عشا وكل يوم

عند صديقه من رفاايقها ...

انجود تزوجة امك في تاريخ 24-4 كان اجمل يوم عندي .. وعشت معها شهرين احلى اياام عشتها وما انكر هالشي

لكن الشي اللي ما تدرين عنه هو اني في هالمده علي دين يكسر الظهر ويمكن ادخل السجن فيه .. رحت لفوزيه

وجرحتني بكلامها الاني كنت ابغى منها تسااعدني وارفضت وقالت لي (( هذي التجاره فيها ربح وفيها الخسااره وتحمل

انت اللي خسرته مو ذنبي ادفع غلطاات غيري )) هنا رجعت لبيت امك كانت شقه صغيره على قدنا ..

رحت لها وانا مهمووم ومتضاايق من هالدين اللي ما سددته رحت للسجن الانه كبير حييل علي .. رحت عن امك

وكان هاليوم في بالي وما راح ابد يا انجود .. جالس عندها وهي تقول لي وش فيك يا غانم قلت لها انا مربووط بعنقي

وما اقدر اتنفس يا عنود .. سبته دين برقبتي ويمكن اروح فيها سجن .. بعد ثوانني بس يا انجود لقيت امك

معها صندووق وفيه كل ذهبها .. وقالت لي خذ هذا كل اذهبي وبيعه بس المهم ما تدرخل السجن ..

قلت لها يا بنت النااس اخذي اذهبك وانشاالله ربك راح يخلها ... اتذكر هالضحكه يانجود لمى قالت امك هالجمله

(( الخساره بالعمر يا غانم .. وانشالله لمى تكبر وتصبح تاجر كبير تشتري علي غيرهم واكثر ))

هذي كانت جملتها ..ااااااااااااا وبعدها رفضت انها تبيع اي قطعه ووعددني انها ما تبيع .. وبعد مرور يومين يا انجود

(( انجود لسه تشوف الدريشه وتسمعه وهي مو عطيته وجه بس تسمع وهي متحمسه تبغى تعرف وبعدين ))

وبعد يومين يا انجود اتصل عليها ابو ضااحي وابو ضااحي معرووف انه يذل وخصووصا يذل الرجاجيل اللي يشتغلون

معه بحريمهم .. الانه رجال وقح وواطي يحب الحريم مو اي حريم حريم اللي يشتغلون معه ..

طبعا اتصل على امك وكلم امك وتفق معها انها تجي مكتبه عشان تحط ذهبها اماانه عند ابو ضااحي عشان ما يدخلني

السجن وطبعا هي اتفقت معه بس ما بلغتني باي شي الانها قالت له امااانه اذا عطيتك الذهب اماان لين ما يفك الدين غانم

ما تحطه في السجن قال اووكيه وطيب بس ابغااك انتي اللي تجيبين الذهب بنفسك قالت طيب وجااءت يومها للمكتب

وياليتها ما جاات يا انجود .. يومها كنت خارج المكتب ما كنت ادري انه امك داخله عند الحقير يستفزها وويمسك شرفها ..

يومها هو بنفسه ندااني وقال ابغااك بكلمه وما كنت ادري انه نادني عشان يوريني انه امك معه .. يومها ما قدرت املك

نفسي وضرب امك ضرب وعتبتها بشكل كبير ورميتها عند اهلها .. وبعدها جااءت كلمتني بالتلفون حق شقتنا

وقالت لي انها اغلطت الانها ما خبرتني بس يومها خبرتني انها حاامل بعد مرور اسبوووع ونص من السالفه ..

طبعا انا هنا ما قدرت امسك نفسي وقلت لها انتي طالق والي في بطنك ماهو لي ...

انجود وهي تلتفت لابوها .. ليه ظلمتها مع انها سااعدتك ؟؟ ليه سويت بها كذا وهي ضحت بكل شي عشان تساعدك ..

كذا تسوي بها تضربها وتطلقها بس عشاان سااعدك ..؟

غانم .. انجود الحكاايه مو كذا الحكاايه في نسب وخصوصا نسبك لي ولا لابو ضاحي .. ياليت تفهمين انا ما اقدر اوضح

اكثر من كذا ..

وبعدها .. حلفتني امك اني ما اتكلم بالسالفه لاي مخلوق الانه هذي السالفه كبييره حيل بحقها الانه هي من راحت له

بنفسها برجولها.. يعني محد يقدر يصدقها .. وقلت خلاص سرك في بير بس اللي في بطنك ماهو باسمي .. هنا امك

بكت بقوووى وغفلت انا التلفوون بوجها الاني طلقتها ..

وبعد مرور تسع اشهر عرفت من راشد انه العنود جاابت بنت ويبغااني اروح لها وانا قلت له البنت مو بنتي ..

هنا خالك راشد سالني ليه شااك بنسب البنت قلت له هالشي ما يعنيلك .. وانا اتفقت مع عنود ما نجيب اعيال ..

وهي عاندتني وحملت ..بععدها رفع خالك علي قضيه بانه البنت مني الانه كل التحااليل تثبت انها بنتي وطبعا امك

اربحت القضيه ..

وجلست انا افكر بهذاك اليوم اللي امك اطلعت من مكتبه وهي تبكي وانا انصدمت يوم شفتها

بمكتب ابو ضااحي هذااك اليوم ما انساااه يا انجود موقف وقف به عقلي وما صدقته .. بانه امك عصت كلامي وراحت

للموت بنفسها .. وبعدها بخمس سنين جاءت امك لي في البيت وتكلمت معها يومها كان عمرك خمس اسنين ..

امك جاءت تقول لي شووف بنتك .. وانا لسه ما شفيت من اللي شفته .. ومتحمل وما تكلمت الانه امك كانت غاليه بنسبه لي

بس الموقف كان قوي بنسسبه لي وما اقدر اتحمله اني ارجعها او اني اعترف بك الاني كرهتك كره مو طبيعي يومها ..

وطبعا امك حاولت معي اني ارجعك او اشوفك وانا هنا رفضت كل شي من امك..

انتي وذكرى امك كانت بنسبه لي موجعه..

وبهذا اليوم امك اطلعت مني وهي مصدوومه من كلامي ومن طردي لها وهي تسوق السياره بقصى سرعه واثريها

سسوت حاادث وماتت وما دريت بوفااتها الا ثالث يوم في العزى وانا كانت مساافر لمصر .. وهذي كل الحكاايه يوم

قال لي اخوي عايد رجع بنتك قلت له انا الحين محتار بطارق وما عنده احد يهتم به تبغاني اجيب انجود .؟

وبعدها قلت خلها ياغانم عند جدتها راح تعتني بها اكثر مني ومن فوزيه والخدم ... ومرت الاسنين ونسيت فعلا بس يوم قال

لي طااارق وسالني عن شي كنت نااسيه بحياتي اعترف له . بس صدمني يوم قال

اختي يا يبه تقول انك قااتل امها وانك بخيل ..

غانم وهو يقرب من انجود .. انجود انا ماني قاتل امك ... ولا ذبحتها .. ولا بخل اني اشوفك هذي كل الحكاايه يا بنتي

قلتها لك وانتي وكيفك صدقتي صدقتي واذا ما صدقتي ما يهمني الاني بريت ذمتي عند ربك اللي فوق . وقلت لك سر امك

اللي حلفتني ما اقوله لاحد والحين قلته لك ولاخووك طارق .. كنت ما ابغى يتكلمون عن امك شعره تضرها الاني احبها

بس لولا انها عصت كلمتي ولا شفت اللي شفته يوم اطلعت من مكتبه وهي منهاار وملابسها اللي .......... يسكت وهو يبكي ..

انجود وهي تلتفت لابوها وهي تشوفه يبكي بقووى .. وهي تقرب منه وهي تبكي .. بس انت قتلت معها وحده روووح انجود..

قتلت كل شي بنسبه لها .. انحرمت منها وانحرمت منك مع انك عايش .. قتلت كل شي فيني مشاعري واحسااسي وكل شي

(بصراخ) يا يا يا يبــــــــــــه .. وهي تبكي بقوه غانم وهو يبكي بعد يقرب منها ويحظنها .. انا اسف يا بنتي انا اسفـــــــــــ ...

الاني حرمتك من كل شي يا انجود .. وانشااءالله اقدر اعوضك باللي راح ..

انجود وهي تشووف ابوها وهي بحظنه .. يـــبــه ..

غانم بدموع ومبسوط من كلمه يبه.. يارووح ابوك يا انجود ..

انجود... لا تخليني برووحي مره ثانيه ..

غانم .. ماراح اخليك برووح ياانجود انا معك بكل ثاانيه ..

انجود وهي تحط راسها بصدر ابوها وتناااام ..

غانم وهو يشوووف بنته كيف حااطه راسها على صدره وهو مبسووط انه قدر يقرب انجود منه لكن بعد ايش بعد صعووبه

كبيره ... وارتاح لمى قال لها القصه وخبرها باللي حصل ..وانجود الحين قريبه منه ولا وقريبه منه حيل جنب قلبه وراح تسكن قلبه قريب ..

دلال جاالسه في غرفتها وهي تتذكر انجود وهي تبكي ..تدخل عليها اختها داانه ..

دانه .. وش بك تبكين ..؟؟

دلال .. فقدها يا داانه فقدها ..

دانه .. فقدي من ..؟

دلال .. فقد انجود لي ثلاث اساابيع ما سمعت صووتها ولا شفتها ما ادري هي صحت او لا يااربي ما ادري هي عرفت بانهها

ببيت ابوها او لا .. والله يادانه فقد صوتها فقدها كلها .. ااااااااااااا يادانه توم رووحي هي .. كيف يمر يوم وما اشوفها

شووفي ثلاث اساابيع كانها ثلاث اسنين .. يؤؤؤه شكلها ما صحت الانها اذا صحت راح تكلمني بس للاسف

شكلها صارت في مصيبه ثاانيه والله يستر ..

دانه .. ليه كل هالتفكير اتصلي على داود وهو يكلم طارق ويقول لنا عن اخباار انجود ..

دلال .. داود انا اشوفه داود صاار مو مثل قبل يجلس في البيت كله طالع ..

دانه .. ايش رايك تكلمي ابوي ..

دلال .. روحي زين ابوي بيعطيني وجه الحين .. بيقول لي اذلفي وراك ..

دانه .. قلت لك مافي الا داود ..

دلال .. والمشكله داود من راحت انجود وهو متعكر مزااجه انا قاايله هالولد فيه انه ..؟ بس وشهي ..؟ّ!!

دانه .. يمكن يحبها ..؟

دلال .. يمكن بس حبه ما يبقى يعلم به احد او يحسس به احد .. الاني كذا مره اساله ويرد يقول حب اخوي ..؟!!

دانه .. والله انه يحير ..؟ ولا ايش رايك اساله انا .؟

دلال .. حلو اتصلي عليه ..

دانه .. عاارفه رده بيقوول لي مشغوول اتصلي في وقت اخر .. ولا بيقول اشووفك بليل ..

دلال .. يووه يا دانه لا تغفليها بوجهي ..

دانه تقاطعها .. يؤؤؤؤ نسيت ابوي بيكون عنده الاخباار مستحيل ما يدري .؟

دلال .. قلت لك الف مره ماراح يعطينا وجه ..

دانه .. اجل وش رايك نرووح لهم ؟!!

دلال .. بس ما اعرف بيتهم ..؟

دانه .. امممممم اجل خلينا نتصل بداود ..

دلال وهي تاخذ جوالها تتصل بداود ..

داود .. الووو

دلال .. هلا داود كيفك .؟

داود ..انا بخير .. ها وش تبغين .؟

دلال .. داود انت وينك ..؟

داود .. ليه وش عندك ..؟

دلال .. بغيت اسئلك عن انجود كيف حالها لي ثلاث اساابيع ما ادري وش حالها .. هي صحت او لا ..؟

داود .. المشكله اني اعرف بس ماراح ابلغك ..

دلال .. تكفى يا داود قلي وش اخباارها تراني ميته ابغى اعرف ..

داود .. دلال انا مشغوول الحين لمى افضى اتصل عليك ولا اقولك انطريني بليل ابغى اكلمك بعد انا بموضووع ثاني ..

دلال .. اللي هو ..؟

داود .. لمى ارجع اقول لك بس لا تنامي ..

دلال .. اووكيه طيب ..وتغفله

دانه.. وش فيك .؟ اكيد قال لك مشغول ..

دلال .. قال لي مشغول وقالي لي كلام ثاني ..

دانه .. اللي هو ..؟

دلال .. يبغاني في موضوع ثاني .وقال لي لا تنامين ..؟

دانه .. اجل اليوم مافي نووم بسهر معك ..؟

دلال .. مالك خص فيني وداود يبغاني انا برووحي ..

دانه .. هع هع ضحكتيني .. انا وراك وراك والزمن طوويل .

دلال .. صج لصقه .. يمكن جاايب لي خطيب وبيااخذ رايي ..؟

دانه .. اقص يدي من هنا اذا كاان الموضووع خطييب ..لو خطيب كان ابوي ولا امي يعرفوون مو داود ..؟

دلال وهي تبغى تطلع من الغرفه .. ياخبر بالفلووس باجر ببلاش وهي تطلع ..

في بيت عايد ..

سلمى جالسه مع فايزه .. في الصاله مع بنااتهم ..

عايد يدخل عليهم ..السلام عليكم ..

الكل .. وعليكم السلام والرحمه ..

عايد .. ماشاءالله الكل مجتمع وهذا الزين ..

منال .. ما بقى غير اخواني صقر وحمد ..

عايد .. لا ذولا في عالم ثاني ..خليهم ..

فايزه .. وش عندك اليوم جااي مبكر ..؟

عايد .. والله جيت اقولكم عند اخوي غانم عشى عائلي اليوم ..

سلمى .. وش المنااسبه ..؟

عايد .. عشان يعرفنا ببنته انجود ويعرفها فينا ..

منال .. يبه ليه عمي ما بلغنا من الاول ..؟

عايد .. الظرووف يا منال اقوى منه ..

منار .. طيب ليه ما بلغنا عن زوااجه ..؟

عايد .. موضووع سكرووا وما ابغى اسمعه اللي ابغااكم الحين يا بناتي لمى تشوفون البنت ما ابغااكم تتكلمون عن المااضي

ولا شي ابغااكم سوالف بناات سمعتوا ..

منال .. طيب يا يبه ليه ما نتكلم عن ماضيها او وين عاشه ..؟

عايد .. الانه البنت مريضه وما نبغى نزيد مرضها عليها ..

سلمى وشهو مرضها كبير ..

عايد .. لا جيتها صدمه من موت جدتها ..

فايزه .. موت جدتها ..؟ ليه وين امهاااا ..؟

عايد .. امها مااتت وهي صغيره وجتها صدمه لمى اعرفت انه امها اللي ربتها مااتتت .. والصدمه الثانيه يوم اعرفت انها

عند ابووها ..

سلمى .. ليه هي ما تبغى تعيش عند غانم ..؟؟

عايد .. ايوه ما تبغااه بس الحمدالله اتصل علي منسااع وقال لي خل اهلك

يتبع ,,,,

👇👇👇

تعديل المقال