رواية كبرتي بالعشرين فاتنة وتغرين -30
اروى:ابغـاك انت يازيااد..زياد افهمني انا احبـــك!
زياد يكلم امه:يمـه هذي اروى تبي تكلمك
اروى تمسح دموعهاا:زيـاد..الله يخليك
-آلوووو
يوم عطـا زياد امه السمـاعه طلـع فووق..وهو يمحي بقاياا من ذكريـات وحبه لـ اروى بنت عمه..
وهو طالع شااف اخته سحر تنزل
سحر:ولكموووو ماي اخوو
زياد:ههههه..هلا والله مااي اخت
سحر:لا تناام تراا انا اللي مسويه الغدااا
زياد:والله؟؟..اجل شكل بناام مثقل..تعرفين اني احب طبخك ياحلووه
سحر:لا تجلس تتميلح علي..بس هـ اليوم بـ مناسبة زواجك القريب
زياد:خسااره ياليتني كل يوم اتزووج
سحر تضربه مع كتفه:وجـــع..لاتفااول ان شالله هذي اخر زوااجه ورااح ترتااااح
زياد:ههه..آآمين يارب..ألا وين عيـالك؟؟
سحر:جابهم ابوهم من الروضه وطلع بهم يتمشوون وانا صرااحه مالي خلق اتمشى الظهر..قلت له يجيبني هنا
زياد:وكيف ابووي وميووش
سحر:الحمدالله ..مي نايمه وابوي نفس الشي بس عطيته علاااجه
زياد:زين ياشيخه كنت شاايل همه
سحر:الله يجعله في ميزاان حسنااتك..والله انك تعبت مع ابووي
زياد:هذا ابوي ياسحر..واللي مافيه خير في اهله مافي خير في الناااس
راح زياد لـ غرفته وغير ملابسه..طل على بنته وابووه..ونزل تحت عشاان ياكل من طبخ سحر اللي يحبـه
ملاك:رغووده من فتره صايره تهوجسين وروحين بعييد
انتبهت رغد على نفسهاا وانها جالسه ع الغدا ولا تاكل الهواجيس تجيبها وتوديهاا..من عرفت هـ اللي مايتسمى وهو مقلق راحتهاا..حتى بـ نومهاا ملاحقهاا
رغد:ولا شي بس افكر بـ اختباراتي
ملاك تبتسم تريحهاا:انتي تقولين كذا اجل انا وش اقوول؟؟
رغد:ليش؟
ملاك:انا من بدت السنه ماكنت لم الدراسه ابد والحين يوم توفى المرحوم.. هذا الترم الثااني بدا ونسبتي بـ الاول مو حلووه
رغد:75%..حلووه..مدرستك متعاوونه معك كثيـر
ملاك:لاتنسين اني ثالث ثنوي وعلمي
رغد:معك وق تشدين حيلك..
ملاك:هذا انا اقوولك انا شديت حيلي..بس بااقي انتي..لاتخلين الوساوس تاخذك بعيييد..انتي ركزي بـ الدرااسه وجهدك ماراح يضيع
ابتسمت رغد لـ بنت عمهاا..اللي تأنس لها وحدتها..وتشيل همها وهم اخواانهاا..صدق هي عون لهم..بس ماتدري ان رغد تشيل هم اكبر من الدرااسه لان لو تركي نجح بـ اللي يفكر فيه مستقبلها كلـه بيضيع..ليته درااسه ياملووكه لان الدرااسه ان مافلحت فيهاا في كورس ثاني بس هـ الشي لا
- السـلااام عليكم
دخل ناصر معااه عزام ولمى..كانوا راجعين من البقاله
ملاك:اهليـــــن!..وش شريتوا؟؟
لمى:حلااااااو
ملاك:اهم شي شريتوا لي؟؟
ناصر:لا..خلاااص انتوا كباار
رغد:لاوالله؟؟...نبي ولا رح جب لناا
ناصر:اشتغل سواق عندك اناا؟؟
عزام:رغد وملاك تبون كيستي؟؟
ومد كيسته لـ رغد
طالعته رغد عزاام متغير مره عن اول:لا ياعزاام انا وملاك نمزح
ملاك:هههههه..عزاام حبيبي نمزح ان اورغد
ناصر:اكشـخ ياعزااموووه كريم..وش يقرب لك حاتم الطائي
عزام يرفع حواجبه وينزلها بـ طريقه تقهر:اخوووي!!
ناصر:الله يسلمك..
ملاك:هههههههه..انا اشهد
ناصر:اقوول ملووكه لاتخليني اتهور عندهم..
رغد:لالالالا..في مبزره هناا..روحوا جناحكم
لمى وعزام وهم مايدرون وش السالفه:هههههههههههههههههههههه.."خخ"
-هههههههه ارحمك..شلون طارت من يدك
تركي:تضحكين مالت عليك؟..وش اذن
سمر وقفت ضحك:من جدك؟؟..صرااحه اول مره اشووف واحد بيفعل فعلتك الشنعااء ياعمي..ويهوون عشاانه اذن..ههههههه..عليك ديااانه اهنيك عليهاا صراااحه..ههههه
تركي بغـا يقوم يكفخهاا:أقـول تلايطي بس..اسمعي
سمر:هلا
تركي:البنت ماخذه فكره شينه عنك..ابيك تحسنينهاا
سمر بـ لامبالاه:واذا؟؟..اهم شي انا واثقه من نفسي
تركي:سميّـر..ابغااك تستدرجينهاا..ابغاا البنت اناا
سمر:يااخي اذا مانفع معهاا بـ اللين ينفع بـ الغصب وتراها بنت وان ترجال يعني انت الاقوى
تركي:لا..انا ابي بـ رضااهاا عشاان لايكوون في حجه لهاا..انا لاتنسين طالع منها طالع..بس ابي بـ رضااهاا ماأبي الجريمه تعتبر اغتصـاب..
سمر:مشكلتك عاارف انهاا جريمه
تركي:المهم..ابيك تحسنين هـ الصوره...رحتي لـ عزى ابوهم؟؟
سمر بـ قرف:نعم؟..تبي ادخل هـ البيووت البسيطه مثل هذي؟؟..نونونو..
تركي:لايكثر بس..ابيك لما تشوفينهاا بـ الجامعه تعزينهاا..وابيك تتقربين منهاا..وخليها تاخذ فكره انك تغيرتي عشاان لا تبعد عنك لانها لو بعدت عنك بتبعد عني عرفتي؟؟
سمر:وش تبي بهاا؟؟..اوكي البنت كيووت..بي في منهوو احلى منهاا
تركي بـ ابتساامه:ابكسـر غرورهاا..هذا اللي ابيـه..بعلمهاا ان عزة النفس مو لها
سمر:اوكي بس ان صاار شي ان امالي شغـل
تركي:قلت كل شي بيتم بـ رضـاهاا
كلمت اشواق مشاعل ع التلفوون
اشواق:اممممم..ميشوو انا بطلع مع فراس تعالي معي
مشاعل:فراس؟؟..
اشواق:ايه بنروح لـ الشوق بليـز
مشاعل:طالعه لك انت يواخوك انا وش دخلني؟
اشواق:ماعليك المهم تعـالي بليـز..رواانووه رايحه عند صديقتهاا
مشاعل تناظر ساعتهاا ومابي تبين لـ اشواق انهاا ميته بس تبي تشوف اخووهاا:بس توننا الظهر الحين
اشواق:عاادي السوق مسكر وماتدخل الشمس..بليييييييييييييز
مشاعل:أوكـي!
- غااده وربي اني ميته ابغاا اناااااااااااااااام
غاده:لالا تحلي شوي..خل نروح نااكل لنا شي
قامت روان لانهاا صدق جوعااانه..
نزلوا تحت رمت روان نفسها على اول كنبه...
غاده:وش تبين ساندويش حين..ولا طحينيه..ولا بيض..ولا
روان:أي شي ..
غاده:اووووووكي ثوووااااني
دخلت غاده لـ المطبخ وروان رااحت في سـابع نوومه
ركبت مشاعل السيـاره مع اشواق وفراس اللي كانوا راكبين قدام
مشاعل:السـلااام عليكم
فراس واشواق:وعليكم السـلااام..
فراس:كيفك مشاعل؟
مشاعل رفعت رااسها له كان لابس نظاره شمسه وزايدته حلاوه:الحمدالله تمام..انت شلونك؟
فراس:والله الحمدالله
اشواق:ميشووووووووووووو..وين تبين نروح؟
مشاعل تناظر لـ براا من جهة الشبـاك تخاف عيونها تخونها وتناظر فراس:عاادي
اشواق:لالا..نبي راايك
مشاعل:انا أي شي..كل شي يظبط معي
فراس:افااا ياميشووو..انتي ضيفه الحين
مشاعل فز قلبها من كلمة ميشووو..اول مره يقولهاا من 6 سنين يمكن..
مشاعل:لا جد أي شي..مافي شي باالي
اتجهـوا لـ اقرب مجمع لهم
دخـل خالد البيت ويهف على نفسـه بـ الملف اللي معه..الجوو حاار خصوصا في هـ الوقت بـ الرياااض..
توه بيطلع الدرج انتبـه لـ"البنت "..الناايمه في الصـاله..
تنحنح..بس ماتحركت..تنحنح بـ صوت اعلـى..لانه يبي يمر بس مو حلووه يمر والبنت موجوده ولا تغطت.بس لارد..كـح بصووت عاالي..مااش البنت ماعندهاا نيـه تتحرك
خااف لايكوون فيها شي..خبط بـ جزمته ع الارض...
روان:.................."لارد"
اتجـه وهو مرتـاع حااول يصحيـهاا..:يابنت..هييّ...حرمـه!..
بس ماترد..
خـاف خالد لايكوون فيها شي..
رقـى فوق لـ أمه..
نـزلوا لـ المجمـع..
كانوا مشاعل واشواق..وفراس ورااهم..
وهم في محل
قال فراس لـ اشواق:اوااق انا بروح لـ "كوستا" ان خلصتوا انا هنااك
اشواق ومعها بلوزه معجبتها:اوكي
طلع فرااس وراح لـ كوستاا
فتحت روان عيونها ولاحظت التجمهر اللي صاير عندهاا..
ام خالد...غاده.................وخالد!
اخذت المخده وخطت بهاا راسهاا على طوووووول
غاده وام خالد:هههههههههههههه
اما حس خالد على عمره وطلـع فووق..
غاده:هههههههههههههههههههههههههههههههه..روعتيناا كل هذا نووم؟
روان:آآسفه بس والله مادريت انا نومي ثقيـل
ام خالد:هههههههه..المسكين خالد مرتاااع..يحسب صاار فيك شي
روان شوي وتصيـح..نزلت رااسهاا لهـ الدرجه نومي ثقيل؟؟..والله الفشيله
غاده:حصل خير
طلعـت ام خالد فوق عشان تكمل نومهاا..
غاد جابت الصحن من المطبـخ:السااااااااااااااااندويش!
روان بـ عصبيه:لاعااده الله من سااندويش..اقول امشي فووق بناام..
غاده ترقى ومعهاا الصحن:هههههههههههه..
طلعـوا فوق عشاان ياكلون ويناامون..بس من بيجيه نوم بعد هـ الموقف
×..الفصل الحـادي عشر..×
>..:..الجزء الاول..:..<
صحت على صوت رسـاله من جـوالهاا..
المرسـل>>زيـاد
كانت رسـاله عاديه يرسلها أي زوج لـ"زوجته"..في أيـام ملكتهم
بس ماعجبهـا هـ الوضع لان هـ الرساله من زيااد
همسـه؛كلنتونيه:{.. الحب كلب راقد يفضل ان يضربه صاحبه بدل أن يداعبه..//.. سواه
طلع حمد من شغلـه..وهـو يفكـر بـ عمه الي الى الان مافقد الامل في انه يحصل على الورث..سبحاان الله فلووس فرقت عايله كانت من احسـن العواايل..وعيـال عمه الـ 3..
رن جواله
المتصل>>فادي
رد حمد على ولد عمـه
حمد:هلا فاادي
فادي:هلا حمد..اخباارك؟
حمد:بـ خير..انت شلونك وشلون عمي واخوانك؟
فادي:مو بـ خير داامك مصر على عننااادك
حمد ابتسم:فادي انا قد قلت لك عن سبب رفضي مو طمع والله
فادي:خلاااص ياخي الرجال مااات وعفن في قبره..هاات نصبيناا وريح عمرك واختك
حمد:هذا اللي تتكلم عنه جدك يافاادي
فادي:المهم..انا سمعت ان اختك انخطبت وهي رفضت..ياأخي البنت تبيني..وش فيك انت؟؟
حمد يبتسم:يعني انت اخبر مني بـ اختي؟
فادي:واثق من نفسك انت مرره..بس صدقني هـ الثقه ثمنهاا غاالي
حمد:وش رااح تسوي؟؟
فادي:لاتتحدااني ياحمد..ترا امك واختك مالهم غيرك
حمد:انا ماأخااف الا من ربي يافاادي..واذا انت ماتخاافه هـ الشي راجع لك
فادي:هـه!..كن ودك بـ مشكله ياولد العم؟؟
الليله اللي تسبق ليلة زواج مشاعل وزيـاد..
ام فهد:والله يامشـاعل اني بفقدتس..مدري وش بسوي من غيرتس
مشاعل تحاول تمنع دمعتها من النزوول:لا يمه ابزوورك كل يووووم..بخليك تقولين خلاااص يامشـاعل..اطلعي براا..ماأبيييييك
ام فهد:ههههههه..لا ماراح اقوول كذا
- احم!..ياورعاان..الحريم يتغطوون والبناات يتفصخوون..هههه
ام فهد:ههههههههه..الله يرجك من ولد
ماجد:هههههههههه..كيفكم ياحبيبااتي ونور حيـاتي
مشاعل:مرووق اليوم انت ع الاخــــر!
ماجد يجلس ع الكنب ويسترخي:من جد...اليوم مابقى مكاان مارحت له مع حموودي صديقي الجديد الحبيب
مشاعل:وين أيـام فرااس..يوم كنت تطره يطلع معك خمس دقايق بس
ماجد كشر:الله ياخذها من ايااام..والله اني خبل بس..الله يخلي حمد بس
ام فهد:الله يهيدك يامشااعل قلبتي النفسيـه فووق تحت
مشاعل:ههههههههههه..عشااني جبت طاري فراس؟
ماجد:مشيييييعل!..ورا ما تسكتين احسن لك ترااك قلبتي الموود
مشاعل تسكر فمها:خلااااااص..امزح امزح
ماجد يعدل جلسته:الا تعااالي يالخبله..وش انك مسويه بـ زيووودي.."وبـ المصري"..ياخطاافة الرجـاله!
مشاعل خاافت لايكوون زياد جااب طاري لـ ماجد:شي؟؟..زي ايش؟
ماجد:والله ان الرجال زال عقله..صااير كثير الشرود وكثير الهوااجيس لامحااله
مشاعل:هههههههههههه..توك متعلمها لامحااله؟
ماجد يحك رااسه ويقول بـ تردد:ايه اليوم قالها زيااد..وسرقتهاا..كيف حلوه؟..اعلق عليهاا؟
مشاعل:لالاخل لها شكـل لاتقولها الا في المناسباات
ماجد:اكيـد بقوولها لامحاله
ام فهد:ههههههههه..
مشاعل:ههههه..مجوودي ماجا دورك؟..تتزوج؟
ماجد:انا ماأبي الا داانه وغيرهاا ماراح اتزوج
ام فهد:طيب البنت ماتبيك...
ماجد:مااااالي دخل..اجل ماراح اتزوج
ام فهد:طيب وش معنى هـ البنت بالذاات؟؟..وش عرفك فيهاا
ماجد بـ بعدم اهتمام:اعرف اخووهاا وهم نااس محترمين..وهذا الي انا ابيـه
ام فهد:طيب انا ازوجك وحده من النـاس اللي نعرفهم وثقه..ومحترمين
ماجد:يمـه..منيب بنت انا تقولين ثقه وماثقه..انا انسـان ابغاا القى شريكة حيـاتي بـ نفسي
ام فهد تتنهد:انت وسعود نفس الطينه..كلكم رافضين الزواج
ماجد:احسـن لنا والله ..وش لنا بـ عواار الرااس.."ويقلد اصوات الحريم"..ماجد جب حليب..ماجد جب حفاايض..ماجد رح لـ الصيدليه..ماجد خل نروح لـ الدكتورر الورع مرتفعه حرارته...والله حاله
مشاعل:هههههههه..اهم شي الروع
ام فهد:وش عرفك بهـ الطلباات؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك