رواية مااحبك ومااعيش بدونك -34
جاني تركي وانا نايمه وجلس جنبي بالسرير ومسح على شعري وهو فرحان انه بيصير
ابو وبعدها صحيت ومشينا وطول الطريق اجنب اطالع بتركي ووصلنا الشقه وكانوا
البنات ينتظروني وعلى طول جاوا: ها خالي شصار
تركي وهو ماسكني : لا الحمدالله الحين هي بخير
وودني الغرفة وسدحني بالسرير وطلع للصاله وجلس على الكنبة
مها: شفيها عهود
تركي بفرحة: وش تتوقعون
رغد فهمت على طول فرحته : بتصير ابو
تركي والابتسامة شاقة حلقه : عليك نور
قاموا البنات وباركوا له ودق على امه وبشرها وامه فرحت وباركت له وابوه بعد واشتغل جواله
تبريكات من خواته واخوانه وانا كنت طول الوقت بالغرفة ابكي "ليه ياربي ليه ماابي طفل يربطني
بتركي اكثر ماابي اعذبه معي اخ خ خ "وجلست اضرب ببطني ابيه يطيح بس تعبت من كثر البكي
ونمت جاني تركي يصحيني : عهود قومي
سويت نفسي مااسمعه :...................
تركي: يلا قومي تعشي
لفيت على الجنب الثاني : ماابي
تركي: كلي لك شوي بس
عهود : قلت لك ماابي
تركي: عهود مايصير مو زين لك وللي ببطنك
عهود: احسن عشان يطيح وارتاح
ماحسيت بنفسي الا وانا بيدين تركي ووجهي بوجهه وكان معصب : عهود تعوذي من ابليس
واقصري الشر
بديت اصيح: كله منك انت قصيت على قلت لي ماراح احمل
تركي: هذا شئ الله كاتبه وانا ماقصيت عليك
جلست اضربه وابعده عني بس مافي فايدة: بعد انت كذاب بعد
تركي يحاول يهديني : خلاص ياقلبي ارضي بنصيبك وبكرة لما يكبر ببطنك بتحبينه وبتندمين انك
قلت الكلام ذا
عهود: لا ماراح اند انا ماابيه
تركي : ليه ماتبينه
وانا اشاهق : لانه بيربطني فيك طول عمري ماراح تطلقني
تركي انصدم للحين تفكر بالطلاق: .............
عهود: ليه خدعتني ليه تظلمني معك وتخليني اظلمه ليه
تركي: خلاص انتي ارتحي الحين واذا هديتي نتفاهم
عهود: ماراح يتغيير رايي
طلع تركي وتركني اكمل بكي تركني بهمي وراح وهو مطعون مني ومقهور لاني حرمته من انه
يفرح زيه زي أي رجال وهويسمع بخبر انه بيصير ابو بس مو كيفي مو قادرة افرح غصبن
عني وعارفة ان تركي مايستحق الي يصير له ونمت
اليوم الثاني صحيت الساعة عشر الصباح دخلت الحمام وتروشت وطلعن الصالة تركي شكله
راح الدوام والبنات نايمين خذيت لي عصير مع شيبس ليز بالخل وجلست اتفرج على التلفزيون
بس كنت موطية الصوت لاني ماابي ازعج البنات حطيت ايدي على بطني"ياربي مو حاسة
باحساس الامومة ياناس معقولة انا الحين حامل معقولة بصير ام طيب ليه مو حاسة بالشعور
هذا بس كل الحريم الي مثلي اشوفهم فرحانين وتبدى علامات الامومة تبان فيهم ليه انا
مو مثلهم لهدرجة قلبي قاسي وماعندي احساس اكيد ماعندي احساس ولا لو واحدة مكاني
كانت طايرة من الفرح بالحمل وفرحانة بزوج بمثل تركي وميته بحبه وهويستحق لانه رجل
طيب وحنون مع انه كثير الي قالوا انه نذل بس ماشفت نذالته طيب ليه مو قادرة احبه ليه "
وقطع على تفكيري رغد وهي تبوسني: مبروك عهود
عهود: الله يبارك فيك
رغد: شلونك الحين ان شاءالله احسن
عهود: الحمدالله احسن شوي
رغد شهقت : هعود ايش ذا
عهود خفت من شهقتها: شفيك
رغد: حرام عليك بتذبحين معدتك من الصباح وتاكلين شيبس بالخل
عهود وانا اكمل اكل: مشتهيته يارغد موت
رغد: وانت ياماتاكلين او تلهطين بالخرابيط ذي
عهود وانا اضحك:اشوفكي قلبتي خالك
رغد تضحك: من عاشر قوم
عهود:هههه
رغد: طيب انا بروح اسوي لي فطور وبسوي لك معي واتركي الشيبس ذا عنك
عهود: مو مشتهيه اكل شئ
رغد: حرام عليك بتذبحين نفسك من متى مااكلتي وجبه زي الناس
عهود: والله يارغد مو مني كل مااكلت حاجه على طول الحمام استفرغها ومليت عشان كذا مااتعب
حالي
رغد: طيب ماعطتك الدكتورة حاجة توقفها
عهود وانا اهز كتوفي: مو عارفه لانها كلمت تركي
رغد : اوكي حاولي على الاقل لو شوي
عهود: اوكي بجي معك
رغد: لا ياحبيبتي ناوية علينا من الخال يقول الحين شغلتوها
عهود: بتفرج عليك بس واوريك اماكن الاشياء
رغد: اذا كذا يلا
الجزء الثاني والعشرون .........
ودخلنا المطبخ وجهزت رغد الفطور وطلعت لحم مفروم عشان بتسوي محشي كوسا للغدا
وبعدها فطرنا واكلت اشوي بس وبعدين صلينا الظهر وجلست مها وراحو المطبخ وخلوني
بالصالة عشان يسون الغدا مع اني قلت لهم مايحتاج تركي بيجب معه بس مارضوا
الساعة ثنتين دخل تركي وشافني نايمة على الكنب وجلس عندي
تركي: عهود
عهود: مم
تركي: قومي نامي داخل
عهود: لا مافيني نوم بس انسدحت اريح شوي
تركي: شلونك الحين
عهود "يالله بيذبحني الانسان هذا على كل الي اسويه فيه ولسته طيب وحنون معي ويخاف علي
والله ياتركي انا مااستاهلك انت تستاهل واحدة تقدرك وتحسسك بقيمتك ":الحمدالله
تركي يساعدني على الجلوس: مم ..عهود
عهود: نعم
تركي: انت قلتي لامك
عهود: اقولها ايش
تركي بتردد خايف اني ارجع لحالتي الي امس :انك ..حامل
عهود سكت بعدين تكلمت : لا ماقلت
تركي: شوفي ياقلبي هذا شئ صار ومامنه مفر ولازم تعودين نفسك عليه وتتقبلينه
عهود : بس مو قادرة غصب عني مو قادرة احس فيه ولا قادرة اتقبله
تركي بهدوء خالاني اروق منه: ياحبيبتي طبيعي هالشئ الحين لانك رافضة الفكرة بس لما تعودين
نفسك عليه بتحسين فيه و بعدين الاهم من هذا كله مو انتي تبين تفرحين امك وتنسينها مرضها
عهود هزيت راسي بمعنى "ايه":.........
تركي: وهذا الخبر بيفرحها وبينسيها واذا مو متقبله حملك عشاني وعشانك تقبليه عشان امك
عهود سكت وفكرت بكلامه " صح الشئ الايجابي من السالفه هاذي انه بيفرح امي ":.........
تركي : شرايك نكلمها ونخبرها مع بعض
عهود هزيت راسي له بالوافقه
ودقينا عليها وبشرناها وافرحت كثير واحسها طارت من الفرحه وجلست توصي تركي علي وتدعي
لنا وهي تصيح بعدها كلمني اخوي عبدالله وبارك لي وهو فرح بعد وعمر بعد مو مصدق انه بيصير خال
وسكرت منهم بس مافرحت مثلهم فكرت لما اكلمهم يمكن احس بفرحتهم بس الظاهر مثل ماتوقعت انا
عديمة احساس
تركي: وش مشتهية تأكلين على الغدا
عهود: رغد ومها سوو غدا
تركي بعتب: ليه خليتيهم كان قلتي لهم اني بجيب
عهود: قلت لهم بس قالوا انه اكل المطاعم مو زينة لي
تركي : اذا كذا اوكي وبعدين بيني وبينك خلي قيهم منفعة
مها: أي قول كذا جايبنا عشان تكرفنا ها
تركي: بسم الله من وين طلعتي انت
مها: من الارض
تركي: ايه فقع الظاهر انتي
رغد: لا تضيع الموضوع
تركي: كملت .... المهم ايش طابخين لنا
مها : محشي كوسا
تركي: حلو بس الله يستر الصراحة انا مو مستغني عن نفسي وعن حرمتي
رغد رافعت حاجبها : وانت يحصلك انت ومرتك ان انا ومها نطبخ لكم
عهود: انا شدخلني هو الي تكلم خلاص لا تخلونه ياكل
تركي: واهون عليك
عهود: ايه لاني انا مو مااكله عشان كذا لا تاكل مثل ماولدك حارمني من الاكل انت لاوم تنحرم
تركي: الله عليك تبين تموتيني جوع
عهود: ياسلام وهذاني مامت
تركي: ايه انتي عندك الي يصبرك خرابيطك وانا مااحبهم وش اكل
عهود: والله شف لك حل يخليني اقدر اكل من غير مااخاف اني اشتفرغه
تركي: اها عشان كذا مو مشتهية تاكلين ولا يهمك اليوم العصر نروح للدكتورة تعطيك حبوب للوعة
عهود: ماراح تفيد لاني شفت مرتي خال تاخذهم ولا استفادت منهم
تركي : طيب انتي مشتهية حاجة اجيبها لك
عهود: لا تغدوا انتوا بس ابي تفاحة
تركي: ياعهود لازم تتغذين عشانك وعشان الي ببطنك
عهود تنرفزت لما ذكرني فيه: لا تخاف الي ببطني بيتغذى سواء كلت ولا مااكلت
تركي ماحب يفتح نقاش معي : يلا رغد حطوا الغدا وانا بروح اغير
حطوا الغدا وجلسوا وسال تركي عن سمر وبدور وقالوا انهم مايتغدون وعشانهم سهرانين
ماراح يجلسون الحين مر علينا يومين وانا لسة ماتقبلت الوضع عكس تركي الي الفرحة
باينا من عيونه
الساعة واحدة بالليل جالسين انا والبنات نتفرج على فلم مرعب
عهود: تدرون ايش مشتهيه
البنات : لا رد كانو مندمجين مع الفيلم
عهود اخذت مخدة وخبطت رغد
رغد: أي
عهود: احسن اجل اكلمك ماتردين
رغد: شتبين
عهود: اقولك تدرين ايش مشتهية
رغد: ايش
عهود: ورق عنب
مها: ولا يهمك الحين نسوي
عهود: وانا بنتظر لحد ماتقومون وتجهزونه
رغد: اجل وش بتسوين
عهود بخبث: الحين اعلمكم
وقمت دخلت الغرفة وتركي كان نايم وشغلت الانوار كلها ورحت جلست على السرير ورفعت الغطا
عنه : تركي ..تركي قوم
تركي: عهود خليني نايم عشر دقايق بس
عهود ضحكت يحسبني اجلسه للدوام : تركي تررررررررركي
تركي : صحيت .. صحيت
عهود: قوم عشان تجيب لي ورق عنب
تركي فتح عيونه : كم الساعة الحين
عهود: واحده ونص الليل
تركي : عهود حرام عليك مجلستين الوقت ذا ليش
عهود وانا اتربع على السرير : ابيك تقوم تجيب لي ورق عنب
تركي بتعب : من وين اجيب لك بالوقت ذا ورق عنب روحي قولي للبنات يسون لك
عهود: وانا ايش يصبرني على مايسوونه نمت
تركي: من وين اجيب لك
عهود: المطاعم موجودة
تركي : واي مطعم فاتح لك
عهود: مالي خص ابي ورق عنب الحين قوم دبر نفسك
تركي يجلس : عهود رحميني صار لي يومين مو نايم زي الناس منك
عهود: وانا ايش دخلني والله هذا ولدك
تركي بقهر: ولدي ها اجل ياالظالمة تخليني انام على الكنب القصير رجولي وظهري تكسروا
عهود وانا اضم المخدة: مو مني اذا ولدك مو مشتهيك ولا تضيع الموضوع ابي ورق عنب الحين
تركي بتنهيدة: امري لله
قام وغسل وجهه ولبس له ثوب بيت وطلع شاف البنات جالسين وهم استغربوا منه
رغد: خالي لا يكون ازعجناك
تركي يطالعني بقهر : لا بس عهود تبي ورق عنب بروح اجيبه لها تبون شئ انتوا
مها تطالعني بلوم: لا خالي لا تتعب نفسك روح نام واحنا نسويه لها الحين
تركي: لا مايحتاج على مايستوى تهون انا ماصدقت تبي شئ زي الناس تاكله
تركي وهو عند الباب :تركي
تركي: يانعم
عهود: جيب لي من كذا مطعم يمكن مايعجبني من مطعم واحد
تركي :حاضر شئ ثاني
عهود: لا بس اذا في بدق عليك ..ايه صح بيبسي
تركي: لا بيبسي لا يضرك تبين عصير
عهود وانا مبرطمة: ايه وجب ايس كريم بعد قول يضر
تركي: لا مايضر
وطلع وعلى طول لفوا على رغد ومها: حرام عليك وراه دوام بكرة
عهود: والله يتحمل شئ يبيه مو بس انا اتحمل تعب الحمل
رغد: اوكي بس مو كذا
عهود: شوفي الصراحة انا الوحم عندي بالاشياء الي تتعبه وغير كذا صايرة مااشتهي اشوفه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك