رواية مااحبك ومااعيش بدونك -47


رواية مااحبك ومااعيش بدونك -47

رواية مااحبك ومااعيش بدونك -47

عهود بدلع :تركي والله ماراح احرك شئ من طوله بس من قدام "ومسكت ايده "الله يخليك مليت منه
تركي مستغرب مني :ها
عهود كملت بدلع :تركي خلني احس بالتغيير شوي يلا عاد لا تردني
تركي تنح :ها
عهود ضحكت على شكله :ترركي
تركي :بس ماينقص طوله اشوف فتحيه
عهود:طيب
وفتحته له وشاف طوله وضحكني لما قال جيبي المتر عشان يعرف طوله بالظبط
الجزء الثلاثون........
نجود:والله ياعهود شاكة اني حامل
عهود:والله
نجود:والله بس اخاف اقول لطلال ونروح نحلل ومايصير شئ واتفشل
عهود:يذكية في اسمه التحاليل المنزلي خلي نواف يجيبه لك من الصيدلية
نجود:مافي الا هذا الحل ....ماقلتي لي خلاصتي تجهيزات
عهود:ايه بس سكتي ياشيخة خايفة مرة
نجود:من ايش
عهود:ياشيخة صار ت لي عقدة من الحمل الصراحة مت وحيت وانا اولد
نجود ببلاهة :طيب انت ولدت وخلصتي
عهود:يافهيمة يعني ماراح احمل مرة ثانية
نجود استوعبت:اها طيب خذي موانع
عهود:بس الي عندي مو راضي واخاف يقص على مثل ذيك المرة
نجود تستهبل :طيب عادي كثري النسل
عهود عصبت عليها:كلي تبن ان شاءالله تحملين وتذوقين الي ذقته من الحمل
نجود :طيب وش بتسوين
عهود:ماني عارفة
نجود حبت تغير الموضوع :طيب قصيتي شعرك
عهود:ايه بس من قدام وخصلته بخصل حمرا مايله للعنابي الغامق
نجود:اهم شئ عجبك ...وش راي تركي
عهود:انا عاجبني كثير اما تركي معصب على اني ما خليته يشوفه
نجود:ليه
عهود:بس خليها مفجأة
نجود :على راحتك
عهود:ماقلت لك تذكرين التافه الي كان دايم يرسل لي
نجود:ايه وش فيه
عهود:مازال يرسل وهالمرة يرسل لي مقاطع فديو خايسة وماني عارفة ايش اسوي
ولا قام يدق ويرسل يترجاني ارد والي مخوفني موت انه يعرف اسمي ويعرف كل شئ عني
نجود شهقت :كذابة
عهود:والله قولي لي شسوي
نجود:ياعهود هذا شكله ناوي شئ قولي لتركي احسن
عهود:خايفة يخانقني ويقولي ليه ماقلت له من قبل
نجود:طيب قولي لعبدالله
عهود:ولو بيوصل الخبر لتركي وبتصير مصيبتي مصيبتين بيقول ليه ماقلت له وقلت لاخوي
نجود:مدري والله بس افضل انك تقولين لتركي وهو بيتصرف معه وحتى لو خانقك تقدرين تراضينه
بليلة حمرا ههههههههههههههه
عهود:ضحكت بلا ضروس اشوف ماشاءالله خبرة لايكون تسوينها
نجود:كلي تبن
عهود:أي قولي كذا تشوفين الشيخ طلال يزعل منك عشان تراضينه صح
نجود:تبن الصراحة أي ومصخها بعد
عهود:ههههههه طيب حبيبتي مااطول عليك هنوفة تصيح
نجود:اوكي بوسي لي اياها
عهود:اوكي


اليوم تركي مسوي حفلة بمزرعتهم لي وهنوفة ومرة واحدة نرجع الدمام ...تجهزت ورحت
مشغل وخليتهم يسون لي شعري مرول فطلع رهيب مع قصتي من قدام قصيته كوكتيل
وكل القص خليته بقدلتي لانها طويلة وكثيفة ومع الخصل صار رهيب وخليتهم يحطون لي
مكياج هادي لان الكل يقول ان الهادي يبرز جمالي ولبست فستان احمر خمري لوني المفضل
قصير للركبة وكان ناعم مرة مع جزمة سيور لنص ساقي وحطيت لي حنة بيديني ورجولي



وان شاءالله تعجبكم البارتات حبايبي ولا تخافون ان شاءالله الاسبوع هذا تكون القصة كاملة عندكم
الجزء الثلاثون
الجزء الثاني .................
وصلت الاستراحة وانبسطنا وفرفشنا على الساعة 12 دق تركي وقال بنمشي وكان زعلان
مني لاني رفضت اخليه يشوفني قبل وبعد الحفلة ركبت السيارة انا ونوفة :السلام
تركي :وعليكم السلام ان شاءالله انبسطتي
عهود :الحمدالله وانت
تركي :يهمك
عهود"أي يهمني ":على راحتك ماتبي تجاوب كيفك
مشينا وكان الهدوء عام الا من صوت الهنوف وصلنا الشقة ودخلنا على شقتي الجديدة
كانت مرة رهيبة واكبر من الي قبل دخلت الصالة وانا مازلت لابسة عبايتي اندهشت من
الي مسويه تركي كان ماليها صور لنوفه ومجهز كيكة مطبوع عليها صورتها وكاتب
الحمدالله على السلامة ياقلب بابا
عهود:الله متى لحقت تسوي كل هذا
تركي اخذ هنوفة :كل شئ لحبيبة ابوها يصير
عهود"ااااه ياتركي كل مرة تكبر بعيني وكل مرة حبك يتغلغل قلبي ":اهم
تركي يطالع فيني :مطولة ماراح تفسخين العباية
عهود ارتبكت "ياربي ماابي بس هو بيفهم قصدي غلط وبيظن ان ماابيه ":طيب
فسخت عبايتي وحطيتها على الكنبة وبعدها فتحت شعري
تركي بنظرات اعجاب :................
عهود "ياربي بذوب من نظرته ":تركي
تركي :عيون وروح تركي
عهود"ياربي هذا الي مابيه ":مم وين فجر
تركي كشر وحط هنوف بسريرها وقرب مني :تركيها عنك الحين وخلينا فيك
عهود خجلت من نظراته لي :ماراح تفرجني على الشقة
تركي :بعدين "قزني من فوقي لتحتي "وان شاءالله هذ الي لبستيه اليوم
عهود:يالله تركي ليه تحب تخرب على
تركي :شوفي بعديها لك هالمرة بس مرة ثانية ماتلبسين كذا
عهود:طيب ..ماقلت لي وش رايك بشعري
تركي تذكر:ايه صح خليني اجيب المتر
عهود توقعته يمزح راح وجابه :تركي من صدقك
تركي وهو يلفني :لا امزح معك اجل
عهود:تطمنت
تركي : طبعا
عهود: ماقلت لي شرايك بالنيو لوك
تركي طالعني بنظرات تحرق :رهيبة
عهود:مم طيب وين غرفة النوم ابي اريح تعبانة
تركي بخبث:والله حتى انا تعالي اوريك اياها
عهود"ياويلي ليتني ماتكلمت "ومسكني من ايدي وودني للغرفة كانت نفس اثاث غرفتي
الي قبل بس شكل الغرفة غير وديكورها غير ...جيت بروح الحمام مسكني :وين
عهود:بروح الحمام اغير
تركي :طيب انا لسه ماشبعت
عهود حمرت منه :........
تركي قرب مني ومسكني من خصري وحرقني من انفاسه القريبة مني "ياربي ماابي خايفة "بعدته عني
بس ولا كاني اسوي شئ بديت اصيح واشاهق
تركي انفجع :عهود وش فيك
عهود وانا اصيح :.........................
تركي : عهود لاتجنني تكلمي وش فيك "ورجع حضني "
عهود زاد صياحي :................
تركي :ياقلبي وش فيك تكلمي
عهود:ما..بي
تركي : وش الي ماتبين
عهود"ياربي شقول له ":مابي تنام عندي الليلة
عم السكوت حتى ظنيت انه طلع فتحت عيوني واشوفه بوجهي والشرار يطلع من عيونه :وبعدين معاك
عهود زاد صياحي :.....
تركي مفور : وليه ماتبين انام هنا
عهود:................
صحت هنوف من صوته وصاحت مفزوعة رحت لها وحاولت اسكتها مو راضيه خايفة
عهود:شفت خوفتها
تركي من بين اسنانه :سكتي عني تراها واصله معي
وطلع من الغرفة بعد مارزع الباب من قهره "طيب وش ذنبي خايفة وهو مو فاهم ولا حاول يفهمني
بعد محاولات قدرت انوم هنوف رحت الحمام تروشت ولبست لي بيجامة وطلعت ادوره
شفته بالصاله متمدد على الكنبة ومغطي وجهه بيدينه
جلست على الكنبة الي مقابلته وبتردد:تركي
تركي :................
عهود"لازم افهمه خوفي مابيه يزعل مني ":تركي نمت
تركي والقهر باين :خير عهود والي يرحم والدايك تركيني
عهود خفت من صوته بس "ماراح اخليك تنام لحد ماتفهم سبب رفضي :طيب اسمعني
تركي :ايش تبيني اسمع
عهود:تركي انا لما قلت ماابيك مو معنا اني مو طايقتك انا
تركي عدل جلسته :انت ايش خلاص ياعهود جننتيني اجيك يمين تجين يسار اجيك يسار تجين يمين
عهود "لازم اقوي قلبي :تركي اسمعني من غير ماتقاطعني
تركي :تكلمي خلصي
عهود غمضت عيوني :شوف انا مابيك تقرب مني لاني خايفة
تركي قام بسرعة لعندي :خايفة من ايش
عهود ومازلت مغمضة عيوني وماسكة نفسي مااصيح وبسرعة :ماابي احمل
فجأة :ههههههههههههههههههههههه
فتحت عيوني متفجأة وطالعت فيه :................
بعدها سكت وحضن وجهي بيديه :يعني منتي نافرة مني بس خوف
عهود وانا خجلانة :أي
تركي بتنهيده :طيحتي قلبي ياشيخة
عهود:يعني مو زعلان
تركي :لا بس ليه ماتبين تحملين
عهود:تركي الصراحة ذقت الموت وانا اولد وماابي احمل الحين
تركي بضحكة :وبعدين مو ناوية تجيبين لهنوف اخو
عهود :ها مدري بس مابيك تقرب مني لاني اكيد بحمل وماابي الحين على الاقل عطني
فترة راحة
تركي :بس في موانع ماتخليك تحملين
عهود:ايه كثر منها
تركي :طيب بكرة ان شاءالله نروح للدكتورة ونخليها توصف لك طيب "وغمز لي "في شئ ثاني
عهود "ياربي يحب يحرجني ":تركي
تركي :طيب قومي ننام
عهود فتحت عيوني :ها
تركي :هههههه ننام بس لاتخافين

اليوم الثاني رحنا للدكتورة ووصفت لي موانع الحمل وحاولت اقاومه لاني مازلت خايفة ومو
ضامنه بس تركي جبرني
مر الاسبوع علينا وانا في قمت السعادة ووصل اخوي عمر عندي وفرجته على غرفته
وانبسط منها وصار يساعدني بهنوف اذا تعبت منها بس الي مضايقني وجود فجر بحياته
وصاحب الرسايل
بعد الغدا جلسنا انا وتركي يالصالة وعمر بالغرفة يذكر وماخذ نوفه تونسه
عهود:تركي
تركي :هلا
عهود:بقول لك شئ بس لاتعصب
تركي :تصدقين اخاف من الي بيطلع من فمك لما تقولين كذا
عهود:اوعدني انك ماتعصب
تركي :اوعدك تكلمي
عهود مديت جوالي له :خذ
تركي باستغراب :وش فيه جوالك
عهود وانا مترددة :من اول ماتزوجت وانا تجيني رسايل من رقم مااعرفة وبعدها قام يرسل مقاطع فديو وصخة
وصار يصر على ويبيني ارد عليه
تركي : وانت مامرة رديتي عليه
عهود:لا بس مرة كنت نايمة ورفعتها من غير ماشوف الرقم وماعدتها
تركي بتفهم :طيب ليه ماقلتي من قبل
عهود:توقعته بيمل ويتركني
تركي :طيب خلي جوالك عندي وانا اعرف اتصرف
عهود:يعني مو زعلان
تركي :لا مادمك جيتيني ماراح ازعل ..يلا تبين شئ
عهود:وين
تركي :خلاص اليوم يبدء الجدول
عهود تضايقت مابيه يروح لها بس مااقدر اقول له شئ :طيب
تركي :هذا عمر عندك واذا تبين شئ هذا الباب بالباب شفت الي عند المطبخ هذا يدخل على شقة
فجر
عهود:طيب
يالله قد ايش انقهرت يوم سمعته ينطق باسمها "انت الي جبتيه لنفسك ياعهود تحملي ..اهم حاجة
عندي انه معي لاني ماتخيل حياتي دونه "
الجزء الواحد والثلاثون ..........
يوم الاربعاء تجهزنا لانا بننزل الحسا نزلنا وعلى طول رحت ركبت قدام مع نوفة قبل لاتجي فجر
وعمر ركب ورى واستلم pspوجلس يلعب جات فجر وركبت ورى وهي مفورة مني اني ركبت
قبلها ركب تركي بس ماانتبه اني جالسة جنبه بس يوم سمع صوت نوفة لف علي
وهو مو مصدق :عهود


يتبع ,,,,
👇👇👇
أحدث أقدم