بارت مقترح

رواية عسكر القلب جيش حبك -10

رواية عسكر القلب جيش حبك - غرام

رواية عسكر القلب جيش حبك -10

خلود:ايه شو تحرنا خايسات
حمد:لا سرنكيات ..وطول على غنية ميحد حمد
احبك يانظر عيني غناتي
احب الارض الي تمشي عليها
واحبك حتى اكثر من حياتي
واسوم الروح لجلك واشتريها
وتم يسولهن حركات ويبس ويحرك اكتوفه وخمس عليهن وظهر
خلود: بسيرين مريوم
مريم:لا مافيه تعبانه
روضه: تعبانه والا عبد الله بي الحين
مريم: والله الصراحة حق الاثنين
خلود:احمدوه بسير ويانا
احمد: بسير
روضه: هل والد غريب توه يصيح من طرينا الروحة نش ولا فيه شئ
مريم: صلي على نبيج بتاكلين الولد
روضه: اللهم صلي وسلم عليه ... كلامي صج انزين
خلود:انسير ابركلنا كل مكان حد يهزبنا
روضه:خلاص من هاجر من هنيه
مريم: صدقن بتهداء الدنيا
روضه وخلود حطن ايدهن على خواصرهن ورمس مع بعض: ليش ان شاء الله شافتنا بالعات راديوا
مريم:عنبوه هب حسوس عليكم شو مركبات مكرفون
وتركض وراها خلود ومريم تركض كان دح في رايلها وتندعس وراه
مريوم:الحقني بو احمد
عبد الله:ههههههه شفيكن
خلود:هاه عبد الله شحالك وتسلم عليه
عبد الله: ويمسكها من اذنها ..يا الوتيه تراج مسلمه عليه الصبح
خلود:فديتك مشتاقتلك
عبد الله:خلي عنج شتبين حرمتي
خلود: والله ما سكتها
عبد الله:ليش كنتي بسكينها
خلود:لا فديتك انا... وسير تلوي على مريم ..احبها انا
عبد الله: زين عيل هذا الحب يعني
روضه:تراها تربع ورا مريم تبا تحبها ومريم تشرد
خلود:هيه
عبد الله: ليش تشردين..ويلف صوب حرمته
مريم:هاه اخاف اقرح
خلود ورا عبد الله تشلح على ايدنها وتقولها براويج بعدين
روضه:هههههههه حلوه
مريم:عيل رقميها
روضه:اوه نسيت الرقم
خلود:سير

::::::::::::::::::::::::
ظهر وسارصوب بيت علوي بقعدن عندها
دشن توهن البيت لاقفهن مصبح
مصبح:شحالكن بنات العم
خلود وروضه:بخير الحمد لله
مصبح:مرحبا بريالنا العود
احمد:مرحبن باجي
مصبح ويوخي عليه:خشمك ..ويوايهه
احمد:هاه وين بسير
مصبح: والله ساير عند الربع
مصبح يلتفت صوب روضه وخلود:تبن عليا تراها في غرفتها
روضه: انزين يله احمد
مصبح:احمد بسير وياي
روضه:بس اتصل في عبد الله و خبره انك بتشله
مصبح:ازين ..تبين شئ
خلود:هيه هوى ههههههههه
مصبح:عيل بيبلج من مستشفى الجيمي اكسجين ونحن ياين
روضه:هههههههههههه
خلود:تتمصخر
مصبح:لا اجرب صدقين ههههههه
خلود: ويها استوا احمر من التعصيب
سار مصبح سيارته ..بنات رقن عند عليا
::::::::::::::::::
دقن الباب كان عليا مطوله على صوت المسجل ومحطيا غنيه عيضه مصدر جنوني
::::::::::::
وين يامن تسهر عيوني مت والا حي يالغالي
اذكر انك مصدر جنوني وكل مايخطر على بالي
انسيت انساك وتهوني في دقيقه ينقلب حالي
كيف ترضى عايش بدوني وانت بك تتعلق آمالي
:::::::::: دشت خلود دقتها خشم ومسك عصى عند عليا وترزف :هيه يابس يابس
عليا:عاشوووووووواااا هيه ماروم بو خالد
روضه: ايه اسمها خلود مب خالد
عليا:ادري بس قلب ولد ههههههه
روضه:ههههههههههه
خلود: وترمس ويا عيضه في المقطع الي يرمس وياه وسي مثل حركات عيضه ويايدنها تقلد عيضه
خلود: هي خلاصه حب وشجوني ...
روضه:لالالا دخيلج لا تقلدين عيضه
عليا:ليش تعديتي على حقوق الحركات تراج هههههه
خلود: مره وده هوه اني اقلده
روضه: طاح حظه مالقى الا انتي
خلود: هاه هباتج
عليا: تشقح
روضه: ودقات قلبج
عليا: ترتوب
خلود وتيلس عليا على الشربيه: هاه تقولين شفتيه
روضه: هيه شفتيه
عليا: منوه
خلود: منو بعد بطي
عليا: قصدكم الشيخ بطي بن خلفان
روضه: شيخته بعد
خلود: شاخت ركبه وركبج وياه
عليا: يعله بلاج ان شاء الله شتبينه
خلود: انزين انزين خلصينا شفتيه
عليا: شفته وعيوني ماترى
روضه وتعطيها على راسها : هيه شفيج تستهبلين
عليا تمسح على مكان الضربه: اه تعور ..استهبلكن ... ونشت من الشربيه ..شو بعد شفته هيه شفته
خلود: زين سلمتي عليه
روضه:قصورها بعد
عليا:والله ههههههه هلي قاصر بعد
خلود:مالت عليج قلت رمسها
روضه: يه قلت شفتيه صدفه ورمسج
عليا:لا رمسته بس شفته يوم توهم بيضهرون
خلود: مالت عليج وطول على عيضه وتمت ترزف والبنات قعدن ينعشن ولي ترقص يعني ارتبشن مع الاغنيه ...

في الوثبه

فطامي كانت باجر اول يوم لها بداوم مسويه حفله انها بترد تدرس
وترتب شنطتها وشو عليها وماعليها وقاعده البنت تحظر حق الدرس اليديد بعد ماخلصت سارت وتصلت في سلامه
فطامي: الو...
سلطان:هلا والله شحالج
فطامي: بخير اخبارك بو ميد
سلطان !!!: هاه زين
فطامي: بغيت سلامه
سلطان:شو بغتيها
فطامي: أوف ..اباها ابا رمسها
سلطان: استني شوي ..ثاني مره لا تتاففين
فطامي: انزين
سلطان: سلامــــــــــــــــــــــــــــــــــــه تعالي تلفووووووووووون
سلامي: هاه يايه ... منو على التلفون
سلطان: فطامي
سلامي: ألو
فطامي: ألو نص ساعه الاميره ترد على التلفون
سلامي: كنت فوق لين نزلت
فطامي: انزين اقول بغيت اقولج متى بسون حفله التخرج
سلامي: مادري يمكن سبوع الياي
فطامي: جهزتي حق الحقله
سلامي: لا
فطامي: ياسلام عليج شاطره حبيبتي ان شاء الله متى بواحيلج
سلامي: بشوف
فطامي: خلي هذا اخوج ماعنده شغله يوديج
سلامي: سلطان ..لالا بسافر ماعنده وقت بسير هيا الدريول
فطامي: زين متى بسافر هو؟؟
سلامي: اخر الاسبوع
فطامي: خليه يشلج الحين
سلامي: ما بسير من دونج وبعدين مالي خاطر
فطامي: اوكيه باجر انا عندي وقت بسير وياج انزين
سلامي: انزين ..صكت عنها فطامي
سلطان: عن شو ترمسن
سلامي: تسال شتريت حق حفله التخرج
سلطان: ازين شو دخل سلطان
سلامي: اتقول خليه يوصلج السوق
سلطان: يله جان تبين سيرين
سلامي: مالي خاطر
سلطان: بوديج الي تبينه
سلامي بالها من متى: هيه بسير دبي بس على حسابك
سلطان: انزين يله
سلامي: تنش بسير
سلطان: وين رايحه
سلامي: اتلبس عباتي
سلطان: تصلي في فطامي وخبريها
سلامي:آها ..اوكيه بتصلبها فوق
سلطان: لا هنيه
تصلت في بيت عمها
فطامي: ألو
سلامي: هلا اقول فطامي بسيرين هيانا
فطامي: وين
سلامي: سلطان بوديني دبي وسيري ويانا
فطامي: لا ماريد
سلامي: ليش
سلطان خذ السماعه عن ايد سلامي: الحين تتلبسين بسرعه ياينج الحين
فطامي: ماريد غصب اسير
سلطان: هيه يله اشوف
سلامي بصوت مرتفع: فطاااامي دخيلج
فطامي:خلاص بسير بس تراه مب عشانك عشان سلامي
سلطان:ههه انزين يله بسيره
فطامي: اوكيه باي
سلطان: باين
سارت فطامي تخبرابوها وامها وطاعوا وبعدين سارت سبحت وتلبس عباتها وحطت الغشوه على راسها وظهرت عند الحوش تترياهم يا سلطان وسيارته العنابيه ستيشن
ركبت فطامي: السلام عليكم
الجميع: وعليكم السلام
فطامي: اخباركم
سلطان: موجز على جزيره
فطامي:ههههههههه حلوه
سلطان: رقميها
ظهروا من البيت صوب دبي وتشرن الي يبنه وبعدين ساروا صوب مدينه البوم الساحيه وعشاهن هناك سلطان كان قاعد يسولف طول الوقت وهن مستانسات ساروا بعدين الوثبه وكل واحد في بيتهم

اليوم الاول الي داومه تفيه فطامي كانن البنات مسوياتلها حفله على سلامتها ... ويوم دشت الصف فرن عليها البلونات وترابعن البنات صوبها فطامي تفاجأت وايد وستانست وتمن يرمس وياها وابلاتها كانن وياها ويقعدت سولف خذ كل الحصص فراغ وقعد يسولفن البنات ويضحن وياها
بنات مرتبشات على الفصحه عاد حطن الاكل وسولها كيكه كبيره حق سلامتها مكتوب عليا(( الحمد الله على السلامتج يافطامي)) وكل عاد ربعها تمن يعنن حقها والي كاتبه قصيده ومسواتلها استعراض
اول شئ بنات لبسن كنادير اولاد وتمن يرزفن
وبعدين عاد الي تعد قصيد والي شل وبعدين شغلن المسجل وتمن يرقص عشانها وفطامي طايره من الفرح وشما وعايشه قاعدات عدالها عاد اخر شئ هن شلن حق فطامي شله لحمد العامري وايد تحبها
:::::::::::::::::::::
مالوم عيني تسهر عليك وحلمك في غمضه عيوني
طبعك حلو ميت انا فيك والي شراتك من يكوني
ملاك لاكن من يساوك انتي الذي ساكن عيوني
اغليك يا المحبوب واغليك غصبن على ناس عذلوني
لوذقت منك هجر بعطيك حب وغلا واحلا شجوني
::::::::::::::::::::::::
عاد رجعت من البيت وشاله اكياس الهدايا وياها
يدوه: فطامي شو يايبه وياج
فطامي: توطي الاكياس... يدوه ما دريتي اليوم والله مستانسه سولي حفله حق سلامي ولو شفتي البنات
يدوه: زين والله تستاهلين بنت سعيد
فطامي: بسير الحين سمحيلي
يدوه: ماتبين غدى
فطامي: بسني ماريد
يدوه: براحتج
سارت فطامي غرفتها وتسبحت وصلت صلاة الظهر ..وفجت ثلاجتها وظهرت بيبسي وحلاوه وقاعده على الكنبه وبعدين سارت ومشطت شعرها وتمت طالع عمرها في المرايه وذكرت يوم كانت تلعب بقصتها وشفاها بطي تمت تذكر شكل بطي وملامحه وعيونه الناعسه السود ويوم كان راكب الخيل ويلوح بيده ..بتسمت ولفت شعرها لبست كندورتها وظهرت من حجرتها كانت تمشي في الليوان ...شوي وايقت في الدريشه شافت لقزز سوده خاري البيت واقفه ....
فطامي: هذي سيارة منو؟؟؟؟
شوي الا تشوف بطي لابس كندوره بيضه عربيه ومتغدر بغتره حمره ويضحك ويأشر على زاويه في البيت
فطامي من شافته تم بطنها يعورها وترتجف ..احساس اول مره تحسه فطامي حست بعمرها عنها غريبه شوي تمت تقول انا شفيني بس حست بفرحه غريبه نزلت تحت وتمت تمشي وطالع بطي و محمد كانوا يرمسوا يدوه خاري وتمت طالع حركات بطي ويحرك ايده ويوم يضحك تموت لان غمازيته يظهرن
فطامي: والله انه عذاب هالريال ياربي من وين يايب عالحلاه
ظهرت من الباب الباب الي عدال المطبخ وسارت سويلهم فواله وزقرت البشكاره توصل الفواله حقهم وبعدين ظهرت من المطبخ صوب البيت
يدوه: تغديتوا
محمد:لا والله اني يوعان
يدوه: تصل بفطامي تحطيلكم الغدى
محمد:ألو
فطامي: هلا
محمد: الغاليه حطي غدى
فطامي: فالك طيب
محمد: فالج مايخيب
سارت صوب المطبخ وغرفت الغدى وسارت صوب البشكاره دق عليها كانت بشكاره تسبح
فتصلت لمحمد: الو تعال شل الغدى
محمد: انزين بس تقربي شوي
فطامي تغشت وشلت صينيت الغدى ومشت شوي نش محمد صوبها
بطي رفع راسه شاف فطامي : شحالج شيخه عساج بخير
فطامي: يسرك الحال من صوبك
بطي: يسرج الحال
فطامي دشت داخل وتمت طالعهم من الدريشه ظهرت امها من سمعت صوت الباب يفج قعدت بسرعه
ام محمد: فطامي شو سوين هنيه
فطامي: هاه امايه قاعده كنت ابا اقعد عند يدوه
ام محمد: وين امي
فطامي: خاري بطي عندها
ام محمد: هيه زين عيل
فطامي: ابويه وين
ام محمد: احيده في الشركته وبعدين بسير المزرعه
فطامي: هيه عيل اليوم بيتخر
ام محمد: الله يعلم يمكن أي بدري
ام محمد ظهرت صوب بطي سلم عليه: مرحبا الساع
بطي: مرحبن باجي وينش ... شحالج خالتي
ام محمد:يسرك الحال شحال عربانك
بطي: يشقحون
ام محمد: قعد كل
بطي: بسي
يدوه: وين ماكلت شئ
بطي: قصيت الصنيه بعدني ماكلت الحمد لله شبعت
سار صوب الصاله وتغسل ورجع وقد حذالي يدوه

يدوه: علومك بو سهيل
بطي: ماشي علوم ..علومج انتي علوم حلالج
يدوه: زينات..بعت امس كم تيويس وعنز
بطي: هيه عطاري البيع بغيت اشتري من عندج ناقه
محمد: شتباهن
بطي: بحطيها في الركض
يدوه: زين وليدي فالك طيب اليوم بسير شوفهن
بطي: ان شاء الله
محمد: يدوه تراه هذا عنده خزنه ففلوس قصبيه قصاب
يدوه تحطي ايدها على جتف بطي: والله جان يباها واصله مابينا فلوس
بطي: من طيب اصلج ههههه
محمد: بعد بتعطيه بلاش
بطي:هههههههه لا عادي مايصير بشتريها
محمد: ترا انا الي خليت تتعلق بك
ام محمد: ماشاء الله عليه بو سهيل اناس تحبه بطيبه
محمد: والله هذا كله ترا من طيبي
يدوه: خل عنك بطرتك هاذي
محمد: زين ..قولي محمد اريد توديني بقعه خليه هذا يفعنج
بطي: فالها طيب يديد جان تبا اسكنلها هنيه في الوثبه (يباها من الله)
محمد:بعد بنقابل ويهك كل يوم هههههههههه
بطي:ههههههههه
ام محمد:بسك شفيك على الريال
بطي: لا عادي متعود عليه
محمد: اتمصخر وياه
ام محمد: مسخرتك ماسخه
قعدوا شوي وسار بطي يرقد في الحجره الي تكون في المبرز سار يرقد لانه بعدين بسير صوب العزبه..... رقد رقده بو سهيل
العصر
فطامي نشت سارت المطبخ سوي القهوه وترتب الخضره وطرشت البشكاره توطيهن في البرزه الخارجيه مالت البيت توه دخل البيت ان محمد يزقر علها
فطامي: هاه محمد شو تبا
محمد: سير كوي هالكندوره و الغدتره وحطيهن في ممر المرز
فطامي: ان شاء الله
كانت كندورت بطي وريحت ادخون ودهن عود تبن منها
فطامي في بالها : حلو ريحته حلوه
بطي نش من ارقاد ويتلفت سار صوب الحمام وتم يدور الكندوره ماحصلها فج الكبت الي داخل الغرفه هاه ماشئ بس فوط صغار
بطي: وين سارن اختفن ...
سارت فطامي كوت الكندوره والغتره وحطتلهن معلاق وسارت صوب المبرز توها تفج الباب وعلقت الكندوره إلا بطي فاج الباب حجرته
بطي: يا حارمي الكنادير عاد كندورتي شتباها
فطامي: التفت صوبه
بطي: يوم شافها .......... السموحه الغاليه
فطامي: بلحل بس يزاته يكولك كندورته تزقره حرامي
بطي حطى ايده على شعره : هههههههه (عاد شعره اسود ناعم رافعنه على فوق)
فطامي:ظهرت عنه وسارت وقلبها يدق طبول: ياويلي والله عذاب هالريال
بطي: تم ساكت طول الوقت ما حاس بعمره تم يطالع الكندوره سار صوبها وتلبس وتغتر وظهر صوب البرزه كانت يدوه ومحمد خاري يرقبون بطي ...
ساروا العزبه
بطي تم يطالع البوش وعيبته صوغه
بطي: هذي ابا هذي
محمد:ههههههههه تبا تفد انت
بطي: ليش
محمد: هذي مامالت يدوه هذي مالت اختي
بطي: انزين بشتريها
يدوه:لا عاد الا هاذي متعلق بها فطامي
بطي: خلاص ..باخذ هذي
يدوه: والله عرفت تختار
محمد: تراها ماخذه كم مره النمره
بطي: زين عيل ........ بعدين سار صوب السمحه خذ اغراضه بعديين سار العين صوب دوامه
عاد مر اسبوع وعاد تخرج الثنويه العامه
سارت فطامي وسلامه عاد البنات الثنويه معزومات اول ثنوي وثاني ثنوي فطامي لبست كندوره بس سلامه لبست فستان بس بسيط وايد وبطلت شعرها وتعدله عاد بروحها سايره جنان عاد البنات تمن متمعات ويسولفن والابلات ..كان الجوا حلو ماله كلام والي تكتب لبيعتاها والي تكتب على ايد الثانيه والي صيح والي تضحك والي عيونها بدمع (عارفين البنات عاد) ... لان الجو ربشه وكانن مسويات فقرات والخرجات سون مثل الابريت وغنن مثل الغنيه هن مألفاتنها وملحناتنها وتمن يغنن
....................................
اليوم يومنا بنكتبها في صفحت ايامنا
اليوم يوم الفرح ويوم الحزن لفراكم
اليوم بتبدى خطوه جديده في حيانتنا
وبخطي خطوت النجاح بجهدنا ودعواتكم
.........................................
عاد البني هذيك الساعه صاحن والابلات الجوا كان حلو بعد الصايح تمن البنات يرقصن وخلن الجو خبال
>>>>>>>>>>>>>>>>>>>>>>
عاد مرن اشهر وخلصت فطامي امتحانات ونجحت ويابت 78 % وخلاص بسير ثنويه عامه السنه اليايه ..تمت دوم عند سلامه تبين لها الجاي والاكل دوم طروق صوبها .............
عاد خلص شهر سته والثنويه العامه يتريون اللنسبه بفارق الصبر
فطامي باتت عند سلامه ومارقدن من الخوف لين الفير الا يبطلن الموقع ويطالعن النتيجه
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -