بارت جديد

رواية قررت اموت بحبك -10


رواية قررت اموت بحبك -10


رواية قررت اموت بحبك -10

الا يجي من وراها واحد : ضاايعه
العنود تجبست في مكانها ماتدري وش تسوي وبعدين جت بتركض خافت يلحقها او يحطها براسه التفتت عليه لقته كبير في السن بعصاته ولحيته بيضاء لما شافت وجهه ماارتاحت له مع انه كبير في السن وجهه يخوف تقول كنه مجرم اصلا الي يشووفه ينحاش<<حلوه ينحاش<<يعني يهرب>>:لارد


الشايب: اذا ضايعه قوليلي يابنتي اساعدك انا
العنود: لالالا موضايعه ولا شي
الشايب: الا والله شكلك ضايعه بس داامك منتي ضايعه وراكب لحالك هنا
العنود: لا مو لحالي اهلي معي
الشايب : وينهم؟؟ ودامهم معك ليش انتي لحالك هنا؟؟ اقولك تعالي معي ندورهم لك اخاف يجي احد من الشباب ولاشي
العنود: لالالالا لاتخاف اصلا انا واقفه استنى اخوي والتفتت وراها شافت نوور وتأشر بأصبعها شفت النور الي هناك هذيك الخيام
الشايب : ايه
العنود: هم اهلي بس قالو لي وقفي لاخوك لين يجي ووقفت له وبس
الششايب: بس كذاا متاكده
العنود في نفسا يارب نجني يارب نجني وفكني منه: ايه متأكده
الشايب : اجل اجلس استناه معك عشان ما يجيك احد
العنود خلاص ماتقدر تحبس دموعها اكثر بس لازم تصير قويه عشان ما يستغلها: لا عادي يا عمي انا بستناه اصلا مراح يطول
الشايب: ولوو ماتعرفين عيال هالزمن وبلاويهم
العنود خافت تنكشف انها ضايعه: اوك خلاص على راحتك ياعمي
الشايب بنظرات شر:تسلمين يابنتي



نروح لنواف وخالد


خالد: طالع يمين وانا بشوف يسار
نواف: طيب
خالد: تتوقع بدت من هنا؟؟
نواف: لا ما اتوقع
خالد: حتى انا بس اسرع شوي نشوف
نواف/: طيب
خالد: ان شاءالله نلقاها
نواف: امين


نرجع للعنود الي كانت على اعصابها ميييييييته خوف من الشايب الي جنبها بس متحمله وتستنى الفرج من الله تكلم نفسها يارب يارب معقووله ماحسوو فيني مافقدووني يارب يلقوني يارب وفي هذاا الوقت جاء على بالها خالد ماتدري ليه لانها تحبه ولالانها تعتبره سند لها لو صار لها شي هوو الي يلقاها ويساعده ويطلعها من الي هي فيه بسآآآآآآآآآآآآآآآآآآآآآآه وينك وينك ياخالد



ويقطع عليها الشايب: مين خالد؟؟ اخوك ولا وش يصير لك
العنود: هاااه خالد ليش؟؟
الشايب: لابس انتي من شوي قلتي خالد كنتي تفكرين فيه
العنود معقووله انا تكلمت بصوت عالي وسمعني: انا قلت؟؟
الشايب: ايه قلتي
العنود: ايه خالد اخوي الي استناه
الشايب: قلتيلي اخوك
العنود تحاول تغير الموضوع: ايه اخوي وكملت الا ماقلتلي يا عم وش اسمك انت؟؟
الشايب: اسمي شايش ويقولولي ابو شايش
العنود :عاشت الاسامي يا عمي ابو شايش
ابو شايش: وش اسمك انتي ؟؟
العنود: اسمي اسمي
ابو شايش: ايه اسمك وش بك اخترعتي؟؟
العنود: لا ما اخترعت ولا شي اسمي الجوهرة
ابو شايش: الجوهرة ولله عاشت الاسامي انا لو كان عندي بنت كان سميتها جوهره
العنود: الله يرزقك
ابوشايش: اقول يا الجوهره ورا ما تجين معي اعرفك على ام شايش زوجتي طيبه حيل وتحب البنات
العنود: ياليت اقدر بس تعرف يا عم اخوي جاي وابوي ما يرضى اروح للغراب
ابو شايش: افاا والله زعلتيني محنا اغراب انا مث ابوك
العنود: صدقت بس نستنى اخوي وبعدين اروح معك زين
ابو شايش : زين


العنود حاسه اننه ناوي لها على نيه بس ماتدري ايش طول الوقت وهي تدعي ربها يجي احد ياخذا من عنده

عند نواف وخالد الي للحين يدوورون على العنود ما لقوها

نواف بيأس: اقول خالد مالقيناها وش نسوي؟؟
خالد بعصبيه من يأس نواف: نواف بنلقاها يعني بنلقاها لاتتشائم خلي أملك بالله قوي
نواف: ونعم بالله بس........
يقاطعه خالد: لا بس ولا شي باقي هناك مارحنا نروح ونشوف وانامتأكد بنلقاها دام احنا متوكلين على الله
نواف: والنعم بالله يله مشينا

حركوو السياره ومشوو

نرجع للعنود كانت طول وقتها تدعي ربها وما تطالع في ابوشايش عشان ما تخاف اكثر واذا كلمه ما تطول معه وبعدين ابو شايش ما عجبه الوضع التفت عليها : انتي يلي اسمك الجوهرة
العنود:هلا
ابو شايش: قومي معي
العنود بخوف : وين؟؟
ابو شايش: قومي معي وانتي ساكته وما ابي اسمع صوتك وسحبها ممع يدها
العنود: اقول يله تخسى والله ما اروح معك مكان
ابوشايش: وقوليلي اخوي خالد تحسبينها مشت علي ادري انك تكذبين بس امشيهالك وبصوت يخررع هز العنود يلللللللللللللللله قووووووووووووووومي
العنو: والله ما اقوم والله ما اقوم والله ما اقوم انت وش تبي ؟؟
ابوشايش:":تعالي معي واقولك وش ابي,,,,
العنود: لو تمووت ما اقوووم
ابوشايش: قمي معي بلطيب لااجيب لك الي اقوى مني
العنود: مااااااابي
ابوشايش: بقرب الونيت الحين وبرجع لو تحركتي من مكانك لا الحقك واصدمك
العنود: مرااح اتحرك ولا اركب معك لاتتعب حالك
ابو شايش: نشوووف
رااح وقرب السسياااره ونزل : يله بسرعه اخلصي
العنود:والله ما اقوم معك انا قلت
ابوشايش: وانا قلت بتقومين معي ويسحبها من يدها ويفح باب السياره الا يسمع ابو شايش صوت رجال : اتركهاااااااااااااااااا اتركها يا حقييييييييييييييير


نواف:قلت اتركها
ابوشايش: هلا انت اخوها توني بركبها معي نجيبها لاهلك
نواف ماقدر يمسك اعصابه وراح للبوشايش وطاح طق فيه اما العنود من يوم انفكت من يد ابو شايش ووهي راحت تركض لخالد وتبكي على صدره


خالد بحنان وهو يمسح على شعرها: اشششششش خلاص خلاص ماصار لك شي انتي معي
العنود كنها ماصدقت احد يحضنها ويطبطب عليها من يوم ماطلعت العصر وهي متاجه احد معها: لارد
خالد: العنود خلاص شوفي نواف طقه راح ياخذ حقك منه تبين انا بعد اروح اطقه؟؟
العنود:حقير يبي ياخذنـ........شهقات من البكى ياايا ياخذني معه
خالد: يخسى الا هوو ياخذك مني ولا يلمس شعره منك اذبحه قبل حتى يفكر يسويها
العنود تبكي
خالد: وبعدين مو قلنا خلاص مارديتي على ارووح اطقه مع نواف
العنود ضحكت ضحكه خفيفه:ههههه
خالد: ايه كذاا اضحكي
العنود من غير ما تحس وما تدري كيف طلعت منها: أحبـــــــــــــــــــــــــــك خالد أحبــــــــــــــك


خالد لاتقل صدمته عن صدمتها شعوور في داخله احاسيس متضاربه مبسوط ومصدوم ومايدري وش يسوي بس عبر لها عن حبه لها بالنظرااته

العنود استحت مره من نفسها كيف قالتها وكانت تتذكر كيف كانت في حظنه من ثواني ويولع جسمها نار من الحياااا

نرجع لنواف الي ذبح الرجال مسكين كسره تكسير ما خلا فيه عرق ينبض <<بس يستاهل
نواف: عشاان تعرف وشلوون تتعرض لبنات الناس يا اخي استح على وجهك الي مثلك في فراشه ولا متقبل قبلته يدعي ربه قبل يجيه عزرائيل وانت تركض ورى البنات ياخي انت ابوها وش ابوها الا جدها حتى ابوها اصغر منك قم قم انقلع فارق عن وجهي لا اذيحك الحين قبل يومك
ابو شايش من كثر الطق مو قادر يتحرك
نواف: خالد وين العنود؟؟
خالد: هااه
نواف: وش هااه وين وصلت؟؟
خالد: معك
نواف: بلحيل معي وين العنود؟؟
خالد: ايه راحت للسياره
نواف: اجل يله قوم نروح لها
خالد: يله


في السياره


نواف بعصبيه: وش طلعك بلحالك ممكن افهم؟؟
العنود: منت امشي وضعت
نواف: انا اقول ليش مشيتي بعيد مفروض يوم حسيتي انك بعدتي رجعتي مو تكملين وبعدين لو سواا لك الحقير الي توو شي
العنود: يخسى يلمس مني شعره
نواف بعصبيه: ايه يخسى بس لو سمحتي باقي لنا كم يوم ونرجع عديهم على خير ولابغيتي تتمشين قولي لي بقولك لا
العنود: لا مراح تقول
نواف: خلاص قوليلي ثاني مره
العنود: ان شاءالله
نواف : نشووف


وصلوو للمخيم حقهم ونزلها عند الحريم والبنات

شوق: العنووووووووووووووووووووووود وضمتها
روان: وخري بسرعه حتى انا بضمها

وجلسوو البنات سوالف ويسألونها وش صار ووش ما صار وليش ضاعت وكيف<<تتعرفون لقافة بنات

جنى: والله انك بايخه خوفتينا عليك
العنود: ايه ابي اعرف غلاتي
الهنوف: منغير افلام هنديه قولي وش غلاتي واحنا نقولك
العنو: تسلمين لي
الهنوف: الله يسلمك
العنود: الا بنات في احد يدري غيركم؟؟
روان: لا
شوق: بس نواف وخالد
العنود: اشوى بس لا يقولون
شوق: افاا عليك مراح احد يقول
روا: يوووووووووه ااسكتو اسكتوو
ديما: ليش؟؟
روان: سووري شووق بس هذي الصرااحه النشب بنت خالتك وبنت عمك جايين لحد يتكلم قدامهك
جنى:: ايه اكيد لو تكلما كان العائله كلها درت عاد هم يستنوون على العنود الزله
ريم: والله انكم صادقين
نجود: هاااااااااي
البنات بدون نفس: هلا
مرام:هاااياااات
البنات بعد بدون نفس : هاياات
نجود: وش كنتوو تقولون
روان: سلامتك ولا شي بش سوالف عااديه
الا يسمعون صوت : شوووووووووووووووق شووووووووووووووووووووووووق
شوق: هذا مو صوت خالتي ام فارس
مشاعل: الا هذاا صووت امي
شوق: عن اذنكم بنات بروح اشوف وش فيها
البنات: اذنك معك


شووق راحت تمشي لزوجت عمها ام فارس : سمي يا خالتي
ام فارس: سم االله عدوك يابنتي يمه روحي جنب سيارة ابو فارس فيه اكياس ودي تروحين تجيبينها لي
شوق: على امرك بس مافي احد هناك
ام فارس : لا مافي اصلا موقفها قريب من هنا
شوق: زين


راحت شووف تدور السياره بس مالقتها قريبه زي ما قالت زوجت عمها وبعدبن ققرت ترجع وهي راجعه وتلمح السياره من بعيد وراحت لها تركض

:شوووق!!!!!!!!!
التفتت بسرعه تعرف هذا الصوت وكيف تتقدر تنساه:فااارس؟؟؟؟؟؟؟؟؟؟؟؟؟
فارس: ايه
شوق من يوم شافت فارس وما يتردد في بالها الا:"شفته بعد غيبه وليتني ماشفته**شفته وحارت دمعتي وصط عيني"
شوق كانت تحس هذي الكلمات توصف شعورها تجاه فارس في هذي اللحظة


خذت الاكياس بسرعه وراحت تركض ودموعها تنزل حاولت تخفي دموعها عشان ما تنتبه لها زوجت عمها :السلام عليكم
ام فارس: وعليكم السلام
شوق: هذي هي الاكياس ياخالتي صح
ام فارس: ايه الله يجزاك خير
شوق: ويااك


وطلعت من عندها<<نسيت اقولكم ا ن ام فارس هي الي مدبره الخطه ارسلت شوق عشان تشوف فارس لانها تبي شووق تتزوج ولدها فارس


ماتدري ام فارس انها يوم جمعت بينهم كسرت قلب شووق بدل ما تفرحه


عندالشباب



نواف: ياخي رحمت العنود حسيت اني زودتها معها
خالد:ليش؟؟؟
نواف: صارخت عليها وهي كانت تبكي يكفي فجعتها
خالد: ولا يهمك العنود تحبك مراح تزعل منك
نواف: ان شاءالله
خالد: طيب كلمها عشان ترتاح
نواف: صدقت وبرح اعطيها بوسه ونطلع نتمشى بكره سوااا
خالد هناا الغيره اشتغلت عنده: ايه اطلع معها بس بوسه ماله دااعي
نواف: اهم شي البووسه تقوول ماله داعي
خالد: ايه والله ماله دااعي
نواف:وش عندك ناشب لي ماله داعي ماله دااعي والله لو انك تحبها كان قلت انك تغاار
خالد يحاول يصرف : ياالله كل هذاا عشان ماله دااعي
نواف: ايه نعم
خالد: خلاص كلتني
نواف: بس انا مصر اعرف ليه ماله دااعي
خالد:كذااا
نواف: ماتبي تقول كيفك ياخبر اليوم بفلوس بكره ببلاش


عند البنات

يدق جوال العنود: العنوود بسرعه جوالك
العنود: مين؟؟
جنى: عمي نواف
العنود: جايه جايه
جنى: بسرررررررررررررعه
العنود:هااتي اذت الجوال: الوووو
نواف: تعالي ابغاك
العنود: اوك جااايه

راحت العنود لنواف العنود: هلا نواافي
نواف: اشوى
العنود: ايش؟؟
نواف: قلتي نواافي يعني مو زعلانه اختصرتي علي
العنود:وانا اقدر ازعل من نوافي
نواف: زين الا اخبار شووق ماقالتلك شي؟؟
العنود: شي زي ايش؟؟
نواف: والله انا يوم ضعتي عصبت وصارخت عليها هي وروان
العنود:طيب
نواف: روان عارفها مثلك عارفتني فمراح تزعل بس شووق حسيت انها فشله وحتى ما امون عليها
العنود: لا عااادي شوووق قلبها طيب ما تشيل يمكن تكون زعلت بس عاادي تمشيها
نواف: المهم بس وصلي لها اعتذااري
العنود وهي تأشر على عيونها: من عيوني شي ثاني

نواف: ايه فيه والتفت على جهت خالد ومثل ماتوقع نواف خالد ماشال عينه عنهم.. نواف فك لثام العنود الجزء الي العنود متلثمه فيه رفعه من جهت خالد يعني الجهه الي خالد فيها نواف حط الطرحه من جهته يعني خالد مايشوف وجه العنود بس الظل.. والجهه الثانيه الي مافيها احد مكشووفه وغمز لخالد وباس العنود من خدها


طبعاا العنود ياغافل لكم الله عن السالفه ما تدري وش الموضوع: وش هالحركه وش عندك؟؟
نواف: ابد سبرايز لاني احبك
العنود: لا والله احلف عااد
نواف: صدق
العنود": لا والله وش الموضووع
نواف : ابد تلثمي وارجعي مكان ما كنتي وبكره ياقمر نطلع نتمشى سوااا وش رايك
العنود: اوك حلوو بس متى؟؟
نواف:أي وقت
العنود: اوك بس لاتحسب تصريفتك مشت علي عارفه الموضووع عاارفته
نواف:هههههههههههه نشوووف

نوااف وخالد في خيمة الشبااب

خالد مسوي نفسه ان الموضووع ما همه وماطالع في نوااف وطبعاا العكس صحيح: هاااااااااي
خالد: اهلين
نواف: وشرايك؟؟
خالد يسوي مافهم: وش رايي في ايش؟؟
نواف: يعني انك ما كنت قاط معنا
خالد: معكم؟؟ مع مين؟؟
نواف: بلا استهبال عاارف وش اقصد
خالد يسوي انه ما فهم لانه عارف نواف ينقهر لما احد يسوي فيه كذااا: انا مو فاهم شي واذا تبي تتكلم تكلم بوضووح
نواف: اوك فيه ناس قاطين اذانيهم عندنا وعيونهم بغت تاكلنا واحنا كنا نسولف
خالد: نواف قووم اطلع برااا قووم بسرعه براااا
نواف:ليه غيراااااان غيرااااااان
خالد: ليه خلصوو الناس اغار منك
نواف: ياحراااام مقهووور وغيراان بطلع برااا عشان ما تموت من القهر والغيره هههههههههههههههههههههههههههههههههه
خالد: ترى ما تنكت وبعدين اغار من ايش؟؟ احسن شي تطلع براا وخلاص
نواف: هههههههههههههههههههههههههههههههههههههههههههه طيب طيب يلي مو غيراان ههههههههههههههههههههه

خلص اليوم بما فيه من حلوو ومررررررررر


انتهى البارت الثالث عشر


توقعاتكم........

1-هل محاولات ام فارس راح تكون سبب في رجوع شوق لفارس؟؟
2-وهل نجود راح تحاول ترجع قلب خالد لها؟؟
3- وايش موقف العنود لما تعرف ان خالد يحب نجود وبيرجع لها؟؟


يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -