رواية شهد الفهد -10


رواية شهد الفهد -10

رواية شهد الفهد -10

علاقه فهد وشهد شنو بيكون مصيرها؟؟

**الجزء 21**

في قسـم البنات

فرس جلست مفجوعه:لااا..شل ون نسيت؟.اذا اليوم منروح مع شهد لندن والحفله شنسوي فيها ؟

بدلت ملابسها بسرعه وصلت وطلعت راحت غرف بنات عمها سارة والريم
فرس:ساروه سارووووووه سارووووووه اصحي
ساره ومنتهيه:خيييييييييييييير شتبين؟؟؟
فرس:اقول قومي شوفي لنا حل للهالمصيبه
ساره قامت بسرعه:مصيبه ......وش مصيبته؟؟؟
فرس:مو اليوم تحاليل شهد وحنا بنروح معاها
ساره تذكرت وكتأبت:ايه
فرس:واليوم الاربعاء والحفله الجمعه شنسوي بهالورطه؟؟؟
ساره:أي ولله شلون طافتنا
فرس:والحل اللحين
ساره:نروح للريم ونفكر شنسوي؟؟
فرس:يلا

وراحوا لريم وقرروا انهم يجلسون للحفله وشهد تروح بالرغم ان قلوبهم معاها بس على الاقل يسون شي يغير عليها جو الكآبه بسبت التحاليل الي بتسويها

وراحوا لشهد لصاله الي كانت فيها جالسه لحالها بعد مامشى عنها فهد
شهد:Hi girls
البنات:Hiiiii
شهد:شفيها وجوهكم شكلكم عاملين عمله سوده....... شمسوين؟؟
فرس:امممممممممممم ماسوينا شي بس بنقولك على شي
شهد:قولو الله يستر بس
الريم:شهد حنا مرح نقدر نروح معاك علشان تحاليلك
شهد متفاجاه:وليش عسى ماشر؟؟؟
ساره تدور كذبه على الطاير:لان فارس معاك نستحي نروح
شهد مو داخل بالها الكلام:أي انتي يمكن بس الريم وفرس معتادين عليه........عطوني غيره مادخل مخي
الريم:لا ياشهد يمكن تنشغلين مع فارس وحنا مانبي نضايقك ولا نضايقه
شهد:عن هالكلام تضايقوني وتضايقونه اصلا انا ماقلتلكم الا لانه هو قالي اقولكم علشان تجون معي ....بصراحه مابي اروح لوحدي
فرس:شهد حنا بنجلس وخلاص
شهد كانت تتمنى انهم يروحون معاها:على راحتكم مرح اجبركم بس اهم شي اهلي لا يدرون بشي
البنات:اكيد
شهد:يلا انا بروح اجهز اغراضي فارس قالي 10 بنطلع وعلى العموم انا قلت لامي اني بروح مع فارس لندن وكان فارس مخبرها وانتوا خبرو الباقين طيب
البنات:طيب
شهد:يلااااااااا سي يا بنات بلرغم انه رح يفوتكم بصراحه تسوق وسينما وباسوق بعد...... اممممم اخر مره يمكن سقت فيها من سنتين....... يلا عسى اتذكر شي
البنات: مانقول الا الله يهديك بس ياشهد روحي بس خلصي

وراحت شهد وبدوا البنات يخططون للحفله
توزيع الشغل للحفله
ساره تهتم بقسم الحريم والعزيمه من ماكولات منزليه
الريم تهتم بالبطايق وتوزيعها على الجيران"كل جيرانهم عرب ومن السعوديه"
فرس تشتري الكيك والشكولاته والعصيرات الي يبونها

فارس عرف من عيال عمه بموضوع الحفله وهو اصلا كان مقرر انه يسوي لها حفله هي وهو بسيطه بس دامهم بيسون حفله بيعجلون ويجوهم علشان تنبسط شهد .........وهو وظيفته يبعد شهد حاليا

تقسمت وظايف شغل الحفله على جميع عيال عم العائله"بنات واولاد" وحريم العائله

دق فارس على شهد وقال لها اطلعي
اخذت شهد اغراضها بعد ماسلمت على البنات والحريم وطلعت
شهد وهي تسحب الشنطه صدمت:اوووه سوري......(رفعت راسها وابتسمت).....باك ولد عمي
فهد مطيبها ذي البنت وماحلى بتسامتها تذبح:هههههههه.......ويلكم باك بنت عمي....بتروحين الحين؟؟؟
شهد:يس
فهد:Where is the girls؟؟؟
شهد:they didn't come.......(وجوالها يرن رقم فارس).......يلا فهد عن اذنك فارس ينتظرني مع السلامه
فهد في قلبه مع السلامه يالغاليه:مع السلامه انتبهي لنفسك اوكي
شهد بسرعه:اوكي
وطلعت شهد من المزرعه ورايحه الى مصيرها المجهول الي رح تتحدد فيه نتيجة تحاليلها على اشياء كثيره اهمها اذا احتاجت عمليه او لا واذا تحول في اكبر الاحتمالات الى سرطان مثل ماحاطه شهد في بالها

فهد طلعت شهد واخذت قلبه معاها........ بنظره الحين اظلمت المزرعه ....شلون يجلس الصباح الحين ومايناظرها ويكحل عينه بشوفتها.......منو رح يتناقر معاه كل صباح ويصبحه ببتسامه عريضه

فهد:ااااااااااااااااااااااه ياقلبي ياليتك ماعرفت طريق الحب ولا طريق شهد بس شسوي قدري ولازم اصبر عليه..........بس ليش البنات ماراحوا معاها؟؟؟؟.........ايووووووووه صح تذكرت قصه الحفله ...... لازم ادور لها شي اشتريه لها .......ششتري اممممممممم؟؟؟؟؟؟.......(وسرح في مجموعه افكاره)

شهد داخل السياره مندمجه مع الاغنيه وتردد معاها(اغنية تنحط على الجرح لراشد)
فارس:شهوده حبيبتي
شهد:سم
فارس:سم الله عدوك يالغاليه بس ابي اقولك امممم
شهد:اقلقتني فارس صاير شي؟؟؟
فارس:لا ماصاير شي بس يمكن تكون النتايج سيئه
شهد:الله يقطع بليسك ادري يمكن انها تطلع سيئه
فارس:اهم شي تكونين مجهزه نفسك ولو احتجتي عمليه بتسوينها
شهد:فارس انت شايفني هامله حالتي واذا احتجت عمليه انا بقول لطبيب يسويها مباشرة من دون ما استشيرك حتى فلا تخاف
فارس ارتاح: الحمدلله الله يكملك بعقلك
شهد:اقول انكتم وخلني اسمع باقي الاغنيه طافت نصها
فارس:هههههه طيب بنكتم

ومشيت شهد في قدرها اما تكون النتيجه اجابيه ويكون تحسن في مرضها واما تكون سيئه وتكون النتايج كبيره عليها وعلى اهلها


شهد نتايجها ايجابيه ولا سلبيه؟؟؟
بتدري عن موضوع الحفله ولا لا؟؟
فهد هل شهد فعلا ملكت قلبه ولا مجرد تعلق عابر ببنت عم بتبعد عنه بعد اسبوعين؟؟؟
والحفلــــــــــــــــــه بتكون سعيده وحلوه مثل مايبون؟؟

التتمه في الجزء القــــــــــــــــــــــادم الي بيكون فيه تحديد لمصير شهد ومصير باقي العيله


**الجزء22**
شهد وصلت لباب بيتهم الكبير الي في لندن
(اوصاف البيت:من الخارج بوابه كبيره كلاسيكيه واول مايدخل الشخص يلقى ممر حوالينه على اليمين حديقه وبااخر الحديقه في مجلس عربي كبير وعلى اليمين في مسبح بيضواي من الوسط فيه تعرجات وبااخر المسبح في صاله ايروبكس يستخدمها فارس واصحابه اذا جو بيتهم وبعد دقيقتين من المشي في الممر توصلين للبوابه الرئيسيه الي توصل الى داخل البيت وهي لونها بيج وبني وعليها رسومات ناعمه .....من داخل البيت ثلاث صالات داخليه وحده بني تراثي وكل الي يوحي فيها تراث يعني جلسه عربيه وغيرها والثانيه طراز غربي يعني كنابات خمس قطع ولوحات تعبر عن حياة الانجليز قبل والثالثه لونها وردي فاتح ويعتبرونها بيت شهد صاله الفرفشه والوناسه لانها هاديه ومفتوحه على بعضها<<<<ادري طولت بالوصف بس ابيكم تعيشون الجو خخخخخخخخخ)

شهد فتحت البوابه الداخليه للبيت
شهد تعبانه ومبسوطه:ياااااااااااااااااااااااي يافارس من متى ماجيت هنا من قبل سنتين
فارس:شرايك فيه الحين؟؟؟
شهد:بصراحه روعه هو كان حلو من قبل وانت خليته احلى
فارس:من ذوقك يالغاليه........يلا الحين روحي ارتاحي بكرة ورانا درب علشان نروح المستشفى
شهد:اوكي يلا تصبح على خير
فارس:وانتي من اهله


نعـــــــــــــــــــــــــــــود للمـــــــــــــــــــــــــــــزرعه
فرس في محل الهدايا مع محمد(هم عادي يطلعون مع بعض لان الكل يعرف انهم لبعض ومخطوبين قدام العيله"بنت العم لولد العم")
فرس:محمد
محمد:ياعيون محمد
فرس احمرت ورتبكت:محمد استح حنا مو في البيت وبلا هالكلام ارتبك
محمد وهو معجب بحياها:اموووووووووووت انا بالي يستحون ويرتبكوون
فرس خلاص صارت في حاله يرثى لها:........اوووه بتصل على نواف يجي غلطانه لما طلعت معاك
محمد وهو حاط يده على فمه:خلاص خلاص مرح اقول شي حشى ماتصدقين
فرس:وعد؟؟
محمد:مااقدر اوعدك مااظمن لساني
فرس:اجل ادق على نواف احسن
محمد:لالا.....احاول
فرس:مافي احاول ابي وعد
محمد:امري لله وعد
فرس:منشوف ترى وعد الحر دين عليه
محمد:ومنو قالك اني حر انا عبد من عبيد الله
فرس:كلنا عبيد الله ......الحين اسكت وخلني اعرف اشتري
محمد:سكتنا
وشافت دبدوب كبير وابيض وبيدينه قلب كبير وسالتهم اذا يقدرون يطبعون حروف عليه قالولها انهم يقدرون فطلبت منهم انهم يطبعون
"SH"شهد،"F"فرس،"R"الريم،"S"ساره للابد
يعني"SH,F,R,S 4EVER"

وكتبتهم على الدبدوب
فرس:اممممممممم محمد ماتدل محل اغاني اجنبيه؟؟
محمد:ماعرف انك تسمعين اغاني اجنبيه لا يكون شهد علمتك عليهم بس؟؟
فرس:لااااا انا وشعرفني فيهم بس بشتري واحد لشهد مغني هي تحبه كثير
محمد:اها اوكي ادل واحد
فرس:زين ودني اياه
محمد:يلا

وراحوا شروا شريط اغاني اجنبيه<<<<مابقوله بخليه مفاجاه تعرفونها بعدين


في المـــــــــــــــــــــــــزرعه
ساره وزعت الاكلات الي يبونها من الحريم والكل تقبلها برحابة صدر <<<"اكلات سعوديه بحته يمي يمي"

الريم جهزت البطايق بمساعدت سارة وعطوها الخدامات يوزعونها على الجيران

ساره جالسه مع الريم في قسمهم ساره على الاب توب والريم تلعب في جوالها
ساره وهي تقرا قصه في النت:الريم انا حاسه ان في شي بيصير في الحفله
الريم:شي مثل شنو؟؟
ساره:مدري بس انا مو مرتاحه منه
الريم:تعوذي من ابليس وكل شي بخير انشاءالله
ساره:اعوذ بالله من ابليس....الله يسمع منك


نعـــــــــــــــود لعصافير الحب
محمد:يلا فرس علشان يمدينا نختار الكيكه الي نبيها
فرس:اوكي خلني اختار الورد والشكولاته الي نبيها وبعدين انا وبنات عمي نبي نختار لها شكولاته حلوه نعرفها تحبها
محمد:على هالحاله ماخلصنا ماباقي شي وتجي 10 تبينا ننتاخر ؟؟؟
فرس:اووووووووووووووكي خلاص خلصت ياكثر ماتحن


في محــــــل الحلويات
فرس:ياااااااااااااااااااااي محمد ذي تهبل
محمد:ايوه مره حلوه
فرس:اوكي ابيها تكون الكيكه الرئيسيه وبختار 30 كيك زياده علشان الضيوف 15 شكولاته و15 فانيلا
محمد:اوكي
فرس:وابي اطبع شي على الكيكه
محمد:وشو؟؟
فرس:تعـــــــــال وشوف<<<وبعد ذي مفاجاه لين الحفله"شكلي بكثر مفاجات خخخخخخ"


في لندن


.......:خالد اني اغرق ساعدني
خالد:اسف ياحبي مو انا الي مقدر لي اني انقذك
.......:خالد باموووووت
خالد:بيجيك الي ينقذك ياحبي
......:باموووووووت خالد البحر يغرقني......منو منو جاي خالد هذا انت؟؟
..:لا ياشهد هذا انا فهد
شهد:فهد فهد بلييييز ساعدني باموت
فهد:عطيني ايدك
شهد مدت يدها وسحبها فهد الين ماوصلت لبر الامان
شهد:خالـــــــــــــــــــــــــد خالـــــــــــــــد وينــــــــــك؟؟ لاتروح ابيك
التفت في المكان لقته
خالد:انتبهي لنفسك ياشهد .........مهمتي لين هنا اخلصت
شهد:خالـــــــــــــــــــــــــد

صحت من النوم مفزوعه من هالحلم
شهد:اللهم صلي على محمد اعوذ بالله من ابليس وش هالحلم.....ااااااااه راسي يالمني........خالد اذكر اني شفت خالد وكان يتكلم عن مهمه ومدري شنو؟؟؟........ وبعد في شخص في شخص منو منو؟؟.......فهد أي صح فهد.........ااااااااه ياخالد وينك رحت وخليتني وحيده في هالعالم الغريب ومدري وش مصيري من بعدك؟؟؟.......يارب اجمعني معه في جنات الخلد......بس وش تفسير هالحلم؟؟؟؟؟......هاذي اكيد اضغاث احلام من زود التفكير.....بتعوذ من ابليس وبصلي لي ركعتين اتعوذ من شر هالحلم

صلت وشافت الساعه انها 12 منتصف الليل وفي السعوديه الحين 3 الفجر
شهد:اكيد صحباتي صاحيات على النت ......بروح اشبك واسولف معاهم........يااااااااي وحشوني بنات عمي كثير وحريم اعمامي ونور بنت اختي واهلي كلهم.......يارب تكون نتيجه فحوصاتي سليمه واخلص من هالهم الي جالس على قلبي ولا هو مخليني ارتاح

وشبكت على النت وجلست سوالف وضحك مع صديقاتها الي بالسعوديه وهم يتشكون لها من حر الصيف عندهم وهي تقولهم ان عندهم هنا ثلج وبرد واجد وهم يتحرطمون على حظهم


"في صبـــــــــــــــــــــــــــاح اليوم الثاني"
في المــــــــــــــــــــــــــــــزرعه

نام الكل بعد ماتعبوا من التجهيز للحفله بكامل التجهيزات<<<حشى عرس خخخخخخخ
الريم صحت متنشطه لانها نامت زين وكانت قبل لا تنام مخلصه شغلها كله وماعليها شي فهي مرتاحه من هالناحيه ومن ناحيه ثانيه تحاتي نتايج شهد وتحاليلها بس هي تعرف ان تحاليل شهد الساعه 10 والحين 7 اكيد نايمه وماتبي تتصل تزعجها تروشت واختارت لها ملابس هاديه كعادتها وصلت ولفت شيلتها وطلعت تستكشف من الي جلس

في الطرف الأخر"قسم الاولاد"
علي جافا النوم عيونه كان يتسال عن سبب هالارق وكل مايطرح على نفسه هالسؤال تجيه صورة الريم

علي وهو على فراشه:اااااااه ياعيوني من شفتي الريم وقف نظرك عندها.......يخوفي اظلم البنت معي لو تقدمت لها وهي ماتبيني ويخوفي اخسرها وتروح لغيري ..........انا مو مستعد اتخلى عنها بهالسهوله.....بس هي بنت ولا كل البنات واكيد انا عن قريب الخطاب بيجوها هذا غير الاثنين الي رفضتهم من ولاد خالها...........ااااااااخ يالريم حسي فيني شوي

تعوذ من ابليس وقام اخذ له دش وبدل ملابسه ولبس كوت كبير لان الجو كان بارد وطلع برى علشان يسويله كفي ويشربه علشان يدفى ويسترخي

طلع وسوى له كفي وجلس شوي بالصاله الا الريم طالعه من قسمهم وداخله الصاله
علي في قلبه:ياحلو الصباح الي تكونين اول عين اكحل بها عيوني......متى يجي الصباح الي اجلس فيه وتكونين جنبي؟؟؟؟.......اااااااااااه ياليته يجي ويريحني

الريم شافته واستحت حيل:...صباح الخير<<<ولله عاجبتني ذي البنت
علي ياصباح الريم:صباح النور
الريم:شخبارك؟؟
علي:بخير واكثر من الخير انتي شخبارك؟؟
الريم:الحمدلله
علي:من زمان صاحيه؟؟
الريم:لا من ساعه تقريباً....يلا اني الحين بروح اشوف امي عن اذنك
علي يبي يتلاحق فرصته مو كل يوم بيكونون لوحدهم:الريــــــــم؟؟!!
الريم في قلبها: ياحلو اسمي من لسانه بمووووت انا لحقو علي ياناس
الريم:سم
علي تجرا شوي:ابيك بموضوع ممكن؟؟<<<<يحقله 6 سنين من العذاب من حقه
الريم موضوع أي موضوع وبخوف:موضوع وشو احد صاير له شي فيكم شي؟؟
علي ياحبيله هالقلب ويلوموني بحبها بعد:لا لا مافي شي بس انا ابي اقولك شي
الريم نزلت راسها للارض وهي خلاص متمسكه بااخر رمق لها جراه انها توقف معاه:تفـ....ــضــ ...ــل

علي ااه من حياها وقوى قلبه وجرا لسانه بكل مايملكه من قوه وكان حاط عذاب 6سنين قدام عيونه علشان يقدر يقولها على الي بداخله:الريم لو لوو لوووو تقدمتلك توافقين؟؟

الريم بصدمه ودهشه سرحت في عالم ثاني ونست انه يكلمها وبدت دموعها تطيح لانها بعد عذاب حب كانت تحسه مستحيل يلقى من الطرف الاخر مبادله يطلع الحين حبها يبيها مثل ماتبيه .............كانت دموعها دموع فرح وسعاده انها ماضاعت سنين عمرها هدر على انسان مستحيل يفكر فيها

علي شاف دموعها وفسر الموضوع على انها ماتبيه:....لا يالريم تكفين لا تبكين مايهون علي دموعك لما اشوفها اتالم اكثر........ بالرغم ان قلبي مطعون بس انا سعادتي لما اشوفك سعيده .............."وبصعوبه وبصوت اشبه بالهمس قال"......الله يوفقك مع الي تبينه.... "وحمل نفسه وكان بيطلع"....

الريم استوعبت انه بيطلع وفهم الموضوع غلط و بتلقائيه:علــــــــــــي انتظر انــــا!!!!!!!!


الريم هل بتعترف لعلي مثل ماعترف لها عن حبه؟؟
بتوافق تتزوجه ولا لا؟؟؟
شهد تحاليلها شنو بتكون نتيجتها؟؟
وش تفسير الحلم الي شافته؟؟ وخالد حبيبها ليش ما انقذها فيه؟؟؟ وعن أي مهمه يقصد في كلمته؟؟؟
فهد شصار عليه؟؟
واحداث ثانيه عند عصافير الحب "فرس ومحمد"؟؟؟
وسالم وساره بنتعرف على قصتهم اكثر

كل هالتفاصيـــــــــــــــــــــــــــل تعرفونها في الجزء الجاي


**الجزء 23**

علي شاف دموعها وفسر الموضوع على انها ماتبيه:....لا يالريم تكفين لا تبكين مايهون علي دموعك لما اشوفها اتالم اكثر........ بالرغم ان قلبي مطعون بس انا سعادتي لما اشوفك سعيده .............."وبصعوبه وبصوت اشبه بالهمس قال"......الله يوفقك مع الي تبينه.... "وحمل نفسه وكان بيطلع"....

الريم استوعبت انه بيطلع وفهم الموضوع غلط و بتلقائيه:علــــــــــــي انتظر انــــا!!!!!!!!
علي التفت ومسح دموعها الي نزلت غصبا عنه:سمي
الريم بهمس:انا انا
علي والعبره خانقتها:مايحتاج تشرحين كل شخص له رايه وهاذي حياتك
الريم وهي منزله راسها وتمسح دموعها وبصوت خفيف سمعه علي:ليش تفسر الموضوع على كيفك؟؟
علي مستغرب:شتقصدين؟؟
الريم رفعت راسها وهي محمره وجرات لسانها علشان ينطق ماتبي تخسره في أي حال من الاحوال وبسرعه:علي نفس الاحساس الي تحس فيه لي احس فيه لك.................(وراحت قسمهم على طول)
علي تلاحق:الريم
الريم وقفت وفي قلبها لبيه ياعيون الريم:لبيه
علي:من قلبك ولا بس علشــ...
قاطعته الريم:انت تعرف اني ماقول شي مو مقتنعه فيه...........(وراحت قبل لا تتورط بااسئلته اكثر لانها ماتعرف وش رح يصير لها لو صبرت دقيقه اكثر)

علي شاف خطواتها السريعه وبصوت من قلب
علي:يـــــــــــــــــــــــــــــــــــــــــــــ ـــــــــــــــــــــــــــــس.............أحبــــ ـــــــــــــــــــــــــــــــــــــــــــك يالريم
الريم سمعته وخلاص انجنت اول مره تسمعها من لسانه والفرحه مو سايعتها وفي قلبها :وانا بعد احبـك احبك احبك ...............ياربي تحفظك لي ياروح الريم

علي يكلم نفسه:شتنتظر يلا سريت لامك علشان تخطبها كافي سنين بعدك عنها.........(ومالقى نفسه الا قدام غرفة امه)

علي يدق الباب علشان يتاكد ان امه صاحيه:احم احم
ام علي:تفضل ياولدي
علي:صبحك الله بالخير يااحلى ام بالدنيا
ام علي:صبحك الله بالنور والسرور ياولدي وياظهري في هالدنيا
علي:شخبارك يمه؟؟
ام علي:دامك بخير واهلك بخير انا بخير
علي:دوم يايمه
ام علي:يدوم عزك يايمه.....الا قولي شفيك اشوف الابتسامه شاقه الحلق؟؟
علي انحرج لان امه على طول كاشفته وبرتباك:.......يمه ماودك تشوفين ولدك مكمل نص دينه؟؟
ام علي مهي مصدقه:وشو ياولدي عيد كلامك من جديد؟؟.....كاني سمعتك تقول تبي تتزوج لا لا سمعي اليوم مختل
علي:ههههه.......لا سمعك صح........ باختصار ابي اتزوج
ام علي:ولله هاذي الساعه المباركه الي اشوف نظر عيني متزوج وعنده زينة الحريم......ها قولي عندك البنت ولا انا اختار؟؟
علي في قلبه يمه الريم ابي الريم:لا يايمه موجوده
ام علي:واذا قتلك انا عندي الي تبيها
علي في قلبه غير الريم مااخذ بس جاه فضول يعرف منو الي امه مختاره له وبتردد:......منو يايمه؟؟
ام علي:الريم بنت عمك شرايك فيها؟؟
علي تشقق من الفرحه يعني الريم عاجبه امه بعد:تم يايمه تم
ام علي:هههههههههههههه.......علبالك مااعرف انك تحبها وهي بعينك من زمان ...من يوم وانت صغير وانت حاطه للريم اهميه خاصه
علي استحى لهاذي الدرجه مفضوح حتى امه تعرف:..........
ام علي:ولله مرح الاقي بين البنات احسن وارزى واذكى واهدئ من الريم شيخه الحريم أي ولله صدق عمك لما سماها الريم اسم على مسمى
علي:يمه ودي تكلمين عمتي وتخبرينها
ام علي:ولله ماينعرف لكم اما ماتبون تتزوجون ولا مستعجلين
علي:يمه انا مافيني صبر قد ماصبرت
ام علي نزلت دمعتها:ايييييييييييييييه
علي خاف:فديتك يمه شفيك؟؟
ام علي:لا يايمه مافيني الا العافيه بس تذكرت ابوك الله يرحمه كان خاطره يشوفك بهالحظه ويخطبلك البنت الي تبيها
علي:الله يرحمه يايمه ولله انا بعد ابيه جنبي بس قدر الله وماشاء فعل
ام علي:الله يوفقك ياولدي

(توفى ابو علي وابو فهد في حادث مرور لما كانوا في طريقهم لشركتهم لما تعطلت عليهم البريكات وماقدروا يوقفون وصدموا بعمود كهرباء ولما تاخر وصول المرور والاسعاف لهم مات ابو علي في موقع الحادث نفسه وابو فهد استمر يوم في العنايه المركزه وبعدين توفى وصار لوفاتهم 3 سنين)


في قســــــــــــم البنات
فرس وساره والريم عرفوا عن الي صار مع الريم <<<حريم مافي سر يتخبى من بيناتهم لوووووول
والحين كلهم على نار يستنون فارس يدق عليهم ويقولهم التحاليل خلصت

يتبع ,,,,
👇👇👇

أحدث أقدم