رواية امانة برقبتك -10
العنود:وبعدين ليه تسوين كذاا انتي تحبينه؟؟؟
روبي: لا يخسى بس قهر يعني اوك انا ما احبه وهو مايحبني بس انه يحاول يلغيني من حياته ويسميني أخته وهو مفروض اني انا ما اتسمى أخته وهذااا الي مزعلني وغير كذاا من يجي ويشوفها ولا يكلمها يقلب علي ليييييش وش معنى ؟؟؟
العنود:روبي صيري بااااااااااااارده حتى لو كنتي عكس كذاا حاولي تبينين هذاا الشي وانسي وبعدين انتي مفروض تحاولين تكسبينه لانك زوجته مو هي
روبي: والله ما اقدر اصلاا قلبه معها انتي ماشفتي كيف يتنح من يشوفها وبعدين مو من زينها الزايد كلها مكياج
العنود: يله بس اتحدااك,,أجل وش شايف فيها؟؟
روبي: هي صح مملوحه بس تحط مكياج كثيييييييير ماكاننا صباح كانها رايحه عرس
العنود: ههههههههههه امداك قزيتيها؟؟،،وتقولين ما احبه؟؟؟
روبي للحين تنكر: ايه ما احبه بس وحده قدام وجهي 24 ساعه ما اقزها ليش؟؟
العنود: المهم لاتجلسين تبكين على أي شي ،،ترى توك في اولها وشلون لوقعتدتي اكثر
روبي: اكيييييييييييييد بستخف
العنود: هههههه،،والله انك غيااره
روبي: مو غياااره ولا شي
العنود: الا غيااااااره شوفي كيف وجهك بس عشانه طلع معها
روبي: تصدقين وشوو الي عاجبني بس من سواياه كلها
العنود: وشووو؟؟؟
روبي:انه اذا سوت شي مثلاا حاولت تبوسه ولا تضمه يبعد عنها على طول وهي تقلد صوته مايا حبيبتي كم مره اقولك لاتضميني ولا تبوسيني خليها لين تزوجنا ويغمز لها*_^
العنود: اشوواا مؤدب لك مستقبل اجل
روبي: أي مستقبل وذي الشيفه بينا؟؟
العنود:يعني تبينه؟؟؟
روبي: لو كان مثل ما وصفوه خواته حنوون طيب ثقيل مو راعي بنات يغار على محارمه كذاا يعني
العنود: وهوو مو كذااا؟؟؟
روبي:الا بس مدري احياناا حنانه معي احسه مو جد بس استغرب حنانه معي احيان لكن خليه يسمع طاري العقرب حقته تقولين مو هوو ينقلب 180 درجه وخصوصاا لاقلت له عنها عقرب يعصصصصصصصصصب بس احسن لانها جد عقرب
العنود: الله كل هذذاا,, هههههههههههههههه بس حلوه عقرب
روبي : واكثر،، احسه يقهرني كثييييييييير
العنود:الا يابنت؟؟
روببي:هلا
العنود": وش سالفت أبوو جد زوجك مع الغمزات؟؟؟
روبي"تستهبل:الي في خده؟؟
العنود فهمتها:هه بايخه ومو وقتك
روبي"::هههههه
العنود:خلصتي ضحك؟؟
روبي":ايه
العنود: يله ردي على سوألي؟؟
روبي:والله مدري وش سالفته؟؟ بس تبين الصراحه يعذب لا غمز بعينه*_^>>على الاساس تتخيلون نواف يغمز هع
العنود:الله يشفيكم
روبي:ليش؟؟؟
العنود:الحين ليه مغمضه عيونك؟؟؟
روبي":ههههههههههههههههه،، أتخيل نواف يغمز لي
العنود":هههههههههه الحمدلله والشكر
روبي:ياربييييييييييييه يا العنوود والله ودي ابكي يقهر ليته يعطيني وجه
العنود صادتها: وتقولين ما أحبه؟؟؟ واضح
روبي ماتبي تعترف بلسانها تبي على الاقل لو ماتقول بيكون أحسن:...........................
العنود حاسه بصديقتها فما حبت تحرجها وهي تعرفها عنيده ووقت ما تبي تقول بتقول اكيد ان شاءالله بعد ما تموت>>وكيف بتقولها يا ذكيه خخخخخ: تبين نصيحتي؟؟؟
روبي بحماس يعني الحقيني فيها: أكييييييييييييييييييييييييد
العنود:عطيه اشكل هذاا الي ينفع معه وحاولي تعاملينه نفس تعامله معك
روبي وهي تأيد الي قالته العنود لانها تفكر في كذاا: وهذاا الي بيصير
العنود: ولا تسوين الي في راسك؟؟
روبي:الا بسويه واعلى مافي خيله يركبه
العنود:عنيييييييييده
روبي الي تغير الموضوع:اسمعي تعالي معي حفلة تخرجه بكره
العنود: ليش؟؟؟
روبي: عشان احس اني بنقهر بلحالي
العنود: اوك
روبي: اشوفك بكره هناك
العنود: اووك
روبي: اجل يله انا طالعه مع السلامه
العنود: مع السلامه
انتهى البارت الحادي عشر
توقعاتكم...
البارت الثاني عشر
12
في الحفللة
طبعاا نواف سبق روبي لحفله بطلب منها وهو الاخ ما صدق يبي الفكره ويبي يلحق على حبيبة القلب،،طبعاا وصلت روبي للحفلة الي كانت صاخبه بكل معنى للكلمه دخلت وتوجهت كل الانظار لها طبيعي أي احد داخل لازم الناس تطالع فيه بس روبي كانت غير لما دخلت خلت العالم كله متعلقه انظارهم فيها ومن ضمنهم نوااف والعقرب>>>على قولة روبي...
كانت لابسه فستان قصير لنص الساق لونه اصفر صارخ يلفت الانظار غصب وكانت مخليه شعرها على طبيعته كيرلي وحاطه مكياج هادي ورج احمر فاقع كانت كلهاا عموماا وااااااااااااو كل شي فيها يصرخ انووثه وجمال كانت رووعه لدرجة ان نواف ترك مايا وراح لها ركض ومن غير شعووره وصرخ في وجهاا:وش الي تسوينه؟؟؟أنهبلتي؟؟؟
روبي بهدووء ودلع: بسم الله علي من الهبال،، وش سويت؟؟؟
نواف مهما كان تعامله مع روبي ما ينكر جمالها ابد الي ييخلي أي احد يعلق نظره فيها غصب عنه نواف معترف بينه وبين نفسه ان روبي أحلى بكثييييييييييييير من مايا بس قلبه وعقله متعلقين فيها،، بس يغار على روبي كثيييييييييييييير حتى لو ما اظهر هذاا الشي...
نواف: وش هذاا البس؟؟؟
روبي الي شوي وترقص من الفرح يالبه قلبك يالمار والله اني امووت فيك،،وهي تدور:حلوو لبسي؟؟اعجبك؟؟
نواف الي سحبها من يدها بقوه وطلعها براا عشان يعرف يتفاهم معها لان صوت الغنى ازعجه وعيون الناس الي شوي وتاكل رووبي:قولك وش هذااا؟؟
روبي بنفس برودها ودلعها:فستان وش فيك نواف ما تشووف؟؟
نواف الي عيونه تطلع شراار:ليش تلبسن كذاا ؟ووين حجابك؟؟؟
روبي:امممم حجاب هذااك اول والاول تحول>>عن اذنك
نواف صرخ: روووووووووووبي
روبي :نعم؟؟؟
نواف :لو ماطلعتي من هنا الحين موب صاير خير
روبي: انا مرااح اطلع هذاا 1 ،،2 اذا بتلبسني حجاب لبس حبيبت قلبك قبل،،3 انت قلت انك مالك علاقه فيني واني مالي وجود بحياتك مثل ما انت مالك وجود بحياتي اجل ليش تتدخل فيني؟
ودخلت قبل ماتسمع منه جواب اماا هوو فدخل وراها وراح لمايا بسرعه لانه حس انها زعلت يوم تركها وراح لروبي....
العنود: ياملعوونه حرام عليك
روبي:احسن يستاهل بس اول مره احس اني بردت حرتي
العنود: بس شكلك اسمحيلي مع اني مو راضيه عليه بس خطيييييييير
روبي الي ماكانت مع العنود: نعم وش قلتي؟؟
العنود تطنز: بلاك معي بسم الله عليك
روبي:شووفي عنيييد مو هذاا فيصل الي هناك
العنود: الا هوو
روبي: واااااااااااااااااي اناا مبسووطه احس اني بطير من الفرحه
العنود: ليه؟؟
روبي : شووفي وش بسوي بقهر نوافف
العنود: روبي خلاص يكفي انه خلاك كذااا انتي شوفي كيف نظراته لك والله شوي ويذبحك
روبي: طيب وش رايك الي بتروح له بنفسها
العنود: نواف
روبي: ايه
العنود: اسمحي لي انتي استخفيتي
روبي:شووفي >>>>وراحت لفيصل الي كان واقف بعيد مع واحد ولا انتبه لهم طبعاا روبي الي توجهت لفيصل بكل ثقه وغرور وهي عارفه ان نواف يراقبها بعيونه الي يطلع منهم شراار :هااااااااااااي فيصل
فيصل الي وكنه ما عرفها:روووبي؟؟؟
روبي بأبتسامه تذووب الصخر: ايه رووبي وش فيك فيصل ماعرفتني؟؟؟
فيصل وهوو يمد يده لها: صرااحه لا بس جدددددد واااااااااااااااااااو
روبي بأبتسامه حياا:ثانكس
فيصل :انت يفعلاا شي وااوو
روبي بحيا:فيصل خلاص
فيصل:ههههههههه يعني عاادي مثل الاخوان
روبي:ولو،،المهم تعاال بعرفك على واحد
فيصل:لا يكون نواف؟؟؟
روبي: وش دراااك؟؟
فيصل: يامااما توصلني اخبارك من العنود ورهف
روبي: وجععع عنيييييد ورهيف مايعرفوون يسكتوون؟؟؟
طبعااا اكيييييييد مستغربين وجوود رهف في الموضووع بس رهف تصير بنت خال فيصل وخطيبته في نفس الوقت
فيصل ضحك ضحكه عاليه خلت نواف وهو يتحاشى يناظرهم عشان مايذبح روبي بس غصب من ضحكة فيصل ناظرهم:هههههههههههههههههههههههههههههه
ربي يوم انتبهت لنواف كيف صار شكله قالت لفيصل بفرحه بفرحه: فيصل وربي اني احبك
فيصل:هههههه والله لعلم اختك
روبي: ياخ ليه فهمك دايم غلط ؟؟
فيصل:مثلك
روبي:المهم يله تعال بوريك نواف
فيصل:شايفه
روبي:تعرفه؟؟؟
فيصل:لا ،،بس هوو الوحيد الي باياكلنا بعيونه
روبي:هههههههههههههه
فيصل:ترى ماقلت شي يضحك؟؟
روبي: ادري بس عشان يشوفني اضحك معك
فيصل: انتي ناويه ترجعين مطلقه ولا مكفخه واحد من اثنين
روبي: ولا وحده المهم يله وتسحبه لجهت نواف: هاااااااااااااااااااي نواف
نواف الي وده يذبحها بس ماسك نفسه ورد بدون نفس:هلا
روبي:حبيت اعرفك وهي تأشر فيصل صديقي وبعدها أشرت للجه الثانيه نوااف وطالعت فيه بسخريه وقالت ولد عمي و بمكانت أخوووي
فيصل يمد له يده:تشرفنا
نواف الي ولا كنه شاف اليد سفهه: عكسي تماماا ما تشرفت
روبي: افاا يا اخووي وش فيك؟؟،،احد مضايقك؟؟
نواف الي حرقها بنظراته بس ما اهتمت وكملت:فيصل سووري ترى نواف مايقصد بس هوو شكله زعلان ولا هوو يحب الي احبهم>>>وشدة
فيصل :ايه واضح انه متضايق،، عموماا يا اخ نواف فرصه سعيده وهو يناظر روبي يله
روبي بدلع وابتسامه واااو: يله
وراحوو للعنود عن نواف الي كان خلااااااااص موولع شراااار...
العننود: انتي انسانه مجنوونه
روبي: خليه يستاهل يقهر
فيصل: بس هذاا مو اسلوب
روبي:هوو الي اجبرني على كذااا
العنود: والله يا العنود يا ويلك قسم انه بيذبحك اليوم شووفي كيف يطالع فيك
روبي: كيفه وبعدين من قالك اني بروح معه البيت؟؟
فيصل:اجل وين بتروحين ان شاءالله؟؟
روبي:عند العنود
العنود:آسفه مرااح استقبلك
روبي:وهوو بكيفك
العنود: اجل بكيف مين؟؟
روبي:كيفي
فيصل:نصيحه روحي معه لانه شكله مررره مولع بتسوين شي زيادة بتروحين فيها
روبي:رايك كذاا
العنود: اكيييييد رايه كذااا
روبي: بس اول بقوله اني بروح معك بعدين بروح معك
العنود: يعني لازم تستهبلين
روبي: ايه لازم
مر الوقت سريع وروبي مررره مبسووطه اول شي ان نواف حرقها نظرات كل ما جت عينه بعينها وان مايا مررره انقهرت من اسلوب نواف اليوم وانه ليه يتعامل مع روبي بهذي الطريقه كانه يحبها...
جاهم نواف وهم واقفين يسولفون ويضحكون وبصوته الرجولي وفيه نبرة غصب:رووبي
روبي الي التفتت باستغراب :هلا
نواف: يله مشينا
روبي:لا روح انت انا بروح مع العنود وبنام عندها
نواف بعصبيه:وشووو؟؟؟
روبي بهدووء: بنام عند العنود
نواف وهو يخزها بحقد:روبييييييي قلت مشينا
فيصل يتدخل عشان يساعد روبي انها تقهر نواف شوي ويحس على دمه:خلها معنا تونا ماشبعنا منها وهي على ماقالت بتنام عند العنود واذا خايف على اختك وشد على كلمه اختك انا مستعد اوصلها هي والعنود لشقتهم
نواف الي فلتت اعصابه من فيصل وتدخله:وانت وش دخلك؟؟ وبعدين انت صدقت انها اختي تراها زوجتي
فيصل الي عاش الدور وسواا انه مصدووم: زوجتك ؟؟
نواف: ايه زوجتي موب عاجبك
فيصل:لالالا اكيد تخربط أي زوجه واي خرابيط شكلك تعبان وتبي ترتاح
نواف: والله انت الي تعــــــ...........
تقاطعه روبي لانها شافت الشرار يطلع من عيونه حست انها زودتها شوي وغير كذاا تعرف نواف الحين اكييييييد بيجلده ويدوس في بطنه وفيصل اكيييييييد مراح يسكت لها وبتصير هوشه مالها داعي:نواف يله نمشي
نواف الي يوم شافها تبي تروح سكت لانه ماله خلق حددددددددددده معصب :يله
في الشقه
نواااااااااف وما ادراك ما نواف يممممممممممممممممممممه يخرع مرررررررررررره معصب...
نواف: انتي بأي حق تسمحين لنفسك تطلعين بهلمنظر؟؟
روبي:بحق اني انا الي احكم نفسي مو انت ومالك شغل فيني
نواف: انا زوجك ولي حق عليك
روبي:زوجي ؟؟ههههههههههههههه ضحكتني يا زوجي المحترم انا مو متزوجه وانت بس مجرد اخ فقط لا غير
نواف: انا زوجك غصباا عليك
روبي: مو بكيفك وهذاا قرارك وانت الي قلت عليه وتحمله ،،والرجال كلمته ما يثنيها
ودخلت غرفتها وخلته حيرااان ما يدري وش يسوي ولا هوو فاهم ليه يسوي كذاا اصلاا هذاا كلامه وهذاا قراره ليه يزعل وليه يعصب وهو مو مهتم ....
بعد اسبوووووووووع
والحال نفس الحال ماتكلمه ولايكلمها وطول الوقت طالع ويا مايا بس تغير ان العنود رجعت للرياض وفيصل رجع للرياض بعد عشان بيملك على رهف وربي مييته على ماتحظر ملكة اختها....
روبي:بس انا برجع للرياض
نواف: واناا ما ابي ارجع للرياض
روبي:نواف حرام عليك بروح احضر ملكة اختي
نواف: بس هم مراح يسوون حفله بس بيملكون
روبي: ادري بس ولوو لازم اوقف معها
نواف:آسف ما اقدر اترك مايا وهي بهذي الحاله اليوم امها ماتت
روبي بقهر: عساها تلحقها
نواف الي قام ومسكها مع يدها ولفها:استغفر لااخليك تلحقين امها
روبي:آآآآآه فكني
نواف:استغفري
روبي: استغفر الله ،،طيب خلني اسافر لحالي لاتجي وانت اجلس مع مايا
نواف:لاااااااااااء بعدين جدي وش بيقوول؟؟؟
روبي:لا تخاف مراح اقوله شي صدقني
نواف:سوووري انسي فكرة السفر
روبي: جعل عقربك تلحق امها قل آمين >>>>وراحت تركض للغرفه عشان مايمسكها
نواف بصوته الرجولي يخوفها :تعااااااااااالي>>> الا يسمع صوت الباب وابتسم صدق خبله هذي البنت
اليوم الثاني
روبي تكلم اختها:والله لا ما اقدر
رهف بحزن:ليييييييييييييييييييييش؟؟؟
روبي:يقهرررررر والله ودي اصفقه
رهف:ايه باين والله انك تحبينه وهين تصفقينه
روبي: آآآآآه بس لو ألقى لبعض الاحاسيس تفسير؟؟؟
رهف:اقوول ترى انا فاهمتك صح وادري انك تحبينه صح ولالا؟؟
روبي بحزن لانها فعلاا حبته بس كانت تلعب على الكل واولهم نفسها:لا خييير تخيلي احبه؟؟
رهف: روبي اقول لا يكثر انا اختك واقرب الناس لك وفاهمتك عدل ولا لو ما تحبينه كان ما جلستي معه ولا دقيقه
روبي:بس انتي عارفه اني جالسه معه مغصووبه
رهف:صح بس كان بأمكانك انك تروحين عند العنود ولا عند جدتك صح ولا لا؟؟
روبي في نفسها صح:لا,,وخلاص قفلي عن الموضوع
رهف: هذاا طبعك اذا كانوو الناس صح وانتي غلط تتهربين وخصوصاا في المواضيع الي تخصك
روبي:رهف خلاااااااااااص
رهف الي رحمت اختها ما تبي تزيدها :الا انا ماقلت لك؟؟؟
روبي: وشوو؟؟؟
رهف:فيصل ترى بيرجع بعد أسبوع
روبي:وشلووون؟؟؟
رهف:يقول انه بياخذ كوورس صيفي عشان يخلص اسرع يعني مثل حبيب االقلب قبل
روبي:الا انا ماقلت لك ؟
رهف :وشوو؟؟؟
روبي:ان حبيب القلب بياخذ كورس صحيح بس عند العقرب لان امها ماتت
رهف:وهوو عشان كذاا مايبي يجيبك؟؟
روبي: ايه
رهف:والله يقهر وبيله تصفيق
روبي: مو انا قايله لك من زمان بس انتي الي تدافعين
رهف:تدرين لازم تكسبينه
روبي:انا يأست صرااحه ،،المهم هذا هوو جاا الحين انا بقفل عشان في راسي شي وبعدين اقولك اوك
رهف:اووك باااي
روبي:باااي
راحت له>>>>>
روبي بأبتسامه ساحره: هااااااااااااااااااي
نواف الي يناظرها بأستغراب:اللهم اجعله خير,,وش وراا هذي الابتسامه؟؟؟
روبي:احلى شي انك فاهمني
نواف: البيب بلاشارة يفهم
روبي بصووت واطي: مرره يا البيب
نواف:وشووووو؟؟
روبي بأبتسامه:ابد ولا شي ،،ممكن اتكلم؟؟؟ انت فاضي؟؟؟
نواف:تكلمي سمعينا وش عندك؟؟
روبي:طيب اجلس ما احب اتكلم وانت واقف
نواف:اجل تعالي غرفتي انا بجلس على سريري بتمدد مره تعبان
روبي بصوت قصير وهي تلحقه:وذي العقرب تخليك ترتاح؟؟
نواف: انتي وش تقولين؟؟؟
روبي: اقول جايه وراك
ودخلوو الغرفه وانسدح نواف على السرير:تفضلي اسمعك؟
روبي:الحين رهف بتملك يوم الاربعاء .........
نواف يقاطعها:روبي وبعدين.......................
روبي: خلني اكمل
نواف: بسرعه انا تعبان وابي اتروش وانسدح شوي
روبي:طيب،،المهم انا بروح بس اسبووع عشان فيصل بعد بيرجع بعد اسبوع ويمدي اجي معه وش رايك؟؟؟
نواف: ووش دخل فيصل في رهف؟؟؟
روبي الي انتبهت :لاااااااااء هوو ماله دخل بس قصدي ارجع معه بنفس الطياره
نواف: روبي اطلعي برااا دام النفس عليك زينه
روبي: طيب بلحالي والله عاادي مرااح يصير شي وبقول لجدي عندك كورس صيفي وش رايك؟؟
نواف:روبي بلحالك لا انا اخاف عليك وبعدي انتي ناسه اني تخرجت؟؟؟ ولا تستهبلين؟؟؟
روبي: تخاف علي؟؟؟؟وبعدين عاادي بفقول ياخذ لغعه اي شي بس خلني اروح
نواف: ما ينفع تروحين بلحالك ومستحيل ارسلك مع فيصل لو تطيرين
روبي: صحيح اني بنت وصغيرة سن لكن قدها وقدود،،انا لي مع الدنيا مواقف ترفع الهامه
نواف:ولووو لاتناقشيني في الموضوع >>>أخذ الفوطه ودخل الحمام
روبي بعصبيه: حمااااااااااااااار تقهههههههههههر ودي اصفقك
>>>>ياعمري عليك ياروبي انتي الي بتتصفقين مو هوو خخخ
انتهى البارت الثاني عشر
توقعاتكم....
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك