رواية قلوب عميقة -11
ماجد:يا بطئك
خالد:هاااا نعم جيت شوو بدك
ماجد:ايش الي شو بدك يابن اللبنانيه نسيت انه اليوم العلاج الطبيعي حقي
خالد:ايوه والله صح طيب امشي
ماجد وهوا يرتكز على عكازه:يالله انت قدامي
**حال ماجد اتحسنت عن اول سوا له عمليه خلت له امل ان يمشي والعمليه نجحت ميه في الميه بس الي بقي شوية علاجات طبيعيه وبعض التمارين ويرجع ماجد زي ماكان صاخ سليم وهوا حالياً مايقدر يمشي الا بعكازين الين مايشفى تماماً...وماجد ما غابت عن باله رهف بالعكس كبر حبه لها وزاد اشتايقه لها وبيمووت من القهر والنار الي بتسري في جوفه مقهور على النهايه الي هوا سواها بيده وعلى التحطيم الي حطم بيه احلى قصة حب في عمره والي قتله دايماً يقول في نفسه ليه ما استنيت ليه مافكرت اني ممكن اتعالج لييييييه لييه ياخساره فقدتك يارهف مرتين والندم بيقتلنيي........
وخالد الي كان معاها خطوه بخطوه ما سابه دقيقه مبسوط ويحاول يكفر عن ذنبه.. خالد اتغير كتيير عن الي كان عليه في السعوديه حاول يتغير وبالفعل انه قدر بس ببطئ شديد ودايماً الي يدفعه للتقدم والتغيير ماجد ومي ومحمد اهم ثلاث عناصر في حياته حالياً خالد بدء يحس بقيمة ولده محمد الي فوقته مي على حبه وعلى غلاه عنده خالد كان مستعد يرجع السعوديه اليوم قبل بكره عشان ياخد ولده في حضنه ويعطف عليه ويعوضه عن حنان الاب والام الي فقده وهوا في اول سنتين له بي هالدنيا بس مايقدر يرجع ويسيب ماجد صديق عمره الي كان هوا السبب في تحطيم حياته خالد كان ندمان اشد الندم على تفرطيه بولده وعلى افعاله السابقه الي الان هوا بيدفع ثمنها وكان دايماً يقول في نفسه ليه ما اخدت محمد معايا ليه ما قدرت قيمته الا بعد ما فوقتني مي كيف اغفل عن اغلى واثمن شي بعمري الشي الوحيد الي طلعت بيه من نهال كيييييييف وياخساره فقت بعد ما فات الفوت وبعد ماضيعت نفسي وصديقي واهلي آآه يا خساره بس ان شاء الله كل شي بيتصلح من يوم ما ارجع السعوديه ان شاء الله**
وفي المستشفى....***ملاحظه***( (الاجزاء القادمه والتي بين اقواس هيا باللغه الانجليزيه لكني هنا اكتبها لكم بالعربيه ليعم الفهم على الجميع))
الدكتور: ((جيد جداً ممتاز اتحسنت حالتك بصوره غير طبيعيه وهادا يفيدنا بشكل كبير))
ماجد: ((حقيقي يادكتور يعني انا شفيت تقريباً))
الدكتور: ((ايوه طبعا اتحسنت حالتك بشكل غريب اول مره اشوفه ))
خالد: ((كيف يعني يادكتور))
الدكتور: ((يعني انا دايما اقابل زي حالت ماجد بس ماقد شفت حاله اتحسنت ولو اتحسنت تتحسن ببطئ شديييييد لكن ماشاء الله عليه ماجد بوقت قياسي قدر يتحسن))
ماجد: ((اي بوقت قياسي الله يهديك صارلي اكثر من سنتين وانا عندكم))
الدكتور: ((طيب ممتااز جداً في ناس يتحسنو بعشر سنين مو اتنين بس))
ماجد:الحمدلله
الدكتور: ((ايش))
ماجد: ((لا ولا شي))
الدكتور: ((طيب انا دحين رايح تبغى شي))
ماجد: ((لا شكرا))
الدكتور: ((طيب و يا اخ خالد خليه يلتزم بالعلاجات الطبيعيه لمدة اسبوعين كمان بعدين خلوني اشوفه))
خالد: ((طيب مو مشكله))
ماجد:الحمد لله الحمدلله والله من جد ما اتوقعت اتعافى ياخالد
خالد:الحمدلله ربنا ما ضيع دعائنا على الفاضي
ماجد وهوا ينظر لصاحبه باعطف واحن نظره نظره كلها ممنونيه وتقدير:اشكرك ياخالد لولا الله ثم انت ماكان صار دا حالي وما كان اتحسنت
خالد:لاتقول كدا ياماجد وبعدين قبل ما اكون انا السبب في الي صار لك انت اكثر من اخ وانت غالي وعزيز ولو تطلب عمري ما بقصر معاك
ماجد:الله لايحرمني منك يااارب
خالد:امين ولا منك
ماجد:طيب يلا قوم بلا هالرسميات ههههههههههه وخلينا نروح البارك نفسي ارهف عن نفسي شويه
خالد وهوا مبسوط:هههههههههههه الله يقطع ابليسك ههههههه يالله مشينا
وفي مستشفى تانيه وبالتحديد مستشفى في مدينة نيويورك بأمريكا......
يفتح رامي عينه ويشوف نفسه على سرير ابيض وبغرفه غريبه وفوق راسه كذا شخص !!!!!!!!!!!!!!!!!!!!!!!!! !!!وهوا مو مستوعب ايش الي بيصير وايش الي حصل ومين دولا الناس.........
***ملاحظه***((الاجزاء القادمه والتي بين اقواس هيا باللغه الانجليزيه لكني هنا اكتبها لكم بالعربيه ليعم الفهم على الجميع))
الدكتور: ((لاتخاف يا اخ رامي انت بخير))
رامي: ((انا فين ومين انتو))
الدكتور: ((انا الطبيب المعالج وانت في مستشفى---------))
رامي: ((ليه ايش صار ))
الدكتور: ((ماصار شي غير انك سويت حادث انت واتنين من اصحابك))
رامي وهوا مفجوع ويحاول يجلس وهوا يتأوه: ((آآآه صار لهم شي))
الدكتور وهوا يرجع رامي لوضعه على السرير: ((لا بخير مافيهم حاجه انت بس الوحيد الي انصبت واصابتك خفيف ماتضر وخليك كدا انت لساتك تعبان))
رامي بعد ماهدء شويه: ((اوكي شكرا يا دكتور))
الدكتور: ((العفوو بس انت راح تجلس عندنا يومين على بال ماتتعدل صحتك لانه اصابك كسر في رجلك وشوية رضوض في جسمك فما نقدر نخرجك الا لمن تتحسن))
رامي: ((اوكي مو مشكله بس اهم شي اصحابي عسى ما صار لهم شي كبير بس))
الدكتور: ((لامافيهم شي واحد فيهم اتكسرت يده والتاني مجرد رضوض خفيفه لاتخاف عليهم))
رامي: ((ممكن اشوفهم))
تامر: احم احم نحن هناااا
طوني:ياخي شو عملت فينا هيك عجبك كسرت لي إيدي
رامي وهوا خجلان من الي سواه:اسف والله ماكنت اقصد بس كنت معصب مرره وانتو تدرو بلي عصبني
تامر:ههههههههه ياشيخ مابينا هالكلام انا ماصارلي شي ولا هالاخ الي قدامك بس الي صار انه سيارتك صارت بححححح
رامي وهوا يعدل راسه على المخده:عايدي مو مهمه السياره بقدر ما انتو اهم
طوني:لك يسلملي الي خايف علينا
تامر:اي والله بس لو مو جنونه ماكان وصلنا لهنا وماكان صار له ايلي صار
رامي................
طوني:شووف رجله شو عمل فيها الله يستر وبيقدر يمشي لانه بصراحه مافيني شيله
تامر:اي والله شوف كيف صار دب ما نروم نشيله
رامي:حرام عليكم انا دب انا انحف واحد فيكم ويلا بدون مطرود ابغا ارتاح
تامر:شف الريال يطردنا بعد ما سامحناه
طوني:يؤيؤ خلاص اجل مافينا غيرنا رأينا مابدنا نسامحك
الدكتور: ((لو سمحتو المستر رامي تعبانه خلوه يرتاح))
طوني: ((اوكي دكتور بنطلع))
تامر:والله حاااااله اقوول امشي طوني اليوم انهنا وايد مالنا مكان هنا
طوني:ايه والله مالنا مكان<<<يقولها وهوا يقلد طريقة ولهجة تامر
رامي:ههههههههههههههه ياحبايبي انتو مكانكم بالفعل مو هنا
تامر:لا والله فرحان حضرتك
رامي:ايوه من جد انتو مكانكم هنااااا<<<ويأشر على قلبه
طوني وهوا يبوس رامي:لك يسلمي هالحلووو
تامر:ههههههههههههههههه دايماً تخرج منها يارامي هههههههه هين صبرك علي بس تطلع من هني لا اراويك.....
طوني وهوا يجر تامر معاها:امشي ياعم قبل ما يطردونا تاني خلنا نطلع بكرامتنا افضل
ويطلعو تامر وطوني.....ويقعد رامي يضحك على حركات اصحابه الي من جد مايدري بدونهم ايش كان ممكن يسوي.......وتاخده رامي الافكار لبعييييييييييييد لبعيييييييييد الين بيت ابوه ولي ذكرياته معاهم ولي خاااالد ولي جمعات العيله ولأولاد عمه ولأمه ولا ابوه ولي اعمامه واصحابه ولي رندا........رندا<<<ماتلاحظو شي غريب
.....رندا استغرب رامي من مرور هالاسم على باله وقعد يقول لنفسه ايش دخل رندا فيا وليه اسمها مر ببالي........ههههههههه يمكن لاني افتكرت الموقف الي صار معاها.....والله تلاقيها كبرت.....واكيد احلوت لالا هيا كانت اصلاً حلوووه وزي القمر لا بس اكيد احلوت لانها ماشاء الله عليها قمر واحلى من القمر كمان.....اكييييد صارت بالثنوي....و....و<<<<لاحظ رامي تفكيره الي اتجه بقووووه لعند رندا وجلس مستغرب من نفسه........ويقول رامي لنفسه ايش هالغباء انا ايش دخلني فيها هالبنت مالي دخل فيها بس اهلي والله وحشوووني ياربي متى يجي اليوم الي ارجعلهم آآآه ومية آآه كمان ايش هالغربه الي حطيت نفسي فيها والله اني اهبل بقراري دا والي كنت فرحان موت فيه مادريت اني اعز اهلي قد كدا وبعدين الموقف حق اليوم بيخليني اصر على الرجوع للسعوديه بأقرب وقت....وقعد يفتكر الي صار معاه من يوم ما جاته ديك البنت الي زي القمر والي تقول للقمر بكل تواضع قوم وانا اقعد مكانك كانت غايه في الشياكه...النعووومه...الر قه.....الذوق في اختيار الملابس واناقة المظهر
......:اخ رامي ممكن شويه
رامي:تزهميني انا...
......:ايوه انت لو سمحت
رامي:ايوه نعم امري
......:ما يأمر عليك عدو<<<الاخت هادي من السعوديه كمان وجات تدرس زي رامي وليها اكثر من ثلاث سنين بأمريكا وابوها يكون مسؤول كبير في الجامعه الي بيدرسو فيها الاتنين ....
......:انا بس حبيت اقول لو ممكن اعطيك رقم جوالي في موضوع خاص ابغا اكلمك فيه ضرووري
رامي:موضوع خااص؟؟؟!!!!
......:ايوه لو تسمح تعطيني رقم جوالك او انا اعطيك رقم جوالي
رامي استغرب منها ايش تبغا هادي منه......
......:هااا موافق ولالا؟؟
رامي:طيب ما ينفع تقولي موضوعك هنا
......:لالالالا ابدا ما ينفع
رامي:ولا حتى في الكافتريا
......:لاء ما اقدر
رامي بعد ماحاول يتحجج ومدري ايش استسلم واتبادلو الارقام واتفقو انهم يكلمو بعض في نفس اليوم بالليل....
وفي الليل ورامي في بيته......يدق الجوال ((بنغمة العيون حقت راشد))........
......:مساء الورد والكادي<<<بأنعم واسحر صوت ممكن يسحر اي ولد
رامي مستغرب من طريقة كلامها:مساء النووور
......:كيفك رامي؟؟
رامي!!!!!!:الحمدلله بس من فين تعرفي اسمي
......:يؤ يؤ شكلك مرره مضيع ترى انا معك في نفس الفصل وبعدين انا اعرف عنك كل شي وانا لو اقول واشر على اي احد اقدر اعرف عنه كل شي
رامي:!!!!!عني انا وبعدين ليه يعني مين انتي عشان تقولي دا الكلام..؟؟؟
......:امممم عنك انت لسبب خاص وانا بنت اكبر مسؤول في الجامعه ويعني الي ابغا اعرفه اعرفه بدون نقاش
رامي لمن جات كلمة خاص افتكر انه بيكلمها عشان موضوع خاص قالتله تبغا تكلمه فيه....
رامي:ايوه صح ايش موضوعك الي تبغيني فيه ياحضرة بنت المسؤول<<<يقولها بأستهزااء كبير
......:لازم دحين خليه بعدين
رامي:ايش بعدين هادي..انتي مو مكلمتني عشانه
شوق:ايوه بس يعني اممم.....
رامي الي بدا يتشكك في وضعها:اوكي اختي مع السلامه ولمن تفكري تقوليلي موضوعك دا رقمي عندك باي
......:لالالا لحظه خلاص بقولك
رامي:هاااا ايش هوا؟؟؟
......:انت ليه كدا عصبي خلنا في الاول نتكلم وندردش وبعدين انت على فكره ما سألتني عن اسمي
رامي:مو لازم لانه مايهمني
.......:افاااا مايهمك طب ليه بتكلمني؟؟
رامي:ايش الي ليه بكلمك يابنتي تراني مو زي الاولاد الي تعرفيهم انا بكلمك لانك تبيني في موضوع مهم حسب مافهمت منك ومافي سبب غير كدا يخليني اكلمك
.......:طيب اوكي اولاً انا بقولك اسمي انا اسمي شووق وعمري 20 سنه وتانياً موضوعي بقولك هوا بس خليني اتعرف عليك ونتاقش ونتافهم وبعدين عصب وسوي الي تبغا
رامي الي خلاص عصب مررره:بس يا اخت شوق احنا مابيننا لانقاش ولا كلام انتي قلتي تبغيني في موضووع وانا وافقت عشانه ووووبس غير كدا ماعندي كلام
شوق:طيب ليه عاااد يعني ماعجبتك ولا شكلي ماعجبك ولا صوتي ولا ايش الموضوع
رامي استغرب من وقاحتها وكلامها الفاضي:ايش الي عجبتنك وماعجبتك والله من جد انك ماتستحي
شوق:شوف رامي خلينا نتفاهم ونتكلم ولاترى مابيصير لك خير انت وهالاسلووب<<<تقول هالكلام بطريقة وعيد وتهديد
رامي:وكمان تهددي يا......والله ماني ناوي انزل نفسي لمستواكي بس الي بقولك هوا هادي اخر مره تدقي على دا الرقم انتي فاهمه.....ويقفل السماعه في وجهها...
واتكرر كم مره اتصالها بس هوا مايرد وهوا صار يلاحظ وجودها فعلا في حصصه وكانت تنظر له نظرات غربيه خلته يتنرفز....
وافتكر داك اليوم لمن جاته في الكفتريا......
شوق:رامي ممكن شويه
رامي:دقيقه شباب
تامر وهوا يبتسم بخبث:خد راااحتك
وتجره شوق من يده على الطرف...فيسحب رامي يده منها وهوا مستغرب من جرأتها ووقاحتها......
رامي:خيييير ايش في تاني؟؟؟
شوق:انت ليه تعاملني كدا
رامي:لانك ببساطه قليلة ادب
شوق تشهق:انا لييه ايش سويت؟؟؟
رامي:كتير واخرها مسكك ليدي قدام الناس والعالم
شوق:مافيها شي ولا تنسى هنا نحنا في امريكا وعايدي عندهم دا الشي ولو تسوي قدامهم شي اكبر ما بيقولو حاجه
رامي الي مرررره متغاظ منها وعيونه تولع شرر:انتي ماتقوليلي ايش تبغي مني
شوق....والي كااانت هاااااايمه في عيون رامي تعجبها نظرته هادي تحس فيها جاذبيه وخصوصاً لمن يعصب......
رامي:هيييييي انتي ليه تطالعيلي كدا
شوق الي دوبها تفوق:هااا لا ولاشي
رامي:اوكي اخت شوق انا احذرك للمره الاخيره لاتتعرضيلي ولا تحاولي او مجرد تفكري مجرد تفكير توقفي في طريقي او تكلميني مره تانيه انتي فاهمه.......ويروح ويخصرها وما يستنى تعليقها......
وبعد كم يوم ورامي بيركب سيارته........
شوق تفتح باب سيارته وتركب.....
شوق:هاااي
رامي؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!
شوق:ايش بك
رامي:انتي ماتقوليلي ايش تبي وكيف تدخلي سيارتي بدون اذن
شوق بدلع:عايدي ماعندي احد يوصلني وقلت انت توصلني مافيها شي
رامي:واذا قلتلك انا ما ابغا اوصلك
شوق:برضو عايدي بكلمك شويه بعدين اطلع
رامي:يااااااااربي انتي ماتفهمي ايش قلتلك اخر مره
شوق:انا بس حبيت اقلك حاجه او بالاحرى اقلك موضوعي الخاص الي من المره الاولى وانت ذالني عليه
رامي:اخييييييييييراً طيب يالله قوليه وفكيني
شوق والي بدى الخجل على وجهها لأول مره في الحياه:رامي انا...انا...انا احبــــك
رامي؟؟؟؟؟!!!!!!!!!!!!
رامي انصدم من كلمتها هادي وحس نفسه بيقوم ويعطيها كف من متى تحبه هالبنت الوقحه وبأي حق وما بينهم علاقه و....و...و.......
شوق:ايش بك
رامي:ولا شي وايش كمان
شوق:ايش الي ايش كمان انا اقولك انا احبك رامي
رامي ببرود شدييييييييد:والمطلووب؟؟؟؟
شوووق انقهررررت منه ومن برووده وطلعت من السياااره زعلاااااانه مررررره وعلى الاخررر والدموع تنزل من عينها........
وبما ان شوق ابوها اكبر مسؤول بالجامعه فهيا بلغته بأشياء خاطئه وقالتله يوقف في طريق رامي ويبهدله وطبعا ابوها استجاب لطلب بنته الوحيده وقرر يوقف في طريق رامي......
وفي يوم من الايام كان رامي في حصه من حصصه وطلبه مدير الجامعه.....
***ملاحظه***((الاجزاء القادمه والتي بين اقواس هيا باللغه الانجليزيه لكني هنا اكتبها لكم بالعربيه ليعم الفهم على الجميع))..............
رامي: ((نعم استاذ))
المدير: ((اهلاً رامي اتفضل اجلس))
رامي: ((شكراً ايش الموضوع الي تبغاني فيه يا استاذ))
المدير: ((مدري ايش اقلك يا رامي بس انت مهدد بالفصل))
نزلت الكلمه على رامي زي الصاعقه........
رامي: ((اييييييش وليييييييييييييييه؟؟؟؟؟؟؟ ))
المدير: ((والله علمي علمك بس هادي اوامر من جهات عليه ولازم علي انفذها))
رامي: ((يؤ طيب والمطلوب مني))
المدير: ((ما ادري يا رامي بس انا الي اعتقده انك عامل مشكله مع احد ابناء المسؤولين وهما قررو يعترضو طريقك وانت عارف انك على تخرج وما بقيلك غير شهرين على الاختبارات ووقوفهم في طريقك صعب مررره يعني حيهدمو عمل ودراسه ثلاث سنين تقريباً))
رامي المصدوم من هالكلام معقوله تنهدم سنتين او تلات سنين تقريباً من عمره عشان ديك البنت التافهه معقوله يخسر تغريبته وبعده عن اهله عشان ديك البنت الوقحه ليييييه وبأي حق.....
المدير: ((رامي انا انصحك تشوف طريقك ومصلحتك وترى لو مارضيت الي انت مزعله او شفت له حل ممكن يتعرضو لك في اختباراتك وتنقيص درجاتك وانا ما بيدي حيله ولا اقدر اسوي لك شي انا هنا مأمور زيي زيك))
رامي: ((طيب يادكتور انا حأشوف الموضوع))
المدير: ((طيب بس اهم شي حاول بأقصى سرعه لان المده الي عنده عشرين يوم بس واخاف يجيني قرار بفصلك نهائياً بعد كم يوم وتدري يا رامي هنا امريكا مو زي بلدكم هنا الظلم اساس الحياه))
رامي والي خلاص حس الشرر بيندر من عيونه والنار تغلي في جوفه: ((طيب مع السلامه))
لمن طلع رامي من عند غرفة المدير وعلى سيارته ولقى تامر وطوني وكان معصب على الاخر وحكاهم على الي صار معاه وهوا يمشي بأخر سرعه وصار من بعدها الحادث بسبب ديك البنت وبسبب زعل رامي....
----------------------------------------
رامي قعد يتذكر كل دا من اول لحظه لأخرها فبدى الحقد يتسلل لقلبه وبدى يكره هالبنت فوق كره لها من جد حس بوقاحتها وقلة انسانيتها والي مزعله اكثر انها من بلده من السعوديه من ارض الحرمين من ارض الطهر والعفاف مو مصدق من هالبلد تطلع بنت زي كدا وبي دي الاخلاق....... ويقطع عليه تفكيره.......
........:هااااااااااااي رامي
-------------------
ساارونه & عذبة الحب
يسلموووو على مروركم حبيباتي
وهذي الاجزاء لعيووووونكم يالحلوين
*&*الجزء الثالث عشر*&*
في بيت ابو رامي اجتماع العيله لدا الاسبوع والكل مبسوط وسعيد....
في مجلس الرجال قاعدين الرجال الكبار لحالهم على الطرف وقاعدين رائد وامجد لحالهم.......
احمد:انت ماتقولي من فين زيت؟؟؟
محمد:مدري يمكن من غرفتي
احمد:طيب روح فارق طفثتني
محمد:اثلاً انا احسن منك عشان كدا انتا زعلان
فهد:خلاص يا اولاد افترو كل واحد فيكم اخس من التاني ترى وانا احسنكم
رائد:هههههههههههه ياحليلهم هالبزوره يجننو خصوصاً ولد خالد لزووز ماشاء الله عليه
امجد:اي والله لزوز مررره وزي القمر دا بسمة البيت الي مانستغنى عنها
رائد:الله يخليه لكم ولأبوه بس ما تلاحظ بدل الالدغ صار عندنا اتنين
امجد:؟؟؟ايش اتنين؟؟؟؟
رائد:ههههههههههههه يعني احمد ومحمد الاتنين من طينه وحده ويتكلمو بنفس الاسلوب بس الله يهديهم ما يتفقو
امجد:هههههههههههههه ايوه والله صح
رائد:بس تصدق الجلسه ماتحلى الا بوجود خالد ورامي
امجد:ايوه والله نفتقدهم مره
رائد:الا متى بيرجعوو
امجد:والله مدري عنهم بس اعتقد رامي بقيله تلات شهور او اكثر
رائد:واااو ماشاء الله يالله الله يرجعهم بالسلامه
امجد:امين الله يسمع منك
وفي الجهه التانيه من المجلس وفي كلام محد يدري عنه غير الكبار......
ابو خالد:هااا يا ابو محمد ايش قلت
ابو محمد:والله يا منصور احنا ما بنلاقى احسن من ولدكم امجد بس ماتشوف انهم صغار لسه
ابو خالد:اي صغار الله يهديك وبعدين احنا ماقلنا بنجوزهم دحين انا قلت بس نسوي خطبه ولا ملكه والفرح بعد ما يتخرج امجد ويشتغل وبعدين على الاقل نطمئن بس انه البنت لولدنا ومو يجي احد غريب وياخدها مننا
ابومحمد الي مو حاب يكسر بخاطر اخوه:انا من جهتي موافق بس تدري لازم نستشير البنت
ابو خالد:اكييد حقكم بس تعتقد انها ممكن ترفض
ابو محمد:لا طبعا هيا فين تلاقي زي امجد والله رجال ولا كل الرجال
ابو خالد والي انبسط مره انه كل شي بيمشي حسب تخطيطاته:الله يسلمك يا اخويه ودا العشم فيك
وبعدين في وقت لاحق بعد ما يرجع ابو خالد لبيته مع اهله.......
ابو خالد:ايش الكلام الي بتقوله دا يا امجد انت اتجننت
امجد:كلامك على عيني وراسي يابابا بس والله مايصير تخطبولي وتحددو على كيفكم يعني انا مو رجال ولا انا مو مالي عينكم ومالي قرار في مستقبلي ولا كمان شو كلمتو اهل البنت ولا كأنه ليا دور في كل هالمسرحيه التافهه
ابو خالد عصب مره من كلام ولده:امجــد انت عارف ايش بتقول
وامجد استدرك نفسه وعرف انه زودها شويه فقال:انا اسف يا بابا والله ما اقصد ازعلك بس من جد شي يقهر يعني انت حط نفسك في محلي ما بتنقهر لمن يصير كل دا من وراك طيب على الاقل بس ادوني خبر ومو لازم تاخدو رأيي بس خبر ياهوو ما بيكثر عليكم
ابو خالد حس بغلطه وانحرج قدام ولده:والله ياولدي انا الي اسف صحيح انا كان لازم اكلمك واخد رأيك في الاول بس والله ما جا ببالي انك بتردني او ترفضلي طلبي وبعدين لمى بنت ولا كل البنات جمال وخلق ودين واي واحد يتمناها فما جا في بالي ابدا انها مابتعجبك او انك ما بتوافق تاخدها
امجد:ياااربي والله يا بابا مو على تعجبني ولالا بس انا اقصد
ابو خالد:لاتقصد ولا ماتقصد يعني انت ناوي تنزل كلمتي عند عمك
امجد:مو على كدا والله بس انا ببالي تخطيطات لمستقبلي واشياء كتيره انا نفسي اسويها والزواج لسه بدري عليه
وبعدين انت ناسي انه لسه ما اشتغلت من فين اصرف على بنت الناس
ابو خالد:تعال اشتغل عندنا في الشركه الوظايف مليااااانه على الاخر
امجد:اشبك يا ابويا ناسي انه تخصصي طب ومالي في شغلكم وبعدين دراستي تحتاج وقت طوووويل ولسه انا دوبي في اول الطريق
ابو خالد:اشتغل اي حاجه في الشركه ولمن تخلص دراسه اخرج منها واشتغل محل ماتبغا
امجد:بس يا ابويا...يقاطعه ابو خالد
ابو خالد:لابس ولاغيره انا قلت كلمتي لعمك وانتهى الموضوع...ويروح ابو خالد لغرفته
وهوا معصب....
وفي الجهه التانيه في بيت ابو محمد......
لمى:بس يابابا انا ما ابغا اتزوج دحين انا ابغا اكمل دراستي
ابو محمد:انا ماقلت تتزوجي دحين انا قلت تنخطبو بس والزواج والفرح بعدين بدري عليه
لمى...... الي ماعرفت ايش تقول هيا صحيح ماعندها اي اعتراض على فكرة الخطوبه او حتى الزواج بس ماتبغا امجد تحسه مغرور ومتكبر وماهي قادره تقول لأبوها انا رافضه الفكره من اساسه مدام امجد فيها......
ابو محمد:ها يابنتي ايش قلتي؟؟
لمى فكرت انها لو رفضت بتسوي خلافات بين عمها وابوها وانها مجبره على الموافقه عشان مصلحة العيله و...و....وعشان كتير اشياء فكرت فيها لمى.....
ابو محمد لمن شاف حيرتها وسكوتها قال:على العموم خدي وقتك وفكري انا طالع انام
لمى.......مارديت عليه وفي نفسها ياربي ايش هالورطه كيف اقدر ارفض بس بدون ما اسبب مشاكل يااااربي ساعدني......
ويعدي اليوم من اسوء ما يكون على امجد ولمى الي الاتنين رافضين هالفكره رفضاً باتاً وحاسين انهم مجبروين على هالموضوع عشان اشياء هما مالهم اي دخل فيها......
نرجع لأمريكا ولي نيويورك عند رامي.....
رامي:انتي ماتقوليلي شو الي جابك هنا
شوق:جيه اطمن عليك ولا هادي كمان عيب ولا حرام
رامي:لا مو عيب ولا حرام بس لمن تجي من وحده زيك تكون اكبر من كدا ويعني كمان ليكي وجه بعد كل الي سويتيه
شوق بتعجب:اناااا ايش سوويت؟؟؟!!!!
رامي:يعني ماتعرفي يلي ماعندك ذرة احساس تهدمي حياتي عشان كلامك الفاضي الله يكافيكي ياشيخه تبي تهدمي حياتي الله يهدم حياتك يارب
شوق انصدمت ايش بيقول هادا ايت هدمت وايت حياه ماني فاهمه شي......
شوق:ايش بتقول انت يارامي ممكن تفهمني؟؟؟؟؟!!!!!!!!!
رامي:انا اقلك مين الي ارسلت ابوها عشان ينذرني بالفصل بعد كم يوم وينهي حياتي ومستقبلي وسنين عمري الي ضيعتها عشان لحظة طيش من بنته ومين كمان الي ناوي اني لو ما انفصلت يتعرضلي في درجات اختباري ويهدم لي عمل ودراسة سنتين وشويه هااا قوليلي؟؟
شوق.؟!؟؟؟؟؟؟؟؟؟؟؟؟؟؟!!!!! !!!!!!!!!!!!!!!!
رامي:ايوه ايوه اعمليلي بريئه يلي ماتستحي لو سمحتي اطلعي بره انتي السبب في الي صار لي والي بيصير مو كفايه اني مسوي هالحادث بسبكم انتي وابوكي الله يكافيكم بس الله يكافيكم بعملك ما اقول غير كدا......
شوق انصدمت بقووه من الي بتسمعه صحيح انها قالت لأبوها يوري رامي شغله بس ماتوصل لي هالدرجه درجة الانذار بالفصل والتعرض لدرجاته هيا كل الي كانت تبغاه مجرد تهزيئه قدام اصحابه من استاذه ولا تنقيص في ماده من مواده بس مو لدي الدرجه...........
رامي:انتي ماتسمعي ولا ماتفهمي ولا الاتنين انا اقلك اطلعي بررره
شوق يطيح بوكيه الورد الروووعه والناعم من يدها وتطلع من الغرفه تجري والدموع على خدها وتقول في نفسها......ليه كدا يابابا ناوي تضيع حب عمري مني والله العظيم انا احبه والله العظيم انا الي تركت كل الشبان عشانه من اول يوم جا فيه الجامعه انا ظليت كاتمه حبه في قلبي سنتين وما بحت فيه لأحد ولمن جا الوقت الي حسيت فيه انه خلاص بيتركنا ويرجع بلده قررت اني اقله ولمن قلتله وبحت له بحبي سوا فيني كدا....انا الي الكل يتمنى يسمع حرف مني او يلمح نظره من عيني يجي واحد زي دا ويهزئني ويرفض حبي ليييييه لييييييه يا بابا ولييييييه يارامي تدمرني وتجرح قلبي الي حبك بأخلاص ليييييييييه ووالله يارامي لو احلفلك بعمري وقلبي وحياتي وسنيني وكل لحظه عشتها في هالدنيا اني احبك واموت فيك ولا اقدر اعيش بدونك بس انت...انت جرحتني جرحتني وطعنتني في قلبي الله يسامحك يا رامي الله يسامحك والله ماكنت اقصد كل الي صار لك..ابويه هوا الي عمل كل شي من نفسه آآآآآآآآآآه انا خلاص ضعت من بعد ماكرهني رامي انا خلاص ضعت من اللحظه الاوله الي فرضت نفسي عليه انا ضعت من يوم ما قلتله الكلمه الي اول مره انطقها في حياتي لشخص ومن يوم ما استهزء بي وبي كلمتي وبي حبي وبكل شي فيني آآآآآآآه بس آآآآآآآآه مو يعني يارامي اني حلووه وانيقه وجذابه يعني انه ماعندي قلب انا يمكن عندي قلب يحويك ويحوي عشره غيرك بس انا ماحبيت غير واحد واحد بس لكن للأسف هالواحد ما يقدر............
تامر:هدي اختي
شوق والي صدمت في تامر مو بقصد:ا..ا..اسف..ه
تامر وهوا يساعدها تتعدل:لا عايدي ماحصل الا الخير..........!!!!!!؟؟ ويتسغرب تامر لمن يشوف الدموع الي على خدها ونظرة الحزن الي في عيونها....
تامر:عسى ماشر اختي فيكي حاجه
شوق:لا شكراً........وتروح شوق تجري لبره المستشفى ويقعد تامر في ماكنه مستغرب منها....
ويروح تامر لعند رامي...وما انصدم لمن شافه معصب والشر يندر من عيونه......
تامر وهوا يشيل البوكيه الورد من الارض ويشمه:وااااااااو روووووعه خساره ليه راميه في الارض يجنن
رامي.........
تامر:هدي يا ابو الشباب احد يشوف الملاك الي طلع قبل شويه والورد الروعه دا ويزعل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك