بارت جديد

رواية اسم على مسمى -15

رواية اسم على مسمى -15

رواية اسم على مسمى -15

فهد: وطلال وين رااح الحين أقول له يروح يجلس معها ..

فهد أشر على طلال أن أنتهت السالفه وروح أجلس مع الجوري

فهد: وهذا أنا قلت له يروح يجلس معها

جنان: اوووف

فهد: تتأففين مني ما هقيتها

جنان: فهد أخلص كلامك بقوم أطلع من أبوي

فهد: لاااا وأنا مين يطلع معي.. ولا أطلع مع وحده من اللي جالسين هنا

جنان: كان أذبحك

فهد: ههههههه اللي عنده القمر ماله مال النجووم

جنان: أضحك علي بكلمتيين

فهد: ما تصدقين كلامي

جنان بكذب: لااا

فهد وقف: تبيني أثبت لك

جنان بسرعه: لا لا

فهد جلس: عشان مره ثانيه تقولين لااا وكمل بجديه.. حنا كنا نمزح معكم بس أنتوا حساسات بسرعه تزعلون

جنان: هذا مو بمزح

فهد: والله العظيم كنا نمزح معكم

جنان: أووكي لاتحلف صدقت

فهد أبتسم لها: أهم شي راضيه علي..

جنان بدلع: أيه راضيه

فهد: فديتك

.

.

كانت الجوري تلعب بجوالها وجا طلال وجلس

الجوري: جنو أيش صاار

طلال ما رد

رفعت راسها وشافته: نعم

طلال: ينعم عليك

الجوري: ايش تبي..؟

طلال: رضاك

الجوري: مو براضيه عليك

طلال: أنتي تعيشيني نص يوم بحلم بعدين ترجعين الأوليه؟

الجوري عصبت: أسأل نفسك.. وبعدين أنا أعلمك كيف أرجع الأوليه

طلال: ههههههه حبيبتي أنتي بسرعه تزعلين

الجوري: أنا بسرعه أزعل ولا أنت اللي تزعل

طلال: كنا نمزح معكم

الجوري: هذا مو بمزح

طلال: حبيبتي والله كنا نمزح معكم

الجوري: قلت لك هذا مو بمزح

طلال: طيب أيش يرضيك

الجوري: ولا شي

طلال قرب كرسيه لها: والحل..؟

الجوري: مافي حل

طلال باسها على خدها: أنا آسف

الجوري صار وجهها أحمرر: طلال حنا بمكان عام

طلال: حنا في فرنسا عاادي يا حبيبتي وبعدين أنا أسوي أي شي بس عشان ترضين

الجوري: خليني أفكر

طلال: تبيني أنتظر مستحيل

الجوري: خلاص خلاص رضيت عليك

طلال أبتسم: إذا زعلتي ما ترضين بسرعه

الجوري: طبعا أجل تبيني أرضى بسرعه

طلال: خليك ريلاكس

الجوري: المهم وين عمي..؟

طلال: وأنا جاي شفته وقال بيركب فوق بعدين بنطلع

الجوري: أهااا

طلال: ليش تبين منه شي

الجوري: هو واعدنا أنا وجنان بطلعنا

طلال: وأنا وفهد مين اللي يطلع معنا

الجوري: أطلعوا معنا من صعابتها يعني

طلال: ههههههااي.. تدري أنك حلوه إذا عصبتي

الجوري ضربته على كتفه: يعني إذا ما عصبت مو بحلوه

طلال: لما ما تعصبي أحلى وأحلى .. تدري أكتشفت شي

الجوري: اللي هو

طلال: أني ما عندك معزه لي

الجوري بتعجت: مين قاال

طلال: أنا أقوول.. أجل أختي تجي تهاوشنا وأنتي لا

الجوري بكذب: أنا قلت لها بروح معك قالت لي أجلسي مكانك.. وأنا جلست

طلال: أهااا.. لو مو كذا السالفه كنت الصراحه بزعل

الجوري: لا تزعل ولا شي

جات لهم الريم

الريم: ما بتقومون عمي ينتظر

طلال: وين هو الحين

الريم: رااح يخليهم يجيبون السياره عند الباب

طلال: الحين بنقوم

الريم: اووكي

طلال: يالله حبيبتي نقووم

الجوري: بس لحظه أغراض جنان هنا..

جنان: أيش فيها جنان..

الجوري: طرينا الأط آم نط

جنان: أط بعينك

طلال: ههههه

جنان: مستانس بكلااام مرتك

فهد: لا أحد يزعل مرتي

طلال همس لها: تكلم الناطق الرسمي

الجوري: ههههههه

فهد بجديه: أحترمي أخوك الكبير يا مدام الجوري

الجوري سكتت من نبرته الجديه

طلال كمل مزحه: لا تكلم مرتي كذا

فهد بجديه: خليها تحترمني بالأول بعدين أكلمها عدل شايفتني أصغر عيالها أنا

جنان أنتبهت أنه جالس يهزأ الجوري قدامهم: فهههد

فهد: جنان لو سمحتي لا تدخلين بيني وبين أختي

جنان سكتت

الجوري منصدمه منه وطالع فيه وتقول في نفسها أنا أيش سويت له عشان يعاملني كذا..

طلال: فهد أيش فيك..؟


فهد: ما فيني شي بس خلها تحترمني..

تركهم ورااح

طلال استغرب من حركته: روحي شوفيه أيش فيه

جنان: مادري الحين بس كان تمام معي.. بروح أشوفه

أخذت جنان أغراضها وراحت له

طلال: الجوري ما عليك منه

الجوري دمعت عينها: أنا بس أبي أعرف أنا أيش سويت له.. ما أذكر سويت له شي

طلال: قلت لك ما عليك منه شكله معصب من شي

الجوري: لا مو معصب لأن قالت جنان أنه كان معها تمام

طلال: أنا بعدين بتكلم معه

الجوري تبكي: لا تكلم معه.. أنا مو بغلطانه أنا ما سويت له شي

طلال مسح دموعها: خلاااص حبيبتي أنسي السالفه وخلينا نطلع نغير جو..

الجوري بأصرار: لا ما أبي بروح غرفتي

طلال: برااحتك حياتي

أخذها طلال غرفتها وأهي ما تكلمت معه ودخل معها غرفتها..

الجوري فصخت حجابها وجزمتها وشالت للحاف وتغطت وعطت طلال ظهرهاا وجلست تبكي على أسلووب فهد معها وتقوول في نفسها أنا أيش سويت له

حست بيد طلال تمسح على شعرها وجلس بجنبها: حبيبتي لاتبكين

الجوري: ليش يهزأني كذا أنا أيش سويت له

طلال: كان معصب وحط حرته فيك

الجوري تشاهق وأهي تبكي ودارت له: وشايفني أهو طوفه هبيطه يعصب ويهزأني أنا

طلال: خلاااص حياتي أهدي ما صاار شي..

سكتت الجوري

طلال جلس يلعب بشعرها ويتأمل ملامحها الجميله.. وأهي كانت مغمضه عينها .. كاان بيتهور وأهو معها بس ترااجع في آخر لحظه..بعد فتره حس أنهاا غفت .. باسها طلال على جبينها وطلع من الغرفه..

شاف فهد في الممر وقفه

طلال: فهد أيش فيك..؟

فهد: مافيني شي

طلال: ألا فيك شي أنا أعرفك..

فهد تنهد: مضايق..

طلال: من أيش..؟

فهد: من نفسي..

طلال: ليش..؟

فهد: لأني صارخت عليها ..أنا أعرف نضرات الجوري حسيت أنها مستغربه مني.. أصلا أنا ما كان قصدي أني أصارخ عليها بس أهي أستفزتني جلست تضحك

طلال: هذا مو بسبب

فهد: أدري.. وأصلا أنا جااي لها وينها..؟

طلال قاصد يقول له عشان لا يكرر خطأه: أهي نايمه..ناامت وأهي تبكي.. وتسألني أنا أيش سويت له عشان يعاملني كذا

فهد حس بالذنب تجاها ترك طلال ورااح

طلال سأل فهد: وين جنان؟

فهد: كانت معي تحت قالت أهي بضل في البوفيه أنا رايح الغرفه بناام..

طلال: تصبح على خير

نزل طلال إلى جنان

جنان: وين الجوري؟

طلال: نايمه.. ليش ماطلعتي معهم

جنان: تحس أن حالتي كانت تسمح أروح معهم..

طلال: اهااا..تكلمتي مع فهد

جنان: لا بس جلسنا هنا وظل ساكت.. وبعدين ركب ماتكلمت معه إلا كلام قليل.. ولو كان يبي يتكلم كان تكلم من نفسه..

طلال: صحيح

جنان تبي تغير السالفه: كيفك مع الجوري..؟

طلال ابتسم: تمااام ..الجوري أنقلبت 180 درجه صارت أنسانه ثاانيه.. مادري شلون

جنان أبتسمت لأخوها: الحمد لله.. أهم شي أنك أنت تكوون مبسوط معها..

طلال: ايه الحمد لله.. وأنتي كيفك مع فهد..

جنان: فهد معيشني أميره.. بس أنا ما أحبه إذا عصب.. يصير إنسان ثااني

طلال: ههههههههه.. من يومه وأهو كذا

جنان: ايه كنت أسمع عن عصبيته من قبل بس ما توقعتها كذا

طلال: هههههههه.. الله يوفقكم

جنان وقفت:آمين.. أنا رااح أركب غرفتي بشوف الجوري.. أنت بتركب..؟

طلال: ايه بركب معك أيش يجلسني هنا..

وهم راكبين

طلال: اليوم العصر بطلعكم

جنان: اووكي

ركبوا وكل واحد منهم كان يفكر .. بفهد والجوري..


في بيت أم فيصل

رن جوال مروه شافت الرقم رقم غريب ما تعرفه ردت: الوو

بدر: هلا والله ..هلا بهالصوت..هلا براعية أحلى الوو

مروه: صحيح أنك مو متربي

وصكت السماعه بوجهه

مروه كان عندها إيزي الموضوع ما تدري بعدين أيش بيصير لها..


في فرنسا

دخلت جنان غرفتهم وكانت الغرفه بارده ومطفيه الابجورة راحت جنان وشغلتها

أوتعت الجوري وسألتها: متى جيتي..؟

جنان: آسفه جلستك.. الحين دخلت..

الجوري: اهاا..وفهد..؟

جنان: ايش فيه..؟

الجوري: وينه..؟

جنان: نااايم

الجوري أبتسمت بسخريه: مشاء الله عليك يا فهد مدااك تناام .. أنا نايمه وجلس كل شوي والسبب أنت..

كانت جنان بترد عليها بس لو ردت يمكن يتهاوشوون فضلت سااكته

الجوري: المهم.. شفتي طلال..؟

جنان: ايه من شوي كان معي تحت وبعدين ركبنا سوى أهو رااح غرفته وأنا جيت هنا

الجوري: اهااا.. مسكت التلفون ودقت على غرفت طلال وفهد

جاها صوت فهد اللي كله نوم: الووو

الجوري بلعت ريقها: وين طلال

فهد أستوعب أنها الجوري: أنا ما أنفع

الجوري: لااا

فهد: أفااا.. وأنا أقوول أختي حبيبتي أتصلت تسأل عني..

الجوري: أيش أسوي إلى أخوي الكبير إللي مفروض يهتم بأخته اللي أصغر منه..

فهد: تبين تضربينه وتسامحيه أنا عطيتك الأذن..

الجوري: لاااا

فهد: آمري تدللي..

الجوري: خلاص خلاص رضيت عليك

فهد: فديتك

طلع طلال من الحماام وسمع كلمته..: يللي ماتستحي مو من شوي ناايم الحين جالس تتغزل

فهد: يا أخي أيش دخلك حلال عليك وحراام علينا

طلال: اييه

الجوري: ههههههه

فهد: شفت خليتها تضحك علي..

طلال: تستاهل.. ما قالت لك كيف الجوري

فهد: لااا بس تقوول أنها وأهي نايمه تتكلم

الجوري: ههههههه

طلال بحسره: فديتها مرتي..كل منك حسبي الله عليك

فهد: شفتي أيش يقول عني عشانك

الجوري: ههههههه

طلال شك بالموضوع: تكلم من..؟

فهد: أيش دخلك..؟

طلال: تكلم

فهد يلعب بحواجبه: الجوري..

طلال أخذ السماعه منه: كيفك حبيبتي..؟

فهد يقلد عليه: كيفك حبيبتي

الجوري: الحمد لله.. وأنت كيفك..؟

طلال ضرب فهد: اسأل عنك

الجوري: أنا زينه

طلال: وأنا نحول

الجوري: ههههههه

طلال: صحيح أنا قررت قراار..

فهد: أيش هو..؟

طلال: أنت أيش دخلك بالنص..؟

فهد: أنا أخوها..

طلال: اووف منك اوووووف

الجوري: أنت قوول

طلال: بطلع أنا وأنتي وجنان العصر

فهد: وأنا..؟

الجوري: وفهد..؟

طلال: تبينه حبيبتي..؟

الجوري: طببعا

فهد: شووف ياخاين العشره

طلال يحرق أعصاب فهد: أفكر

فهد يسوي نفسه يتكلم بجديه: أنا الحين اللي مو برايح

الجوري سمعته بعصبيه: حراام عليك يا طلال ليش تقوول له كذا ..ترى هذا أخوي ولا أرضى عليه مو لأنك طلال أرضى على أخووي..

طلال عصب: أنا كنت أمزح معه.. وإذا مو عاجبك بكيفك.. ولا ترفعين صوتك علي مره ثانيه سمعتتي

وصك السماعه في وجهها

فهد كان شايف كل السالفه وفاتح عينه لأنه صك السمااعه في وجه أخته: ليش..؟

طلال بصراخ: هذا شي بيني وبين مرتي ولا أبي أي أحد يدخل فينا.. أي أحد..

فهد: أنا مو أي أحد

طلال: ياصبر أيوب.. أخذ جاكيته وطلع من الغرفه وصك البااب بأكبر قوه عنده

.

.


الجوري صكت السماعه وقالت: أنا ياطلال تصك السمااعه في وجهي

جاات جنان: أيش فيك تكلمين نفسك

الجوري: ولا شي

جنان: أيش رايك نطلع

الجوري: ما لي خلق

جنان: مو بكيفك وحنا مو جايين عشان نجلس بغرفنا

مسكت جوالها ودقت على طلال

طلال: الوو

جنان: هاااي طلولي

طلال: جنان أخلصي وقولي أيش تبي

جنان: خلااص ما أبي شي بااي

طلال: قلت لك تكلمي

جنان: لا بس كنا نبي نطلع أنا والجوري ملينا

الجوري تسوي لها لا بس مافهمت عليها

طلال: أنزلوا أنا عند البااب

جنان: دقيقه بس

طلال: أنتظر.. بااي

الجوري: ليش قلتي له أني أنا اللي أبي أطلع من شوي كنت متهاوشه معه

جنان: أهااا عشان كذا معصب وما يرد علي عدل.. بس ليش تهاوشتوا..

الجوري: سالفه.. أتصلي على فهد وقولي له أن أنا وأنت بس نبي نطلع

جنان: ليش..

قالت لها الجوري بالمختصر

جنان: مسكين أخووي

الجوري: وأنا مو مسكينه

جنان: قومي ألبسي ترى طلال تحت

الجوري: يالله

أتصلت جنان بفهد على غرفته

فهد: الوو

جنان: هلا فهد

فهد: هلا وغلا.. أشوف النور طالع من التلفون

جنان: هههههه النور نورك.. حبيبي الحين بنطلع أنا والجوري أطلع معنا

فهد: أوكي دقيقه بس ببدل ملابسي وبنزل لكم تحت

جنان: أووكي أنتضررك باااي

فهد: بااي

الجوري: يالله ننزل

جنان غمزت لها: أشوفك مستعجله

الجوري: ياسخفك

ونزلوا وكان طلال ينتظرهم لما شافهم قال: يالله ركبوا بسيارتي..

جا فهد: تأخرت عليكم..

جنان: لا عاادي

طلال: يالله نركب السياره

ركبوا طلال يسوق وفهد جلس بجنبه ووراه كانت الجوري وجنان كانت ورى فهد

مشى طلال وكانت السياره هدوووء كلهم ساكتين

الجوري كانت تشووف نضرات طلال لها بالمرايه ولما يلتقوا عيونهم أهي اللي تشيل عينها

قطع طلال السكووت: وين تبون تروحون

جنان: خلينا نروح شارع الشانزلزيه أيش رايكم

كلهم ساااكتين

جنان: إلى متى يعني بضلوا سااكتين.. هذي حركااات أطفال.. أنتوا أولاد عم وخاله كذا تسوون ببعض ولو أنتوا أغراب أيش بتسوون هذا أولا.. وثانيا حنى جينا هنا عشان نستانس مو من ثااني يوم تتهااوشون صرااحه خووش سفره الواحد يبي يغير جو وأنتوا كله ساكتين.. أيش رايكم نروح شارع الشانزلزيه

الكل: اووكي

جنان: هههههه ماتجوون إلا بالعين الحمره

جلسوا يسوولفون كلهم وفهد جلس يسولف مع طلاال عاادي ولا كأن صاار شي بس الجوري مو معهم كاانت تسولف بس قلييل وهذا ضايق طلال بس قال أهي الغلطانه مو بأنا عشان أعتذر فسكت عنها

فهد: أيش فيك ساكته يالجوري

الجوري: مافيني شي.. بس راسي يألمني شوي

فهد: علي راسك يعورك..

الجوري: صدقني

فهد حب يحرجهم: من الحبيب رااسك يعورك

طلال والجوري طالعو في المراايه جلست تطالع فيه بعدين شالت عينها وقالت: لااا

فهد: تغبين علي

الجوري: لااا

فهد: أجل

الجوري: بس كذا

فهد: برااحتك.. أمم ولد العم

طلال: هلا ولد الخاله

جنان: ههههه

فهد: ويلاااه

طلال: ضااق الصدر

فهد: ما بكمل لأن صوتك النشااز دخل في السالفه المهم إذا وصلنا لو سمحت خذ مرتك وأنا باخذ مرتي

طلال: وليش أنشاء الله

فهد: أبي مرتي أتمشى معها .. وأنت ماتبي مرتك

طلال سكت عنه


حزت في الجوري أنه سكت ولا رد

طلال: وصلنا ..

نزلوا كلهم من السيااره

فهد أخذ جنان.. وطلال والجوري مع بعض

جنان: ليش ماخليتنا نمشي معهم

فهد مسك يدها: عشان يحلوا هوشتهم

جنان: اهااا... فهد فهد قوس النصر

فهد: ههههه اييه أيش راايك فيه

جنان: أبداااع.. الله ودي أجي له بالليل أتوقع أن شكله رااح يكوون حلوو

فهد: أجيبك في الليل ليله من اللياالي

جنان: أكيد

فهد: أكيدين وبنفس الليله رااح أركبك برج أيفل

جنان: صحيح ماقربتني له أبي أشوفه من قريب

فهد: مو اليوم يوم ثااني اليوم لهذا الشارع

جنان: اووكي

.

.

كان يمشي وأهي تمشي ورااه ومنقهرره حدها من أسلوووبه ماشافته إلا أختار مطعم أسمه مطعم بيتزا بينو وأختاار طااوله مع الويتر وجلس فيها وأهي كانت واقفه متكتفه وأهو أصلا ماطالع فيها جاات الجوري ورمت الشنطه على الطاوله وجلست وأهي تهز رجلها ومنقهرره حدهاا وموصله معها..

طلال يشوفها بس سااكت عنها

جاب الويتر المنيو

طلال وأهو يطالع في المنيو: أيش تبين تااكلين..؟

الجوري: شكرا لا تعب نفسك ما أبي..

طلال: تكلمي معي عددل أن مو بأصغر عيالك..

الجوري: أيش قلت أنا.. قلت ما أبي فيها شي

طلال: أووف قولي أيش تبين تاكلين لا والله بتندمي

الجوري: أيش بتسوي يعني بطقني طقني أيش بتسوي.. وبعدين بقولك هذي حالت أثنين توهم منخطبين صار لهم أسبوع وكم يوم

طلال: اسألي نفسك أجل في وحده تكلم زوجها كأنه أصغر عياالها وتهزأه كذا لأنه كان يمزح مع أخوها.. تسب وتلعن فيه..

الجوري: أنا ماسبيت ولا لعنت..

طلال: أنا ماقصدي أنك سبيتي ولعنتي بالكلمه بس شووي وتطلعي لي من السماعه تهزأي فيني..

الجوري: والمطلوب مني..؟

طلال: أنك تكلميني عددل زي الناس والأوادم ومو تصاارخين علي

الجوري: ترى مو بس أنا غلطانه.. حتى أنت غلطت معي..

طلال: في أيش أنا غلطت..؟

الجوري دمعت عينها: يوم تصك السماعه بوجهي هذي مو إهانه لي.. ترى أنت بعد صارخت علي ..نزلوا دموعها..بس أنت ماتنظر لهذا الشي تنظر بس إلى أني صارخت عليك صح ولا لا

جا الويتر وقال له طلال بعدين

طلال: أنا ماسويت هذي الأشياء إلا لما كلمتيني بهذا الأسلوب إللي ما عجبني

الجوري تمسح دموعها: أنت ما يعجبك شي..

طلال: أنا اللي ما يعجبني شي مقبوله منك يا مدام الجوري..

الجوري ينزلوا دموعها لا شعوريا: خلااص طلال واللي يرحم لي والديك خلاااص تعبت والله تعبت أنت من صوب وفهد اليوم من صوب وجنان من صوب أقولها السالفه تقول لي مسكين أخوي ترى جملتها قهرتني بس أنا سكت عنها والمشكله إذا ما شكيت لها ماعندي أي أحد ثاني أشكي له همومي .. وبعدين أنا نخطبت أبي أطلع من الحاله الا أنا فيها بس أنا حظي نحس وين ما أطقها عوجه أطلع من شغله عظيمه وأطيح بحاجه أعظم ترااني بجد تعبت من كل قلبي أقول أني تعبت ما أحد يحس فيني لو ياخذني أبوي معه وأفتك من هالدنيا ومن كل شي من كل شي أوووووف.. الله يعني يااربي..نزلت راسها على الطاوله وجلست تبكي بس بدون لا تطلع أي صووت لأنها ما تحب أحد يشوف أنكساارهاا وضعفها..

حست بيد طلال على ظهرها اللي كاان منصدم من الحاله إللي وصلتها الجوري: حبيبتي خلاااص لا تبكين..زاد بكيها.. حياااتي خلاااص أنا آسف..حاول أنه يرفع راسها من على الطااوله بس أهي مارضت تبااعده..حياتي أنا مو قايل لك أني ما أبي أشوف دموعك أبدا.. وأحنا جايين هنا على قولت جنان عشان نستانس مو نبكي صح ولا لا

الجوري مسحت دموعها ورفعت راسها وضلت سااكته

حط طلال يده ورى كتفها وقربها له وباسها على خدها: أنا آسف

الجوري وجهها أحمر : كم مره قايلت لك لا تبوسني في أماكن عامه

طلال غمز لها: لازم نروح في أماكن خاصه..

الجوري ضربته على صدره: يا قليل الأدب..

طلال: ههههههه.. كم مره تأسفت لك اليوم..؟

الجوري: مو ذنبي إذا أنت تخطأ كثير

طلال: هههههه.. مقبوله منك

الجوري: صحيح من شوي كنت ثقيل دم

طلال: أنتي تقطينها بالوجه كذا.. لو أنا قاايل لك هالكلمه كان شهر ما تكلميني

الجوري: ههههههه.. عندك شك..؟

طلال: آآه منكم يالحريم

الجوري: ما بتطلب لنا ترى أنا جوعانه

طلال: من اللي قاال من شوي أنه مايبي..؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -