بداية

رواية عسكر القلب جيش حبك -17

رواية عسكر القلب جيش حبك - غرام

رواية عسكر القلب جيش حبك -17

حمدان:ههه ميثوه
شيخه:هيه
ميثا تبربش عيونها وتمسك ايدنها مع بعض (بريئة):شحالك اخوي العزيز
حمدان:بخير
شيخه:خلها تظهر من هنيه
حمدان:لا تخافين من ميثوه لا ميثوه هذي شرات القطوه ماتقول شئ
ميثا:نياو نياو بشمخج
حمدان:تعالي براويج كيف شمخينها .... ماشافه عمرج تقول توم
ميثا:منو توم
شيخه:توم وجيري ماتعرفينهم
ميثا:هيــــــــــــــــه توم وجيري ..وتربع ايدنها ياسلام شبهوني بالهقطوا مالت عليكم راعين القطاوا الناس شبهون بورد
حمدان:خلاص لازعلين الشمس المشرقه من سميج عباد الشمس (تباع الشمس) والا شورايج
شيخه:الصراحه تنفع على موديل شعرها ناكش تقول حد منقع فراسها شلق
ميثا:والله انكم طفوس وسير تعطي بكس على ايدين حمدان
حمدان مسك ايدينها :بحيسهن تراني
ميثا:آآآآي اميـــــــــــــــــــــــــــــــــه لحقيني
حمدان: عيل يوم مب قد المضاربه ليش يايه ضاربين
شيخه:حرام حمدان ودرها
حمدان:لالا خليها عشان يوم بضارب ضارب
ميثا تلف و تعض حمدان بيده :فج يالسبال
حمدان:مب فاج
ميثا:امــــــــــــــــــــــــــــــــــــــــــي ه لحقيني
حمدان:ماشئ امي لحقيني
شيخه:فديتك حمدان بطلها حليلها والله يعور
حمدان:مب ما سكنها قوا والله
شيخه:حرام عليك
حمدان:عيل توها تربع وراج وانتي تعبانه ما تستاهل
شيخه:هيه صح تستاهل
ميثا :شهقت ــــــــــــــــــــــــــــــــــــــ
شيخه:بس ماتهون علي
ميثا:اشوهه
حمدان:ههههههههههههههه انتن والله محد يعرفلكن ياحريم يوم بدافع عنهن قال حرام ..(فج ميثا)
ميثا سكك ايدينها:ااة يعور
حمدان:صليتي
ميثا:لا بسير الحين
حمدان:عيل انقفضي لا تفوتج الصلاة
ميثا: عنزين
حمدان:عنزين ينطحونج
شيخة:ههههههه
ميثا:انتي دواج بعدين بنت خلفان
شيخة وتمسك حمدان بيده:حلمج مادام حمدان هنيه
ميثا:مب دوم لج هو
حمدان:قلبي ويحج
ميثا:على الي صفحة
حمدان:هيه قلتي صفحة بخليها صفحة شمالي عينج
ميثا:انا ابركلي اظهر من اهنيه والا ما بسلم
حمدان:صدقتي بكلامج
ميثا سارت صوب غرفتها ويم دشت حصلت فطامي تصلي فدشت الحمام وتمسحت وظهرت صلي فطامي فجت الدريشه وتمت طالع المكان
ميثا بعد ماخلصت صلاتها
فطامي: تقبل الله
ميثا:منا ومنكم صالح الاعمال ..اقول
فطامي تفتر صوبها:هلا
ميثا:امس انتي مانمتي صح
فطامي:نمت بس اقوم ورقد جيه متقطع رقادي
ميثا: فطامي مريضه انتي
فطامي:لا مب جيه بس تعبانه شوي
ميثا:أها
فطامي:شو وراج
ميثا:لا ماوراي شئ سير المطبخ يوعانه
فطامي:بس المتينه كل تاكلين بتطرين
ميثا:ههههههههه لاتخافين ما بنطر يله ننزل
فطامي:يله على هواج

نزلن صوب المطبخ وكان الجو بارد بعدة وضوء ماظهر كانه الليل لان الشمس ماتظهر عليهم في صلاله ..دشن المطبخ ويلست فطامي على الكرسي
ميثا:حلفي
فطامي:والله
ميثا:نشي يله سوي عيشه
فطامي:انزين شو سوي
ميثا:بعد شو بيض
فطامي:الوجبه الرئيسية ام البيض ..ملليت البيض ابا شئ ثاني
ميثا:بس عن البطره تبني اسويلج مرقوقه
فطامي:هيه والله زين يلة مسوي مرقوه
ميثا:ايا تبا بعد
فطامي:صدق مشتهيتنها يله وسويها
ميثا:بنبطي وانا يوعانه
فطامي:منسويها بخضره
ميثا:خلاص الزين
فطامي :يله منقص الطماط والبطاطس وشو تبين بعد
ميثا:بس المهم طعم بس
فطامي:خلاص يبي الخضرة المثلجه
ميثا:يله يبناها
فطامي:قصي البصل
ميثا وتحطي ايدينها لى خواصرها:والله وانتي قاعدة تاشرين يبي هذا وقصي هذا فزي تحري شغلي ايدج بشئ
فطامي:هههههههههههههههه
ميثا:هههه يله نشي
فطامي:عندكم خبز لبناني
ميثا:هيه متوفر في مطبخ ام حمدان هههههههه
فطامي:بس ههههههه عن الملاغه
ميثا:يله عليج الصالونه وانا علي اقصص الخبز
فطامي:تبين بعد احطيه في الصالونه عنج بعد
ميثا:ههههههههه والله يبالج جيه بنت سعيد هيه ههههه
فطامي:بن عروه
ميثا:خلاص لاصحين بساعدج ههههههه
فطامي:ههههههه بسألج شاربه شئ انتي
ميثا: هههههه على شاربه شئ اقول سوي القهوه لني ماعرف اضبطها وانا بسوي الجاي
فطامي:اوكيه اغسلي البريق وووين الجاي تحطونه

مره نص ساعة وخلصن ريوقهن وودنه الصاله ...
فطامي:الله لايروج نش نسبح
ميثا:يوعانه والله يوعانه بعدين بنسبح
فطامي:ماشئ نشي تسبحي بعدين كلي
ميثا:لا خليني اكل ..اخاف اخيس ثيابي مره وحدة بسبح
فطامي: والله اقفضي قدامي بسرعه
ميثا:اوف اناا بسبح قبل
فطامي:وان بطيتي اكثر من عشر تقايق بذبحج
ميثا:منوقال بتم عشر تقايق
فطامي:عيل كم عيوني
ميثا:دقيق خمس دقاية
فطامي: ماتصبر ما كلت
ظهرت ام حمدان من حجرتها :السلام عليكم
فطامي: وعليج السلام والرحمه وتتوايها
ام حمدان:ما شاء الله
ميثا:اميه انا كل هالريوم مسوتنه الجاي والقهوه والمرقوه كله كله انا مسوتنه
فطامي:هههههههه جذابه
ام حمدان:من زمان جذابه
ميثا :انزين موزه اوكيه انا جذابه
فطامي:ههههه مشي جدامي
ميثا:بردلج موزه ماعليه
فطامي:انتي ماتستحين تزقرين امج بسمها
ميثا:عادي والله عادي متعوديتن
ميثا:لا تعودين باجر بزقرينها جدام الناس شو بقولون
ميثا:خلاص انزين لالاتعصبين بزقرها مامي
فطامي:مامي ياشين الدلع على البقر
ميثا: وتضربها بقره انتي
فطامي:انا ماقلت بقره ميثا قلت بقر
ميثا:لا عبيطه تحريني
فطامي:ههههههه
ميثا: تراني الحين يوعانه يوم بكون عندي طاقة بضارب وياج
فطامي:زين انزين يله سبحي ابي اتصبح مامحتملا رحتي جيه
ميثا:يله دقايق وظاهره
فطامي:مسكت تلفونا وتصلت بمحمد
محمد:ساعة لين رد حرقت التلفون وهوا مانش
محمد:ألو
فطامي:هلا سلام عليكم
محمد:عليج السلام شو مقومنج الحينه
فطامي:ماياني رقاد قوم صل ورقد
محمد:انزين قايم
فطامي:باي
محمد:بايات

فطامي سارت صوب الشنطة وظهرت ملابسها..ميثا ظهرت من الحمام
فطامي:نعيما
ميثا:الله ينعم عليج عاد لاتبطين تراني يوعانه
فطامي:ماوصيتي بقعد ساعة
ميثا:برايج بنزل عنج وباكل الصراحة انا يوعانه
فطامي:ههههههه هب ام البطون انزين بظهر الحين
ميثا:ارتب ملابسج في الكبت
فطامي:ان شاء الله اهلي باجر بيون وبرتبهن في بيتنا
ميثا:يعني ما بتقعدين عندنا
فطامي:ياسلام اقعد اندج وخلي سلامي بروحها شوفي طول اليوم منقسمة عندكم وعندنا واليوم حزت الرقاد كل وحدة مكانها
ميثا:سيري انتي الحين فيلسوفت زمانج
فطامي:سباله
ميثا:يله اقفضي يوعانه تراني
فطامي:يايه
ظهرت من الحمام وظهرت فطامي عطر الي يايبنه بطي حقها في عيد ميلادها .تمت ترش شوي على رقبتها ومسحت على خشمها
ميثا:اله ريحته حلوه عطيني اتعطر
فطامي:لا تعطرين
ميثا:ليش دوج هذا العطر بس هذا ما تعطرين به
ميثا:ليش
فطامي:لانه هديه
ميثا:والله شو يعني ع
طر تراه
فطامي:اذا شميته عليج بغار
ميثا:ليش منو هادنه لج
فطامي:محمد
ميثا:والله طفسه ستديبه عطرج محد يباه
فطامي:والله ميثا اغار اذا شميته علج صدق ..لا تزعلين
ميثا:مره عاد الا عطر مب راس ريال عادي صدقيني
ميثا:يله نزلنا
نزلن وتريقن مرت ساعة كامله
فطامي:احسني نودانه بسير ارقد
ميثا :انا بعد بسير ارقد وياج
فطامي:اسموحة خالتي بنودرج بروحج
ام حمدان:بالحل الغاليه ...سيرن رتاحن
ميثا نشت الساعة 9 الصبح وفطامي نشت الضحى الساعه 11 ونحدرت عليهم تحت ...
فطامي:السلام عليكم
الجميع:وعليج السلام والرحمه
محمد: قال ابويه بيون اليوم فليل
فطامي:اوه ماسرنا لبيت رتبه
ام حمدان:مره البيت اصحابه مرتبيه جان بس بغيتي تحطين اغراضج هناك
محمد: حمد بن سالم عازمنا بسير
حمدان:هيه بسير وين لاقيته
محمد:امس في الطياره ..واليوم رمسني وعازمنا
ام حمدان:أي سالم ؟؟؟؟
حمدان:قوم بن عوض
ام حمدان:وين هم ساكنين
محمد:حذالينا ..وياشر بيده صوب الثاني ..هذاك خالتي
ام حمدان:وياله بستر ما علمنا بهم متى ياين
محمد:اهله من زمان ياين بعد اخوه ابو مصبح ياي وياهم
ام حمدان: عيل زهبن بنات بلوفهم العصيره
ميثا:اميه عندهم بنات
شيخة:هيه عندهم
فطامي:انتوا تقصدون هيه عندهم بنات اتقيتبهن في المانيا
شيخة:هيه تذكرينهن
فطامي:هيه ما شاء الله عليهم يحبن طيبات
ام حمدان:زين عيل بتونسن وياهن
فطامي:صدقتي على الوناسة ماشاء الله عليهن ماينملن
ميمي:نشت من رقادها تلفت يمين شمال ماحصلت حد حذاليها غسلت ويها وظهرت في الحوش
ميمي:صباح الخير
الجميع:صباح النور
ام حمدان:مرحبا بالشيوخ مرحبا بالغاليه فديتج
محمد:خشمج الشيخ .. شحالج ميمي
ميمي:بخير
فطامي: اهلين مريومه الحلوه شحالج
ميمي:بخير
فطامي:تعالي ..وتبوسها على خدها
ميمي تفتر صوب محمد :انتوا كيف يتوا ؟؟
محمد:بطياره
ميمي:هيه حلوا الطياره
محمد:هيه حلوه
ميمي:ابا اركبها
محمد:فالج طيب يوم بنطير بطيرج معاها
ميمي:ماماتي قال بركب الطياره
شيخه:ان شاء الله


بعد الغدى سار قوم حمدان صوب بيت محمد وقعد محمد يطالعة وعيبه لانه عود وايد وطابقين وزين حق عايلتين ...فطامي:رتبت شغل محمد في غرفته وظهرت ورتبت شغلها ......... مر الوقت محد حاسس فيه
يا العصر وترتبوا وخلصوا شغالهم وساروا صوب بيت بن عوض

حمد:انقفضن من الصبح شو سون
عليا:بالها تقول والله طفره هالريال .اوف الله يعين الي بتاخذه
خلود:خلصنا خلاص ودوه المبرز
حمد :روضه سوي جاي
روضه:خلصت من الصبح الجاي واقهوه
حمد: زين عيل
مصبح دش المطبخ :هيه جيه اباكن حريم
بنات مع بعض:وليش شو شافينا مب حرم
مصبح:ههههههههه عنبوه مب لسان عليكن
سعيد:ابونهن حريم ما يبن شهادتك
البنات:طرن من الضحك ههههههههههههه ..عاشوا بو عسكور
مصبح: هيه اطميهن انت بالهكوس
حمد:سمعن ان سمعت حس وحده منكن بقص لسانها والا ظهرت من الفله بحش ريولها تمن داخل
مصبح:الحين ظهرن من المطبخ يله صوب الصاله يله
عليا: انزين حتى شكرن ماقالوا
سعيد:مشكورااات وطول بعماركن الشيخات
حمد:بس يله عاد طولتن لسانكن اشوف انقفضن يله
روضه:هيه يوم تبون شئ مره محد اطيب عنكم ويوم ماتبون شئ الله يستر بس
خلود:شو تبين منهم شباب العين زطاطه على الاخر
حمد:ويمسك المعلق ..ترى والله ما ظهرتن يالمعلق على راسكن
عليا:انزين ظاهرين ظاهرين
البارت 17
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يـــــــــــالرب لك محتاجي فراجي
للهم لي مخـــــــــــــــــــــــزون
همن وانا هب لاجي احجــــــــــــــــــاجي
كن الدهر فرعــــــــــــــــــــــــــــــــون
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في بيت حمدان
محمد عارض السياره في الحوش ويصح على الحريم
محمد:يله انقفضن
ام حمدان :وينهن شيخة
شيخة:هذن يايات ورايه
محمد:جيه تاخرنا على الناس
ام حمدان:وينكن يله
فطامي: هاه خلصنا ......
محمد: الله يهديكن اخرتنا
فطامي: سموحة فديتك .....
محمد:خلاص يله ركبن ..
حمدان:يله سرع خلنا نوصل
ركبن البني داخل السياره ساروا صوب بيت قوم عوض ..
وقفوا السيارة جدام الفلا ونزلوا العايله ..اما عن فطامي كانت غشوتها خفيفه ...وسارن بسره صوب الفلا ..
ميثا:هذي غشوه عدونها
فطامي:فكينا والله ضيعت غشوتي
ميثا: شاطره حمدان اخويه من صبح يطالعج بعين
فطامي:شو اسوي ضاعت
ميثا:وعاد ماشاء الله عليهم عيالهم بققين عيونهم صوبنا تقول في حياتهم ماشافوا بنات
فطامي: ليش كانوا يطالعونا
ميثا:قصدج يطالعونج مره بتمسكهم عصبه من كثر ما يطالعون صوبج
فطامي: عاد بذليني تعرفين ماحصلت غشوتي شو اسوي
ميثا:قفضي جدامي
حمدانتبه لفطامي انها هيه البنيه الي شايفنها في الوثبة شراتها بنيه الي كانت في طياره ..اكيد هذي اخت محمد
قطع حبل افكار حمد
مصبح: مرحبا الساع
محمد + حمدان : مرحبن باجي ..
محمد:شحال غالي
مصبح:يسرك الحال من صوبك
محمد: حمد لله ..يفتر صوب حمد ..هلا بالغالي
حمد:بالمهلي غالي شحالك
محمد:حمد لله من صوبك
حمد:يسرك الحال .. ذكراك بقلبي ودايم على البال ..
محمد:هههههههههه
سعيد:يامرحبا بكم قربوا قربوا داخل
محمد: + حمدان:قريبن طال عمرك
حمد:مرحبا الساع بالي لفانا
حمدان:عيل وين الشواب ..وين بو احمد(عبد الله )
مصبح:سايرين صوب الظفاريات ههههههه
الشباب:ههههههههههههههههههههه
سعيد:لالالا شو تقول انت سايرين صوب واحد عازمنهم وشالنهم عبد الله
حمد: ههههههه والله شواب طايحين غزل فيهن الي يقصد والي ..الله يستر بس
محمد:ههههههه
حمد: مرحبا استريحوااااا
عند الحريم
توهن البانت يدشن كانت ام حمد وام مصبح وحرمة عبد الله مريم خخاري يقربن بالحريم ...
ام مصبح : مرحبا الساع
ام حمدان :مرحبن باجي ...دقنها خشم ..شحالج الغالية ربج الا بخير
ام مصبح:بخير وسهاله من صوبج الغالية
ام حمدان: يسرج الحال ..شحالج ام حمد..دقها خشم
ام حمد:يسرج الحال .. الغالية شحالج انتي وشحال عيالج ووعربانج
ام حمدان: يسرج حالهم ... والله ولكم وحشه الغالين .. من زمن ماشفناكم
ام حمد: الحال عند بعضها
ام مصبح: هلا والله ببنت اختيه شيخة.. شيخة الحريم
شيخة:هههه بالمهلي خالوه شحالج انتي .. شخبارج
ام مصبح: يسرج الحال عايشين في هالدنيا
شيخة: يعني فداج مشتاقتلج
ام مصبح:شتاقتلج الجنه ان شاء الله ..
مريم: هلا وغلا بخطيبت بنتنا هههههه
ميمي: سحالس حالوه
مريم: بخير ..غالية فديت هالمنطوق انا
شيخة: ونحن مالنا رب
مريم: لا عاد انتوا غلا كله فديتج..دقها خشم
شيخة: تفدتج الجنه ..
مريم : ان شاء الله اجمعين
::::::::
عليا: فطــــــــــــــــــــــــامي
روضه: هلا والله مفاجأه حلوه
خلود: والله امس على بالي
فطامي: شحالكن اخباركن ... ثلاثي المرح
عليا: بخير شحالج انتي وشو صحتج الحين
فطامي: رقيص مره الحمد لله ..تفتر صوب ميثا ..هذي ميثا بنت خالتي موزه
عليا: اها اذكرها بس من كمن سنه شايفتنها ههههه
خلود: ونعم بها بنت .منو؟؟؟
ميثا:احمد
خلود: بنت احمد
ميثا: نعم فيج الغالية
ام حمد: هلا شحالج فاطمة
فطامي: بخير خالوه شحالج انتي
ام حمد: بخير وسهاله ..اهل مايوا بعدهم
فطامي: ان شاء الله اليوم
ام حمد: حمد خبرنا انهم اليوم بيون ..محمد قاله
فطامي: هيه اكيد ربعه هههه
ام مصبح: ستريحن شعنه واقفات
::::::::::::::::::::::::::
عليا: سير عن العيايز ما عندهن شئ يتشيهد
ام حمد :عيز حيلج ..جان نحن عيايز
البنات:هههههههههههههههه
خلود: تستاهلين
عليا ويها احمر : فقط .....
فطامي:ههههه نشي .زيله
نش البنات
ام حمد: وين اشوفكن صالبات طولكن
عليا: منظهر خاري يبست ريولنا من اليلسه
ام مصبح: جان شفت بتمطر دشن لا تمن داخل
البنات: ان شاء الله
عليا: فكه ..والله
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -