رواية امانة برقبتك -25
نواف:تدرين الحين لا طلعنا وش جنبها ؟؟؟
روبي:وشوو؟
نواف: حدائق اردسترا وفيها انوااع واشكال من الورد
روبي:صدق؟؟؟
نواف:صدق
روببي:الله يخليك نواافي ابغى ارووح
نواف:انتي ما تطلبين انتي تأمرين
روبي:ماايامر عليك عدوو،،يله حبيبي بسرررررررعه
نواف:ههههه يله
طبعااا راحوو للحديقه وسعوو صدورهم وروبي مررررررررره طبعاا مستانسه كانت تطامر وتصارخ وتقطع في هلورد كنها بزر ونواف ميييت ضحك عليها ويصورها واحياناا يتطنز ويله وهي ما عندها الا ترخ بأسمه:نوااااااااااااف>>>ياعمري هع
في اليل في الفندق
طبعاا طلال كلم نواف وفهمه على الصفقه الي تكلم عنها طلال وكانت ضد شركه الجد محمد طبعاا الي ماتعرفونه ان الجد محمد عرف من مصادره الخاصه ان نواف اشتغل مع ابوو روبي سليمان وهو سبق وهدد أي احد يساعده مين ماكان صحيح ان الجد ماقال لسليمان شي بس هذاا طبعه ومايخليه،،المهم ان سالفة الصفقه كانت نفسها الصفقه الي نواف يشتغل عليها ويوم عرف الجد من مصادره ان الصفقه لنواف فحب انه يتدخل ويخسره>>>لا تقولون قاسي ترى هوو كذااا يعتقد انه يربيه بس حرااام>>من قال علقي؟؟؟هع
نواف بدوره لما عرف من طلال طلب من طلال الانسحاب من الصفقه عشان هوو ماله خلق أي مشاكل برغم نصايح طلال له بأنه الصفقه يقدر يكسبها لانها من الاول كان تعبان عليها بس رفض عشان جده...
نواف الي كان يفكر هذي الصفقه كانت من اهم الصفقات الي عقدها وكان ممكن انه يكسبها ويعلي اسم الشركه اكثر بس هذاا جده ومستحيل انه يوقف في وجهه مهما صار،،نواف حاس بلذنب هذاا حلال روبي وحرام اني اتصرف فيه بس روبي مستحيل توقف في وجه جدي لالا بس حراام الي يصير ليش ياجدي حراام عليك وحط راسه بين كفوفه وتنهد تنهيده قويه انا وين ما اروح الاقي مشاكل الله يسامحك ياجدي ويسامحني ويسامح الكل:آآآآآآآآآآآآآآآآآآآآآآآآآآه
كانت طالعه من الغرفه وتوها ماخذه شور تعبت اليوم من الدوران بس جد انبسطت وكان يووم ولا أحلى بس تعكر مزاجها من سمعته يتنهد وحاط راسه بين يديه اكيييييييييييد فيه شي ويفكر اناا اعرفه بس وش فيه؟؟ انا توني شايفته وش زينه ماعليه ومافيه خلاف،،وراحت له بسرعه ومسحت على راسه بحنان وحطت يدها على كتفه بدون ولا كلمه:.....................
نواف الي من حس بيدها بحنانها بكل شي فيها ماقدر رفع راسه و مسكها من يدها وجلسها جنبه وحط راسه عليها:أناا تعبان
روبي بخوووف:بسم الله عليك ليش؟؟ تعبان وش فيك؟؟؟
نواف وهو ممض عيونه:ما ادري ليه الكل دايم ضدي؟؟؟
روبي:مين الي ضدك؟؟؟
نواف جلس على حيله من جديد وبداا يتكلم بهدووء:انا بقولك شي؟؟؟
روبي أي وقف قلبها هذاا ليه كذاا اليوم وش فيه؟؟:قوول وش فيك؟؟
نواف:تذكرين يوم قلت لك عن رجعتي الرياض قبل فتره
روبي:ايه يوم جدي يطردك
نواف:ايه هذااك اليوم
روبي:بس وش طرى على بالك ؟؟
نواف:انا ماكملت لك وش صار؟؟
روبي:وش صار؟؟؟
نواف:ماجا في بالك من الي خلاني اشتغل والقى مكان انام فيه بعد ماطردني جدي
روبي:امممممممممممممممم لا بس توقعت وافي ولا خالد
نواف:لا مو هم
روبي:اجل؟؟
نواف:انتي!!!
روبي بتناحه واستغراب:اناااا؟؟؟؟؟؟؟؟؟؟؟؟؟؟؟؟
نواف:ايه انتي
روبي:كيف؟؟؟
نواف:بورثك من عمي عبدالعزيزالله يرحمه
روبي:الله يرحمه
نواف يكمل على نفس هدووئه:طلبني عمي سليمان اجيه المهم بعد ما طلعت من عنده من المجلس الا ويقابلني طلال اخوك وطلب مني اجيه الشركه اليوم الثاني الصباح ورحت له قالي ان عمي سليمان تعب من الشغل وتقاعد وانه محتاج احد معه ومافي احسن مني يمسك حلالك وبس واستمريت في الشغل ليييييييييين وصلت لصفقه وتعتبر اهم صفقه وكنت متأكد من اني ان شاءالله بربحها بس............>>سكت
روبي:بس ايش؟؟؟
نواف:تو طلال كلمني وقال ان جدي دراا اني اشتغلت ومدري ايش والسبب عمي سليمان عشان كذاا قرر انه يسحب الصفقه مننا لانه عرف اني انا الي ماسكها انا واثق من اني بكسبها بأذن الله بس ما اقدر اوقف في وجه جدي مهما كان يضل جدي وش ماصار
روبي بهدوء:طيب وين المشكله في الموضوع؟؟؟
نواف:المشكله ان انا رفضت الصفقه وهذاا حلاك ومايصلح اتصرف فيه من غير علمك يكفي اني ماقلت لك حتى اني بشتغل فيه
روبي:وانت هذاا الي مزعلك ومضيق صدرك؟؟؟
نواف:اكيييييييييد وهذاا مو شي مهم؟؟؟
روبي:أممممممم صراااحه لا
نواف:ليش؟؟؟
روبي :نواف حبيبي انت قبل لاتصير زوجي انت ولد عمي وحلالي حلالك وانااا راضيه بلي يصير وبعدين الفوس تروح وتجي بس اهم شاي ما نخسر الي نحبهم بسببها وانت عارف جدي اصلاا هوو مو محتاج الصفقه هذي الي انت زعلان عليها لان عنده مثلها واحسن بس هوو سواا كذاا عشان يأدبك وانت تعرف جدي مايهون عليه نواف ابد
نواف:يعني منتي زعلانه؟؟
روبي:ازعل؟؟؟ وليشش ازعلك ؟؟؟ كم مره قلت لك انا وانت واحد
نواف وهو يطبع قبله على جبينها:الله يخليك لي
روبي الي تغير الجوو شوي:قطعت قلبي حرام عليك
نواف باستغراب :ليش؟؟؟
روبي:حسبت يوم طردك جدي وقلت لي انك مارحت لا عند وافي ولاخالد أحسب رحت لحرمه وتزوجت وبعدين دورت علي ولقيتني وانكبت فيها وبعدين دقت عليك وانت...........................
نواف يقاطعها:بس بس يرحم والديك هذاا نظامك؟؟ الهنوود غسلوو مخك؟؟ مافي راسك الا الحريم
روبي:انت ليش حاط دوبك ودوب الهنوود؟؟؟بعدين فيه اهم من الحريم ؟؟
نواف:ايه
روبي:مين؟؟؟
نواف:اناااا
روبي:طيب وانا عشانك افكر كذااا
نواف:هههههههههههههههه يعني تتوقعين اتزوج عليك؟؟؟؟؟
روبي بسرعه:لاااااااااااااااء فال الله ولا فالك
نواف:هههههههههههههههه بس شكلي بسويها
روبي:سوها وشف وش بيجيك
نواف:وشوو؟؟؟
روبي:اذبحها واذبحك وبعدين اذبح نفسي
نواف:الله عنيييييفه كلنا بتذبحينا؟؟،،بس المهم بتروحين معنا يعني مراح تتزوجين غيري
روبي:شريييييييييييييير شف تفكيره
نواف:طالع على الشريرة مرتي الي بتذبحني
روبي:ههههههههههههههههههههههههه
مرت الايام في الجزيرة ولا احلى وكل يوم احلى من الثاني بس للأسف دايم الايام الحلوه تمشي بسرعه جهزوو روبي ونواف اغراضهم للرجعه للرياض مع ان نواف ما وده بس روبي قالت هي وعدت رهف اختها تجي تساعدها في باقي الاغراض الي ناقصتها لزواجها والعنود نفس الشي الي زواجها في اليوم الي بعد زواج رهف بيوم،،هم طبعا ماودهم يخلونه كذاا بس عشان زياد وفيصل الي مستعجلين بعد كانوو ناوين ان زواجهم بنفس اليوم بس رهف والعنود اعترضوو لانهم كل وحده فيهم تبي تحضر زواج الثانيه وترقص فيه بعد>>>بناات خخ
انتهى البارت الثاني والعشروون
توقعاتكم...
البارت الثالت والعشرون
23
طبعاا وصلوو الرياض ابطالنا بحمدالله وبفضله وكان في استقبالهم طلال ووافي وخالد وزياد وسلمووو عليهم وراحو لبيت سليمان الي من شافها معد عرف وش يسوي بنت الغالي الي ضاعت رجعت بنت صديق عمره الي ماعرف يحافظ عليها ضاعت بس رجعت لقاها لقاها نواف زوجها الي مهما سواا بيضل يفتخر فيه لانه رجعها له من جديد حتى لو كان هوو سبب ضياعها....
اخذوها اهلها في الاحضان ومابقى احد مابكى بسبب رجعتها اولهم رهف أم طلال الهنوف ونوف الي جوو مع ازواجهم وحتى العنود كانت موجوده وبعد السلام والعتاب ووالبكى جلسوو معم وحتى انهم طلبوو انها تنام عندهم...
اليوم الثاني
ام طلال:والله ان البيت منور يابنتي
روبي:منور بأهله يمه
رهف:اميييييييييي تكفيييييييين كم مره قلتيها خلي لي شي ترى حتى انا زواجي بعد اسبوع
روبي وام طلال:هههههههههههههههههههههه
رهف:وش الي يضحك الحين؟؟،، المهم يله روبي طلوول برااا ينتظرنا بيوصلنا السوق يله اخلصي
روبي:انااا خاااااالصه ماعندي شي
ام طلال:وش باقي ماجهزتووو؟؟؟
روبي:مو كثير كم شي نخلصهم ونجي ان شاء الله
ام طلا ل:الله يوفقكم
روبي ورهف:آآآآآمييييييين
في المكتب
طلال:نواف تستخف دمك انت؟؟
نواف:لا والله بس هوو خفيف رباني
طلال:ايه واضح،،بس لا جد اكلمك بتسويها؟؟؟
نواف:جد ولا عم ،،ايه بسويها
طلال انقهر:اتكلم جد؟؟
نواف:انا بعد اتكلم جد
طلال":كيف تجيبها الرياض وماتوديها لجدك؟؟؟
نواف:كذاا وبعدين انت عارف تفكيري يعني ماله داعي ترى انا ماجبتها الرياض الا عشان رهف والعنود عرسهم بعد اسبوع ولا كان ما جينا الا بعد ما تخلص
طلال:صدق انك مهبوول والله لو يدري انها موجوده في الرياض والله لا ينحرك
نواف:محد منحر قبل يومه >>جديده يانواف هع
طلال:والناس الي بتشوفهم في الزواج وش ينقال لهم؟؟
نواف:اول شي الناس مايدرون انها ضايعه وثاني شي اذا قصدك على اهلي محد جااي الا نوف والهنوف وبس اما الباقين مستحيل وخصوصاا يوم عرف جدي انكم ساعدتوني اما زواج العنوود فما يعرفونها اساساا عشان يحضرون زواجها صح ولالا
طلال:صح
نواف:اجل كذا خالصين
طلال:طيب هي تدري؟؟؟
نواف:قصدك روبي؟؟ لا ماتدري اصلاا ما سألت وما جت فرصه اقولها
طلال:"وبتعلمها؟؟؟ متى؟؟؟
نواف:والله شكلي واناا اخووك منيب قايل لها شي لين نروح
طلال:بكيفك،،بس اسمحلي انت تخاطر بحركاتك هذي
نواف:ماعليك في هذي الاشياء اعجبك
طلال:ان شاءالله
بعد كم يـــــــــــــــــــــــــوم
في بيت سليمان
روبي تكلم نواف جوال:انتي ماتستحين؟؟ ماعندك حيااا؟؟؟
روبي:ههههههههههه ليش؟؟؟
نواف:ثلاث ايام يا الظالمه ما اشووفك كل هذاا دوره في الاسواق؟؟؟
روبي:لا والله بس رهف حراااااااااام .........................
نواف يقاطها وهوو يتطنز على صوتها:حراااااااااااااااام ايش؟؟؟
روبي:نوااااااااااف كم مره اقولك لاتتطنز علي؟؟
نواف:تستاهلين ويله بسرعه انزلي لي انا في الطريق جايكم خل نطلع
روبي:حبيبي انا بنام عندهم
نواف:وشووووووووو؟؟؟؟
روبي:الله يخلييييييييييييييييييييييييييييييييييييييييييييييي يك لوو سمحت
نواف:لا
روبي:بليييييييييز الله يخليك
نواف:لا لا لا
روبي:الله يخليك،، الله يخليك،، الله يخليك
نواف:نووو
روبي:نواافي حياتي والله بس اليوم وبكره
نواف:بعد وبكره؟؟؟
روبي:ايه بكره زواج رهف وبعده العنود
نواف:بالله والعنود وش دخلها في بيت عمي سليمان؟؟؟
روبي:بس كذاا عشان رهف بتجي الصبح ونروح المشغل سواا عشان زواج العنود
نواف:لا
روبي:ننواففي والله برجع معك بعد زواج العنود
نواف:طيب بس والله لو تقولين ثاني مره بناام بعلمك وشلوون تنامين؟؟؟
روبي بفرحه:ان شاءالله والله ما اقوول
نواف:يله اجل اناا بسكر عشان الحين لين وصلت البيت بنااااااام لاني مرره دايخ من الشغل
روبي:يعطيك العافيه وانتبه على نفسك
نواف:ان شاءالله ،،مع السلامه
روبي:مع السلامه
اليوم الثـــــــــــــــــــــاني
يوم زواج
رهــــــــــــــــف&فيـــــــــــصل
طبعاا زواج رهف كان زواج جداا هادي وجميل لايختلف كثيراا عن الزواجات باقيه انزفت هي وفيصل على اغنيه كلاسيكيه هاديه،، تصورت على الكوشه وسلمت على الكل وبعدها راحت للفندق مع فيصل وانتهى الزواج بما فيه بس عموماا كان حلووو...
في الفنــــدق
دخلت الفندق وهي مررررررررررره مستحيه ومتقطعه حيااا >>>شعوور طبيعي
فيصل:مبروووك حبيبتي
رهف:الله يبارك فيك
فيصل عارف انها مستحيه فما حب يحرجها اكثر:اناا بروح آخذ شور واجي عشان نتعشى
رهف:ان شاءالله
وهي بدورها راحت وغيرت ولبست له فستان نعوووم حيل وطلعت وتعشووو سوااا ومن الصباح راحت بيت اهلها عشان زواج العنود الي اليوم بيكون...
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك