بداية الرواية

رواية راحت روحي من محجر عيوني -2

رواية راحت روحي من محجر عيوني - غرام

رواية راحت روحي من محجر عيوني -2

عهود"بطير من الوناسه" واللــــــــه هو..
اتفاجوا يوم انفتح الباب كله واحد يقولهم..
_خيـــــر بغيتوا شي...؟
سعاد: اذا سمحت نبا انسلم على الشاعر ميوود "ادزها عهود"اقصد مايد الشحي..
رجع لورا..وصكر الباب ..
سعاد: اطالع الباب"طاع مسود الويه لبسنا..
عهود"متكيه ع اليدار" حرام عليه يحرمني من جوفته..
سعاد: يلاااا انروووووح مصاخه
ويوم بتحركون انفتح باب الحجره..حست عهود قلبها طااااااح من مكانه و اتعلقت عيونها بعيون مايد الشحي..
مايد: خير...؟؟
سعاد"تمد ايدها" اشحالك يا الشاعر..
مايد"يسلم عليها":يسرج الحال..
عهود حست عروقها تضارب ويا بعض يوم سمعت حسه..انتبهت يوم سعاد دقتها ....
مدت عهود ايدها مستحيه حست شكلها هبله..من غير ما ترمس..
سعاد: اتعرف منو هاي...؟؟
مايد يتطنز": منو..مطلع الشمس..؟؟
حرجت عهود ..كانت بترد عليه بس مب رايمه لانها كانت وايد وايد مستحيه و مرتبكه..
عهود: سعـاد لا تقولين...؟؟
مايد"يرفع حاجبه" شو السالفه..؟
عهود: حبينا انسلم عليكم..يلا سعاد انروح..
مايد يطالعها مستغرب...
سعاد: لحظه اتريي
عهود: ترا بسير ابروحي..
مايد: شفيها الاخت محرجه..
سعاد: ما كانت تتوقع انك بتستقبلها جي..
مايد يفكر شو سالفتهن ..تم يطالع مستغرب..
سعاد: ترا هـاي..اسيرة الهم..
مايد"يطالع عهود":- اسيرة الهم..
عهود"مرتبكه" لااا انا ..هـ...
سعاد: هي يا الشاعر هاي اسيرة الهم..
عهود مب عارفه شو اتسوي..فهدت ايد سعاد و راحت طالعه من ها المكان ..ما توقعت ان مايد الشحي جي متكبر..صج تختلف الشخصيات داخل النت و برع..
بس هي الي تعلقت فيه..هو ما يخصه..مهما كان بظل اتحبه طول حياتها..حتى لو كان متكبر بتكسر خشمه..
لحقتها سعاد بعد ما اعتذرت له..
تم مايد يطالع الممر الي فضى من عهود و سعاد..معقوله هاي هي عهود.ليش ما توقع انها اسيرة الهم عشان جي عصبت خيبة ظنها..
سمع واحد يزقره..يلااا بو سلطان بندأ الامسية..
وفي المسرح..كان مايد يدور على عهود من بين الحضور..
و في نهاية الامسيه جافها واقفه عند باب المسرح..ابتسم لها..
و بعد ما خلص الجمهور تصفيق..قال..احب اختم شعري بشله و اهديها للانسانه هي قريبه و بعيده بنفس الوقت..و اقولها السموحه..
حست عهود كل كلمه كان يقولها يقصدها فيها..دمعت عيونها..و بعد ما قال سلامتكم..
طلعت برع المسرح مب متحمله..ويلست اتصيح..
سعاد"لاحقتنها":-شفيج اتصيحين..؟
عهود: انا وايد احبه و الله..
سعاد: انتي وايد اتبالغين كلنا نعجب بفنانين بس مب جي انبالغ..
عهود: انزين حلفي ان اخر قصيده ما كان يعنيني فيها..
سعاد: ما اقدر ااكد لج..
عهود: سعاد ما خذينا رقمه..
سعاد: ليش ما قلتي قبل الحين صعب انرمسه صح..
عهود: هي بعد وايد تأخرنا اخاف يتصل بي نصور..
سعاد: عيل يالله انرد البيت..
عهود"تحضن سعاد" مشكوره حبيبتي ما بنسى لج هالجميل طول عمري..
سعاد"مستانسه" يا الزعابيه اتحبيين "وتضحك"هههههههههه المهم لا تنسين العزيمه..
عهود: عيوني لج يا اغلى صديقه..
سعاد:طوفي انروح البيت..يلاااا

الجزء الثالث

اول ما وصلت عهود البيت..يلست تكتب رساله لميود..اترددت اذا تكتب بكل شعور حست به..بس بعدين قالت بكتب دام اني ما بجوفه مره ثانيه..
كتبت كل شي صار..بعد ما خلصت..رن موبايلها..جافت سعاد المتصله..استغربت انها ادق لها بهاا الوقت..
عهود: ها سعاد..
سعاد: اقولج نسيت اخبرج..؟
عهود: خيـر..
سعاد: ناصر اخوج يستخدم الكمبيوتر..
عهود: نادر يوم يبا يعرف اخبار الرياضه "مستغربه"ليش..!؟
سعاد: ماشي اسال بس..
عهود: اسالتج غريبه..
سعاد: انتي اغرب ويا ميودج يلااا تصبحين ع خير..
عهود"تضحك": و انتي من اهله..

و في السياره..مايد يفكر..ربيعه سند..
سند:- شو شاغل بالك...؟
مايد: اتصدق الدنيا صغيره..
سند: لا و اللـــــــه متى عرفت ..؟
مايد: اذا قلتلك ما بتصدق يا سند..
سند: ع بالي بتكون مستانس بالامسيه ترا لك جمهور عود.
مايد: ما انكر الحفله ممتازه وايد استانست بس الي كانت في الحفله..
سند:-منو..؟هـا لا يكون هالبنتين طلبن يجوفونك.
مايد: هي وحده منهن اتصدق اني جفتها كذا مره في مكان كانت تعيبني ملامح ويها بس انصدمت يوم عرفت انها اسيرة الهم..
سند:"يعتدل في يلسته":- شـوووو لا اتقول.
مايد: اقولك ما بتصدق..
سند: خذت رقم موبايلها..
مايد"يتذكر الموقف"لا ما لحقت عصبت مني ما كنت ادري انها هي يلست اتمصخر عليهن فحرجت..
سند: الله يهداك وقته ها..زين اطلبه منها يوم بطرشلك ايميل..
مايد: اكيد طرشت لي ايميل كالعاده..بس ما ابا اعمق علاقتي فيها..حتى رقمها ما اباه..خلها بعيده عن حياتي..هي فارضه وجودها في حياتي..
سند:شو السبب..!!
مايد"سرحان" بس جـي..
سند: انزين قولها تقطعك..
مايد:- تبا الصراحه اتعودت ع رسايلها ما قد مليت منها ..بالعكس صار شي اساسي ..رسايلها مب من شهر ولا شهرين يمكن اكثر من سنتين..بعد ما ابا اعور قلبها..شكلها محد عندها الي تشكي له همها غيري..
سند: و الله احترت معاك..احس انك تباها و ما تباه..
مايد: يلااا مصيرها بتاخذ نصيبها و بتنساني و بتعتبر ها الشي طيش شباب..
سند: ما اعتقد..

و في اليوم الثاني..رن موبايل علياا..
علياا:هلا شيخه..
شيخه: عليا اباج اتروحين معاي العياده محد عندي يروح معاي ..
عليا:- ان شا الله بس بتصل بناصر و بردلج خبر..
شيخه:- خلاص اتريااا اتصالج.
عليا ادق لناصر..
عليا: عيوني ابا اسير العياده..
ناصر:- بلاج حبي شو يعورج..
عليا: لا مب انا بس شيخه حرمة اخوي تباني اروح معاها يعني رباعه..
ناصر:- لا لا اتروحين انتي ما اتوبين كل ما تطلعين معاها اتصير مشاكل بعد اتبين ترابعينها..
عليا:حرام محد عندهاا
ناصر:- يلااا انا عندي شغل ولا اتروحين بايي..
علياا: لحـظه..
بس ناصر ما عطاها فرصه صكر التلفون..
شويه و اتصلت شيخه..
شيخه:- ها امر لج..
عليا: اسمحيلي الغاليه ما اروم ناصر يباني اطلع معاه..
شيخه:ما عليه الغاليه مع السلامه..
عليا: مع السلامه..
طلعت علياا من حجرتها وسارت تتمشى في الحوي اتفكر..في حياتها مع ناصر تذكر كيف التقت فيه
و كيف اتعلقوا في بعض كانت سهل اجوفه لان ربيع اخوها..
..بس للاسف يتريون الي يملى عليهم حياتهم..
سارت المطبخ اتساعد عمتها في الطباخ..بعد ما خلصت..سارت اتغسلت..و كانت اتمشط شعرها..اتروعت يوم انفتح باب الحجرة بقوه..
عليا"تحط ايدها ع صدرها": بسم الله شفيك زيغتني..
ناصر"محرج": انتي ليش جي فاضحتني..
علياا"مستغربه" ما سويت شي..
ناصر: شو قلتي حق شيخه..
عليا: قلتها بطلع معاك..ليش..؟
ناصر"يجرب منها" لا اتسوين لي مشاكل ويا اهلج مفهوم..
عليا: انزين فهمني شو صار..
ناصر: اكره ما عندي يوم اجوفج تستهبلين..جوفي عمرج شو قايله لـ شيخه..
عليا:اتعرف ان شيخه اتسوي مشاكل..
ناصر"مقاطعنها" مب بس شيخه انتي بعد..ليش قلتيها اني مانعنج انج ترابعينها هاااا
عليا"شويه بتصيح" و الله ما قلتهااا
ناصر:- بس عاد لا اتزيدينها معاي اوكى ترا بسوي شي ما يعيبج ..
وطلع من الحجره فكرت تتصل بشيخه بس ما فيها ع حشرة ناصر..يلست ع الشبريه مستغربه ليش ناصر جي محرج عليهااا
اتصلت به..
ناصر:- انا رايح اييب عهود من الجامعه باي..
وصكر التلفون.
علياا:- لااااا هـا مصخها

عهود: يلااا سعاد تعالي وصل ناصر..
سعاد: لا فشله بتريا ابوي ..
عهود:شو تتريينه ساعه ..تعالي بوصلج بدربي..
سعاد: انزين يلاااا
ركبت عهود السياره و يلست حذال ناصر..سلمت بس ناصر ما رد عرفت انه محرج..
عهود: ناصر ربيعتي سعاد بتيي معاي عادي اتوصلها البيت في دربك..
ناصر: هـــــي عادي..
يلست سعاد ورا ناصر..كانت طوال الوقت اطالعه من المنظره تباه يجوفهاا..
قالت في خاطرها"شو ها ما يحس عفانا اللـه..انا الحين متعبه عمري و مخططه عشان ايي معاكم واخرتها جي.."
يلست اتكح متعمده مره و مرتين..
ناصر"يساسر عهود" شو يايبتنها معانا اخاف اتغص و اتموت و تبلشينا..
عهود"تضحك":- سعاد تبين ماي..
سعاد"ترقق صوتها" يا ليت..و يلست اتكح..
وقف ناصر عند الدكان و اشترى ماي..
بعد ما شربت سعاد..
طالعها ناصر من الجامه يتطمن عليها...فجافها اجوفه بنظرات غيير فطالع الشارع ..ناصر في خاطره"ول ع عيونها صج قوية عين.."
عهود: صحه سعـاد..
سعاد: ع قلبج حبيبتي..
ناصر يطالع عهود..عهود تبتسم له..
طالعها مره ثانيه جافها اطالعه..و اتسوي له حركات دلع..ناصر مب فاهم شو سالفتها هاي و ع شو ناويه..
ويوم وصل بيت سعاد..نزلت من السياره..
سعاد"هي نازله" مشكور اخوي..عهود عيوني بتصل بج بعد المغرب..
عهود"مستغربه" اوكى..باي.
ناصر"يطالع عهود" انتي من متى مرابعه هاي.
عهود:- من دشيت الجامعه يعني سنتين و نص..ليش..؟
ناصر: امعرسه.؟
عهود:لالا بعدها..
ناصر: كم عمرهاا
عهود"في خاطرها ما تسمعك عليا":- اكبر عني بسنه..
ناصر: مدري كيف مرابعتنها ما ابا اتدخل في صدقاتج انتي مب ياهل بس انا هاي ما ارتحت لها..
اتذكرت عهود ان علياا بعد قالت لها نفس الكلام..ما ترتاح لسعاد..يمكن لانها جريئه بس وايد حبوبه ووايد ساعدتها خاصه البارحه يوم جافت مايد الشحي...
بعد ما وصلوا البيت..كانت علياا يالسه في الصاله اطالع التلفزيون..دشت عهود سلمت وراحت حجرتها..
اتجدم ناصر و يلس حذال علياا..قامت علياا عشان اتروح حجرتها..مسكها ناصر من ايدها و يلسها..
ناصر: اكيد زعلانه..؟؟
عليا: ليش الموقف الي سويته من شويه ما يزعل..
ناصر: كنت محرج..؟
عليا: ناصر ترا وايد بدت المشاكل تدخل حياتنا اتسوي مشكله و بعدين بكل بساطه تعتذر..
ناصر: اخر مره حبي..اوعدج..
علياا:- باجر بتنسى انك وعدتني..
ناصر: منو يسوي المشاكل الحين..
عليا"تبتسم" خلاص عراحتك حبي يلاا اكيد يوعان..
ناصر: هي وايد..
عليا:-عيل عموه تتريانا في الحجره يالله روح.. بزقر عهود ..وبييك
ناصر: إن شا الله عيوني..

بعد الغدا..رن موبايل عهود..
سعاد: الو عهودي..
عهود: اهلا سعاد..
سعاد:- اخبرج..بتسيرين معاي الخياط..
عهود: امممم ما اروم بسير مع علياا بيت اهلهااا
سعاد ابا اطلب منج طلب..
سعاد:- اطلبي يمه كل ما تطلب اسويه لهاا ..بس انا تتعذر ابكل شي..تعالي تعالي..
عهود: شو..؟
سعاد: ترا اليوم عزيمتي..
عهود: فديتج تعالي اتعشي فـ بيتنا انزين..
سعاد: لا عيوني لا حبيبتي انا مب مقصه..
عهود: انتي تعالي و بخبرج ابشو اباج..
سعاد: بعععععععد و انا اقول ليش عازمتني..
عهود"تضحك" يلااا عاد عن المصاخه..
سعاد"فكرت يمكن تجوف ناصر" خلاص بييج..
عهود: اوكى ع خير يلااا علياا تترياني برع..
سعاد: فمان الله
و في السياره..
عهود: ترا سعاد بتتعشى فـ بيتنا..
عليا: الزبــــــــده..
عهود:- يعني ما ابا نتاخر بليز ..
عليا:- ان شا الله شو بعد..
عهود: بعد بنطلب لها من كنتاكي ..تراني وعدتها عشان ميود..
عليا: انتي من صجج..
عهود: انتي كل ما طريت لج مايد قلتي من صجج..
وصلوا البيت و نزلوا من السياره..
علياا:اووه خالي موجود..
عهود: منو..؟
عليا:- شو منووو جم خالي عندي الا ها بس..
عهود: هي تذكرته سلطان..
دشوا البيت..فتحت عليا باب الصاله..سلمت ع امها و خالهاا..و ابوها..في البداييه عهود استحت تدخل بس بعدين ام علياا زقرتها.فدشت مستحيه..
بو علياا: لا تستحي يبا ترا سلطان شرات اخوج..
طالعته عهود..جافته يطالعها فنزلت راسها مستحيه..
عليا: امايه وين شواخ..
ام عليا: راحت بيت اهلهااا..شو مستوي..
عليا: سوت لي سالفه اليوم مع ناصر..
بو علياا: يبا طنشيها هاي اذا رمستيها بتتمادى اكثر..
سلطان:- وين تدرس حميتج علياا
عهود في خاطرها "ويه ها ما يستحي يسال عني"..
عليا: في جامعة زايد باجي لها سنتين ع التخرج..
سلطان :- ما شا الله .."وفي خاطره..حلووووه"
عليا"تضحك" شفيج مستحيه عهود ..غريبه.
ام علياا:- شرات خالج..
سلطان: لا حول شو شرات خالهاا لا بويه انا شرات خال حرمة اخوج..
عهود تبتسم...سلطان في خاطره"عنبوه ارمسي ابا اسمع حسج.."
بو علياا: وين ريلج جي ما يااه..؟
علياا: يينا في تاكسي ناصر مشغول اليوم..
سلطان:- افـااا ف تاكسي و انا موجود جان دقيتي لي..
علياا: خفت لا تكون مشغول ..
سلطان"يطالع عهود و يرمس علياا" من اليوم لا من هاللحظه اذا تبين تطلعين أي مكان اتصلي بي..
عليا:- و اللـــــــــه غريبه..
قرروا علياا و عهود يروحون البيت ..و طبعا سلطان عرض عليهم التوصيله..
ركبوا السياره..سمعت علياا امها تزقرها..فنزلت من السياره و سارت داخل..تمت عهود مستحيه لانها ابروحها في السياره مع سلطان..
سلطان اخاف ارمسها تطلع بلمه ما ترمس ..للحين ما سمعت صوتها..خلينا انجرب..
سلطان:- احم احم..عهود..
عهود: رفعت راسها اطالعه من الجامه..
سلطان"في خاطره بعد ما رمست لا حـوول."
عهود: خير..
نقز سلطان يوم سمع حسها..فرد عليهاا..
_صوتج حـلوو شرات ويهج..
عهود في خاطره ويه ها ما يستحي ع ويهه..
سلطان:- حد قالج جي قبلي..
عهود:"تبتسم" وايــــــــد..
سلطان: و الله ع العموم مب غريبه بس تمنيت اكون انا اول واحد..
دشت علياا السياره..
عليا:- شفيكم سكتواا يوم ييت..شو كنتوا اتقولون..؟
سلطان:- ماشي بس قلتها انتي غاويـــــــه..
عليا"تضربه ع ذراعه" استح البنيه متلومه..
عهود في خاطرها وقـح..
عليا: سلطان اذا ماعندك مانع مر كنتاكي نبا نشتري عشا لربيعة عهود..
سلطان"يطالعها" من عيونـــــــي..خلاص وجبة زنجر و ع حسابـــــي..
عليا: وفـرت لنا بعد..
عهود: لا مب لازم
سلطان: افـا عليج يا الغلا جم عهود عندنا..
اتلومت عهود
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -