بداية الرواية

رواية قناع حبيبي -30 البارت الاخير

رواية قناع حبيبي - غرام

رواية قناع حبيبي -30

ماجد سحبه من ملابسه ورفعه عن الارض شوي : اسمع .. والله ان حاولت تسوي الي ببالك لا ادفنك وانت حي فاهم
فارس خاف بس حاول مايبين : يلا بنتكم مابقى شي وتنفضح .. وانا الي علي سويته
طلع خالد من ورى السور
همس من بين بجيها رفعت راسها كأنها حست بوجوده : خااالد
خالد : سمحو لي سمعت من غير قصد ... انا .. انا عندي الحل الي بيرضي الكل
الكل منتظر يسمعونه
التفت على همس : همس تتزوجيني
الكل كان على وجههم علامات استفهام مو عارفين من هذا !!!!
همس قامت ترجف وتحس قلبها ينبض بقوه
تلتفت على ابوها
ابوها : ومن حضرتك
خالد : انا خالد صديق راسي ... همس شريكتي بالمعرض الي بنفتتحه بعد شهر
ابو همس : طيب انت قد هالقرار الي متخذه
خالد : انا كنت راح اخطبها بعد كم يوم بس للأسف ماعرفت الا اليوم ان ملكة البنت الي ابيها
همس مو مستوعبه ... تحس ان هالشاب مو بس انقذ سمعتها انقذ عيلتها كلها
ماجد واقف مو قادر يتكلم .... كان يبي هو الي يخطبها بس .. من وين طلع هذا
ماجد وهو مايبي يفوت فرصته : عمي انا كنت باجي اكلمك في نفس الموضوع .. انا ابي همس زوجه لي
همس تطالع خالد وتطالع ماجد
حبها القديم .... والشخص الي خلى قلبها ينبض من جديد
بو همس واقف متكتف
الشيخ : من الي بيعرس الحين !!
فارس : انا المعرس شفيكم اشوف صدقتو عمركم كل واحد خطبها لنفسه .. يلا قلبو وجوهكم
بو همس : طلعو هذا برى بسرعه ... ماله سالفه اصلاً بعد سواد ويهه مانبي الناس تشوفه
ماجد وخالد ماصدقو عمرهم خذو وطلعوه برى و فارس يصرخ : والله اوريكم .. والله لا افضحها
صكرو الباب ونفضو يدهم كانهم مسوين انجاز
همس كانت واقفه محتاره مو عارفه شتسوي تختار بينهم ولا ترجع داخل وتقولهم انها تطلقت وتنفضح
ماجد : همس واخيراً بنكون لبعض ... بنكون مع بعض ولا نسيتي الي عانيته .. الحين خلاص مافي شي يوقف حبنا .. يلا حبيبتي دام الشيخ هني خلينا نتزوج
خالد وقف قدامه : همس .. همس انا من اول ماشفتج حسيت بقلبي بدى ينبض لأول مره .. انكتب لي عمر يديد بمعرفتج ... ارجوج خلينا نبدي حياة يديده انا وانتي وبس
همس واقفه
ابوها لو لا الفشيله طردهم اثنينهم برى
ابو همس : بنتي انتي موافقه على ماجد ولا خالد ؟
همس حطت يدها على خدها : ياربي هالشي مو صج ... لا ياربي
ماجد : الا صج حبيبتي وبكلمه منج بنكون مع بعض
همس تطالعه وترجع تطالع خالد
تنفست وقالت : ماجد انا احلى ايام عشتها ايام حبي لك واتعس ايام حياتي يوم فارقتني .. صحيح ظروفك كانت اقوى منك وصكرت كل الابواب على نفسي وصارت حياتي لشغلي واهلي وبس .. يوم ورى يوم بدى حبك يقل في قلبي .. الحين لين اشوفك .. اشوفك ولد عمي لا اكثر .. انا ماعدت احبك ماجد !!

ماجد منصفق ماتوقع هذي ردة فعلها .. تراجع بصمت مايبي يضغط عليها زياده : افهم من كلامج انج بتتزوجين خالد
همس سكتت : خالد .. انت مستقبلي .. انا مستعده ابدي حياتي معاك
خالد فرح شوي وايبب خخخخخ
خالد : عمي انا ابي اطلب يد بنتك همس
بو همس ماكان له اي خيار خصوصاً ان الشاب صديق راسي
: نادو راسي عشان يكون شاهد ويانا
بو همس ماكان وده بنته تتزوج بهالطريقه
خالد شاف نظرات بو همس : عمي لا تخاف همس بعيوني .. انا مخبر الوالد قبل كم يوم اني باخطب .. لا تحاتي باشرح له الوضع بس لازم نتصرف بسرعه الحين
طلع راسي وقالو له الخبر فرح كثييير لصديقه
كملو الاجراءات والحمدلله محد عرف بشي
خالد انقذ الموقف

ماجد طلع قبل لا يملكون
همس عورها قلبها عليه بس هالشي احسن لهم اثنينهم

بعد ماخلصو دخلت همس وقامو يباركون لها
شافت خواتها : مابتصدقون الي صار
زين وبدور : شنووووو
همس : بعدين بعدين .. ولا فالأفلام تصير

همس قعدت مع زوجها شوي وبعدها استئأذن وطلع ماصدق انه سوى هالشي .. بس هذا احلى قرار اتخذه
ابو همس خبر زوجته وبناته وقررو مايخبرون أحد باللي صار ويبقى خالد هو زوج همس

وهو يتكلم شاف تلفونه يرن رنه وحده من راسي عرف ان هذا الوقت الي بينفذ فيه خطته
: زين يبه تعالي ابي اخذ رايج في شي

زين راحت معاه
بدور تهمس لهمس : اي بس آنسه زين
امها : بسج يالملقوفه
زين : خير يبه آمر
ابوها وهو ينزل الدرج : تعالي باراويج شي وقولي لي اذا يعجبج او لا
راحت وراه مستغربه وصلو للكراج كانت سيارة ابوها مفتوحه : قعدي هو بالصندوق باطلعه لج
زين بدون ماتفكر قعدت بالسياره صكرت الباب والتفتت الا تشوف راسي جنبها
حاولت تفتح الباب بس مقفول تدور ابوها شافته جنب الباب والسياره تمشي قامت تضرب بالباب تبي تفتحه بس مافي فايده

راسي : زيون خلاص مابينفتح ريحي حالج
رجعت راسها لورى بتعب : ليش سويت هالحركه البايخه
راسي : بتعرفين ليش سويتها لو وصلنا بيتنا
زين : مابي ارجع بيتك .. تعمدت تقولها : رجعني بيت اهلي
راسي ماعطاها وجه
وصلو البيت زين مو راضيه تنزل من السياره
: شكلج بتعاندين ولازم استخدم هالطريقه
شالها بين يدينه وهي تدزه بقوه بس مافي فايده كان ماسكها بقوه

: راااااسي نزلني .. نزلني اقول لك
وصلو لغرفه كانت ورى الحديقه .. زين اول مره تشوفها
راسي نزلها : من زمان ابي اراويج هالشي .. وهذا هو الوقت المناسب

زين هدأت شوي ودخلت تبي تشوف شيبي وبتطلع
فتح الاضواء
المكان كان خياااااااااالي
زين ماقدرت تخفي اعجابها فيه دخلت شوي وحطت يدها على فمها
المكان كله صور زين

كل زاويه فيه رسمه لها وبحركه تعبيريه

يوم تاكل الايسكريم وتعبير وجهها الطفولي

رسمه ثانيه لها وهي تطالع غروب الشمس
وغيرها بكل زاويه شي

كانت الغرفه بأختصار

لزين

الفتت عليه والدموع بعينها : ماعرف شاقول
ورجعت للجديه : بس هالشي ماراح يـأثر بقراري .. انا ابي الط..
بلحظات كان لجنبها وحط يده على شفايفها : لا تنطقينها
راسي : ابي اسمعج شي .. وبعدها انتي تقررين

زين تكتفت تنتظره
طلع تلفونه على الي مطرشه له خالد وسمعها
ربع ساعه واقفه بدون حركه مو عارفه تروح تضمه ولا تهرب منه
مو قادره تسامح حالها .. ظلمته .. ظلمت حبيبها

زين : راسي .. انا .. انا آسفه على كل شي
قرب منها يمسح دموعها : لا زين انتي مالج ذنب انتي ضحية مخطط وصخ
زين : والله ماقدرت راسي .. شفت الصور حسيت اني مت الف مره
راسي وهو يضمها : خلاص انسي حبيبتي ولا تفكرين بشي
قام عنها بهدؤ وهو يحط ايده بجيب بنطلونه : زين انا ... ابي اقولج شي ومو عارف كيف ابدي
زين تطالعه

راسي : زين انا عمري ماقلت هالكلمه لأحد
ماحاول يغلف اعترافه بأشعار وكلام غزل كان في كلمه مهمه لازم يعترف فيها : زين انا أحبج
زين تحس بقلبها ينبض بقوه توقعت معجب بها او يعتبرها زوجته الي لازم يكون طيب معاها بس حب لا
زين وعيونها مدمعه : راسي .. ممكن تقولها لي مره ثانيه
راسي حس بقلبه يعتصر وهو يشوف تعابيرها معقوله مالاحظت حبه

قرب منها وخذ وجهها بين يدينه : احبج .. احبج .. زين احبج من اول يوم شفتج فيه من اليوم الي شفت فيه نظرة التحدي بعينج وانا حسيت بأحساس جديد بقلبي
زين دموعها على خدها مو مصدقه الي تسمعه ابتسمت ابتسامه حلوه : احبك راسي
ضمها بقوه : مستحيل شي يفرقنا مره ثانيه
زين : مستحيل


اليوم الي بعده صحى عالساعه خمس الفجر التفت يمه بس شافها جنبه ارتاح واخيراً رجعت له حياته استند على يده وقعد يتأملها يتأمل ملامحها البريئه
قدرت تسلب عقله بين يوم وليله .. صارت حياته كلها يعشقها بجنون ..

فجأه جاته فكره قام شوي شوي من السرير عشان لا يوقظها
جاب الستاند مال الرسم وحطه بالعدال وبعدها جاب لوحه جديده وبدى يرسم خطوط ظل لي الساعه 10 الصبح لي ماكملها .. كانت رسمه سريعه بس النتيجه ولا اروع غطى الرسمه ونزل تحت يسوي الفطور في هالأثناء زين قامت طالعت حولها وتذكرت كل شي صار ابتسمت بحب وقامت بالغطا تسحبه معاها رايحه الحمام بكسل
وصل راسي وبيده الفطور يدورها محد : زيووونه
زين من الحمام : انا هني
قعد ينتظرها طلعت وهي لافه شعرها شافت الفطور : امممم شهالريحه الحلوه .. زوجي الطباخ مسوي لي الفطور يا حظي
راسي متحمس يبي يراويها الرسمه سحبها وطاحت المنشفه الي تنشف بها شعرها على الارض
زين : ههههههه شفييك
راسي : تعالي ابي اراويج شي
شال الغطا عن اللوحه
زين وجهها تلون بكل الالوان

كان راسمها وهي نايمه بين الاغطيه مايغطي الجزء العلوي من جسمها الا العقد الي اهداها اياه ماعرفت شتسوي وقفت بدون ماتتحرك قرب منها اكثر وضمها من ورى دفن وجه برقبتها وشفايفه تحت اذنها غمض عيونها وهي ماسكه يده الي ضامتها : انتي هواي
له قدره مو طبيعيه ان يخليها تنسى كل شي حولها لما يجذبها بهالطريقه
التفتت عليه تشوف وجهه شقد تغير .. حبيبها المقنع بس يظل للأبد حبيبها
نزل راسه والتقت شفايفهم في بوسه هادئه وصلت لروحها



بعد ثلاث سنوات
الكل متجمع ببيت اهل زين

زين : عمووور لا تطلع برى ... تعاااااال ادخل يلااا
عمر يرفع يده يبي امه تشيله
شالته وباست خده : حبيب ماما
جاها راسي وهو يبتسم بحب : لا تشيلينه اخاف على شهوده تتأذى
شاله من يدها وهو يطير عمور بالهوا وعمر يشاهق مستانس
همس وخالد
عندهم بنوته اسمها العنود عمرها سنه
عاييشين احلى ايام حبهم الي للحين يعتبرونه جديد وكل واحد يتعرف على الثاني وهالشي مخلي حبهم يكبر
*
بالحديقه قاعده جنبه على الارجوحه
عمر : احبج بدورو
بدور وهي تبتسم : احبك
عمر : مابغينا نتزوج .. سنه كامله لين ماحصلتج
بدور بخجل: الحمدلله



فهد و سعاد فرحانين بوجود هالعايله الحلوه ويحمدون ربهم ان بناتهم لقو الازواج الي يحبونهم ويراعونهم



ساره تخرجت وتشتغل ببنك الحين وخذت لها منصب كبير
والحين مخطوبه لمدير الاداره الي جنب ادارتها وراح يتم العرس بعد ثلاث شهور


جد زين وراسي تصالح مع راسي وتصافت القلوب بس للحين عقدة الذنب ماراحت من الجد



فاطمه للحين على قرارها انها تبقى بدون زواج .. ادعو لها يجيها الي يغير رايها خخخخ

*

*

منى تابت وصار انسانه متدينه ابتعدت عن كل الخرابيط القبليه وظلت بدون زواج !!

*

*

فارس ولمياء لقوهم بشقه مع شله من الناس الي نفسهم وانصادو من المباحث والحين هما بالسجن بسبب الشقق الي يستخدمونهم بطرق غير شرعيه

*

*

ماجد وعد نفسه يكرس حساته لولده بدون لا يتزوج .. مع ان امه كل يوم تعور راسه الا تبي يتزوج
مايندرى يمكن يغير رايه ^_*

*

*

ابطالنا زين وراسي عايشين بالعسل وكل يوم يمر عليهم احلى من الثاني اكيد ماتخلو حياتهم من المشاكل الطبيعيه بين اي زوجين بس بالنهايه كل واحد يحمد ربه ان لقى نصفه الثاني

راسي وهو يشوف دفتر زين : زيون شنو هالدفتر
زين وهي تحاول تسحبه من يده : هااا لا هذا ولا شي

راسي وهو يفتر عنها فتح على صفحه عشوائياً وبدى يقرا
و زين قاعده جنبه وبيدها عمر : بس لا بتقراه كله
راسي وهو مركز : اشششش
بعد ماخلص : زيون ... من حبيبج المقنع
زين بخجل : انت
راسي : يعني انتي كنتي تحلمين فيني قبل لا تجوفيني
زين هزت راسها
راسي : يعني انتي طول عمرج ماتضررتي من الندبه
زين : بالعكس كان شي يميزك .. كنت احبها فيك
راسي : جان زين ماشلتها .. جان انا للحين حبيبج المقنع
قربت منه وحطت يدها على خده : انت حبيبي المقنع للحين وللأبد

*

*
بجذي خلصت رواية حبيبي المقنع

اول شي حابه اشكر خالد في قلبها على تشجيعي على الكتابه بشكل عام
ثاني شي اشكر اختي الغاليه
sweet 15 على تشجعيها لي عشان انزل القصه

اشكر الاعضاء
قال الوداع قلت انقلع
ملاك الحب
النمله المتمرده
ملاك الليل
مربية الأجيال
صبري له حدود
على متابعتهم المستمره للروايه

بالاضافه للمتابعين من خلف الكواليس ومسامحه اذا نسيت احد

انتظروني بروايتي الجديده بعد رمضان بأذن الله

مبارك عليكم الشهر .. والله يعوده علينا وعليكم
تحياتي

الحنان الخالد



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -