بداية

رواية امانة برقبتك -30

رواية امانة برقبتك - غرام

رواية امانة برقبتك -30

دخل المطبخ والحلوه مو حااسه ابد داخله جووو مع فنها ولا من زوود الفن جالسه تغني:
يلــومــونــــي حبـيبـــي فـــــيك
صـراحــــه قـمــــة الـروعـــــه
وأنـــا واللـــــه مــن شـفـتــــك
دخــلـــت بقـلـبــــي بـســـرعــــه
نواف يوم شافها ماحست فيه حب انه ينبهها بوجوده فكمل الاغنيه:
مـاصـدقــــت أنــا ألاقـــــيك
أحـــــبك أعـشـقـــــك وأبيــــــك
أنــا يـاعـمـــــري لــو تــــدري
أنــا المجــــنـون واللـــــه فــــــيك
روبي الي من سمعت صوته التفتت بسرعه وتركت الي بيدها من غير شعورها وراحت ركض له عند باب المطبخ وضمته:نوااااااف
نواف بمزاح:ههههه بس خنقتيني
روبي الي استحت:والله ماعندك سالفه مخليني امس ومنحاش والحين يوم جيتك وتقلد صوته>>هههه بس خنقتيني
نواف الي مات ضحك:هههههههههه اجل انا كذاا اتكلم؟؟
روبي تسوي زعلانه:ايه وغصب بعد
نواف:خلاص اصير اتكلم كذاا لعيونك
روبي نست الموضوع:فطرت؟؟؟
نواف:لا والله
روبي:اجل اجلس افطر معي
نواف:اممممم والله ميب شينه بس بتأخر على طلوول والله ينشب لي
روبي:لا عاادي طلال مايقوول شي اذا تأخرت شوي بس اذا ماجيت كذاا بينشب
نواف:اووك بس بسرررررررررررررعه عشان ما اتأخر اكثر
روبي:اوك بس دقايق
جهزه روبي الفطور وجلس نواف فطر معها وطلع
وهي تشيل الصحوون حست بأحد خلفها فألتفتت بسرعه :نوافي نسيت شـ......>>>سكتت من الرعب>>ياعمري ترحم معاناة خخ
الجد:تبينه؟؟؟؟
روبي:وشوو؟؟؟
الجد":تبين نواف؟؟؟؟
روبي:نواف زوجي واكيييد ابيه
الجد":بس هذاا ماكان رايك ييوم زوجتك اياه؟؟
روبي:ولا كان راي نواف بعد،،بس لو سألته الحين بيقولك ايه ابيها
الجد:مو مهم رايه عندي

روبي:جدي سامحني على الي بقوله بس انت ماكنت كذاا صحيح قاسي ظاهرياا بس قلبك طيب من جواا،،انا صحيح ماعشت معك فتره كافيه اني اعرفك وافهمك زين بس من الي عشته معك والي فهمته من الكل ان نواف عندك الكل بلكل وانت تحبه وماتحب تكسر له كلمه لانك انت الي مربيه وعارف كيف تربي،،بس الي اشووفه انا اليوم العكس،، ليش؟؟،،ليش تسوي كذاا فينا؟؟ والله حرام والمشكله انك انت الي زوجتنا ويوم حبينا بعض تفرقنا
الجد:مؤقتاا افرقكم،،ونواف انا للحين احبه ومانزلت محبته ابد بس الي سوااه لازم يتربى عليه ويحس بلمسؤوليه نواف عندي الكل بلكل بس الي يغلط لازم يتربى ويتعاقب وهذاا الي يصير له
روبي:بس انت طرته وضربته وسحبت الصفقه منه الي كانت اكييد بتكون له،،وللحين مستمر بتدميره كل هذاا ومايكفي؟؟؟
الجد:شفتي كيف نفس ماقلتي انا سويت له اشياء كثير كنت عارف انه قدها وشوفي وشلوون ضربته وماهزته ضربتي له طردته وماكسرته طردتي له بلعكس كان دايم يثبت لي اني انا الغلط وهوو الصح بتصرفاته يوم طردته راح واشتغل وبناا نفسه مع اني ماخليت احد يساعده في شي ابد من ابووه لييييين اعمامه وعيال عمه،،سحبت منه الصفقه وكنت متوقع انه يتحداني ومع هذاا ما سواها وانا عارف ليش وهذاا الي عاجبني فيه وانا راضي عنه بس باقي مره وحده وهو آخر اختبار له
روبي:وشوو؟؟
الجد:"انتي!!
روبي:اناا؟؟؟
الجد:ايه
روبي:وش دخلني انااا؟؟؟
الجد:قريب بتعرفين
روبي:وليش مو الحين؟؟؟
الجد بصرامه":انا كلامي خلص وما ابي اسأله ثانيه
روبي سكتت تدري مافي فايده:......................
ياقليبي يانوااف الله يعينك،،علييك جد صراحه تحححححححححححفه>>>الله يعين من الجاي
بعد كـــــــــــــــــــــــم يوم
في بيت الشعر
نواف:بغيتني؟؟؟
الجد:ايه اجلس!!
نواف ينتظره يتكلم:...............................
الجد:الي سويته غلط وغلط كبير بعد تدري ليه؟؟؟
نواف:ليش؟؟؟
الجد:"لأني مهددك قبل ما تاخذ بنت عبدالعزيز قلت لك روبي أمانه في رقبتك يا نواف>>وانت ما كنت قد هذي الامانه............
نواف يتكلم":صح بس كنت قد وعدي ورديتها وهذاا مايكفي ؟؟
الجد:لا مايكفي ومره ثانيه لاتقاطعني واناا اتكلم ولا الاجنبيه الي تحبها نستك عاداتك؟؟؟
نواف:اناا محد يقدر يغيررني وينسيني عاداتنا بس ياجدي الي صار صار انسى الي فات وخلني آخذ مرتي معي اليوم
الجد:"وانااا بنسى الي فات
نواف بفرحه وابتسامه قام وحب على راس جده :الله يخليك لنا ويطول بعمرك،، اجل اقولها تجهز نفسها عشان آخذها؟؟؟
الجد:وين؟؟ مستعجل اشوفك انا مابعد خلصت كلامي
نواف الله يستر:آمر
الجد:انا بنسى الي فات وبترجع ولدي بس بشرط؟؟
نواف:وشو؟؟؟
الجد:تطلق روبي!!!
نواف الفرحه والابتسامه الي كانت على وجهه اختفت بمجرد سماعه الشرط>>كنه ما استوعب:وشلووون؟؟؟
الجد:مثل مافهمت تطلقها
نواف لا تعليق ما حب يجادل اكثر وطلع بدوون مايعطي جده أي كلمه

اليوم الثاني

روبي من سمعت الخبر جن جنونها يطلقني؟؟؟ خييييييييييييير وينا فيه؟؟؟ عسى ماشر؟؟ والله ما يطلقني دام راسي يشم الهواا وهوو يبيني وانا ابيه وشلوون يصير كذاا؟؟ انا ماصدقت تفاهمنا وصرنا نحب بعض يجي بكل برود يقوله يطلقني ليييييييييييييييش؟؟؟ انااا الي ضيعت نفسي بنفسي موو هوو انااا الي تركت العالم عشانه مو هوو الي تركني اناا كم يوم راحوو بدوونه احس اني مو عايشه وشلوون العمر كله يتركني؟؟؟ لا مستحييييييييييل يصير لام اتصرف>>>رد فعلها يوم سمعت الخبر....
بيت الشعر
:السلام عليكم
الجد":وعليكم السلام تعالي يابنتي اجلسي
روبي:ايه واضح بنتك
الجد عرف وش تبي بس حب يطولها:ليش منت بنتي الا بنتي وغصب بعد؟؟؟
روبي:لو بنتك صدق ماطلبت تطلقني من زوجي
الجد ببرود:ايييييييييييييه زووجك نواافووه يستاهل
روبي بتمووت وش هلبروود الله لا يلومك يا ابووي يوم هجيت:لا مايستاهل خلاص ياجدي حرام عليك كافي الي سويته فيه
الجد:وش سويت؟؟؟>>>>قل وش ماسويت؟؟؟هع
روبي بتجيها جلطه اكيييد>>الله لايلومها:جدي والله حرام كل شي سويته والحين الطلاق والله كبيره
الجد" يوم شافها منفعله رحمها:لا تخافين موب مطلقك
روبي:وش الي موب مطلقك تقوله وتقول موب مطلقك؟؟
الجد:هذاا الاختبار الاخير الي قلتلك عنه
روبي:أي اختبار؟؟ تقوله يطلقني وتقولي اختبار؟؟؟
الجد:خلاص فضي السيره ولا لاتخليني اطلقك منه غصب
روبي في نفسها ياربيييييييييييه >>>طلعت
بيت سليمان
طلال:بس يبه...............
سليمان يقاطعه:ياطلال ياولدي اناا معك في الي قلته المره الي راحت بس هذاا مايمنع اني اساعدك في المهر وانت بلي جمعته أثث جناحكم ولا تزوجت سوو الي في باللك واجمع وكون مستقبلك بنفسك واذاا مووب عشاني عشان امك هلمسيكينه الي متشفقه على ظناك
طلال:خلاص يبه الي تشووفه
سليمان بفرحه:الله يسعدك ويهنيك ويوفقك يا ولدي ويطرح فيك البركه ويبربك عيالك مثل ما نت بارني وبار بأمك قل آمين
طلال:آمين
بعد ثلاث ايام
ابوطلال يوم قال لزوجته تروح تخطب له ماصدقت في البدايه وكنه حلم بلنسبه لها بس ماصدقت خبر تخاف طلال يرجع في رايه ..

لاجديد الجد للحين على رايه ومصر انه يأدب نواف،،وربي لاحول لها ولا قوه كل يوم تحاول فيه بس الحلوو رافض مررره ،، اما نواف يوم ما قاله الجد طلقها وسكت ومارد عليه طبعاا هذاا مايعني انه موافق بس عشانه عارف جده وانه لو صرخ وعانده بيستقعد له عشان كذاا فضل السكووت ومثل مانصحه طلال وقاله خلها عنده لييييين يطيح الي في راس جدك وصدقني بيرجعك لها>>>والله انك صادق
في غرفتها تكلمه
اليوم كلمت جدها ورفض نفس الشي عشان كذاا الزينه مررررره مرتفع ضغطها ومثل العاده تكلم نواف عشان يتقوله الي صار وهي متنرفزه من جدها مرررررره...
روبي بأنفعال:نواف تعاال الحين ولا والله لا انحاش
نواف:يابنت الحلال اهدي انهبلتي وش فيك؟؟؟
روبي: اصلاا واحد من اثنين يا انت يا جدك واحد فيكم بيهبلبي
نواف:هههه ههههههههههههههههه
روبي": الحين اناا ابكي وانت تضحك يابروودك يا شيخ
نواف:الحين وش تبيني اسووي؟؟ واناا اسويه
روبي:تعاال عندي
نواف:لا مايصلح يشوفني جدي يقول طلقها وانا ماصدقت اطلع ذاك اليوم وبعدين صدقيني بيرجعك لي بس بدوون عناد لانه يعاند الي يعانده
روبي ودي اقوله ان جدي يختبره بس اخاف نواف يفضحني>>اسكت احسن من ما اتطلق صدق:والله طقيييت من هلعيشه طوول اليوم مكشر في وجهي عشاني اقوله برجع لك ويقول انتي تستاهلين الي يسويه فيك وازود بعد بالله هذاا مايقهر؟؟؟؟
نواف في نفسه لا حول ولا قوة الا بالله يقهر ونص بس وش نسوي.؟؟:عاادي حبيبتي انتي هدي تعرفينه لازم يقول كذاا بس بعدين لاهداا يتندم
روبي بزعل:وواضح
نواف:وبعدين كم مره اقولك ما احب اسمع صوتك وانتي زعلانه؟؟
روبي:بتجي ولالا؟؟
نواف ليييييييته:والله ما اقدر
روبي:ليش انت وينك؟؟؟
نواف:في بيتي ويني يعني؟؟
روبي:يعني ماعندك شي؟؟
نواف:لا ويمكن انام بعد
روبي:اقولك تعال عندي ولا والله ما اكلمك ثاني مره
نواف:روبي بلا دلع خلاص حبيبتي انتي تدرين اني ما اقدر اجي
روبيي بتهديد:طيييييييييييييييييييييييييييب مع السلامه>>>سكرت في وجهه هع
نواف صدق انها ميب صاحيه وانهبلت بعد>>>بسببك الله يساامحك
بعد ساعه تقريبااا
عند نواف

نواف جالس من الزهق يقلب في القنوات يدور له شي يتابعه بس مالقى>>>دايم موشي جديد انك ما تلقى خخ>> الايقاطعه جرس الباب...
نواف بأستغراب":غريبه من جايني؟؟؟ >>>مستعجل على ايش؟؟؟ رح افتح الباب>>قاطه وبقوه بعد خخخ
نواف قام وفتح الباب مادرا الا الي طامره في وجهه وتضمه :شريييييييييييييير اكرهك
نواف وهوو يشيلها جواا شوي عشان يسكر الباب:روبي فضحتيناا ادخلي داخل على الاقل
روبي وهي تبعد عنه:تستاهل الفضايح ولا هذي سوات تسويها؟؟ تقول لك مرتك تعال تقولها ما اقدر
نواف:والله لو بيدي كان ماتركتك دقيقه بس لازم اخليك كم يوم ولا العمر كله
روبي وعيونها تدمع:لا تقول كذاا
نواف:على طوول الدمووع خلاص انا آسف
روبي:انا مازعلت
نواف:أجل ليش الدمووع؟؟؟
روبي:عشان وحشتني
نواف وهوو يضمها لصدره:واناا بموووت من الوله عليك>>>طبع على جبينها قبله*_^
في بيت الجد
الجد:من متى طلعت؟؟؟
منيره":من شوي>>>>اكبر صاروووخ طع طع طع خخخ
الجد:وراا ماقالت لي؟؟؟ ووين راحت؟؟؟
منيره:كنت نايم بس قالت لي انااا
الجد:طيب وين راحت؟؟؟
منيره:تقول لأهلها
الجد: هذاا بيت اهلها،،وثم من وداها؟؟؟
منيره:جاا اخوها طلال وخذها
الجد:ليش ماقالت لاحد السواقين ولا ماتبيني اعرف وين راحت؟؟؟
منيره:اقولك راحت لأبوها سليمان
الجد:حسابها عندي بس خلها ترجع ولا اقوول دقي عليها بسرعه
الجده: ان شاءالله
عند نواف وروبي
روبي تشهق:هأأأأأأأأأأأأأأأأء ياويلي
نواف:وش فيك؟؟؟
روبي بخوف:قااام
نواف بأستغراب:منهووو؟؟؟
روبي:جدي الله يعيني عليه
نواف:يمكن مووب هوو ردي
روبي:هذاا رقم البيت تستهبل اكييييييييييد هوو لاني معلمه جدتي منيره ومستحيل تدق
نواف:جيبي ارد
روبي:لالالالا والله يطلقنا بلغصب لو يدري اني عندك
نواف بعصبيه:طيب انتي زوجتي ومايقدر يبعدك عني ترى انا اقدر آخذك غصب لو بغيت بس اناا محترمه لانه جدي بس الي يصير زاد عن حده
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -