رواية بعلمك درس -40

رواية بعلمك درس -40

سعود ( والله ماخذين مقلب بنفسكم ولا احد عنده ملاك ويخليها وعض علا شفايفه ...اااااه بس لو اهى عندى
الحين ...... )
خالد :يمه ماله داعى هالحجى انا بروح لبوى اسلم عليه .....وطلع
ملاك ازهقت من القعده ابروحها وراحت غرفت البنات
فجر :وووووواو ملاك شكلج مو طبيعى ولا مكياجج ايهبل اشلون مدرجه البنفسجى خيالى ولا الحمره
لونها خيالى وين حصلتى هالدرجه من الوردى
ملاك :وهو مستانسه ....والله فجر حلوه ...
فرح : شكلج خيالى بالمكياج ابنفسجى .....وين حاطته
ملاك :انا حاطته
فرح صج عاد : ملاك ابى اسالج سؤال محيرنى ....عادى ؟؟؟؟؟؟
ملاك :اسالى شنو

ملاك انتى يوم تزوجتى ماكنتى اتعرفين اتحطين مكياج وفجاه صرتى شى !!!

ملاك :اى انا ما كنت اعرف احط مكياج لانى عمرى ما حطيت مكياج الا يوم الملكه .....بس بعدين اخذت كورس

عند صديقت عمتى وعلمتنى

فرح :ماشالله صرتى فنانه

ملاك (بس مو مبين بعين اخوج)......فرح اذا تبين اعلمج علمتج

فرح :خلاص اى وقت تفظين علمينى

ملاك :الله يالوقت انا بالله شنو مشغلنى ....لادراسه .....ولا......شى

حسو البنات ان ملاك متظايقه واهم درو من ريم بعد ما كلمتها فرح اتبارك لها ان خالد ما راح يجى اليوم

ودخل ابو فيصل ولا يلقى البنات متجمعين وشاف ملاك

ابو فيصل : ما شالله مجتمعين علا شنو

فرح :نبى ملاك اتعلمنا اشلون اتحط الكياج

ابو فيصل : ضحك عليهم بحنان وحب حست ملاك بالدفء العائلى اللى بينهم وتمنت انها فعلا اتكون بنته

وفجاه

مساء الخير

التفتوا كل اللى قاعدين

كان لابس قميص اسود مقلم ببيج وكان مبين تقاسم عضلاته وبنطرون لنن اسود

ابو فيصل بين انه عادى وهو من داخله وده يطير ويحظنه ......نفس الشعور عند ملاك كان ودها اتحظنه وتقوله

انها مشتاقه له

اما البنات فنطو كلهم عليه واللى اتحظنه واللى اتبوسه واهو اعيونه تعلقت باللى واقفه ومنزله راسها

ابعد البنات عنه واتجه لبوه وباس راسه ......ما قدرت انام من دون ما اشوفك

حست ملاك وكان رمح مسموم شق صدرها .....(يعنى منت جاى الا عشان ابوك يا اخى ارحمنى )

ابو فيصل : لو ما جيت ما كان سامحتك

خالد :وهو يحظن ابوه وانا ما اقدر......وبعد ما خلص من الكل ..........ملاك اشلونج ان شالله زينه

ملاك:الحمد الله (تو الناس ليش مكلف علا عمرك )

ابو فيصل : طبعا الليله بتبات اهنيه

ملاك ما كان ودها انه قال هالشى جدامها ............. لي يا عمى ليه

خالد التفت علا ملاك وكانه يتلذذ بتعذيبها ....والله ما ادرى اشوف اذا فيه احد عند ريم ولا بت اهنيه

(كان وده ايشوف نضرت الغيره بعيونها ويتاكد انها فعلا اتحبه ......لاكنه زاد بالجرح اللى كل مره يزيد شقه

بمشرط السانه )

قامت ملاك : عن اذنكم ,وتعدت خالد وطلعت

ابو فيصل : شنو يعنى اذا ريم عندها احد ....شنو يعنى بتقعد عندها كل يوم بحجت ان ما عندها احد ولا شالسالفه

يا خالد اذا منت قد هالشغله بلاها ....واذا انت معتقد ان ملاك ما عندها احد فانت غلطان انا ما راح اسمح لك

اتاذيها مهما صار

خالد :يبه الله يهداك ومن قالك انى بقعد وتحجج بهالشى لا انا بس ايى اتاكد ان ريم عند اهلها او اهم اللى عندها

وبس ولا انا ان شالله يوم عند هذى ويوم عند هذى وما راح اظلم احد وهذا شى الثنتين عندهم خبر فيه

ريم وهى بالمطبخ اتسوى جاى .....ولاامها داخله عليها مث الثور الهايج ..........

ام سعود :تعالى انتى بالغبيه وبتظلين طول عمرج غبيه اشحقه اتخلينه ايروح لها ....(واتقلد صوتها ) .....لااتفقنا

انه بيبات عندى ......ومدت ايدها مالت عليج يالخبله

ريم :يمه الله يهداج ترىحدى مالى خلق اهو امس قال انه مو رايح وبيروح اليوم الثانى بس عاد ما ادرى شاللى

غير رايه

امها :بعد شنو وتاشر بيدهل من المسجات اللى جته انتى علبالج هذى سهله لاحطى بالج زين ......والدليل توه كان

بيقعد وفجاه فز وراح لها

ريم :انزين شسوى له

امها :دزيله مسج مثلها ......الا احرقيه مسجات وهو عندها عشان ماينساج وتكونين معاه بكل لحضه

يالله يالله هدى اللى بيدج ودزيله مسج قوى ترى الرجاجيل ابسرعه ينقص عليهم ويحبون اللى اتحسسهم باهميتهم

علا طول

-

ودزت له مسج

(((كثير الناس من حولي ولكنهم علي أغراب وكل أحبابي لو جوني أظل لشوفتك أشتاق))

خلودى والله مشتتتتتتاقه له موت وماادرى اشلون بنام وانا مو بحظنك

بس ما اقول الا الله يصبرنى واقدر انا

خالد :قرى المسج وحطه بجيبه علا طول واستاذن من ابوه وراح لملاك حاس انه مو قادر يصبر

ملاك كانت قاعده وهى ماسكه نفسها ما تبى تبجى ؟...حست انه مو كفو انها تبجى عشانه ......انا شاللى

مضايقنى ...يعنى متزوج على وانا لحد الحين عندى امل فيه ....بالعربى علا قولت خالتى مايبينى انا شنو عند

حبه لريم اللى ضحى بكل شى عشانها يعنى عشانه عطانى وجه كم يوم خلاص ....كانت نزوه ورجال ويشوف

وحده بغرفته وحلاله شى اكيد انه راح يفكر فينى كرغبه لا اكثر ولا اقل انا لازم احاول ما اعلق قلبى بحبال هواه

الذايبه الا الوهميه مو الذايبه

دخل خالد..... ولا يلقى ملاك اللى كانت منزله راسهاوتلعب بازرار الرموت تحاول تشغل نفسها فيه.....

وقف مقابلها وكانت اتشوف ارجوله وحست انها مرتبكه وزادت حركتها بالازرار

خالد انحنى اشور ورفع حنجها بايده ....اشتقت لج وهو ينقل اعيونه بين اعيونها ....ومبين الشوق فيها

نزلت ايده بقوه وصدت وجهها عنه غصب ما درت ليش سوت هالحركه

خالد :الله الله الحلو زعلان وقعد علا اركبه لين صار وجهه مواجه لوجهها

قلبى ليش زعلانه

ملاك :وصوتها فيه رجفه ....ومن قالك انتى زعلانه ....

خالد :يعنى منتى زعلانه ....اجل ليش ما اطالعينى ولا اتحطين عينج بعينى

ملاك: خالد ....انت مو سلمت علا ابوك ....خلاص روح لريم حرام اكيد اهى ابروحها ...خاف ياكلها الحرامى

وانت امضيع وقتك مع

خالد :مع احلى شى بالدنيا مع احلى اعيون وخشم وجسم وطول وشعر وكل شى فيج ما يخلينى اقدر اصد

.....انتى شنو غبت اسبوعين وتظاعف جمالج اضعاف مضاعفه انتى تبين تذبحنى

ملاك:ارفعت راسها وهى اتطالعه بنظرات استغراب !!!!!(هذا خالد ولا واحد ثانى الا اكيد يبى يضحك على

ويمسخرنى من متى انا اعجبه لهالدرجه ) خالد انت شقاعد اتقول انت مشتاق لى لهالدرجه اللى حتى مسج واحد

مادزيته لى اتطمن على بس ما الومك غرقان بالعسل وين تتذكرنى

خالد:لا لاء لاء ما اتحمل صدى عنى ما اقدر انت شى عمرى ما شفته.....

ملاك :خالد حرام عليك لاتتطنز على ترى انا انسانه وعندى مشاعر خلاص يا اخى انا عارفه نفسى ماله داعى

تضحك على .....ترى مالى خلق

خالد وهو يمسك ايدينها تبين اتعرفين ليش انا ما اتصلت عليج لانى ادرى لو سمعت صوتج ما راح اتحمل اكيد راح

اجى طيران ...وكنت اتطمن علا اخبارج من فيصل وابوى

ملاك(ياربى هذا اشفيه كل ما اقوله كلمه يرد باسلوب حلوه يحرجنى ....لايكون بدلوه ....لا اكيد بدلوه بواحد

ثانى ) ......كانت تبى تهرب منه باسلوب .....خالد تبى اسويلك عشى ولا بتروح لبيتك الثانى (يارب يروح يارب

يروح)

خالد :لاء لاء اقعدى انا مستمتع باحلى شى بحياتى هذىالقعده تشبعنى عن كل شى بالدنيا

وحط ايده علا ركبت ملاك ....ملاك خلاص مو قادره ارتباكها كان واضح وقعدت تبسح علا جبهتها وترجع شعرها

ورى

ضحك خالد بصوته العالى ....ورجع مسك ايدينها اشفيج ترجفين

ملاك :خالد ترى حدى منحرجه ابصراحه انا عمرى ما شفتك جذيه وحاسه ان انت واحد ثانى

ضحك خالد ابصوت اعلى من اللى قبله واحد ثانى انتى حدج متاثره بالرسوم المتحركه

وفتح اعيونه علا الاخر وثخن صوته .اكثر..... وهو يحاول يخرعها الحين انا رديت خالد القديم

اضحكت ملاك ولاول مره تضحك من قلب جدام خالد اللى اختفت ضحكته بالتدريج من اول ما سمع رنت

صوتها السحريه وضحكتها اللى كلها انوثه طاغيه اول مره يكون هالجو بينهم اول مره يشوفها وهى تضحك

اول مره يدرى انها شفافه وبسيطه وتنى الزعل ابسرعه .......اااااه كل يوم وكل لحظه اتزيد تعلقى فيها

ملاك :بعد ما اسكتت وهى مازالت مبتسمه وانتبهت لنظرات خالد اللى وكانه اول مره يشوفها

ردت ارتبكت ونحرجت منه (والله انى غبيه علا طول ضحكت ما ثقلت عليه اشوى بس ماكوما اعرف غبيه

شبيقول عنى اكيد ايقول هذى خبله ...بس ليش يطالعنى جذيه والله كل شى فيه يخرعنى ويربكنى مانى قادره

اتخيل انه حنون ولا حتى انسان عادى كل اللى شفته منه يخلينى اخاف اكثر فى كل مره )

انتبه خالد لنفسه وحس انه رد احرجها (والليه هذى متى بتكون عاديه .....فرق وشتان بينها وبين ريم ولينا كل

وحده اجرء من الثانيه هذى غريبه عمرى ماشفت بنت تستحى لهالدرجه وترتبك من اى نظره بس شى شى

خيالى قربها يحسسنى بلذه ماعمرى حسيتها مع اى بشر احساس غريب لذيذ ممتع )

(((((((الجزء التاسع والعشرين)))))))

ريم : احرقت خالد مسجات بس من دون رد (الرجال بعالم ثانى )

امها :وهى تضحك ضحكت استهزاء خلاص خلاص لاتحاولين ...الحين اهو خارج التغطيه

سعود :ااااه ياحظه والله قهر ...لاوقاعه عنده وهو متزوج عليها ....وانا اللى كنت متوقه انهابتطلق...منه

امها ليش ان شالله بتاخذها يعنى

سعود :من صجج يمه والله لااخذها ولخذها ولا ارد علا اكبر راس هذى اسطوره من الجما ل.....ولتفت علا اخته

يبه لاتدزين مسجات ولا اتعبين روحج والله انتوا ماخذين مقلب بانفسكم ولا واحد يشوف خشت ملاك ويلتفت لكم انتوا

ريم :وهى اتصارخ اسعوووود جب خلاص ما ابى اسمع صوتك

سعود وهو يضحك متى قهر لا تو الناس ...وبعدين محد قالج اتحطين نفسج بالمقارنه معاها تحملى

احذفت ريم الكوب اللى بيدها وصعدت......

ريم /:انا اوريج يا ملاك ان ما فضحت امرج عنده ما اكون بنت ابوى ......

اصعدت امها لها يمه حبيبتى لا تزعلين علا اخوج اتعرفيين اهى يحب الضحك ويحب يطفرج دايم

ريم :يمه ترى مالى خلق فكينا ............اى اولدج ما يغلط

امها ماعليج منه خلينا الحين بالمهم

التفتت ريم شنو ؟؟؟؟؟

امها باجر من الصبح باخذج لدكتورت نسى وولاده

ريم :باستغراب ....ليش

بناخذ منها منشطات عشان اتحملين وبهالطريقه خلاص تربطينه عدل وينسى ملاك وطوايفها وبعدين اهو متى حبها

يتبع ,,,,

👇👇👇

تعديل المقال