رواية عسكر القلب جيش حبك -41
سلطان:لا اكتفيت..وطالع تلفونه ..بغى يجنب انه يطالع ويها والا عيونها...حس بالشئ من صوبها مايقدر يوصفه
الغلا له جـــــرى والــــحب مــني **وانا من هالشجا اصــــبح نصيبي
يوم الاشــــواق صـــوبه يجمعني **وليــــت خلي لشوقي يستجيبي
هذا حال سلطان..سلطان وهو يرمس عمره ولعب في تلفون ..ليش يالسلطان ماقادر تنساها..ليش..كنت اقص على عمري يوم قلت نسيتها شو الي خلاني اليوم مامسك عمري..ونش
بومحمد:هاه شياك وين مويه
سلطان:بروح ..ذكرت كم شغيله
يدوه:يالله فديتك يلس ماشبعنا من شوفك توك حادر علينا
سلطان:وهو يأشر على يدوه ...ذبحني.لابس تلي..وهو بشقايه مب عليمي.(كان يقصد فطامي بالقصيدة كل ماتبه للرمسه فطامي..لانها كانت لابسة كندورة تلي..)
يدوه:ههههه الله يحفظك بتينا خلاف
سلطان وهو يلبس نعوله:ان شاء الله ..وظهر..وسار صوب سيارته..
وركب وحط ميحد
:
جزرت ليلي في هواجيس..يوم الخوالي ذهل انعوس ..جني ربيط في المحابيس
عليه ترقب جند وحروسحط ابحشايه عرش بلقيس..وله امعلوقي كرسي ايلوس ..يسنيك عن نور الفوانيس..براق خد جنه اشموس.. حط ابحشايه عرش بلقيس..وله امعلوقي كرسي ايلوس ..يسنيك عن نور الفوانيس..براق خد جنه اشموس..
..حشيم عن تبع المدانيس لي ما يبيع الطبع بفلوس..يا عود موزٍ في مغاريس..أنعم من الديباج ملموس ..لك في حشا قلبي رواسيس..جنك على لفواد معكوس
:
:
ام محمد:سعيد
بو محمد:عونج
ام محمد:والا باجر ان شاء الله حرمة حارب بتينا
بومحمد:بوحمد
ام محمد:هيه زين عيل..محمد سير العزبة ويب ذبايح وذبحها
محمد:ان شاء الله
بومحمد:متى بيلفون
ام محمد:قالوا صبح
بومحمد:يامرحبابهم..ريايل بيون
ام محمد:ضني..
بومحمد:زين عيل..
:
:
:
((بيت بوحمد))
البيت كل مرتبش..لنه مابقى عن عرس الا شهر..تقريبا..وسعيد ومصبح ساروا صوب الخيم يطالعون ..وحمد سار صوب المطبعه عشان يطبعون بطاقات الدعوه ..وحريم ويهن صوب السوق..وكل مشتط..بعد الغدى كان حمد وامه ..
حمد:اميه شو قالتج الحرمة
ام حمد:ماشئ بعد شو بتقول لاتونا
حمد:انزين متى يعني
ام حمد:باجر الصبح سايرين صوبهم
حمد:هيه زين عيل..نحن الرايل بنرمس.عن السالفة ونجوف..
ام حمد:خير ماقلتوا تراها البنت ماتنعاب وبنت ونعم..
حمد:عيل بخليج بسير اوطي راسي
ام حمد:برايك..
:
دش حمد...غرفتهوحط راسه على المخده..وتم يذكر ملامح فطامي يوم كانوا اطيارة وعيونها الي ذبحته....يااويلي عليج يالرميثيه ذبحتيني
:
/*/
فقت بجمال و منطق و ذوق بسمتك تشفي جرح و
أعـــــــــــــــــــــــواق
/*/
ياظبي داري و انته اتفوق حلو الظباء تلعـــات
الاعنــــــــــــــــــــــاق
/*/
كنك لقلبي انت مخلوق وغيرك في عينـــي انت
مــــــــــــــــــــــــــالك
/*/
:
:
:
فطامي وهي رايحة صوب غرفتها..وترتب الاشياء الي شارتنها..وهي ترتب ذكرت سالفة الي في المطعم وتمت تضحك..شوي طاحت قصتها في ويها ورفعتها بسرعه عن ويها جان يكسحها التلي الي في كندورتها:أأأاخ انا شو خلاني البس تلي..وشوي بطلت عينها..ذكرت قصيده سلطان ((ذبحني.لابس تلي..وهو بشقايه مب عليمي) تمت ساخه بعدها مب مستوعبه الكلام..كان يقصدني..لالالالالا مانسيت يالسلطان..اووووف من هالحاله ..........
:
:
سلطان كان ساير صوب الشوامخ وخطف على خليفة وهم في السياره محطين الافم ..وشوي اتي اغنيه لبنانيه ..راح خليفه يغير المحطة
سلطان: صبر..خلها ..حلوه
خليفة:حط بروغه اخير عن هاذي
سلطان:اووووووش
:
وهو سارح في كلام الاغنيه ...
:
بخيال الورد في ورده اعدت بالفي ..بدي احكيها مابدي تكبرت شوي
ياقلبي مابعلمي شاطر ليش واقف بتخاف تخاطر متل العطشان ألي الناطر من نبعك مي
حلو لاقيني عطشان كتير..ماتفعني المي اسقيني من قلبك بير حبيتك والله حبيتك ..الـخ
:
:
وشوي كان مطاب فالسلطان ما تبه فالنتناقزوا خليفة دح راسك في سقف السيار:شبلااااااك
سلطان:اووووه سموحة ..
خليفة:مامنك
سلطان: هيه والله ..ليش ليش يوم كانت في ايدي خليتها
خليفة:وعقد حواجبه منو..هذي
سلطان:ماعرفت اني بحبها جيه
خليفة:لا يالسلطان ..كنت مابتلفت صوبها بس لان خلتك..وصدت عنك انتبهت لها..كل هالناس ..هم جيه نربع ورى الي ماسويلنا السالفة والا يبربع ورانا ويطلب رضانا حتى سلام مانعق عليه
سلطان:لالا يالخليفة لاتقول جيه انت ماتعرف شو هيه بنسبه لي..
خليفه:نساها مابينفعك كل هذا
سلطان:انساها..كيف هذي تعرف شو يعني لي..نسخي نسخس..تعرف شو يعني ..وقف سيارة ونزل ..وقعد على حافت الرصيف..
خليفة نزل من السيارة سلطان..الريال مايصيح
سلطان:وهو محطي ايده على ويهه شو تقول انت يعني قلبي رصاص جوفه ماحس ماحس يعني...هيه خلاص بتكون لغير ي فاهم..شو يعني لغيري
خليفة:منو هذا
سلطان:عبد الله ولد عمي..خلاص امس كانوا يرمسون سنه اليايه بتعرس
خليفة:وهيه تباه
سلطان:مش مهم تباه الا لا هذا ولدعمها ..مابتاخذ غيرة
خليفة:بس جيه مايفع من كلامك يعني غاصبينها
سلطان:لالا مب تكون مغصوبه اذا خذت ولد عمها
خليفة:شو تقول انته قوم قوم ..شمس على راسك
سلطان:ـــــــــــــ
خليفة:يله قوم..ويمسكه ويركبه السيارة ..خليفة ساق السيارة عنه والسكووووون كان يغطي يجو السيارة ......كل كان يفكر بالحاله ...
:
:
يا بحر موجـي .. هاجسـي والموانـي
يا كيف أخفي الجرح .. والجرح ما طاب
يا طب جرحي منك جرحـي وأعانـي
أسأل ضميرك خاطرك واحسب حسـاب
إذا صاحبك مجني ترى الحكـم جانـي
:
:
*
*
*
(( الساعه 9 الصبح))
نشروا العوامر صوب الوثبه..
:
:
وصوا وصيحوا جدام الباب ظهر بو سلطان وابو محمد ومحمد ..اما سلطان كان محد لانه في أبوظبي
نزلو الريايل جان يدش حمد بالسيارة في حوش البيت حق الحرمات ينزلن ..نزل حمد وسار صوب الريايل
:
ابو محمد:مرحبا مرحبا الساع ويدقهم خشم
بو حمد:مرحبن باجي..شحالك سعيد ربك الا بخير
بومحمد:بخير وسهالة ..شحالك انت ..متى ردتوا البلاد
بوحمد:والا من سبوع
بومحمد:يامرحبابكم ..قربوا قربوا
بوحمد:الله يديمك..
حمد:شحالك المعرس
محمد:ههههه يخير ونعمة من صوبك الغالي..هاه متى نويت تعرس
حمد:جريب جريب ان شاء الله ..
محمد:الي قدك عنده جيش وراه
حمد:هههههههههههه ..
محمد:اقلط بالعامري
حمد:هههههههههههههه
ا:
:
:
صوب الحرريم
ام محمد:مرحبا السااااع
ام حمد:مرحبن باجي..
ام محمد:قربي..
ام حمد:شحالج خالتي
يدوه: مرحبا مرحب ..بخير غالية
ام حمد:شحالهم الريولج..بعدج تشتكين منهن
يدوه:هيه اشوه الحين عن اول
ام حمد:هيه زين عيل..
فطامي:حادرة من فوق..وبتسامه ..مرحبا الساع شحالج خالوه
ام حمد:تتفتر صوبها مرحب باجي..يسرج الحال شحالج بيتي
فطاميكطيبه طاب حالج..ستريحي
ام حمد:تسلمين ..
فطامي:تصب القهوه ..تفضلي
ام حمد:زاد فضلج..وهي طالع فطامي بنظرة غريبة
فطامي:استحت منها..نزلت راسها..وتمد الفنيان حق امها ويدتها
ام محمد:وتقدم الفواله لأم حمد..:شحال ام مصبح
ام حمد:بخير يسرج حالها
فطامي:عيل ليش ابنات ماين
ام حمد:مافاضن ..
ام محمد: ماجنهن بعرس ..عيال خالهن
ام حمد:هيه الا وحد اما الكبيره بغاها ولد عمها
ام محمد:هيه زين اخير بعد لها ولد عمها بتكون قربج..
ام حمد:هيه والله ماعندي الا هنتين ماقوى بعادهن..اخير بتم عندي وحده
ام محمد:هيه واله يوم عيالك بعرسون عندك وجوفهن عندك ترتاح
ام حمد:هيه والله ضناك ماتقدر تفارجة
ام محمد:عيل متى ان شاء الله عرس
ام حمد:سعيد ولدي بياخذ بنت عمه ولد عمه بياخذ روضة ..وان شاء الله بعرسون في يوم واحد شهر ثمانيه
ام محمد:هيه زين عيل ماشئ خساير ..
ام حمد: هيه صدقتي الا بتتفجج من العبالة بتعبل عن عرسين
ام محمد:هيه والله صدقتي
ام حمد:ان شاء الله متى بعرس محمد..
ام محمد:جريب..هاه عاد مايبالكم عزيمة
ام حمد:ههههه افا
:
:
:
وشوي يرن تلفون فطامي:وتنش..مرحبا
سلامي:هلاااااا فطامي:وين الخياط الي قلتي عنه
فطامي:عند الدوار ..وين انتي رحتي
سلامي:هيه شفته..خلاص..هزرج البرتقالية شو اسويلها
فطامي:سويلها طبع اما خضرة خله سويلج فيها اي شئ
سلامي:رايج..
فطامي:سيري وين قتلج في المرينا وخذيلج شنطة ونعال شرات شئ.منزلين اشاء روعه
سلامي:اوكيه هزرج الحين والا يوم ثاني
فطامي:لالا الحين وخذيلج شرات بدلات مالاتج
سلامي:اوكيه خلاص
فطامي:ايه ماتتصلين فيه ان بغيتي حايه ترشي رسالة ..عندنا خطار
سلامي:ازين ...
فطامي:باي يلة
:
:
بعد الغدى نشوا الريايل بعد السوالف والضحك وكل واحد ماسك جاي احمر ...بو حمد:بو محمد
بو محمد: لبيه
بوحمد:والله ياسعيد مالقينا اخير عنكم ..نسابهم..بغينا حمد لبنتكمن
محمد:من سمع رمسك غص بالجاي ...في خاطره شو ؟؟؟
بومحمد:والله ونحن مابلقاء اخير عنكم ترها البنت محيرة حق ولد عمها وبنشاوره
بو حمد:ولد خليفه
بومحمد:لا والله ولد حميد
بوحمد:هيه خير عيل..ردوا علينا ان ..نحن مامستعيلين
بومحمد: خير ان شاء الله
حمد:في خاطره ..شو هالحالة من وين ظهر هذا بعد
:
بعـــــــــــد نــــــص ســـــــاعه ظهروا العوامر صوب الوقن
:
بعد ماظهروا الخطار فطامي ظهرت حجرتها يوم دشت نست التلفونها تحت فالنزلت فسمعت ابوها يرمس جان توقف ..
ام محمد:هاه شو بغوا
بومحمد:كانوا يبغون فطامي
:
فطامي:بلعت ريجها
:
ام محمد:اي واحد فيهم
بومحمد: حمد
ام محمد: بكرهم
حمد:هيه نعم
ام محمد: شو رديت عليهم
بومحمد:قلت انا بشاور عبد الله في السالفة
:
فطامي:وقلبها وقف
:
ام محمد:خير ماقلت بنتها مابياخذها الا ولد عمها
بو محمد:يوم مابغت سلطان بزوجها عبد الله ..
ام محمد:والله من يومين متصله فيه ام عبد الله تخبرني متى بيون يرمسون عن فطامي
ابو محمدكهيه قلتلهم الملجه ان شاء الله بعد عرس محمد
:
:
فطامي تمت واقف وعيونها متلن دموع مشت لغرفتها وتحس ان دنيا سوده جدامها
:
انجيت اسافر بالمركبي لشط ..واجهتي موج ولطمتني
وان بغيت اكتب بالهواء حرف دموع خدي حاربتني
وان بغيت اذوق فالحب ..ماذقت لين الحين الا دمعتي
سمعت في عشق وطن ماشفت الا فيه ظلام غربتي
كلمات لغرشوب أبوظبي
:
:
:
:
في الدرب في السيارة
ام حمد:شو قالكم العرب
بو حمد:والله قال ان بنت محيره حق ولد عمها وجان رخصنا ولد عمها ترها من نصيب بنتج
حمد:لالا ماضني ولد عمها برخصها
بو حمد:هههههههههههههه اسميك
ام حمد: ان جان لك نصيب بها بالتاخذها فالنصيبك في غيرها
حمد:لا انا اباها هيه بس
حمد:مب ياهل تراك عبد الله الي يصغرك شوف عنده ولد وبنت وانت شعرك ببيض وبعدك ماعرست
حمد:صد صوب الدريشة...وحس خنقه...
بوحمد:شرايك زوجك اخت حاضر ترها بنت ونعم ولين الحين ماحد خذها
ام حمد: ترها البنت ونعم فيها ماتنعاب وبعدين بنت خالك ماظهرت من بعيد
حمد:ــــــــــــــــ
بو حمد:شفيك رد علينا شياك سخيت
حمد: الي جفونه بس يردون علينا بو محمد
بوحمد:خلاص تم عيل وبعدين بسويك عرس انت ومطر في يوم واحد
حمد في خاطر:هذ الي هامنكم...
بو حمد: شو قلت ؟؟
حمد:ماعندي قول من بعدك القول قولك
بوحمد:ريال..يالحافظ عليك
حمد:ــــــــــــــــــ
:
:
في بو ظبي كان سلطان وخليفة في الشقة وسلطان مارقد طول الوقت وهو ماسك الرمود ويبدل على القنوات وضايج ..حاس بدنيه من حولة ظلام ..وبند التلفزيون وعقط الجهاز ..تم خليفة يطالعه
خليفة وهو حاقنه شكل ربيعه وهو كيف متعذب ..من هواء بنت عمه ..وتم طول الوقت يفكر يقول حق سلطان عن الي شافه في المستشفى ويخبرة ان عبد الله مزوج قطرية وعنده منها ولد وان ولده مات في الحادث هنيه في الدولة..خليفة جدم صوب سلطان ..
خليفة:سلطان ..
سلطان:رفع راسه لخليفة ..وتم يطالعه
خليفة تقرفص وطالعه ..سلطان بغيت اقول ــــــ
سلطان:قول شو في خاطرك
البارت 36
"
"
"
((........هل تلاشى كل شي مثل الرماد والحدود اليوم تخلى من الحدود ......
في سواد كيف تنظر في سواد الأسود اليوم تنهبها فهود.........))
"
"
"
خليفة تقرفص وطالع سلطان:بو ميد
سلطان:رفع راسه صوب خليفه
خليفة:وهو خانقتنه العبره على ربيع ..في خاطره يقول اقوله والا لا ..
سلطان:لاتحاتي بو عقيل..انا بخير
خليفة:وهو يطالع فيه ..قم سير صوب الربع عازمينا في العزبة
سلطان:مالي نفس
خليفة:قم...يلة خذلك سبحة لين انا انزل وايب الكنادير من الدوبي
سلطان:رايك
خليفة:يلة قوم
سلطان:قام..وسار وخذلة سبحة
ظهر خليفة من الشقة وركب الاسنسير..وشوي رن تلفونه
خليفة:مرحبا الساااااااااااع بو عيون وساااااااع لي ينشرى ولا ينباع
ام خليفة:هيه قص علية برمستك ...
خليفة:فديت خشمج انا..
ام خليفة:وين انت
خليفة:في الخالدية
ام خليفة:شو عندك من مونه هناك
خليفة:قعت ويا سلطان كان تعبان شوي
ام خليفة:بلاه
خليفة:حفوز
ام خليفة:شحقة ماتصلت فيني وقلتلي انك بتبات خاري البيت
خليفة: ماخبرج ياسر
ام خليفة:جنه نسى
خليفة:هاه عيل عيب مب مني من ولدج تحرته علمج
ام خليفة:متى بتون
خليفة:اليوم ان شاء الله ..تامرين بشئ
ام خليفة: سلامت راسك ..الله يحفظك
:
:
ظهر من الا سنسير وحدر على الدوبي وخذ الكنادير..وظهر وهو ظاهر شاف واحد من ربعه واقف ..حط ايده على جتفه:شحاااااااااااااااااااااااااااااااااااالك بو دين
معضد:فتر صوبه هلااااااااااااااا بخير ودقه خشم
خليفة:متى يت من البلاد..
معضد:يه من دهر...
خليفة:وليش ماتصلت فينا
معضد:شو اباكم تصل فيكم
خليفة:ههههههههههههههههههههههه سير ويايه في الشقة
معضد:منو عندك
خليفة:بو ميد..
معضد:متى يا من صلاله
خليفة :من سبوع
معضد:هيه زين
وهم داشين الشقة..خليفة:سلطااااااااااااااان شوف منو عندنا
سلطان:وهو يمسح ويهه بالفوطه .........مرحباااااااااااااااااا بودين
معضد:وهو يتقرب ويدقه خشم ...
سلطان:شحالك
معضد:يسرك الحال من صوبك العاشق
سلطان:ههههههههههههه
خليفة:مايسر حاله العاشق
سلطان:خل عنك بالتخاوينا
معضد:شو اباكم اسير عندكم
سلطان: ماشئ بسير ويانا..من زمان ماشفناك
خليفة:ليش تساله يوم انك بتخليه يسر وياك غصب
معضد:شدراني عنه هههههههههههههههه
خليفة:اسميك...
:
:
:
:
:
فطامي كانت قاعدة في غرفتها ورن تلفونها ...
فطامي: مرحبا
سلامي:مراااحب الغالية شحالج
فطامي:زينه
سلامي:تعالي اباج
فطامي:مالي خاطر
سلامي:زين انا طالبتنج اباج بحايه
فطامي:خلاص بيج الحين ..
:
:
لبست شيلتها ونزلت وهي نازله كانت يدتها في الحوش قاعدة وتشرب قهوتها ..
فطامي:السلام عليكم ..وتخر على يدتها وتحبها على راسها
يدوه تمسك فطامي من طرف كندورتها :قري مسودة الويه
فطامي:هههه انا يدوه
يدوه:هيه انتي حد غيرج هنيه مسود ويهه
فطامي: هههههههه امري يدوه وهاه وقعدنا
يدوه:امس وين انتي من الصبح من ويهوا الخطار ..غبتي ماجفناج
فطامي:كنت تعبانه يدوه و رقدت شوي
يدوه:بلاج انتي من قلتج شئ قلتي تعبانه بس من هالبزى ..ستوي حرمة شوي ..من تعبتي شوي لزيتي الحيره
فطامي:ههههه خلاص من يوم ورايح ما بلز الحيرة ..شئ ثاني بعد
يدوه:هيه وين سايرة من الصبح
فطامي:سلامي طالبتني ..
يدوه:هيه زين روحي عند بنت عمج اكيد تباج تفازعينها بالزهاب ..
فطامي:عيل ابويه وين واميه ؟؟؟
يدوه:ساروا عند زراعتهم
فطامي:تخاويني ..
يدوه:يله بسير جوف ام سلطان..شهباتها
فطامي:يله ..
تمشن شوي وحدرن على بيت بو سلطان ....
يدوه:هود هود ...
ام سلطان:هدا هدا .... مرحبا الساااع بعمتي
يدوه:مرحبن باااجي ..
ام سلطان: توايهها ...شحالج عمتي ربج الا بخير
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك