رواية بعلمك درس -47


رواية بعلمك درس -47

رواية بعلمك درس -47

وصل ابو فيصل بعد ما اتصلوا عليه المستشفى لانه المساؤل عن حالت ام صالح


وشاف الموقف اللى جدامه ما تحمه وحضن ملاك اللى كانت خلاص فاقده الوعى

سستر سستر


واخدوها علا الملاحظه قعد امحمد علا الكرؤسى واخذ دوره بالبجى وكانوا الناس اتواسيه وابو منصور كان عند

ملاك


خالد :قعد يظرب اسدس باخماس وين راحت هذى وين راحت وليش دقت علا محمد ......لااكيد فيه شى وانا يا

غافلين لكم الله

دق عله ابوه وقاله يجى علا طول وبلغه بالخبر

راح سيييده علا المستشفى ولقى محمد وعزاه بجدته وراح لملاك اللى كانت نايمه بعد ما اعطوها ابره منوه

قرب خالد منها ومسك ايدها وباسها ومسح علا راسها

(اعوذ بالله منك يا ابليس ...بس انا الغلطان ولا هالملاك الطاهر اشك فيها ورد باس ايدها .....سامحينى )



(((((الجزء السادي والثلاثين))))))))


قعد خالد عند ملاك وكانت كل ما تصحى يردون ويعطونها مهدىء


جات فاطمه ومنصور .....((بس بعد ايش )) وانترس البيت بالمعزين كانت ملاك مو مع الناس منطويه لحالها

وماتبى اى احد يكلمها

حتى خالد انه يكلمها بس ما كانت اترد عليه

طبعا ريم ماخذه راحتها علا الاخر مع خالد اانه صار عندها علا طول من يوم ملاك راحت بيت جدتها وبعد

اسبوع الكل راح ديرته فاطمه اللى كانت ملاك مرتاحه بوجودها راحت لان زوجها مارضى اتكمل عندهم اكثر

من اسبوع وصالح بعد رجع لان وراه شغله ومتحانات بناته

وما بقى الا ملاك ...دقت ملاك علا خالد

ملاك :الو

خالد:هلا والله مابغيتى تتصلين

ملاك :وصوتها كله حزن .....خالد تعال اخذنى

خالد؛ :ان شالله نص ساعه واكون عندج

زهبت ملاك اغراضها ولبست عبايتها وقبل لاتطلع جتها ميرى

ميرى :ملاك انتى بيروح خلاص

ملاك:اى ميرى بعد خلاص مابقى احد هنيه اقعد عنده

ميرى :احظنت ملاك ملاك لايخلى انا

ملاك :وهى تبجى الله يهداج ياميرى انا مانى ناقصه عوار قلب ....ميرى ما اقدر اخذج ومحمد منو يسويله اكله

ويهتم فيه

دق خالد التلفون وطلعت ملاك



ساره :والله قهر شفتى يمه لو انى صابره بس انا اللى دايم مستعجله وضيعت الرجال السنع منى
امها :وحنا اشدرانا انها بتموت

ساره :والله انى حتى منحرجه من ملاك بعد الموقف اللى سويته

امها بعد شتسوين والحين اشلون بتوافقين علا الخاطب اللى جايج

ساره :ماادرى يمه وبعدين مالى خلق افكر تونى طالعه من تجربه تقهر

امها :هذى رجال بيوفر لج كل اللى تبينه

ساره :ماادرى يمه خليه بعدين



ردت ملاك البيت ومرت الايام عاديه كانت ملاك اغلب الوقت ما تطلع وخالد مخليها علا راحتها وكان لما يجى

علا طول تدخل غرفتها وماحب انه يكلمها

اما ساره فتزوجت الشخص اللى خطبها

ومحمد بعد خبط وحده اخت صديقه وراح يملج لما يجى ابوه

وفرح وفجر كانوا متضايقين علا فرقى امهم بس كانوا يروحون لها تقريبا كل يوم

اما ريم فكانت تحفر لملاك اهى وامها وخالتها

وكل ما يجى خالد يحشون راسه بس اهو ما كان يعطيهم وجه

ابو فيصل كان علا طول يمر ملاك بجناحها اهو والبنات ويحاولون يطلعونها من حزنها وفعلا اقدرومع الوقت


انهم يطلعونها وبدت ملاك ترجع لطبيعتها وخصوصا ان عمتها ردت من السفر




كانت ملاك طبيعيه مع الكل الا خالد وكان هالشى مضايقه .......ومستغرب ملاك اتحاشاه بشكل فضيع

انا لازم اتقرب منها واشوف شاللى مبعدها عنى


كان اليوم عند ملاك واتصل عليها علا الساعه *8

ملاك :هلا خالد
خالد :ملاك اشرايج تلبسين وامرج بعد اشوى ونطلع نتعشى برى ونمر انشوف لنا فلم

ملاك: لاء خالد اسمحلى (مع ان ملاك اتموت علا الطلعات)

خالد :مايصير انا حجزت لنا حق فلم وحجزت لج طاوله لاتردينى

ملاك:حست ان دمها ثقيل حيل فقالت خن اطلع شنو يعنى راح يصير يالله اغير جو بس ما ادرى خاف يعكنن

على الطلعه.......مو مشكله متى بتمرنى

خالد :وصوته فيه نبرت فرح بعد نص ساعه

البست ملاك علا السريع وطلعت بعدما دق عليها خالد

اركبت معاه وكانت طول الطريق وهى ساكته

خالد كان وده يمسك ايدها بس خاف من ردت فعلها وقال خليها بعد ما اكلمها

ادخلت ملاك المطعم اللى كان فااااضى مافيه زباين واستغربت وكان خالد وراها وقبل لا تلتفت علا خالد ولا تسمع صوت الغنيه

هبى بيردى تو يو ..........هبى بيردى تويو

التفتت ملاك علا خالد وهى تضحك .....اتصدق انى نسيت ان اليوم يوم ميلادى

ضحك خالد بس انا مانسيت

ملاك :وهى لامه ايدينها علا صدرها من الفرحه (معقوله هذى خالد معقوله مانى مصدقه )

خالد وهو يسحب لها الكرسى اليوم انتى الاميره وتدللى اى شى تبينه راح اسويه لج

ملاك :معقوله اى شى

خالد اى شى ....شبيك لبيك خالد بين ايديك

ملاك : خلاص خلها بعدين

خالد :انتى تامرين امر

ملاك : خالد ليش ما قلت لى عشان اكشخ عدل

خالد (اشوه بدت اترد مثل اول )...انتى لو تلبسين خيشه بتكونين احلى وحده بعينى

ملاك :تغير وجهها انا احلى وحده ابعينك انا

خالد :ليش انتى اتشكين بهالشى

ملاك ابصراحه قبل لااتزوج لاء لاكن بعد ما تزوجت صرت اشك واشك بعد

خالد :ملاك انسى انا الحين غير انا ما اقدر استغنى عنج

ملاك :خالد انا ماابى اخرب الليله وخل هالكلام لوقته

خالد :اليوم انا ابى اصفى النفوس ملاك انا والله والله اعزج

ملاك(اتعزنى بس ) وانا بعد احترمك واعتبرك مثل اخوى واكثر

خالد :اخوج واكثر اشلون يعنى

ملاك :يعنى الانسان المسؤل عنى

خالد :بس معقوله ملاك معقوله لى الحين منتى عارفه معزتج عندى

ملاك :خالد يا ليتك اتغير الموضوع لانه يتعبنى

خالد : خلاص انغير الموضوع ....ومد لها الهديه وكانت اسواره الماس وخاتمها

ملاك :الله حلوه حيل ليش كلفت علا عمرك

اذا ما اشتريت لج لمنو اشترى

ملاك(يمه منك يالعيار )

ومرت اليله وملاك بس تضحك علا سوالف خالد كان يسولف لها عنه مع ربعه ومواقفه بالدوام وكان يسولف


عن قصص الجرايم اللى مرت عليهم بالدوام

حس خالد بمتعه عجيييبه مع ملاك وحس انه وده بس يشوف ضحكتها

ملاك :نفس الشى كانت مستمتعه بسوالف خالد وتضحك من قلب من زمان عن الفرح والوناسه

ومرت الليله وما حسو بالوقت

خالد وهو يطالع الساعه .....اوه تاخرنا وسهرنا هالمساكين ويانا

ملاك :وهى تلتفت عليهم اى والله حرام

ونزلو وهم بالسياره


خالد شرايج اليوم انغير ونبات بفندق علا البحر ونكمل السهره علا البحر


ملاك (اى ونام بغرفه وحده هذا اللى تبيه وانا اقول عشى وهدايا مو علا الفاظى الذيب ما يهرول عبث).....لاء

خالد ابيتنا احسن انا مو جايبه لبس وماكو محلات فاجه الحين

خالد :ما يحتاج ......قصدى لبسج موريح

ملاك :لاء لاء ما اقدر خله وقت ثانى

خالد :يعنى وعد

ملاك : (اى بالمشمش) وعد

ووصلو البيت وكانوا يضحكون بصوت واطى عشان محد يسمعهم

ووصلو لجناحهم

وبدت تختفى الضحكه عن اوجيهم بالتدريج

خالد :ملاك ما ودج تجين عندى بالغرفه ترى ما صارت انتى زوجتى علا سنة الله ورسوله

ملاك :وهى محرجه .....خالد الله يخليك اتخلينى علا راحتى

خالد :بس انا زهقت ابى احس انى متزوج انتى حلالى وهالشى طبيعى واللى احنا فيه اهو اللى مو طبيعى

ملاك :خالد انت وعدتنى

خالد :ماصارت والله انى اتحسف علا هالوعد كل يوم

ملاك :خالد خلاص لاتظغط على ترى ماكو امل

خالد :يعنى شنو ماكوامل

ملاك :لاء يعنى اليوم

انزين وبعد اليوم

ملاك يحلها الف حلال

خالد :مشى وهو معصب وما رد عليها وقبل لايدخل غرفته ملاك خلاص انسى الموضوع لاالحين ولا بعدين

ادخلت ملاك غرفتها .....وهى محتاره .....والله انى ما استحى الحين الرجال مسويلى حفله موطبيعيه ومتكلف

وشاريلى هديه بهذاك السعر عشان يرضينى وفالاخر ينام وهو زعلان لاء وعشان حق من حقوقه اكفايه صبر


هالكم يوم بعد انا شبى ....خلاص خلاص انا لازم اروح واعتذ1ر منه علا اللى سويته


وراحت ملاك بعد تفكير دام اكثر من الساعه مره تبى اتروح ومره لاء وفى الاخر قررت انها اتروح

وراحت ودقت االباب ماكو رد

الظاهر انه نايم يالله اخليه باجر اعتذر منه

اقعدت ملاك من الصبح وحظرت له الريوق

قعد خالد ولبس لبس الدوام وطلع لقى ملاك

ملاك :صباح الخير

خالد : .........

ملاك :خالد انا دقيت عليك امس بس الظاهر كنت نايم

التفت ليش

ملاك كنت ابى اعتذر منك و

قاطعها خالد خلاص خلاص ا حصل خير انا كنت ابى احط راسج براس ريم لاكن انتى اللى تبين اتظلين

بهالمكانه انج اتكونين وسيط بينمى وبين ابوى وخلاص الحين انا مرتاح ضميرى لانج مرتاحه بهالوضع وانا

كنت متوقع انج متضايقه من الوضع فقلت اعاملج كزوجه لاكن بعد ما رفضتى خلاص اللى على وسويته

اما اذا على انا فانا ما همنى انا متزوج ومرتاح بس بغيتج اتعيشين مثل الخلق وما يحاسبنى ربى عليج دام هذى

اللى ايريحج خلاص يبقى الوضع علا ماهى عليك حتى لو تبين العمر كله واعتفد انى ما قصرت

ملاك ....وانا اهم شى عندى راحتك حتى انا كنت

ابى اقولك انى لك متى ما بغيت لاكن الحمد لله دام انك تبيى اتسوى هالشى عشان تانيب الضمير فلا خل ضميرك

يرتاح انا بعد افضل ان الوضع يبقى علا ما هو عليه

طلع خالد ولا تريق خاف لايتهور ويمد ايده لانه وصل حده

وهو بالسياره هذى تبى تقهرنى يعنى اصبر كل هالوده واليوم اللى انفجر فيه اتقول انا كنت ابى اقولك انه

خلاص عادى ....يالغصب مانفع وبالطيب مالنفع



ملاك : بعد ما طلع خالد انهارت علا الكرسى ليش يا خالد لش اتعاملنى جذيه كل ما جيت اتقرب منك اتسوى لى

شى يبعدنى عنك اكثر واكثر ....

بس انا بعد غلطت عليه وجرحته برفضى له

رد خالد البيت

ام فيصل :خالد اشلون البيت

خالد :زين يمه كل كرسي بمكانه ما تحرك

ام فيصل تتطنز على

خالد :يمه قولى اشلون ابوك وبس

امه : ابوك ما عاد يهمنى بعد ما صار بصف ام السحوره

خالد : يمه وبعدين

امه :اى بعدين انت والله منت رجال اللى مخلى هذى علا ذمتك لى الحين بعد الكلام اللى انقال عنها خلاص ماكو

رجوله انعدمت الواحد يدرى عن بلاوى مرته وعادى ولا كن شى صار ....ترى حتى الكفار ما يرضونها علا

اعما رهم وانت راضى

خالد :يمه تعوذى من ابليس والكلام هذى كله فاظى وانا تاكدت منه عدل والكلام هذى ما يجوز

امه :ليش ما تدرى انها كانت حامل قبل لاتاخذك وصقطتها جدتها ....ولا انت غشيم وما تعرف اتميز هالشى .....

متستر عليها انت وبوك


حبيبى اذا بتدورون الاجر دوروه بعيد عن بيتى وعن بناتى ...............ولا فى الاخر انا اللى اطلع واهى اتظل

بالبيت

خالد :اوقفت اللقمه بحلجه .....لا ولا انت بعينها بعد خلصت من ولد خالها ووالد عمها ودور ورى سعود ولد

خالتك


وفز خالد وبصوت عالى يمه انتى شتقولين يمه انتى مقدره حجم التبلى اللى انتى تتبلينه علا البنت

(وهذى اول مره خالد يرفع صوته علا امنه )

يتبع ,,,,
👇👇👇
أحدث أقدم