رواية بعلمك درس -49

رواية بعلمك درس -49

رواية بعلمك درس -49


علا الصبح
نجلاء :ملاك ملاك اقعدى يالله

اقعدت ملاك ...هلا حبيبتى

نجلاء صباح الخير

ملاك :صباح النور

نجلاء ملاك انا عازمتج علا الريوق

ملاك :وهى اتعقد حواجبها انا اسفه حبيبى انا تعبانه

اسحبتها نجلاء لاء لاء ملاك انا عازمتج اتردينى يعنى تبينى ازعل

ملاك :لاء بس انا

ولا عمتها تدخل يالله يالله قومى ترى زحقنا وحنا محبوسين علشانج يالله قومى بلا دلع

اضحكت ملاك :بس انا

نجلاء :انتى بتقومين وانا اللى بختار لج اللبس والل ملاك عاد لاتصيرين غثيثه

ملاك :خلاص خلاص يالله الحين البس بس ما انطول

نجلاء :يس يس يس

وقامت ملاك واخذت لها دش معتبر ولبست وطلعت بس كان باين عليها التعب

بعد ما تغدو اغصبوا ملاك علا فلم كمدى .....كانوا يبون يطلعونها من الحزن اللى اهى فيه ...

بعد ما خلص الفلم راحوا وقعدوا علا قهوه علا البحر

ملاك /عميمه انا مفكره بشى بس ما ابى تفهمينى غلط

عمتها :شنو حبيبتى

ملاك :اعميمه انا ابى اسافر عند خالى صالح

عمتها ليش ملاك انتى منتى مرتاحه معاى

ملاك :لاء بالعكس عميمه بس انا ما ابى اقعد بالديره اللى فيها خالد وما ابى اسمع اسمه ولا طاريه ولا اى شى

عنه

وثانيا انا ابى اكمل دراستى (والسبب الثالث انى ما ابى اثقل عليكم )

عمتها :....عمتها ارتاحت اشوى ان ملاك بدت اتفكر باشياء ثانيه غير مشكلتها ......دام بتكملين دراستج انا ما

اقدر اعارض بالعكس هذا شى طيب انج اتفكرين بنفسج ومستقبلج وانا متاكده انج راح توصلين


يا ملاك

ملاك :مشكور اعميمه والله لولا الله ثم انتى ما ادرى شنو بيكون مصيري

طبعا عم ملاك ابو فيصل ما كان يتركها فى اول الايام كان يمرها وبعدين صار ينحرج ويتصل علا ملاك كل يوم


كلمت ملاك عمها وطابت اتقابله وفهمته علا اللى اهى تبيه

ابو فيصل :ملاك انا ودى اتكملين اهنيه وتكونين تحت عينى

ملاك :عمى والله ما اقدر اقعد احس ان الكويت ابكبرها ضايقه فينى وبروح ادرس يمكن اقدر انسى اللى انا فيه

بس يا عمى ابى منك طلب واحد

عمها :امرينى
ملاك :عمى ما ابى اى احد يدر عن مكانى
عمها :ولج اللى تبينه

جهزت ملاك اغراضها واستعدت للسفر



فى بريطانيا



صالح : زهبوا لملاك غرفه لانها بتوصل عقب باجر

ام محمد : شنو ملاك توصل باجر ليش سياحه يعنى

صالح :لاء ملاك راح تعيش عندنا

ام محمد :بس ماكو مكان وين انحطها

حلا : لاء عادى يمه انخليها معانا انا وساره بالغرفه

ام محمد بس الغرفه ما اتكفى

ساره :يمه شنو يعنى نطردها .....

صالح : مادرى عنها ...

ساره : والله وناسه بتجى ملاك

ووصلت ملاك لبيت خالها .......صارت مثل الغريب اللى مضيع ادياره بعد جدتها

استقبلوها البنات استقبال حار وكانوا مستانسين فيها حيل بس امهم امبين عليها انها متضايقه من وجود ملاك

صالح :ملاك من باجر انروح انقدم اوراقج حق الجامعه

ملاك ان شالله

صالح : راح اتقدمين علا الطب طبعا

ام محمد (عشتوا دكتوره )

ملاك :لاء خالى خلاص غيرت رائى

صالح :ليش

ملاك :ابى ادارت اعمال

صالح : اللى تبينه حاضرين

ملاك :مشكور خلى وعن اذنكم بروح انام

دقت ملاك علا عمتها وطمنتها ودقت علا عمها ابو فيصل وطمنته اهو بعد ودقت طبعا علا ميرى اللى اتحاتيها

وسكرت الجهاز

وقطت الملقع اللى علا راسها علا دخلت البنات اللى صرخو مع بعض

ملاك وين شعرج

ملاك : وهى محرجه ليش شكلى مو حلو

حلا :لاء مو قصدى بس شعرج ملاك مو طبيعى ليش اتقصينه

تذكرت ملاك وتنهدت

ساره اللى اغمزت لاختها ....عاد تدرين ملاك شكلج الحين احلى

ملاك : صج

حلا /اى احلا (كانو يجاملونها لاان شعرها كان خيال لامن الكثافه ولا من الطول )

ومن الصبح راحت مع خالها للجامعه وسجلوا التخصص اللى اهى تبيه وردت

كانت ملاك اتحس بتعب من اقل مجهود وحاسه انها فيها خمول علا طول تبى اتنام

ساره :ملاك هالسنه بتكون غير انا وياج بنكون مع بعض وراح انداوم مع بعض بس عسى يضبط الجدول

ملاك :ان شالله

وبعد ما ردت ملاك ......اوف ريحت الاكل ما ادرى احس يها شى
ساره :بالعكس الا اتشهى من صجج
وراحت ملاك علا طول للحمام
ساره :ملاك اشفيج

ملاك :واللى منهكه من التعب ما ادرى الظاهر لى الحين تبانه من السفر ..بس والله الاكل ريحته فيها شى

ام محمد : حبيبى الاكل ما فيه شى يمكن انتى اللى فيج شى

ملاك :لاء خالتى مو قصدى انا اسفه

حلا :تعالى تغدى

ملاك :لاء لى الحين الريوق علا جبدى

وراحت ملاك ونامت كانت ما تشبع من النوم




فى الكويت


ريم : ااااوه يا ربى الوحده مو قادره تاخذ راحتها بيتها اف خالتى رجاء لاتتدخلين بشغل الخدامه

ام فيصل انصدمت .....ريم الكلام هذى لى

ريم .ليش فيه احد غيرج يتدخل بالخدم انا كل يوم اقول يمكن باجر اتحس لاكن خالتى ما يصير جذيه

ابصراحه الخدامه متاذيه منج

ام فيصل: متاذيه منى ليش بالله انا شمسويه لها كل هذى عشانى طلبت اتسويلى شوربه

ريم :خالتى اذا تبين شى اطلبى منى انا وانا اقول للخدامه اما جذيه من حالج لى بالج ما يصير

ام فيصل (صج من ترك داره قل مقداره ...اخر عمرى اطلب اكلى من جاهل من دور اعيالى )

ام سعود اللى كانت بتمشى اتروح لبيتها ...الله يهداج يام فيصل انتى ريحى عمرج وخلى ريم اتسوىلج اللى انتى

تبينه

ام فيصل : لاء خلاص حبيبتى انا مومشتهيه انا بروح لغرفتى ما ابى غدى

ريم : فكه منها علا طول لازقه لى

وطلعت امها




جاء خالد علا الغدى ,,,,,ريم وين امى

ريم :خالتى اتقول ما تبى وكل يوم راح تتغدى ابروحها

خالد ...شنو تتغدى ابروحها ليش

ريم :ماتبى تنطر لاانك تتاخر فقالت اسبقكم

خالد :انا ما تنفتح نفسى الا لاما اشوف امى علا الغدى وقام وراح لمه


خالد :يمه ليش قاعده اهنيه
ا

ام فيصل :اللى امسحت ادموعها علا طول عشان ما يحس فيها خالد ....لاء حبيبى ما ابى مانى مشتهيه


خالد :وانزين ان قلت لج انى مانى ماكل ولا راح احط اللقمه ابحلقى الا لما تجين اصلا انا ما يهنالى شى من دون

ما اشوفج اقبالى يالله يالله قومى


وقامت

اما ريم فكانت تفرك من القهر ,,,(اى جت عجوز ابليس ما ادرى لى متى بتقعد اقابلنى اف وهذا بعد اللى صاير ما

ينتحاجى شراره من اى سالفه يعصب ما اقول الا الله ياخهم كلهم ) واكلت لقمتين وقامت

ام فيصل :خالد يمه انت منت طبيعى شكلك ووجهك فيك شى

خالد: سلامتج يمه مافينى شى

ام فيصل :خالد منت خالد الاولى حتى شكلك اهملته وين اللبس الكشخه ولحيتك ليش جذيه اللى يشوفك ما يعرفك

خالد :يمه وين تبينى ارتاح وانا ابوى زعلان على وما يبى ايشوفن ( وفرقا ملاك فارقت معاها رحى )

ام فيصل :شتبينا انسويله حتى انا مخلينى ولا حتى فكر يراضينى وارد البيتى

خالد :ليش يمه انتى متظايقه من القعده عندى

ام فيصل لاء حبيبى بس الواحد ماله غنات عن بيتها وعياله

خالد :اتعدل يمه اتعدل ان شالله وانا ماراح اياس كل يوم بروحله لين يرضى على

ام فيصل :الله كريم


صعد خالد لغرفته ولا يلقى ريم .....وما عبرها بدل وراح ينام


ريم :خالد مو حاله هذى انت لى متى بتظل علا هالحاله ما لك خلقى ولا حتى معبرنى ترى زهقت مو كافى الحمل

اللى ماذينى

خالد :ريم طفى الليت واطلعى برى

ريم :انت شنو ما عنك احساس شنو لوح

رمى الغطى وراح لها ومسكها من وجهها الصوت العالى هذى ما ابى اسمعه مره ثانيه وصرخ بوجهاها انتى

فاهمه

ريم :فاهمه فاهمه بس هدنى

وتركها وطلعت علا طول

ريم :كله منج انتى اللى مشيشته على انا

ام فيصل :انا

ريم :اى انتى بعد منوا بس فكه من باجر بداوم وافتك من وجهج انتى وهالبيت الكايب

ام فيصل :لاء عزالله البنت استخفت الله يعينك يا خالد



فى بريطانيا



ملاك مستانسه مع البنات سوالف وضحك وحست اشوى انها بدت تنسى

الزين : وهى جايبه لهم عطر توها مشتريته

اول ما شمت ريحتهم ملاك راحت تركض للحمام (غزكم الله ) وترجع

حلا : ملاك اسمالله عليج انتى فيج شى ما ينسكت عنه

ملاك :والله ما ادرى احس انى دايخه وتعبانه

ام محمد : اخاف حامل .................................


ملاك :ولتفتت وهى مرعوبه لاء لاء لاء لاان شالله مانى حامل (لاء ياربى ما ابى شى يذكرنى بهذيك الليله

المشؤمه*)

ام محمد :خلاص روحى حللى ان مانى غلطانه والله اعلم انتى حامل


راحت ملاك للغرفه ومعقوله اكون حامل من ليله وحده بس لاء انا تعبانه من السفر والروحه والرده ومو متعوده

علا هالاكل انا اعرف نفسى ما اتاقلم ابسرعه

بس والله ما ادرى اذا حامل يمكن اموت لاء ما ابى احمل من هالوحش

ومن الصبح راحت ملاك اهى وساره للعياده تبى اتسوى تحليل دم اقوى النتيجه فيه
ا
اخذت الممرضه التحليل وطلعت

ساره : ملاك انتى تبين اتحملين\


ملاك :لاء ساره انا مبتلشه ابروحى واشلون لو يكون معاى طفله بعد ينظلم وياي

ساره :ليش اتقولين هالكلام انتى من الحين لين تتزوجين بنتنا ولا تتخيلين فى يوم انج حمل علينا

ملاك ادرى والله ياساره بس انا ما ابى طفل وانا لى الحين ما نى مستقره ما اتقولين لو جبته وين بحطه الطفل يبى

مكان خاص فيه ويبى تفرغ له وانا ابى اكمل دراستى وبعدين راح يحس بالنقص انه من دون ابو وانا جربت

هالتجربه وما ابيه يعيش هالتجربه القاسيه

ساره : احنا ليش نستعجل انطرى وخن نشوف

اوصلت /الممرضه وهى مبتسمه : مبروك

اوقفت ملاك :وحطت ايدينها علا وجهها وقعدت تبجى

ساره :ملاك تعوذى من ابليس احد يعاض علا زرق من عند ربه

ملاك : ساره انا بلشانه بعمرى ببلش بجاهل بعد ودراستى اشلون بكملها وبعدين انا ما ابى شى يذكرنى ببوه

ساره :ملاك تعوذى من ابليس الحمد لله ناس تتمنى هالطفل وتصرف الاف الالف عشان طفل وانتى تزعلين

قولى الحمد لله لا يغضب عليج

ملاك :الحمد لله علا كل حال و

ردوالبيت

ام محمد : انا كنت حاسه امبين علا جهج انج حامل( انا بلشانه فيج والحين ماج جاهل )

ملاك :ماردت

ساره :الله واخيرا بيصير عندنا ياهل

حلا :ملاك نبى بنت مو تجيبين ولد

ام محمد : لاء ان شالله ولد ويضم ملاك بعد عرسها المنحوس

ساره :وهى تغمز لمها .......ملاك من الشهر الجاى راح نجهز له لبسه

ام محمد : تو الناس ملاك ما تدرين انتى باى شهر

ملاك :وهى اتهز راسها لاء

خلاص باجر روحى العياده وخل يشوفونج


ملاك ان شالله

اتصلت ملاك علا عمتها وقالت لها


عمتها : بصدمه شنو حامل

يتبع ,,,,,
👇👇👇
أحدث أقدم