بارت مقترح

رواية بعلمك درس -55

رواية بعلمك درس - غرام

رواية بعلمك درس -55

احتجتى شى دقى على علا طول
انحرجت ملاك وخزنت رقمه عندها
ملاك :يالله عن اذنك ومشكور مره ثانيه
وراحت ملاك وهو ظل يتابعها بعيونه لين اوصلت البيت
خالد : وينك يا ولد ما بغيت توصل...ابردت القهوه
عبدالله: اسكت يا خالد لو تدرى اشصار
خالد :اشفيك
عبدالله: كنت اتهاوش مع واحد
خالد :بعصبيه ليش ما دقيت على ( كان راح فيها )
عبدالله : لامايحتاج بس مو هذا اللى معذبنى
خالد :عبدالله شنوا اهى الغاز
عبدالله: شفت البنت اللى سولفت لك عنها امس
خالد :اى
عبدالله : تخيل لقيتها بالصدفه والكلب هذا يتحرش فيها وشكلها متاذيه ومو قادره اتسوى شى
خالد : وبعدين
عبدالله وبعدين شنو لعنت ابو خيره جدامها عشان ما يرفع عينه فيها مره ثانيه
خالد :ياعينى يالسوبر مان
عبدالله اتصدق عاد اهى بعد قالت سوبر مان
خالد :لالالالا اهى اتقولك السوبر مان وراد ومخليها صج غشيم
عبدالله : لاخالد اهى مو مثل منت متخيل بنت محترمه ...اول ما ادخلت الجامعه الكل كان يحاول يتقرب منها بس ا
هى افرضت علا الكل احترامها لامن بنات ولا من شباب الكل يحترمها
خالد : حلو وبعد اطربنى
عبدالله : تخيل منوا هذا اللى مضايقها
خالد :منو
عبدالله زوج بنت خالها
خالد : والله ما يستحى
طبعا عرفتوا منوا((((((( الواحد اللى من الشباب))))))))) عبدالله
ام محمد :ساره انتى لازم اتديرين بالج من ملاك
ساره :ليش يمه
ام محمد : انا ما ابى اظلمها بس احس ان عينها علا يوسف
ساره :لاء يمه لاتقولين جذيه بالعكس ملاك ما عندها هالسوالف
ام محمد : فيه مثل يقول خاوينى وخاويج واخذ ريلج واخليج
ساره : لاء يمه لاتقولين ملاك عمرها ما بينت هالشى وبعدين ملاك متعقده من الزواج وما اتفكر الا بعيالها
ام محمد : متعقده باجر اتشوفين وقولى امى ما قالت ...يابنتى ملاك بنت مطلقه وما شافت من زوجها الاوى الا
المعامله السيئه ولما اتشوفج انتى ويوسف وتسمع سولفج عنه اكيد بتقارن بينها وبينج وخصوصا انكم كبربعض
يعنى حتى لوا انتى بمكانها راح يصير نفس الشى
ساره :مستحيل يمه
ام محمد :انا حذرتج وانتى بكيفج وقامت وراحت
اما ساره فقعدت اتفكر ...معقوله ملاك اتفكر هالتفكير
اوصلت ملاك البيت .....لاء انا لازم اقول لساره بس اباسلوب ما يجرح كرامتها
وادخلت ملاك علا ساره اللى كانت اتفكر بكلام امها
ملاك : قوه ساره
ساره : هلا ملاك صج عاد بتروحين عننا
ملاك :مو بعيد الشقه اللى يمكم
ساره :ملاك عرسى بعد كم شهر ومحتاره ببدلت العرس اشتريها من فرنسا ولا من لبنان
ملاك :قبضها قلبها لما اسمعت بهالطارى ....ساره ودى اسالج سؤال
ساره :شنو حبيبتى
ملاك :ساره انتى اتحبين يوسف
(تذكرت كلام امها ) ليش تسالينΛساره
ملاك :بس اسال
ساره :اكيد احبه ولا ما وافقت عليه
ملاك :ساره انتى وافقتى عشانج مقتنعه بس حب ما اعتقد انه صار لى الحين بينكم حب
ساره :غريبه اسالتج اليوم يا ملاك
ملاك :انتبهت لنفسها ......ساره ابى انصحج نصيحه لاتسلمين قلبج ومشاعرج لااحد الا بعد ما تتاكدين اميه بااميه ا
نه يبادلج نفس الشعور
ساره : ملاك انا متاكده من مشاعر يوسف تجاهى وعارفه انه يحبنى بشكل جنونى
ملاك : (والليه اشلون افهمها ) ميخالف تاكدى اكثر
ساره : ملاك انتى مخبيه شى
ملاك : يعنى انتى عارفه التجربه اللى مريت فيها خلت عندى خبره بهالامور ولازم الوحده تتاكد من مشاعر ا
لشخص اللى راح ترتبط فيه ولا راح تندم بعد فوات الاوان
ساره :مشكوره ملاك علا اهتمامج بس انا ويوسف علاقتنا غير
ملاك : ............(ماكو فايده لازم اقول لخالى اهى يتصرف معاه)

ملاك وهى اتكلم ابو فيصل بالتلفون ( اى عمى خلاص ما بقى شى جهزت الشقه بس باقى تجى انت وتحكم عمى
ترى العيال ولهانين عليك وكل يوم يسالونى وين بابا( كانوا يقولون لجدهم بابا)
منصور الصغير : عطينى بابا عطينى بابا
ملاك "عمى كلم هالمزعج
ابو فيصل وهو يضحك عطينياه
منصور :بابا انا زعلان عليك ليش ما تجى
ابو فيصل : ياقلبى انت والله لاجيب لكم وبوديكم الكل مكان
ناصر اخذ السماعه :بابا انا ابى سياره كيييييره لونها احمر
ابو فيصل :ان شالله بجيب لكم كل شى
ملاك : انتوا كل شى تبونه واخذت التلفون واهم يصارخون كل واحد يبى يكلمه ........عمى متى بتجى بالضبط خالى
راح يسافر بعد ثلاث ايام
ابو فيصل : ان شالله ماراح يمشون الا وانا واصل باذن الله
ملاك : باذن الله ناطرينك
ابو فيصل كل اجازه كان يجى بعد ما يسافر خال ملاك للكويت وياخذ ملاك وعيالها ويسافرون لاى دوله يونسهم
فيها لين يرد خالها وماكان مقصر معهم وتعلق بالاولاد بشكل رهيب والاولاد بعد تعلقو فيه ....وما كان يمر يوم ما
يتصل عليهم فيه

فى الكويت

ام فيصل : فيصل انا متاكده ان ابوك له علاقه بوحده بلندن
فيصل :يمه اذكرى الله وبعدين ابوى شاللى يجبره انه يخش زواجه وبعدين انتو شبه منفصلين انتى من ثلاث اسنين
وانتى تاركه البيت ومخليتنا ومخليه بناتج
ام فيصل :يعنى تبينى ارد من دون ما يراضينى ارد عادى باى وجه وانت ترضها على ارد واهين نفسى
فيصل :يمه انتوا كبرتوا علا هالسوالف وبعدين هذا بيتج انتى ولا تنسين ان انتى اللى طلعتى وهالشى جرح ابوى
وخلاص خليتيه يتعود علا غيبج ردى البيت واهتمى فيه والرجال كل ما يكبر يحتاج لزوجته اكثر من اول وانتى
ابصراحه يا يمه طول عمرج مهملته
ام فيصل :انا انا مهملته انا ضيعت شبابى وعمرى عليكم انتوا وياه
فيصل : يمه ابو ما قصر انتى عارفه هالشى ...والحين انا ابي منج انج تتقربين منه وابوى طيب والله يمه البيت
صاير مو شى مندونج انتى وابوى انتى تاركته وقاعده اهنيه ابروحج وابوى كل يوم والثانى مسافر وهالبنات
المساكين مقابلين للطوف
ام فيصل :يعنى انت متوقع انى ما ودى ارد بالعكس بس كرامتى
فيصل :اى كرامه اللى تمنع الوحده لاترد بيتها وبناتها وزوجها
ام فيصل : وهالكلام اللى سمعته عن ابوك
فيصل :ايشاعه يبون يقهرونج
ام فيصل : والله قلبى حاس انه صج
فيصل : يالله يمه عن اذنج وفكرى بالموضوع عدل ترى والله تعبنا ....(انا لازم احسم الموضوع بعد ما يرد ابوى )


خالد : عبدالله انا بروح لبيت خالها بلكت القاها
عبدالله :الله يطمن قلبك
وطلع خالد وراح لبيت ابو محمد
ملاك كانت بشقتها وقاعده تتفرج علا التلفزيون
منصور :ماما ابى اروح بيت خالى
ملاك : روح وخل ميرى توقف لك عند الباب
منصور :ليس ماما انا كبير سوفى
ملاك : ياقلبى انت اكبر واحلى واحد
وطلع منصور وراح لبيت خالها لانه يحب البنات
حلا :هلا بحضرت الضابط منصور ال.....
منصور : اناعندى مسدس بعد
حلا : ياحلوك انت ومسدسك وين اخوك المزعج الثانى
منصور : قاعد يشوف مع ماما التلفزيون
حلا : منصورى انا مسويه لك كريم كراميل روح اخذه من الثلاجه
منصور : واخوى ناصر
حلا : بعد مو كافى على انت ...يالله روح اخذ لخوك بعد وفكنى يالمزعج
منصور: اخذ الكريما وقبل لايطلع من الشقه .......حلا انتى المزعجه مو انا واخوى وراح يركض
ا
لا يصدم اللى واقف جدامه وتكسر اكواب الكريما
منصور : لالالاء ليش يا الخبل انت ما اتشوف كسرت كريما
خالد : بسم الله الرحمن الرحيم منو اللى يتكلم ليكون انت يالنتفه
منصور :انا مو نتفه انا شرطى وانت حرامى كسرت الكليمه ليش وين اعيونك
خالد: منصدم من هالى يهزاه ومن قصره وطول لسانه
الا علا طلعت حلا واول ما شاف حلا هرب علا طول لشقتهم وسكر الباب
حلا :انصدمت من الشخص اللى واقف ..........خالد
خالد :مساء الخير
حلا :وهى مرتبكه وتتلفت لا تطلع ملاك ......هلا خالد حمدالله علا السلامه

خالد :ابوج موجود
حلا :لاء
خالد :ولا امج
حلا :لاء
خالد :انزين بسالج ملاك موجوده داخل ولا لاء بعد
حلا :لاء
خالد: انزين ما عندج عير كلمه لاء
حلا :لاء ....... قصدى بس انت اسالتك اجابتها لاء
خالد :انزين حلا انتى صح
حلا : لاء قصدى اى
خالد : انزين حلا انتى ما اتعرفين وين ملاك
حلا :ابصراحه يا خالد ملاك مو راضيه اتشوفك وخلاص انساها
خالد :انزين اهى اهنيه بلندن
حلا :لاء بالكويت
خالد :انزين ممكن طلب
حلا : امر
خالد: تعطين هالولد الملسون من اللى كان معاه لاانى كسرته له
حلا :ارتبكت اكثر (لو تدرى ان هالولد الولدك والله حرام ) ان شالله بعطيه
وطلع خالد وتركها
حلا:انا ليش ما اقوله واللى يصير يصير وراحت تلحقه وما لحقت عليه
وردت لشقت ملاك ....وطقت الباب
ملاك هلا حلا

حلا :ووجهها اصفر ملاك منو تتوقعين كان اهنيه من اشوى
ملاك :ليش مو يوسف اللى متهاوش معاه منصور
حلا :لاء
ملاك : منو عيل
حلا : خالد


(((((( الجزء الثالث والاربعون )))))

ملاك :منو خالد
حلا :اى تخيلى لو انتى طالعه
ملاك :يمه الله ستر وقعدت علا الكرسى وهى شارده الذهن
حلا :ملاك ممكن اقولج شى
ملاك: شنو
حلا :خلاص ملاك اتوقع جذيه كفايه عليه
التفتت ملاك علا حلا .....كفايه ......لا والله لخليه يندم علا اللى سواه فينى ....اللى سواه فينى ما يوسويه كافر
حلا : ملاك يعنى هالوقت هذا كله ما خفف من حقدج عليه اشوى
ملاك :بالعكس كل يوم اكرهه اكثر من اللى قبله ...تدرين ليش لانه حطمنى وحطم مستقبلى ..انا اللى شفه منه
يشيب ومحد يقدر يستحمله حتى انا نفسى لما اتذكر اشكثر كان ياذينى واصبر استغرب اشلون قدرت اتحمل كل
الذل اللى شفته.... وتبينى اسامحه مستحيل حتى اعيالى شوفيهم من دون اب لو ما الله ما رزقنى بعم نفس ابو
فيصل كان ما ادر شنو راح يكون مصيرى وياهم ولا اشلون راح اقدر اصرف عليهم ...صحيح خالى ما يقصر
بس مهو مكلوف بعيال الناس انا نفسى عاله عليه وبعد معاى اعيال يبون كل شى ومحتاجين كا شى ...
حلا :عاد تدرين ملاك بس لاتزعلين على كنت بناديه واقوله عنج بس ما لحقت عليه ابصراحه انا يعز على
قعدتج جذيه واهو امبين عليه الندم ولا شاللى حاده يروح من بيت لبيت يدورج ومن ديره لديره حتى عمتى
فاطمه.......لحقها بالرياض وسال عنج
يتبع ,,,,
👇👇👇

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -