بداية الرواية

رواية امانة برقبتك -6

رواية امانة برقبتك - غرام

رواية امانة برقبتك -6

نواف آآآآآآآآه بس وش اقول لكم عن نواف انسان في قمت الروووعه جميل جميل يجنن يسدح يخقق كل الكلام الزين مايوصف جمال نواف بسم الله عليه سبحان الي سواه،، اسمر البشره جذاااب الملامح ،، شعره اسود مررررررره سواد اليل،، حواجبه عريضه مرسومه من الله،، عيونه وساع سوداااا مكحلة من الله ونظره من عيونه تدوخ الي قدامه،، خشمه سلت سيف ،،وغميزاته الي تذبح لاتكلم ولا ضحك،، طويل و جسمه رياضي خطييييير ،، طييييب وحنوون مره بس عنيد حتى مع نفسه...
الكل: وعليكم السلام
المصورة المصريه: يله نبتدي قاهزين؟؟؟
في القاعه تحت
مشت لمى بكل رقه وانوثه بفستانها الاخضر القصير الي كان فوق الركبه وشعرها الي كانت رافعه نصه وتاركه الباقي براحته:منتهى خييييييييييير وش هذاا الاستهبال من ساعه وانا قايله لك تقولين للطقاقه تغني ويلاه ابي ارقص
منتهى ردت عليها الي كانت في قمت الانوثه بفستانها النيلي والفضي وشعرها الي كانت مسويه تسريحه الضفيرة الي كانت مناسبتها بسبب طول شعرها وكانت من جد اخت عريييس :يالييييييل منك يالمى روحي انتي والله اني قايله لها منـــ....................
ماكملت كلامها الا والطقاقه بدت موالها بمقطع يا اللله ياربهم اهديتهم فهديه يا الله>>ولمى سحبت عليها وبدت تتمايل بجسمها على نغمات الاغنيه
الزفه
كانت زفه رايقه حيل مشت الهنوف على صوت محمد عبده اميرة الورد كانت في قمة الجمال والروعه والي زاد جمالها جمال خجلها الرباني الي من تحط عينها بعين احد تسحره ....
انتهى الزواج بمى فيه كان هاادي وجميل والكل اثنى علييييييييه...
في بيت الجد في اليل
كان الكل قد نام ومافي حركه في البيت ابد حاولت تنام بس النوم كان مجافيها بسبب الموضوع الي له كم يوم مطير النوم من عينها : انا لازم اسوي الي قاله ابووي وهذي وصيته لي اني اكمل دراستي ،،لازم اكلم جدي في الموضوع بكره ان شاءالله>>>>>طلعت من الغرفه ونزلت تحت تبي تجيب لها مويه لأنها عطشت
روبي وهي في المطبخ شافت نور في الحوش حق البيت قالت بطلع اشوف من فيه يمكن حرامي ولا شي<<<شجاعه بسم الله عليها *_^
ويوم طلعت عرفت ان النور طالع من بيت الشعر راحت بسرعه تشوف :معقوله جدي للحين ما نام؟؟؟
روبي وهي تدخل:السلام عليكم
الجد: وعليكم السلام ،،هلا ببنتي حبيبتي
روبي ابتسمت:هلا جدي
الجد : هلا بك
روبي: جدي غريبه مانمت؟؟
الجد: واللله هااه شوفت عينك مجافيناا النوم
روبي: ايه مثلي
الجد: وراك ما نمتي؟؟؟
روبي: والله ما جاني نوم
الجد: ليييييييش؟؟؟
روبي : فيه موضوع مهم ودي اكلمك فيه اذا ماعليك امر
الجد: وشوو؟؟؟
روبي: انا ودي يا جدي ارجع بريطانيا...............
الجد يقاطعها بعصبيه: وشوووو ترجعين بريطانيا ولييييييييييييييه ان شاءاللة.؟؟
روبي: لحضه اسمعني اول لاتعصب
الجد بصرامه : كانك تبين الاجناب خوالك لاتحاولين تقنعيني من الحين
روبي: جدي لحظه افهمني
الجد: وش تبين افهم ؟؟؟
روبي بسرعه عشان مايقاطعها:انت مثل ما تعرف اني كنت ادرس جامعه هناك وبعد موت ابوي الله يرحمه
الجد: الله يرحمه
روبي:انقطعت بسبب الغيبوبه الي دخلتها وبعدين جلست شهر في بيت ابوي سليمان وبعدين جيت عندك وجلست فتره مو بسيطه المهم مجموع هذاا كله ياجدي تقريباا بكمل سنه ،،يرضيك ان سنه من عمري ضاعه بلا فايده تبي الحين اضيع الثانيه
الجد:لا مايرضيني،،بس ادرسي مثل بنات عمك في وحده من جامعات الرياض
روبي:لا انا بديت هناك وبكمل هناك مثل ماقال ابووي
الجد: وانا اقول منتي برايحه لحالك
روبي: طيب الي ماعنده احد يروح معه يجلس مايدرس
الجد: روبي،،لاتناقشيني بلموضوع دراسه منتي بدارسه هناك تبين هنا من بكره انا ارسل اوراقك وابدي
روبي الي خنقتها العبره وطلعت بسرعه دون ولا كلمه طلعت غرفتها وسكرت الباب عليها وجلست تبكي ليييييييييييييييييييين داخت ونامت

اليوم الثاني
كان صباحيه الهنوف وكانت العائله كلللللللللللللللللللللللها مجتمعه عند الجد الرجال والشباب مثل العادة في بيت الشعر والبنات والحريم لهم البيت كامل يسرحون فيه
عند الحرييييم
الجده: ماشاءالله تبارك الله طالعه تهبلين يابنتي ووجهك منور
نوف قاصده تحرج اختها:ايييه اكيييييييد خلوود عامل عمايله
الهنوف الي ماتت حياا وماعلقت ابد ضربت اختها على خفيف يعني لايكثر
الكل انتبه لحركتها وماتوو ضحك عليها الاروبي الي كانت مو معهم ابد من كلمت جدها امس وهي متضايقه ومهمومه وصايره تسرح تفكر في حل لأقناع ججدها العنيد بس ضحكت مجامله معهم اما الهنوف فراحت فيها : هههههههههههههههههههههههه
في بيت الشعر عند الرجال
عبدالرحمن: ماشاءالله منور يا عريس
خالد: الله يسلمك ياعمي النوور نورك
نواف بأستهبال:عمي لوسمحت يعني مفروض حتى انا تمدحني انا توني جاي من بريطانيا
الجد يسبق ولده في الرد:عزم اعرس واحنا نطيح فيك مدح
نواف:ايه ان شاءالله قريب اصلاا انا ودي افاتحكم في هذاا الموضوع
وافي بحماس:جددددددد يا النسيب
نواف: ايه والله ان شاءالله ليش لا
وليد بلقافه:ومين سعيدة الحظ ان شاءالله
نواف بتهور:صديقتي في الجامعه في بريطانيا
عم السكون المكان وصدح صوت محمد الجهور:وشووو؟؟؟ مابقى الا هي
نواف: وليه ياجدي وش فيها؟؟؟
عبدالله الي يعرف ابوه زين وعاف رايه بهذاا الموضوع حب يسكت نواف لين بعدين يتفاهم معه:نواف ياولدي انت الحين خلص دراسه وبعدين فكر في الزواج
نواف الي فهم ان ابوه يطلب منه السكوت:ان شاءالله يبه
خالد يلطف الجو لأنه حس انه تكهرب شوي بسبب نظرات جده الي كانت مخيفه وكأنها سهام تطلق على نواف :هااه وش تتوقعون ،،وين بروح شهر العسل؟؟؟
وافي الي فهم قصد خالد وبسرعه قال:لا تقول ايطاليا ترى انا ميت على ما اروح لها انا ونووفتي
وليد الي يصفر: ونوفتيييييي بعد عند الناس ،،ياخي استح على وجهك قدام الناس
وافي:ايه ليه لا والحب حرااام؟؟؟
وليد: لا مو حراام بس خف على نوفتك شوي وغمز له*_^
ووالكل ضحك ماعداا الجد الي كان باين من عيونه ان وراه شي وماخفى هذاا على الكل الا نهم كانوو يجاملون:هههههههههههههههههههههههههههههه
طلع خالد مع الهنوف بعد ماسلموو على الكل واتجهوو الى المطار للسفر وقضاء شهر العسل
بعد ما استأذن الرجال والشباب بسبب ان شغالهم الي بشغله والي معزوم والي بيطلع مع اخوياه >>تصريفاتهم المعروفه...
جا ابو نواف بيطلع بس وقفه صوت ابوه الي كان متوقعه من يوم مانواف تهور وفتح فمه بكلام مايدري وش عاقبته:عبدالله
ابو نواف في نفسه الله يسامحك يانواف ياترى الحين ابووي وش ناوي عليه:سم يبه
الجد: اجلس ابيك
عبدالله وهو يجلس: آمرني
الجد: متى سفر ولدك؟؟؟
عبدالله :نواف؟؟؟؟؟
الجد: وعندك ولد غير نواف،،،ايه هووو متىى؟؟؟
عبدالله: السبت ان شاءالله
الجد: بكرة؟؟؟؟
عبدالله:لا السبت الجاي
الجد يفكر يعني معهم اسبوووع زين يمديهم يجهزون نفسهم
عبدالله الي حس ابوه اطال سكوته:بغيت شي يبه؟؟
الجد: ايه!!!
عبدالله: وشووو؟؟
الجد: مايسافر نواف الا ومعه مرته
عبدالله: وشووووووووو؟؟؟؟
الجد: الي سمعته ،،والله انا ماني مستعد يعيد الي سواه عبدالعزيز اخوك واضنك تذكر وش سويت فيه
عبدالله: ان شاءالله بقول له
الجد: تقدر تروح
انتهى البارت السادس

البارت السابع

7
في اليل في بيت عبد الله
عبدالله من سمع كلام ابوه وهوو مهمووم لأنه عارف ولدة وعارف وش كثر نواف عنيد،،وصل غرفته وضرب الباب وجاه صوت نواف:تفضل
عبدالله دخل بهدووء:السلام عليكم
نواف: وعليكم السلام،،ادري بتكلمني بموضوع زواجي من صديقتي صح
عبدالله: صديقتي؟؟؟ ومن متى يا نواف حنا ناخذ صديقاتنا؟؟
نواف: يبه هي صحيح ابوها بريطاني بس امها سعوديه
عبدالله: وبعد ميب سعوديه ،،انت ناوي جدك ينحرك
نواف:يبه الحين انا وش علي من جدي هوو الي بيتزوج ولا انا
عبدالله:وبعدين انت تعرف ابوي وحساسيته من هذا الموضوع بسبب اخوي عبدالعزيز الله يرحمه
نواف: انا مثل عمي هذاا هوو تزوج من بريطانيه وجاب منها بنت مثل القمر
عبدالله: وش دراك؟؟ انت شايفها؟؟
نواف: لاوين بشوفها فيه بس الهنوف ونوف خواتي ازعجووني فيها ومن كثر ما يحبونها ويمدحونها لي
عبدالله:اييه قلتلي خواتي،،يعني ماقد شفتها في بريطانيا
نواف:انا؟؟؟،،لا ،،وبعدين ليه اشوفها
عبدالله:عشانها تدرس هناك وتقول امك انها بنفس الجامعه الي انت فيها،،معقولة ولا مره صادفتها؟؟
نواف:لا ما اتوقع اني صادفتها،،وبعدين ليش لاجايز تكون بنفس جامعتي بس انا بكلاس وهي بثاني وغير كذااا انا اكبر واعلى منها مرحله عشان كذاا ما اتوقع اني قد صادفتها
عبدالله:ياشينك جلست تتفلسف علي ونسيتني وش كنت ناوي اقولك
نواف: وشوو؟؟
عبدالله: ابوي يقول مافي سفر من هنا لبريطانيا الاسبوع الجالي الا ومعك مرتك
نواف: مرتي؟؟؟؟
عبدالله : ايه وابووي شكله مو ناوي على خير
نواف: ما علي منه انا ابي مايا وغيرها ما ابي
عبدالله: لاتسوي الي سواه عمك عبدالعزيز
نواف: والله لو اجبرتوني بسوي،،وبيني وبينك الي يقوله جدي كلام x كلام وشفه هذااا هوو مخلي بنت عمي عبدالعزيز عنده،،بأذن الله عيالي من مايا بيجيبهم عنده ومو مخليهم
عبدالله: والله هذاا كلامه وانت حر
نواف:ماعليك
طلع عبدالله الي كان حيران من ابووه ومن ولده الي الله يستر من الايام الجايه بسببهم
مررر يوم كامل على هذاا الكلام عبدالله ماراح بيت ابوه يتهرب من انه يسأله عن ولده العنيد الي حاول ابوه فيه كذاا مره بس الاخ ما اقتنع وعلى قولته كلام جده كلامxكلام....
اليوم الي بعده
بيت عبدالله
عبدالله الي جالس مع زوجته في البيت يتقهوى:والله هذاا كلام ابووي ،،وهذاا كلام ولدك العنيد
ام نواف: بس انا صراحه ماني موافقه انه يتزوج هذي الي يقول عنها
عبدالله: وانا بعد بيني وبينك ما ابيها بس نواف مصر انه ماياخذ غيرها
ام نواف: ياويلي على ولدي سحرته البريطانيه حسبي الله عليها
عبدالله: يامره لا تدعـ..................>>قاطعه رنين الجرس:غريبه من الي جاي هلحزه
ام نواف: يمكن نوف جايبها وافي اليوم لنا
عبدالله : هي قايله لك؟؟؟
ام نواف: لا بس يمكن ولامن بيجينا هلحزه؟؟؟؟؟؟
الا قاطع حديثهم دخلته بصوته الجهوور رغم كبر سنه:السلام عليكم
ابونواف بصدمه ابووي جاا الله يعين :وعليكم السلام
ام نواف:وعليكم السلام
عبدالله: تفضل يبه
ام نواف: عن اذنكم بروح اجيب قهوة ثانيه هذي بردت
عبدالله: ماشاءالله منور بيتي؟؟
الجد:شفناك ماشرفت بيت الشعر امس قلنا نمر عليك نشوف وش بلاك مريض ولا شي؟؟
عبدالله :لا والله مافيني الا العافيه ولله الحمد بس تعرف يبه مشاغل

الجد: وش المشاغل الي بتشغلك عن ابوك؟؟،،انت طول عمرك ما يمر يوم ماتمر علي فيه ولو 5 دقايق حتى لو مشاغل الدنيا فوق راسك،،قلي ياعبدالله وش المشاغل عشان اعذرك؟؟؟؟؟؟؟؟
عبدالله الي مايدري وش يقول لان جد ماكان عنده شي بس كان يتهرب من ابوه
قطع صمتهم نواف الي دخل بكل قوه وجرائه دفاعاا عن ابوه:ماجاك لأني رفضت الي انت طلبته اني اسافر ومعي مرتي
اتجهت الاعين على المكان الي نواف واقف فيه:عرفت سبب ان ابوي ما جاك امس؟؟
الجد بعصبيه: وترد ياقليل الادب بأعلى صوت انك رفضت ،،طيب وش رايك اني حلفت انك ما تسافر الا ومرتك معك وكنت معطيك حريه الاختيار من بنات العايله بس دام هذاا اسلوبك فأنا الي بختارها بنفسي االا اخترتها ومحيرها لك بعد ووالله محدن ماخذها غيرك
نواف الي انصدم من انفعال جده: ومحيرها بعد منهي ان شاءالله تعيسة الحظ الي حتى لو تزوجتها برجعها مطلقه
الجد: خلك تسويها والله لأمسحك من الوجود ما بقى الا هي لعبه عندك تتزوج وتطلق
نواف: والله هذاا الي يجي من ورا الغصب
الجد بنفس عصبيته ونفس نبرته مع عبدالعزيز قبل 20 سنه: ايه غصب ولا عندي فيك وشفني هنا اقولها لك دام النفس عليك طيبه بتاخذ روبي بنت عمك عبدالعزيز الله يرحمه غصببااا عليك وغير كذاا لو حاولت تطلقها ولا تمسها بشكل من الاشكال لاتلوم الا نفسك
نواف بنفس قوت عبدالعزيز قبل 20 سنه :ماني متزوجها ما ابيهاا ليش ما تفهمني ما احبها ما ابيها
الجد: حبك ثوور احول ان شاءالله،،وهوو بكيفك عشان تبيها ولا ما تبيها ،،اقولك بتاخذها غصبااا عنك والي اهم من كذاا ان الملكه والزواج الخميس الجاي ولوفكرت ولا حاولت انك تسوي شي صدقني بتكون جنيت على نفسك واهلك لأني بكوون بري منك ومن ابوك لو ما تبرى منك >>>فاهــــــــــــــــــــم>>>قالها بنبره اعلى وطلع وترك نواف منهار على الكنبه وعبدالله هوو صحيح مع ابوه في ان ولده ماياخذ اجنبيه بس مو هذي الطريقه الي يتعامل فيها
في بيت الجــــــــــــد
دخل وهووو معصب ومحترررررر من نواف وحركاته الغلط وبسررررررعه دخل البيت بلا سلام ولا كلام وراح لغرفة روبي وضرب الباب وجاه صوتها يسمح له بلدخول
الجد:السلام عليكم
روبي الي كانت للحين شايله من جدها:وعليكم السلام
الجد: انتي طلبتيني قبل هذي المره انك تكملين دراستك في بريطانيا بس انا رفضت
روبي الي كل ماتتذكر الموضوع تخنقها العبره:......................
الجد:وش رايك لو قلت لك اني موافق
روبي بفرحه: جددددددددد
الجد:ايه نعم ،،بس مع نواف ولدعمك وزوجك قرريب
روبي الي سرعان ما اختفت الفرحه : وشلووون؟؟؟؟؟؟!!!!
الجد: يعني ملكتك وزوجك الخميس الجاي تجهزي
روبي الي للحين مو مستوعبه وتحس نفسها في حلم:خيييييييير طيب انا مو موافقه،،انا حتى ما اعرفه ؟
الجد:مو مهم تتعرفين عليه لا تزوجتوو،،ولاتأثرتي بلأجنااب لازم تتعرفين عليه وتحبينه وثم تتزوجينه واذا ما عجبك هونتي عنه ورحتي لغيره مو هاذي تربيه اهل امك ياحسره
روبي الي خلاص الا تربيتها حتى لو كان مين :جدي انا ما اسمح لك الي تتكلم عنهم امي واهلها وهم مسلمين ومايجوز لك تقول عنهم كذاا وعلى فكره الي رباني ابوووي عبدالعزيز ولدك الي انت ربيته بنفسك
الجد يغير الموضوع:مثل ماقلت اجهزي عشان بتسافرين مع رجلك السبت الجاي
روبي:ترى انا مو موافقه
الجد: وهووو بكيفك انا عطيت الولد كلمه ومالي رجعه في كلامي
روبي: بس كيف تعطي كلمه من غير شوووري؟؟؟
الجد:ومن متى يمشي شي في هذاا البيت من غير شوري؟؟؟
روبي:بس هذاا زوااج مو لعبه؟؟؟
الجد: والله اعتبريه الي تعتبرينه ووقف بيطلع
روبي : ماني متزوجه يعني ماني متزوجه ،،وبعدين انا سمعت انه في باله وحدة كيف تزوجني اياه؟؟؟
الجد: ولله كيفي متزوجته يعني متزوجته حب وحده حب ثنتين انتي له وهوو لك واعلى مافي خيلكم اركبووه وطلع وصقع بلباب وراه لدرجة خلا روبي تهتز من الضربه
بكت بمراره:آآآآآآآآآآآآآآآآآآآآآآآه يا ابوي وينك تجي تشوف حالي من بعدك والله صدقت يوم قلت لاتروحين لهم ليتني عندك يا ابوي سليمان والله ماكان هذاا حالي...
من عينـه عـن المرقـد حزينـه
ضاقت الدنيا ولو فيهـا وساعـي
شفت انا الواير على هاك المكينـه
والتنفس صار ياقلبي صناعـي
عقب ماهو مثـل حـر مطلقينـه
صرت انا اناديه ما يقدر سماعـي
فاقد وعيه عسـى ربـي يعينـه
مايحـس بجيتـي ولا يـراعـي
ليت طول العمر يشري مع سنينه
وليت طول العمر يا قلبي يباعـي
حالتي عقبه مثل حـال السفينـه
بالبحر تمشي ومافيهـا شراعـي
حالتي تراها عقبه تراها حيل شينه
هو صديق العمـر ولازم ذراعـي
من يعين القلب بعده مـن يعينـه
عقب ابوي يا قلبي اعلنت ضياعي
طبعاا الله لايوريكم حال روبي من درت انها بتتزوج والي قاهرها انها مغصووبه ليته برضاها وربي اهون بس تجري الرياح ياروبي بما لاتشتهي السفن ،،تحملي>>>لا صرااحه خففتي عنها بسم الله عليك خخخخ

من درت العائله بخطوبة روبي على نواف الكل فرح لانهم يحبوون نواف مرررره وغير كذاا حبوو روبي بعد رغم انها ماعاشت عندهم كثير ،،البنات تقسموو عشان يجهزون لروبي قبل سفرها خصوصاا ان هم مادرو الا يوم الثلاثاء يعني قبل الملكه والزواج بيومين عشان كذاا كل وحده تلاقونها حايسه من جهه وخصوصاا انهم تعاطفوو معها لان حالتها كانت لاتسرر عدووو ولا صديق،،اما نواف فا من ذاك اليوم مختفي ولا احد يدري عنه شي قالو للجد عشان يغير رايه بس اصر وقال بيرجع لو في يوم الزواج صدقوني بيرجع...
قبل الزواج بيوم في بيت الجد محمد
في اليل مررررررررررررررره
منيره: الحين انت راضي على الي تسويه ذبحت ولدك والحين ناوي على بنته وولد عمها؟؟؟
محمد:انا سويت الصح
منيره: أي صح انت شوف شكلك كيف صاير؟؟
محمد: انا مافيني الا العافيه
منيره: انت تحس بتأنيب الضمير
محمد: ممكن بس صدقيني الي سويته صح ،،ممكن يكون الطريقه الي سويت الزواج فيها غلط بس صدقيني هذا الصح،،انتي ماشفتي كيف وقف في وجهي ورفض انه يتزوج روبي للحظه حسيته عبدالعزيز واقف قدامي قبل 20 سنه وحسيت مايستاهلها غيره ،،انتي تعرفين وشلون تعذبت طول السنين الي راحت يوم تبريت من ولدي عبدالعزيز ،،عبدالعزيز الي كنت امووت عليه الي طردته ومعه بنته وانا متلهف اضمه لحضني واسامحه واخذ بنته منه واربيها مثل أي احد من عيالي بس عزت علي نفسي يامنيرة والله عزت علي نفسي يكسر كلمتي وأرجعه ،،ولا لارجعته الكل بيصير مثله يسويا لي في راسه ويقول بيسامحنا بعدين
منيره وهي تمسح على كتف محمد :الله يرحمه بس المفروض انك ماتموت بنته بحسرتها بلي تسويه وانا عافه انت وش كثر تمووت على روبي وعلى نواف الي انت ربيته اكثر حتى من اهله والي تشوف فيه ولدك عبدالعزيز
محمد:بس انا ابيهم لبعض لأن مافي احد بيحافظ على روبي بعد عيني غير نواف
منيره: وليه واثق كذاا ،،هو قالك انه مايبيها وانه عايفها وهي عايفته،،حتى انه مابين من قلت له ذاك اليوم عنها
محمد: نواف ولدي وانا الي مربيه وصدقيني بيرجع لو وقت زفته
منيره:الله يهديك
محمد: منيره عبدالعزيز انا ماقدرت اعوضه عن الي سويته فيه خليني اعوضه ببنته
منيره:اتمنى ان الي تقوله صح ومايخيب ضنك نواف
محمد هز راسه بلإيجاب و حط راسه على المخده ونااااااااام ومامر كثير االا ومنيره مسويه مثله ونامت
انتهى البارت السابع
توقعاتكم...
لعـــيون هـــــــ متي ما تنحني لك ــــــا
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -