رواية عسكر القلب جيش حبك -7
بطي: الحين انت شو مشكلتك
محمد: مشكلتي اني انسان فضولي ابا اعرف بالشو تفكر
بطي: انت ما سمعت امثل الي يقول رزت الفيس من طبايع التيس
محمد وينش ويمسكه من علباه) انا التيس يالبطة
بطي: ( يحيس ايد محمد) انا البطة يالهرم ويهك البطة
محمد: يالريال ودرني
بطي: عيب ثاني مرة ماسب الشيوخ
محمد: خلاص السموحة منك الشيخ
بطي: قوم حبني على راسي
محمد: حبتك هنديه.. بن عروه
بطي: تراني بطلتك لانك كنت بصيح بس قلبي طيب شو اسوي
محمد: في حياتي ما شفت اشر منك يالرميثي
بطي: تخسي يالهرم انا بطي مشهودي بالطيبت القلب
محمد: يابوك فكنا من البطرة
بطي: هذي الحقيقه
محمد: يابوك حفضنا السنفونيه مالتك طيب ... شرير ... مش مهم المهم انك يابو سهيل من عرفتك تعلمت كل اساليب الشر والنذاله والحقد والكره
بطي يحطي ايديه على رسه) ...بل بل عليك ما خليت شئ مب زين ما فريته
محمد:ههههههههههههههههههههه
بطي:
محمد: شفيك
بطي:ماشئ
فطامي قاعده على الشربية نشت من الشربيه صوب الدريشه فجت الستاره وسندت راسها على الدار غمضت عينها تنهدت آآآآآآآآآآآه :انا ليش حبيت واحد مغرور ما يفكر الا في نفسه .. مايعرف الا الظلم والهجر وتطنيش بس يعرف يظهر الكلام السم ..انا ليش الله بلاني بحبك يالسلطان وليش في حياتي حبيت واحد مثلك ... خصاره عمري الي قضيته ارقب منك اهتمام ..مليت من حياتي هذيه انا ليش ما اتخلص من حاله ..الله يغربلها من حاله
خلاص من اليوم ورايح في حياتي مافكر فيك يا سلطان..
بطي: يله انا رايح
محمد: اقعد شوي
بطي: ابا ارقد تعبان
محمد: خلاص على راحتك
بطي: تصبح على الطاعه
محمد: وانت من اهل الشفاعة
بطي ظهر من المستشفى وركب اللقزز سوده مالته
فطامي انتبهت لبطي من شافته حست بطنها يعورها وتم طالعه وتفتر وين يسير تمت تتامل يوم كان ماسك السويك ويبطل السياره كان فاج الدريشه وحط غنيه جسمي ومطول عليه
.................................
خزني بوعين مذوبه
غرنجي الطرف جذابي
لو اقول اعجوبي اعجوبه
فتنت ويثير الاعجابي
كم غيري كم هاذوبه
بس احبابي هم احبابي
الدلع منهج من اسلوبه
الهواء وصفحة من كتابي
الحسن حسنه ومن صوبه
......................................
فطامي: آآآآه يالريال ... مشى بطي بسياره (تمت توايق فجت الدريشه وتمت طالعه )ليش روح (تمت طالعه لين غاب عن عينه ماشافته)
(ذكرت الموقف ضحكت) يالله يالقفطه .. غنت فطامي
نفس الاغنيه الي محطنها بس مقطع غير
::::::::::::::
فيه نفسي فيه مشغوبه
غاب عيني ولا غابي
صورته في عين تسموبه
في مدابع وسط الاهدابي
في حشايا الروح مسلوبه
شدني شوقي واسرابي
للذي له العين مهذوبه
غرنجي الطرف جذابي
::::::::::::::::::::
فطامي: سارت صوب الشربيه ونامت بس كانت تذكر صورة بطي وعيونه المكحله ..:آآآآآآآه عذاب هالريال ....
بطي: اااه يا هبنت شو سوتبي كل ساعه اهاذيبها
اذكرشكلها يوم تلعب بالقصتها ..ولابسه الكندوره الورديه آآآآآآآآآآآآآه لابسة اللون الي احبه ....
ابتسم وظهر من السياره وركب ألفت ..وقف عند الطابق ..مشى شوي دخل الشقه مالته كانت صبغنها بيضه والاثاث كان ازرق .. ودش غرفته كان لونها سماوي واثاثه ابيض وعنده كنبه كبيره محطي لها مخدات زرق وعدالهن جره كبيره فيها ورد مجفف ازرق لونه
بطي بطل جاكيت ويطالع عمره في المرايه حطى القميص على الكنبة يلس بطل جوتيه ....دش الحمام تم يطالع عمره في المرايه واحط ايده على شعره ورفعه ..بطل الفوز تم يغسل ويهه وتم الماي على رموشه .. رموشه غلاض مسح الماي بايده عن عيونه مسك الفوطه ومسح ويه ..... توه بيظهر ..رجع وتوضى ..
وصلى ركعتين ورفع ايده
بطي: يارب اغفرلي ذنبي واغفر لهلي وغفرلها ذنبوها وشافيها وارحمها برحمتك يارب ..مسح ويه باليده .وكسف السياده وسار وقرى قرآن شوي ونام ....
بطي نش على صوت المنبه الساعة 4:30 الفير وسار صوب الحمام وتوضى وصلى
فطامي نشت : يدوه قومي صلي
يدوه: يله قايمه قومي اخوج على الصلاه
فطامي: ان شاء الله
محمد كان راقد في الصاله ..
فطامي بصوت واطي: قوم محمد يله صل
محمد وتلحف : شو تبين وخري عني
فطامي تمط الحاف : يله نش صل
محمد: شو تبين
فطامي: قوم صل
محمد ويفرك عيونه ويتثاوب : شو هالحين وقت الصلاه
فطامي: هيه
يرن تلفون محمد زززززززز
فطامي التفت صوب التلفون مكتوب عليه (الخل الوفي)
محمد شله: هلا بو سهيل
بطي: قمت ..زين
محمد: هيه قمت
بطي: يله نش صل
محمد: حاضر يدي
بطي: يله وليدي هههههههه
سك عنه
فطامي: منو
محمد: بطي
فطامي: شبلاه
محمد: مافيه شر بس يقومني على اصلاه
فطامي: دق قلبها .. ماشاء الله عليه قايم من اصبح
محمد: هيه محد يرومه
فطامي: نفسي يوم من الايام انته تقومني مب انا
محمد: يوم اكون سهران لين صلاة الفير هذيك الساعة بقولج
فطامي: انا يمكن اقولك قوم صل
محمد يحك راسه: شو شفيني كافر
فطامي:ههههههههه كافر مره وحده
محمد: المشكله الوزار مب الكندوره
فطامي: سير صل احسن
محمد دخل الحمام وتوضى وظهر يصلي
فطامي دشت غرفتها
يدوه: هاه قام محمد يصلي
فطامي: هيه قام
يدوه: تخبرتيه متى بنظهر
فطامي: لا ما تخبرته
يدوه: ارقدي الحين انتي امس تتقلبين وايد
فطامي: تقلبت
يدوه: كنتي تهاذين
فطامي: كنت اهاذي شو اقول
يدوه: كنتي تزقرين امج وبوج وـــــــــ
فطامي: ومنو بعد
يدوه: سلطان
فطامي فجت عيونها صدت عن يدوه وسارت الشربيه ونزلت راسها وتمت تلعب بريولها : شو كنت اقول
يدوه: ما سمعت شئ بس كنتي تقولين اسمه
فطامي بندت الابجوره ونامت على ينبها
يدوه يت صوبها حطت ايدها على جتفها : شو بلاج الغاليه
فطامي: مافيه شئ يدوه
يدوه: تخبين عن يدوه شئ
فطامي:لا مب جيه بس ـــــــــ
يدوه:بس شو
فطامي: مستغربه من تصرفات سلطان من صوبي
يدوه: لازم الانسان بيتغير وبيعرف الصح من الغلط ..
فطامي: ادري يدوه (في بالها يدوه انتي مابتفهميني )
يدوه: بسير صوب محمود بتخبره
فطامي: عن شو ؟؟؟؟
يدوه: عن متى بنفارق هالدار
فطامي:هههههههه
فطامي استندت على المخده وتمت تلعب بقصتها :اوووووووووه مليت من القعده هنيه متى بنسير الامارات مشتاقه حق ابويه
الصبح الساعة 8 ..... في المستشفى يا الدكتور يفحص فطامي
محمد: دكتور قال انه اليوم ــــــــ
فطامي: منظهر محمد اليوم
يدوه: البنت ترقص مافيها شر ليش مايظهرونها
محمد: لا بتظهر اليوم يله شلي كشارج
فطامي: يااااااااااااااي وتلوي على محمد
محمد: يله مامصدق بظهر من المستشفى
سمعوا دقت باب
ظهر محمد فج الباب كان بطي خاري
محمد:مرحبا الساع بو سهيل
بطي: مرحبن باجي الغالي ويدقه خشم
محمد: شحالك
بطي: بخير دامك بخير
محمد: بنظهر اليوم
بطي: مبروك هاه قالوا بخير الحين اختك
محمد: هيه
بط: وين بسيرون
محمد: في فلتنا
بطي: زين عيل هاه تبون مساعده
محمد: هيه شل لاب مالك
بطي: احلف انت
محمد:ههههههههههههه
بطي:شئ تبون اشل
محمد: مستوي حمال
بطي: يالهرم
محمد: تقدم خدمات
بطي:انت مافي امل اخذ من وراك حسنات
محمد:ههههههههه حلوه
ظهرت يدوه من الحجرة ولابسه عباتها على راسها: مرحباااااا مليااار
بطي:مرحبن باجي ويدقها خشم ويحبها على راسها
يدوه: شحالك وليدي
بطي: يسرج الحال
فطامي ظهرت وكانت متغشيه
بطي: في باله مرحبا مليار بالعود
فطامي: السلام عليكم
بطي: وعليكم السلام والرحمه تستحقين السلامه
فطامي: الله يسلمك وسلم غاليك
محمد: سير
ظهروا من المستشفى صوب الفلا مالت قوم فطامي
محمد دش وبركن السياره يدوه نزلت فطامي يوم نزلت تمشي الا تخرطفت وبخت ديح بس مسكت باب السياره
بطي صد صوبها: سلمتي ..صابج شئ الغالية
فطامي عدلت غشوتها:من قال سالم ماياني شئ
محمد: ههههههههههه شفيج
فطامي: طالع محمد ضحكت بلا ضروس ان شاء الله
بطي: ههههههههههه
محمد:؟؟؟؟؟؟؟؟ في باله مابسبها قدام الريال
فطامي ويدوه دشن داخل وشلات الاكياس
محمد وبطي ساروا صوب الكراسي الي عند الحديقه
سارة يدوه عندهم وهم قعدوا فرشت لهم السمه وقعدوا فطامي سارت صوب المطبخ سويلهم قهوه وكانت شوف حركات بطي من دريشة المطبخ وكان يرمس وهو يحرك ايدينه وكان قاعد ركبه فطامي تطالع بطي وسارة تحطي الغسول والفناين ولتفت لدريشة شافت بطي يضحك هذيك الساعة بغت تموت عليه ظهرن غمزياته
فطامي: شو هالريال والله عذاب
بعد ماخلصت القهوه ظهرة توديها عندهم بطي كان يشوف فطامي وهي تمشي كانت خطوتها موزونه وتمشي شوي شوي بطي ذكر يوم شافها اول مره في السيارة بطي في باله ياه يالهدنيا ابنت الي شغلتي بالي ظهرت هذي وبعد من عرفتها كانت مريضة بين الحيا والموت
محمد:بطي تفضل
بطي: زاد فضلك وياخذ الفنيان
محمد: شفيك
بطي يتلفت : هاه مافيه شئ..(كان يدر فطامي بس سارة)
محمد: شو دور
بطي: لا مادور شئ
يدوه: بو سهيل شل
بطي: فالج طيب
يدوه: فالج ما يخيب
بطي يفكر شو اشل
مالت حربي
************
يشهد الله كل احاسيسي معاك
اجابات الغالا و الاسظاله
كل ماتهمس لنفسي اسمعه
**************
فطامي ماتت صوت بطي كان عذاب بس ماتدري ان صوته حلو جيه
فطامي في بالها : والله صج الي بتضويك ياحظها
يدوه: سلمت
بطي: من قال سالم
يدوه: قلت ان خالتك هنيه
بطي: هيه
يدوه: عيل ودونا عندها
بطي: ان شاء الله
ييدوه: عيل انا بسير عنكم شوي يدوه سارت تمشى صوب الزراعة فطامي مشت وراها
فطامي: يدوه شو سوين
يدوه: اتمشى اشوف الزراعة
فطامي: ياويل حالي على النخل
يدوه: هيه صدقج
فطامي: يدوه ابا اظهر قولي لمحمد يظهرنا
يدوه: زين بعد صلاة العصر بنسير عند خالت بطي
فطامي: عندهم بنات
يدوه: هيه
فطامي: كبري
يدوه: لا بناتها اكبر عنج في الجامعة
فطامي: آها
يدوه : تعالي نظهر خاري
فطامي: يله
ظهر يتحوطن شوي عند سور بيتهم بس وهن يمشن كان يمشن حذالي الاسطبل مالهم
كان بطي ومحمد يضاربون أي واحد يركب الخيل الابيض
بطي: انا بركبه
محمد: اقولك انا
بطي: اركبه بيطرحك تراه
محمد: بنشوف توه يبا يركبها ماطاعت الخيل
بطي: ههههههههههه ما قلتك قم
محمد: اوكيه ركبها
بطي ركب الخيل البيضة ماشاء الله عليه عاد مايرام
محمد ركب خيل البنيه وهم يتمشون توهم بظهرون من الاسطبل فطامي من الصبح
طالعهم فطامي كانت تطالع حركات بطي يلوح بايده حق محمد قوله تعال والهواء كان يحرك شعره ويضحك وغمازيته ظهرن فطامي طالعه وبتموت على حركاته حركاته جنن ويحرك ايده
بطي: تعال تعال صوبي
محمد: ماباك راكب خيلي
بطي: هههههههههه تزامط (تسابق)
محمد: تروملي
بطي:هههههههههه دمك ذجيل
محمد: يله بس وين
بطي: لين باب الفلا
محمد: اوكيه
بطي: واحد .. ثنين ... ثلاثه
تموا يركضون أي واحد فيهم بيغلب بس محمد غلب اخر شئ
بطي: هذي خيلك ماتنفع
محمد: اعترف انك ماتروملي
بطي: صح لازم لانك خيال دوم تركب خيول
محمد: هيه طلع علث
بطي: ههههههههههه
احط ايده على جتف محمد وتموا يمشون لين ما صلوا عند يدوه محمد زقرع على الناطور وخلاه يودي الخيول للاسطبل
محمد: يله يدوه بنسير عند مصبح
يدوه : يله
فطامي كانت تمشي عند الزراعة بس المكان روعة ومشت وصلت عند الشير الكبار وقطعت ورقه من الشيره وتمت تمشي
::::::::::
يدوه سارت البيت بس ما حصلت فطامي يدوه: محمد سير دور اختك محد في البيت
محمد: وين سارت هذي بعد
بطي: سير دوها هناك وانا بدورها هذا الصوب
محمد: خلاص روح
محمد: سار صوب الاسطبل ما خلا مكان
:::::::::::
فطامي ستنده على وحدة من الشير وتمت تغني غنيه لسماء المنور
اش العمل وياك ضيعتني بفرقاك
مازلت انا فيقربك ولا قدرت انا انساك
حسبي الله ابلتي وياك
بين خل الله وراضي انا بلواك
مدري وش الي صار عيشتني محتار
مابين جنه ونار مدري انا وين بلقاك
***********
بطي سمع صوت مشى شوي بطي تم يطالع فطامي : ياربي شو مسوتبي هالبنت والله ان صوتها عذاب
بطي:حم احم
فطامي: تغشت ولتفتت صوبه وتمت ترتحف هذا شو يبا
بطي: محمد ويدوه يدورون عنج
فطامي: ان شاء الله رايحتلهم مشى بطي وفطامي كانت وراه لين وصلوا الفلا وشخطتها صوب البيت
بطي: تم يضحك عليها شفيها تقول بالكلها
يدوه : وين كنتي فطامي
فطامي: هاه كنت هنيه
يدوه: يله شتلي بسير عند ام مصبح
فطامي: يله
سارت فوق ولبست كندوه سودة فيها ورد ازرق ولبست عباتها وشيلتها وكحلت عيونها من الداخل
يدوه: خلصتي اخوج يصيح من الصبح تحت
فطامي: يله خلصت شلت شنطتها وظهروا من االفلا
محمد: وينج انتي
فطامي: هاه خلصت
محمد: اخرتونا على الناس
يدوه: وين بطي
محمد: بطي سبقنا
صلوا البيت كان بيت كبير وفيه ملحقات وايد وشير مغطي المكان كانت نافورة بوسط البيت والبيت كان فيه وايد بلكونات وشكل البوابه مالت البيت دائري فطامي تمت بهته في البيت كان فخم وايد وجنان تخبلت على البيت يكفي ان بلاط البيت كان بني من جدام نزلت من السيارة ومشن عند باب البيت كانت ام مصبح وام حمد هناك
ام مصبح: مرحبا الساع بخالتيه شحالج
يدوه: مرحبن باجي شحالج انتي شحال عيالج
ام مصبح: يسرج حالهم عسا بنتكم بخير
يدوه: بخير
فطامي جدمت صوب الحريم: شحالج خالتيه
ام مصبح: مرحبا الساع بخير عساج زينه الحين
فطامي: الحمد لله
ام حمد: فديتج يابنيتي يعورج شئ الحين
فطامي: لا خالتيه ما يعورني شئ
ومشن ودخل الصاله كانت عليا وخلود وروضة واقفات عند الباب
علياء والبنات سلمن على يدوه وسشلمن على فطامي وقعدنها عدالهن
يلسن يسولفن ويا فطامي ورتاحن وايد حقها وهي بعد رتاحتلهن لانهن كانن طيبات
عليا: سير خاري
فطامي: على هواكن
خلود : يله سير
روضة: يدوه بنشل ويانا فطامي
يدوه: برايكن ظهر برع وتمن يتمشن
فطامي: ما شاء الله بيكم حلوا وايد منو مصممنه
روضة: مادري بس هذا ذوق حمد اخويه
فطامي: اها عندج اخوا اسمه حمد
روضة: هيه وعندي بعد سعيد وعبد الله
فطامي: الله يخليهم لج
خلود : كلهم متزوجين بس ها حمد مرونا نجوم ظهر
فطامي:ههههههه ليش
عليا: انا بنت عمه وكله عنده عيب وماشئ وايد متعصب
فطامي: الله يعينكم عليه
خلود: بس باجي سعود هو الي مسولنا سالفة وايد حوطنا دوم
عليا: لو ماسعود كان ما سافرنا حمد كان ماطايع
فطامي: الله رحمكن بسعيد هذا
روضة: فديت بو عسكور
عليا: انتي أي صف الحين
فطامي: الحين ثاني ثنوي بسير ثنويه عامه
عليا: هيه عاد شدي حيلج نبا نسبه حلوه
خلود: انتي اصغر عني بسنتين
افطامي: انتي اول سنه لج في الجامعة
خلود: هيه
فطامي: وعلوي
عليا: انا ثالث سنه وروضة بعد
فطامي: انتن سنين بعض
عليا: هيه
فطامي: حلو انا بنت خالتي بعد سنين بعض
عليا: ميثه
فطامي: هيه تعرفينها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك