رواية شهد الفهد -7


رواية شهد الفهد -7

رواية شهد الفهد -7

شهد تغير لونها وقالت في قلبها:بس انا سمعته يقول انه بكرة بيرجع

فرس تاكدت من احساسها
الريم وسارة:بس حنا سمعنا غير كذا قال هو بيرجع باكر
فرس:حتى انا في البداية قالي كذا بس بعدين لما ناداني لوحدي قالي انه مرح يرجع الا بعد اسبوع لانه صار له شي ضروري
الريم وسارة:حسافه
فرس:كان مونسنا صح شهد؟؟؟
شهد:وانا وش علي بغى يجي يجي مابغى يجي برايه انا جالسة مرتاحه وماعلي من احد
فرس:اها


عند المسبح الي في المزرعة
محمد دق على فرس
فرس رن جوالها نغمة"حبك بحر ماله حدود" تغير لونها
شهد ضحكت لانها تعرف انها نغمة محمد وفي داخلها:ارويك الحين جى وقت احراجك
شهد والضحكه كاتمتها:ردي شلة ماتردين؟؟؟؟
الريم وسارة مثل الاطرش في الزفه:ردي
فرس سحبت الجوال وطلعت راحت غرفتها تكلم
الريم:شفيها طلعت .....ياترى منو الي دق عليها وعفسها فجاه؟؟؟
شهد خلاص انفجرت ضحك:ههههههه...هذا سلمك الله حبيب الاب >>>>قلبت البنت مصري
سارة ماتدري عن السالفه:ومنو حبيب القلب؟؟
شهد:محمد ولد عمي في احد غيره
الريم:وانتي وش دراك؟؟
شهد:لان هاذي النغمه حاطتها سبيشل له على قولتها
سارة:يعني فرس ومحمد يحبون بعض؟؟
شهد:ايوه من يوم وهم صغار وهم يحبون بعض يعني تقولين حب تعود من الصغر
سارة:اها علشان كذا كانت خايفه منه ذاك اليوم
شهد:ايوه والمشكلة انهم مو بس هم الي يعيشون قصة حب في العيلة حتى في ناس ثانين بس مهم راضين يعترفون ....."وتغمز لريم"
الريم احمرت وانحرجت:....تقصدين منو؟؟؟
شهد:ولله الي على راسه بطحه يتحسس عليها
سارة جلست تضحك

في غرفة فرس
محمد:وحشتيني يالغلا
فرس احمر وجهها:وانت بعد
محمد:شتسوين الحين حبي؟؟؟
فرس:كنت مع بنات عمي جالسين
محمد:اما انا فهدوه النحيس راح عني وولاد عمك طلعوا عني وانا وحيد فريد
فرس:ههههه.....فهد مسكين هالولد
محمد:الحين اقولك انا وحيد فريد تقول فهد مسكين ولله انا المسكين الي محد معبرني
فرس:افا عليك انت عبرتك داخل في القلب
محمد:اااااااه من هالقلب معذبني
فرس حست انها قالت شي غلط:......سلامتك من الاه
محمد:فرس احبـــــــك واموووت عليك
فرس خلاص راحت فيها ذابت البنت:..........
محمد:مافي كلمة وانا بعد احبك؟؟؟؟
فرس ولا هي في العالم:........
محمد فهم انها مستحيه:مدري متى بتفكينا من هالخجل والحيا؟؟؟......بس معليه خلنا نتزوج وبتشوفين شلون افكك منه
فرس وهي تضحك:....وشلون رح تفكني منه؟؟؟
محمد:لا تخافين اقولك الطريقه بعدين
فرس فهمت قصده وبسرعه:باي....وقفلت السماعه
محمد ميت ضحك عليها:هههههه.........فديتها
ورسل لها مسج

فرس سمعت صوت رنة مسج عرفت انها من محمد فتحتها وقرت المكتوب
((لاتخافين كلها 3 شهور بالكثير
وبفكك منه بطريقتي الخاصه
بس اهم شي تكونين مستعده
اما انا مجهز نفسي تام التجهيز))
مع حبي

المرسل:حبيب قلبي

فرس خلاص احمرت:مدري من وين تجيه كالهجرأه ورغم كل هذا احبه ياناس احبه

وتسمع دق الباب
فرس:منوو؟؟
شهد:انا والبنات ...ندخل؟؟؟
فرس:دخلوا
شهد وهي تفتح الباب شوي شوي :يعني مرح نسمع كلام مو زين ولا شوي شاعري بزياده اخاف بعدين انحرف
فرس عصبت:شعلبالك؟؟
شهد:ول ول........امزح معاك شفيك معصبة عسى بس ماتطاقتيتي معاه؟؟؟
فرس وهي تنسدح على الفراش وبصوت ناعم:سمنة على عسل
سارة:ومنو السمنه ومنو العسل؟؟؟؟
فرس:انا وهو كتلة واحده
الريم:عقبالنا يااااااارب.........وترفع ايدها
شهد:هو لك بس انتي كسري هالراس العنيد شوي
الريم:اخاف اعبر والقى صد
فرس:منو علي يصدك......ههههههه......شلون يصدك وهو يحبك وكل العيلة تعرف انه يحبك ويموت عليك
الريم:بس استحي اقول له ماعندي الجرأه الكافيه
سارة:مو شرط تقولينها بصريح العبارة بس عبري بطريقه بريئه اهو بس يفهمها
فرس وشهد:وحنا من راي سارة
الريم والحيرة ماكلتها:افكر واشوووف
سارة:شرايكم نروح الصالة نقعد مع الحريم؟؟؟؟
البنات:اوكي
شهد:بس بشرط نداور شوي
البنات:صار
وطلعوا وراحوا جلسوا مع امهاتهم

شهد:يمه قالك فارس انه رح يجي اليوم؟؟؟
ام فارس وعلامة البشارة على وجهها:ولله يابنيتي ماقالي.......الحمدلله انه بيجي كنت ابيه هنا علشان يكملون عيال عمكم ولا نكون ناقصين
سارة بصوت خفيف في اذن شهد:منو فارس ذا؟؟؟
شهد:ولد الجيران يعني منو اخوي
سارة:ياااي عندك اخو اسمه فارس
شهد:ايوه فارس وفراس
سارة:الا خواتك شخبارهم؟؟؟؟
شهد:اوووووووه ذكرتيني مادقيت عليهم
فرس:شفيكم تتهامسون؟؟؟؟؟
شهد:لا بس سارة تسال عن خواتي واقولها نسيت ادق عليهم
فرس:اوكي نروح ندق عليهم
ووقفوا علشان بيروحون
الريم:على وين؟؟؟؟؟؟
شهد:بنروح نكلم العنود والبدور
الريم:اها سلمولي عليهم
فرس:ليه منتي جايه معنا؟؟؟؟
الريم:لا بجلس مع الحريم ادري عنكم بعدين بتادورون وانا مالي خلق مشاكلكم
سارة:على كيفك........يلا بنات مشينا
وراحووووووا كلهم غرفة شهد


فهد كان وصل بيت خالته الي في لندن علشان امه عندهم
فهد وهو فاتح باب الصالة الرئيسية:السلام عليكم
الكل:وعليكم السلام
مشاعل:ياهلا وغلا بااحلى ولد خاله بالوجود
فهد:ياهلا فيك يالغاليه شخبارك؟؟؟
مشاعل:بخير يالغالي طمني عنك انت شخبارك؟؟
فهد:بخير

(فهد عنده خاله وحده ام سعد بس من امه وهي من زمان عايشه مع عيالها في بريطانيا عندها بنت اسمها مشاعل وولد اسمه يوسف وكان عنده الكبير اسمه سعد بس توفى في حادث سيارة لما كان عمره 15 سنة فهد من رجعوا اهله من بريطانيا لسعوديه جلس مع خالته علشان يكمل دراسته فهو يعتبرها مثل امه ومشاعل ويوسف مثل اخوانه لانه متربي معهم)

ام سعد:ولا كاان عندك ام اسمها ام سعد تسال عليها
فهد:ولله انتي دايم في البال يايمه
يوسف كان جاي من عندي اصحابه وفتح باب الصاله وشاف فهد والصدمه ماليته:هلااااااااااااااااااااااااااااااااااا ولله ويامسهلااااااااااااا نور المكان لامو مصدق فهد عندنا
فهد:لا صدق ياشيخ......ها طمني عنك؟؟؟؟؟
يوسف:احد يشوف اخوه ومايصير بخير
فهد:تسلم يالغالي تسلم
يوسف:الله يسلمك

فهد سرح شووي وجت على باله شهد....اااااه ياشهد معقولة حبيتك

يوسف عرف ان فهد سرحان حب يخرب عليه:فهـــــــــــــــــــــــــــــــد
فهد انتبه:ها ....سم
يوسف:سم الله عدوك بس الحلو وين باله؟؟؟
فهد ابتسم:لا معاك
يوسف:الاخ شكله يحب من ورانا
فهد ول لهذي الدرجه باين على وجهي:لا ويني وين الحب......بيني وبينه درب طويل
يوسف:بس شكلك وعيونك تقول غير كذا....اعترف اعترف منو البنت؟؟؟
فهد:ههههه......مافي بنت ولا شي الحين انا استئذن لازم امر بيتنا علشان اتاكد من الاوراق الي بقدمها باكر
يوسف:اذنك معاك مع اني ادري تصريفه علشان لاتعترف بس لاحقك لاحقك لين تعترف
فهد ضحك على ولد خالته وطلع

هل فعلا فهد حب شهد وشهد حبته؟؟؟
بتكون بيتنهم قصة حب ولا بيظلون ولاد عم بس؟؟؟
ومحمد وفرس بيتزوجون ولا لا؟؟؟
والريم وعلي بعد؟؟؟؟

والسمــــــــــوحه منك البيدو ومن باقي الي يقرون بصمت لاني مرح اقدر انزل بارت لا بكرة ولا الي بعده وبصراحه مدري متى بس انشاءالله قريب
والسمـــــــــوحه مره ثانيه


الله يسلمك يالغلا بيدو والسموحه منكم البارت مو طويل مرة

**الجزء 14**
شهد كانت تنتظر وصول فارس بالرغم ان النوم غالبها بس قاومت نفسها علشان تشوفه لانه واحشها مره
فقررت انها تطلع تشوف منو صاحي

طلعت ومرت على قسم الاولاد لانه كان قبالهم وكان مفتوح الباب كله وشافتهم جالسين يشاهدون فلم ومرة متحمسين له جلست تضحك على اشكالهم كل واحد مسوي له حركه الي منسدح على الارض والي ماد رجلينه على الكنبه والي ياكل بوب كورن وانواع التفنن

شهد لفت شيلتها زين وقربت من باب قسمهم ودقته بهدوء الكل التفت يشوف
شهد:مساء الخير لاحلى حربيين
الكل:مساءالنور
شهد:شخبار ولاد عمي؟؟؟
الكل:بخير وانتي؟؟؟
شهد:بخير دامكم بخير......شنو تشاهدون؟؟؟
نواف:فلم Saw3
شهد لاعة كبدها:يع يلوع الكبد
علي:شاهدتيه؟؟
شهد:ايه لاعة كبدي من شاهدته
فراس كان توه يتكلم:اسكتوا ذاك اليوم ماسكتت كل شوي وع وع
نواف وكان يناظر شهد بنظرات اعجاب ماتوقعها صارت حلوة لهاذي الدرجه:....
شهد لاحظت نظراته بس تجاهلتها لانها تعرف نواف زين وهو مثل اخوها ودومها تضارب معاه لما يبكي فرس
محمد:اذا تبين تجلسين تشاهدين اجلسي
شهد:لا انا بستنى فارس قالي بيوصل 2 الفجر
الكل تفاجا وفتح عيونه واكثرهم تفاجا فراس ومحمد وقف الديفيدي
محمد:فارس بيجي؟؟؟؟
شهد:ايوه شفيكم كذا مصقوعين؟؟؟
علي:لا بس استغربنا حنا قلنا له وهو مارضى يجي شلون الحين جاي
شهد وبفخر:احم احم افا عليكم وانا بنت ابوي اجيبه
محمد:أي ولله كل شي تسوينه
شهد وهي تغمز لمحمد:بس مو مثل الشي الي انت قدرت تسويه
محمد فهم قصدها وانحرج بس ابتسم:....
شهد:يلا الحين سي يا ولاد عمي..مشاهده ممتعه
راحت شهد عنهم وشغلوا الديفيدي وكلهم تابعوا الا شخص واحد كان باله مو معاهم الي اهوا نواف
نواف كان باله في عالم ثاني تذكر نورة والي سوته فيه بعد ماحبها اكثر من 10 سنين من يوم وهو صغير وهو يحبها اخر شي تتركه وتقوله انها تحبه مثل اخو لا اكثر ولا اقل وانها تبي ولد عمها

(نواف اخو فرس وهو وفرس وحيدين امهم وابوهم....نواف رجال والنعم فيه...صفاته:طويل شوي سمارة خفيفه ملامحه ناعمه وهادئه وشعره ناعم واسود نقي.....طباعه:هادئ اكثر الاحيانا ومايحب يعصب على احد وهو اقرب واحد لفارس من ولاد عمه يعني علاقتهم مع بعض مثل علاقه شهد وفرس توام روح..... من يوم وهو صغير وهو معجب ببنت خاله وحبها حب كبير وكان يحاول يقرب منها بس بطريقه بريئه ولما اعترف لها بحبه وانه الحين كبير وباقي له ترم بس في الجامعه وبيشتغل مع ابوه وعمامه في شركتهم وانه يبي يتقدم لها رفضته وقالت له انه اخو وبس)

نواف يكمل نفسه:اااااه يانورة ماكنتي قد الحب الي عطيتيك اياه وسنين عمري الي ضاعت عليك بس انا ماابي اغصبك......ماقولي الا الله يوفقك ويوفقني باخير منك

انتهى الفلم والكل راح غرفته الي يبي ينام والي بيستنى الصلاه
شهد دق عليها فهد وقالها انه نص ساعه وهو واصل لهم وانه جايب معه مفاجاه لها
شهد:فارسي قولي وش المفاجاه بليييييييييييييييز
فارس:شلون تصير مفاجاه اذا قتلك؟؟
شهد:اوووووكي انتظر واشوف اهم شي انتبه لطريقك
فارس:اوكي بس جهزوا لجدتي غرفه لانها تعبانه
شهد:هي جاهزه اصلا بس تتنظرها
فارس:يلا الحين باي
شهد:باي

في قسم الاولاد
كانوا الاولاد ناموا بعد ماتابعوا الفلم وسالم كان توه صاحي من النوم لانه نام من المغرب على قولته هلكان
سالم واثار النوم في وجهه:اووف الساعه كم؟؟؟؟؟
شافها الساعه 2ونص فقال انه بيجلس وبيسبح وقبلها بيروح المطبخ يشرب شي ساخن علشان يدفيه في هالجو البارد
في نفس الوقت سارة كانت صاحيه والريم وفرس ناموا لانهم جالسين من بكير وشهد تستنى فارس برى في الحديقه فقالت انها بتمر المطبخ يتجيب لهن ثنتيناتهن نسكافيه علشانه شي ساخن ومنعش

سارة في المطبخ جالسه تسوي النسكافيه وهي تغني
سارة وهي تغني اغنية خلاص ببعد لليازية محمد ومتناغمه معاها:
خلاص ببعد ودرب الود سديته
واليوم روح وقلبي راح بسكاته
روح وهاذا طريقك الي تمنيته
ماعاد باقي لقلبي غير وناته

سالم كان بيدخل المطبخ بس سمع صوت احد يغني جلس يسمع وهو مستمتع ويتسال في قلبه منو هاذي الي تغني صوت منو؟؟؟؟؟؟؟؟............ مامر علي من قبل
قال بيطل شوي من الباب يمكن يعرفها من دون ماتحس فيه
سالم وهو يطالع بخفه ويتكلم من قلبه:اول مرة اشوفها منو ذي؟؟؟....معقولة وحده من بنات عمي
كانت سارة لافه الشيله على راسها بس لانها ماتوقعت احد صاحي فكان شوي من شعرها طالع من قدام وطايح على وجهها فعاطيها رسمه على وجهها الحنطي الطويل
سالم تنحنح علشان سارة تعدل شيلتها لانه شاف شوي من شعرها
سالم:احم احم
سارة اخترعت وانكب شوي من الماي الساخن على يدها فحرقها
سارة وهي تتالم:ااااااااااااااااااااااااوش
سالم انتبه لها:اسف ماكان قصدي اخرعك؟؟؟
سارة في نص مواجعها عدلت شيلتها زين:لا عادي بس مرة ثانية اضرب الباب
سالم:اوكي بس انتي منو؟؟؟؟
سارة لفت وجهها وسالم انتبه لها وجمد لما شافها جلس يناظرها ويعدد اوصافها كانت سارة معروفه برسمة عينها الوسيعه الي تحسونها مكحله وهي لا وبشرتها حنطية ووجها طويل وفيها خدود كبيره بشكل حلو والي كان محليها اكثر انهن موردات لانها خجلانه وشفايفها صغيرة وناعمه

سالم جلس يطالعها وهو مبهوت وفي عالم ثاني
سارة تكلم نفسها هاذا اكيد سالم اخو الريم له نفس رسمة عينها:السموحه ياولد العم........ اكيد انت سالم مو صح؟؟؟
سالم انتبه ورجع للواقع:هااا.....ايوه انا سالم من معي؟؟؟
سارة:بنت عمك سارة بنت ناصر
سالم:والنعم يابنت العم....واسف على سالفة الحرق
سارة:ينعم عليك........لا عادي ماكان كثير....الحين استاذن
سالم وهو يناظرها بنظرات اعجاب ويشوف شكلها:اذنك معك..............وراحت سارة عنه وهو ظل يفكر فيها
سالم:الحين عندي بنت عم بهالحلاوه ياااااااي.......... صدق فيها غرور شوي بس مع ذالك حلوه ومو بس حلوه الا تجنن ...........وظل سارح بافكاره لين ماراح غرفته وتروش وجلس على النت وكل تفكيره مع سارة..


الساعه: 2:30 الفجر المكان: الحديقة
فارس دخل من الباب الرئيسي وكانت شهد تتنتظرة في الحديقه فلما حست ان احد فتح الباب راحت على طول وشافت فارس وحضنته على طول
شهد والدموع تنزل من خدها:كذا تسوي في اختك مو حرام عليك صارلي 7شهور اشوفك بالمقطع وبس سلام وخلاص
فارس تاثر واجد:معليه يالغاليه حقك علي
شهد تمسح دموعها:وين جدتي؟؟؟
فارس:وراي جايه
الا الجده داخله وهي ماسكه احد بيدها:السلام عليكم
شهد ردت من دون ماتنتبه:وعليكم السلام......شلونك يايمه؟؟؟......"هم متعودين يقولون لجدتهم يمه"
ام سيف:بخير يايمه
شهد سمعت صوت احد يكلمها التفت:واااااااااااااااااااااااااااااااو

ياترى وش المفاجاه الي مخبيها فارس عن شهد؟؟؟
وشهد بتروح الدكتور مثل ماقالها فارس؟؟؟



تراااااااااااااه مو طويل مرررررررررررره


**الجزء 15**
الساعه: 2:30 الفجر المكان: الحديقة
فارس دخل من الباب الرئيسي وكانت شهد تتنتظرة في الحديقه فلما حست ان احد فتح الباب راحت على طول وشافت فارس وحضنته على طول
شهد والدموع تنزل من خدها:كذا تسوي في اختك مو حرام عليك صارلي 7شهور اشوفك بالمقطع وبس سلام وخلاص
فارس تاثر واجد:معليه يالغاليه حقك علي
شهد تمسح دموعها:وين جدتي؟؟؟
فارس:وراي جايه
الا الجده داخله وهي ماسكه احد بيدها:السلام عليكم
شهد ردت من دون ماتنتبه:وعليكم السلام......شلونك يايمه؟؟؟......"هم متعودين يقولون لجدتهم يمه"
ام سيف:بخير يايمه
شهد سمعت صوت احد يكلمها التفت:واااااااااااااااااااااااااااااااو
.....:ماوحشتك خالتي؟؟؟؟
شهد والابتسامة شاقه الوجه:نووووووووووووووووووووووووووووووووووووور
نور:أي نوووووور
وركضت نور لحضن خالتها
شهد وهي تبكي:فدددددددديتك شلون ماتوحشيني وانتي دوووم على بالي
نور:وانا بعـــــــــد خالتي على طول انتي كنتي على بالي
فارس:ها شرايك بالمفاجاه؟؟؟؟؟
شهد:احلى مفاجاه صارت في حياتي......بس شلون اقنعت بدور انك تجيبها؟؟؟
فارس:افا عليك اخوك يسويها واكثر
شهد:قدها بومحمد
ام سيف:بنتي يايمه وديني غرفتي انا بنام تعبانه كثير
شهد:من عيوني يايمه
وراحت شهد تودي جدتها لغرفتها ونور اخذتها معاها الغرفه علشان تنام معاها لانها متعوده انها تنام معاه على طول وشهد تعتبر نفسها ام لنور مو خاله لانها هي الي مربيتها واكثر وقتها معاها فدائما يقولون انها تشبهها في كل شي في الشكل والحركات والصفات بعد

شهد ودت جدتها غرفتها ورجعت لفارس الي كان في الصاله
شهد:انت للحين سهران روح نام بتتعب
فارس:انا عادي تعودت......وين نور؟؟؟؟
شهد:خليتها تنام تعبانه
فارس:اها..........الا اقولك تعالي ابي اسولف معاك من زمان ماجلست معك
شهد:وانا بعد من زمان عنك خاطري اقول اشياء واجد صارت
فارس:بس قبل كل شي بقولك شي
شهد:وشووووو؟؟؟؟؟
فارس:الاسبوع الجاي حجزت موعد مع الدكتور الي شخصك قبل سنتين ولازم نروح نراجع عنده اوكي
شهد:فااااااااااااااااااااااارس حرام عليك انا جايه هنا علشان انبسط مو علشان اروح دكاتره ومستشفيات
فارس:شهد بتروحين لازم تروحين علشان نتاكد ان مافي أي تطورات
شهد تذكرت سالفة العمليه :.....طيب اهلي مايدرون عن مرضي شقول لهم والدكتور في لندن يعني لازم اروح عنهم ولازم يسالون
فارس:ماعليك خلي كل شي علي
شهد:فارس انا تعبت من سالفه الفحوصات ومدري شنو
فارس:عشان خاطري ياشهد تروحين نتطمن بس مو مسوين أي شي ثاني
شهد:......انزين خلني افكر وافكر شلون رح اقولهم

الا دخلت عليهم سارة وهي تنادي لى شهد
سارة بصوت عالي:شهـــــــــــــد
شهد:نزلي صوتك في ناس نايمه تعالي انا هنا في الصاله مع فارس

سارة عدلت شيلتها زين ولفتها على راسها ودخلت الصاله
سارة وهي ماسكه صينيه الكفي:السلام عليكم
فارس وشهد:وعليكم السلام
سارة:شخبارك فارس؟؟؟
فارس وعلامات الاستفهام على وجهه تعني منو ذي:بخير....وانتي شخبارك؟؟؟
سارة:الحمدلله
شهد توضح لفارس:ادري انك ماتعرفها هاذي سارة بنت عمي ناصر
فارس تذكر:ايوووه تذكرت......السموحه ماعرفتك
سارة: لاعادي حتى انا بعد مااعرفك بس شهد خبرتني عنك
فارس:اوكي انا الحين استاذن اروح انام
شهد:اجلس ماتبي كفي؟؟؟
فارس:لا انا فيني النعس ابي اروح ارتاح قبل الفجر
شهد:على راحتك
فارس:يلا سي يا
شهد وسارة:سي يا

سارة:ماتوقعت ان اخوك كذا ياشهد؟؟؟
شهد:اجل شلون توقعتيه؟؟؟
سارة:توقعته يشبه فراس ولا عمي
شهد:لا فارس يشبه خوالي اكثر

"نتكلم عن فارس شوي:فارس عمره 24سنة طويل بس مو مرة..... اسمر خفيف.... مملوح ومزاح اكثر الوقت هادئ ومهتم هو الي مربي خواته وخوانه لما صار ابوه يشتغل بعيد عنهم يعني انسان متحمل المسؤوليه من وهو صغير محترم ماعنده سوالف بطاليه الكل يحسب له الف حساب متخرج من جامعه هارفرد قسم ادارة اعمال علشان يساعد ابوه في شغله"

سارة وهي تثاوب:انا الحين بنام مابتقومين
شهد:الا بقوم معاك

وراحن قسمهن وكل وحده النوم ماكلها

شمخبي القدر لشهد؟؟؟
شهد مريضه ولا مجرد كذبه؟؟؟
سارة وسالم بيحبون بعض ولا بتوقف قصتهم عند هالحد؟؟؟
محمد وفرس شباقي في قصتهم؟؟؟
علي والريم بيعترفون لبعض؟؟؟
عـــــــــــــــــــــــــــــــــــن خاطر البيدو ينــــــــــــــــــــــزل بارت لعيونها بس
عاد والبارت بكـــــــــــــــــــــرة ومرح اغير رايي لاني مااظمن اتب بارت كامل اليوم

**الجزء 16**

في لنــــــــــــــــــدن
فهد كان صاحي ويفكر في الي يصير له

يتبع ,,,,
👇👇👇
أحدث أقدم