بداية الرواية

رواية احضنيني بقوة اخاف منك اضيع -7

رواية احضنيني بقوة اخاف منك اضيع - غرام

رواية احضنيني بقوة اخاف منك اضيع -7


البارت السابع
عند الرجال
تركي: خلاص عاااد كم مره الحين دقيت ولا ردت
طلال:انا ابي اعرف شفيها علي؟
هشام:هي انت لك عين تتكلم
طلال: طيب انا ابي اشرح لها واعتذر لها
تركي: موبسهوله بتنسى
طلال: الله يعيني عليها
انتهت العزيمه ورجع كل واحد فلته
طلال وهو حاط راسه على المخده ويناظر السقف:اووووف ضايق خلقي مالي الا اروح عند جدتي
قام طلال وراح لجدته وطق باب غرفتها
الجده:تفضل
طلال يطل براسه:ادخل؟
الجده:حياك حبيبي
دخل طلال وسكر الباب وراه
الجده:خييير جايني هالوقت مو بالعاده يمه عسى ماشر
طلال وهو ينسدح بحظن جدته:متضايق ياجده وضايقه فيني الدنيا
الجده وهي تلعب بشعره:افاا وش اللي مضيق خلقك؟
طلال:هم بقلبي قد الجبال
الجده:طلال حبيبي انا عمري ماشفتك زعلان ومتضايق
طلال:أااااه من اللي بقلبي
الجده:تحبها ياطلال؟
طلال:أعشقها من قلبي ياجده
الجده:ملاك صح؟
طلال:أييه بس شلون عرفتي؟
الجده:أنت ولدي يمه وافهمك
طلال:لييه هي تعاملني كذا؟
الجده:من اللي سويته فيها
طلال:بس انا ماكنت اعرف انها تحبني من الاول
الجده:ولو المفروض ماتجرح كرامتها
طلال:يمه انتي ماتعرفين السالفه من اولها
الجده:لايمه اعرفها
طلال:طيب شسوي انصحيني
الجده:خلك متمسك فيها ولا تتركها وتيأس القلب اللي يحب عمره مايكره وهي اكيد ماكرهتك ولسه تحبك
طلال:جده انا احبك
الجده:وانا بعد يمه
طلال:ببات عندك اليوم
الجده:أذن الفجر يمه قوم توضى وصل وادعوا ربك يوفقك مع ملاك وخلني انا بعد اصلي
وبعد الصلاه تعال بات عندي
طلال:ابشري
الخميس الصباح وكالعاده العيال والبنات الفطور عند الجده
تركي داخل:السلاااااام عليكم
الكل:وعلييييكم السلام
تركي يحب راس جدته:صبااااااحك ورد يالغاليه
الجده:صباااااااحك عسل يالعسل
طلال:طبعععععععا" الكلام الحلو للتريك ولا انا ماللي غير الطق
تركي:حسسسسسسد الله يكفينا شره
طلال:اكييييد بحسدك ولا انا انطق وبسببك وانت مايجيك شي
الجده:طليييييل يالبعير عمى بعينك ماتنسى
ريما:ههههههههه
طلال يدوس على رجلها
ريما ماتعورت بس عناد بطلال صرخت
الجده:بسم الله عليك وش جاك؟
ريما:جده طلال داس على رجلي
الجده تضرب طلال بالعصى:انت وبعدين معاك انا شكلي بفطرك المره الجايه مع الخدم داخل
طلال:ويهووووون عليك
الجده تحب احفادها كلللهم بس لطلال بقلبها معزه خاااااصه
الجده:لاااااا والله الا انت مايهون علي لوتشوف وش صار فيني بالاسبوع اللي غبته ذيك الفتره
طلال وبان عليه الضيق يوم تذكر السالفه:الله لايرده من اسبوع
زياد ويبي يغير المود:اقووووول بنات اليوم عندي لكم مفااااجئه
ريما:ها يااخوي العزيز قول انا بصراحه احب مفاجئاتك
زياد:لابصراحه هذي مو مني من الثلاثي المرح
ملاك:اجل لاااااا مانبي مفاجئات
هشام:ملاكو ياقليلة الخاتمه كلهم بناخذهم الا انتي
طلال:هشام لوقعدت ملاك نقعد رغد
رغد هنا دوروها من الاحراج ودها تقوم تكفخ اخوها
تركي:اليوم انا وهشام وطلال الله يطول باعمارنا ويرزقنا ويوفقنا
لمى:يوووووه تكلم
تركي:قولوا امين عشان اكمل
البنات:امييييييين
تركي يشرب عصير
الجده تضربه بالعصى:بتقولهم ولا انا اقول
لينا:افااا ياجده انتي تدرين وماتقولين
تركي شرق بالعصير:بسم الله الرحمن الرحيم وانتي شدراك؟
الجده:طلال بعد عمري مايخبي عني شي
تركي:طليييل متى جيت عندها وانت طول الوقت معنا
الجده:نااايم عندي البارح يطول بعمره
ملاك:الحين بتقولون ولا شلون
معتز:حرااام عليكم انا بقولكم اليوم العيال بياخذونكم الظهر للبحرين وماترجعون الا الصبح
ريما تنط:وااااااااو وناسه
تركي يطالعها متفاجئ اول مره تتحمس وهو جالس
طاحت عينه بعينها وابتسم لها وهي حست لنفسها وجلست وولا كلمه
هشام:عاد لو سمحتوا الساعه 11 الكل جااااهز
قاموا من سفرة الفطور وجلسوا بالصاله العيال اليوم اجازه وطلال عادي عنده لأنه حاط مدير عام
طلال منسدح على حظن جدته ومندمج مع التلفزيون والعيال والبنات كل واحد بكنبه
الجده وهي تلعب بشعر طلال:قووول اميييين يمه
طلال وهو مندمج:اميييين بس على وشو
الجده:عساني اشوفك بحظن زوجتك ياحبيبي
طلال كلمة جدته حركت مشاعره ولا ايرادي ناظر بملاك بس للأسف ماشاف النظره اللي كان متوقعها من ملاك شافها تسولف مع معتز ولا معبرته
الجده:اقول طلال
طلال بضيق:سمي يمه
الجده: لوخيروك تبي من داخل العايله ولا خارجها وش بتختار
طلال:قلبي اللي اختار يمه قلبي حكم علي اخذ من داخل
الجده واللي تعرف كل شي عن طلال لانه مايخبي عنها شي:اميييين يمه يتحقق اللي تبيه
وتكمل:وانتوا ياتركي و معتز؟
تركي:انا عني باخذ من داخل
معتز:انا باخذ من القمر
زياد:يمه ليييه ماسألتيني؟
الجده:عيونك فاضحتك يمه
طلال ينقز من حظن جدته:ااااحللللى ياجده منتي بسهله لك بحكي العيون
الجده:افااا عليييك اجل وش على بالك جدتك سهله
وقعدوا سوالف وضحك ليين الساعه 11
طلال:يلا ياجده نستاذن توصينا بشي؟
الجده:انتبهوا لنفسكم يمه
تركي:ابشري يالغاليه
راحوا البنات والعيال البحرين ومعهم غيدا طبعا" ومعتز وزياد وهديل قعدوا
اول ماوصلوا راحوا تغدوا وبعدين راحوا للسوق وتمشوا وراحوا للسينما وتعشوا وجلسوا يتمشوون الين قريب الفجر
طلال وهو اللي كان يسوق كانوا ماخذين الكاديلاك اسكالد يعني بتكفيهم كلهم
طلال:اووووووه ياجماعه الظاهر السياره تعطلت
تركي:لااااا لاتقول
هشام:عااد وماتعطلت الا هنا
غيدا:شمعنا ماتبيها تتعطل هنا؟
تركي:الله يهداك ياغيدا يعني ماتشوفين قدامنا كازينو
ملاك اللي خافت من سمعة كازينو:هئئئئئ يعني اللي يطلعون منه سكارا؟
طلال:ايييه الله يكفينا شرهم
هشام يكمل على طلال عشان يضبطون الدور:لاااا وما شفتوا شي هنا داخل مو بس يسكرون الا رقص وبنات واشياء والعياذبالله
لمى:لااااا يمه اخاف الله يخليكم رجعونا البيت
طلال:طيب ساعدونا عشان نصلح السياره
شوق:طييب بس شلون؟
طلال:انزلوا من السياره عشان نقدر نشتغل
لينا:لااااااا انسوا الموضوع
رغد:لو ايييش ماانزل
ريما:الله يخليكم كل شي ولا ننزل
تركي خق عند ريما:اذا ماتبين تنزلين
وقاطعه طلال لانه عارف انه بيخرب كل شي
طلال:اذا ماتبون تنزلون عااادي نوقف احنا وننتظر واحد من اخوانا فالله اللي بيطلعون من الكازينوا ونطلبه يساعدنا
ملاك وهي معصبه:انت غبي تطلب من سكران يساعدك
هشام:وش نسويلكم اذا انتوا مو راضين تتعاونون
غيدا:خلاص بننزل بس بسرعه خلصوا
نزلوا غيدا والبنات وهم لاصقين ببعض من الخوف
قاموا العيال يسوون نفسهم يصلحون وهم ينتظرون سعود يطلع
بعد نص ساعه الا واحد يطلع ويتوجه لهم
الرجال:ياااااامساعد
البنات:يممممممه
تركي:هههههه بدينا
الرجال:ياااااااامصعب
هشام:لاويغير الاسم بعد
الرجال:يااااا منصور
طلال:لا وكلهم بحرف الميم
الرجال:هاااا أشوف طيارتكم متعطله قلت لكم اوصلكم بقطاري بس ماسمعتوا الكلام
البنات:لاااااااا ههههههه
هشام:انطموا فضحتونا هذا سكران مايقوا شي
الرجال:منو السكران؟لايكون انا؟
تركي:لااااا شدعوه محشوم
الرجال:على بالي بيتبلى علي
طلال:انت شسمك؟
الرجال:ماادري بس قبل شوي سمعت واحد يقول محمد بس ماادري اذا انا ولاغيري
طلال:اقص ايدي اذا ماعنده سالفه وياحرف الميم
شوي الا يطلع سعود ومعه وحده وحالته مو احسن من حالة ذا اللي واقف معهم
تركي:ياعيال شوفوا اللي هناك مو كنه سعود
هشام:ويين مااشوف
طلال:اييي والله لاياللي ماتربيت وصلت فيك المواصيل تجي هالاماكن؟
لمى لاتسألون عن حالتها لانها انهارت من شافت سعود وراااااحت ركض لعنده
لمى تضرب سعود على صدره:ليييييه لييييه تسوي كذا حراااام عليك انا شسويت لك ليييييه يانذل ياحقير ليييه؟
سعود يدفها عالارض وهو سكران:انقلللعي انتي مين اصلا" عشان تحاسبيني
شوي الا جاوو العيال يركضون ورفعوا لمى من الارض واعطوا سعود كم بكس ومشوا
لمى وهي منهاره بكي:اكرهه اكرهه اكرهه يارب سياره تصدمه ويموت وهو سكران
الكل ساكت ومافي غير صوت بكى لمى ودعواتها وسبها بسعود الكل ركب السياره ونسى سالفة انها كانت متعطله
وصلوا السعوديه والكل راح ينام من التعب والا لمى اللي ماغمضت لها عين وهي تفكر باللي صار
اليوم الثاني بالفطور الكل موجود غير لمى
الجده:ويين لموو؟
ريما:يمه لمى مانامت امس زين وهي نايمه الحين
ماامداها تكمل كلمتها الا لمى داخله وهي تبتسم
لمى بهدوء:صباح الخير
الكل:صباح النور
تركي بأذن طلال:شكل الصدمه اثرت عليها وصارت عديمة احساس
طلال:غريييبه انا كنت متوقع من الصدمه شهر مابنشوفها
معتز:كيفك لمى وكيف طلعتكم امس؟
لمى:الحمدلله بخير والطلعه امس ولا أحلى يعطيهم العافيه العيال ماخلوا مكان بخاطرنا ماودونا
معتز باستغراب:اهااا
خلصوا العيال فطور بدري عشان يلحقون على صلاة الجمعه والبنات راحوا بعد يصلون كل وحده بغرفتها
معتز لطلال وهم يمشون طالعين من الصلاه:طلال شكله ماصار شي امس
طلال:شلون ماصار اسكت لمى سوت لنا فضيحه بالشارع
معتز:شلون؟
طلال حكى لمعتز كل شي صار
طلال:معتز انتوا نهاية الاسبوع ماشين اضرب الحديد وهو حامي وكلمها اليوم بالليل
معتز:اكيييييد
فالليل البنات وبالحديقه والعيال عند المسبح
تركي:معتز تعال اسبح معنا وراك مبعد؟
معتز:ربع ساعه وراجع لكم بقضي شغله واجي
راح معتز للحديقه وشاف البنات قاعدين سوالف وضحك وراح جلس عندهم
معتز:ابي قهوه تركيه
ريما:عاااد في هذي مالك الا لمى اكثر وحده تضبطها
معتز:لا فشله عيب اقوم البنت قوموا انتي ويا ملاك سووها ولاخوات ع الفاضي؟
لمى:افااا لافشله ولاشي احين اسويلك احلى كوب قهوه تركيه
قامت لمى وبعد دقيقه
معتز:عن اذنكم
ملاك:الحين مقوم البنت وتقول عن اذنكم اصبر اشرب القهوه وروح
معتز:احين انا قلت اني مابشربها بروح شوي وارجع
راح معتز للبوفيه اللي عند المسبح وشاف لمى تسوي القهوه
معتز:لمى ممكن شوي
لمى:تفضل
معتز وهو يأشر بيده:تعالي نقعد ع الكراسي اللي هناك
لمى:والقهوه؟
معتز:طفي عليها ماابيها الحين انا قلت كذا عشان اقدر اكلمك براحتي
راحوا معتز ولمى ع الكراسي
لمى:سم يامعتز وش بغيت؟
معتز:لمى انا ماني شاعر واقدر اعبر بكلام حلوا مثل زياد ولا صوتي حلوا واقدر اغني لك مثل طلال
لمى:معتز شفيك؟
معتز:باختصار يالمى من يوم عرفت انك انخطبتي تحطمت
لمى بجرائه:بس انا رافضه سعود ماابيه ليييه تتحطم؟
معتز:بس اللي اعرفه انك تحبينه
لمى:هذاك اول انا مااحب واحد مثله الله كشفه قدامي وخلاني اكرهه
معتز:يمكن انتي ماكرهتيه بس من الصدمه تقولي كذا
لمى:لا يامعتز انا بجد المنظر اللي شفت فيه سعود امس خلاني اكرهه واكره نفسي اللي فكرت بيوم اتزوجه واحمد ربي انه انكشف قدامي قبل ارتبط فيه رسمي بس انت شدراك باللي صار امس العيال حكوا لك؟
معتز:اللي ابي اقوله يالمى ان انا اللي مخطط لكل شي لاني دايم اشوف سعود على هالحال ويوم شفت شلون انتي متولعه فيه قلت لازم تعرفين حقيقته قبل تتزوجينه
لمى بأستغراب:أنت؟بس لييه سويت كل هذا؟
معتز:كل هذا وتسألي ليييه يالمى انتي عمرك ماحسيتي فيني انا احبك يالمى احبك واتمنى اليوم اللي تبادليني نفس احساسي
لمى:بس انا عمري ماحسيت بهالشي
معتز:شلون تحسين وانتي عقلك وياسعود؟
لمى:انا خلاص قلت لماما انهم يردون سعود
معتز بفرح:جد يالمى تحكين جد؟
لمى:ايه جد
معتز:وربي يالمى اعشقك ولا بالقلب غيرك
لمى اكتفت بأبتسامه وراحت
انتهى الاسبوع و رجعوا زياد ومعتز لبريطانيا وجاوو رائد وفواز
رغد: ملاك شوفي
ملاك: ياااي يجنن من وين جبتيه؟
رغد: هديه من هشام
ملاك:ياعيني ياعيني اوعدنا يارب
لينا: اقول بنات شرايكم اليوم بما ان الجو يعتبرحلوا بالهالصيف نطلع الحوش ونشوي
ملاك: لاااا عاااد اليوم جمعة خوالي يعيني مابكون معكم
شوق: ومتى بتجين؟
ملاك : مدري بس يمكن على الساعه 2 الليل
لينا: اجل خلاص لارجعتي والسهره صباحي
ملاك: يييييس
رجعت ملاك من عند خوالها الساعه 2 مثل ما قالت وبعد ساعه الا السور كله نايم
مابقى غير البنات شوق ورغد ولينا وملاك وريما ووغيدا وهديل
والعيال طبعا" كالعاده طالعين
جلسوا البنات بالحوش عند المسبح وقاموا يشوون وانبسطوا
شوي الا يجون العيال
طلال: ياعيال
غيدا: حياك البنات متحجبات
طلال: ترا العيال كلهم معي
غيدا: كلهم متحجبات
ودخلوا العيال
رائد: وانا اقول وش ذا الريحه الزينه واصله اخر الشارع
تركي: اكييييييد حاسبيني معكم
ملاك تبي تقهر طلال:اكييييد واحنا نقدر الا انت ياتركي
طلال بقهر واضح: لا احنا شبعانين مانبي
وتوه بيروح الا هشام يمسكه
هشام يتكلم باذن طلال: مو من اول موقف تهرب كذا
طلال: ماتسمع شتقول ماتقدر في تركي
هشام: اقول اقعد البنت مو قصدها شي بس انت صاير حساس
الا تركي ينط بينهم:طلال يالغبي بين لها انو الوضع عادي
طلال:شوركم وهداية الله
فواز لرائد: فديييتها وربي انها اليوم طالعه احلى وحده
رائد: احلف ياشيخ وشلون عرفت وهي معطتك وراها
فواز:قلبي قالي
رائد: اوعدنا يارب
هديل:طلووول حبيبي من زمان ماغنيت لنا
طلال:والمطلوب؟
غيدا:يعني تقولك من زمان ماغنيت لنا شممكن يكون المطلوب؟
طلال:اسف انا مااغني
هديل:يلا عاااد
طلال:عشان خاطرك بس وشتبين تسمعين
غيدا:مالي غيرك
طلال:ماسألتك قاعد اسأل هديل
غيدا:مااااالت عليك
هديل:على ذوقك حبيبي بس ترا ياملاك بتغنين وراه لان انتوا الاثنين اصواتكم ماشالله تجنن
طلال:اممممم طيب احم احم ابغني لكم والله احتاجك انا
وقعد يغني وهو عينه على ملاك وكأن وده يقولها اني قاعد اغني لك
والله أحتاجك انا خلك بجمبي قريب
وان حصل شي بيننا عن حياتي لاتغيب
انا من بعدك اتوه وعالمي بعدك يضيع
تختلط عندي الوجوه والعدوا يصبح صديق
تدري يالقلب الحنون انت بالنسبه لي ايش
وانا بعدك كيف اكون لييه احس وليه اعيش
ياللي شفت احلامي فيك والتقيت بأحلى جنه
أدعي ربي وارتجيه ربي لاتحرمني منه
لو تهب الدنيا ريح وينتهي هذا الزمان
ويصبح العالم جريح انا في ايديك بأمان
قلبك البيت الكبير اللي ضللني بوروده
واصبح الحلم الكبير صعب ابعد عن حدوده
الكل قام يصفق لطلال والعيال يصفرون
هديل:يسلم الصوت وراعيه بجد صوتك يدخل الواحد عااالم ثاني
طلال:تسلمين
ريما:دورك ملوكه
ملاك:طيب ماطلبتوا
غيدا:وش بتغنين
ملاك:أحم أحم أسمعي
وقامت لفت على جهة طلال وقامت تغني
روح وروح ابعد بدنياك يامتعبن قلبي بصدك
والدرب اللي ضحك بكاك موت وتكوا في نار حقدك
أذكر زمانن كنت أهواك انت الوحيد ومين قدك
ملاك:اممممم تصدقون نسيت باقي الاغنيه
طلال بعصبيعه واضحه:أحسن لانها مو حلوه
ملاك ببرود تبي تستفزه:عااد تصدق انا اعشقها لمى اسمعها احسها تعنيني
طلال:عن اذنكم
ملاك:أذنك معك خذ راحتك
هديل:وين حبيبي توا الناس اقعد
طلال بيرد الا ملاك تقاطعه
ملاك:خليه على راحته ياعمه لاتغصبين عليه
هديل تناظر بملاك بعدين لفت على طلال
هديل:بس توا السهره مطولين
ملاك:حراااام يمكن تعبان
هديل بتتكلم بس طلال قاطعها وهو يأشر بيده يعني خلاص
طلال وهو ضايقه فيه الدنيا:خلاص حبيبتي هديل وربي تعبان ابروح انام
هديل:طيب تبي اسوي لك شي قبل تنام؟
طلال:سلامتك مشكوره يالغاليه
راح طلال وتوتر الجو شوي بعدين رجعوا عادي
ريما في اذن ملاك:ملاك حرااام عليك تراك حدك قاسيه
ملاك بحقد:يستاهل في ذا واردا ماشاف شي لسه
ريما:والله انك بعير ياملاك
ملاك:ريما اسكتي احسن لك
ريما:بس ياملاك
ملاك تقاطعها وبصوت عالي:ريييممماااا
غيدا:بسم الله وش فيكم؟
ملاك:ابد ولا شي بس هذي ريما يبي لها طق
ريما:الحين انا اللي يبي لي طق
ملاك:انتي ياتسكتين ولا اقوم
تركي:شدعوا عاد صلوا ع النبي
ملاك وريما:عليه الصلاة والسلام
طلال راح غرفته والدنيا سوده بعينه
قعد طلال على السرير وضم راسه بأيدينه
طلال:أآآه منك يادنيا كل ماحاولت اصلح اغلاطي تخربينها زود أه منك ياملاكي يا ضي عيوني متى اضمك لحضني
وقعدوا البنات والعيال ضحك ولعب وسوالف الى ماطلعت الشمس
وبعدها كل واحد راح ينام
رائد: يمه اخطبي لي تكفين
ام رائد: هذي الساعه المباركه ياوليدي انت بس اشر
رائد: لا ابيها على ذوقك
ام رائد: ابشر والله
بعد أسبوع لقوا البنت المناسبه لرائد واليوم زواجه
ام رائد: يمه ملاك انا حاجزه لك معي فالصالون
ملاك: ايييه ياخالتي الله يسعدك
ام رائد: بس ترا بنروح من الصبح عشان نخلص العصر ونروح القاعه بدري
ملاك: اجل يلا
وراحوا ملاك وام رائد وخلصوا على العصر
وراحوا الفندق اللي فيه الزواج
ام رائد: ملاك حبيبتي روحي شوفي طلال جايب اغراضنا وفساتينا
ملاك : انا؟
ام رائد مستغربه: ايه انتي وهو في غيرك هنا؟
ملاك:ان شاالله
راحت ملاك وطلال قاعد ينزل الاغراض واول مادخل
طلال وهو منزل راسه يطالع بالفستان اللي بيده ومانتبه من اللي جاي ياخذ الاغراض:لمين هالفستان
ملاك:لي
طلال رفع راسه:ملاك
ملاك:ممكن تعطيني الفستان
طلال:وبتلبسينه كذا؟
ملاك:شلون يعني كذا؟
طلال:ماكأنه عريان بزياده؟
ملاك: وانت شعليك؟
طلال ومو عاجبته معاملة ملاك:لا بس اسأل
ملاك:طيب مطول وانت تناظرني؟
طلال انتبه: ها انا بروح اجيب باقي الاغراض
دخل طلال الاغراض كلها وجاب اخر شي زجاجه كبيره على شكل كاس ومليانه ورد بيحطونها بالجناح حق رائد
طلال:ملاك وين احط هذي؟
ملاك: حطها عند الجناح حقنا الى مايفتحون جناح رائد
وحطها وراح
شوي الا جا واحد يكلم ملاك وهي محتاسه مع الاغراض
الرجال:ياانسه انا فتحت الجناح اذا حابين تحطون فيه شي
ملاك:اوكي عطني البطاقه حقت الجناح
الرجال: تفضلي
وراح
جت ملاك بتشيل الورد وتوهقت مو عارفه شلون لانه ثقيل
الا طلال جاي
طلال: ملاك خليه انا اشيله بس دليني وين الجناح حق رائد
ملاك:طيب
وراحوا واول مادخلوا الجناح
طلال: وين برايك نحطها؟
ملاك: بكيفك انا بطلع
طلال: ملاك
ملاك من دون ماتلتفت له: نعم
طلال: على الاقل باركي لي زواج اخوي
ملاك:مبروك وعقبالك
طلال:الله يبارك فيك وزواجي وياك ان شالله
ملاك وهي طالعه:كلامك يضحك
طلال يتنهد: اهـ ياملاك وربي ان حبك سكن داخل الروح
ملاك وهي تمشي رايحه للجناح اللي فيه ام رائد
ازا بتريدي:......
ملاك ولا هي معه
الرجال:ياانسه
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -