بارت جديد

رواية امانة برقبتك -8


رواية امانة برقبتك -8

رواية امانة برقبتك -8

طالعت روبي نفسها في المرايه بأعجاب وأبتسمت لأنها كانت راضيه على شكلها >>كانت لابسه فستان قصير لنص الساق لونه أحمر عااري ونصف الظهر طالع خلت شعرها على طبيعته كيرلي ومكياجها كان مرررررره رايق حلوو للصباح وحطت روج أحمر صارخ كان فعلاا طالعه تحفه فيه وكان الون مناسب لبشرتها البرونز...

طلع الاخ نواف من الحمام بعد ما اخذ دش طاحت عينه بعين روبي صدفه طالعها بأعجاب بس ما بين روبي الي من حطت عينها بعينه شالتها بسرعه وطلعت من الغرفه لأن الحلووو كان ناسي نفسه بأنه ماكان لاف على جسمه من تحت غير فوطه اما الباقي الاخ مايعني له شي >>>حلوة ذي خخخخ

طلع من الغرفه بعد مالبس ثوبه وتجهز وصار شكله تمااااااام ويوم جت عينه بعين روبي ماقاوم مايسألها :تبين فطوور؟؟؟

روبي ياويل حالي مرررررره يجنن ولا عيوونه تذبح بس يقهر ودي اصفقه:ايه مييييييته جوووع

نواف: اوك اجل انا بطلب الفطور وانتي اجهزي على ما اطلبه

روبي: الشنط جاهزه اصلاا مافتحت الا وحده وكل شي جاهز

نواف:اوك زين

بعد فتره بسيطه من الصمت قرر نواف يكسر الصمت بسؤاله:انتي تحبين أحد؟؟؟؟

روبي اكيد استخف ولا فيه زوج يسأل زوجته تحبين أحد؟؟:لا غير عزووزي ما احب

نواف: الله يرحمه،،ماودك تسأليني طيب؟؟

روبي:عن؟؟؟

نواف:نفس سؤالي اذا احب احد او لا؟؟؟

روبي:انا ادري،، ليش اسأل؟؟؟

نواف:تدرين عن ايش؟؟؟

روبي:انك تحب

نواف:وتدرين انها صديقتي ببريطانيا؟؟

روبي:يب

نواف:وهي بعد تحبني

روبي الي ميته حره تونا اول يوم ويقول كذااا،،بس ردت ببرود عكس الي داخلها:طيب وش اسويلك؟؟،،الله يهنيكم

نواف:انا ما احبك

روبي:يعني انا الي امووت فيك،،نفس الشعور متبادل

نواف:اجل اسمعي ما ابيك لا رحنا هناك وشفتيها معي تسوين لي حركات الزوجات ترى انتي بلنسبه لي ولا شي بس مجرد امممممممم اخوااان بنعيش في بيت واحد اوك

روبي الي خلاص ولعت:قلت لك قبل شعوور متبادل انت بعد عندي ولاشي>>وكملت بسخريه:ياطيب قلبك يا نواف زين رضيت تساويني بالهنوف ونوف خواتك

نواف: بس هذي حقيقه

روبي قالت كلامها تحاول ترد كرامتها الي حستها اهتزت بسببه حتى ولو كان مايعني لها شي:طيب وانا راضيه فيها وعلى فكره ترى انا ما اخذتك حباا فيك بس صدقني مغصووبه عليك

نواف: حتى انا مغصووب عليك ولا لو كان علي كان الي بيكون معي الحين هي مايا مو انتي

روبي:مايا وععععععععععععع حتى اسمها مثل وجهها

نواف:غيرانه من الحين؟؟ وين كلامك الي مغصوبه ومدري ايش بعد؟؟

روبي:وشوووو عيدها؟؟؟ ،،انا اغااار انااا روبي بنت عبدالعزيز اغاااار ومن منه من مايا حقتك ولا بعد من عليه على نواااف الي مايحرك فيني شعره هههههههههه صرااحه ضحكتني وانا مالي خلق اضحك

نواف الي عصب:اقوووووول انا مره معطيك وجه وانتي واشكالك ماتنعطوون وجه

روبي بطنازه:الله يخليك اللله يخليك عطني وجه بمووت لو ماعطيتني>>>ورجعت للجد عندي عيد لوماكلمتني او شفت وجهك

تو نواف بيتكلم الا يدق الجرس وروبي تكمل :على فكره فطورك اشبع به لحالك سديت نفسي الله يسد نفسك ودخلت الغرفه وسكرت الباب بسرعه

نواف عناد فيها ومع انها بعد هي سدت نفسه الا انه دخل الاكل واكل شوي بعدين قال خل ادخل عليها اشوف وش تسوي فتح الباب بشويش مالقاها في الغرفة استغرب وراح للحمام ويوم قرب للباب سمع صوتها تبكي وكان صوت بكاها يقطع القلب مايدري ليه حس بلذنب هوو ليه كذاا يعاملها؟؟ مع انها هي بعد مثله مغصووبه عليه وماتبيه :روووبي روووبي>>وهو يدق باب الحمام بهدوء

روبي الي مو طالع صوتها من البكى:خير وش تبي؟؟؟

نواف: تعالي افطري

روبي:قلت لك ما ابي

نواف:انتي ما اكلتي شي من امس ححتى عشى ما تعشيتي تعالي كلي وخلي العناد

روبي وهي تردها له :مو لازم تسوي فيها زوج طيب وحنون وتطلب فطوور وتفطرني

نواف الي فهم انها تردها له ابتسم وقال:بس انا فعلاا زوج حنون وطيب وطلبت لك فطور

روبي:نواف اطلع من الغرفه وااذا خلصت يا الزوج الطيب الحنون من الفطور نادني عشان نروح

نواف الي عرف ان مافي فايده :انا خلصت اطلعي خل نمشي

روبي وهي تفتح باب الحمام وتبين انها ماكانت تبكي:بجيب عبايتي والحقك

نواف وهو يبتسم لها:ليه الدموع؟؟؟>>>على فكره نواف مرره حنون ومايحب يشوف دموع خواته تنزل ولا يمسحها وهو كذاا دايم وهذاا مبدأه مهما كان كاره الي قدامه مايحب يشوف دموعه لانه مايحب يتسبب لأحد بأذى او حزن فكيف وهي زوجته؟؟>>>سووري أخته الثالثه هع

روبي:لاتخاف ماكنت ابكي عشان سواد عيونك بس دخل في عيني شي وحمرت>>تعرفين تصرفين خخخ

نواف يستهبل:كيف عرفتي ان عيوني سوود شكلك قطعتيني من كثر ماتطالعين فيني لين حفظتي شكلي

روبي: ويييييييييه مابقى الا هي اجلس اتمقل فيك

نواف: مالي خلق اتهاوش بعديها هلمره ،،بس ترى ماخبرت ان مكتوب على جبهتي هندي

روبي:ليش؟؟؟

نواف وهو يعيد كلامها بطريقتها: دخل في عيني شي وحمرت

روبي وهي تشهق وتحط يدها على خصرها: بسم الله علي انا كذاا اتكلم؟؟؟

نواف وهو يقلدها ويحط يده على خصره : ايه تتكلمين كذااا

ربي وهي تصرخ بدلع رباني: نواااااااااااااااااااااااااااااااااااااااااااااااا ااااااااااااااااااااااف

نواف الي ماقدر يمسك نفسه من شكلها الي كان يضحك وقال في نفسه شكلها تنقهر اذا احد قلدها : ههههههههههه

روبي:لا تضحك انا ماقلت نكته

نواف الي جد كان ميت ضحك على شكلها: ههههههههه

روبي وهي تلبس عبايتها: نوااف انا تحت

نواف وهو يضحك: تعالي تعالي

روبي سفهته ونزلت ،،اما هوو لحقها بعد ما طلب من الفندق يلحقونه بالشناط

بيت الجد

كان الكل موجود عشان صباحية نواف وروبي...

الجد: والله ياولدي دامك قطعت شهرعسلك انا مستعد اعوضك بس حدد اليوم والمكان الي تبيه وترجع تسافر وتكمله مع مرتك

خالد: لا وش دعوه ياجدي خيرك سابق نعوضه ان شاءالله

الجد: ابببببببد والله ما تقعد في الرياض اكثر من اسبوع تروح تحجز من بكره على المكان الي تبيه والتذاكر والمصاريف علي

خالد وهو يبتسم: ان شاءاللله

ابوعبدالله: رح قل للهنوف والله لتستانس امس ذلتنا بسبب رجعتها ماكملت ولا اسبوع

خالد: ان شاءالله

عند الحريم

الهنوف الي من قالها خالد وش قال جدها جت لنوف تقهرها عشان نوف من امس وهي تعلق عليها ليش انها ماكملت ولا اسبوع: نووويييييييييييييييييييييييف حرررررررره حررررررره

نوف: الحمدلله والشكر خير

الهنوف:بسااافر بسافر

نوف:وين؟؟؟

الهنوف: بكمل شهر عسلي انا وخلوودي حبيبي وبعد المكان الي ابيه وعلى حساب جدي محمد الخاص

نوف:اماااانه

الهنوف: والللللللله مووتي حره

نوف: مسكيييييييينه انا معي وافي حبيبي لو اقوله بروح يوديني عاادي

الهنوف: اصلا...............

روبي: السلام عليكم

البنات كلللللللللللهم راحووو لها يسلموون عليها ويباركونلها ويعلقون عليها والي تبونه كل شي سووه

الجده:هلا ببنيتي حبيبتي والله تو مانور البيت

روبي وهي تبتسم:منور بأهله

ام نواف:عساك مبسووطه يمه

روبي:الحمدلله

ام نواف أبتسمت لروبي:الحمدلله

اما رووبي فبادلتها نفس الابتسامه

ملحووظة: البنات والعيال عيال عم روبي مراح ادخل في تفاصيل حياتتهم كثير لانهم قل ما يتواجدون بس بدخلهم في الاجتماعات زواج او شي من كذاا...

مررررر الوقت سريع على روبي لأنها ما تببي تسافر وتخلي بنات عمها ورهف اختها وابوها سليمان وام طلال والكل اما نواف الي كان مرررررره مستعجل ووده يسافر اول شي عشان الاختبارات قربت ولازم يدرس وثاني شي عشان يشوف حبيبه القلب مايا...

روبي سمعت جوالها يرن فراحت طلعته من الشنطه شافته رقم غريب فما ردت سفهته

رهف:ردي مييييييين؟؟؟

روبي:مدري رقم غريب مالي خلق احد

رهف: ايه والله ودنا نقعد لآخر مره سوااا

روبي: وجع وش ذاا الفال؟؟وش آخر مره؟؟؟

رهف:يني قصدي الحين

روبي:اهاا اذا كذاا ماشي الحال

نوف:الا روبي انتوو متى رحلتكم؟؟

روبي:الساعه 3 على ما اعتقد

نوف:اهاااااااا

روبي:بس لازم نكون في المطار الساعه 1 تقريبااا

الهنوف: يووووووووووه امانه

روبي: والله ،،ليش؟؟؟

الهنوف:عشان الساعه 12 ونص

روبي:صدق امداهااا

ساره: ايه والله الوقت مررر بسرعه

لمى: دايم الاوقات الحلوه تمر بسرعه

ورجع الرقم يدق مره ثانيه: افففف ياربيه مدري مين ذاا القلق جد قللة ادب طفشني

نوف:لاتقولين الرقم؟؟

روبي: الا هووووووووووو

نوف: عطيني اشوفه يمكن اعرفه

روبي: وش يعرفك ؟؟اشواا سكت اسفهيه

الا تدخل ام نواف:روبي

روبي:سمي يا خالتي

ام نواف: نواف برااا ينتظرك في السياره يقول ادق عليها ما ترد نادوها

البنات كلهم فقعوو ضحك:ههههههههههه

لمى تتظنز عليها: افففف ياربيه مدري مين ذاا القلق جد قللة ادب طفشني

البنات الا روبي:ههههههههههههههه

روبي: بايخين اوك ومايضحك وطلعت عشان تلبس عبايتها

لحقوها كلهم: روبيييييييييييي والله بتوحشينا

روبي: وانتي اكثر يانوفه وتسلم عليها وتضمها

وبعدها الهنوف وبعدين ساره وبعدهم لمى: مع اني ودي اصفقك على حركتك من شوي وانتي تقلديني بس والله بشتاق لك

لمى: وانا بعد بشتاق لك بس مو تقطعين تكلمينا اوك

روبي:اوك

رهف الي متقطعه صياح:لاتروحين ولا خذيني معك

روبي الي من شافت رهف تبكي ماقدرت تمسك نفسها:اوعديني تزوريني

رهف بين دموعها:ان شاءالله

وضمووو بعض وطلعت روبي ،،وراحت سلمت على جدتها وام نواف وام طلال وعماتها وحريم عمانها وطلعت وشافت عمها عبدالله وسلمت عليه وبعدين عمها عبدالمحسن وعبدالرحمن ثم ابوها سليمان وطلال اخوها:ببلغك كل شي عن الشركه

روبي: ولو يا اخوي انا واثقه فيك ونت قدها

طلال: ولو لازم تكونين بلصوره

روبي ابتسمت لطلال بين دموعها وهو رد لها الابتسامه وضمها وكانت توها بتطلع الا يوقفها صوته: ماتبين تسلمين علي؟؟

روبي الي التفتت من سمعت صوته وشافته واقف بهيبته يطالعها وفاتح ذراعيه لها وكأنه يقول لها تعالي،،روبي االيي مع انها كانت زعلانه الا نها ماقدرت تقاوم جدها كأنها تشوف ابوها قدامها،،رغم قسوته عليها الفتره الاخيره بس كان معها احن من أي احد قبل ما تطرى عليه فكرة الزواج كان باين انه يحبها وللحين باين بس هي ماكانت فاهمه ليه هذي القسوه،، وراحت ركض وارتمت في حضنه وقبلت راسه ورجعت تبكي في حضنه: اشششششش بس بس

روبي: جدي انا مو زعلانه منك،،وصدقني اني من حبي لك مسامحتك

الجد وهو يبتسم:ادري انك تحبيني ،،عشان انا بعد احبك والي يحب يحس بلي يحبونه

روبي:مع السلامه

الجد:الله يسلمك،،انتبهي على نفسك ،،الله يوفقك

طلعت روبي بسرعه لانها تحس لو جلست دقيقه زيادة مراح تطلع من البيت هذااا لو بلغصب،،ركبت السيارة وكان نواف في انتظارها: بدري كان تأخرتي زياده

روبي الي كانت ميته صياح وصوتها ياله يطلع:احم احم مادريت انك برااا

نواف الي تخرع من سمع الصوت فما حب يتكلم تصيح عنده وهو ماله خلق:اهااا

انتهى البارت التاسع

البارت العاشر


10

في الطيــــــــــــــــــــــــــــــارة

نواف: ايه صح توني اذكر،،ليش مارديتي علي يوم دقيت عليك؟؟

روبي بطنازه :عشان شفت اسمك مسجل قلت مالي خلقه بعدين ارد،،وشلون ارد وحظرتك مو معطيني رقمك؟؟

نواف الي انقهر:بالله،، دمك خفيف والله

روبي: غصب عنك

نواف:ياليتنا مو في طياره ولاكان علمتك منهو والي غصب عليه

روبي:ليه وش بتسوي بتطقني؟؟؟

نواف:اسكتي اسكتي بس لا اسمع صوتك

روبي: اذا سكت فهوو بمزاجي مو عشان حضرتك امرت وعموماا خسارة وقتي الي اضيعه في هذري وياك

نواف:بتسكتين ولا شلوون؟؟؟

روبي ماردت وسندت راسها على الكرسي ودخلت في نوومه عمييييييقه

صحت على صوته الي فيه بحه ربانيه صوته الي يعذب من يسمعه :روبي روبي قومي وصلنا

روبي الي فتحت عينها ولقته فوق راسه بعدت بسرعه:طيب خلاص قمت

في المطار


نواف: جري شنطتك بنفسك ترى انا ما اشتغل عندك احمدي ربك اني جبتها من عند العفش

وكأن الموقف يتكرر من جديد روبي وهي تسحب شنطتها: حتى ذوق مافي

نواف: مو قلت لك قبل هلمره وفي نفس المكان بعد اني مخلي الذوق لك يا ام الذوق

طلعوو براا المطار واخذوو لهم تكسي ووصلهم لشقة نواف الي كانت متوسطه ماهي كبيره ولا صغيره والحلو الي فيها ان فيها غرفتين وهذاا الي خلا روبي تمووت من الفرح ،،مطبخ صغير على قدهم وحمام واحد بين الغرفتين وصاله صغيروونه....

روبي:أي وحده غرفتي؟؟؟

نواف:وهو يأشر على الغرفه الي على اليمين قبال غرفته:هذي

روبي بوناسه :شكراا

نواف: العفوووو

طبعاا ماصارت احداث تذكر في هذاا اليوم عشان نواف من اخذ دش سريع وراح في سابع نومه وروبي نفس الشي....

اليوم الثاني

صحت روبي ولبست لها جنز شورت لنص الفخذ وتي شرت فسفووري وخلت شعرها مثل ماهوو صايره مررررررره كيوت وطلعت تجهز لهم فطور...

نواف الي كان لابس جنز ازرق وتي شرت اسود ماسك على جسمه طالع شي : روبي

روبي وهي تطع من المطبخ: هلا

نواف الي يطالعها بتفحص وبعدين تكلم:ابغى فطوور

روبي وهي تتخصر:وقالولك ان شاءالله اني عبده عندك؟؟؟

نواف يناظرها بنظرته المميزه وهو يرفع حاجبه":ليه مو زوجتي؟؟؟ وهذي وحده من واجباتك

روبي: سبحان الله يوم جت على بطنك صرت زوجتك ومن اول وهي تقلد صوته انا ما احبك وانتي ترى بلنسبه لي ولاشي انتي أمممممممممممممم مجرد اخوان بنعيش في بيت واحد

نواف :يعني؟؟؟

روبي:يعني يا اخوي يا نواف انا مسويه ساندوتشات بيض وبروح اجيبه لك بس ترى عشان انا طيبه مو عشان سواد عيونك الي كنه التي شرت الي لابسه و عشان حق الاخوه الي بينا

نواف: بتذلينا كثير؟؟؟

روبي:والله على حسب لين تعدلت تعدلنا اجلس ثواني واجيبها

نواف الي جلس وكنه بداا يفكر بس روبي قاطعته: بتطلع صح؟؟

نواف: ايه بروح الجامعه بشوف وش الاخبار واسأل عن الاختبارات وكذاا لأنها قربت

روبي: اهاا،،المهم ترى سويت لك ساندويتشين بيض عشان تاكله وانت تمشي اسرع لك عشان ما تتأخر ومدته له واخذه وهذاا الكفي سويته لك وحطيته بهذاا الكوب ومدته له

نواف وهو ياخذ منها الكفي وابتسم لها ابتسامه حلوه: شكرااا

روبي ردت له الابتسامه: العفووو

نواف:انااا طالـ.....

بس قاطع كلامه الجرس وراح يفتح وتفاجئ فيها: هاااااااااااي حبيبي وتضمه،،سبرايز صح ؟؟؟

نواف وهو يبعدها : مايا حبيبتي كم مره اقولك لاتضمني بعدييين لا تزوجنا ويغمز لها*_^

مايا بدلع: وش اسوي اذا حبيبي وحشني اسبووعين يا ظالم

نواف الي نسى نفسه وهو مع مايا:وش تبين اسوي حكم القوي

مايا الي انتبهت لروبي وحبت تقهرها شوي ومسكت يد نواف وبيدها الثانيه اشرت على روبي: حبيبي هذي بنت عمك الي قلت لي عنها

نواف وكنه تذكر وجود روبي الي كانت في قمة التناحه:ايه هذي هي

مايا بنفس الدلع: ماعرفتنا؟؟؟؟

نواف وهو يأشر على روبي وبعدها مايا:روبي وبمكانت أختي ،،مايا صديقتي بلجامعه

مايا الي تطالع روبي بأعجاب برغم انها ما كانت حاطه مكياج ولا شي بس صايره مررررره حلوه:اهلين

روبي: هلا بك،، عن اذنكم >>>دخلت الغرفه مقهووره مررره

نواف طلع هوو ومايا اما روبي فجلست بلغرفه لين سمعت صوت الباب ودقت على العنود وهي ميييييته صياح:العنود تعاالي عندي بسررعه

العنود: بس انا ما اعرف وين شقتكم فيه؟؟؟

روبي:انا مالي خلق اطلع

العنود: طيب تكلمي في التلفون

روبي وهي تبكي:العنود حقيييييير تخيلي يقول عني اخته

العنود: طيب واذا احقريه

روبي: وش احقره احسه يتعمد يرفع ضغطي وش تبيني اسوي معه؟؟

العنود: روبي لا تجلسين تبكين والله مايستاهل

وجلست تهدي فيها ليييييييين هدت ولله الحمد وسكرت من العنود وراحت ان شغلت في تنظيف الشقه وترتيب اغراضها في الدولاب وحتى رتبت اغراض نواف في دولابه...

في الليل


روبي الي داخت من كثر ما رتبت وبكت فحطت راسها على الكنبه الي بلصاله ودخلت في سباات عمييييق لدرجة ان نواف رجع بعد ما طلع مع مايا وهي ماحست فيه...

شافها راميه نفسها على الكنبه وشكلها باين انها تعبانه بس شكلها مررره بريئ وحلوو مع الشورت الي لابسته والتي شرت الفسفووري،،قرب لها نواف بهدووء وهي نايمه وشالها بهدوووء وتعلقت فيه روبي ببرائه مثل الاطفال وحطت راسهاعلى صدره وكان باين انها تحلم لدرجه انها ماحست ان نواف هوو الي شايلها،،وداها غرفتها وحطها على سريرها ولحفها ومايدري ليه مامنع نفسه يطبع قبله على جبينها وخدها وطفى النوور وطلع وسكر الباب....

في اليوم الثاني

صحت روبي من النووم بأرتياح استغربت وجودها على السرير بس قالت يمكن هي قامت ونامت بنفسها يعني ماجاء في بالها ولا واحد في الميه ان نواف الي


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -