بارت جديد

رواية احضنيني بقوة اخاف منك اضيع -9


رواية احضنيني بقوة اخاف منك اضيع -9

رواية احضنيني بقوة اخاف منك اضيع -9

ملاك وشكل طلال كاسر خاطرها: اوكي خلاص بس مو اليوم بكرا الساعه 10 بالليل تتأخر دقيقه مابرد

وراااحت
ملكوا لينا وفواز واخذها وراحوا يتعشون بمطعم
والناس ضحك ووناسه مع الطق والرقص
شوق:ملاك ورا ماترقصين
ملاك:......
شوق:هي انتي اكلمك
ملاك:هلا هلا شوقي وش تقولين؟
شوق:ابد مو طبيعيه
ملاك:لا عاادي بس افكر لينا وفواز شيسوون الحين؟
شوق:يقطع شرك يا ملاك
ملاك وهي تضحك:طيب ماقلتي لي مزعجتني شتبين؟
شوق:ابد بس اشوف الرقاصه مااشتغلت اليوم؟
ملاك:ههههه رقاصه عااد
شوق:والله مايطق طار الا رقصتي وما تجي دقه شرقيه الا هزيتي واليوم ابد ولا شي
ملاك:لعيووونك ياشوق احلى رقصه بس خليهم يشغلون الدي جي على روح وروح ابي ارقص عليها احسها تعبر عن مشاعري
شوق:تامرييييين
شغلوا روح وروح وملاك والبنات رقص ع الاغنيه
اليوم الثاني بالليل الساعه 10 بالضببببط

ملاك:االوو
طلال: ملاك
ملاك: نعم؟
طلال: كيفك؟
ملاك: مااعتقد انك داق تسأل كيفي
طلال: ملاك وش فيك متغيره معي وليه ترفضيني مو انتي تحبيني؟؟
ملاك:أحبك؟ ذاك اول ياطلال وبعدين بدال ماتسألني ليه متغيره اسأل نفسك انا سويت زي ماتبي وحطيت لنفسي حد
طلال: يالله ياملاك للحين شايله بقلبك علي وربي ياملاك اني احبك وتركت ساره ذي وعفت كل البنات عشانك وبالأخير تسوين كذا
ملاك: انا ماطلبت منك تترك احد
طلال: ملاك حرام عليك وربي احبك انتي ماتحسين؟
ملاك وكأنها انفجرت: انا اللي مااحس ياطلال ولا انت يوم اني حبيتك قلت عني كلام وصدقت هالساره
اتهمتني وهزئتني وغلطت علي وكأنك ناسي اني بنت عمك
وغير هذا كله تجاهلك لي ولمشاعري لييه يوم اني حبيتك وكنت مستعده اضحي باي شي عشانك بعتني
ليييه يوم اني سلمت لك قلبي رميته ورحت ورا هواك ليييه كل هذا يا طلال ليييه لييه تهيييني قدام الكل وتقلل من قدري ليييه
وبعد كذا جااي تلومني وتعاتبني من الغلطان فينا ها ؟مين؟
تذكر يوم تقولي انتي غلطتي ولازم تعتذرين انا الحين اقولها لك ياطلال انت غلطت وغلطت كثييير بعد
وصعب اسامحك حت لو اعتذرت
طلال يسمع وهو مصدوم بعدين رد :كل هذا بقلبك ياملاك كل هذا انا مسويه فيك وانا ماادري
صدقيني ياملاك انا ماكنت ادري انك تحبيني صدقيني
صحيح انا كلمت بنات واجد بس وربي ياملاك عمر القلب مادق لغيرك
كل شي فيك يلفتني كل شي فيك حبيته تفاصيلك شكلك طبعك حتى عنادك وكبرياءك كل شي
ملاك:ياطلال اللي انكسر بقلبي مايتصلح بسهوله اسمحلي انا مو لك
طلال: لا ياملاك لاتقولين كذا انتي لي وانا لك انتي ملاكي ومحد ماخذك مني ومالنا غير بعض
ملاك: مو كل شي بكيفك ومو كل شي تبيه تحصل عليه وانا من الاشياءاللي تبيها بس ماراح تحصل عليها
انساني ياطلال انساااني لاني نسيتك وماعاد بقلبي لك مكان غير نقطه سوده هي كرهي لك
طلال ودموعه بدت تنزل من كلام ملاك:لا ياملاك لا تكفين قولي اي شي الا اني انساك مستحييييييل
انسى نفسي ولا انساك صدقيني
ملاك: خلاص ياطلال الكلام الحين ماينفع انت بعد اسبوع مسافر الله يوفقك مع غيري
وسكرت
طلال متسند على نخله ومنزل راسه ومعطي المجال لدموعه تنزل بهدوء
طلال اللي عمره ماانهز ولا نزلت دمعته على اصعب المواقف عمره مابكى
اليوم بنت تبكيه قهر وألم على اللي ضيعه بلعبه وغباءه
تركي: طلال
طلال..........
تركي:طلال
طلال:............
هشام:شفيه؟
تركي مدري حتى مو راضي يرفع راسه
هشام:طلال شفيك؟
طلال:.........
قربوا تركي وهشام من طلال اكثر ورفعوا راسه
تركي مصدوم من الدموع اللي يشوفها:طلال شفيك؟
هشام:معقول طلال الـ..... يبكي؟
طلال وصوته مبحوح:قالت انساني قالت انا مولك روح واتركني
وش لون انساها وهي في قلبي هي داخل الروح
تركي وهشام مصدومين معقول ملاك اللي تحب طلال تقول كذا
طلال وزادت بحة صوته:انسى نفسي ولا انساك ياملاك انا مثل الورده بالصحرا بدونك
اآآآآآهـ ياملاك اآآآآآهـ ماعرفت قدرك الا متأخر
هشام وتركي اكتفوا بالسكوت من اللي يسمعونه وهم متحسرين على حال طلال
وش لون كان مخطط على سفره معها وشلون كان راسم حياته وياها
ملاك وحالها مو احسن من حاال حبيبها اللي تركته
ريما:تكفين ياملاك لاتعذبيني وانااشوف دموعك
ملاك من بين دموعها: خلاص حبي ضاع
ريما:موهذا اللي تبينه؟
ملاك:الا بس انا ابكي على قلبي اللي ضيعته معاه
ريما:الله كريم ياملاك الله كريم
بعد يومين
هشام جالس بالحديقه مع تركي
وشوي دخلوا البنات السور
البنات:السلااااااام عليكم
العيال:وعلييييييكم السلام
تركي:وييين كنتوا؟
ملاك:كان عندنا معرض مسويته لمى وبكرا بنفتتحه
هشام:حركااااات لموو وش معرضه بعد
لمى:انا من هوات الرسم والتصوير وعندي لوح وصور كثيره من ابداعي طبعا" فقلت ليييه مااسوي معرض
هشام:اهااا الله يوفقك
لمى:امييييين
تركي:لمى واحنا مانحظر
لمى:للأسف المعرض نسائي
فالليل رغد جالسه بغرفتها لحالها الا يرن جوالها
رغد:الوو
هشام:رغد
رغد بلهفه:هشااام
هشام:رغد انتي بالسور ولا برا؟
رغد:لا انا فالسور في فلتنا
هشام:تعالي تحت ابي اتكلم معك شوي
رغد:طيب بس وين؟
هشام:في حديقة جدتي الحين محد فيها
رغد:دقايق وانا عندك
نزلت رغد وهي مستغربه وش يبي هشام؟
رغد:هشام
هشام :رغد
رغد:هشام فيك شي؟خوفتني
هشام:اسمعي رغد انا بتكلم ولاتقاطعيني ولاتتكلمين لين اخلص
رغد:بجد بديت اخاف
هشام:رغد انتي غلطتي فحقي وتركتيني وانا اللي ماانام الليل من كثر ماافكر فيك عشت معك احلى قصة حب انام على صورتك بخيالي واجلس عليها
رغد تسمع ودموعها تنزل بهدوء وهي منزله راسها
هشام يكمل:تنازلت عن اشياء كثيره عشانك وضحيت بأشياء كثيره عيشتيني احلى حلم وعشته معك برضاي وسعادتي
بس للأسف صحيتيني منه بدري بصدمه كبيييره يوم قلتي لي انساني واذا تحبني ادعولي بالتوفيق مع بندر
انسحبت من حياتك ودعيت ربي يوفقك معه وفجأه هو يتركك ومالقيتي ملجئ غيري جيتيني وانا رديتك لانه هذا الطبيعي انتي جرحتي احساسي وكرامتي جرحتي قلبي وطعنتيني حطي نفسك في مكاني وتعرفين شعوري وتعذريني
رغد ودموعها على خدها:خلاااااااص ياهشام خلاص كفايه عذاب كلامك مثل السكين بقلبي
هشام ويتجاهل دموعها:انا قلت لاتتكلمين لييين اخلص وانا ماخلصت
ويكمل:رغد انا ماابيك تحطين بخاطرك علي انتي عفتيني وجرحتيني وانا رديتك يوم جيتيني وانتهى الموضوع
كرامتي وعقلي مايسمحون اكمل معك او اتقبلك ثاني مره واتخيلك كزوجه مثل اول بس وربي يارغد قلبي يحكم علي غير كذا
رغد حاولت انساك واتجاهلك بس للأسف مااااقدرت احبك يارغد احبك احبببببببببك وحياتي من دونك عذاب لومهما سويتي تبقي حبيبتي اللي مااقدر اكمل حياتي بدونها رغد انتي للحين تحبيني للحين تبيني تبين هشام تبين تكملين حياتك معي رغد تكفين اذا تبيني لاتتركيني ثاني مره قلبي ماعاد يقوى فراقك صدقيني
رغد وهي تضم هشام ومنهاره بكي:احببببك ياهشام واللي خلقني احبك ولالي غنى عنك ولاحياه من دونك اوعدك ياهشام مااتركك لومهما صار اوعدك مايفرقنا غير الموت وعد مني ياهشام وعد
هشام بعد ماتكلم مع رغد أرتاح وحس الدنيا رجعت تضحك له وسيييييده لتركي
تركي كالعاده وقت الفراغ يابالديوانيه او الشقه حقتهم
هشام داخل الشقه ومافيها غير تركي
هشام:تركي
تركي:هلا هشام
هشام:تركي ابي اعتذر لك على كلامي معك وتوتري ذاك اليوم بس انا فكرت بكلامك ولقيت الحل
تركي وهو مستانس:اولا" مافي داعي للأعتذار لأنك ماغلطت وردة فعلك طبيعيه واشكرك انك عطيت كلامي اهتمام وفكرت فيه ثاني شي قول وش اللي قررت تسويه؟
هشام:انا سويت خلاص وكلمت رغد وتفاهمنا وطلعت كل اللي بخاطري وبخطبها ياتركي بخطبها ياخوي
تركي ومتشقق من الوناسه:الله يوفقك ويهنيك يارب ويسعدك
هشام:ااااامييييين وانت بعد
تركي:امييييين يوفقني مع ريووومه حياتي
اليوم الثاني بمجلس ام زياد
ام محمد:والله ياأم زياد يشرفني نسبك وانا جايه اخطب محمد لملاك
ام زياد:والله انتي تشرفين ياأم محمد ومحمد رجال والنعم منه بس تعرفين لازم اخذ شور البنت وابوها
ام محمد:أسأليها بس لاتطولين علينا الولد مستعجل ومو مصدق متى يشوفها من كثر ماكلمته عنها
ام زياد:ابشري يام محمد عطيني كم يوم وارد عليك
طلعت ام محمد وراحت ام زياد لزوجها
بوزياد:ها يامها جايه تخطب ملاك؟
ام زياد:اييه ياعبدالعزيز بس وش دراك؟
بو زياد:بومحمد كلمني
ام زياد:وانت شرايك؟
بو زياد:والله الولد والنعم منه سمعته زينه وابوه رجال طيب وولد حلال
ام زياد:اجل اخذ راي ملاك
ملاك داخله:اسمع اسمي وش تقولون عني؟.
ام زياد:تعالي يمه جمبي بقولك شي
ملاك وهي تجلس جمب امها:خير ماما
ام زيادكام محمد كانت عندنا قبل وشي وجايه تخطبك لولدها محمد
ملاك:ام محمد اللي بنتها عاليه
ام زياد:ايييه
ملاك:بس انا اكره عاليه
ام زياد:ووش دخل عاليه هي اللي خاطبتك ولا اخوها
ملاك:وانتي وبابا وش رايكم؟
ام زياد:ابوك يمدح الولد ويقول انه زين بس الراي الاول والاخير لك ياماما
ملاك:عطوني مهله افكر
ام زياد:بس لاتطولين
راحت ملاك غرفتها وقفلت الباب ورمت نفسها عالسرير وقامت تبكي
ملاك في نفسها:شلوون اوافق عليه وانا لسه احب طلال شلووون
كلا مني لييييه رفضته يوم خطبني ليييه بس لاااا لا يمكن هو جرحني وانا كبريائي مايسمحلي اخذك ياطلال
والله لأوافق على محمد دامه زين واقهرك مثل ماقهرتني ياطلال
بعد يومين ملاك وافقت وبيملكون بعد شهر
طلال وهو يوقف:انت شتقول وافقت تتزوج محمد
تركي وهو يجلس طلال:اهدا ياطلال خلاص البنت وافقت واخذها غيرك انساها عاد
طلال وهو يصرخ:انت غبي انا مااقدر انساها هذي شفيها انجنت تتزوج واحد وهي تحبني
هشام:طلال قلنا اهدا وبعدين لوهي تحبك ماوافقت على غيرك
طلال:انا لازم امنعها
تركي:شتمنعها هذي حياتها وهي حره فيها خلاص الله يوفقها
طلال:بس انا توقعت انها بتزعل فتره وبعدين بترضى حتى لو طال وقت زعلها فالنهايه هي لي بس اصدمتني
هذا اللي مااتوقعه ولا توقعته ولا حطيت له حساب
هشام:خلاص انت بكرا مسافر وعلى ماترجع السعوديه تكون نسيتها
طلال:لايمكن ارجع لمكان اشوف فيه ملاك مع غيري
تركي:لاحول ولا قوة الا بالله

البارت الثاني عشر


اليوم طلال بيسافر وقرر مايرجع لمكان ممكن يشوف فيه ملاك مع غيره
تركي وهشام وطلال بالسياره
تركي:غير رايك ياطلال وارجع لا خلصت شغل
هشام:طلال ترى الحياه ماتتوقف عند انسان اسألني انا
طلال:خلاص انا حياتي توقفت عند ملاك بكمل الباقي من عمري بلا مشاعر من دونها
تركي:لاياطلال انا عمري ماشفتك متحطم كذا
هشام يكمل على كلام تركي:هذي فتره وتعدي والرجال ماتأثر عليه بنت
طلال:لاتزيدون علي قراري ماني بمتراجع عنه الله يوفقها مع غيري دام هذا اللي تبيه ومكناها بالقلب محد ياخذه
هشام وتركي اكتفوا بالسكوت لانهم عارفين ان طلال عنييد ومايرد بكلامه وعارفين وش قد ملاك ماثره عليه
طلال:يلا شباب وصلنا امنتكم الله
وسلموا على بعض وراحوا
من بعيد تركي:طلال لا وصلت طمنا
طلال: ابشر
بعد اربع ساعات
البنات متجمعين ويطالعون فيلم على mbc2
شوي الا يرن التلفون
رغد:ملاك قومي ردي
ملاك: ماني بقايمه ريما تروح ترد
ريما:لا والله وليه مو لمى
شوق:يعني شلون انا الكبيره اللي اقوم
لينا:يمديه سكت وانتوا ماقمتوا
ملاك:يووووه خلاص بروح اشوف من الغثيث اللي يدق هالوقت
هبه:تبين اقوم انا ارد
ملاك:شدعوه ارتاحي توك جديده اصبري شهر واحد وبعدين نكرفك
هبه:هههههه يقطع شرك
ملاك:ااالوو
ضي صديقة ملاك:ملاك
ملاك: ضيوو ورى داقه هالوقت انا اتابع فيلم مو فاضيه لك
ضي:ملاك حطي على وحده من محطات الاخبار واقري خبر عاااجل
ملاك:اقولك اتابع فيلم تقولين حطي محطة اخبار
ضي :ملاك مو وقتك حطي بسرررعه
ملاك وحست ان الموضوع جد:طيب طيب يلا باااي
رغد: مين ؟
ملاك:ضي تقول حطوا على وحده من محطات الاخبار وشوفوا خبر عااجل
شوق:عساه خير
ملاك:والله صوت ضي مايطمن
حطوا البنات على وحده من المحطات
وسمعوا اللي صدمهم
(خبر عاجل:اعلن مصدر مسؤؤل عن وقوع الطائره رقم....المتجهه الى بريطانيا عصر اليوم وقد افاد ذلك المصدر انه لم يتم نجاة اي شخص من الركاب................)
وطفوا البنات التلفزيون وهم يبكون
رغد وهي تبكي:يعني الطياره اللي فيها طلال
لينا من بين دموعها:خلونا نتاكد بدق على تركي بالشركه اسألهم
والكل يبكي وحالته حاله الا ملاك اللي مانزلت منها ولا دمعه يمكن لان عندها امل تكون مو نفس الطياره
فالشركه
حسام صديق تركي وموضف معهم بالشركه:هههههه ياتركي الله يقطع ابليسك عليك حركات
مشاري صديقهم بعد ويشتغل معهم: لا وفاتك انت ماشفت شي
الا يرن التلفون
تركي:اسكتوا اتصال خارجي مو من داخل الشركه من البيت الله يستر مو بالعاده يدقون
مشاري:رد يمكن يبون شي
تركي:الله يستر
تركي:الوو
لينا وهي تبكي:تركي
تركي:لينا شصاير وليه تبكين امي وابوي فيهم شي
لينا:لا
تركي:لينا بنجن شفيك اجل
لينا ومو قادره تتكلم من الصياح
اخذت ريما السماعه لانها تقريبا" متماسكه اكثر وحده بعد ملاك
ريما:الو تركي
تركي:ريما شفيكم شصاير؟
ريما:تركي ابي كل المعلومات عن الطياره اللي سافر فيها طلال وكم الساعه بالضبط راح؟
تركي والخوف بقلبه:لييييه؟
ريما قالت له السالفه وتركي مو قادر يمسك السماعه من الكلام اللي يسمعه
وطاحت السماعه من يده
حسام: تركي شصاير؟
تركي اكتفى بدمعه بللت خده على صديق عمره وولد خاله طلال

وراح تركي وقال لخواله بمكاتبهم ودقوا على العيال ببريطانيا وجاوا والكل درا بالخبر
خبر وفاة طلال طلال اللي راح وهو هموم الدنيا على راسه من ملاك طلال اللي ضيع حبه وقلبه من يديه
طلال اللي عاااف الدنيا والمكان اللي يتخيل انه ممكن يشوف حبيبته بيد غيره في يوم من الايام
راح وبقلبه حسرته على نفسه راح من بعد ماتحطم كل شي بناه راح وهو بدون قلب ولا احساس ولا روح راح وقلبه مع ملاك حبيبته وحياته
اليوم اخر يوم بالعزى والكل مستغرب سكوت ملاك ومانزلت منها ولا دمعه على ولد عمها وحبيبها وهي الى اليوم تحبه وتعشقه بس كابرت وتركته وداست على قلبها وماستفادت الى القهر على قلبها اللي مات في نظرها مع طلال
الكل ساكت ومكتفي بالدموع اللي تجري بهدوء

وفجاءه ماسمعوا الا صرخت ملاك:لااااااااااااااااااااااااااااااااا
واخيرا" ملاك سمحت لدموعها تبكي حبها اللي راح
ملاك: قوموا قوموا كلكم كلكم كل وحده تروح بيتها طلال ما مات تفهمون مامااااااااااااااات طلال موجود
طلال يحبني وماراح يتركني لحالي
وبهدوء صدقوني هوقاااال
ورجعت تصرخ مره ثانيه:وربي يحبني واللي خلقني يحبني هو قال يحبني وماراح يتركني
امها وعماتها والبنات ماسكينها يهدونها وهي مافي فايده وكل مالها وتصرخ اكثر واكثر
ريما من بين دموعها:خلاص ياملاك خلاص هو مات اطلبيله الرحمه
ملاك:لاتقوليييين ماااااااات طلال ماراح طلال بيرجع بيرجع
ام ملاك:ملاك يمه هدي نفسك حرام عليك اللي تسوينه
كل الموجودين مو قادرين يتحملون الموقف الكل قام يبكي بأعلى صوته على ملاك ومنظرها
ملاك تصارخ:طلااااااااااااال طلااااال ارجع انا احبك
وربي اللي خلقني احبك طلال لاتروح انا من دونك ما اقدر اعيييش
طلاااااااال انت تسمعني صح طلال تعال انا خلاص ابيك وربي ابيك ومالي غيرك
طلال حبك بقلبي مامات حبك بقلبي كل يوم ينولد كل يوم
طلال تذكر يوم قلت لي اني ملاكك ومحد بياخذني منك يلا تعال ونفذ كلامك تعال اخذني معك لاتتركني تكفى اررررررررررجع
الجده وهي تبكي وتحظن ملاك:خلاااص يمه خلاص طلال راح وماعاد يرجع طلال انسيه انسيه يمه انسييييه
ملاك:لا ياجده مامات صدقيني انا احس فيه ياجده لو طلال مات كان انا مت معه لأن طلال هو روحي تتخيلين انسان من دون روح يعني ميت وانا موجوده قدامك مامت يعني طلال مامات
الجده:خلااااااص ياملاك لاتعذبيني لاتعذبيني اكثر
ملاك بصوت عالي:طلاااااال تعال قولهم ياروحي انك موجود تعااااال
ملاك بذلت مجهود من هالصراخ والبكي وبحكم انها ماكلت شي طول الثلاث ايااام العزا
طاحت حليهم ونقلوها المستشفى
فالمستشفى
ابوزياد:هايادكتور بنتي شفيها
زيااد: طمنا تكفى يادكتور

البارت الثالث عشر


الدكتور:والله ياخوي ماعرف شقولك بس البنت ناقصها فيتامينات وعندها فقر دم انتوا شلون ساكتين عنها كذا
وفوق هذا كله باين انها متعرضه لصدمه نفسيه كبيره
سببت لها انهيار عصبي حاد ومانامت الا بالمهدءات
ابو زياد: لاحول ولا قوة الا بالله
زياد: شصاير ياربي مابعد نطلع من سالفة طلال والحين ملاك ياربي احد داعي علينا
تركي: استغفر ربك يازياد شهالحكي
هشام:هذي كتبة رب العالمين
زياد: ونعم بالله
ريما اللي كانت معهم هي ولينا:طيب يادكتور مانقدر نشوفها
الدكتور:ماراح تستفيدون شي هي نايمه اللحين واحتمال ماتقوم الا بعد 8 ساعات
هشام: يلا ياخالي تعوذ من ابليس وهذي كتبة رب العالمين
تركي: تعال معنا نروح البيت وبكره الصباح نجي تكون تعدت 8 ساعات
ابو زياد: لا انا ماراح اترك بنتي
الدكتور: ماراح تستفيد من الجلسه هنا روح والصباح ارجع
ابو زياد:لا
زياد:تعوذ من الشيطان يبه وقوم
لينا:روح ياخالي وانا بقعد عندها واول ماتصحى اعلمك
هشام: حتى انتي شيقعدك كلنا بنمشي
ريما وماوقفت بكي:لااا انا روحه من هينا مافي لين اتطمن على ملاك
تركي:الحين احنا فخالي ولا فيكم؟
زياد:يلا خلاص كلنا بنمشي
ريما:قلت لا يعني لا
الدكتور ضايع بينهم:خلاص خلوا الانسات وانتوا تقدروا تروحوا
وراحوا كلهم وقعدوا ريما ولينا
فالبيت
ام ملاك:ياربي بنتي بروح اشوفها
ام رائد:ياام زياد تعوذي من ابليس الحين بيجون ويطمنونا
ام زياد:لوهي بخيير ورا مايردون علينا؟
هبه اللي حامل من شهر:ياخاله الحين بيجون ارتاحي بس
الا دخلوا ابوزياد والعيال
ام زياد:ها يا بوزياد وين بنتي؟
ابو زياد:هي تعبانه شوي وبيخلونها كم يوم عندهم
ام زياد والدموع بعيونها:لا والله ووراك مخليها وجاي؟
زياد: يمه ريما ولينا معها
ام زياد: موشغلي هذا الحين تودوني لبنتي
زياد:يمه ملاك نايمه الحين ومابتصحى الا بعد 8 ساعات يعني بكرا
ام زياد:طييييب
زياد:اوعدك يمه اول ماتصحى اوديك عندها
فالمستشفى في قسم انتظار النساء
ريما وهي مسنده راسها عالجدار:آآآآآآهـ من هالدنيا غريبه تاخذ ولا تعطي ابد
لينا:هذي كتبة رب العالمين
ريما: ونعم بالله بس طلال وملاك بنفس الاسبوع
لينا:مسكينه ملاك ماتوقعتها لهدرجه تحب طلال
ريما:اللي يشوفها معه ذاك الاسبوع مايقول هذي ملاك اللي اليوم طايحه عشانه
لينا:مساكين تعذبوا كثير عشان بعض وبالاخير هذي حالتهم

شوي الا تجي وحده
الحرمه:وراكن يابنات جالساتن في ذا صار لكن مده وحالتكن ماتسر الخاطر
البنات كانوا مضغوطين نفسيا" ويبون احد يسمعهم
وقالوا للحرمه عن كل شي
الحرمه: لاحول ولاقوة الا بالله هذا يومه يابنات اطلبوله الرحمه وبنت عمه يمكن انها كانت تريده
وهذا اللي تعبها
ريما في نفسها:والله كنك تدرين انهم يحبون بعض
طبعا" البنات ماقالوا للحرمه عن حبهم بس قالوا لها انه مات وان ملاك منومه هنا

مر شهر والعايله مااستقر وضعها تركي وهشام عاشوا كأبة الوضع بدون طلال عافوا الطلعات وكل شي كل مكان يذكرهم بطلال
صحيح انه كان بيروح ويخليهم بس فكرة انه موجود ويكلمونه باي وقت ويسافرون له بأي وقت غير لما يكون مو موجود بالحياه من اصل
العمات وابو رائد وام رائد وعمانه وام زياد وام معتز والبنات والعيال كلهم كل يوم


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -