بداية

رواية شرع ربي ولا اعتراض -12

رواية شرع ربي ولا اعتراض - غرام

رواية شرع ربي ولا اعتراض -12

عبدالعزيز/جربت تحب يامحمد؟
محمد ابتسم/يعني الحب اللي شاغلك؟؟؟؟لاماجربته بس اسمع يقولون يعذب ويتعب واللحين صدقتهم؟
عبدالعزيز بحسرة/بالعكس الحب مثل العسل يطيب لك جروحك....المشكلة مو فيه هو فينا احنا البشر؟
محمد/كيف يعني؟؟؟
عبدالعزيز/...........
محمد/تقصد انها تركتك بعد ماتعلقت فيها؟
عبدالعزيز/لا هي ماتركتني...ولاراح تتركني بعد...
محمد/وين المشكلة اجل اذا انت تحبها وهي تحبك وماراح تتركون بعض؟
عبدالعزيز/المشكلة ياخوك ان احنا ماراح نكون لبعض؟
محمد/ليش؟؟؟؟؟
عبدالعزيز تنهد/انا وضعي المادي على قدي...وللفقر ميال اكثر من الغنى وهي بنت ناس وبنت عز وشايفة الدنيا واهلها ماراح يعطوني اياها ابدا ياخوك؟
محمد/................طيب ليش حبيتوا بعض يوم انكم ماتناسبون بعض؟
عبدالعزيز/الحب ماهو بيدنا ياخوك يامحمد ...يجي غصبا علينا؟؟؟
محمد/طيب حبيتوا بعض وانتوا مو قاصدين ليش ماتركتوا بعد ماكل واحد عرف ظروف الثاني وحس انه ماراح يكون من نصيبه!!!!
عبدالعزيز بالم/حاولنا نبتعد اكثر من مرة بس ماقوينا!!!!انا تعبان ودي ارتاح من ها العذاب...حب لبنى يكبر بداخلي كل لحظة والثانية وكل مااجي اقولب الفكرة واذكر ان اهلها بيرفضوني ارتعب مووت؟؟؟
في ديوانية سالم...
سالم/وين سرحان؟
فهد رفع راسه/متى جيت؟
سالم/ قبل شوي..
فهد تنهد وباعد سيجارته من فمه/.......
سالم/عسى ماشر يافهد وش فيك منت على بعضك؟
فهد بضيق وعصبية/وحدة غبية شفتها اليوم....
سالم باهتمام/وش قالت لك؟
فهد/مو قضية الشي اللي قالته...القضية باسلوبها المتعجرف وطريقة حكيها وكانها ملكة؟؟؟؟وهي بالواقع حشرة؟؟؟؟
سالم/فهد...انت وين شايفها؟
فهد/بالمزرعة...
سالم بذهول/وين؟؟؟؟وش جايبها عندك المزرعة؟؟؟اثاري عندك سوالف من وراي وانا مدري؟؟؟؟
في السيارة كان محمد يسوق وجنبه مصعب وورى مصعب فوزية وجنبها هاجر وجنبها نجود وورى محمد منال...
طبعا الجو بشكل عام كان هادى مصعب الوحيد اللي ساكت ومحمد عيونه بالطول وبالعض في اللي ورى ويطالع فيهم اكثر من الشارع ومافي غير سوالف البنات من هنا ومن هنا....
منال/بتكملين معنا ولالا؟
نجود/بكمل ها الشهر معكم علشان اتصافى مع بو عبداللله ...وبعدين بخلي السايق يوديني؟
فوزية/جايبة لك سايق؟
نجود/أي البارحة وصل....
هاجر/وين حاطته ..
نجود بسخرية/معي بغرفة؟؟يعني وين بحطه؟؟
علطول محمد لف لها وصاروا عيونهم في بعض...
منال انتبهت عليه وغيرت السالفة/يعني بنفتقد تاْخيرك كل صبح علينا..
فوزية/ها نجود شكلك بتنفضحين؟
نجود بثقة/كلها بكلها خمس دقايق ها اللي نتاْخرها وش فيها....لزوميات الاناقة والكشخة...
محمد/اقول منال...معكم احلام ولانوال؟انا سامع ها الصوت قبل؟
منال/قول محمد لاتركز بالصوت لاتسوي فينا حادث؟
دق جوال هاجر وردت عليه ودق جوال فوزية بعد ودقت عليه وظلوا منال ونجود ساكتين وعيون محمد تناظر بنجود مباشرة وهي تناظره بعد....
فوزية خلصت مكالمتها بسرعة..
منال/اكيد عمتي..
فوزية/لاوالله جويزي..ظلمتي امي...
منال/ههههه
نجود/الا صدق بنات وين المطاعم الحلوة عندكم....
فوزية/نجود كانت مسجونة وماصدقت على الله يجيها فك الحصار كل الاماكن بالرياض تبي تروحها اللحين؟
نجود/ههههههه وانا ليش بالله جايبة لي سايق؟؟علشان اقعد بالشقة طول اليوم؟
دق جوالها وكانت جواهر بعد المتصلة....
ناظرت بسرعة في منال..
منال/هي...
نجود/أي...
ودقتها بيزي ودخلت جوالها الشنطة...
منال/قلت لك اضغطي على نفسك واسمعيها وش بتقول ومو لازم تصدقينها اهم شي تسمعينها يابنت الناس؟
نجود بضيق/مو قادرة اسمعها ابدا!!!
فهد بضيق/سالم وش ها الحكي عاد؟؟؟؟
سالم/تقول شايفها بمزرعتك؟وش جايبها مزرعتك بالله؟؟؟؟
فهد/جاية مع منال بنت اخوي......يعني بنت من اللي يدرسون مع منال؟
سالم/اها....طيب وش قالت لك علشان تنرفزك؟
فهد/...(ذكر له الموقف بالتفصيل)
سالم/طيب مافيها شي..انت اللي بديتي معها؟
فهد/أي بس هي فعلا كانت حاطة لها غرشة عطر انا ماتبليت عليها!!!!
سالم/طيب وين المشكلة...وحدة وشفتها وانتهى الموضوع...بتقعد تركز على وحدة ماشفتها غير مرة وحدة بحياتك وماراح تشوفها بعدها؟؟؟؟
فهد نزل راسه/بس هاذي مو اول مرة اشوفها ياسالم؟؟؟هاذي ثالث مرة اشوفها؟؟؟
سالم/ثالث مرة؟؟؟؟
فهد/يعني كنت اشوفها وجه لوجه بس..مرة يوم تجي تتعشى في البيت..وشفتها اليوم اللي بعده علطول في بندة يوم اروح مع لمى وعربتها صدمت بعربتي.....بس اليوم سمعت صوتها وشفت اسلوبها بالحكي.......
رجعت لقوقعتها وقفلت الباب بعد ماشالت عبايتها وبدلت ثيابها ولبست بيجامة وغسلت وراحت قعدت على سريرها....وغمضت عيونها..
صارت تتذكر ملامح وجهه وقسوته اللي باينة بعيونه......هيبته..طوله...صوته القاسي...ماتدري ليش كل ملامح وجهه فيها قسوة وغلظة مع انه اللي يركز بعيونه يشوف فيها الحنان مو القسوة؟؟؟
فهد...ابو سارة ولمى وفيصل...لمى البنت النعومة اللي شفتها..وفيصل خفيف الدم...بس سارة مابعد التقيت فيها....
اووووووووف يانجود...وش له تفكرين بها الفهد اللي مايستاهل!!!!
شيليه من بالك ونامي وراك بكرة دوام....ها الفهد علة لا ويقولون لي هادى...وينه ووين الهدوء!!!!!
مسكت جوالها وصارت تقلب بالمسارات والمقاطع اللي عندها لين استقرت يدها على اغنية وضغطت عليها ..وطفت الانوار وفتحت شعرها وصارت تلعب فيه وهي تردد الاغنية مع الجوال....
(صدفة ومن بين كل الناس علقني...
من يوم شفته وعيني جت في عينه..
حسيت بشي بعيونه حيل يجذبني..
ولمى ابتسم بانت بوجهي تلاوينه....
احم احم احم..البارت خلص ..ابي اشوف تعليقكم عليه...
وش تتوقعون يصير بالبارت الجاي من احداث...
وجواهر هل بتكون ضحية بندر وبيتناسى وعوده؟؟؟
نجود وزعلها اللي فتح لها ابواب صداقات جديدة الى اي مدى بتاْثر فيها؟؟
هنوف وناصر ومتى بيعرف عن حبها ولا ماراح يعرف اصلا!!!
يالله ابي اشوف حماسكم وتعليقكم ...
يابعد قلبي كلكم..
تسلمون على تفاعلكم الروعة والعسل مثلكم ,,,,,,,,,,,,,,,,,,,

البارت العاشر

رجعت لقوقعتها وقفلت الباب بعد ماشالت عبايتها وبدلت ثيابها ولبست بيجامة وغسلت وراحت قعدت على سريرها....وغمضت عيونها..
صارت تتذكر ملامح وجهه وقسوته اللي باينة بعيونه......هيبته..طوله...صوته القاسي...ماتدري ليش كل ملامح وجهه فيها قسوة وغلظة مع انه اللي يركز بعيونه يشوف فيها الحنان مو القسوة؟؟؟
فهد...ابو سارة ولمى وفيصل...لمى البنت النعومة اللي شفتها..وفيصل خفيف الدم...بس سارة مابعد التقيت فيها....
اووووووووف يانجود...وش له تفكرين بها الفهد اللي مايستاهل!!!!
شيليه من بالك ونامي وراك بكرة دوام....ها الفهد علة لا ويقولون لي هادى...وينه ووين الهدوء!!!!!
مسكت جوالها وصارت تقلب بالمسارات والمقاطع اللي عندها لين استقرت يدها على اغنية وضغطت عليها ..وطفت الانوار وفتحت شعرها وصارت تلعب فيه وهي تردد الاغنية مع الجوال....
(صدفة ومن بين كل الناس علقني...
من يوم شفته وعيني جت في عينه..
حسيت بشي بعيونه حيل يجذبني..
ولمى ابتسم بانت بوجهي تلاوينه....
غمضت عيونها بقوة بعد ها الكلمة وهي تتخيل شكل فهد وهو يبتسم لها ياترى كيف بيكون وهو يبتسم.....اكيد انه بيكون مميز لان ابتسامته نادرة......
اليوم الثاني كان روتين متكرر لكل الابطال ..اللي بمدرسته واللي بوظيفته واللي بعمله...
فيصل/ماما...
نجلاء/نعم ياماما..
فيصل/ابي اروح البقالة.
نجلاء/بعدين...اللحين مافي احد يوديك ..
فيصل/وابوي ليش حاط لنا سايق اذا بتقولون لي بعدين.....
نجلاء/ياماما يافيصل مايصير تروح مع السايق بروحك للبقالة ابوك مايرضى؟
فيصل/لاتقولين له اني رحت معه بروحي؟
نجلاء/ياسلاااام تبيني اكذب يعني!!!
فيصل/لا ماراح تكذبين..هو مابيدري اني رحت وانتي لاتجيبين سيرة بالموضوع.....
نجلاء/اقول فصيل انت كم عمرك؟؟
فيصل/العقل مو بالعمر ياماما؟؟؟
نجلاء/أي والله العمر مو بالعقل......
فيصل/ها اقول للسايق يوصلني البقالة؟
نجلاء/لا ياماما...
فيصل فتح اذاعته بالبكي وصار يضرب راسه بالارض.....كنوع من الاحتجاج والاعتراض...
نجلاء بهدوء/حبيبي لاتاْذي نفسك..
فيصل ببكي/ابي اروح البقالة اللحين....
نجلاء/قوم وامري لله.....بس ياويلك البقالة وبس سامعني؟
فيصل/طيب.....
مسكت التلفون ودقت على السايق/توديه البقالة اللي هنا قريبة وترده بسرعة طيب ماتتاْخر؟؟
فيصل/يالله باقي الفلوس ياماماتي الحلوة....
نجلاء قامت وعطته خمسين ريال/ياويلك يافصيل ان تاْخرت سامعني؟
فيصل اخذ الفلوس وطيران على السيارة...
بغرفة المعلمات....
كانت نجود قاعدة وهي شبه سرحانة...ممل ها الجو بها الغرفة تكرهه حييل ..منال عندها حصة وهاجر بعد وحتى نوير اللي صارت تاخذ وتعطي معها عندها حصة ومافي غير ها العجايز يحشون ببعض ومها اللي مو طايقتها وانقلبت عليها من ثاني يوم....
ابلة نجود....
رفعت راسها وكانت ملاك واقفة قبالها..
نجود بقوة/خير في شي...
ملاك ببرأة/ابلة ممكن اتكلم معك شوي...
نجود /نعم...
ملاك/لا مو هنا...
نجود ناظرت بالدفاتر اللي على طاولتها وفتحت واحد فيهم.../ماعندك حصة ياملاك؟؟ليش طالعة من درسك؟؟
ملاك/مو شي مهم اللي قاعدين ندرسه لاتشغلين بالك؟
نجود باحتقار/لا...توني ادري ان في مواد مهمة وفي مواد مالها أي اهمية ؟؟؟
ملاك/شوي بس ماراح اضيع وقتك كثير....
نجود/طيب طلعي وبلحقك..
ملاك/شكرا...
طلعت ملاك والباقيين يناظرون بنجود ....
نجود بقوة/خير في شي؟
مها بنفس القوة/وش عندها ملاك.....
نجود وقفت/غلطان اللي سماها ملاك كان المفروض يسميها هلاك!!!!
قالتها وطلعت وعيون مها بتطلع من كثر ماهي فاتحتها ......
بالمدرسة الثانوية الرابعة بالدمام كان الوضع مختلف تماما....
جواهر كانت بقمة الزعل بها الاسبوع ومالها خلق شي ابدا..
طول الوقت طالعة وتمشي وحصصها قالبتهم فراغ من كثر الضيق...
سارة(طالبة معجبة)/ابلة جواهر..
جواهر بحزن/نعم..
سارة/وش فيك...جعل اللي مضايقك يضايقني!!!
جواهر/روحي فصلك ياسارة ...
سارة اشرت بيدها/هذا هو الفصل وانتي علينا...بس ليش قاعدة برى الفصل ومتضايقة...منو مزعلك؟
جواهر/سارة...روحي مدام النفس عليك راضية لاتخليني اطلع كل همي فيك يابنتي!!!
سارة/الله..ياليتني صدق بنتك وعايشة معك بنفس البيت كان وناسة!!!
جواهر بقوة/سارة خلاص روحي الفصل؟؟؟
سارة جمدت مكانها وراحت الفصل وهي دموعها سابقتها...
اما جواهر كانت تتنهد من الهم اللي فيها....شفيك يابندر مطنشني...مو كفاية هم وزعل نجود تقوم انت تكمل علي بعد!!!هاذي وعودك لي ان احنا لازم نكون مع بعض بكل وقت وبكل ضيق وهم وفرح وسعادة!!!!
انا افتقدك بقوة......صار لك يومين ماتكلمني ولاتدري عن احوالي..عسى بس مو صاير لك شي يالغالي......
وبدى فكرها يشغلها من جديد من خوفها انه يكون بندر صاير له شي بجدة ومتضرر...ياربي سترك يارب...
يارب احميه واحفظه وابعد عنه كل شر واذية..ورده لنا سالم غانم يارب,,,,
يارب هد سرنجود علي وخلها تسمعني وبعدها تقرر اللي تبي تسويه بس تعطيني فرصة اعتذر منها وابين لها موقفي........
سالم/وينك انت...
فهد/راد البيت بغيت شي.....
سالم/عسى ماشر راد بدري؟
فهد/والله حسيت اني تعبان مانمت البارح زين وقلت ارد البيت ارتاح شوي......والمكتب للعصر ماراح يطير.....
سالم/وش اللي شاغلك ها البنت!!!ماهقيت ان فهد الثقيل تشغله بنت كذا!!!!
فهد بضيق/سالم انت من صدقك عاد!!!!بشغل نفسي بها التافهة؟؟؟؟؟
سالم/هههههه وش فيك انت بس قلت الطف لك الجو المكتم...اذا قعدت من النوم دق لي طيب...
فهد/يالله.....
سكر من سالم وتنهد بقوة..كلام سالم حرق له دمه زيادة..هو فعلا كان يفكر فيها وكانت شاغلة افكاره بس ليش مو قاوي يقول لسالم اعز انسان عنده انه قاعد يفكر في بنت مدت له لسان وش طوله من شافته!!!!!!!!
ناصر/الو....
هنوف بصوت ضعيف/نويصر شلونك...
ناصر/الو..منو معي!!!
هنوف/ووجع يانويصر ماتسمعني!!!!!
ناصر/منو..
هنوف/انا ..انا هنوف...
ناصر/هنيف؟؟من وين تكلمين؟؟
هنوف/من المدرسة...
ناصر/من وين؟؟؟
هنوف/وش فيك هربانين من الحصة وحابسين نفسنا بالحمام انا وصديقتي وزين انها جايبة معها جوالها نتسلى؟
ناصر/ههههههههههه صدق مجنونة..
هنوف/من عقلاتك انت؟؟؟؟
ناصر/وش له قاعدة هنا ياحظي!!!!
هنوف/انا مليت من الدراسة ومفكرة اطلع من المدرسة؟
ناصر/بلا تهور يابنت العم....عقلي ها..توك باول ثانوي...باقي لكم سنتين وبعدها قرري تكملين لو توقفين؟
هنوف/اوووف حرام كل يوم يعذبونه ويقعدونه بدري من صبح الله!!!
ناصر/ههههه بس هذا اللي مضيق خلقك القعدة بدري؟
هنوف/ماراح تحس بشعوري...
ناصر/طبعا مابحس فيه لاني كنت طالب مجتهد احب دروسي ومدرستي لين تخرجت وربي وفقني...
هنوف/على مين ها الككذب بالسنة لك اربع الى خمس مرات فصل لو مايروح عمي مسكين ومن هنا ومن هنا ويردونك؟؟؟اسكت بس ترى كل فضايحك عارفتها!!!
ناصر/افا ..يعني مايمديني اخذ راحتي!!
هنوف/هههه لاطبعا...
ناصر/تبين كبدة....
هنوف/عساك ماتربح وين طالع من دوامك ورايح تاْكل كبدة؟
ناصر/مسكين انا..عندي شغلة ببلدية القطيف وجاي اخلصها...عاد واحد من الربع يقولي في مطعم اسمه التنور يووون خوش كبدة قلت اجربها....
هنوف/وانت هذا اللي فيك مايهمك غير بطنك وبس!!!!
ناصر/ان شاءالله وش تبيني اشغل بالي فيه؟؟؟
هنوف/تعال خذني من المدرسة خلني اطلع معك؟؟
ناصر/لو يعطوني مليون ماطلعتك خلك متعذبة احسن؟؟
هنوف/شو ف النذالة وماتسوي؟
ناصر/ههههههههههههههه
نجود تسندت على الجدار وكتفت يدينها/خير وش بغيتي؟
ملاك بهدوء/وش نحمل معنا بكرة...نحو ولاادب؟
نجود بهدوء ونظراتها على نجود/هذا السؤال اللي شاغلك؟؟؟
ملاك بضحكة/انتي قلتي اذا طلعت وماقلت لكم وش تحملون تجيني وحدة تسالني؟
نجود/أي بس يافالحة باقي لي حصتين معكم الخامسة والسادسة ولاانتي ناسية؟
ملاك/لامو ناسية....
نجود بنفاذ صبر/طيب..ويعني؟
ملاك/ممكن اسالك وش اللي مضيق خلقك اليوم؟؟؟منتي على بعضك منو مزعلك؟
مها طلعت بها اللحظة....
نجود/مو من خصوصايتك ياملاك فلا تسالين لو سمحتي وخلي بيني وبينك خط لاتتجاوزينه؟؟؟
مها/ملاك منوعليكم اللحين؟
ملاك/ابلة نوير....اي...مو قصدي اتطفل بس حسيتك مو على بعضك...يعني اللي مزعلك من المدرسة..
نجود/.............
ملاك/طيب من الفصل؟
نجود/ملاك...
ملاك بترجي/بس ابي اعرف..
نجود/وليش تبين تعرفين؟
ملاك/علشان اشكره انه زعلك!!!!ماتدرين شقد تجننين وانتي زعلانة ...تطيرين العقل والله!!!!
نجلاء كانت تكلم بالتلفون....
وانفتح الباب حق الصالة...
نجلاء/ها فيصل رجعت؟
وقف قلبها يوم شافت فهد واقف قدامها واعتذرت بسرعة وانهت الاتصال...
فهد/وش فيك؟
نجلاء بارتباك/ها..ولاشي..
فهد/ليش وين رايح فيصل تسالينه اذا رجع؟
نجلاء/ها....فهد انت ليش راد بدري اليوم؟
فهد/حست بشوية تعب وقلت ارد اريح؟
نجلاء /وليش مااتصلت خبرتني؟
فهد بصرامة/ولازم اعطيك خبر اني برد بيتي اريح!!!!
نجلاء/لا مو كذا السالفة.......
فهد قعد على الكنبة وشال شماغه من عليه وفتح ازرار ثوبه.../وين فيصل؟
نجلاء/.................
فهد طلع له سيجارة وشغلها/وين فيصل؟
نجلاء/فيصل راح.....
فهد/في بيت عمه....
نجلاء/ها.....
اندق الباب بها اللحظة.....فهد/فتحيه يمكن انه مرة اخوي جايبته....
نجلاء راحت وهي مو قادرة تمشي وتدري لو فيصل تكلم بكلمة وحدة بيوديها في سالفة مع فهد...
فتحت الباب وكانت المفاجاْة...؟؟؟
هنوف/ها ماغيرت رايك وبتمرني؟الله يخليك ياعمي ناصر؟
ناصر/لاتحاولين...ماكو...ماراح امرك لوتموتين يالله اشوفك متعذبة تبيني اخلصك بيدي مو مجنون يابعد عمري....
هنوف/نويصر ممكن اسالك سؤال؟
ناصر/تفضلي...
هنوف/انت تحب؟؟؟عايش الحب..
ناصر/احم احم ليش تسالين؟
هنوف/مو اللي يشوف نذالتك مايقول انك تحب ولا بتدل طريق الحب بعد!!!!
ناصر/حرام عليك...انا ابو الحب..الحب مغرقني من فوقي لتحتي لو ماتدرين؟
هنوف بجدية/احلف!!!
ناصرمسوي روحه ثقل/لالالالا هذي خصوصيات شباب مالازم تعرفين عنها شي...يالله روحي فصلك لااتصل اللحين بمدرستكم واقولهم انك متخبية بالحمام انتي وصاحبتك ام كشة!!!!
مشت ملاك للفصل بعد ماقالت لها نجود تروح...
مها/نجود انتي وش بينك وبين بنت الفايز؟؟
نجود بلامبالاة/طالبة ومدرستها يعني وش بيربطنا ببعض غير الفصل؟؟
مها/لالالا انا اتكلم عن برى الفصل....ملاك صايرة منتظمة ومن داومتي للحين ماغابت ولايوم وهذا مو من عوايدها حتى امها متعجبة منهامن قبل تجي يوم كل اسبوع لو كل اسبوعين اللحين بتكمل ثلاثة اسابيع ماغابت ولايوم؟؟؟
نجود/طيب ليش ماتسالينها عن اسباب عدم غيابها بدل ماتساليني انا!!!!قلت لك انا مالي علاقة بالموضوع؟
مها/طيب لنشوف نهايتكم شنو.....
نجود مشت عنها وماكانها تسمعها...مو ناقصتها بعد وناقصة وجع راس كفاية الهمين اللي عندها!!!!
فتحت نجلاء الباب وكان السايق واقف.....
نجلاء بخوف وصوت واطي/وين فيصل؟
السايق/ماما هذا...
فهد/وش صاير؟؟؟؟
روحي انتي داخل من متى تكلمين السايق من على الباب؟؟؟وش عندك؟؟
السايق/بابا فهد...هذا فيصل يدخل بقالة بعدين انا يسمع صوت واحد يصدم سيارة حق انت انا يروح يشوف سيارة وش صار فيها ويسوي تفاهم بين هذا صديق بس مايرضى يوقف يمشي يقول انته في غلطان مو هو نفر...و..
فهد بقوة وقفت قلب السايق/وفيصل وينه؟؟؟؟
الاسيق بارتباك/انا بعدين روح داخل بقالة مايشوف فيصل في.....
فهد بصراخ زلزل البيت/فيصل وينه!!!!!!!!!!!!
السايق/انا مايشوف فيصل في بقالة؟؟
نجلاء شهقت شهقة عالية/يمه ولدي!!!!!
الجازي/فاعل مرفوع.....
نجود/وين فاعل مرفوع؟؟وين مروحة انتي!!!شوفي وش قبلها...
الجازي/.......
نجود/قبلها فعل مبني للمجهول ولاللمعلوم؟؟؟كم مرة بظل اعيد وازيد اذا قبلها فعل مبني للمجهول يصير اللي وراها نائب فاعل....اذا انتي يالجازي يالممتازة تغلطين وش اقول انا عن ملاك لو غلطت؟؟؟؟
ملاك رفعت راسها وهي متضايقة وتفشلت بس ابتسمت بوجه نجود اللي كانت تناظرها وتضحك
ملاك/صرت مضرب المثل بالفصل عشاني كسلانة!!!
ضحكت نجود وضحكوا البنات وراها...
نجود/قعدي يالجازي.....اذا انبى الفعل للمجهول يعرب مابعده نائب فاعل واذا انبنى للمعلوم يعرب مابعده للمجهول.....فهمتوا....
أي....
نجود/قومي ملاك جيبي لنا مثل للفعل المبني للمعلوم وفعل مبني للمجهول واعربي مابعدهما..علشان لاتصيرين مضرب مثل ....
ملاك بثقة/ماعندي أي مشكلة ...
نجود/اوه ه ه مشاءالله..تفضلي اجل اكتبيهم على السبورة واشرحي لنا وانتي تعربين.....
هيا/ممكن اسالك سؤال؟
جواهر بهدوء/خير...
هيا/وش عندك مع نجود؟
جواهر اكتفت بانها تنهدت ..
هيا/هي بصراحة قالت لي..
جواهر قاطعتها/انا اعرف نجود اكثر منك لو شيصير بها العالم ماتتكلم مع غيري..حتى لو كان عني انا!!!
هيا/تقصدين اني اكذب؟؟؟؟
جواهر/افهمي اللي تبين تفهميه؟؟
هيا قامت وهي مقهورة وتركت جواهر قاعدة بروحها....
تنهدت وكتبت مسج لنجود......اللي كانت بذيك اللحظة قاعدة على سريرها تفكر بفهد.....وصلها المسج وفتحته وتنهدت(الكون في غيبتك فاقد له انسان!!!!وانا في غيبتك فاقد الكون كله!!!!)هذا اللي ناقصني ياجواهر وجودك معي بها الظروف....ابي اقولك عن اللي بخاطري وعن شعوري اللي حاسته من صادفت ها الفهد!!!!جواهر يابعد عمري ليش سويتي فيني وفيك كذا بس!!!!
مسكت جوالها ودقت على السايق/جهز السيارة شوي وبنزل لك....
ام مشاري/اذكري الله بس ياام فيصل اللحين بيلاقونه؟؟
نجلاء كانت ذابحة نفسها من البكي خوف على فيصل واللي ممكن يكون صار له وخوف من فهد اللي للحين ماحط لسانه بلسانها؟؟؟
نجلاء /ياربي شسوي انا شسوي....ياربي احفظه وين ماكان وسخر له عيال الحلال وابعد عنه عيال الحرام.......
محمد/السلام...
فهد بعصبية/ها ماشفته؟؟
محمد/لا ياعمي ماشفته....سالت عنه راعي البقالة وقال لي نفس الكلام اللي قالك عنه انه شاف اليوم طفل صغير داخل بس طلع ومااشترى شي ومايدري اذا كان راح مع احد ولالا....
فهد/استغفر الله العظيم....
ابو مشاري/خلنا نكلم الشرطة ياخوك من اللحين احسن علشان يسوون شي؟
مشاري/كلمتهم ياخالي كلمتهم...
فهد رفع راسه/وش قالوا؟؟
مشاري/قالوا لازم تمر اربع وعشرين ساعة على غيابه وبعدين نبلغ...
منال بهمس/طيب كيف طلع انا ابي افهم؟؟
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -