بارت جديد

رواية لص في متاهات العشق -14



رواية لص في متاهات العشق -14

رواية لص في متاهات العشق -14

يوسف : اها ..بيتأخروا يعني

سمر: اييييييوة ..

يوسف سند راسه ع الجدار ..

سمر: نكمل مشروعنا اجل بما انه بنظل جالسين

يوسف: هههه وانتي وين مانروح تذكري المشروع ؟

سمر: نستثمر الوقت ..(ومدت لسانها له)

يوسف : لهدرجة تبي فراقي ؟!!

سمر سكتت ودارت وجها عنه: يمكن انت الي تبي هالشي..

يوسف : .....

سمر: المهم اسمع ...راح نلعب حجر ورق مقص

الحجر يرمز له مشكلة واجهتها في حياتك ..الورقة ذكرى ماراح تنساها او شخص ماراح تنساه..المقص..شي تبي تحذفه من حياتك

يوسف: العابك عجيبة..طيب

لما جوا بيبدوا..جت طفلة جنبهم: ابي العب معاكم

يوسف وسمر: هههههههههه ..اوكيه

سمر : حجر ورق مقص

يوسف اختار ورقة ..سمر مقص ..الطفلة مقص

يوسف عمل حاله زعلان..

سمر: قول شنو الذكرى الي ماراح تنساها؟(الي يفوز هو الي يتأمر ع ثاني..سمر اختارت الورقة يعني يوسف يعترف بذكرى وهكذا)

يوسف ابتسم..وقام يفكر...سمر تتضحك ع البنوتة..وتلعب معاها..جت امها ونادتها وراحت عنهم

يوسف قرب وجها لسمر : الذكرى الي ماراح انساها اني تعرفتك عليك

سمر أستغربت..ماتوقعت رده كـــــــــذا...يوسف تغير....

يوسف شاف نظرات سمر متوترة..وينتظر تعليقها..

Enchanting twins


في المنتـــــــــــــجع

رندة تعلم نور الشغل

ياسر وهو يكلم عماد و وسام: بكرة الحفل..مانبي أخطأ..

عماد: حاضر زعيم

دخل صالح ...وملامحه متغيرة ...وكنه خايف من شي..

ياسر رفع عينه عليه: هلا صالح..أخيرا شرفت ..

صالح يطلع في ياسر بنظرة شك: كان عندي شغل ضروي

ياسر: اظن مافي شغل اهم من المنتجع..وخصوصا ان بكرة الحفل

صالح: اســــــــــف

ياسر يطالع في صالح بنظرة قوية..: مرة ثانية مافي اسف..في عقاب

صالح: اوكيـــــــــه..

وكملوا التجهزيات..عماد يشتغل ع جهاز العرض..ويعرض لياسر..المقدمة حق الحفل..

والكل يعلق وينتقد..رندة قالت لياسر شنو مخططها لما راح تتكلم عن المشغل ومميزاته

صالح راح يوصي ع مدربين مختصين..وسام قال لياسر انه راح يقدم عروض خاصه في المقهى..

لما انتهوا من نقاشاتهم ..وشطبوا ع كل شي..وراجعوا كل التفاصيل..

وسام رمى حاله ع الكنبه..نور واقفه جنب حوض السمك..ومستانسة ع الوان السمك

جنبها رندة..: شرايك في الاسماك؟

نور: يهبلو ..وخاصه البرتقاليه

رندة ضحكت: هذه سمكة وسام

نور تغيرت ملامحها: اذا كذا غيرت رايي..

وسام عدل جلسته..: السودة تشبهك ..

نور طلعت بالحوض..: اوووو وانا اقول ليش حلوة

وسام: لانك عمية ههههههه

نور: او صح ..نسيت انك مصاب باعاقة سمعية

ياسر : يالله شباب..راح نسكر المنتجع بكيررر..لان ورانا شغل بكرة

رندة: اوكييييييه..اذا كذا يسور..نروح مطعم قبل لانرجع الفيلا..

ياسر: طيييييب..مثل ماتحبي

رندة نست نور..نور حست بلأحراج..كان ودها تذكر رندة انها معاها ..

لما جت رندة تلبس عبايتها..ذكرت نور

رندة:نور..نور

نور: هلا ..

رندة: راح اخلي السايق يوصلك ..تخافي لوحدك؟

نور بتوتر وانكار عجيب: اببببببببببببببداااااااااااااا اعتبره مثل اخوي ..

رندة : هههه ..غير هندي

نور ضحكت: ههههههه عادي كلنا اخو في الاسلام

رندة دقت ع سايق..قال لها انه في مشوار بعيد مع نسرين

رندة سكتت ..

نور: شو ؟؟ سافر الهند ؟

رندة: الله يرجك ههه لا بمشاور ضروري

نور حست بالورطة..رندة تطلع بعماد ..وصالح..و وسام

وسام رفع راسه: ليش تطالعينا رنودة..اكيد معجبة فيني

نور: لا وانت صاج..ناوية تخطبك هه

وسام: هيههي ضحكتيني مو قادر ..بموت من الظرافة

نور ماسكة حالها ..: هها ها ها ..الظرافه تنقط منك انت بعد

رندة : عماد ..

عماد رفع راسه لها : نعم ؟

رندة : توصل نور بيتهم؟

عماد يفكر ..ويطلع في نور ..نور تدعي انه مايوافق ..لو خالها يعرف يذبحها ..

وسام تدخل : طبعا لا..انا وعماد حبيب البي عندنا مشوار ..(وسام يكذب يبي يورط نور ..)

عماد فشل وسام : بس انا اليوم جيت ..بالطرام (دراجته النارية )

نور طلعت في وسام بنظرة قوييييييييييية

رندة طلعت في صالح ..اشر لها ان مايقدر

ياسر نزل : في مشكلة..؟

رندة قالت له..

ياسر: خلاص احنا نوصل نور ..واذا تبي تتعشى معانا مو مشكلة ..^_^

نور فرحت: والله ..؟ لا بس مو قوية اتعشى معاكم؟

رندة كانت تبي بس هي وياسر ..مافي احد ثاني انقهرررت

.ياسر قاطعها :لا عادي ..واطلبي الي تبي ع حسابي طبعا

وغمز الها

نورمستحيل ترفض هالطلب ..وخصوصا ان ياسر عازمها

Enchanting twins


طلع الكل من المنتجع

عماد واقف جنب دراجته ..جى وسام: ياربي ..مو قادر اتحمل نورو

عماد ضحك": ليش ..البنت كربوجة ..

مرت نور من جنبهم وبصوت رفيع: باي عماااااد ..بتوحشني

عماد : ههه وانتي اكثر ياحلوة

نور عملت حالها بتذوب ..وبصوت ناعم: يسلمو ..ههه

وركضت مع رندة..جلست وراى ..وقدام ياسر ورندة

ياسر: تبي تسمعي شي نور؟

نور: اممممممم ..ع ذوقك

رندة : ابي اسمع غنية لشاين ..

ياسر: هه وانتي كل شاين ..ماتسمعي لغيره

رندة : أحبه ..نور ماتلاحظي ان يشبه ياسر؟

نور: لا وييييين ..شاين احلى

ياسر طلع فيها بنظرة

نورضحكت ..

رندة: طبعا ياسر احلى


نور: ايه ..ِشاين اقرع ..شوفي ياسر ويش حلاته..قمر اسم الله عليه

ياسر: ههه لاتجاملي ..

نور: يوو ماعرف اجامل اني

رندة جالسه مكانها ساكته ..وهادئة ..ومزاجها منقلب ..

ياسر وهو يضحك ع نور سأل رندة :وش فيك ؟

رندة: همم ..و لاشي

Enchanting twins


نرجـــــــــــــــــع لسمـــــــــــــــر ويوســـــــــــــــــف

يوسف انتظر تعليق سمر..وكان يطلع في عينها ..سمر طلعت في يوسف مستغربة

طلعت يارا من غرفة الممرضة ..وحطت يدها ع لجدار بتعب ..

يوسف انتبه ليارا ..قام من مكانه بسرعه ..و وقف جنب يارا يساعدها ..

يارا اشرت له مايحتاج ..يوسف جلسها ع الكرسي ..يارا : مشكورين ماتقصروا ..

يوسف: العفو..يارا بسألك..وين خطيبك ياسر؟

يارا توترت "ها ..مشغول شوي..

ونزلت عينها عنهم .

.يوسف : ماظن في شغل اهم من صحة زوجته

يارا :.....

يوسف وهو يكلم سمر ..: انا لازم أكلم ياسر ..موحلوة ابد ..ماصار الهم مخطوبين كم يوم..وتارك خطيبته كذا

يارا: يوسف لاتكلمه..انا مو ناوية أكمل معاه ..

سمر +يوسف ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!

ظلوا متجمدين مكانهم ..أتفاجأو من كلام يارا ......طلعت منهم مليون علامة كويسشن

يارا وقفت..: وأرجوا ان تسكروا الموضوع..لان مابي افتحه

يوسف مجمد مكانه..سمر تفكر..(انا كنت اقول يارا تناسب ليوسف بس انخطبت والحين بتفك الخطوبة..يعني أقدر أكلمها مرة ثانية ..بعدين يوسف واضح انه مهتم ليارا ))

يوسف قطع حبل افكار سمر:يارا انا مابتدخل ..لكن اشوف ان قرارك متسرع

يارا بعصبية : مستحيل ..أنت ماتعرف كيف ياسر؟

يوسف: ياسر زميل معاي بالشركة..ماشوف منه الا كل خير

يارا تفاجأت ..زميل معاه..هذا كم شغله يشتغل ..اي خير يتكلم عنه يوسف..وذكرت شكل ياسر بالمنتجع ..

يوسف: اتمنى تفكري اكثر ..

سمر تفكر (ليش مصر انها تفكر..فرصة له ان تكون يارا من نصيبه..

سمر: يوسف ..أترك يارا تفكر ع راحتها..هي تعرف مصلحتها

يارا:صحيح ماصار لي مخطوبة الا ثلاث ايام ..لكن كانت ايام سودة بحياتي

ودموعها في عيونها..

سمر ويوسف عطفوا عليها.

.يوسف: يارا قولي لي..وش عمل ياسر لك ..والله لأتصرف معاه

يارا: بليز يوسف..انسى الي قلته..انا بس ابي انساه..

وجلست ع الكرسي وهي تبكي..سمر تخفف ع صديقتها..وهي كارها شي اسمه ياسر

يوسف لما شاف يارا كذا ..توعد بياسر بداخله ..وحلف مايترك ياسر بحاله..يعرف يارا قوية..وماتبكي لاي سبب ..أكيد عذبها معاه

دخلوا بسيارة..والكل ساكت..سمر تفكر في يارا..اول مرة تشوفها ضعيفة كذا

ويارا مهمومة..ماتمنت تبكي قدام سمر ويوسف..لكن الهم والشي الي شافته ..خلاها تبكي..وتوعدت بياسر راح تنتقم منه..مو يارا الي تبكي قدام الناس وتنهان

يوسف يسوق سيارة ..وهو يفكر في يارا ..مسكينة بنت عمه ماراح يتركها تعاني مع ياسر لازم يتصرف

Enchanting twins

 Maxim of twins 

( قد يكمن حاضر بعض الناس في عيونهم .. أما مستقبلهم فهو يكمن بين شفاههم ..


Enchanting twins

الفصل السـابع


(( بداية الحفـــــــــــــــــــل ))

نور نزلت من سيارة ياسر ..بعد ماتعشت معاهم في مطعم خيالي وخدمة خمس نجوم ..

نور اشرت لهم يمشوا بعد مافتحت باب البيت ..رمت بحالها ع سرير

عجبها الوضع بالمنتجع ..أرتاحت فيه مرة

بس ذكرت وسام كشرت ...باعدته من خيالها بعد ماذكرت ياسر..وابتسامته الحلوة

تحــــــــــبه..وتحب شخصيته القوية وثقته بنفس وظرافته ..,>>>>>كل شي تحبه

ياسر بسيارة : رنود ..وش فيك ساكته مو ع عادتك.؟

رندة : تعبانة شوي . .>>>>قولي غيرانة شويات^_^

ياسر: تبي اوديك المستشفى ..شنو يألمك ضبط ؟

رندة : لا مايحتاج ..ياسر وقف عند الكرنيش شوي..

ياسر وقف سيارته عند الكرنيش..رندة ظلت ساكته ..وتطلع بياسر..

ياسر :وقفت ..شنو تبي تقولي ؟

رندة ابتسمت ..:شرايك ننزل نتمشى ..

ياسر ابتسم: طيب ..

نزل ياسر ..وجنبه رندة ..أخيرا ظلوا لوحدهم ..

لما جى ياسر يمشي ..رندة مسكت يده ..دار لها ..ابتسمت له..بادلها الابتسامة

قاموا يتمشوا ...

ياسر نسى الدنيا ومافيها ..لما يكون مع رندة..ينسى العالم كله ..

خلصوا تمشية وسوالف ..لما جوا بيدخلوا سيارة..شافوا بنت واقفه جنب سيارة ياسر

رندة +ياسر ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!

رندة ماتحتمل هالبنت..تضايق منها ..ياسر فاتح عيونه ع الاخر ..وهو يفكر ويش جاب (..) هنا ؟؟؟؟؟؟؟

تتوقعوا من واقفه جنب السيــــــــــــارة؟؟؟؟؟؟؟؟؟؟؟؟

: أشتروا لي أيــــــــــس كريــــــــــــــــــــم

رندة: ندوووووووووووووووو ويش جابك هنا؟؟؟

ندى:أبي ايس كريم..رندة..أبي ايس كريم

ياسر : ياليــــــــــــــل..انتي ماتتعبي من لدوارة في شارع..وصلتي للكرنيش بعد

عروس الظل>>>>(ع فكرة ياسر..ندى في الكرنيش من البارت الثالث)

ياسر ,,,......>>>>>وانتي (عروس =الكاتبه) لازم تجيبي ندى الي انا ورندة؟

.(عروس ) .>>>>>>.ياسر لاتتأمر انا الكاتبه فهمت^_^

ياسر يطلع في ندى كذا -_- ..: بشتري لك ايس كريم بس لاتصجي راسنا

ندى تغيرت موجتها وتطلع فيهم نظرة غبية :*_* من أنتوا ؟..

مشت لياسر..وضربته ع كتفه وضحكت..: يالله الحقني..دورك تصيدني

ياسر؟؟؟؟؟؟؟؟؟؟؟؟؟؟؟؟.. 0_0

رندة : ماتحمل هالغبية...

ندى: طالعوا مناك ..(واشرت يدها لشارع )..رندة وياسر طالعوا في الجهة الا اشرت عليها

ندى هربت وهي تضخك: لعبت عليكم لعبت عليكم ..

وقامت تركض مثل المجنونة ..يو نسيت هي مجنونة من زمان

Enchanting twins

يارا رجعت البيت ...ونامت ع طول..تعبــــــــــــــــــــانة..

يوسف وصل سمر لبيتهم ..

سمر: مشكور يوسف..ماتقصر

يوسف : العفو..هذا الواجب..وبعدين هذه يارا مو أي بنت (قالها بضحكة)

سمر عصببببت ..:أيه صحيح..يارا مو بنت عادية مثلي

يوسف استغرب ومافهم كلامها..: ليش تقارني بينك وبين يارا؟

سمر :ماقارنت..اقول الحقيقة..انت قلت من قبل اني بنت عادية

يوسف حاول يذكر متى قال هالكلام بس انسي..لرجال مو مثل البنات..سعة ذاكرتهم ضعيفة ..ماتتسع الا لـــ 1 ميغا بايت..مع الجبر^-*

يوسف تضايق من تصرفات سمر الغريبة..: سمر..راسي يألمني..ومو رايق لتصرفاتك العجيبة..

سمر فتحت باب سيارة وسكرته بقوة

يوسف فتح النافذة: يالغبية بتكسري الباب

سمر دارت له: أحسن..وان شاء الله انت تتكسر معاه..

يوسف: سمرووو..بقص لسانك فاهمة؟

سمر : جرب وشوف..يالله فحط نعست بنام ..باكــــــه= غبي باليابانية..وهي تمشي بعصبية..سكرت باب البيت بقووووووووووووووووة

يوسف مافهم اخر كلمة ..؟؟مشى عنها بسرعه..حس حاله بيستخف..

Enchanting twins


رجع البيت..شاف زهرة تشاهد تلفزيون سهرانة ورايقة..

يوسف يطلع في اخته الي منمدجة مع الفيلم..وموحاسه لدنيا ومافيها..حسدها ع رواقتها..دايم رايقة هالبنت

جلس ع الكنبه ..كانت الانوار مطفية بصاله..وجنبها علبة فوشار...شكلها تشاهد فيلم مرعب..

يوسف كان متـــــضــــــــــايــــــــــــق..حط يده ع خده..

وظل يفكر في سمر وتصرفاتها العجيبة..دق عليه صاحبه عادل

يوسف رفع بدون نفس: نعم..وش تبي؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -