رواية شرع ربي ولا اعتراض -15
وظل في باله صوتها بالمزرعة يوم كانت تغني للبنات (تحبني ولاتحب الدراهم..اختار لك وحدة علشان مااضيع....علاقة ماتنبني بالتفاهم...حتى تحت نور القمر يمكن تميع)كان حاس بضيق وخنقة مو طبيعية هو عارف انه اليوم ارتكب اكبر غلط بحياته بطلعته مع نجود...بس بنفس الوقت ها الصوت البايح القوي مو قادر يفارق باله لحظة وحدة!!!
اليوم الثاني
شمة/غريبة بالعادة ابلة نجود السبيعي تجي الفصل قبل لاتدق الحصة صار لها اربع دقايق من دقت وماجت للحين؟
مزنة/يمكن انها غايبة؟
ملاك/لاتقولون..
مروة/لاانا شفتها بالطابور..
ملاك بتشكيك/وش كانت لابسة؟
مروة بتحدي/قمص احمر وفوقه ايشارب اسود..
الجازي بهمس/سكتي عنهم بس...
دخلت نجود وهي بكامل اناقتها وشخصيتها اللي رجعت مثل قبل و اقوى بعد...
وكانت فعلا لابسة قميص احمر ورابطة فوقه ايشارب اسود ولفت مروة لملاك علشان تبين لها انها ماتكذب وابتسمت ملاك....
نجود/السلام عليكم...
وعليكم السلام ورحمة الله وبركاته....
نجود/تفضلوا ارتاحوا....
لفت على السبورة وكتبت نحو وصارت الهمهمات..
لفت لهم/خير ان شاءالله..
ملاك والجازي بصوت واحد/ابلة قلتي ادب اليوم؟
نجود/قلت لكم ادب!!اي بس انا جبت نحو.....طيب مو مشكلة ادب ادب..معناته بكرة جيبوا معكم نحو علشان المديرة بتحضر لكم الدرس ماشي.....
صارت تقلب باغراضها وكانها تدور شي..وراحت لعند اول جهة اللي قاعدين فيها الجازي ومروة...
نجود/الجازي عطيني كتابك....
عطتها ايه...
نجود/وش معنى اسم الجازي!!!!
الجازي اسكتت وناظرت بالارض والبنات يطالعون فيها وملاك متضايقة...
نجود/حلو اسم الجازي..انا احب الاسماء البدوية الاصيلة..بس مدري وش معناه..معقولة ماتعرفين معنى اسمك؟؟ولامستحية؟؟؟؟
الجازي/..............
نجود/طيب.........اخذنا بالحصة الماضية فن النقائض.....ماهو فن النقائض يا شمة..
شمة/........
نجود/مزنة..
مزنة/..........
نجود/مو على اساس جايبين ادب؟
نجود/مروة..
مروة/فن شعري يقوم على هدم بناء شعري ببناء شعري اخر...كاْن يقوم شاعر بنظم قصيدة في الفخر وياْتي شاعر اخر ويهدم قوله بقصيدة اخرى...
نجود/تفضلي ارتاحي....ملاك...من هم اشهر من كتبوا في فن النقائض منالشعراء؟
ملاك/احم احم....جرير والفرزدق.....
نجود/تفضلي..
ملاك بقهر/ماتبين تعرفين وش معنى اسم ملاك؟
قالتها وناظروها البنات واستشفت نجود من كلامها انها غيرانه,,
نجود بشماتة وهي تناظرها/اعرف وش معناه مايلزمني!!!!!!
اليوم بناخذ...بنات فصلكم مكتم وش ماكلين؟
نجود/ريحة سجاير ولا شي كذا!!!احد فيكم يدخن هنا!!!!
البنات/لا..
نجود/طيب وش ريحة فصلكم.....
ملاك/ماريحته شي؟
نجود/بلى فيه ريحة...الجازي فتحي الباب شوي يتهوى الفصل....(للحين ريحة السجاير فيها علاقانة ههههههه)
مرت هاجر ودقت لها وابتسمت نجود وهاذي بالعادة نادرة لانها ماتبتسم قدام الطالبات..
نجود من عند الباب اللي كان مفتوح شوي../هلا...
هاجر/ نزل التغير اليوم مناوبتي وانتي بكرة ومنال الاربعاء....
نجود/كان خلونا سوا ليش التعذيب بعد!!
هاجر/فيك حييل كلمي مها؟
نجود/واللي يعطيك العافية مالقيتي غيرها اكلمها!!!خلنا خلنا كذا احسن بس عليه هو بيروح وبيرجع....
هاجر/قهوتك بنصادرها ترى نازلين غرفة التدبير
نجود/ليش..شعندكم..
هاجر/والله سعدى عازمتنا على حلى مسويته ونزلنا تحت المهم قهوتك صادرناها..
نجود/لاتخلصوها عني ترى ماشربت شي بعد....
مشت هاجر ودخلت نجود الفصل اللي انقلب همسات وهمهمات....
نجود/خير بالله يعني ماطلعت منكم واقفة عند الباب ليش بعد ها الصوت ذا كله!!!
اخر اليوم بالسيارة كانوا منال ونجود بس..
منال/نجود..
نجود بابتسامة/هلا..
منال/......
نجود/انسي الموضوع يابنت الناس تراني نسيته والله لاتشيلين هم وصدقيني صارت عندي شوية مشاكل وماقدرت ارد على اتصالاتك خميس وجمعة..
منال باسى/انشغل بالي وخفت لاتكونين زعلانة ...انا من جد اسفة.
نجود/قلت لك انسي الموضوع؟
منال/وش عندك اليوم؟
نجود/ولاشي..
منال/في وحدة تبي تزورك اليوم اذا ماعندك مانع...
نجود/هلا وغلا باي وقت.....
في غرفة هنوف..
كانت معها مشاعل صديقتها ونورة بنت عمها..
نورة/هنوفوا روحي جيبي لنا اكل يابخيلة؟
هنوف/روحي انتي ...بيتنا امان مافيه احد عكس بيتكم....
نورة/طيب امك وينها؟
هنوف/في بيت جيرانا راحت تشوف جواهر....
طلعت نورة وظلوا بروحهم ..
مشاعل بهمس/صار شي..
هنوف/لا
مشاعل/قلتيله عن شي؟
هنوف/طبعا لا...
مشاعل/ليش لا...لمتى ياغبية؟
هنوف/وش تبيني اسوي...
مشاعل/طيب نورة تعرف انك تحبين اخوها؟
هنوف/مو مجنونة اقولها...
مشاعل/ومتى بيعرف حضرته انك تحبينه..
هنوف/مو لازم يعرف.. سكري السيرة لاتسمعنا نورة نتكلم بعدين يصير خير.....
في شقة نجود....
نجود/هلا وغلا ....
نجلاء/شلونك..
نجود/بخير....معليش المكان متواضع جدا...
لمياء/اهلين..
نجود/هلا ..زين انك جيتي كنت باخذ رقمك من منال..
منال/تعالي سارة ادخلي..
سارة مدت يدها/شلونك ابلة نجود..
نجود/..زبخير تفضلي..
وقفت سارة شوي وبعد تردد قالت /اسفة....
نجود/دخلي......مفاجاْة بصراحة ماتوقعتها؟
منال/ليش منهي اللي مرت على بالك؟
نجود/مدري بس اللي جا في بالي فوزية....
منال/قالت اجلوها لغير وقت ابي اروح لها ونكمل هبال ذاك اليوم بس ان نجلاء اصرت تجيك وتعتذر لك بنفسها..
نجود/يامكبرها عند الله والله اني نسيت السالفة....
نجلاء/والله اني منحرجة منك كثير....
نجود/وينه فيصل ورى ماجبتوه معكم,,,,
لمياء/مع مشاري..يوم وصلنا تذكر انه يبي يشتري لك شي مايصير يجيك ويده فاضية ومسوي مشاري عنده مثل السايق ودني وجيبني...
نجود بضحكة/اسمع بعد الغيرة....
لمياء/طبعا غيرة...
نجود/هههههههه ماتغيرتي لميوا بعدك...
نجلاء/مشاء الله مكانك مرتب يانجود لو انا اقعد بغرفة تصير حوستي حوسة....
نجود/أي مرتب...ولاهو مرتب ولاشي....ليش ماجبتوا معكم ام مشاري..
منال/قلت لك ان نجلاء تبي تجي تعتذر لك وبس..
نجود/عدت السالفة خلاص..
نجلاء/فهد اصر تجي سارة بنفسها وتعتذر منك وقال لي اخذيها معك.....ترى للحين ابوها مايكلمها..
نجود/لا عادي انا نسيت السالفة اصلا...
ودق قلبها من جابوا طاري فهد وانه اصر يجونها يعتذرون منها.....
ام محمد(ام جواهر)/ولازم يعني..
جواهر/معليش يمه والله كذا برتاح..
ام محمد/بس انتي بعدك يايمه ماصحيتي...
جواهر/يمه معليش....علشان خاطري...
ام محمد/امري لله بعد شبقول....
جواهر/يابعد عمري يالغالية..ابوي وينه..
ام محمدج/بالديوانية..
جواهر/معاه احد...
ام محمد/لا...
عبدالعزيز/اللي سمعتيه..
لبنى بصدمة/كذا ..بدون مقدمات..
عبدالعزيز/وش مقدماته بعد؟
لبنى/........
عبدالعزيز/قلت لك بكرة باجي اخطبك من ابوك...لبنى شفيك ساكتة انتي مو موافقة؟
لبنى بذهول/بلى....
عبدالعزيز بعد تنهيدة/بس عارفة ان اهلك مابيوافقون....
لبنى/...........
عبدالعزيز/........
لبنى/اترك لي الموضوع وخليني اكلم ..عبدالعزيز باصرار/لا...انا بكلمه بنفسي.....انا ماابيك تزينني لاابوك...خل يشوفني مثل ماانا ويتقبلني اذا كان بيتقبلني مثل ماانا....
لبنى حست بالضيق وان الفرصة ضعيفة مووت لانها عارفة ابوها وتفكيرها...وتمنت بها اللحظة ان عمها بوعلي هو ابوها!!!!
لبنى/عبدالعزيز......
عبدالعزيز/شفيك يلبنى...
لبنى بهمس/صار ماصار بنظل نحب بعض صح ولالا؟
عبدالعزيز/................
مروة/اوووف يلليتني رحت معكم.....
فيصل/انا بكرة بروح لها هي قالت لي..
نجلاء/حلوة ذي وكل من قال لك تعالي بكرة بتروح ..
فيصل/هي بتعلمني الحروف...
منال/حجة ها الحروف والله؟؟
نجلاء/من زمان تعرف لمياء زوجة مشاري..اشوفهم سوالف مع بعض...
منال/درست معها سنتين بنفس الكلية....وبعدين ثنتينهم من نفس المنطقة اكيد يعرفون بعض....وبتكون بينهم سوالف...
نجلاء/بس ذوق....عاجبتني كثير....
سارة/بابا..
رفع فهد راسه لها ...
سارة/رحت لنجود واعتذرت منها.....
فهد شال نظارته /وش قالت لك..
سارة/قالت انها نست الموضوع...
فهد/مرة ثانية قبل لاتنطقين الكلمة ثمنيها بميزانك ياسارة وفكري هي شقد بتاْثر بغيرك اذا قلتيها طيب بابا..
سارة/طيب...
فيصل/بابا...
بعدت سارة وتقرب فيصل اللي كان حامل كيس فهد متاْكد انه يعرفه..
فهد/وشعندك...
فيصل/هذا شوكلاته عاطيتني اياه نجود علشانها تحبني!!
فهد/..............
فيصل/بس انا تحبني مريم ماتحبها ماعطتها منه عطتها واحد ثاني.....
مايدري لوين تفكيره وداه بذيك اللحظة....هي قالت ماتبيه بس ماتوقعه انه بيرجع اوبترجعه بذي الطريقة!!!!!!
نجود كانت بغرفتها اللي قبل ساعة بس كانوا فيها جماعة ومونسينها بسوالفهم وضحكهم واللحين رجعت للهدوء من جديد.....
دق الباب ورفعت راسها
نجود/منو....
ماسمعت أي رد,,,ممكن انها تكون وحدة من البنات اللي معها..
قامت وفتحت الباب اللي ماكان مقفل بس مسكر ووقفت مصدومة......
نجود/جواهر!!!!!!!!!!!!
يالله تصبحون على الف خير ومن النعس ماني قادرة اكتب لكم توقعات بس انتوا مالكم حجة اكتبوا توقعاتكم وتصبحون على خير ياعسل,,,
مدري ليش بعد كل بارت انزله واشوف تفاعلكم احس اني مقصرة معكم بالمرة وانكم تخجلوني بطيبكم وردودكم وتفاعلكم...
الف شكر لكم يالغلا كلكم بدون استثناء والف شكر للاخوات اللي يراسلوني على الخاص وان شاءالله اقدر البي لكم طلباتكم بس بارتين باليوم مااقدر اوعدكم فيها لان البارت ماراح ياخذ حقه ..وان شاءالله اطول لكم البارت شوي علشان لاتقولون انه انتهى بسرعة واني تركتكم متحمسين....ومشكورين كلكم على السواء المنتقدين والمادحين..انا اتقبل كل شي بصدر رحب.....:graaam (139):
البارت الثاني عشر
قامت وفتحت الباب اللي ماكان مقفل بس مسكر ووقفت مصدومة......
نجود/جواهر!!!!!!!!!!!!
كانت واقفة بهدوء شديد ودموعها تسابقها بالكلام...قالت بعد تردد/ممكن ادخل!!!
نجود للحين مو مصدقة ان اللي واقفة قدامها جواهر..صديقة عمرها اللي بالها مشغول بتعبها....
ماتدري شلي خلاها توقف جامدة كذا وماتتحرك...يمكن تفكيرها بجية جواهر لعندها خلاها تنحرج حتى من نفسها وماتتكلم!!!
مسكت يد جواهر وسحبتها لداخل الغرفة وسكرت الباب وحضنتها جواهر بقوة وقعدوا يبكون مع بعض بدون مايحسون على نفسهم وكل وحدة تشكي فراق الثانية في بكيها.....
كانت قاعدة بمكتبهم اللي بشقتها...
وفاتحة جهازها وتقراْ في رسايل احمد اللي حبته بعد ما انصدمت في علي الزوج واللي المفروض يكون الحبيب!!!!
صار لها اكثر من شهرين وهي تاركة احمد في حاله وقاطعة علاقتها فيه..كانت عارفة ان كلامها معه حرام بس كانت تبي دفعة قوية لقدام علشان تنتبه وتوقف اللي هي تسويه..والحمد الله انها قدرت توقف ها الشي...صحيح ان كل اللي بينهم كان كلام بالجوال او على الشات بس هي ماكانت راضية ابدا عن حياتها...
كانت معظم الوقت قاعدة بروحها حتى صاحبات الدراسة تركتهم بعد ماتزوجت وماصارت تتواصل معهم كثير واكتفت بعلاقاتها مع خواتها وبنات عمها.....
علي....ولد عمي اللي كنت حاسة بعدم رضاها عني من قبل الزواج وماكنت انا بعد ابيه وتزوجنا....يكرهني ومايحبني بس لمجرد انه يحب وحدة ثانية وتركته!!!!!
عايشة ومانتي عايشة ياعبير!!!
طول وقتك تفكير وهم ودموع وماحد حاس فيك لو شقالوا ولو شسوا!!!
بتظل النار حارقتك بروحك وهم مايحسون....والقهر يبوني اجيب عيال واتبهدل انا معهم بها الدنيا....
اكرهك ياعلي اكرهك...واكره الساعة اللي تزوجنا فيها.....غمضت عيونها بقوة وهي تتذكر بعض اللحظات الخاصة بينها وبينه واللي كان يناديها باسم وحدة ثانية...طاحت دموعها بقوة بعد مامرت فيها الذكرى وحست بالاحتقار حتى لنفسها وتمنت انها تكون نكرة ومو موجودة؟؟
قامت تبكي بحرقة ورمت راسها على الكمبيوتر وبكت بكل مافيها....ليش ياعلي ليش!!!حتى لو ماكنت تحبني ماكان المفروض انها ماتفارق خيالك حتى وانت معي!!!!كرهتك وكرهت نفسي واستصغرتها وكرهت كل شي حوالينا وعايش فينا!!!
ودي انفجر ..اموت..اتكلم مع أي شخص بللي قاعد يصير فيني وبها الضيق اللي عايشته بس مو قادرة...ساعدني ياربي ساعدني....احس اني بموت....
سالم/ماشفتها البارحة وكحلت عينك فيها بعد ليش ها التفكير من جديد؟
فهد بضيق/مدري شصاير فيني ياسالم....صورتها مو مفارقتني؟
سالم /كشفت وجهها البارحة لك؟
فهد/لا...
سالم/أي صورة هاذي اللي مو مفارقتك؟
فهد/صورة شكلها يوم كانت بالمزرعة...صوتها...شكلها البارح بالمطعم ودموعها..
سالم/أي عدل انت شايفها بالمزرعة وانا على نياتي اقول أي صورة؟؟؟
فهد/يمكن انها ماتكون من ملكات الجمال اللي الكل يتكلم عن جمالهم بس في شي جذبني لها بقوة...عنادها..كبريائها..شخصيتها...صوتها...ثقتها بنفسها...
سالم/باختصار اشياء تفتقدها بنجلاء؟
فهد تنهد بقوة كتاْكيد على كلام سالم وصحته...
سالم/طيب انت استشفيت شي امس منها...
فهد/كانت صاحبتها شاغلة افكارها وماعندها غير سوالفها عنها؟
سالم/طيب هاذي فرصتك...بين لها ان بالك مشغول فيها وخايف عليها..
فهد بهدوء/انا فعلا بالي مشغول وابي اتطمن عليها....
سالم/وش تنتظر كلمها؟
فهد باحراج/ماعطتني رقمها؟سالم/اها..يعني مسوية ثقل ...
فهد بضيق/سالم انا محرج من نفسي ومن تصرفاتي!!!!هاذي صاحبة منال بنت اخوي وتدرس معها بنفس المدرسة...يعني موقفي بايخ جدا!!!
سالم/اهم شي هي ماتكون متضايقة؟
فهد بثقة كبيرة/ماحسيت انها كانت متضايقة بالعكس كانت تتكلم معي بوضوح وشفافية....
سالم/طب والحل كيف..
فهد/مدري......
سالم/تركها علي وانا ادبرها اذا قدرت بمعرفتي؟
فهد/وش بتسوي ياسالم؟
سالم/اعطيني الاشارة وانا بشوفها لك....
ناصر/وش فيك داقة بوز؟
هيا/..........
ناصر/حشى لله.....وين قاعدة؟
هيا/لاتنرفزني مالي خلقك ابدا!!!
ناصر/ليش!!نجود ومو هنا بعد ليش داقة البوز ؟؟بالعادة تتضايقين اذا احد عكر مزاج الحلوة نجود...
هيا/مو رادة عليك..
ناصر/بس انا مصر اعرف علشان امد يد المساعدة...
هيا/اقلب وجهك...
ناصر/انتي مو ملاحظة انك ماتحترميني ابدا!!!
ام علي/وش فيكم صوتكم واصل اخر الدنيا؟؟؟
ناصر/انا ادري عن بنتك ياخالتيز.ماتحترمني ابدا ماكاْني اخوها الكبير!!!
ام علي/الحمد الله رب العالمين مدري وش سويتي بدنيتي ابتلشت بعلي وفيها!!!
ناصر/أي والله ياخالتي الله يكون بعونك ماصاروا عيالك الا علي وهيا...يالله بتدخلين الجنة بسبايبهم!!
رمت عليه هيا المخدة ونزل راسه علشان ماتصدمه..
ام علي/ووجع ان شاءالله!!!صدق ماعندك احترام لااحد؟؟
ناصر/وشفيها اخلاقها تجارية كذا!!!
ام علي/بعد يصير جواهر تروح الرياض عند نجود وهي قاعدة؟؟مايصير؟؟
ناصر/وانا اقول هذي ماتدق البوز الا والسالفة فيها نجود ونجود مو هنا!!!عدل..كذا وضحت الصورة..
هيا/مالك شغل فيني...
ناصر/جواهر وعندها اجازة انتي تغيبين من الكلية علشان تروحين ماتسوى بعد يومين هي هنا..
هيا/ومن طلب رايك؟
ناصر/كذا..طيب وهذا اللي توني بقول ولايهمك بكرة اخذك لعندها ونروح نزورها ونخرب على جواهر روحتها بس طلعتي مو شي؟؟
هيا/احلف!!!قول قسم؟؟
ناصر طلع من المكان بسرعة لايتورط معها ولحقتها..
ام علي/الحمد الله رب العالمين عيال مثل الناس ماعندنا!!!كلهم مجانين!!!!
وقفوا عن البكي وقاموا يضحكون على اشكالهم وهم يبكون وبعدها دموعهم واقفة بعيونهم..
جواهر بضعف/وحشتيني يانذلة...نجودوا سامحيني ..وربي مو قادرة على فراقك؟؟
نجود بنفس الضعف ودمعتها بعينها بعد/وانتي واحشتني اكثر..صدقيني ماعرفت عن تعبك غير البارح وتعبت من كثر مااتصل فيك علشان اتطمن بس بدون نتيجة جوالك مقفل؟
جواهر/شفت اتصالاتك وحسيت ان في امل انك تسامحيني...
نجود ضربت جواهر على كتفها/شوف النذلة بعد حاطة لك خدمة موجود وماقلتيلي عنها!!!
جواهر/ههههههه ضحكت لين رجعت تبكي ..
نجود/ماراح تقولين لي عن علاقاتك ببندر؟
جواهر/.........قامت تبكي...
نجود بالم/شفيك؟
جواهر/مدري يانجود مدري....احس نفسي ضايعة..انتي وهو بعدتوا مع بعض....
نجود/اقعدي وخلنا نسولف عدل كذا ماينفع....
قعدت جواهر بعد ماشالت عبايتها وقالت لنجود سالفتها مع بندر من اول ماتعرفت عليه..
نجود/يعني هو اللي قال لك لاتقولين لنجود..
جواهر بانحراج/أي...فهمني انه يمكن تتعرضون لموقف علي وعبير وتنجبرون بعد على الزواج من بعض ساعتها انا ماراح اقدر اقولك الحقيقة وبخليك تاخذينه وبلملم جروحي بنفسي..
نجود/وانتي بزر يقص عليك بندر وتسمعين كلامه وتقتنعين فيه!!!
جواهر/اه...الحب يانجود يخليك مو بس بزر...ينسيك كل شي وتطيعينه بكل اللي يقوله...
نجود بخبث/شلون يعني بكل اللي يقوله!!!
جواهر ارفعت راسها لها وابتسمت بس دموعها نزلت وغطت ابتسامتها/.....
نجود/لاتفكرين فيه خله يولي.....
جواهر بدموع وصوت باكي/مقدر يانجود مقدر....مو فاهمة ليش مطنشني كذا!!!!
نجود/اذا يحبك بيجيك بدون ماتلاحقينه ياجواهر...اتركيه على راحته وشوفي وش ناوي عليه ولا شبيسوي...انتي مو دارية شعنده هناك ولا شلي متعرض له؟
جواهر/انا فعلا خايفة لايكون صار له شي......
نجود/يعني تحبين بندر؟؟تصدقين ولالحظة جت في بالي ان بينكم شي؟؟؟؟؟
جواهر/هذا اللي صار...انتي شخبارك وشعلومك...وحشتيني مووت يانذلة؟؟خلك تسويها فيني مرة ثانية وتزعلين مني وتمويني؟؟
نجود/حرام عليك انا كنت اتقطع ولاتنسين اني بروحي هنا...اكلم نفسي طول الوقت.....ماعلينا....
جواهر/قولي...
نجود/شنو؟
جواهر/اللي تبين تقولينه؟؟عيونك فيها حكي كثير احكي اسمعك...اصلا انا متفرغة لك وماْخذة اجازة ثلاث ايام وبظل معك هنا؟؟
نجود بفرح/احلفي!!!!ياسلالااااام...
وقامت وحضنت جواهر بقوة.....
جواهر/قومي بس خل نطلع طلعة محترمة وتسولفين لي عن كل شي بالطريق خوب مابتقعديني بالغرفة هاذي طول الوقت...
نجود مسكت جوالها/على راسي ياعمتي جواهر ادق على السايق ووين ماتبين بوديك.....
ام مصعب/لابس وكاشخ على وين والله؟
مصعب/هلا وغلا فيك....والله ملان قلت اطلع اتمشى مع الربع ونتعشى ونرد..
ام مصعب/ووين بتتعشى؟
مصعب/سؤال ذكي من ام ذكية مثلك!!!والله ماقررنا قلنا بنتجمع اول بمحل من محلات الجوالات واحد من الربع بياخذ له وبعدها بنمشي...يمكن الفيصلية ليش تسالين؟
ام مصعب/بس اشوف بتلاقي صاحبتك هناك ولا تخربطها على امك؟
مصعب/ههههه اللحين انا يبين علي عندي صاحبة يمه!!!مااظن..شايفتني ولد اخوك؟
ام مصعب/ذاك عاد مفشلنا الله ياخذ ابليسه على سواد ها الوجه..
مصعب/هههه حرام يمه لاتدعين عليه تراه طيب حييل..
ام مصعب/ واحنا وش نبي بطيبته يمه يامصعب..اهم شي السمعة..الناس اذا سالت عنه بتسال عن سمعته مو عن طيبته!!!!
مصعب/في هاذي غلبتيني بعد مااقدر ارد....
ام مصعب/مو تتاْخر يمه..
مصعب/يمه تراني كبرت ماني بزر....
ام مصعب/يعني الام مالها حق تخاف على عيالها الا اذا كانوا صغار!!!اذا كبروا خلاص ما لازم تخاف عليهم؟؟
ابتسم لها ومشت عنه بعد ماهزت راسها....
مصعب/عسى الله يخليك لنا ياامي الغالية.....
كانوا يتمشون هي مع جواهر بالفيصلية....
نجود/وهاذي سالفتي معه من بدايتها لنهايتها؟
جواهر/........
نجود/ماقلتي شي ولاعلقتي؟
جواهر/مدري انتي شرايك؟
نجود/مدري ياجواهر مدري.. بس شاغل لي افكاري بقوة....
جواهر/أي بس مو تقولين انه متزوج وعنده ثلاث عيال؟؟
نجود بضعف/أي..
جواهر/هاذي بحد ذاتها مصيبة يانجود...لاتكثر افكارك عنده وشيليه من بالك.....البعد عنه اريح من القرب يانجود هذا مرتبط؟
نجود/ياليت قلبي يفهم ها الشي ويطرد صورته وخياله من فكري ويريحني .....
جواهر/شقلتيلي اسمه؟
نجود برومنسية/فهد...
لفت عليها جواهر ولقتها سرحانة وعورها قلبها عليها وماتمنت الشي اللي يدور في بالها يكون صحيح لانه اذا طلع صحيح ساعتها بتتعذب نجود لامحالة مع ها الفهد...يارب...يارب نجود ماتحب فهد ولاتتورط معه يارب!!!!
كانت واقفة بغرفتها وقدام نافذتها وماسكة نفسها لانها عارفة باي لحظة بيجيها خبر يصدمها...
عارفة ان عبدالعزيز اذا قال الشي ماراح يتنازل عنه واذا قال بجي اخطبك يعني بيجي يخطبها.....
بس للحين ماجاها خبر..اصلا هي اليوم مرتبكة على الاخر ..حدها تغذت وقفلت على نفسها غرفتها وظلت فيها...
اندق الباب وكانت هنوف اللي جاية..
هنوف/اخبار..اخبار...
دق قلب لبنى/أي اخباره بعد!!!
هنوف مدت يدها/كم تعطيني!
لبنى/وش له اعطيك ياحظي؟
هنوف/علشان اقولك الخبر؟
لبنى مسوية انها مو مهتمة/أي خبر؟
هنوف/في واحد جاي يخطبك؟
لبنى وقف قلبها.....
هنوف/ها شكلك مش ولابد؟؟؟ماسالتي منو؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك