رواية قلوب تجرعت الحب -16
بعد ردتهم باسبوعكانت العنود عندهم
ابتسام/عنودا وش فيك متضايقه
العنود/ما فيني شي
ابتسام/علي انا احكيلي ووعد ما جيب سيره لحد
العنود/انا حامل
ابتسام/مبروك مفروض تفرحين موا تضايقين
العنود/بس زياد ما وده بالعيال الحين
ابتسام/هوا قالك
العنود/في بداية زواجنا جبنا سيرة العيال وقال ما وده ها الفتره هاذي بعيال نخليها بعدين
ابتسام/ممكن تجاوبيني على سؤالي
العنود/تفضلي
ابتسام/اتني متأكده انه يحبك
العنود/هذا اكثر شي كنت متأكده منه بحياتي زياد كان يحبني من كان عمري 15سنه
ابتسام/خلاص معناتها بيفرح بها الخبر ويمكن اكثر منك لانه راح يكون شي ثاني يربطكم ببعض غير حبكم لبعض
العنود/يعني شسوي
ابتسام/انا اقولك خذي الجوال وكلميه قدامي وقوليليه واذا ما انبسط لك مني الي تبين
..............
زياد/تتكلمين من جد يعني بصير ابوا
العنود/يعني انت مبسوط بحملي
زياد /اكيد مبسوط
العنود/بس انت قلت ما تبي عيال ها الفتره من حياتنا
زياد/يعني موا معناته اني ما ابيهم ابد انشالله تجيني بنوته حلوه مثل امها واسميها عنود
العنود/يلا مع السلامه اشوفك في البيت
زياد/امرك
العنود/لا يا قلبي اخوي بندر بيوصلني
زياد/بايوا
العنود/بايوا
ابتسام/ها شالخبار
العنود/مبسوط بحملي ويقول يبي بنت حلوه مثلي ويسميها عنود ما تكفيه عنود وحده
ابتسام/ما قلت لك
العنود حضنتها من الفرحه
(الجرعه الخامسه والعشرين)
اميرة الورد/انت وش تبي باسمي
وليد/حاب اعرف اسم البنت الي تكلمني موا انتي بعد تعرفين اسمي
اميرة الورد/اوكي راح اقولك اسمي ابتسام ارتحت
وليد/اسم حلوا يدل على راعيتها الحلوه
اميرة الورد/تسلم كلك ذوق يلا مطره اقفل الحين باي
وليد/باي
تحت في المطبخ كانت ابتسام تحظر العشاء وبندر قاعد يسولف معها
ابتسام/روح الحين شيقولون عنك وانت رجال شكبرك مدير شركه وقاعد في المطبخ
بندر/عادي واحد يساعد زوجته
ابتسام/هههههههههههه امحق مساعده
بندر/والله انتي الي رافضه خدماتي من اليوم
ابتسام/هههههههه لاني ما حب زوجي يمد ايده بشي وانا موجوده عشان لايقولون عني مره رباديه ومشغله زوجها معها في البيت
بندر/والله اذا زوجك مبسوط ومرتاح ما عليك منهم
الجده/انت هنا استح على وجهك رجال شكبرك والطامر ورى زوجتك بكل مكان
بندر وابتسام/ههههههههههه
بندر/افا الحلوا زعلان علي وجا وباس راسها
الجده/والله انك طلعت رجال خفيف اثقل ياولدي لاتطيح من عين حرمتك
بندر يضم ابتسام من ورى/والله لوا اسوي اي شي متأكد من غلاتي عندها
الجده/اخص يا الواثق
بندر/يوه نسيت اقولك اليوم مر علي رجال ماشاء الله عليه دين واخلاق وعز وشكله مقبول
الجده/وانا شدخلني بذا السالفه ليه تقولي انا
بندر/اصبري جايك بالسالفه في احد مادحك له وطالب القرب عاد انا عصبت عليه وقلت يطلع مع الباب ما عندنا بنات يعرسن
الجده/(تبي ترفع ضغطه)/ليه ليه يا ولدي توقف بنصيبي موا حرام عليك
ابتسام/هههههههههه
بندر/قولي قسم انا ماعندي بنات يعرسن وبعدين وشلك بالزواج
الجده(تقهره)/في احد يشوف كناري الحب الي قدامي ويعاف الزواج يا ولدي
بندر وابتسام/ههههههههههههه
ابتسام/والله انك شي يا جدتي سكتيه
الجده/ههههههه ايه اعجبك انا
بندر/هههههههههه اطلع بكرامتي اصرف قبل ما تقوم علي جدتي
الجده/لحقت على عمرك توني كنت بقوم عليك
بندر/ههههههههههههه اذا خلصتوا العشاء نادوني انا في غرفة المكتب
كانوا فاطمه ورغد والعنود في بيت اخوهم عبد الملك
كانوا البنات في المطبخ مع اماني وعبدالملك قاط وجه معهم
العنود/مكن سؤال
عبدالملك/تفضلي خذي راحتك
العنود/حنا بنات مكانا المطبخ موا
عبدالملك/موا
العنود/اها طب انت ليش قاط فيس معنا موا قاعد تساعدنا بشي اذن اطلع تشغل حيز على الفاضي وش له
فاطمه/ايه والله مضايقنا
عبدالملك/لا لايكون ذا مطبخكم وانا مدري
رغد/شوفي رجلك بدا يذلنا في ذا المطبخ
اماني/طلعوني من ها السالفه هذا اخوج تفاهموا معه لاني ما اقدر اوقف بصف احد انتوا اعزكم بس هذا زوجي
عبدالملك/كفوا والله امون اقول شفوا شغلكم وخلصوا ما صار عشاء ذا حشى سحور
بيت ابوا سلطان
جا سلطان من طلعته مع ربعه لقا روعه قاعده على التسريحه وتسرح شعرها ولابسه لبس النوم
سلطان/(خق لما شافها)/مسا الخير
روعه/...............
سلطان/شفيها روعتي ما ترد علي
روعه/كان ما رديت من الي قال ساعتين وراد صار لك اربع ساعات
سلطان/والله حاولت بس لزمو علي الشباب وما قدرت اردهم
روعه/اوكي وليه ما ترد على كل مكالماتي
سلطان طلع من جيبه الجوال/اه اسف يا قلبي الشحن كان خالص والله توني ادري
روعه/..............
سلطان /على وين
روعه/يعني وش شايف على النوم
سلطان قرب جنمبها/بتنامين وانت زعلانه من سلطان
روعه/ايه عندك مانع
سلطان/قرب اكثر/واهون عليك مانام طول الليل
روعه/نام ومن رداك
سلطان/شلون وانام وعمري وحبيبتي زعلانه مني بصراحه ما اقدر
روعه/ههه بايخه
سلطان قرب اكثررررررررررر/يالله سماح
روعه/وقلبها طبول/سماح يلا بنام
سلطان/حلفي من يقول
روعه/(مستحيه حيل)/سلطان نعسانه بنام
سلطان/والله محد قالك البسي كذا وانت قدامي
روعه/يعني شلون لبسي ما فيه شي عادي
سلطان/انسي ما في نوم(وغمزلها)
روعه/وردة خدودها من الحيا
بعد يومين
هند/ابتسام
ابتسام/هلا
هند/حبيبتي بغيتك بخدمه
ابتسام/بحسن نيه/امري
هند/بغيت جوالك بس خمس دقايق جوالي مدري وينه فيه
ابتسام/لا عادي هاك اخذي راحتك
هند(والله لطلعتك منها البيت على يدي واحرق قلب بندر عليك)/شكرا يا قلبي
ولديد/هلا يا قلبي غريبه هذا موا رقمك
اميرة الورد/ايه هذا رقمي الجديد شريته خزنه عندك ودق علي باي وقت
وليد/صار
وليد/شخبارك
اميرة الورد/تمام الحين مطره اسكر دق علي بالليل باي
وليد/وباي
هند/تفضلي يا قلبي مشكوره
ابتسام/لا شدعوه ما سويت شي
هند/عن اذنك
في الليل غرفة ابتسام
بندر/بسوم حياتي جوالك يدق
ابتسام/هذاني جايه
ابتسام/الوا من معاي
وليد/هلا يا قلبي شلونك
ابتسام/عفوفا بس الظاهر غلطان في الرقم
وليد/ماني غلطان موا ابتسام
ابتسام/من وين تعرف اسمي
وليد/انا وليد
ابتسام/لا تدق على ها الرقم مره ثانيه ناس ما تستحي وسكرت بوجهه
بندر/وش فيه من الي دق
ابتسام/لا تشيل في بالك
بندر/بعصبيه/شلون ما اشيل في بالي
ابتسام/حبيبي اهدا واحد غلطان خلاص يلا عاد ابتسم يا شينك وانت مكشر
صارت المكالمات تزعج ابتسام بس ما تقول لبندر عشان ما يعصب ويزعل في مره سمع جوالها يرن شاف رقم غريب وداق عشر مرات
رد
وليد/اف وش كل ذا حاقرتني يا بسوم لايكون عشان زوجك محجر عليك
بندر(بصدمه هزت كل كيانه)/من انت انطق يا حقير من وين تعرف زوجتي
وليد/اصلا انا اعرف زوجتك من زمان توك تدري انها تكلمني
بندر كان موصل حده وسكر بوجهه الخط ونزل تحت وهوا بحالة هستيريا
كانت قاعده مع ام بندر وفاطمه يتقهون
نزل وصار يهزها بقوا وصفقها كف من قوته طاحت على الارض
بندر/تكلمين من وراي يا ابتسام تخونيني طول ها الوقت مستغفلتني ومطلعه نفسك مسكينه وانتي داهيه
ابتسام/تصيح/انت ش قاعد تقول ما اسمح لك تتكلم عني بها الطريقه
فاطمه قومتها من الارض
ام بندر/ش قاعد تقول انت
بندر/زوجتي مستغفلتني يمه وتكلم من وراي
ام بندر/ ومن قالك
بندر/محد قالي انا كلمت الحبيب بنفسي الاخت نست جوالها ومن حسن حظي جيت ورديت ولا كنت للحين يا غافلين لكم الله
ابتسام/(تصيح)/والله يا خالتي والله ما اكلم احد ولا عمري خنته
بندر/ايه حاولي تستعطفينهم
نزلت هند على صوت الصراخ وقلبها يرقص من الفرحه بس لابسه قناع الصدمه
هند/حبيبي اهده اكيد واحد يتبلى عليها
بندر/واحد يتبلى عليها يعرف رقمها واسمها بعد
فاطمه/مستحيل ابتسام تسوي كذا
وابتسام منهاره وتبكي وما تدري شتقول
الجده بصوت يرعد خلا الكل يسكت
الجده/ابتسام مستحيل اتسوي ها الشي محد بخلاقها وحده مصليه مسميه تخاف من ربها وترضي الكل على حساب نفسها مستحيل يطلع منها ها التصرفات الدنيه فاطمه
فاطمه/سم يا جدتي
الجده/دقي على اخوك فهد الحين
فاطمه/ليه يا جده
الجده/قلت لك دقي عليه ولا تكثرين هرج
ام بندر/ش نا ويه تسوين يا خالتي
الجده/باخذ بنيتي ابتسام وبروح بيتي الي في الديره البيت الي انهانت فيه ابتسام مالها قعده فيه
واسمع يا بندر لاتظن انها ما لها سند والله ما تنظام وراسي يشم الهوى
مها/فهد وش فيك
فهد/بروح لجدتي طالبتني الله يستر صوت فا طمه ما يطم يلا سلام
فهد/فاطمه علميني وشصاير ليه بندر طلع وهوا معصب
فاطمه/مصيبه مصيبه يا فهد الله يستر
فهد/طب علميني
فاطمه/قالت له كل شي
فهد/لا حول ولا قوة الا بالله وهي شلونها الحين
فاطمه/حالتها تقطع القلب والحين جدتي تبيك توديها الديره
فهد/وشوا الديره
فاطمه/ايه جدتي عصبت وقالت ابتسام مالها قعده في ذا البيت وبتروح معها الديره في بيت جدي
هند/بطير من الفرحه/اقولك تقلعت من البيت الله لايردها
جواهر/وش لون قلعتيها
هند/المهم اني قلعتها وقدرت ادوس على بندر وارد له الصاع صاعين
جواهر/والله منتي بهينه ينخاف منك
هند/الي يدوس لي على طرف امحيه يلا سلام الحين تلقينه معصب وحالته حاله لازم امثل دور الزوجه المحبه والي تخاف عليه
جواهر/سلام
وصوا بيتهم في الديره الجده وابتسام والشغاله وعقب ما تطمن عليهم وجاب لهم كل الي ناقصهم
رجع الرياض
دقت عليه العنود عقب ما عرفت السالفه
العنود/ها
فهد/وصلتهم وشريت لهم المقاضي بس جدتي عمرها مشفتها وهي كذا معصبه
العنود/بعد الي صار موا هين وجدتي تحب ابتسام وتغليها من يوم ما دخلت حياتنا
فهد/الله يستر بس لقيتوا بندر
العنود/لا وعبد الملك دق على فواز ويقول ما يعرف عنه شي وجواله مسكر
كانت ابتسام بغرفتها ومنهاره و تعبانه ورافضه تاكل ودمعتها على خدها
جا البيت وهوا حالته حاله ونفسيته مدمره مره صعد فوق بغى يدخل غرفة ابتسام بس تراجع ودخل غرفة هند
هند/خوفتني عليك وينك فيه ومسكر جوالك
بندر(بنبرة سخريه)/اهمك لها الدرجه
هند/اكيد موا زوجي واخاف عليك
بندر/والي يرحم والديك موا فاضيلك اطلعي برا برتاح ومالي خلق هذره
هند(تستاهل هذا ردي على طراقك لي)/ خلاص حبيبي ارتاح هذاني طالعه
تحت
ام بندر/ها يبنيتي شلونه ها الحين
هند/والله يا خالتي نفسيته تعبانه الي سوته موبهين في بنت متربيه تسوي ها السواة
فاطمه/لين هنا وحدك ابتسام تسواك وتسوى مليون وحده منك لاتجيبين طاريها على لسانك
هند/والله موا انا الي قلت لها تروح تكلم شباب وهي على ذمة رجال
فاطمه/ابتسام مستحيل تسوي ها الشي ومصير بندر بيكشف كل شي وابتسام ترجع لحياتها مع بندر
ام بندر /خلاص تتهاوشون قدامي مالي حشيمه عندكم
فاطمه/انا بطلع الحين نواف ينتظرني برا
نواف/ها وش فيك
فاطمه/كل الي صار وتسألني وش فيني ولا ها الهند قاعده تتكلم عليها على بالها بسكت لها
نواف/هدي وان شاء الله يتصلح كل شي
فاطمه/مادري يا نواف بس حاسه في سالفه ورى كل الي صار ولازم اعرفه
نواف/انتي شاكه بشي
فاطمه/مادري مادري بس لازم نحل السالفه ابتسام ما تستاهل الي سواه فيها بندر
بعد مرور اسبوع على ها السالفه
دخل بندر لقى هند تتكلم على الجوال
بندر/هند من تكلمين
هند/شفيك قاعده اكلم اختي
بندر/وليه سكرتي
هند/خلصنا كلامنا
بندر/هاتي الجوال
هند/وش فيك وشتبي بالجوال قلت لك اختي
بندر اخذ منها الجوال ودق على اخر رقم دقت عليه
جواهر/الوا هند
بندر عطاها الجوال
هند/جوجوا شوي وادق عليك باي
هند/ممكن اعرف وش ذا التصرفات
بندر/وش تصرفاته بعد
هند/طالعني زين يا بندر انا هند هند موا ابتسام فرق
بندر/لا تجيبين طاريها على لسانك سمعتي
هند(بقهر)/للحين تحبها بعد الي سوته فيك لوا انك رجال كان طلقتها موا مخليها على ذمتك للحين
بندر مسك شعرها بقوه /انا رجال غصبن عنك ودفها على السرير وطلع
الجده/يا بنيتي عورتي قلبي هاذا حالك من جينا هنا موا زين الي تسوينه بعمرك
ابتسام كانت تبكي نامت على رجول الجده والجده تمسح على شعرها
الجده/يا بنيتي ما في احد يستاهل دمعتك حتى رجلك ايه حتى رجلك الي يصدق فيك الشينه وما يسأل عنك ما يستاهل حتى تفكرين فيه
فاطمه في بيت رغد
فاطمه/مادري يا رغد بس في شي شاكه فيه
رغد/وشوا
فاطمه/مادري بس حاسه انه مرت اخوك ورى هالسالفه
رغد/هند معقوله يمكن كرهك لها خلاك تشكين فيها اخاف تكونين ظالمتها
فاطمه/مادري بس مشتاقه حيل لبسوم وكاسره خاطري جدتي تقول انه صحتها في النازل وماتاكل وكله دمعتها على خدها
بعد 3ايام في بيت بندر
فاطمه/يمه وين هند
ام بندر/راحت تزور اهلها
العنود تهمس لفاطمه/وش تبين فيها
فاطمه/تعالي معي وبتعرفين/عن اذنك يمه
صعدوا فوق دخلوا غرفة ابتسام لقوا جوالها
العنود/وش تبين بجوالها
فاطمه/بعدين بقولك الحين تعالي
العنود/على وين
دخلوا غرفة هند بس ما لقوا جوالها صارت فاطمه تفتش في اغراضها فتحت علبة مجوهراتها ولقت شريحة جوال خذتها وطلعوا
العنود/فهميني وش بتسوين
فاطمه/نواف قد مره قالي انه يعرف واحد في الاتصالات بقوله يطلع صاحب الرقم هاذا
العنود/وش تبين فيه
فاطمه/اصبري ابدخل ها الشريحه لجهازي
العنود/وش شريحته هذي بعد
فاطمه/ليقتها بغراض هند
فاطمه/......
العنود/فطوم وش فيك بلمتي
فاطمه/طالعي نفس الرقم الي في جوال ابتسام هنا في شريحة هند
العنود/معقوله يعني هي الي مسويه ها السالفه لازم انقول لبندر
فاطمه/لاء اذا قلناله الحين راح تنكر وراح تلزق سالفة الشريحه هاذي بابتسام
العنود/وش السوات الحين طيب
فاطمه/ابيك تروحين زيادره لجدتي في الديره باقرب وقت وتسألين ابتسام شلون جا هالرقم بجوالها وانا بتصرف من عندي ولا تجيبين طاري لحد
فاطمه/نواف
نواف/نعم
فاطمه/بغيتك بسالفه
نواف/امري
فاطمه/انت قد مره قلت لي انه عندك واحد من ربعك يشتغل في الاتصالات
نواف/ايه وشتبين فيه
فاطمه/خذ هاالرقم هاذا الرقم الي كان يدق على ابتسام ابيك تطلب منه يطلعلك كل شي عنه
نواف/وشوله
فاطمه/ابيك تروح لصاحب هالرقم وتسأله شلون تعرف على ابتسام
نواف/وش بتستفدين لما تعرفين
فاطمه/ما راح اقدر اقولك اكثر من كذا بتسوي لي ها الخدمه
نواف/بكرا امر عليه ويصير خير
العنود/حبيبي
زياد/هلا يا قلبي
العنود/حبيبي بغيتك توديني الديره مشتاقه لجدتي من زمان عنها
زياد/حاضر انشالله بكرا اخذ اجازه من الشغل واوديك
رغد/حبيبي راكان
ركان/هلا
رغد/بكرا العنود بتروح تشوف جدتي وابتسام بغيت اروح معها انا وسيف ادري ابتسام تحب سيف وبتنبسط اذا شافته
راكان/خلاص اذا هذا يريحك روحي معها
وصلوا الديره وسلموا على جدتهم وبعدها دخلوا على ابتسام وانصدموا لما شافوها وجهها شاحب وجسمها ذبلان وساكته
جوا حضنوها ورغد جابت سيف لما شافته ابتسمت وحضنته
رغد/شلونك يا قلبي طمنيني عنك
ابتسام صارت تصيح وصاروا يهدون فيها
العنود/بسوم حابه اسألك سؤال الرقم هاذا من وين عرفتيه
ابتسام/والله ما اعرفه صار يدق علي كل يوم وانا ماارد عليه خفت اقول لبندر يعصب فما قلت له والله ما اعرفه
العنود/طيب في احد غيرك يتكلم فيه
ابتسام لاء محد غيري
العنود/تذكري ما عطيتيه مره لحد
ابتسام /مره وحده عطيته لهند تكلم اختها
رغد/عطيتيه لهند وين جوالها
ابتسام/قالت لي انها ما تدري وينه ضيعته
طارق/تفضل هاك اسم وبيانات صاحب الرقم
نواف/مشكور مشكور يا بوا سعود
طارق/العفوا
العنود دقت على فاطمه وقالتها
فاطمه/ها حبيبي طلعت بيناته
نواف/ايه دقيت عليه وهذا هوا جاي الحين عشان اقابله
فاطمه/خذ معك فهد
نواف/دقيت عليه هاذا هوا جاي يلا مع السلامه
وصل فهد عقبها بنص ساعه وصل وليد
وليد/نعم وش الكلام الي ما يصلح تقولونه بالتلفون
فهد/بغينا نعرف من وين جبت رقمها
وليد/رقم منوا
نواف/لا تستهبل انت تعرف رقم منوا
هي عطتني اياه
فهد/وشلون تعرفت عليها
وليد/على النت
فهد/ومن متى تعرفها وتكلمها
وليد(من غير مبالاه/يعني اكلمها على المسن من ثلاث سنين
نواف/3سنين
فهد/انت كذاب اذا هي بالسعوديه من سنتين بس جايه من قطر
وليد/لحضه هي سعوديه وانا اكلمها على المسن من 3 سنين
فهد فقد اعصابه ومسكه من ياقة ثوبه وسدحه على السياره وشوي ويخنقه انت كذاب وعطاه كف قوي على وجهه
نواف/اذا انت جاد عطني الايميل
وليد/بخوف بعطيكم بعطيكم بس خله يفكني فكه فهد واخذ الايميل منه وعقبها راح
(الجرعه السادسه والعشرين والاخيره)
كان بندر قاعد مع امه في الصاله وقاعده معهم هند
دخلت فاطمه البيت وكانت في قمة عصبيتها
ام بندر/هلا بينيتي
فاطمه ما ردت على امها راحت عند هند وعطتها ذاك الكف الي الكل انصدم منه
هند(بعصبيه)/ليه تمدين يدك علي اصغر عيالك انا
فاطمه/انت احقر وحده اشوفها بحياتي عمري ما شفت وحده بحقارتك
وانت يا سيد بندر تارك ابتسام ولا تسأل عنها ابد حرام عليك خواتك عندها ويقولون حالتها تقطع القلب
هند/وشوله يسأل عنها بعد الي سوته
فاطمه/انتي اسكتي انت السبب في كل شي يا وجه البومه
بندر/فاطمه اشفيك اهدي وفهمينا وش فيك
فاطمه/تبي تعرف اش فيني اوكي تفضل
بندر/وشوا ذا
فاطمه/يعني اش شايف شريحه
بندر/من له
فاطمه/هذي الشريحه يالمحترم لهند وفيها رقم الشخص الي كان يدق على ابتسام ويزعجها وهي حاقرته وعلى فكره موا هوا بس في ارقام كثيره غيره
بندر/بنظرة صدمه وعصبيه /وشوا هند
فاطمه ايه وانت ظلمت المسكينه واتهمتها بشي ما لها يد فيه
هند(بخوف)/هذي كذابه هذا موا بلي اكيد انه حق ابتسام ويبون يبلوني فيه لانهم ما يحبوني
فاطمه/لا اوكي لحضه
ام بندر/وين رايحه
فاطمه/لحضه عشان اثبتلكم انكم مغشوشين فيها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك