بداية

رواية يا حبيبي اللي تشوفه فيني ما هو غرور -1

رواية يا حبيبي اللي تشوفه فيني ما هو غرور - غرام

رواية يا حبيبي اللي تشوفه فيني ما هو غرور -1

يا حبيبي اللي تشوفه فيني ترى ما هو غرور هذي عزة نفسي بقمة تواضعها
للكاتبه :
مالي مثيل
الحب الحقيقي يظل أصيلا حتى لو حاول غدر الزمان تغييره
فبعض الحب يكون ممتلىء بالغيره وبعضه بالشـك وغيره بالعشق المفعم
ولكن بغض النظر عن كل هذا
فالحب لايربط شخصان الأ اذا كانا يتمنيان المووت على اسعااد الطرف الأخر
فهذا مايسمى بالحب الحقيقي
في صالة البيت
كانت (مشاعـل)جالسـه ومعهـا الاب توب ومشغله اغاني وحاطه الهيت فون على اذانها ومتحمسه مع اغاني راشد الماجد
اسافر عنك وتسافر معااياا ترافقني في حلي وارتحالي
خلود اخت مشاعل جايه معصبـه:خيرخيييييييير وجع بسررررعه نزززلي السماعات عن اذانك
مشاعل تسوي نفسها مو منتبهه: وجوووه الناااس في الغربه مراايه تصور صوورتك دايم فبالي..وانسى غربتك وانسى عنايا
جت بسرعه خلووود معصبه وقامت توطي رجلين اخته:تبي تقومين ولا.. لا؟؟!!!
مشاعل صرخت ونزلت الهيت فون عن اذانها:وجع خلاص اشغلتينا وش تبغين؟!
خلود معصبه:فرحانه بصووتك يوم انك تغنين بصووت عالي ..يعني ماتدرين ان اليوم جمعة حريم الحاره ببيتنا
مشاعل وكأنها نااسيه:يوووه واخزيااه
خلود:الله يعينك على امي ههههههههه عن جد ارحمك والله ياهي بتجيك لجه محترمه منهـا
نتعـرف على مشـاعل شوي...مشاعل انسانه بسيطه حيـل وطيبـه بشكل غير متوقع واكثروحده تسامح
بنت حلوه حيل ملامحها ناعمه مشبهينها أهلها بالفنانه الأجنبيـه جوجو اذا تعرفونها فيها منها كثير وعمرهـا 20 سنه جالسه في البيت لاشغل ولامشغله ..
أمـا خلـود اخت مشاعل فهي انسانه كوميديه حيل بس بوقت ماتعصب محد يقدر يوقف بوجهها
حلوه وملامحها بارزه وقت ماتضحك وتكوون غرقانه بالضحك وجهها يحمر ..عمرهـا 23 سنه اخر سنه له بالكليه قسم حاسب ألي
أم راكان جايه تمشي وهي ماتشوف الأرض:مشااااااااااااااااااعل
مشاعل قامت من مكانها تدور مكان تتتخبى فيه:الهجه
خلود تعلي صوتها:يمه تعالي هنا مشاعلوووه
ام راكان جت قعدت تدوور:وينها
خلود ميته ضحك:ههههههههه
ام راكان عصبت اكثر:وينها ررررررررردي علي..؟
خلود تأشر بيدها على الستاره وكان بنطلون مشاعل واضح من تحت:هههههههه
ام راكان كان نفسها تضحك بس كتمتها وراحت للستاره وفتحتها:وبعدييييييين معك
مشاعل كانت مغمضه عيونها بقووه وكانت تتكلم بسرعه:آسفه آسفه آسفه
خلود:ههههههههههههههههههه يجنن شكلك ياميشو وانتي خايفه خخخ
مشاعل وهي تبوس يدين امها:يمممممه خلاص وربي اسفه
ام راكان وهي ماسكه اذن مشاعل وكانت تفكر بعقاب لبنتها:خلود رووحي للخدامه وقولي لها انه اليوم ماافي شغل خليها تروح ترتاح وانتي يااسوسة النخله يالله قدامي على المطبخ
مشاعل:يممممممممممه تكفيييين الا هالشــي
ام راكان:يالله قدامي لا أخليك تكنسين الحوش كله
مشاعل:لا لا لا
ام راكان:طيب يالله
خلود:ههههههه آه بطني يدغدغني

فـــي المــول

بنــدر:وليد تكفـى خلنا نروح للأستراحه تعرفني مانب اطيق الأسواق كلللش
وليد:واللي يرحم لي والديك انا بخلص شغله هنا وبطلع على طول لاتشغلني
بنـدر:أمرنا للـه
نتعرف على بنـدر شوي<=له دور كبير بالقصه
هذا انسان مايهتم لأحد قد مايهتم لنفسه ولكشخته ولوناسته..عرف معنى الحياةواخذ منها دروس قاسيه حيل.(يكره مايشوف العبايه السوداء تمر من عنده(الحرمه)وهي بكامل زينتها)..يحب التفحيط بكل أشكاله سواء كان بري او بحري واتوقع لو بيحصل له جوي مايرفض ههههههههه هو وحيد امه وابوه
اما من ناحية شكلـه فهو طويل طوله يمكن 170 ابيض البشره ووزنه 60 (مزيون حيـل يلفت الأنتباه بمشيته وعدم اهتمامه باللي حوله فيه شوفة نفس شوي) وعمره 25 سنه يشتغـل بالأتصالات
أما وليد فهو صديق بندر الروح بالروح وتقريبآ حركاتهم مثل بعض من ناحية وش يحبون او وش يكرهون
وليد حتى بالشكل كان قريب لبنـدر بس الأختلاف الوحيد ان بندر اسمن شووي من وليد
:
:
وليـد:استغفر الله العظيم
بنـدر مو منتبهه:وش فيك
وليـد:شووف هالبنات اللي مع بعض كل وحده تقوول عيوني احلى من عيونك
بنـدر مايحب هالأشياء ابدآ:تدري وش نفسي فيه
وليـد:شنو؟
بنـدر:تذكر الموضوع اللي قريناه بالمنتدى اللي شباب الكلوريكس هههههههههه
وليد:ههههههههههههه اللي اذا شافو بنت حاطه مكياج وفاتحه العبايه ومطلعه بنطلونها يرشون عليها كلوريكس عشان تصير عبايتها بيضاء ههههههههه
بندر:ايه ايه انا نفسي بكذا بس قهر مامعي شي
وليـد:ولايهمك وش رايك نسوي الحركه اللي يكرهونها البنات
بندر رافع حاجب ومنزل جاحبه الثاني:شنو
وليد:نحاول نلفت انتباههن ولمن يشوفننا نبدآ نكشر بوجيههن
بندر:ههههههههههه اخاف يلحقوننا بالكعب
وليد:ماعليك يالله
شلة بنات كانو يناظرون وليد وبندر وكان ببالهن ان نظرات وليد وبندر كلها اعجاب .. الخ
مادروا انهم ناويين على نية قشرا
وحده معليه صوتها:وه ياناااس انا اخق على المزاييين
جت الثانيه ردت:وانا مثلك ادووخ لما اشووف ولد مزيون
بندر عصب بقوه لأنه ماايحب الحركات هذي وجا كشر بوجههن
البنت استغربت وبقلبها تقول معقوله فيه ولد يكشر بوجهه بنت؟؟!
وليد التفت وشاف بندر وجهه متغير:هههههههههه خلنا نمشي
بندر وهو يناظر البنات:صدق انكن قليلات حيا واهلكن ماعرفو يربونكم
البنت عصبت:انا صرت قليلة تربااايه ياللي ماتستحي
بندر استانس لأن البنت واضح من شكلها انها عصبت جا ابتسم ومشى وخلاها
وظلت البنت تتحرطم معصبه
فـــي بيــت عهــود
وتحديدآ بغرفة عهووود
مجموعـة شلـة بنـات جالسات فوق السرير وكل وحده معها الاب توب حقها وداخلات نت والبنات كانوا نايمين فبيت عهـود
نتعرف على شخصية كل وحده فيهن
عهود:هي القائده حقت الشله وهي انسانه جريئه حيــل تسوي المستحيل عند التحدي ..ملامحها ناعمه حيل وعمرها 19 سنه
جنـا:تحب تشجع عهود بكل شي .. تتميز بطولها ورزتها وبرضو حليوه وهي بعمر عهود
بدور:انسانه هاديه حيل بس بوقت ماتعصب الشله يسكتون.. طبعآ تعرفت على عهود عن طريق المدرسه هي وجنـا
ناديـه:بنت جيران عهود واربع وعشرين ساعه فبيت عهود .. اما من ناحية شكلها لاتقل عن البنات من ناحية الملامح كلهم حلوين وناعمين
:
:
بدور:خخخخخخخ الشات الكتابي فاضي مافيه احد
جنا:صدقتي ماهمبووه اللي نبيهم
ناديه:طيب ملل وش تبوننا نسوي
عهود:بنات
التفتو عليها البنات:نعم
عهود:مشينا
جنا:على؟
عهود:الشات الصوتي يابعد حيي
ناديه:هههههههههههه قدااااااام
عهود:يمدحون شات ........
جنا:ايه صاادقه بنت عمي قايلة لي عنه
دخلوا البنات كلهم شات واحد وكل وحده على جهازها
عهود:بنات شوفوا الحين حنا اربع بنات صح
كلهم:ايه
عهود:من الحين اختاروا نك نيمات تضحك
جنا:انا العجوز الشمطاء
عهود:وانا البقره الضاحكه
جنا:ههههههههه شو هذا
عهود:مالك شغل ههههههه
ناديه:هههههههههه طيب وانـا....
عهود:بسرعه طلعي نك وانتي يابدور؟
بدور:انا شاربه فلـيـت
عهود:وش دعوا ناشبه بحلقك ذبانه يوم انك تشربينه ههههههه
كلهم:ههههههههههههه
ناديـه:خلاص النك بتاعي تشوفونه بالشات يالله ادخلن انا بتلقوني ماخذه المايك وبرحب فيكن واكيد بتعرفوني
كلهم اقتنعوا:اوكي
بعد لحظاتــ
عهود:ناديه وينك
المايك كان بيد ناديه:مرحبــآ أهلن وسهلـن أعزائي الموجودين اول شي احب ارحب بصقيقاتي الموجودات العجوز الشمطاء و صقيقتي البقره الضاحكه وصقيقتي شااربه فليت تكفووون ترحيب ولا أحلى لأحلى بناات
لحظاات واخذت عهود المايك(البقره الضاحكه)ههههههه آه يابطني وش ذا النك يااامجنونة عزازي هههههههه اقصد وقالت بنعومه هآآي ازيكوا عاملين ايه؟؟
جا واحد اخذ المايك وبصوت رجولي:اقول بلا مسخره هذا الروم حق نقاااش مو حق ضحك واستهبال انتي وياها ...وترك المايك
ناديه (مجنونة عزازي)عصبت واخذت المايك:مسوي فيها انت وخشتك هذا روم حق نقااش طيب هاات لنا موضوع نتنااقش فيه احنا اول مادخلنا هنا ماكان فيه احد يتناقش او يقول شي بس مسوي انه وده يهاوش ..وتركت المايك
اخذ الولد المايك من جديد:لا كنا نتنااقش وانتم دخلتوا غلط انتم وهالنكات الللي مدري وشلون قايله..ترك المايك
جا واحد ثاني اخذ المايك وبصوت دلع:وي وي سمعت صوت البقره الضاحكه عن جد صوتها خققان تكفين خذي المايك واحكي صوتك رووعـه..وترك المايك
جت عهود اخذت المايك:ههههههههه آه بطني مسوي فيها انت الحين تتغزل روووح دور لك على بقر غيري يالثور هههههههه وانت ياللي نكك الحنووون.. طلع لنا موضوع عشان نتنااقش فيه
جا الحنون اخذ المايك:انا فيه حاجات كثيره نفسي أسال عنها ومن حظي اليوم انه فيه بنات جريئات بالروم وعشان كذا نفسي أسأل كذا سؤال اذا قادرات تجاوبن حتى لو كانت الأسئله محرجه شوي ودي ااننا ننتناقش.. ترك المايك
اخذت جنا المايك(العجوز الشمطاء)وكانت تحاول تقلد العجز بصوتها ..مسهم الله بالخير هلا والله بعيالي وببناتي حياكم الله اقلطوا وليدي يالحنون ..رد عليها بالكتابي وكتب لها سمي؟ قالت له انا عندي لك حل اذا عندك اسئله محرجه عطنا نبذه عنها بالكتابي وحنا نقراه ونشوف اجرء وحده بنا هي اللي بتمسك التلفون اقصد السماعه بعدين ضحكت وقالت ايه صح المايك المايك وهمن بتجاوبك وش راايك؟...تركت المايك
اخذ المايك الحنون..وهذا الرااي الزين خلاص يالله انا الحين بكتب كذا سؤال تحت والجريئه تاخذ المايك
اول سؤال كتبـه:ليش البنـات لما يبغون يطلعون للمول لازم يلبسون بناطيل برمودا والعبايه مفتوحه والمكياج كنهم رايحين لعرس خير ان شاء الله؟؟
كتبت له بدور بالعام(شاربه فليت):طيب والسؤال الثاني
الحنون انقهر واخذ المايك:لا انا ابغى وحده جرئيه تمسك المايك وتتكلم بصوتها الطبيعي وترد ولما اشوف رد يشفي فضولي راح اسأل السؤال الثاني .. يحسب الحنون انه قفل المايك ماعرف انه مفتوح كانوا اخوياه توهم جايين وكان يرحب فيهم:هلا والله ببـندر وشلونك ووش اخباارك ......أهلييين وليييييد وش الدنياا بك
جت عهود اخذت المايك على طول:الوووو
الحنون انتبهه وكتب لها بالعام :هلا
عهود:المره الثانيه اذا جيت تترك المايك تأكد انك تركته مو تخليه شغال هههههههه والبنات اللي عندي يقولون سلم لنا على وليد وبندر ههههههههههههههههههههه
الحنون ضحك:هههههههههههه هاااي
وليد عصب:خير داخل شات صوتي؟
عمر(الحنون):طيب ماعليك انت اركد خلنا اشوف نهايتها معهن
بـندر:ليه وش سالفتهن
عمر:هذولن شلة بنات 4 دخلن جميع وكنت انا قاعد اتناقش انا والشباب بموضوع وهن دخلن عرض وانا معصب منهن
بـندر ابتسم:طيب وين الاب توب حقي بشوف المنتدى وش أخر تطوراته وبعدين بجي للشات عن اذنك
وليد مستغرب:من جدك يابندر
بندر:اييه وانت بعد يالله قم
نادر توه صاحي من النوم :وش فيكم انتم لجه اسكتو شوي احترموا النايمين اقل شي
بندر:نادر قم جبنا لك عشا شفه بالمطبخ ويالله خلنا نفنح النت جميع بسرررررعه
الحنون=عمر كان مستانس لأن عددهم صار اربعه مثل البنات
عهود اخذت المايك:الحنون اوكي قررت اني انا اجاوبك على الأسئله
رد عليها بالكتابي:كفو والله يالله جاوبيني على سؤالي الأول؟
عهود (البقره الضاحكه):اوكي..اول شي احب اقول ان البنات يختلفون عن بعض يعني فيه بنات متفصخات بشكل ماتتصور وفيه بنات وسط وفيه بنات الستر الكامل
لكن انا لو بتكلم راح اتكلم عن البنات اللي وسط مثلي ومثل اللي حولي انا لما اطلع لسوق بصراحه بصراحه ماقد حطيت مكياج اذا كان بعيوني كحل بسيط ضااق صدري لأني احس نفسي فتنه اما من ناحية البناطيل مااحب البس برمودا يعني لو لبست راح البس بنطلون طويل وعباتي دايمـآ تكون مصكره ماقد فتحتها والبنات اللي عندي نفس الشي ..وعلى فكره انا استحقر البنات اللي يسوون مثل هالأشياء لأني احس فيها لفت للأنتباه الشباب وحط معلومه براسك انا قبل ماخااف من امي او ابووي انهم يشوفوني بهالشكل اخااف من ربــــــــــــي اللي فوقـي وقاعد يشوفني
الحنون كتب لها شووفي انا ماابغى اقول انك تكذبين بس كثيرمن البنات اذا سألنهم قالومثل كلامك
عهود:شووف ياخوي انا صح أجرء وحده من البنات اللي عندي بس جرئتي مومعناتها اني فاصخه أوقليلة حيا لالا انا مااقد سويت شي الا وانا واثقه انه صح
شوي ويدخلون 3 (دلوع امه وابوه<=بندر)(عاشق اللكزس<=وليد)(المجروح<=نادر)
اخذ دلوع امه وابوه المايك:السلام عليكم وشلونكم وش اخباركم سوري اختي اخذت المايك منك
ردت عهود عليه بالكتابي:لا مافيه مشكله
كمل كلامه بندر:اعذريني لو قلت لك انا اكرهه مااشوف البنات تدرين ليش لأنهن اغلبيتهن نصباات ادري اني دخلت خطمه بس تقريبـآ انا فاهم عن شنو تتكلمون
ردت عهود بالكتابي بالعام:وليه تقول كذا البنات مو كلهن مثل بعض
جا رد عليها :صح البنات مو مثل بعض بس انا بصراحه ماشفت لحد الحين بنات لازمات حدودهن ماقد شفت الا والبنت تحتك بالولد .. لا واللي يقهرني زياده
مره شفت وحده تمشي مع زوجها وقاعده تطالعني وتتدلع بصوتها يعني وش معنااته واللي يعصبني اكثر ان الوالده الله يحفظها ويحميها دايمـآ تزن فوق راسي متى بتعررس متى بتعررس؟ ابي افهم وشلوون نبغااني اتزووج وانا اصلا شااخط على البنت السعوديه ّ!!
جنا ردت عليه بالكتابي:انا مااقول شي بكلامك صح لك حق انك تشك ببنات السعوديه بس اللي يقهر بالموضوع ان البنات مو مثل بعض فيه بنات عن جد اخلاق ودين وتفكيرهن بعيد عن لفت الأنتباه وحركات النص كم
بندر:بس للآسف انا لحد الحين ماشفت
جنا:يمكن لأنك انت مصكر عيونك لو بتفتح عيونك بتشوف زين مو لهدرجه عااد البنات صاروا مثل بعض
رد عليها:لا لا انا ماقلت انهم مثل بعض انا اقول اني مااشفت لحد الحين بنت قد الثقه اللي الرجل يعطيها اياها وبس
بدور:لا لا انت لو بتفتح عيونك بتشووف ان البنات مو مثل بعض
بالمطبـــخ

عنــــد مشاعــــــــل

كانت منقهره على الشغل اللي جاها:اووووف وانا متى بخلص من هذا كلـه يااربيه
خلود كانت جالسه بالكرسي وتضحك:شووفي الكاس هذا ماغسلتيه زين
مشاعل:اوووووص لااذبحك الحين
رن جوال مشاعل بهاللحظه وكانت النغمه(أبي حبك معي يكبر وأبي اهواك انا أكثر )حقت محمد الزيلعي
ارتبكت مشاعل واخذت الجوال وحطته سايلنت
عصبت خلود:وليش تحطينه سايلنت خلاص اصلآ انا بقوووم
مشاعل تسوي نفسها عادي:مافيه شي اصلا وش فيك عصبتي؟؟
خلود مشت وماعبررت مشاعل
بعد نص ساعـه خلصت مشاعل من الكرف اللي جاها
ومسكت موبايلها ولقت 2 مسج
فتحت اول رساله(حبيبتي وش فيك)
ثاني رساله(ردي علي)
وعلى طول قفلت لمبات المطبخ وراحت لغرفتها واتصلت على حبيبها
بعد رنتين رد:الووه
مشاعل:اهلين
خالـد:هلاا بك وينك؟
مشاعل:جاني عقااب اليوم من الوالده
خالد ضحك:وليه عاد هههههه
مشاعل:خلنا من هذا ماقلت لي وشلونك
خالد:بخير دامي اسمع صوتك
مشاعل:اشتقت لك
خالد:وانا اكثررررررررر
مشاعل:تدرري قبل شوي لما دقيت علي من كان عندي
خالد عصب:ميين لاتقولين خلود؟
مشاعل:ايه
خالد:الله يلعني يوم اني ادق
مشاعل:يؤ يؤ وش جاك انت ؟
خالد:انا ماابغى احد يشك فيك
مشاعل:اصلا خلود من زمان شاكه اني قااعده اكلم
خالد:يوووه الله يستر
مشاعل:عاادي حبيبي ماصار شي
نعطيكم نبذه عن خالد:<=له دور كبير بالقصه هو ومشااعل
خالد انسان محترم حيل حب مشااعل من كل قلبه .. بداية علاقتهم كانت عن طريق النت لين تطورت وصارت على الجوال .. علاقتهم لها اكثر من 3 سنين
لو تطلب مشاعل منه أي شي نفذه بدون مايشوف الطلب صعب او سهل
من ناحية شكله مزيون وطويل يعني طوله تقريبا 175 ووزنه 65 جسمه عضلي ومشدود وعمرهـ 25 سنه
خالد:ميشوو
مشاعل:سم
خالد:اليوم امي قاعده تقولي انها تبي تخطب لي وكذا
مشاعل ضاق صدرها لأن خالد اكثرمن مره بغى يتقدم لها بس هي دايمآ ترفض لأنها ماتبغى تتزوج قبل اخته خلود:اهاا طيب؟!
خالد ضحك:ههههه
مشاعل:وش فيك تضحك!
خالد:لأن اختي مي يوم سمعت امي تتكلم كذا قالتلها يمه ليش انتي مستعجله عليه الرجال حاط بنت براسه اصبري له شوي هههههههه وراحت وش رايك؟
مشاعل ابتسمت:من جدكــ..؟
خالد:وربــي
مشاعل:ياقلبي هي وأمك شنو قالت؟
خالد:تقوول عطني عنوانهم ارووح اخطبها الحين
مشاعل استحت:ههه اهـاا
خالد:هههه وه بس وربي قااعد انتظر هاليوم اللي اطق فيه بابكم بكل لهفه وشوق
مشاعل انحرجت من كلامه:...
خالد:وش فيك ساكته؟
مشاعل:وش تبغاني اقولك؟
خالد:ههههههههههه مستحيه حبيبتي

البارت الثاني 


عنـــد البنــــــــات
عهود:بنات تلاحظون ان هذا شاايف نفسه اكثر من الزوم
جنا:أي واحد تقصدين؟
عهود:اللي نكه دلوع امه وابوه(بندر)
ناديه:ايه صاادقه
بدور:لا لا كلللش ولا اللي نكه المجروح
جنا:هههههههههههههههه ايه صاادقه
ناديه:كلهم احس فيهم شووفة نفس
عهود:انا اوريهم
جنا:اقول عوعو وش رايك نضيفهم عندنا بالمسن
عهود:وهذا اللي بيصير

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -