بداية الرواية

رواية شرع ربي ولا اعتراض -2

رواية شرع ربي ولا اعتراض - غرام

رواية شرع ربي ولا اعتراض -2

نجود/بروح اصف سرى اول عند سبايسي ميل وبعدها يصير خير...(على فكرة سارة بنتي تموت على سبايسي ميل هههههه)
اليوم الثاني
ام ناصر./اقول يابو علي....ليش ماتروح مع نجود انت وتشوف معها الوضع كيف بيكون....
ابو علي/وانا اخلي اشغالي واروح اقابل بنتك هناك؟؟بيروح معها اخوها..وبعدين هي ماهي بصغيرة ولاهي رايحة مكان ماتعرفه رايحة الرياض ياام ناصر؟
ام علي/شوي وتقولين له اروح معك انا بعد والحجة نجود؟
ام ناصر/انتي سكتي وماحد كلمك....
ابو علي/ها بتشغلونها حرب من جديد؟؟؟لاتخلوني احلف اتزوج عليكم وحدة صغيرة واجيبها على قلبكم!!!!!
سكتوا حريمه وهم يطالعون في بعض....
الزوجة الاولى ام علي(وعندها علي اللي تكلمنا عنه..ورحاب وهيا...
رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم....
هيا....البنت اللي بعد رحاب وعمرها واحد وعشرين سنة...بكلية الدمام...
طويلة وبيضة مثل امها واخوانها من امها..شعرها اسود ناعم يوصل لااكتافها..الشي الوحيد اللي تحبه بها العالم نجود اختها من ابوها..تلاقيها طول يومها واقفة عند باب غرفتها علشان تلبي طلباتها لو بغت شي...نجود قدوتها بكل شي....وماتطيع غيرها..وتغار من كل اللي تحبهم نجود وخصوصا جواهر....
**ام ناصر(ناصر ولدها الكبير...عمره ثلاثين سنة..اسمراني ومملوح وحبوب مع الكل مشكلته متخوف من الزواج وكل ماشاف حال اخوه علي يتراجع عن الفكرة اللي امه تحن عليها طول الوقت...بس شهم ووقت الشدايد تلاقينه بالصف واقف.....
نجود ...تجي بعد ناصر وبعدهم نورة....اللي بثاني ثانوي...وفيها شبه كبير من نجود اختها بس الاجسام هي اللي تفرق يعني هاذي اطول من نجود واملى شوي.....واطيب قلب منها....)
ابو علي/ها اشوفكم سكتوا ثنتينكم؟
ام علي/وش تبينا نقول بعد يبو علي؟
ام ناصر/الا صدق بندر مرك البارحة سالني عنك وقلت له بالقهوة مر سلم عليك؟
ابو علي/أي مرني وسلم علي..بس نسيت اساله كم بيقعد هناك؟
ام ناصر/على مااعتقد سبعة شهور...
ام علي/اللحين الشغل باعثينا سبعة شهور؟
ام ناصر/لا..هو يقول شكلها مودورة شكلهم بينقلونه جدة علطول بس مايبي يقول لاامه لين يتاْكد؟
كملوا سوالفهم مع بعض وكاْن شي ماصار بينهم وهاذي عادتهم كل يوم مع بعض من تزوجوا لين كبروا عيالهم....!!!

في الرياض

سارة/مروة بسالك كيف يسوون الايميل؟
مروة/ليش تسالين؟
سارة/بسويلي واحد طبعا ليش اسال يعني؟؟؟كل اللي معي عندهم ايميلات الا انا!!تصوري؟
مروة/يمه منكم يابنات متوسط توكم اول متوسط وجوالات وايميلات وحركات!!!بس تروحون ثانوي وش بتسوون؟
سارة/كل اللي يخطر في بالك واللي مايخطر بعد!!!!
مي/انتي هنا وانا رحت لك قسمكم ادورك؟
لفت لها سارة/أي جيت قبل شوي.....خلصتي واجباتك؟
مي/نص ونص ....اليوم في وحدة سالتني عنك يامروة تقول مستحيل هاذي اختك وان انتوا خوات ابلة منال ؟؟؟
مروة/انتوا متى جيتوا قسمنا بالله؟
سارة/انا عن نفسي ماجيت لاني مااحب اجي بقسم ثانوي ولابعلله ها المعلمات اللي رايحين فيها؟؟
مروة/هههه انتي شفيك كله شابة لنا بالناس ومو عاجبك احد؟؟؟
سارة/كيفي مو بنت ابوي مايعجبني غير ابوي واللي له عندي شي يجي ياخذه؟؟؟
مروة/ههههههههه ضحكي مي ليش ماتضحكين ولا علشانك نفس ها المراهقة مايدة اسلوبها العسل هههههه
مي/مالت عليك بس!!! وبعدين لاتقولين مراهقين لو سمحتي؟؟؟
مروة فطست ضحك عليها وعلى تفكيرها....
عيلة بو مشاري مكونة من ام مشاري طبعا انسانة شديدة وكلمتها وحدة ..
مشاري/الولد الكبير بالعيلة متزوج من لمياء العبد الله من الشرقية وعندهم بنت صغيرة اسمها مريم..
رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم......
منال/عمرها خمسة وعشرين سنة مدرسة تاريخ انخطبت مرة وفكت بنت هادئة وحبوبة وشخصيتها رزة مثل امها..
محمد الولد اللي يجي بعدها واللي ماخلى بنت بالرياض ماشبك معها وكل العيلة عارفته وعارفة سوالفه وسواد وجهه..بس قلبه طيب وعسل..
مروة/بثاني ثانوي....
مي/باول متوسط مع سارة بنت عمها واللي مايقعدون الا مع بعض دايم...
سارة/البنت الكبيرة لفهد الفارس مدلعة حييل وشايفة نفسها على اللي حوالينها بشكل مو طبيعي رغم انها نعومة حييل بس طبايعها تنرفز اللي حوالينها منها...وامها مدلعتها وكل طلباتها اوامر...
لمى/البنت الثانية لفهد الفارس واصغر من اختها بسنتين ونسخة عنها في الشكل والطول حتى دايم يفكرونهم تؤام....
فيصل/حبيب البابا والماما طبعا علشانه ولد..عمره خمس سنين ولسانه اطول من بعشرين سنة؟؟؟
محمد/ها ..ها اسمع في ضحك هنا خير ان شاءالله؟؟
مروة/تعال تشمت معي في بنات متوسط بس ياخوي ههههههه
محمد/هههههه قولي شفيهم خلنا نضحك؟
سارة بقهر وعصبية/صدق انك تافهة؟؟؟وعازمة اخوك بعد يضحك معك!!!!الشره مو بعليك على اللي جايتك من الاساس؟؟؟؟
واخذت بعضها وراحت قسمهم....
مي/زين كذا؟؟؟كاهي زعلت؟
محمد/بالناقص ان شاءاللله..هاذي متى بتعقل عن سوالفها...انا لو من عمي كفين على وجهها علشان تعتدل وتمشي سيده...
مروة/عمي مو فاضي يدلعها ولا له خلق اصلا!!!قصدك مرة عمي هي اللي مدلعتها بزيادة عشانها الكبيرة!!!
مي/خل اروح لها ابرك منكم يللي ماتفتهمون شي....
في بيت السبيعي...
عبير/السلام عليكم..
ابو علي وام علي وام ناصر/وعليكم السلام...
كانت عبيرماسكة صحنين كيك وحطت واحد على الطاولة...
ابو علي/زوجك وينه ياعبير؟
عبيربارتباك لانها عارفة وش بيجيها/..نايم,,,
ابو علي/وش منيمه لها الحزة ان شاءالله؟؟؟
عبير/كان سهران البارح ومانام الا الصبح...
ابو علي/يعني ماراح الدوام حضرته؟؟
عبير/...
ابو علي/مااقول الا تف على ذي رجاجيل بس!!!!اللحين يسهر لي الليل وش يسوي بالله!!!وانتي عاجبك حاله كذا؟؟؟كلميه هاذي مي حالة عليه...اذا شفت الرجاجيل شفت حاله؟
ام ناصر تغير الموضوع/قعدي يمه ليش واقفة...
عبير/بروح اسلم على امي وبعدها بمر نجود...بغرفتها؟
ام ناصر/أي يمه بغرفتها حايسة حوسة...الليلة بتروح مع ناصر الرياض تشوف لها شقة وتشوف المدرسة وبتشوف لها سايق..علشان تودي اغراضها....
ام علي/انا اقول تاخذ معها الشغالة تساعدها...اذا لقت الشقة اريح لها....
ام ناصر/قلت لها عيت تاخذها تقول انا يادوبي اشيل نفسي بعد بشيل معي همها ماقدر اخذها؟
ابو علي/وهي الصادقة هي بتدير بالها على نفسها ولا على ها الشغالة؟؟هذولا مشاكلهم مشاكل اللهم ياكافي وهي بتكون معظم الوقت برى الشقة ماتدري عنها..خليها هنا اريح لبالنا ولبالها...
عبير/انا طالعة اسلم على امي وبجي اساعدها....
طلعت عبيروتنهدت ام علي بقوة...
ام ناصر/خير ياوخيتي وش فيك؟
ام علي/افكر في ها المسكينة اللي متعذبة وماحد داري بهمها؟
ام ناصر لفت على ابو علي وقالت/ماهي بروحها متعذبة..مسكين ياولدي ياعلي...شايل همه وماحد
داري عنه المسكين؟؟؟الله يسهلها عليه ان شاءالله...زينة الشباب والله ومايستاهل اللي يجرى له؟
ابو علي لف عليهم وماقال شي بس اخذ بعضه وقام....
وهي رايحة لقسمهم وتوها فاتحة الباب جتها صرخة من وراها..
ابوفيصل/سارة ووجع ان شاءالله؟؟
جمدت يدها على علاقة الباب....ولفت له وهي خايفة من صوته...
ابو فيصل تقرب منها وقال لها بكل عصبية/انا مليون مرة قايل لك انك كبرتي واذا رحتي بيت عمك تروحين وشيلتك فوق راسك وعبايتك عليك كم مرة ها؟؟؟؟؟
سارة/...........
ابو فيصل بعصبية/ماتردين؟؟؟
سارة بخوف/بابا...نسيت....بعدين ماكان في احد؟
ابو فيصل/شنو يعني ماكان في احد؟؟؟؟اولاد عمك طالعين داخلين وعندك ان مافي احد؟؟؟ان شفتك معتبة الباب مرة ثانية بدون شيلة ولاعباية ذبحتك ودفنتك بمكانك سامعتني ولا اعيدها؟؟انتي كبرتي اللحين وصرتي حرمة كبيرة لازم تتحجبين عن عيال عمك....
نجلاء بخوف/وش عندكم صراخكم لااخر البيت؟
دخل فهد وقال لها بعصبية/كلمي بنتك وفهميها انها صارت كبيرة اللحين ولازم تتحجب عن عيال عمها؟؟انا ماقلت لها تغطي وجهها بس لازم تتحجب!!!
نجلاء/طيب يابو فيصل لاتعصب....
مشى عنها وماكانه يسمعها واول ماركب قعدت سارة على الارض تبكي بدلع....
نجلاء بهدوء/مو قايلة لك البسي عبايتك قبل تروحين عند بيت عمك ليش ماسمعتي كلامي؟؟؟كاهو شافك وصارخ عليك!!!!
سارة بدلع/بعدني صغيرة مو لابسة حجاب عشان بيت عمي وعيال عمي؟؟؟
نجلاء/قومي يمه قومي.....خلاص انتي كبرتي وابوك معه حق عيال عمك كبار وانتي صرتي بنت حلوة ولازم تتحجبين عنهم على الاقل...يالله يمه قومي علشان نحط الغذى...
سارة/بروح لبابي اول بصالحه وبعدين نتغذى....
جواهر/واهم شي انك مرتاح هناك؟
بندر بحب/معقولة انتي بعيدة عني وبرتاح!!!!وين تجي الراحة ياجواهري وين؟
جواهر بلهفة/تصدق....وحشتني مووت...
بندر/لاتقولينها ياجواهر تراني مااتحملها...صدقيني ابيع الدنيا اللي هنا واجيك!!!!
جواهر بدلع/بيعها وتعال لي...يالله انا قاعدة على نار انتظرك؟؟مو مصدقة انك الامس كنت معي قاعد واليوم تبعدني عنك مسافات...
بندر/الله يسهل ياقلبي الله يسهل...بس صدقيني لو وين رحت قلبي معك ومايبيني يبي يظل جنبك انتي وبس!!!
جواهر/فديته انا وفديت صاحبه.....طيب ماراح ترجع بال ويك اند..
بندر/طبعا لا...
جواهر بزعل/بس انت بجدة منت بماليزيا يابندر؟كلها كم ساعة طيران وانت هنا....
بندر/حبيبتي انا توني اليوم واصل وبكرة بكون بالشركة ومدري كيف بيكون وضعي خلني ارتب حالي وارتب اموري كلها وبعدين اشوف انزل خميس وجمعة عندكم؟
جواهر بزعل/كاْنك ماتبي تجي عندنا؟
بندر/مو حبيبتي جواهر اللي تقول ها الحكي اكيد؟؟لانها عارفة مقدارها عندي شنو......
جواهر/قص علي بها الكم كلمة وخلني اصدقك....المهم انا بتركك اللحين وبقوم اصحح اوراق الطالبات...
بندر بعناد بزارين/خل الطالبات يولون انا عندك واكلمك تقولين لي بقوم اصحح اوراق الطالبات ؟؟؟والله مااسكر؟؟؟
جواهر/ههههههه بندر...بعدين حبيبي بكلمك...
بندر/انتي قبل لاتشوفين الطالبات شوفيني ..شوفي قلبي شيبي يقولك...شحاله من بعدك ومن فراقك ...بعدين فكري بالطالبات؟
جواهر بحب/شخبار قلبك حبيبي....
بندر برومنسية قطعت قلب جواهر/يبي جواهر تجي عنده يبي يكمل اللي بنوه قبل ويعيشون لحظاتهم الحلوة مع بعض علطول....
جواهر بهمس/بندر..خلاص..
بندر باصرار/بموت على مانلت..
جواهر/حبيبي خلاص لاتجيب ها السالفة ماابي اسمعها.....
بندر بتعب/ليه ياقلبي ليه...انا لك وانتي لي وماحد بيعارض ها الشي ليه بس ماتبين نتذكر احلى لحظات بينا!!!
جواهر/خلاص بندر لين نصير لبعض بعدين تذكر ها الشي اللحين لا...اصلا من البداية احنا ماكان لازم المفروض نسوي ها الشي.....
في غرفة فهد الفارس...
طق طق طق طق...
فهد/منو...
سارة بدلع/هذا انا بابا...
فهد/ادخلي...
دخلت سارة وكان فهد جالس على الكرسي الملكي اللي قبال النافذة...
باسته على راسه وحطت راسه على ركبته...وقالت بدلع/اسفة بابا...ماراح اعيدها مرة ثانية..بس لاتزعل علي!!!
فهد بصرامة/سارة انتي كبرتي اللحين منتي بزر؟؟؟
سارة/خلاص بابا قلت لك اسفة...
فهد بجدية/كيف الدراسة معك...
سارة/تمام....
فهد/ممشية بدروسك والا حاسة انك مو فاهمة شي علشان المرحلة جديدة...
سارة/ولا هي جديدة ولاشي اصلا كل شي ندرسه تافه!!!وبعدين لابغيت شي اروح للماما علشان تفهمني اياه انت لاتشغل بالك.....
فهد/يعني ماتبين اجيب لك مدرسة خصوصية...
سارة/لا بابي ماحتاج.....انت موجود لو بغيت شي بقولك وانت بتساعدني صح......
فهد /صح....
سارة بابا انا احبك...واموت فيك بعد.....
فهد مسك يدها ووقفها.../يالله قومي نتغذى....
لبنى/ووين بالضبط؟
عبدالعزيز/بمارينا مول....
لبنى/...........
عبدالعزيز/............
لبنى/الله يسهل...
عبدالعزيز/انا عارف انك مو ..
قاطعته لبنى/عبدالعزيز لاتقول شي..انا احبك ومايهمني اذا كنت فقير ولاغني!!!!صدقني الفلوس اخر شي عندي بالدنيا؟؟؟؟؟
عبدالعزيز/وانا مو قادر اتصور شي يالبنى؟؟؟؟وش اللي خلانا نحب بعض وظروفنا مو متشابهة؟
لبنى/تراك راسم صورة لعيلتي غير عن الواقع!!!!احنا مو لذيك الدرجة ياعبدالعزيز.......
عبدالعزيز/بس بعد ماراح يزوجون بنتهم لواحد راتبه مايجي ثلاثة الاف ريال؟؟؟؟؟؟
لبنى/...............
عبدالعزيز/واللحين يشتغل بمحل بعد؟؟؟
لبنى/وش فيها اذا اشتغلت بمحل ياعبد العزيز؟؟؟انت تحسن من وضعك مافيها شي؟؟الشغل مو عيب لاتستعر من نفسك؟؟؟؟
عبد العزيز بقهر وحسرة*/انتي السبب يالبنى...من عرفتك وانا حياتي صايرة جحيم ومو مقتنع بحالي ابدا!!!!
وعارف بالنهاية ماراح نكون لبعض وحبنا بيموتونه!!!بس شسوي هذا قلبي اللي تعلق فيك ومو راضي يشيلك ابدا وهو عارف نهايته معك شنو؟؟؟
لبنى بحزن/خلاص ياعبد العزيز مايصير كل يوم نكلم بعض نسمع ها الاسطوانة ؟؟؟انا ماابي غيرك ولو شيصير بها العالم ان شاءالله لو تكون تشحت بالشوارع ابيك يعني ابيك ومايهمني احد!!!!!!
*****خلونا نتعرف على عيلة فواز السبيعي اخو بو مشاري....
زوجته ام بندر...
بندر الولد الاكبر/شاب طموح اسمراني بالثلاثين من عمره كبر ناصر و فيه شبه كبير من ناصر ولد عمه لانهم طالعين يشبهون لجدهم رزة وثقل بس حبوب يحب جواهر بنت جيرانهم وعلا علاقة فيها وماحد يدري بها الشي اللي بينهم.واقرب شخص له هو علي ولد عمه وزوج اخته عبير.....
عبير/البنت الثانية من عيال ابو بندر وتكلمنا عنها...
مضاوي/كبر نجود بنت عمها..خمس وعشرين سنة...وانعم وحدة في خواتها....كانت نعومة بشكل طفولي جدا وماتعطيها غير خمس عشرة سنة بس من كثر نعومتها وهدوئها....
لبنى/بعمر هيا ومعها بنفس الكلية والتخصص بنت عصبية جدا وخصوصا بعد ماحبت عبدالعزيز الحمود الشاب الطموح والفقير واللي عارف انه ماراح يقدر يوصل لمستواها ابدا!!!وها الشي متعب نفسيتها كثير...
هنوف/اصغر البنوتات عند بو بندر...بثاني ثانوي...مع نورة بنت عمها وصاحبتها بس متعلقة بنجود اكثر من نورة رغم اسلوب نجود القاسي والمتعجرف .. حاطة شخص في بالها وعاشقته بالسر وهو مايدري عنها....بتعرفونه مع الاحداث....
على الساعة تسع ونص وصلوا الرياض ناصر ونجود...
ناصر/وين قلتيلي المدرسة باي منطقة؟
نجود/خلنا اللحين ننزل نحجز لنا بفندق ونسبح وبعدها نطلع ندور المدرسة؟
ناصر/لا ندور المدرسة اول..؟؟
نجود بعصبية/لا نروح الفندق اول تراني طفشت من قعدة السيارة اربع ساعات على ها الحال؟؟؟
ناصر/وش تبيني اسوي لك يعني!!!!
نجود/ياه ...لاتصير مغثة يانويصر؟
ناصر/شوف اللي مايستحون؟؟؟؟على بالي اني اخوك الكبير وماخذ اجازة بكرة علشان اظل وياك وارتب امورك هنا؟؟اخرتها تسميني نويصر؟؟؟
نجود/يالله عاد حرك ودنا أي فندق حرام عليك تعبت؟؟؟
ناصر/انا مااقول الا الله يعين طالباتك اللي بتدرسينهم والله...شثقل الدم اللي فيك ياساتر!!!!
نجود/اقول واللي يعافيك من خفة دمك عاد!!!!
ناصر/شكلي بستخدم اسلوب التطنيش معك ياقمر!!!
وفعلا طنشها طول الطريق لين وصلوا شمال الرياض وتحديدا في حي الغدير.....
نجود/ياعنادك بس يانويصر؟؟
ناصر بشوية حزم ماتناسبه/شكلك ناسية منو الكبير فينا!!!!
نجود/الكبير مو بعمره ياعيوني الكبير بافعاله.....
ناصر/زين يالله بلاهذرة زايدة والبسي نقابك بسال اللي هنا عن المدرسة....
نجود/اوووف زيادة حر بعد!!!!
ورمت عليها شيلتها وهي شبه متلثمة ونص اللثام طايح......
وقف ناصر السيارة على جنب وفتح النافذة وكلم الشاب اللي كان طالع من بيتهم وواقف عند سيارته.....
ناصر/السلام عليكم....
مصعب لف عليه/وعليكم السلام والرحمة...
ناصرانحرج وهو يشوف مصعب يطالع بنجود..قال بسرعة/اقول اخوي وين الاقي عندكم شقق مفروشة هنا ؟؟؟؟؟
نظرات مصعب الاحتقارية اربكت ناصر للنهاية وماعرف شيقول خصوصا ومصعب قاعد يطالع بشكل نجود جنب ناصر اللي كانت شوي وتذبحه..
مصعب باشمئزاز/نعم!!!!!
ناصر وهو مرتبك/لاتفهمني غلط ياخوك؟؟؟تراني من الشرقية وجاي مع اختي وهي ماتبي تقعد بفندق طول السنة تبي شقق ويكونون ساكنين فيها بنات وقريبين من المدرسة الاولى للبنات....
مصعب تصديقه نص ونص.../والله مدري ماعندي خبر عن الشقق؟
ناصر وهو بعده متلخبط/طيب وين الاقي المدرسة الاولى؟
مصعب/تقصد المجمع..
ناصر/لالالا مدرسة البنات الثانوية؟
مصعب بملل/انت متاْكد اللي تبيها هنا بحي الغدير؟
ناصر/أي....
مصعب/ماكو غيرها هنا..مجمع متكامل متوسط وثانوي وقريب بينقلون الابتدائي فيه...الا اذا كنت تقصد مكان ثاني ولا شي ثاني؟؟؟؟
ناصر خلاص وصلت عنده وحس ان مصعب مو مصدقه شكره ومشى وهو معصب......
واول مامشى نجود ثارت عليه/بذمتك انت؟؟الناس تسال بالاول عن المدرسة وين موقعها وبعدين تسال عن الشقة؟؟؟؟؟لكن تستاهل جزاك واكثر من جزاك هذا اللي مايسمع كلام اخته؟؟؟؟؟
ناصر بعصبية/انتي بعد سكتي لاتزيدين واللي يرحم والديك!!!!!!وبعدين تعالي وش ها اللبسة ها؟؟؟اقولك لبسي النقاب تقومين تغطين لي شوية من وجهك والباقي تتركينه؟؟؟ماينلام يوم ظن فيني ظنون شينة ؟؟مو اللي طالع من وجهك اكثر من اللي مستور؟؟؟؟؟
نجود بعصبية/لاتقعد تسويلي سالفة اللحين وامشي خلنا ندورها بنفسنا !!!!!!
طلعت من الحمام وصوت جوالها يدق...رفعته وشافت اسم المتصل تلفتت حوالينها تتاْكد من وجود علي بالبيت ولالا...ماشافت له أي اثر راحت عند البابا ومالقت مفاتيحه...
دخلت المكتبة وردت على الجوال وفتحت الكمبيوتر.....
عبير/هلا...
....../وينك صار لي ساعة وانا ادق؟
عبير/موجودة؟
....../مشغولة؟
عبير/لا بس كنت توي رادة من عند خواتي.......
......./وشلونك.....
عبير/بخير وانت شلونك..
....../منتظرك ماشفتك دخلتي اليوم المنتدى ولافي أي مشاركة جديدة لك ولا شبكتي قلت مدري شفيك؟
عبير/لا بس حسيت بشوية ملل وقلت اروح لخواتي اقعد معهم...هذا انا شبكت اللحين يالله قوم ادخل انتظرك ......
سالم/طيب وين ابوك؟
فيصل/شسوي قلت له مليون مرة عمي سالم بالمجلس ؟؟؟؟
سالم/والله ابتلشت فيك انا!!!
فيصل/شنو؟؟؟
سالم/اقول ومتى بتروح الروضة ان شاءالله؟
فيصل/والله ياعمي ماودي اروح ماعجبتني؟؟؟انت ليش ماتقنع ابوي ان مايضغط علي ؟؟
سالم/ههه مايضغط عليك بشنو؟
فيصل/ماابي اتعلم العلم مو حلو؟
سالم/هههههههه تبي يجيبون لك مدرسين هنا بالبيت؟
فيصل/لاابي مدرسات؟
سالم/بعد!!!ههههه شكلك طالع علي مو على ابوك؟
فيصل/شلون يعني عمي سالم؟
سالم/هههههههه لاولاشي سلامتك....
دخل فهد المجلس ووقف سالم يسلم عليه..
فهد/حمد الله على سلامتك..متى جيت؟
سالم/توني من المطار ولعندك علطول...حتى عيالي مارحت لهم....
فيصل/بابا ليش قلت لعمي سالم حمد الله على السلامة؟
فهد جلس وجلس فيصل جنبه وقال له/عشانه توه راد من السفر؟
فيصل/عمي سالم انت كنت مسافر؟؟؟
سالم/أي..
فيصل/وين كنت؟
سالم/احم احم...كنت بدبي...ترى قعدت بس اربعة ايام مو تفكرها سفرة طويلة؟
فيصل/ياسلام!!!لو يوم واحد يعتبر سفرة؟؟؟وش جبت لي من دبي؟
سالم/ياذي البلشة!!!انا عيالي ماجبت لهم شي؟؟؟انت مفكرني رايح لااسواقهم ..الله يهداك بس!!وغمز لفهد وقام يضحك...
فيصل/شلون يعني؟
سالم/بكرة من الصبح بروح اخذ لعيالي ومابنساك انت قبلهم ولايهمك....
فيصل /بنشوف...
فهد/بابا فيصل روح العب هناك بسولف مع عمك سالم شوي...
فيصل حط رجل على رجل وتسند جنب ابوه/انا رجال ولازم اقعد مع الرجال وبرى مافي غير البنات؟؟عاد انت ماترضاها يبى اقعد معهم واخلي الرجاجيل؟؟
فهد وسالم ناظروا في بعض يعني ماراح يتكلمون براحتهم اصلا!!!!
في غرفة سارة..
مي/طيب وكلمتيها؟
سارة/من بعد مكالمة الصبح لاماكلمتها؟
مي/طيب دقي عليها مرة ثانية اللحين وشوفيها يمكن انها كانت نايمة واللحين قعدت...انا اشوف مروة اختي طول النهار نايمة وباليل سهرانة.زيمكن هم بنات ثانوي كذا نظامهم؟
سارة/والله لو نظامها كذا من بكرة اقلب نظامي؟؟ولا ليش بكرة من الليلة؟
مي/يالله دقي....
رفعت سارة جوالها ودقت على ملاك.....
مي/ها مقفل؟
سارة/لا يدق.....الو...هلا....هلا ملكي شلونك.....
ملاك/اهلين سارونة...
سارة بخوف/وش فيك يالغلا صار لك يومين ماتجين المدرسة ؟وكل ماادق لك جوالك مقفل؟
ملاك/ههه ولاشي بس ملانة من جو المدرسة مافيها أي شي حلو...مافي اكشن ولا اشياء جديدة نتسلى فيها؟
سارة/وانا اللي طايح قلبي عليك احاتيك؟
ملاك/ههههه ياحليلك يالبزر تحاتيني ليش اني غايبة يومين؟طيب وش رايك اذا قلت لك انا مكملة الاسبوع الجاي هذا كله غياب وماراح اجي الا على السبت الجاي؟
سارة بقهر/طيب حسي بالناس اللي تحبك وودها تشوفك؟
ملاك/خههههههههه حلوة ذي تحبني وودها تشوفني؟
يوم ثاني المغرب...
بغرفة نجود...
دخلت جواهر بدون ماتدق الباب وكانت نجود قاعدة ومعها هيا.....
جواهر/هلا وغلا نورت الشرقية والله؟؟
نجود/ههههه حلوة....كانت منورة بس زاد نورها ماراح اردك؟
جواهر/كيف الوضع....
نجود/تمام...
جواهر/هيا شلونك؟
هيا بدون نفس/كنت بخير بس اللحين ماني بخير؟
جواهر ناظرتها من فوقها لتحتها وهي فاهمة قصدها وطنشتها وقعدت على سرير نجود.....
نجود عارفة الشرارت اللي تصير بين هيا وجواهر كل مااجتمعوا مع بعض ونجود بوسطهم وكملت كلامها عادي مع هيا....
نجود/يعني شفتها من برى بس....
هيا/ليش مادخلتي؟
نجود/لاحقة عليهم .....
هيا/طيب ومن بيكون معك بالشقة؟
نجود/في ثنيتن من مكة ووحدة من جدة ووحدة من الشرقية ووحدة من الرياض حاجزين الشقة؟
هيا/طيب وهي كم غرفة؟
نجود/ثلاث غرف..كل غرفة بحمامها وصالة ومطبخ....يعني مو بطالة العمارة جديدة توها مبنية وهذا الشي اللي انا كنت ادوره يعني ماكنت ابي احد يكون ساكن قبلي....
جواهر/وعطوك غرفة بروحك؟
نجود لفت لها/طبعا!!تعرفين اني مااحب احد يكون معي مااعرفه؟؟
هيا/ودفعتي الفرق طبعا!!!
نجود/اهم شي الواحد يشتري سعادته....
جواهر/على قولتك.....طيب متى رايحة تودي اغراضك؟
نجود/وقت ماتفضون نفسكم لي ها الاسبوع؟ماني ناقلتهم بروحي لازم تجون معي تشوفون الشقة واللي بسكنها؟
هيا/اللي معك بالشقة سكنوا؟
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -