رواية قلوب تجرعت الحب -4
بيت بندركانت ابتسام قاعده مع الجده في الصاله
جوا العنود وسحر من المشغل
جوا قعدوا
العنود/اقول ابتسام وين فستانك ما شفناه
ابتسام/ماعندي فستان
سحر/ليه بندر ما عطاك فلوس تشترين فيه مع انك زوجته ومفروض ما يقصر عليك
ابتسام/لا بس انا ما راح احضر
سحر/احسن بعد ما راح يمدينا نعدل فيك يبيلك شغل كامل
ابتسام/انا اعرف ارتب نفسي من غير مساعده
الجده/تبي تنهي السالفه/وبعدين ابتسام قمر مصور ما يحتاج لها شي موب انتوا الحمد الله والشكر مشقرين وصابغين ومغيرين في اشكالكم
العنود/بس هذي الموضه يا جدتي تبينا نلبس زيها
بيت ابوا سلطان
سلطان/اقول يمه شخبار اسيل بنت خالتي
ام سلطان/زوجها حسبي الله عليها طلع يشرب هي رجعت الحين وهوا طلقها
سلطان/عن اذنك يمه بصعد غرفتي ارتاح
(ليه طلعتي لي بعد كل ها الوقت والحين بذات ليه الحين راده الحين عرفتي انوا ما كان يستاهلك)
في يوم الملكه
الجده/ليه يا بنيتي ما تبين تروحين معنا
ابتسام/يا جدتي ماودي اروح
الجده/اذا ما تبيني ازعل عليك تجين معنا
ابتسام/بس انا ما عندي شي البسه
فاطمه/لاتخافين انا شريت لك كل شي لاتنسين انوا حنا تقريبا نفس المقاس
الجده/الحين مالك حجه الحين روحي مع فاطمه المشغل جهزوا عمركم
سحر/روعه افردي وجهك اليوم ملكتك
روعه/ملكه مغصوبه عليها
سحر/اقول بلا هبل سلطان مليون بنت تتمناه وانت ما تبينه
روعه/عمري ما حبيته ولا راح احبه
بندر/فاطمه يالله ما خلصتي يلا خل انروح لا نتأخر
فاطمه/خلصت بس تعال خل انشوف زوجتك
بندر/سحر مع العنود وجدتي والوالده ينتظرونك تحت
فاطمه/قصدي ابتسام
بندر/انتي ما قلتي انها ما تبي تروح
فاطمه /جدتي اقنعتها يلا خل نروح ناديها
..........
فاطمه /واااااااو طالعه قمر
طبعا ابتسام كانت لابسه فستان احمر ماسك من تحت الصدر بشريطه اسودومخصر عليها ويبدي يتوسع شوي شوي لتحت وحاطه ميكاب روعه وحمره احمر صارخ وسادله شعرها الاسود الطويل
فاطمه/وش رايك بندر
طبعا الاخ موحولها مصنم من جمالها طول عمرها كان يشوفها بجلابيه وشيله على راسها أول مره يشوف جمالها بها الشكل
ما يحتاج اقول لكم وضع ابتسام الي ميته حيا من نظرات بندر وتحسب في داخلها على فاطمه
نزلوا تحت الام والجده صاروا يسمون بالرحمن على جمالها وسحر ميته قهر منها سحر حلوه مره بس ابتسام احلى منها كا شكل
(الجرعه السابعه)
في الحفله كانت العيون على ابتسام الي توترة من شافت كل ها الجمع الي يناظونها
العروس كانت حاضره بجسدها بس روحها في مكان ثاني وسلطان كان تفكيره باسيل الي موا قادر ينساهاجا وقت تلبيس الشبكه دخل سلطان وحاول يبين طبيعي عشانها
لبسها الشبكه وماطول بالقعده وطلع وهي بعد ما كانت مرتاحه بوجوده وما صدقت انه طلع وعدة الليله كذا
رغد/والله يا ابتسام كنت تجننين البارح
فاطمه/واحلى شي سحر شوي بتموة من القهر العاده الكل يمدح فيها بس البارح غطيتي عليها
دخلت عليهم العنود/اصلا سحر تجنن ذوق حسب ونسب واهم شي انه بندر ميت عليها
فاطمه/وش دراك
العنود/الدليل انه بندر كل ليله مع سحر موا كذا يا ابتسام
ابتسام/ببرودحلال عليها ما يهمني
تنرفزت العنود من ردها الي ما توقعته وراحت
بعد كم يوم
الجد/اسمع يا عبد الملك زواجك منها البنت مستحيل
عبد الملك/وليه يا جدي
الجد/قلت بنات ديرتنا عشان تاخذ وحده مهي من ثوبنا صحيح الحين كل بنات عمامك تزوجوا بس عنك بنات جماعتنا بس البنت هذي انساها ولا شفت اخوك بندر قلت انسا ها السالفه
(الكويت الكويت)
سعد/وش بتسوي الحين يا عمر
عمر/اماني لي مستحيل اضيع ها الفرصه من يدي وبخلي عمي يجبرها موا معقوله كل ها الحلال يروح لغيري
...................
رغد/وش بتسوين الحيين عبد الملك صار له 3شهور ولا حس ولا خبر
اماني/ ما ادري يا رغدوابوي مصر على رايه
(السعوديه الرياض)
بيت ابوا سلمان
الام/مبروك ياولدي مبروك يا بنيتي يانوره يتربى بعزكم انشالله
سلمان/الله يبارك فيك يمه
الام/عاد يا بنيتي لازم تراعين نفسك وتهتمين عشان ما تتعبين
نوره/ حاضر يا خاتلي لاتوصين
روعه/مبروك بتخلوني عمه وناسه
سلمان/احلى عمه
سلطان/وش في حالك مقلوب صار لك شهر على ذا الحال شف وجهك شاحب وجسمك ضعفان
عبد الملك/جدي رافض اني اتزوجها وانا ما ابي غيرها
سلطان/انا بكلمه وانشالله يقتنع
عبد الملك/انت ما تعرف جدي اذا قال شي ما يتراجع عنه ابد
فاطمه/يالله بكرا عرسي حاسه حالي بموت
رغد/اقول بلا قلة عقل
فاطمه/ايه انتي ماخذه راكان ولد عمتي وانتي تحبينه موا انجبر عليك وانجبرتي عليه
ابتسام/ممكن اعرف ليه تكريهينه
فاطمه/وش تبين يكون شعوري وانا ها الموضوع انفرض علي كان عمري 11سنه لما قرروا اني اكون زوجته كنت طفله وانصدمة من ها الموضوع كبرة وكبر كرهي معي
ابتسام/بس موحرام تعاملينه كذا هوا بعد ما كان في أيده شي يسويه وبعدين وش دراك انه ما يبيك
فاطمه/لانه من يوم ما كنا صغار وهوا معجب ببنت خاله مدري خالته وما كان يقعد معي ولا يعبرني
ابتسام/الحين قلتي انه كان يحب من تصرفات طفوله في الماضي
رغد/تصوري
فاطمه/هوا بعد قالي انه مغصوب علي وما يبيني
ابتسام/معقوله قالك كذا
فاطمه/من زود حبي له انا ما يهمني حبني ولا لاء
(يوم العرس)
كان الكل موجود ومبسوط لهم الا المعاريس طبعا
خلص العرس(في الفندق)
فاطمه/ما يحتاج انسافر ما له داعي انكذب على بعض
نواف/على بالك انا مستانس بالسفره بس لازم المظاهر قدام الناس
(بيت بندر)
في غرفة ابتسام
كانت تبدل ملابسها وما انتبهت لبندر الي دخل وواقف عند الباب
شافته فجأه وخافت مره لدرجه انها بعدة عنه وصارة ترجف استغرب من تصرفاتها كل ما حااول يقرب منها
بندر/ابتسام وش فيك
ابتسام/ما فيني شي بغيت شي
بندر/يعني لازم ابغى شي كل ما جيت هنا لانسين انك زوجتي
ابتسام/اانا
بندر/انتي وشو
ابتسام/انا تعبانه وابي انام الحين بغيت شي
بندر/لا ما ابي شي انا بطلع ارتاجي تصبحين على خير(وطلع)
دخل غرفة سحر
سحر/حبيبي وش فيك
بندر/ما فيني شي
سحر/لاء فيك شي اكيد هي الي زعلتك الله لا يوفقها
بندر(بعصبيه)قلت لك ما فيني شي ما تفهمين طفي الضو ابنام
سحر/(تغير علي بقوه كله منها انا لازم اطلعها من حياتي لازم)
................
ابتسام/(يا ربي ساعدني انا حبيته هوا الوحيد الي حسسني بامان ما حسيته عمري كله)
(الكويت الكويت)
اماني تصيح/ها بشر شلونه الحين
جاسم/حالته مهيب زينه الدكاتره يقولون حالته صعبه و24الساعه الي جايه هي الي بتحدد
اماني/انا السبب رفضي وعنادي خلوا ابوي يطيح ودني له ابي اشوفه
خالد/يا خوج اهدي انشالله بكرا نوديج الحين مانعين عنه الزيارات
في اليوم الثاني
اماني/اسفه يبى ادري اون انا السب انا موافقه اتزوج عمر بس انت ارجع لنا بالسلامه
الابوا/الله يخليج لي يا بنيتي
(السعوديه الرياض)
بعد اسبوعين ردوا نواف وفاطمه
بيت (بندر)
ابتسام/اهلين فطومه والله لك وحشه مشتاقدلج
فاطمه/وانا بعد بس ليش عندك رغوده
رغد/انا ادري عنها
ابتسام/والله فيها الخير بس لاتنسين حملها تراها في اخر شهر وعصبيتها بزياده
فاطمه/الله يعينك بتقعد هنا الي باقي من حملها وشهر بعده اكيد زوجك الحين مرتاح
رغد/اصلا راكان ما يرتاح في بعدي والدليل كل يوم يدق الف مره لولا شغله بالدمام ولا كان جا هنا
ابتسام/ههههه الله يخليكم لبعض اشرايكم نروح المطبخ اصلح لكم حلا وقهوه
رغد /وفاطمه/يلا
راحوا المطبخ وجت الجده قعدة معهم يسولفون وابتسام تصلح الحلا والقهوه
كانت ابتسام تصلح القهوه وموا منتبه لبندر الي دخل
جا تكا جنبها من الخرعه الي اخترعتها القهوه انكبت على يدها
ابتسام/اااااااااااااااااااااااااااااااااااه اااااااااااه
بندر/ارتبش عليها وخاف ومسك يدها يشوف اصابعها /توجعك
الجده/خليني اشوف /شافت وراحت اقعدة مكانها
اشرة لرغد وفاطمه الي فهموها وضحكوا وبندر مهوا بحولهم
الجده/اقول يولدي بعد عنها
بندر/شبعد ما تشوفين وجها قالب من الوجع بسبب الحرق لازم اوديها المستشفى
رغد وفاطمه/هههههههههههههه
رغد/ابي اقولك معلومه ابتسام صدق وجها قالب طماط بس موا من الوجع من الحيا شوف نفسك لزقت فيها ما يمديها تتنفس
بندر/حس بحاله وبعد عنها طبعا هي قلبها طبول من ها الموقف
رغد/ههههههههههههههههه والله لوا راكان يسوي فيني ذا الحركه قدام احد والله لأدبه
بندر/هههههههه انا اقول الاخ كل ما جا شفت وجه فيه كدمات اثريه انتي
الكل/هههههههههههههههههه
في المقلط
فهد/ها شخبارك معها
نواف/اختك ذي الله يعني عليها احس اني متزوج بزر
فهد/اصبر عليها وانشالله تعقل
نواف/ها ذنا صابر
في غرفة ابتسام
ابتسام/ها بشري شخبارك مع نواف
فاطمه/مثل قبل
ابتسام/معقوله ما حبيته ولاحسيتي ناحيته باي شعور
فاطمه/ما احبه شلون تبون مني احبه وارضى فيه اتركك مني قوللي انتي شخبارك مع سحرللحين تحاول بحركاتها
ابتسام/احس باقي لي شوي واقوم عليها لولا جدتي وخالتي كان ادبتها
(بيت ابوا سلطان)
سلطان/يمه ترى بكرا اخوي زياد بيرد الديره
ام سلطان /الله يبشرك بالخير
(زياد يصير زوج العنود بنت عمه مملك عليها وسافر يكمل دراسته)
دانه/سلطان بغيتك بسالفه ممكن تجي معي الغرفه
...........
في غرفة دانه
دانه/ممكن اعرف انت متى اخر مره كلمت اوشفت فيها زوجتك
سلطان/.................
دانه/انا اقولك من يوم الملكه صح
سلطان/.......................
دانه/اسمع يا خوي انا من الأول استغربت طلبك الزواج منها خصوصا وانا اعرف شكثر كنت تحب اسيل وانصدمت بزواجها وسفرها وللحين مستغربه بس روعه ما تستاهل منك الي قاعد تسويه البنت منا لازم تحس انه زوجها يحبها يسأل عنها يشوفها موا يتعامل مع الوضع وكأن شيء لم يكن انت كذا قاعد تظلمها
سلطان/ليه هي اشتكت لك
دانه/روعه عمرها ما تقول للي في قلبها لحد بس هذا ما يعني اني اشوف اخوي يغلط واسكت
سلطان/انشالله ما يصير خاطرك الا طيب ممكن اروح الحين تأخرة على عبد الملك
دانه/خلاص خلصت الي عندي
بيت (بندر)جتهم روعه وام سلمان زياره روعه قعدة مع اختها والعنود شوي ثم قامت عنهم لانها ما تحب سوالفهم
رغد/شخبارك الحين ياروعه انشالله مرتاحه
روعه/الحمد الله
فاطمه/شخبار سلطان معك
روعه/ما دري
ابتسام/يعني شنوا مدري
روعه/اخر مره شفته بالملكه
رغد/تتكلمين جد انتي ولا تمزحين
روعه/عادي انا كذا مرتاحه
(صارة تتذكر حياتها مع ولد عمها الي انتهت حتى قبل ما يبتدون لما جاهم الخبر بعد ملكتهم انه صار له حادث هوا امه ام راكان وتوفوا والحزن والوحده الي حست فيه من بعده)
فاطمه/روعه وين رحتي
روعه/ها مارحت مكان معكم
رغد/سمعيني ياروعه ولد عمتك توفى الله يرحمه وعشت على ذكراه كل ها الفتره ولوا هوا كان عايش مارضى بلي قاعده تسوينه بنفسك فكري بنفسك وبسلطان عطي نفسك فرصه انك تحبينه ما اعتقد انك تكرهينه انتي عطي نفسك فرصه تعيشين وطلعين نفسك من ها العزله الي حطيتي نفسك فيه وبتشوفين انك قادره انك تحبين مره ثانيه وتعيشين حياة طبيعيه تتمناه اي بنت
في اليوم الثاني كانوا الشياب والشباب كلهم في بيت ابوا سلطان عشان يسلمون على زياد
فهد/اخبارك والله لك وحشه وحشتنا جلساتك وتنكيتك طول الوقت
زياد/والله وانتوا بعد
زياد/مبروك يا سلطان على زواجك السموحه ياخوي ما قدرة احضر
سلطان/الله يبارك فيك تراك اخوي الصغير يعني ما راح اخذ على خاطري منك
الكل لاحظ سكوت عبد الملك الي ما تعودوا عليه
زياد/وشفيم يا عبد الملك ساكت ومهموم فيك شي
عبد الملك/لا ولا شي
سلطان/عبد الملك بغيتك برا شوي
...................
سلطان/هذانا الحين صرنا بروحنا قلي وش فيك
عبد الملك/اماني ضاعت مني يا سلطان ضاعت
سلطان/وشلون وش قصدك بضاعت
عبد الملك/قبل كم يوم ارسلت لي رساله تطلب مني انساها وانها انها ماراح تقدر تحافظ على الوعد وهي مطره تتزوج ولد عمها عشان ابوها خلاص حاس حياتي مالها قيمه
سلطان/هد نفسك ما يصير تسوي بنفسك والي صار مقدر ومكتوب
بيت ابوسلمان(جناح نواف وفاطمه)
فاطمه كانت قاعد على النت تقرا القصص الجديده الي نازله في المنتدى
دخل نواف وشافها قاعده تقرا وما انتبهت له بدل ملابسه وجا لقاها لسه قاعده تقرا
نواف/فاطمه
فاطمه/............
نواف/فاطمه
فاطمه/.................
نواف/فاطمه قاعد اناديك ردي علي
فاطمه/اوف شتبي
نواف/ردي بأدب وش ها الحركات متزوج بزر انا
فاطمه/محد قالك تزوجني محد قالك خذ بزر كنت خذيت وحده تناسبك وتناسب سنك
نواف/لوا بيدي كان سويتها
فاطمه/تنرفزت وقفلت الابتوب وطلعت من الجناح
نواف(يالله صبرني عليها مشكلتي ما اقدر اكرها والله اني احبها بس هي ما تعطي احد فرصه)
...........................
بيت(بندر)في غرفة بندر
بندر/ممكن اعرف ليه كلما حاولت اقرب منك تصديني
ابتسام/(بخوف)من غير سبب
بندر/شلون تحبيني وتبين تبتعدين عني
ابتسام/ومن قالك اني احبك
بندر(بعصبيه)خلاص ما تحبيني واشوله اقعد معك اطلع منها احسن بترك لك الغرفه لاء البيت بكبره عشان ترتاحين مني وطلع من البيت وهوا في قمة عصبيته
بيت ابوا سلمان
غرفة روعه
روعه(ما قدر احب سلطان حاس اني ظالمته انا الحين زوجته وما يصير افكر بغيره بس انا ما احبه ولا اعرف عنه شي لازم احاول اعرفه واحبه واعطيه فرصه انا تعبت من ها لحال الي وصلت له على الاقل عشان اهلي عشان امي وابوي لازم احاول)
(الجرعه الثامنه)
ابتسام(ياربي تأخر خايفه يكون صار فيه شي والله الي صار موبيدي موبيدي )
العنود/وين بندر
سحر/مادري عنه
العنود/شلون ما دري عنه
سحر/طلع وللحين مادري عنه
العنود/وش فيك عليه شكله ولا كأنه يهمك
سحر/ايه ما يهمني
العنود/تتكلمين من جد انتي
سحر/قلت لك ما يهمني بعد الي سواه فيني وتزوج علي ها القرويه كل الي يهمني ها الحين اني اطلعها من هنا للابد
العنود/ما مليتي البنت الصراحه ما سوت لك شي ولا ضرتك بشي بالعكس البنت بحالها حنا الي دايم نقط عليها كلام سم وهي ساكته
سحر/صرتي بصفهاالحين
العنود/انا ماني بصف احد بس خلاص هي ما سوت لنا شي
سحر/انتي ما سوت لك انا سوةخذته مني وخلت الناس يتكلون علي وخذت خالتي وجدتي بصفها
لايمكن انسالها ها الشي وراح اعرف اشلون ارده لها
الام/فهد عبد الملك وين رايحين بها الليل
فهد/لا ما في شي روحي نامي وارتاحي يمه
الام/عبد الملك تكلم وشفيكم شكلكم يقول فيه شي اخوكم فيه شي
عبد الملك/..............
الام/تكلموا
فهد/يمه بندر صارله حادث وهوا الحين في المستشفى
الام/يا ويلي على ولدي حادث(تبكي)ابي اشوفه
عبد الملك/يمه الحين خلينا نروح والصبح نوديك له
الام/ابي اشوفه الحين قلت لكم(حست بتعب )
عبد الملك/يمه فيك شي على اصواتهم طلعوا رغد والعنود
رغد/وش فيها امي
العنود/يمه رغد ساعديني اندخلها غرفتها وبعد ما دخلوها وعطوها دوا الضغط حقها طلعوا عشان ترتاح
رغد/الحين قولولنا وشي الي صار
عبد الملك/بندر سوى حادث ولازم نروح له الحين يلا مع السلامه
فهد/انتبهوا للوالده
راحت العنود لسحر
العنود/زوجك مسوي حادث
سحر/حادث وشلون صار
العنود/مادري اخواني راحوا يشفونه الحين الله يستر
ابتسام كانت بغرفتها واقفه عند الشباك تنتظره دخلت عليها رغد
رغد/ابتسام
ابتسام/نعم
رغد/تعالي بكلمك
جة قعدة جنمبها
رد/ليه واقفه على الدريشه
ابتسام/انتظر بندر تأخر مره
رغد/اسمعيني يا ابتسام/اخوي صار له حادث وااخواني عنده الحين
ابتسام/بندر صار له حادث (تبكي )انا السب انا السب انا الي خليته يطلع ويصير له كذا انا السب رغد والي يسلمك ابي اشوفه ابي اشوفه
رغد/ضمتها وصاروا يبكون مع بعض
في الصبح الكل كانوا في المستشفى
فهد/ها يا دكتور نقدر انشوفه
الدكتور تقدرون بس واحد واحد واجوا انكم ما طولون دخلت امه والجده والجد وررى بعض ثم سحر ورغد والعنود وفاطمه ورى بعض دخل بعدهم عمامه وعيال عمامه وعبد الملك بعدهم
دخلت بعدهم ابتسام/الي ما نشفت دموعها دخلت شافته نايم والاجهزه عليه قعدة جنبه ومسكت يده بيدها الصغيره الناعمه وصارت تتكلم وهي تبكي
ابتسام/انا السب في الي صار لك سامحني والله اني احبك بس الي صار غصبن عني والله ماراح ازعلك مره ثانيه بس لاتخليني وتروح انا مالي بها الدنيا غيرك بندر تكفى لاتخليني ارجع لوحدتي مره ثانيه انا حبيتك وما ابي اخسرك حبيت اهتمامك فيني عطفك علي نظرة الحب الي اشوفها بعيونك
لا تتركني انا بعدك اموت حست بيده تمسك يدها بقوه ناظرته لقته فاتح عيونه ويطالعها بتعب
ابتسام/ب بندر بندر انت بخير
بندر/بخير يا بعد روح بندر
ابتسام/تبكي /سامحني ادري اني انا السبب
بندر/اهم شي الحين اننا مع بعض وراح انظل مع بعض العمر كله
ابتسام/يعني منت زعلان مني
بندر/مصيبتي ما قدر ازعل عليك
ابتسام/راحت بلغتهم انه صحى
بعد ايام تحسنت حالة بندر والدكتور قال انه بيطلع خلاال ايام
دانه/على وين اشالله على ها الكشخه اليوم
سلطان/بروح بيت عمي بوا سلمان
دانه/بتروح تشوف روعه
سلطان/ايه
دانه/بتروح كذا
سلطان/ليه فيني شي
دانه/بتروح لها ويدك فاضيه خذلها هديه معك
سلطان/وش اخذلها
دانه/يا عيني عليك خذلها اي شي حلوا خذلها سلسال حلوا ذهب ووردروعه تموة على الجوري
سلطان/حاضر
دانه/ولا تنسى خذ ابتسامتك معك موا تروح لها وانت كذا
سلطان/اي اوامر ثانيه
داانه/لاء بس لاتنسى الجوري تاخذه لها
.............................................وهوا طالع صادف خالته
الخاله/اشلونك يا ولدي
سلطان/الحمد الله اشلونك انتي عساك بخير
الخاله/بخير ياولدي
سلطان/عن اذنك يا خالتي
دخلت خالته بعدها شاف اسيل واقفه انصدم ومر من جنمبها
اسيل/وشلونك يا سلطان
سلطان/بخير عن اذنك
اسيل/وش فيك نسيتني معقوله نيتني يا سلطان ونسيت الي كان بينا
سلطان/طالعا بقه/موا انا الي نسيت الوعد ورحت تزوجت وسافرة والحين عن اذنك
................................
ابتسام/هلا وفاطمه اشلونك
فاطمه/الحمدالله بخير
ابتسام/فاطمه بغيتك تروحين معي السوق انا ماعرف اي سوق هنا
فاطمه/اوكي بس وش الطاري على قةلت انك ما تحبين السوق
ابتسام/لا بس بشتري هدوم غير الي عندي
فاطمه/يعيني تغير لوك كل هذا عشان اخوي
ابتسام/اقول خلصينا ناطرتك عقب العصر
فاطمه/صار
...........................................
ام سلمان/قومي يا بنيتي بدلي هدومك وانزلي
روعه/وليه كل هذا
ام سلمان/سلطان تحت وجاي يشوفك
روعه/سلطان تحت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك