رواية شرع ربي ولا اعتراض -57
جواهر/ههههه ويوم ثاني انفلونزا شديدة هههههه
لبنى/وينه نويصر خلوني اقعده,لكم,,
ام ناصر/لاياماما خلي ولدي بعيد عنكم انتوا مجانين...
هههههههههههههه
جواهر/ترى بندر صاحي وينتظر منكم اشارة علشان يحرك..
نجود باعتراض/لامانبيه لايتعب حاله خله ينام ويصبح على الف خير..
ام بندر/هههههه مسكين ولدي هذا جزات خيره بيوصلكم ههههه
هنوف/هو لو لنا يايمه ماقلنا شي بس مو لنا!!!!
ام جواهر/لاتصيرين انتي بعد عليه وليدي بندر مو كافي محمد موتاركه بحاله ومطفشه بعيشته....كل ماقلت له يايمه عيب هذا زوج اختك لايزعل منك ولايتضايق من تصرفاتك خلهم بروحهم قال لا..انا اخوها ومحرم عليها ومااتركها بروحها لو شيصير...
نجود/احسن زين يسوي فيه......
بعد صلاة الضهر في بيت الفارس...
نزل فهد الصالة وماكانت غير سارة قاعدة تتفرج على التلفزيون,,
جلس جنبها...
فهد/مشاءالله سارونة هنا..
سارة/اهلين بابا...
فهد/وش تسوين..
سارة/اتفرج على التلفزيون...
فهد/ليش وين امك؟
سارة/امي الليلة حفلة وجمعة حريم وين بتكون يعني؟؟؟جايبة الكوافيرة ومرابطة معها....
فهد/طيب وين اختك لمى؟
سارة/جالسة تتفرج عليهم وش يسون...
فهد/وفيصل..
سارة/في بيت عمي واذا نزلت امي وماشافته بتذبحه لانها قايلة له لايروح هناك وماسمع كلامها؟
فهد/وليش ماتبيه يروح هناك....
سارة/ماتعرف امي بعد......على الموقف اللي صار
فهد/ليش انتي ماقلتي لها انك رحتي تسامحتي من خالتك ام مشاري؟
سارة/لا
فهد/ليش؟؟
سارة/امي وعارفتها بتقعد تقول وتهذر بلا فايدة؟
فهد/سارة عيب يابابا..
سارة/خلينا نتكلم بصراحة امي ماتحب بيت عمي كلهم وماتبينا نتقرب منهم وتبي اقل موقف علشان تمسكه عليهم انا اعرفها واعرف حركاتها اكثر منك انت ماتكون قاعد معنا وماتشوف كيف تناظرهم رغم انهم ماضروها....حتى انا ماتبيني اقعد مع مي ومروة مثل قبل...رغم اني احس انهم ..عادي معي يعني ....
نجلاء دخلت/سارة!!انتي لسه جالسة هنا وماتحركتي؟
سارة/وين تبيني اروح؟قلت لك مكياج ماابي احط وشعري ماابي اسوي فيه شي؟
فهد/مكياج شنو بعد!!بعدك صغيرة عليه؟
نجلاء/أي صغيرة انت بعد يافهد!!!اللي اصغر منها ماتعرفهم من كثر الالوان اللي بوجيهم هي تقول عنها صغيرة؟؟؟
سارة/قلت لك مو حاطة ولاتناقشيني ولاابي شي بشعري بخليه كذا ...وبلبس الثوب اللي كانت شاريته لي رحاب بنت عمي بعيد ميلادي!!!
نجلاء بتاْفف/ووجعتين!!انتي ليش تعاندين؟؟
سارة بعصبية/يمه كلهم بيلبسون اشياء ناعمة وبسيطة اقوم انا البس ثوب سهرة ومايناسبني بعد !!ولاهو عاجبني!!!
فهد بتاْنيب/سارة تكلمي مع امك بهدوء يابابا...
سارة/.......
نجلاء/الثوب اللي جابته مو بس بسيط الا مافيه شي!!لاحبيبتي انا ماابي اقعد اليوم وسط الحريم ويقولون وش ملبسة بنتها؟
سارة/ماراح يقولون الثوب ماركة واللي يفهم بالماركات بيسكت!!وبعدين انتي دايم تقولين قدام صاحباتك ان انتي ماتحبين التكلف في اللبس ابدا وتحبين الاشياء الفخمة ببساطتها خلاص!!!
فهد/خليها تلبس اللي يريحها؟
نجلاء/أي بس هذولا غير هذولا واصلين فوق..
سارة قامت/مو شغلي انا بسوي اللي يعجبني بالنهاية...
في الشاليه..
كانوا الحريم باسطين لهم بساط وقاعدين يسولفون عند الاشجار ودلالهم معهم وهم مرتاحين لاطبخ ولاعيال ولاازواج ولاوجع راس!!!
والبنات كلهم بالبركة ,,,,,
لبنى/تصدقون ودي اسوي حركة نذالة؟؟
هنوف/في منو؟
نورة/ترانا حاضرين للمساعدة؟
جواهر/قلبي محسسني اني انا اللي بكون الضحية؟
لبنى/هههه وش عرفك اني بسويها فيك؟
جواهر بستعطاف/لاتكفين واللي يسلم عمرك...
البنات/ههههههه
مضاوي/يالله لاتسوون شي في مرة اخوي ترى ماارضى عليها؟
هيا/الله واكبر على مرة اخوك؟
جواهر بمرح/نطقت حبيبة قلبي!!ياهيا ارحميني شوي من ها الحب تكفين تراني بموت!!
هنوف/هههههه
هيا بعصبية/لاتعليق!!
نجود/يالله لاتقلبونها لنا معركة دامية !!!!
عبير/ابي بوظة مثلجة مثلك نورة عطيني؟
نورة/مايصلح للمتزوجين بس البنات الصغار؟
جواهر/ههههه العن شكلك ..
هنوف/وهي الصادقة كل شي تبون منه مايصلح لكم؟
نجود/لبنوا ووجعتين سويتي ورق العنب ولاماسويتي؟؟تعرفيني مااكل الا حقك من البيت ...
لبنى/هو بصراحة انا سويته بس خليني اسال امي هل جابته معها ولا نسته!!
نجود/في ناس واعديني يشترون لي ورق عنب يقولون معاهم بالقطيف ناس مدحوا لهم مطعم اسمه الساحل يسوي ورق عنب شي..ومن زمان واحنا ننتظر ولاوصل ها الورق العنب؟
جواهر ميتة ضحك/شكلهم ها الناس انا هههههههه
نجود/زين اللي عرفتي؟من متى وانتي واعدتني؟؟
جواهر/خلاص بكرة اخذ بندر وننزل القطيف واشتري لك من عيوني؟
هنوف/مو من عيونك ياحظي تبيه من مطعم الساحل؟؟؟؟؟؟؟
جواهر/اقول واللي يعافيك استهبلي بعيد عني؟
هنوف/استهبل ولا اهبل فيك هههههه
جواهر/لاحول لزقت وش يباعدها اللحين؟
هنوف/ههههههههههههههههه
على المغرب كانوا بيت الفارس متجهين للمزرعة اهل المعرس وبسيارة بندر كان طول الوقت ساكت وشارد وماغير فوزية اللي حاسة فيه وبهمه ولاهي قادرة تتفاهم معه لانه معند ومو راضي يتقبل أي شي....
كان السكون مالي السيارة ومافي غير سوالف ام مصعب اللي كانت جنبه ولفتاتها عن الليلة وش راح يصير فيها وماالى ذلك,,
الجازي/وش فيكم قاعدين بجو عزا رغم ان الليلة عرس؟؟؟؟
ام مصعب/حط لنا شي يامصعب يغير جونا عاد!!
وقبل لايتحرك قامت هي تغير بمحطات الاذاعة وماعجبها شي وشافت الشريط اللي كان يسمع فيه قبل لايركبون ودخلته وعرضته ولف مصعب وجهه للجهة الثانية علشان لايشوف فوزية ونظراتها اللي بتلومه من مراياته,,
كانت اغنية حسين الجسمي...
بلغ حبيبيك وقله باخذك منه..
هذا هو الحل ومالي أي حل ثاني,,,
مااقدر اقعد واشوفك بس واستنى,,
كل يوم عنك بعيد يزود جناني,,,
من يوم شفتك وانا في داخلي ونة,,
ولعت قلبي ترى..وشبيت وجداني...
قله ترى اموت لو ماتبتعد عنه..
لازم انا اهواك ولازم انت تهواني...
ياليت قلبي عرفك من صغر سنه..
والله لااحبك واضمك بين وجداني..
حبيب قلبي منعت القلب لكنه..
يبغيك انت ومايبغي احد ثاني!!!
فوزية بحدة/يمه غيريها ماهي حلوة ها الاغنية ابدا!!
الجازي/ باالعكس روووعة تحسينها تعبر عن تجربة محزنة للغاية!!
تنهد مصعب وماعلق بشي..
ام مصعب/لولا الاذواق لكسدت السلع!!!!نغيره لاتقومونها حرب ثنتينكم!!
الجازي/عادي ولاحرب ولاهم يحزنون مجرد اختلاف بوجهات النظر؟
ام مصعب/انت وش تبي يامصعب اخبار ولااغاني ولابرامج ولاشنو؟
الجازي/ههههههه مصعب يبي اغنية البراقع!!تذكر قبل فترة بالرايحة وبالجاية حاط لنا ها الاغنية!!!
اكتفى مصعب بانه يبتسم لها رغم الحزن اللي ساكن بقلبه....
فوزية/يمه تتوقعين عمتي نجلاء تجي ولالا؟
ام مصعب/وبدون أي شك طبعا!!!تلاقينها اول الواصلين؟
مصعب باهتمام/أي بس مو من بعد سالفة نجود وسارة ماطبت بيت عمي ولاكلمتهم!!!
ام مصعب/اولا خالك فهد ماراح يتركها بحالها لو ماراحت وبيلزم عليها تروح لانه يحب بيت خالك بومشاري ويعزهم حييل ومايرضى على زعل ام مشاري!!وبعدين عمتك نجلاء ماتفوت عليها عزايم وجمعات من ها النوع بتشوفها قاعدة وكان البنت اللي مناسبينها بنتها هاذي تموت على الناس اللي فوق اسالني عنها عاشرتها بملكة رحاب وشفتها شلون مافارقت رحاب دقيقة وحدة علشان اهل زوجها!!!!
الجازي/خسارة بنفتقد رحاب الليلة؟
مصعب/طيب ليش مااجلوا الموضوع لبعد ماتقوم رحاب بالسلامة؟
ام مصعب/علشان يمديهم يايمه ماعندهم غير شهر رمضان بس وبعدها بيتزوجزن وبيسافرون..
فوزية بحزن/بتوحشني منال كثيير ...
الجازي/في اختراع اسمه جوال!!وفي اختراع اسمه ماسنجر...
مصعب/سمعتي!!
فوزية/ولو مايعوضون تظل مفتقد وجود الشخص بجنبك..يعني بذمتكم اللحين احنا مو مفتقدين ابوي رغم ان احنا بكل وقت نكلمه!!!!بس يظل وجود الشخص اللي تحبه جنبك يعطك امان اكثر...
سكتوا كلهم وماعلقوا بشي لانهم كلهم كانوا يفكرون بنفس الشخص بها الوقت وبغيابها عنهم....ابو مصعب...اللي كلهم يفتقدون وجوده,,,,
طلعوا من البركة وقاموا يتمشون لين وصلوا للمراجيح وقعدت جواهر بوحدة ونجود بالثانية وكانوا قبال الحريم....
لبنى/ياام بندر جبتي معك ورق العنب؟
ام بندر/اللحين منهي الام ومنهي البنت انا ابي اعرف؟
لبنى/انتي الام وانا البنت بس على فكرة سؤالك خارج عن الموضوع؟
البنات/ههههههه
ام بندر/يعني انا ماشفت مثل بنات ها الزمن ؟؟انتي تشيلين اغراضهم وانتي تقومين بكل شي بدالهم!!
لبنى/هذا ان دل يايمه دل على تواضعنا وكرم اخلاقنا اللي نخليكم تشاركونا كل شي؟
البنات/ههههههه
ام جواهر/اه منك يالعيارة انتي؟؟قولي امين عسانا نفرح فيك ان شاءالله قبل عرس جواهر وبندر؟
لبنى رفعت يدينها لسماء وهي تقول بسرعة/اميييين!!
هنوف/لامو من هنا لبنوا تعالي من هنا عند الشمس علشان دعوتك ترتفع بسرعة ؟؟؟؟؟؟
لبنى/ادري فيك تبين الشمس تحرقني؟
نجود/اللحين وين العابكم مال قبل خلنا نفلها قبل العملية؟
هنوف/نجودوا..فرضنا فرضنا يعني سويتي العملية وعميتي ماصرتي تشوفين وش بتسوين ساعتها!!
جواهر وهيا بصوت واحد/فالك ماقبلناه!!!!
جواهر/قلبي وجهك يالله!!!
هيا/انتي ماتعرفين تقولين شي زين؟
هنوف بثقة/اولا انا ماكلمتك والسؤال موجه لبنت عمي يعني وش ها اللقافة اللي عليكم ثنتينكم؟ثانيا ماجاوبتي نجودوا؟
نجود/اولا اسمي نجود وماني اصغر عيالك!!!ثانيا شبقول بعد شرعك اللهم ولااعتراض!!!
هنوف/ياسبحان الله مؤمنة..هههههههه ولو ان الايمان بجهة وانتي بجهة ثانية؟
نورة/ابي اضحك بس اخاف من نجيد؟
نجود باعتراض/وعمى اللي يعميك وش نجيد هاذي انا مااحب ها الاسم!!!!
مضاوي/يالله عن الملل قولوا شي ولاخلونا نلعب لعبة حلوة..
لبنى/عندي اونو بشنطتي عفية مضاوي جيبيها لاني لو اقول لااختك المفعوصة هاذي ماراح تجيبها لواموت!!
هنوف بخبث/تصدقين كنت بقوم بس بما انك شكيتي بقدراتي غيرت راي وماني قايمة!!
جواهر/هههه عليك كذب ماله حدود ابدا!!
هنوف/بنات سمعتوا اخر اغنية نزلت السوق..
البنات/لا....
هنوف/اجل اسمعوها احم احم..
هيا/واللي يرحم والديك اذا بصوتك بلاها مانبي نسمعها!!
جواهر/هههههههه
هنوف بتوعد/زين انك ضحكتي بعدين باخذ حقي منك!!
جواهر/عندي نجود تحميني!!
نجود بهمس/مااضمن لك فهد مايرضى اتقرب قدام اشياء مفترسة لاتاْذيني!!
جواهر ماتت ضحك والف علامة استفهام بوجه هنوف..
هنوف/شالسالفة وش قلتي لها يانجود؟
نجود ببراْة/ولاشي..ماتعرفين جواهر بعد كل شي يخليها مبتسمة المهم قولي الاغنية يمكن ان احنا عرفناها..
هنوف/احم احم..نورة تعالي علشان تكملي الدويتو معي مايصير بروحي...
نورة/مااعرفها..
هنوف/ذيك..
نورة/ايهي فيهم..
هنوف/اللي يوم الاربعاء...
نورة/أي....يالله ...
هنوف/بلا دراسة بلا وجع راس..وش جانا من ورى ها العلم,,,
نورة/غير القهر,,غير السهر وش جانا...
هنوف/يااستاذ انا ماابي دفا..مخي من العلم اكتفى..
نورة/وين التفوق والاجتهاد ودانا...
هنوف/يااستاذ يكفي ماجرى..البال توه مااستراح..ماجانا من العلم ترى كفانا..جربت في مرة التفوق...واخلصت انا ومخي سوا..وفجاْة كذا الرسوب ناداني..
نورة/يامخي خذ مني وعد..ماعاد نشتاق للكتب..ارحل بدربك للابد..نبي نتمتع بالدلاخة وانسانا..
هنوف/ماعاد يغرينا التفوق..ماصرنا وياه نتفق..والاستاذ ماعمره صدق وايانا.....وسلامتكم,,
لبنى وهيا بنفس الصوت/بايخييييييييييين بنات اول ثانوي..
هنوف/شكرا شكر اشكرا..
هيا/ياشينكم وياشين سوالفكم الشره علينا اللي وقفنا نسمع لكم للاخير....
جواهر/أي والله وانتي الصادقة,,,
قامت نجود ومشت مع البنات وجواهر توها بتقوم الا هنوف قامت تمرجحا بقوة..
جواهر مسكت المرجيحة وهي تترجاها/هههه لالاتكفين هنوفوا لااطيح هههه تكفين...
هنوف باصرار/لاانا حالفة العبك وادير بالي عليك لاتخافين..
شوي الا وشعر جواهر انفتح وجزمتها طارت,,
جواهر/هنوفوا هاذي مو مرجيحة انقلبت قطار موت واللي يسلمك وقفي خلاص توبة ماعاد احكي عليك ابدا!!
هنوف/لالالا...
جواهر/ويلي يمه لحقي عليّ..
لبنى بخبث/لو مين تناديني مالك امل حد يجي ينقذك....
عبير/بنات بندر جاي بيقعد شوي تغطوا..
نجود باعتراض/اوووووووووووووف ليش جاي..
ام بندر/ههه ها نجود اشوف صرتي ماتواطنين ولدي!!!
نجود/ابوي واللي هو ابوي واحنا طردناه مابغيناه يجي معنا ولدك بعد ليش بيرز الوجه..
جواهر/اكيد حس بظلم خواته وجاي ينقذني....
هنوف/تحلمين والله مااوقف لو يجون منه عشرة..
نجود وهي داخلة/قدها وقدود عن عشرة رجال مو بنت حشى....
دخلوا بنات ابوعلي داخل وجاء بندر وسلم على الحريم وتقهوى معهم وراح للحبيبة..
هنوف/شفت ياخوي حاطة مرتك بعيني مسويتها اعظم من البزارين حتى المرجيحة قاعدة امرجحها بنفسي..
بندر/مشاءالله شفتي شلون يحبونك خواتي ..
جواهر بدون نفس وهي حالتها قشرة الجزمة بجهة والشعر انتكش /اقول لايكثر انت واختك وقلبوا وجهكم عني!!
بندر/وين؟؟
جواهر/ماابي اقعد معكم..
بندر بزعل/ليه!!!!
جواهر/غربلتني اختك خلت راسي يدور....
بندر/هنيف ووجعتين؟
هنوف/تكذب ياخوي تكذب انا حتى بالبركة حملتها وقمت اسبح فيها علشان لاتغرق...
بندر/حشى دلفين مو هنوف!!!مااعرفك واعرف سوالفك..
جواهر/حبيبي بس بدخل بزبط اموري وبشرب ماي وبرجع..
بندر/قعدي بس قعدي امورك زابطو وعاجبتني شحليلك واذا على الماي ارويك انا..
جواهر بحدة/بندر!!
هنوف/احم احم احم..فهمت...بس يتراوالي مابتروي يابندر بتعطش اكثر!!
جواهر فتحت عيونها على وسعها/مشاءالله يعني ماالعن من اخوك الاانتي!!!
بندر/ههه يالله مااسمح لك عاد هي بس حبت تلطف الجو....
جواهر/والله عطشت يابندر حلفتني....
بندر/يامضاوي..مضاوي جيبلي ماي....ها انحلت القضية..لاني اعرف ها النشبة اذا لزقت تصير اعظم من اخوك محمد ولاشي يشيلها..
هنوف/بسوي روحي ماادري ان انا المقصودة...
مضاوي/تفضل.....
مسك بندر غرشة الماي وفتحها ومدت جواهر يدها
بندر/بيدي والله اشربك بيدي.....مد يده لها وسط نظرات خواته وابتساماتها ونص خجل من جواهر مو كامل.....
جواهر/عساني منحرم منك يالغالي...
هنوف/ولامني ان شاءالله..
مضاوي/هههه انتي وش يدخلك وحدة وزوجها انتش شكوا!!
هنوف/انتي ماتساعدين بها المواقف مافي غير لبنى صاحبة الوقفات البطولية...لبنى..لبينة تعالي بسرعة..
لبنى طيران../نعم عسى ماشر...
هنوف/راح عليك التسردح والتمردح....
لبنى شهقت/وش اللي صار؟؟؟
هنوف/علوم علوم صارت قولي وش اللي ماصار؟؟؟
جواهر وهي تناظر بندر/انت متاكد بتاْمن عليّاقعد مع ذولا في بيت واحد طول الاسبوع!!!!راجع حساباتك زين؟؟؟
بندر/هههههههه وش زينهم لو تلفين العالم ماتلاقين مثلهم...
لبنى/شكلنا مو عاجبينك انسة جواهر؟
هنوف/قولي قولي اذا مو عاجبينك.....
بندر قومها ومسك يدها علشان يتمشون ووراها الجماعة ثلاثهم ...
جواهر/عسى ماشر اخوكم بيقول كلمتين وبيمشي بعد ها الزفة شحقه؟
لبنى/يمكن تحتاجون نساعدكم بكلمة ولاشي..
هنوف/او انك تتحرشين في اخوي وهو مايفهم بها السوالف نخلصه من يدك....
جواهر/امممم بندر انت شتقولهم عني بالضبط؟
بندر/انك حبي وقلبي وعشقي وحياتي واغلى مافي ها الدنيا يادنيتي!!.جواهر/بندر خلاص ترى بديت اخجل ..خل كلامك الحل وبعدين بيني وبينك..
لبنى باعتراض/لا ياعمري عندكم شي قولوه قدامنا مو ورانا!!
هنوف/أي وانا ااْيد بعد؟
بندر /قولي خل نقهرهم....اي شي..
جواهر/حبيبي خايفة ها الحب يكبر وقلبي يعشقك اكثر واكثر..
واذا شفت اني مااستغني عنك...تخليني ومن حبي تنكر...
بندر/من اللي حط ها الفكرة في بالك ...ياعمري لايصور لك خيالك.. باني اقدر انسى الحب وابعد وربي اللي خالقني مقدر...
جواهر/اخاف بيوم تزهق وتملل,,ولااكون بعيونك مثل الاول,,,اخاف تلاقي غيري لك حبيبة,,وتخليني على الحب اتحسر,,
بندر/محال انه تجي مني مضرة,,احبك والعمر ياعمري مرة,,,واذا كل شي تغير في حياتي ,,غرامك مستحيل انه يتغير,,
جواهر/ابي منك عهد واضح وصادق,,معي تبقى وعمرك ماتفارق,,ولك مني احبك للنهاية,,,اسيرة حبك ومنه مااتحرر,,
بندر/عهد ابقى على حبي وحبك,,ولااخر نبضة فب قلبي احبك,,يااغلى حلم حققته بعمري,,,يافرصة في حياتي ماتتكرر,,,
وقفت قبال النافذة ومسكت جوالها ودقت على فهد اللي مارد عليها....
اكيد اللحين راح المزرعة علشان ملكة منال...وقاعد مع الرجاجيل..بس انا ابي اسمع صوته اليوم بطوله ماسمعت صوته غير الصباح وبس!!
اووف ليش صارت ملكة منال اليوم بس وحرمتني من صوته ودفا احساسه...
ممرت ثواني الا واحلى ابتسامة رسمتها على وجهها يوم دق جوالها وكان فهد هو المتصل...
ردت بلهفة الدنيا/هلا بغلا عمري..
فهد بهمس/شلونك..
نجود/لو اقولك انك واحشني بتصدق؟
فهد بنفس الهمس/طبعا...
نجود/حبيبي انت...شكلك بالمزرعة صح؟
فهد/أي..
نجود/عارفة بس شسوي بقلبي اللي الح انه يسمع صوتك يافهد؟احرمه واخليه يظل متضايق ومقهور ومايسمع صوتك؟
فهد/لاطبعا!!!بس ترى انا الجو مو صافي عندي ابدا ولا صدقيني كنت دقيت قبل لاتدقين!!
نجود/عارفة حبيبي.وبتتركك الحين.بس ابي منك وعد تطلع من الملكة وتدق علي لاني مااتحمل مااسمع صوتك كذا اليوم كله؟
فهد/طيب حبي ولايهمك..
نجود/يالله عمري اخليك....
سكرت وهي تناظر بجواهر وبندر اللي كان ماسك يدها وخواته يغنون حواليهم من النافذة,,ماتدري ليش ماهي حاسة بان ارتباط جواهر ببندر شي واقعي,,كل ماشافتهم مع بعض حست انهم بيتركون بعض ومابيكملون مع بعض..نعقولة لانها حست بان مصعب واحاسيسه ناحية جواهر صادقة ومولعة؟؟ولا لانها مو راضية تتقبل بندر رغم معرفتها التامة بان قلب جواهر مابيختار غير بندر لو شيصير بالعالم!!!!
رجعها صوت هيا للواقع بعد وقفتها جنبها وهي تكلمها/عقبال مانفرح فيك وانتي مع ولد الحلال اللي اكيد بيكون محسود انه اخذك؟
نجود بجدية/هيا تتوقعين منو يحب الثاني اكثر جواهر تحب بندر ولابندر يحب جواهر؟
ناظرتها هيا بهدوء وبعدها لفت تناظر بجواهر وبندر وقالت/مدري احس ان كل واحد فيهم مكمل للثاني وكل واحد حبه فايض من عينه,,,مقدر اقولك ان في واحد منهم يحب الثاني اكثر ..احسهم متساويين بحبهم لبعض...الله يتمم عليهم بخير ويوفقهم ..
نجود بشرود/امين...
في مزرعة بيت الصالح كان الجو وناسة ورقص وانبساط رغم ان الملكة كانت مختصرة جدا ومقصورة على ام المعرس وخواته وخالاته وعماته واهل منال وبس...
نجلاء/انا كاني شفتك من قبل مو ذاكرة.ياام تركي؟
ام تركي/يمكن اني شفتك باستقبال ولاحفلة ولاجمعة عند بيت الجاسر تعرفينهم صح؟
نجلاء/أي طبعا اعرفهم بيت الجاسر ومين مايعرفهم؟
ام تركي/أي انا وام محمد الجاسر ربع وبينا عشرة طويلة وتلاقيني بكل مناسباتهم ملازمة لهم..
نجلاء/تماما...وليش ماجت الليلة ام محمد مدامك صاحبتها.مو.المفروض تفرح معك بتركي...
ام تركي/أي اكيد انها بتفرح معي بتركي بس والله طالعين لبنات من قبل اسبوع ومابيردون الا مع رمضان ,,,
نجلاء/اها....
ام تركي/انتي شتصيرين لمنال؟
نجلاء بنفخة/تقدرين تقولين اختها الكبيرة!!انا زوجة فهد عمهم بس ساكنين بنفس البيت وطول وقتنا مع بعض ..
ام تركي/اممممم يعني متعلقين في بعض..
نجلاء/حييييل انا طول وقتي معهم وهم طول الوقت في بيتي....
,, يالله عاد لاتقولون البارت قصير هذا عيدية ومااحسه قصير ابدا!!!
طمنوني وش رايكم ان شاءالله عجبكم بس ياربي,,,وتعطوني تعليقاتكم عليه وعلى البارت اللي بيجي,,,
**في البارت الجاي,,,,,,,,مو مستعجلة بس لاتنسى اني اكلمك من ورى حجابّّ مني بتقولها وليش؟؟
,,,,,بتقول اسباب التغيير ولا بتكتفي بالتغير وحده؟بتقولها عبير لعلي ياترى ليش وشونو بيكون بينهم اذا وصلها للمجمع؟
,,,ابو فيصل؟؟وين راحت فهد وفهودي خلاص انتهت!!ليش بيقوها لنجود ياترى؟
,,,,يالله ذوبي وش ورانا اصلا؟؟عندنا وقت علشان تذوبين؟؟من بيقولها لمنو؟
يالله بنتظاركم ياعسل,,,وسامحوني على التقصير اذا صار,,,
صراحة ماانصفتوني..بعضكم صار كريم وعلق وبرد قلبي والنص الثاني بخل عليّ بعيديتي وماعلق وزعلني منه..بس بما اني ملح الحياة وقلبي كبير سامحته بس ملزوم يعلق اليوم..
شوفوا هي القاعدة شلون عندي..انتوا تنتظرون البارت علشان تشوفون وش صار فيه من احداث,,انا انتظر تعليقكم على البارت علشان اشوف وش الشي اللي عجب الاغلبية وشنو الشي اللي ضايقهم ولشنو تحمسوا وشنو اللي مال له قلبهم اكثر,,,وها الشغلات يعني..فالاتصيرون بخيلين معي يابنات غرام وانا صايرة اكرم منكم ومنزلتها لكم حصرية؟؟
ويالله نشوف وش البارت اليوم صار فيه من احداث يمكن انها تسعدكم ويمكن انها شوي تضايقكم.(والله مدري)
البارت الثاني والاربعين
في الشاليه..
جواهر/شتسوين؟
نجود كانت قاعدة وماسكة جوالها...رفعت راسها لها وقالت/بدق على منال ابارك لها...
جواهر جلست جنبها/يالله دقي خل ابارك لها انا بعد...
دقت وبعد ثلاث اربع رنات شالته منال..
نجود/هلا والله
منال بفرح/هلا فيك..
نجود/ان شاءالله الف مبروك..
منال/الله يبارك فيك وعقبالك ان شاءالله..
نجود/ان شاءالله...عارفتك مشغولة بس حبيت ابارك لك ..
منال/تسلمين ياقلبي كلك ذوق والله..
نجود/هاذي جواهر بتكلمك تبارك لك.....
نورة/وش رايكم نركب دبابات...
هنوف/فكرة هايلة..
مضاوي/مااتوقع انها تنجح.
نورة/ليش عاد مضاوي كذا متشائمة؟
مضاوي/ماراح يخليكم ناصر تركبون..
نورة/بروح اشوفه......
نورة/ناصر..ناصر..
ناصر/هلا...
نورة/نبي نركب دباب...
ناصر/عسى ماشر؟
نورة/ماشر يالغالي بس نبي نركب وش قلت؟
ناصر/قلت طبعا لا..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك