رواية شرع ربي ولا اعتراض -64

رواية شرع ربي ولا اعتراض -64

فهد/مافيني اخذ اجازة اسبوع بعد...يعني انتي عارفة زحمة المكتب..والعيال اللي تاركهم مع نجلاء وانا عارف ان كل الانظمة بالبيت فوق تحت انقلبت؟
نجود/فهد انا ماقلت لك تعال معي انت جيت بنفسك؟لاتقعد تخليني احس بتاْنيب ضمير انك تركتهم وجيتني؟
فهد/لاياقلبي مااقصد صدقيني ..بس تعرفين مااقدر اتشتت..ابيك وخايف عليهم..
نجود/ادعيلي..
فهد/اهم شي الارادة والعزيمة والاصرار انك تتخطين ها المرحلة
نجود/طيب
فهد/قولي وعد..بكرة من الصباح بكون غير وكل شي حولي بيكون غير وبرجع نجود اللي حبها فهد
نجود/وعد
فهد/أي كذا تريحني...

كانت قاعدة بغرفتها وهي تناظر بعلي اللي واقف ويتكلم مع بندر بالجوال قبال المرايا وهي تفكر بكلامهم لها...يعني معقولة تنسى كل تعبها وجراحها من علي وتبتدي معه صفحة جديدة؟؟

يعني في امل انه ينسى لمياء ويفكر فيها وهي تنسى انه كان تفكيره المجرد بس يخونها ويفكر بغيرها؟؟؟؟

كل شي صعب...تغيير نفسها صعب ونسيان الماضي صعب..

بس في شي اصعب من الثاني..

وهي لازم تقرر..لمتى بتكون هاذي الحياة بينها وبين علي عاد!!!

لازم تفكر بكلام جواهر ونجود وتاخذه بعين العقل..

وطالما انه قاعد يتغير هي بعد لازم تتغير معه مثل ماقالوا لها وتستغل ها الفرصة اللي ممكن تقلب حياتها فوق تحت!!!

بس لو ماكان يحبها بجد وناوي على شي هي ماتعرفه وش ممكن يصير لها ساعتها!!!!!!!

علي بهمس/الو..وينك وين سرحانة فيه؟

انتبهت على صوته وهو شبه منحني عليها يكلمها..

عبير بشرود/ها..ولا شي موجودة....

علي/أي بس منتي معي صار لي ساعة اكلمك وانتي بعيد.....

عبير/يمكن سرحت شوي......تصبح على خير...

الصباح في بيت السبيعي,,,

ام علي/صباح الخير يمه ..شلونك..

نجود وهي تمشط بشعرها/هلا خالتي صباح الانوار....

ام علي/لا اليوم النفسية احسن بكثير عن اول..

نجود/الحمد الله حتى الصداع بداْ يخف بس لازم له شوية وقت وينهي..الحمد الله رب العالمين على كل حال...

ام علي/عسى الله يعطيك العافية ويريح بالك ان شاءالله..يالله على ماتغسلين بكون جبت فطورك..مسوية لك العصيدة اللي تحبينها من يدي...

نجود/ماتقصرين ياخالتي عسى عمرك طويل..ان شاءالله عقبال ماتفرحين بشوفة عيال علي وهيا..

ام علي تنهدت/علي........الله يسمع منك ان شاءلله ويهديه ويصلحه ها الولد...

نجود/ان شاءالله خالتي ان شاءالله,,الله كريم ماهي ببعيدة على رب العالمين....

ام علي/صدقتي يابنيتي مافي شي بعيد على رب العباد...هو القادر على كل شي...

نجود/انا شفت الموت بلحظة من اللحظات اول ماطلعت من العملية..حسيت لاني عايشة وكل شي فيني قاعد يموت ببطْ شديد..والله لو اعرف اوصف لك حالتي اللي كنتي فيها كان وصفتها....بس الحمد الله شوفي هذا انا اسولف معك والالم خف الحمد الله وان شاءالله العصر اروح ويشيل باقي الخيوط والليلة اقوم واقعد وبكرة اصير احسن واحسن والجمعة اضب اغراضي واروح الرياض..

ام علي/الله ياكريم يابنيتي يانجود..عسى الله يقومك بالسلامة...يالله قومي غسلي لاتبرد العصيدة..

نجود/يالله قايمة..

ام علي/اسندك يمه..

نجود/لاخالتي انا بخير الحمد الله....

في الخبر بلازا,,,,

سالم/الحمد الله ماقومتنا ووديتنا المستشفى مثل كل يوم؟

فهد/لان موعدها اليوم العصر؟

سالم/يعني مافي مجال للتهرب من الموعد؟

فهد/وانت ليش بالله جاي معي الشرقية موعلشان تخاويني وين ماكنت؟

سالم/أي بس مو كل يوم مستشفى؟وبعدين انت لاتدخل معها ولاهم يحزنون؟تنتظرها تطلع علشان تروح للدكتور وتساله؟

فهد/اليوم راح ادخل معها.....وبعدين انا يهمني اتطمن على حالتها بنفسي؟

سالم/عشتوا.....شياب اخر زمن؟

فهد/شوف..

سالم/شنو؟

فهد ابتسم/المحل اللي يقابلنا اسمه نجود...

سالم/الله واكبر...وفتح لك نفسيتك يعني؟تعال بس محل ها الالعاب واعد العيال اجيب لهم ولو ان كل شي عندهم بس عادات قشرة عودناهم نروح ونجي والهدايا قبلنا!!!

العصر,,

رحاب/وانتي ليش متضايقة اللحين؟

منال/لانها ماكانت جاية لي؟

ام مشاري/براحتها محد جبرها تجي ولاتسوي شي من الاساس...

منال/منو قال لها اصلا ان تركي هنا بيتعشى؟

رحاب/يمكن هي شافته وهو جاي ولا شافت سيارته....

منال/لاوالقهر قاطة الميانة حييل والماي يجري بيني وبينها ...ولو انها عارفة ان ها الشي مو صحيح بس مدري ليش قاعدة تسوي كذا؟

ام مشاري/لانها تبي تتقرب من امه...من شافتها ليلة الملكة وهي ملازمتها مثل ظلها..

منال/وقالت له بعد خذ لي موعد من امك وخل يصير ينا تلفون ياهي تزورني ياانا بزورها.....

ام مشاري/وانتي ليش مضيقة خلقك يمه..

منال/لاني انحرجت ماعرفت اقوله ان علاقتنا بعمي بس زينة بس نجلاء ماتحبنا واقل هبة هواء تكشر بوجههنا...

عبير/اووووووووف

علي/ليش تتاْففين؟

عبير/مسوية لك سينبون وخله مايضبط بموت نفسي!!

علي/افا بس افا!!بتموتين نفسك علشان سينبون يبى يوم انك مشتهية دقيتي عليّ اجيب لك وانا جاي...

عبير/ياسااام..يعني سينبون يسويه احسن مني!!!ليش بالله!!!انا لازم اسويه احسن منه واحلى علشان....

علي/علشان شنو؟

سكتت ماجاوبت بس كانت تناظر بعيونه..

علي برومنسية/علشان شنو ياعبير؟

عبير بتردد/ودي اسالك سؤال ومو عارفة شلون اساله؟

علي حط يده بشعرها/سالي؟

عبير/لا بدز لك مسج وانت جاوبني طيب...

علي/طيب بظل متنظر المسج على نار!!!!

تنهدت ونزلت راسها وسكتت وعم الصمت المكان بينهم,,,,

علي/شفيك سكتي..جوالك وعندك يالله دزيه انا بموت على مااعرف شنو سؤالك؟

عبير/بينقلب حالنا لو...

علي/لاتتكلمين بالالغاز وقولي كل شي بوضوح؟

عبيرقامت من مكانها واخذت جواله/انا بروح الحديقة امشي...وبعدين برسله لك....

نجود/تسلمين ماتقصرين ياملاك...

ملاك وصوتها بيروح من كثر البكي/والله انها كسرت بخاطري ولاخلتني اكلمك..

نجود/معليش انا كنت تعبانة بجد وقلت لها ماودي اكلم احد؟

ملاك/أي بس انا قايلة لك وقلتيلي بتردين عليّ؟

نجود/ماكان لي خلق احد اصلا ياملاك صدقيني..وهذا انا اليوم صرت بخير ورديت عليك بنفسي وطمنتك..

ملاك/أي بس انا زعلانة..لاني خفت عليك كثير وامي مارضت اجي لعندك وانتي مارخصتيلي وجواهر ماخلتني اكلمك؟

نجود/امك تفهم بالذوق حيل مشاءالله عليها عسى الله يحفظها لكم وجواهر انا قايلة لها اني تعبانة ومابرد على احد الا اذا صرت افضل..

ملاك/وانتي اللحين افضل..

نجود/الحمد الله وين قبل يومين حييل تغيرت اكيد قاعدة تدعيلي بعد كل صلاة ياملاك صح ولالا؟

ملاك بسرعة/انتي عندك شك اني قاعدة ادعي لك؟

نجود/هههه لاادري فيك مايحتاج اوصيك...

ملاك/يعني بتداومين يوم السبت ولاسؤالي جاي بدري؟

نجود/والله للحين ماقررت شي يعتمد على رقدتي الليلة وقومتي بكرة كيف بكون....تعرفين الصداع شوي مع كل قومة وقعدة يتعبني..ومافيني اجيكم المدرسة وانا بعدني تعبانة....

ملاك/عسى ربي يسلمك ويعافيك ويخليك لنا ان شاءالله..

نجود/تسلمي..خلاص تطمنتي عليّ وسمعتي صوتي..

ملاك/ماراح اسكر!!!!ماصدقت اسمع صوتك تبيني اسكر؟

نجود/ماوراك مذاكرة؟

ملاك/كل المدرسة مالها طعم بدونك...

نجود/لايكون رجعتي تغيبين مثل قبل؟؟اوعي ياملاك ترى بزعل منك لو عرفت انك اهملتي!!

ملاك/لا ماغبت صدقيني..بس صايرة اروح المدرسة بدون نفس..حصصك موزعة على ابلة الكيمياء والرياضيات واذا كلش جمعتنا ابلة سعدى مع الفصل الثاني وصار الوضع لايطاق!!!الكل يسال عنك وعن غيابك ..

نجود/.........

ملاك/ماتتصورين شكثر المدرسة كئيبة ومملة بدونك ياابلة نجود..

نجود/ملاك انا شاكرة لك شعورك ناحيتي.....وبس ارجع في موضوع ودي اكلمك فيه واتمنى تتقبلين تتكلمين معي كاْخت وصديقة ماشي..

ملاك بفرح/انتي كل شي عندي.....

نجود/خلاص انا بسكر طيب...

ملاك بزعل/لا..توني اقول انتي كل شي عندي؟

نجود/ابوي بيجي يتقهوى معي اللحين مايصير ..بعدين ..

فوزية/مصعب شفيك؟

مصعب تنهد وهو سرحان /ولاشي..

فوزية/والمطلوب مني اصدقك طبعا!!

مصعب/........ف

وزية/مصعب شفيك..حالتك مو عاجبتني اصلا!!

مصعب بعصبية/وش فيني بعد!!مافيني شي؟؟من تشوفوني قاعد سالتوني شفيك؟

فوزية/وليش تصارخ؟

مصعب/انا ماقاعد اصارخ عادي بس سؤالك نرفزني!!!يعني غصب يكون فيني شي؟

فوزية/انا ماقلت كذا ياخوي..بس ها الايام حالك مايسر احد ..لاحبيب ولاعدو؟

مصعب بنفس العصبية/وش فيه حالي بالله!!!!

فوزية بهدوء/دايم شارد وفكرك مو معك,,,حزين وشايل هموم على راسك,,,,متضايق وضيقتك ماْثرة علينا كلنا,,,تعبان وتعبك قاتلنا قبل لايقتلك,,مصعب اذا مفكر ان احنا مو ملاحظين ها الشي فانت غلطان!!انت لاقمت تطلع مع ربعك مثل قبل ولاتجلس تتسامر معنا مثل قبل,,,حتى امي والجازي لاحظوا ها الشي وقالوا لي وسالوني اذا كنت اعرف شي وقلت لهم اني مدري عن شي...ابوي ..البارحة مكلمني يسالني عنك..يقول صوتك متغير وكاْنه حاس ان فيك شي؟؟قلت له من فراق خالي فهد اذا ماشاف خالي تتغير احواله وانا اداري عليك وعلى نفسي....مصعب علامك ياخوي...ليش معذب نفسك ها العذاب هذا كله عاد!!مصعب بنرفزة والم ودموعه مقربة تطيح/لانك ماجربتي تحبين تقولين متعب نفسك ومعذب نفسك وعذبنا معك!!!!

ياليتني ماشفتها بطريقي ولاالتقينا ابدا!!!يابنت الناس انا تعبان مو قادر..دخلت ها البنت فكري ولعبت فيني....

لاني قادر اشيلها وكل مااتذكر خطيبها تزيد فيني النار..ليش هو مو انا اللي صارت من نصيبنا!!شعنده وماعندي علشان تحبه وتختاره تكمل معه حياتها!!!

مستعد احلف لها وللعالم كله ان حبه لها ماراح يغطي ربع حبي انا لها...

فوزية بشدة/بس الاهم انها هي تحبه واختارته هو؟خلاص يامصعب خلاص؟؟كافي..بتجنن نفسك علشان وحدة مرتبطة..انت شفيك مو صاحي!!!!

مصعب نزلت منه دمعة لاشعوريا وكانت معالم وجهه كلها معتفسة فوق تحت ومسحها بكم ثوبه ودخل داخل بدون مايقول أي شي..

فوزية تنهدت بقوة/الله يلعنك ياابليس,,,,,يارب اهديه واصلحه ووفقه للي فيه خير له..

في بيت الهاجري....

ام محمد/اليوم العيون عليك باردة مانمتي الضهر ومقابلة المطبخ اكيد بتعشين بندر مو لنا!!

جواهر ابتسمت/يمه..حرام عليكم طول الاسبوع غايب عني وتناظروني بالليلة اللي يقعد معي فيها!!

ام محمد/ههههه عاد انا امك بناظرك ياحظي!!بس اقوله يابخته تنشال عنه نومة الضهر عكسنا لو يتزلزل فينا البيت ماحد لنا!!

جواهر/شدعوة يالغالية..انتوا اغلى عندي من بندر وطوايفه..

ام محمد/ياعسى ربي يجمعكم مجمع خير قولي امين..ولايفرق بينكم ولايسلط عليكم ناس ماترحمكم..

جواهر/امين يايمه امين...

ام محمد بتاْثر/بيفضى عليّ البيت بعد كم شهر ياحبيبتي..

جواهر تقربت من امها ومسكت كفها وباسته/عسى الله لايحرمني منك يالغالية ولامن حنانك ولاوجودك معي وبقربي دوم يارب!!يمه..البيت كله بكله خطوتين وانا جنبكم....وبعدين اذا بندر بيضل هناك انا بضل هنا ماراح اقعد بالشقة بروحي يايمه...

ام محمد بتعجب/كيف يعني..انتي مو قلتي انها دورة وبتنتهي ياجواهر؟

جواهر/.......

ام محمد/شالسالفة لايكون نقلوه هناك علطول بس!!

جواهر/الظاهر كذا يمه....(ماتدري ليش لحظتها ماحبت تقول انه انفصل ولقى له وظيفة جديدة هناك)

ام محمد/لاحووول....طيب وكيف بيصير وضعكم يمه؟

جواهر/مدري يمه..بندر يبي

ناصر/اقول ترى خالد خويي امه وخواته بيجون يحمدونك السلامة ويتعافون لك..

ام ناصر/ولد اصل ها الخالد مايتركنا لابفرح ولابحزن..عسى الله يبلغه بولده ويفرح فيه ويفرحني فيك ان شاءالله..

نجود/عنده بنت ولاولد؟

ناصر/عنده وليد....

نجود/لو انك معرس وياه كان انت بعد عندك محمد اللحين؟

ناصر بخبث/لا كان عندي ثلاثة انا حار مو مثله؟؟

نجود/شوف اللي مايستحي؟؟!!!!

ام ناصر/ههههه يالله اعقلي عن ولدي ...

ناصر/هههههه

نجود/وان شاءالله هو ولدك وانا عدوتك!!سمعيه شيقول؟

ناصر/امزح معك يابنت الناس علامك انتي!

نجود/اقول ويوم انك حار ليش للحين قاعد عزابي وانت بتصك مو بتصل بعد الا صكيت الثلاثين؟

ناصر/بعدني باقي كم شهر؟

نجود/الله واكبر...

ام ناصر/يايمه خلني افرح فيك واشوف عيالك مدامي حية واشيلهم واربيهم لك..

ناصر/لك طولة العمر يالغالية لاتقولين ها الكلام..ان شاءالله بتشوفين عيالي وعيال نجود وطبعا عيالي بيكونون الاقوى علشان نعكس القاعدة وعيالها رايحين فيها ودايم عيالي يطقونهم وينتصرون عليهم..

نجود/تحلم يابابا..محد يلامس شعرة وحدة من عيالي!!!مايجيه خير اللي يقربهم وانا راسي يشم الهوا..

ام ناصر/ياعسى الله يبلغني واشوف ذاك اليوم ان شاءالله....

محمد/هايمه شقلتي؟

ام مشاري/شقول وابوك موجود الكلمة له مولي؟

محمد/هايبى شقلت؟

ام مشاري/بعد بنت اختي والنعم فيها...بس انا اقول لو تصبر شوي يكون افضل..

محمد بحلطمة/وليش بعد اصبر!!

ابو مشاري/يعني ابوها ماباقي له شي ويجي لهم ..خله لين يجي ابوها ونخطبها منه رسمي ...

محمد/...........

ام مشاري/ها خلاص...

محمد/لامو خلاص..زين عطي عمتي خبر يبى؟

ام مشاري/لاماهي حلوة نعطيها خبر يمكن انها تقوله بعدين كيف بتصير روحتنا اذا رحنا نخطبها منه..انتظر وش فيك انت كلها كم يوم..

محمد/مو انتوا ماعندكم قيمة للايام!!الكم يوم يصيرون كم شهر وكم اسبوع مو كم يوم؟

كان قاعد بغرفته والنار شابة فيه من كل جهة..

طولت...

ماصار ذا مسج اللي بترسله ولاسؤال اللي ودها تساله اياه!!!

ياترى وش عندها تبي تسال عبير؟؟؟

وليش مترددة بعلاقتها معاه كذا!!!

للحين شاكة بتصرفاته وبحبه للمياء؟؟أي اكيد مافي مجال انها بتكون تراجعت عن تفكيرها....

بس انا لازم اقول لها اني نسيت لمياء وفتحت معها صفحة..صحيح مانسيتها نسيتها وتمر على بالي بلحظات كثيرة,,بس اني مقرر انساها واشيلها من بالي وعبير وانا بنبدي حياة جديدة مع بعض..لازم تعرف ها الشي واني بحطها بعيوني وبداريها وبخليها تحبني وانا بعد بحيها,,,

قطع عليه افكاره صوت جواله يدق وفتحه بسرعة وهو يلعن في باله الاتصالات اذا هم اللي راسلين وحمد ربه انها عبير ...

(علي....انت تحبني؟وياترى انت نسيت لمياء ولا قاعد تتلاعب بمشاعري معك؟وهل فعلا احنا قادرين نفتح صفحة جديدة مع بعض)

ارتبك حييل من اسئلتها وكانه ماتوقع وحس ببرودة عجيبة تسري باطرافه......

//////لبنى وهي فيها النوم../الو..

عبدالعزيز/هلا وغلا..

لبنى بزعل/صباح الخير

عبدالعزيز/أي بس اللحين مو صباح؟

لبنى/صباح الخير على اتصالك يعني تو الناس باقي وقت ليش متصل؟

عبدالعزيز/وش فيك حبيبي زعلان؟

لبنى بعصبية/سلامة عمرك!!مكلفة على نفسي امس وطابخة لك العشى بيدي وجايبته لك للمحل واقولك اول ماتاكله عطني خبر؟؟وانت الله بالخير قافلي الجوال مرة وحدة؟؟

عبدالعزيز/مو كذا السالفة..

لبنى/لاتحاول..انا ماودي اتكلم..مالي خاطر اكلمك؟

عبدالعزيز باستعطاف/طيب سمعيني بس..

لبنى/يعني ماعجبك الاكل قطه بالزبالة وقول الحمد الله ورد عليّ!!مو قافل لي الجوال حضرة جنابك؟

عبدالعزيز/انتي كبريت ولابنزين؟؟؟

لبنى/..........

عبدالعزيز/بسم الله عليّ وعلى عمري....مانتي عاطيتني مجال اتكلم ابدا!!!

لبنى/تفضل..

عبدالعزيز بتنهيدة/شبعده عاد ياقلبي....عموما تسلم يدك على ها الطبخة الروعة..صراحة عجيبة ...بس خسارة اضطريت اخلي محمد ياكل معي...

عبد العزيز/ها وش فيك قولي شي...

لبنى/ليش مقفل جوالك؟

عبدالعزيز/مو مقفله ..طاح وانكسر ..وتوني ماخذ جوال اخوي ....

لبنى/عذر مو مقنع..

عبدالعزيز/شلون يعني؟

لبنى/يعني بعدني زعلانة...

عبدالعزيز/طيب تجين المحل ارضيك..

لبنى/لا..

عبدالعزيز/والحل....

سالم/كسرتنا اليوم انت بالاسواق شسالفتك ؟

فهد/انت مو تبي تشتري لعيالك اشياء وهدايا هذا انا جبتك الراشد...

سالم/باقي بكرة عندنا خوب احنا مابنطلع الا اخر اخر الليل..

فهد/بكرة بقابل نجود مو فاضي اتسوق لهم؟

سالم/وين بتقابلها؟

فهد/مدري...بس انا قلت لها تاْجل موعدها للساعة ست ونص المغرب يعني على ماتروح وكذا...بنطلع بعدين نتعشى؟

سالم/واللي معها..اخوها مدري شسالفته..خوب شكله لزقة مايفارقها ابدا!!

فهد/هذا اخوها ناصر يحبها حييل..وانا مالومه طبعا محد يعرف نجود ومايحبها.....بس انها بكرة ماراح تروح معه...بتخلي جواهر تروح معها مع سايقهم..هي قالت بتدبرها علشاني..

سالم بخبث/ليش وش بتسوون؟

فهد/والله عجزت اقنعها علشان تطلع معي نتعشى...بالموت رضت وقالت لي انها تعبانة ومالها خلق أي مكان بس انا حلفتها اذا لي معزة ودي اشوفها واتطمن عليها بنفسي..قالت يكفيك بتشوفني بالمستشفى ..ومن هنا ومن هنا يالله رضت ولا هي ماهي مقتنعة اصلا!!!ويادوب كلها ساعة قالت لي اكثر مابتقدر...

سالم/اقول فهد مااشوفك اخذت لنجلاء شي؟

فهد/وماودي اخذ بعد!!

سالم/ليه؟

فهد بعصبية/لعن بو دارها بكمل اسبوع وانا غايب عن البيت سماعة تلفون مارفعت تسالني شخبارك ولاشمسوي؟حتى اذا كلمت يالله تقولي انا طالعة ولابطلع ولامشغولة بعدين اكلمك....ومتفرغة لي البارح متصلة ابيك تشوف لي شي حلو بوديه لاام تركي مدري لمنو اذا راحت تزورها؟؟؟بالله عليك مو حرقة دم؟

سالم/غريبة مع انك مو عاطيها وجه تسوي ها الحركات...

فهد/انا بس منشغل ها الايام بنجود..بس ارجع لازم تنحط النقاط على الحروف ويتقرر كل شي...

سالم/بديت تشتغل بشقتكم مدري بجناحكم؟

فهد/لا لسه..بكلم العيال اول وبعدين بشتغل فيه..ماابي اشتغل فيه واجهز كل شي وبعدين اكلمهم احسهم مابيتقبلون الشي مني وبيحسون بانهم مالهم قيمة...

الليل في بيت السبيعي كانوا مضاوي ونجود بس اللي قاعدين والباقي ماهم هنا بالاضافة لخوات خالد وامه....

خلود/مشاءالله عليك......تهبلين..

مضاوي بنعومة/تسلمين..

خلود/وين مخبينها هاذي يانجود ماكنت اشوفها قبل؟

نجود/انتي جاية تشوفيني انا ولاهي حددي موقفك؟

خلود/هههههه الاثنين...

نجود/هه على فكرة مضاوي..هاذي خلود اخت خالد صاحب ناصر ترانا شايفين بعض قبل ها المرة يعني زرناهم وزارونا..يعني شبه ماخذين على بعض...خلود ترى مضاوي بنت عمي حياوية حييل..

خولد وهي تتفصحها/مبين عليها....تدرسين؟

مضاوي/لا..زمان تقاعدت عن الدراسة...

نجود/أي زمان!!!صار لها ثلاث سنين مو عشر من خلصت الثانوية وقاعدة تاخذ لها دبلوم اللحين وباقي لها السمستر هذا بس وتتخرج.....

مها (اخت خالد الثانية)/مشاءالله تبارك الله..تصدقين فكرتك بمتوسط؟؟والله مايبين عليك..

مضاوي/...........

نجود/يالله لاتخلونا تذوب عليّ

خلود/يعني اللي يشوفك مايقول مسوية عملية لسانك دوم متبري منك..

نجود/حرام عليك تاْدبت يومين كاملين اليوم بس من شفتك فليتها شوي؟

خلود/ههه يعني شوفتي جابت لك العافية...

مضاوي/الظاهر كذا.....

مها/تعالي مضاوي قعدي جنبنا خل نسولف...

راحت مضاوي قعدت جنبهم وهم عيونهم عليها...

نجود ابتسمت وفهمت نظراتهم وهي ماتطوف شي وملاتخلي شي في بالها/اقول خلود..شخبار محمد اخوك..وين يشتغل اللحين ؟

خلود/يتشغل في بنك ..

نجود/لا..تمام الله يوفقه ..وين؟

خلود/احزري وين..

نجود/بالرياض ولابجدة؟

مها/في مكة...

نجود/مشاءالله..دايم الدوم صلاته في بيت الله ..الله يعطينا ونروح احنا بعد ونصلي في بيت الله ..

مها/ان شاءالله نسافر مع بعض مثل المدينة يوم نروح قروب احنا وانتوا...انبسطنا كثير ذاكرتها ولاناسية؟

نجود/لاوالله مو ناسيتها..عاد تصدقون امي دايم تقول لناصر خل نعيديها..بس الظاهر خالد مرته مالها نية.؟.

مها/تصدقين مانشوفها كثير..بالمناسبات الاجتماعية وبس؟

نجود/وهو عادي مرتاح من الوضع انكم ماتتزاورون؟

مها/اختياره خله ينطق محد قال له؟

خلود بهمس لمضاوي/في احد بالبال؟

مضاوي بخجل/طبعا لا..

خلود بنفس الهمس وهي تبتسم/اجل خلنا نفرح فيك فرحتين..واذا بالك فاضي تراك محجوزة لااخوي محمد بس تتخرجين!!!!!

باخر الليل وعلى ضوء الشموع...

كان بندر محاوط خصر جواهر بيدينه..وهو يناظر بالطاولة...

بندر بهمس/انتي مسويته علشاني؟

جواهر بنفس الهمس/اذا ماكان لك لمنو بيكون؟

بندر/احبك...

جواهر/صدقني ياعمري لو اظل احلف لك من اللحين لبكرة اني احبك ماراح تصدقني..اصلا حبي لك فاق كل تصور وخيال..

بندر/قولي امين..الله يوفقنا ويتمم علينا فرحتنا...

جواهر/ان شاءالله..الله يسمع منك...

بندر/سامحيني ياجواهر..سامحيني على كل غلطة غلطتها بحقك ياعمري..

جواهر لفت له وحطت اصبعها على فمه/حبيبي احنا بشر..محنا معصومين من الغلط والخطاْ..بقصد ولابدون قصد...صدقني يابندر ممكن تواتجهنا ظروف اقسى من كذا...لازم نتعود على ها الشي والاهم نتصدى للمشكلة ومانخليها تتغلغل فينا..

بندر رفع كفها طبع عليها بوسة حنونة/ياربي..لاتحرمني من ها الانسانة ..ويخليني اسعدها بكل مافيني...

جواهر ابتسمت له..

بندر/بكرة لك عندي مشوار ...

جواهر/وين..

بندر/بكرة بتعرفين....

جواهر/قول..

بندر/لا...

جواهر/مريت الشقة شفت وش صار فيها....

بندر/انتي مبدعة...وكل شي من يدينك وبذوقك حلو..

جواهر/ياسلااام على النفاق!!يعني لو ماسالتـك ماكنت جاوبت؟

بندر/حتى لو قلت لك اني كنت بقول قبل لاتساليني ادري فيك ماراح تصدقيني فما بقول؟خل نتعشى ترى حدي ميت من الجوع واحتمال اكلك لو ماعشيتيني؟

جواهر/طيب..عنادا فيك ماراح نتعشى..وخل محمد اللحين يطب علينا؟

بندر/لا تكفين الا محمد لايجي ؟؟الليلة بالذات مانبيه!!!

نجود/هلا حبيبي....

فهد/هلا فيك..

نجود/شلون اسواقنا عجبتك؟ولااسواقكم بالرياض احلى؟

فهد/شوفي انا اصلا الاسواق مااحبها ولااوطنها..ادخلها كل مارحت مكان عن عيالي علشان لاارد لهم ويدي فاضية...ولااناوالاسواق مو كويسة علاقتنا ابدا!!

نجود/أي بس انا علاقتي بالسوق ممتازة جدا ولازم تعرف ها الشي...

فهد/ياسلااام!!

نجود/وشنو شريت لهم؟

فهد/العاب..

نجود/لافهد بناتك كبروا على الالعاب والعرايس اللحين..

فهد/مو المشكلة توني شاري لكل وحدة طقم ذهب حق نجاحها ولو شريت لهم اللحين مابيعجبهم كثر الالعاب..

يتبع ,,,,

👇👇👇

تعديل المقال