رواية شرع ربي ولا اعتراض -80


رواية شرع ربي ولا اعتراض - غرام

رواية شرع ربي ولا اعتراض -80

هنوف/نظل عليها لين يسمعها احد ويقول لنا ها الكلمة بعدها لكل حادث حديث ولاشرايك؟
ناصر/والله انا ماعندي راي..بروح باسكن اشتريلي ايسكريم..
هنوف/تعرف اكثر شي يعجبني فيك شنو؟
ناصر/اني كريم..
هنوف/انك اذا طلعت دايم تجوع يعني اضمن اني باكل شي وانا طالعة معك,,,,
تبسمت براحة وهي تذكره..ياعساها ماتنحرم منه ابدا ولامن طيبته ولاخفة دمه ولاحنانه..انتبهت على صوت لبنى اللي زلزلها..
لبنى بعصبية/ان شاءالله ماودك تنامين وتفكينا من ها التنهيدات وها الابتسامات بنصوص الليالي ولا ناسية ان بكرة فيه عزاء؟
قعدت اليوم الثاني على ريحة القهوة التركية وفتحت عيونها بشويش ولقته يناظرها,,,ماتدري ليش حست بالخجل منه لحظتها...بعد ماتذكرت ليلة البارح واللي صار فيها(يعني مولعة نار بس حذفت لانكم صغار ههه)
مدت يدها بتسحب روبها اللي كان جنبه وعيونه شافتها تناظره ومد يده وقال بابتسامة ذوبتها/اذا تبيه تعالي اخذيه!!وسحب الروب عنده وحطه بحضنه..
وهي شدت على مفرش السرير عليها بقوة ورفعته لفوق...
بعد ابتسامة علي هاذي راحت افكارها كلها لشي واحد..انها تحبه...ولابالاصح بدت تحبه وتنازلت عن كرهه,,,ولاليش جمد الدم بعروقها لحظتها اذا ماكان خوف منه؟؟
قال برومنسية وخبث/شكلك ماتبينا ياعبير؟
عبير بتقطيع انفاس وهي مافارق خيالها ليلة البارح/عطني اياه ياعلي بقوم ..
علي انحنى عليها وقال بهمس وهو مستمتع بخجلها/بتقومين وين بتروحين بالله!!
عبير وعيونها بالارض وهي شادة على نفسها بالمفرش/بروح اتحمم وال..
علي/وماتبين تشربين قهوتك قبل...تراني مسويها بنفسي!!!
عبير/.........
رفع علي فنجان القهوة وقربه من فمها وهي تناظره بس ماهي قادرة تفهم وش اللي تعنيه نظراته ابدا....
ماتدري اذا رشفت من الفنجان ولالا..كل اللي تعرفه انها باعدته لبعيد بسرعة وقالت بعد ماغمضت عيونها /ابي اقوم ياعلي...
ماسمعت جواب وهي مغمضة عيونها لدرجة انها فكرت تعيد نفس الطلب لانه يمكن ماسمعه..بس انفاسه الحارة اللي كانت بوجهها خلتها تجمد من الخوف بمكانها وتحس انها محاصرة منه وان قبالها وماعندها مجال للقومة والهروب منه ومن نظراته..
قال بهمس ذوبها/البارحة كانت روعة.....
ماقدرت تفتح عيونها وهي حاسة ان الدم جمد بعروقها...
ردد عليها بنفس الطريقة/بس الليلة بتكون اروع صدقيني!!!!
تنهدت من قلب وهي تذكر علي وتذكر ليلته الروعة على قولته وتذكر الورد اللي قعدت الصباح وشافته وبعدها تغير,,,ليش ماتدري,,,المهم انه تغير,,,,
تنهدت بحرقة ...وهي تردد شرعك اللهم ولااعتراض..وبعدها قامت تدخل تريح شوي....
وحدها هنوف النوم مجافيها...يمكن لانها سوت شي كبير قبل يوم من وفاة زوجة رياض..يوم تدق لها نورة وتقول لها ان بنات خالاتها وبنات خالها موجودين ومتجمعين معهم بالبيت وتطلب منها انها تروح....
لبست عبايتها وتعطرت وراحت لبيت عمها ...دق قلبها بقوة يوم شافت سيارة ناصر بس مركونة بالكراج معناته موجود لسه ماطلع...لو بس الحظ يخدمها وتشوفها كان تقوله انها تحبه بلاتردد...
ماتدري ليش تحب تاخذها فرصة اذا كانوا بنات عيلته متجمعين تتعمد تترك له ورد ولابطاقة ولاايشي..المهم انها تضيعه بالسالفة....
تقربت عند ديوانيتهم وفعلا كان بيطلع منها لفت بسرعة وشالت لثامها وغطت وجهها ومشت لعنده بسرعة وصارت وراءه وهو يقفل الباب واول مالف صدم فيها مباشرة وتوه بيحاول يعتذر تقربت منه وقالت بهمس خفيف علشان لاينتبه لصوتها ...احبك,,
قالتها ومشت لداخل.....
وظل ناصر مكانه جامد بدون حراك....مايدري منهي هاذي اللي كانت قربه واللي رمت عليه ها الكلمة ومشت..اصلا حتى ماقدر يركز بصوتها لنها كانت تهمس ماتتكلم,,,,,
وهي من دخلت داخل وسكرت وراها باب الصالة تسندت وراء الباب وقلبها يدق بسرعة...قالتها له..ماهي مصدقة انها قالتها له....ونزلوا دموعها من عيونها..هي دموع فرح ولاحزن ماتدري,,,
دموع فرح انها قالت له احبك....وارتاحت منها وشالتها من قلبها..
ولادموع حزن انها ماقالتها له وجه لوجه وعرف انها هي هنوف اللي تحبه وتفدا ه بروحها,,,,
خلص البارت اللي مو اصلي وجينا للبارت الاصلي(شكلي بيبدى الخرف عندي من بدري)

البارت التاسع والخمسين والستين

راحت عبير..والجو صفى له....صحيح بغيابها يفتقدها البيت بس انا لازم احدد مصيري بهدوء بعيدا عنها ماابي اخليها قدامي وساعة اللي بتقرر لمياء الاقيها حجر عاثر بطريقي؟؟؟
لازم من ها اللحظة استغل كل دقيقة تمر عليّ وافكر بالاشياء اللي لازم احاكي لمياء عنها واقولها لها؟
لو لمياء ياعلي طلبت انك تطلق عبير شبتسوي؟
هذا اللي ماخطر على بالي اصلا!!!!معقولة اطلق عبير وهي بنت عمي وسبب زعلي مع ابوي؟؟؟أي بطلقها؟؟لازم اطلقها صحيح اني بالفترة الاخيرة ملت لها بس مدام لمياء رجعت كل شي بيتغير ..عبير مالازم يكون لها دور بحياتي ابدا!!!!
ببدي حياة جديدة مافيها غيري وغير لمياء وغير مريم بنتها؟
واول خطوة بتخذها قبل لايتخذها ابوي اني بطلع من بيته؟علشان لايمن عليّ!!!
الله يالمياء واخيرا فرجت وبناخذ بعض بعد ماكنت احلم فيك سنتين واكثر؟؟
يابعد عمري ....مشتاق اكلمك واسمع صوتك وارجع ذكريات الماضي كله....
بس متى...والله مو قاوي يابنت الناس امسك نفسي..بس انا عارف ان مشاري معك اللحين وانا ماابيه يضيق جونا بوجوده؟
اول مايجي يوم السبت بكلمك وبنتفاهم على كل شي,,,
واخيرا ياعلي حلمك بيتحقق وبتاخذ البنت اللي حلمت فيها طول عمرك وحبيتها؟؟؟
في القصيم كان الجو كئيب جدا,,
والحزن ماليه عن اخره...خصوصا لمى يبكي محمد ولد رياض ومايقدرون يسكتونه....
كان بكيه مقطع قلوبهم كلهم وهم يتحسرون عليه وعلى اللي ممكن تكون الايام شايلته له..
اخذته عبير بعد ماراح في نوبة بكي وصراخ هستيرية وطلعت فيه الحديقة وحاولت تهديه....
وسمع ابوه صوته وقام من المجلس يشوف شفيه..
رياض بحزن/شفيه؟
لفت له عبير وقالت بهدوء/روح المجلس وخلك مع الرجاجيل لاتشيل همه..احنا معه,,,
رياض/خليه عنك ..
عبير/لامايصير...
رياض/اعرفه ماراح يسكت اتركيه ياعبير؟
عبير بحزن/رياض...انت لاحق على شيلته وحطته خله معنا طالما ان احنا موجودين هنا؟
رياض بكبرياء/تعال حمود...
ظل يناظر في ابوه ويناظر في عبير وقرر انه يحط راسه على كتف عبير وينام...
عبير بهدوء/شكله تعب وبينام خلاص روح انت ولاتشيل همه ياولد خالي!!!انا بدير بالي عليه,,
رياض/شكرا..شكرا ياعبير..
عبير/اقل من الواجب ياولد خالي صدقني.....
رياض/الله يعطيك ان شاءالله ونرد جمايلك لعيالك؟
عبير بحزن وصورة علي في بالها/ان شاءالله....
طول العصر وفهد مسجات لنجود وهي مطنشة لين وصلت المطار الليل بالرياض ولقته بوجهه قاعد ودق قلبها موت يوم شافته وعرفت انه عرفها...مشت ومشى وراها لين وصلوا البوابة,,,
همس لها/ممكن نقعد مع بعض شوي؟
نجود بتعب/انا توني جاية من القصيم ومافيني حييل حق شي ابدا!!
فهد باصرار/بس انا لازم اتكلم معك يانجود مايصير كذا؟
نجود بحدة/وش اللي مايصير ان شاءالله!!
فهد بعصبية/لاتصارخين لايلتفتون لنا العالم!!
نجود بشماتة/ويوم انك خايف ان العالم تشوفك وتعرفك ليش بالله تعبت حالك وجيت؟
فهد/نجود....بس عشر دقايق من وقتك لااقل ولااكثر كلها كلمتين بقولهم وسمعيهم وامشي بعدين؟
نجود/ولانص كلمة فيني اسمع بعد!!
فهد/ليش ها العناد بالله!!!
نجود/قلت لك تعبانة عارف شنوي يعني تعبانة؟؟
فهد/عارف ,,,ياربي وش بضرك لو سمعتي مني الشي اللي بقوله؟
نجود بعناد/يااخي ماابي اسمع ماهي غصب؟؟
فهد بحدة/الا غصب؟؟؟؟؟
جواهر/هلا حبيبي...
بندر/هلا ياقلبي..
جواهر/ها مشيت ولالسه؟
بندر/والله توني طالع من بيت خالي اللحين ..
جواهر/شلونهم؟
بندر/الله يصبرهم..
جواهر/انا لله وانا اليه راجعون...الله يرحمها ان شاءالله..
بندر/ان شاءالله..
جواهر/حبيبي لازم تنتبه على نفسك كويس..
بندر/وبعد!!
جواهر/اممم وتفكر فيني طبعا!!
بندر/أي بس هذا الشي مفروغ منه!!اكيد اني راح افكر فيك ياوردتي؟
جواهر/جد والله!!!
بندر/عندك شك؟
جواهر/بندر..انا للحين متضايقة ومتكدرة على اللي صار للقاعة؟
بندر بحدة/خلاص انا مو قلت لك اسمعي وطلعي!!وش له تعيدين السالفة من جديد؟
جواهر/طيب ماقلت لي كم الخساير؟
بندربارتباك/اللي تكون؟؟بتخلص ياقلبي بوقتها صدقيني؟
جواهر بانزعاج/حبيبي انا مو هامني تخلص بوقتها ولالا؟انا كل اللي يهمني انك تكون بصحة وسلامة وماتتضرر ماديا بعد!
بندر/خلاص عمري هذا مكتوب ومافينا نرده؟
جواهر/على قولتك مكتوب ومافينا نرده....المهم انت دير بالك على نفسك طيب..
بندر/ان شاءالله ياقلبي..
جواهر/ومايحتاج اوصيك اول ماتوصل لجدة كلمني علشان اتطمن عليك...
بندر/طبعا ياروحي راح اتصل واطمنك.....احبك ياجواهر
جواهر/وانا كل لحظة تمر احس اني احبك اكثر واكثر واتندم على اللحظات اللي اللي ازعلك واتضايق منك؟؟؟
بندر/لاتقولين كذا ياجواهري....انا عارف ان حبي بقلبك مثل حبك بقلبي...
ام مصعب/علامك يانجلاء..شفيك ساكتة وشاردة؟
نجلاء/ها..لاولاشي....
ام مصعب/مايصير ولاشي..شوفي كيف شاردة ومو معبرتنا...
نجلاء بضيق/اخوك..
ام مصعب باهتمام/شفيه؟
نجلاء/مدري وش اللي قاعد يدور في باله ساعات احسه بداْ يخرف؟
ام مصعب بصرامة/وش تقصدين بالله!!
نجلاء/اجل كل كلمة والثانية وقال لي انتي مو قد العيال ومسؤليتهم وانا افكاري مدري وش فيها وقاعد افكر بشي يريحني ,,
ام مصعب بحذر/وش يقصد من كلامه؟
نجلاء بلامبالاة/وانا وش اقولك بالله!!!شكله بدا الخرف عنده من بدري!!!!!ولايقولي ا نتي روحي اشتغلي واصرفي علينا وانا بقعد اربي عيالي؟؟؟
ام مصعب/ليش يقول ها الحكي طيب؟
نجلاء/مايبيلها تفسير؟؟قعدته مع سالم طول الوقت حشت راسه بها الافكار والسوالف البطالية؟؟
ام مصعب/ماعندك سالفة انتي بعد!!اللحين سالم لو بيغيره غيره من زمان ومن ايام شبابه مو اللحين؟
نجلاء/وبيت اخوه الله يخليهم بعد مايقصرون؟؟صار ماصار يقولون له صار علشان اطلع غلطانة ومالي قيمة؟
ام مصعب/بيت اخوي بومشاري؟
نجلاء/ليش في غيرهم يكرهوني ويبون خراب بيتي!!!
فهد باصرار/وربي ماراح اتركك غير لمى نقعد نتفاهم مع بعض؟
نجود بحدة/ماهو بكيفك؟؟وبعدين انا ماني تحت شورك تفرض عليّ اوامرك ياحبيبي؟
فهد ببرود/خلاص مو انا حبيبك؟
نجود بتشكك/ياساااااالام؟وش تعني هاذي بالله!!
فهد بجدية/تعني اني حبيبك؟
نجود تسايره/وطيب..واذا كنت؟
فهد/معناته حق حبيبك عليك تسمعينه وش يبي يقول؟
نجود/طيب واذا كان حبيبي وماعاد؟
فهد/خل نقعد مع بعض علشان نتاْكد انه كان وماعاد؟
نجود بحدة/مايحتاج تقعد علشان تتاْكد هذا انا قلتها لك بلساني!!
فهد/مايكفي تقولينها لازم احس فيها؟
نجود/وكيف بالله بتحس فيها؟
فهد ناظرها بنظرات خاصة ولفت وجهها عنه وقال لها بهمس/لاني مااحسها طالعة من قلبك يانجود اذا قعدنا مع بعض بشوف اذا كانت طالعة فعلا من قلبك ولالا؟
عبدالعزيز/البقية بحياتك..
لبنى/حياتك الباقية...
عبدالعزيز/عسى ماازعجتك/؟
لبنى بهمس/لاعادي مافي ازعاج ولاشي...
عبدالعزيز/شلونهم اللحين..
لبنى بتنهد/ادعي لهم الله يكون بعونهم..
عبدالعزيز/الله كريم....
لبنى/شلونك انت؟
عبدالعزيز/الحمد الله..بس حبيت اسمع صوتك واتطمن على الاهل؟
لبنى/فيك الخير ياعمري ماقصرت...
عبدالعزيز/مطولين بالقصيم؟
لبنى/بكرة بالليل ابوي بينزل وبننزل معه انا ومضاوي وهنوف وبتظل امي مع عبير هناك...
عبدالعززي/تمام....تبين شي حياتي..
لبنى/ابي سلامتك..
عبدالعزيز تنهد وقال بهمس/بتعدي يالبنى بتعدي...بنغمض وبفتح عيونا وبتلاقينا اخذنا بعض؟
لبنى بتنهيدة/الله كريم...انا منتظرة ها اليوم بفارغ الصبر...
عبدالعيزيز باصرار/بيجي يالبنى بيجي؟ان شاءالله بيجي؟
رحاب/وين سرحان ياحظي؟
محمد ابتسم/ب ...ولاشي؟
رحاب ابتسمت له/وها ال ولا شي تطلع فوزية؟
ضحك لها بقوة وضحكت معه..
محمد بجدية/تصدقين مع كل علاقة كنت ابديها كنت اعتقد انها بتكون الاخيرة لين عرفت فوزية وكانت فعلا الاخيرة..
رحاب بحب/الله يدومكم لبعض ويبعد عنكم العيون يارب..
محمد بنشوة/متى يجي ابوها بس علشان اروح اخطبها منه..
رحاب/الله لايفرق بينكم ياخوي..تستاهلها وتستاهلك؟
محمد باعجاب/تصدقين عندي احساس انها بتكون ملكة جمال بليلة عرسنا؟
رحاب/مشاءالله نطيت بسرعة لليلة العرس؟
محمد /وش تبيني افكر فيه اجل؟
رحاب/فكر بشروط اهلها وشروطها وبليلة الملكة وبالسكن وبالتجهيز وبعدين فكر بليلة العرس؟
محمد/كل شي خلصت منه...شروطها ووافقنا عليها وعطيناها شروط هدية بعد..
رحاب/بعد!!!
محمد/والباقي كله يتم على ماهم يبون....
دلع بفرح/وحشتني؟
بندر بزعل/انا زعلان وماابي اتكلم معك؟
جت وحضنته بقوة وقالت بدلع/هذا لاني ماقدرت اتركك بعيد ميلادك ومااحتفل معك؟
بندر بجدية/كنتي تنتظرين لمى ارجع ونحتفل براحتنا مو تسوين فيني ها المقلب السخيف؟
دلع بخبث/يعني واذا زعلت بنت الهاجري مردها بترضى....
بندر تاْفف/دلع..جواهر مالك شغل فيها...
دلع/وانا وش قلت اللحين مثل ماهي زوجتك وانت من حقها انا بعد
قاطعها بندر/خلاص درينا عاد لازم تتذكريني بها الغلطة؟
دلع بصدمة/أي غلطة؟
بندر بتلعثم/ولاشي..
دلع باصرار/انا غلطة بحياتك يابندر؟؟؟؟؟
بندر ناظرها وشاف الشر كله بعينها....
دلع/طيب...لنشوف وش بتكون غلطة حياتك الفعلية ياولد السبيعي...وانا بنت ابوي؟
بعد محاولات عديدة منه لاستراضئها وانه ياخذ من وقتها علشان يشرح لها اللي صار وموقفه وافقت بعد ماطلعت روحه بس مو بالمزرعة باي مطعم ثاني وراحوا لمطعم الضوء الخافت وسط اعتراض فهد لانه كان يبيها تجي المزرعة..
فهد بضيق/كنا بناخذ راحتنا هناك اكثر؟
نجود بلامبالاة/انت قلت كلمتين وبتقولهم وبعدها بنمشي..يالله قول انا اسمعك؟
فهد بضعف/انتي وش تبين يانجود؟
نجود ناظرته بحدة وقالت بحدة بعد/ولاشي....
فهد بلين/شلون ولاشي...
نجود باستفزاز/قلت لك اني ابي منك شي؟
فهد/طيب وليه كذا تتعاملين معي!!!
نجود خافت تناظر بعيونه وتشوف الشي اللي هي ولهانة عليه فقررت تكمل مشوار ثقلها وتناظر بالطاولة اللي قدامها..
نجود/وكيف تبيني اتعامل معك بالله!!!اخذك بالاحضان واقولك تعال ياعمري!!
فهد /وليه لا!!!
نجود ها المرة ناظرته وحست انها خلاص بتبدي تضعف وثقلها كان على الفاضي...
فهد برجاء/نجود انا عارف اني غلطت,,بس انتي بعد تدرين اني من زمان عديت سن المراهقة وحركات الطيش؟؟؟انا خفت عليك وخفت من تطنيشك لي بنفس الوقت!!!وانتي تعرفين العصبية تمشي بدمي ومااتعامل بغيرها..
قاطعت نجود/وعلشان كذا كان لازم احط لك حد؟
ظل يناظرها وكملت بهدوء وكانها ارتاحت نوعا ما/فهد..اللي لازم تعرفه اني اخترتك من بين الاف يطلبون ودي...واني غيرت كل شي وكل مشاعري علشانك...تبخل علي بشوية تميز بمعاملتك لي وانك تفرقني عن الغير بها المعاملة؟؟
فهد/...........
نجود/اذا بظل انا ونجلاء وعيالك وكل اللي حوالينك بنتعامل نفس المعاملة فخلينا نطلع منها على بر يافهد...انا كل اللي طالبته منك انك تسكني بقلبك وتملكني مشاعرك واحاسيسك واكون بالنسبة لك غير عن باقي الناس بكل شي,,,اذا حسيت انه كثير وانك مو قادر تلبي لي ها الطلب فبلاها يافهد ها العلاقة من الاساس,,,,
كان هادى جدا وهو يسمعها واول ماخلصت كلامها رفع كفوفها لعنده وباسهم وقال بحنان ورقة ذوبها/بس يانجود..هذا كل اللي تبينه...لك يابعد طوايفي ماطلبتي شي...بس ارضي عني يالغلا,,,
التقوا نظراتهم بنظرات نارية مووت...وكان لازم انها تغير السالفة لاتموت من نظراته..
نجود بدلع/افهم من كلامك انك اشتقت لي!!
فهد شد على كفوفها اللي للحين بين يدينه..وقال بهمس/انتي جبتي راسي يابنت السبيعي وقضيتي علي!!!
ابتسمت ابتسامة نصر ورضا...وسحبت يدها منه بكل هدوء ومسكت كاس العصير تشرب فيه وسط نظرات فهد لها,,,,
في غرفتهم,,
مشاري كان حاضن لمياء....وهم هادئين جدا وكانت مريم تبكي بغرفتها وابتعد عنها مشاري علشان يروح يشوف مريم..
لمياء باعتراض/لاتروح يامشاري تكفى؟
مشاري بحب/حبيبتي بس بطل على مريومة وبرد لك؟
لمياء/انا بردانة..اذا رحت عني ببرد اكثر؟
مشاري بحنان/يابعد عمري...
تقرب منها ورجع مكانه يدفيها بحضنه..
مشاري/شوي بس ياعمري خل اشوفها لاتصحصح عدل وبعدين مانقدر عليها؟
لمياء /لا...
مشاري/أي بس كذا بتظل تبكي لين تقعد من نومتها بجد؟
لمياء/منهي الاهم عندك انا ولاهي؟
زادت حضنته لها وقال برقة/اكيد راس المال؟
لمياء بغيرة واضحة/ومدام راس المال عندك وش يوديك للربح ؟
مشاري/خلاص ولايهمك هاذي قعدة وقعدناها بحضنك وش تبين بعد!!!
لمياء/ابيك تظل جنبي وماتتركني مهما صار بها العالم؟
مشاري/وانا وش اللي بيخليني اتركك عاد ياعمري؟
لمياء بحزن/مهما قالوا لك وسمعت !!!
مشاري بحنان خنقها/ماراح اتركك الا لقبري يالمياء وابيك تكونين متاْكدة من ها الشي ياحبيبتي,,,,
صباح يوم السبت,,,,
فهد/الو..
نجود برضا/هلا..صباح النور..
فهد/صباح الفرح والسرور..صحيتي؟
نجود بدلع/وانا قدرت انام البارح اصلا علشان اصحى؟؟؟صار الليل متساوي عندي مثل النهار؟
فهد ابتسم داخل نفسه وقال لها/لابالرضا تنامين ولا بالزعل تنامين؟؟صدق حيرتيني؟
نجود بنشوة/مو مهم النوم؟؟اصلا اذا النوم والرقاد بيحرموني من تفكيري فيك لحظة انا ماابيهم!!!ابي اظل صاحية طول الوقت وصورتك قبالي؟؟؟
تنهد بارتياح وقال لها/موحرام عليك تفرقينا وانتي عندك ها الكلام الحلو؟؟؟؟؟؟؟
نجود/مو مشكلة نعوضك ولايصير خاطرك الا طيب..كم حبيب انا عندي بها العالم واحد عسى ربي مايحرمني منه؟
فهد بجدية/نجود انتي من وين تعلمتي ها الحكي؟
نجود باستغراب/أي حكي؟
فهد/الحكي الحلو اللي تحكينه؟وتقولينه؟
نجود/هذا الحكي مايتعلمونه يافهد...هذا الحكي يطلع من القلب ويدخل القلب بدون حواجز اذا كان صادق...
فهد/زمان وانا ادور عنه ومابغيت اسمعه..
نجود/تطمن بتسمعه وبتسمعه وبتسمعه بعد...انت بس صير مثل مااتفقنا؟
فهد/انا بحياتي ماتخيلت اني بكون كذا..منقاد لبنت تجرني وراها وين مابغت!!
نجود بدلع/حرام عليك انا بنت جارتك وراها وين مابغت!!
فهد/اجل وش تسمين اللي قاعد يصير بينا!!
نجود/اقول لايكثر ويضيع علي الوقت وراي مدرسة ودوام لنا مكالمة ثانية نتناقش فيها بهاالموضوع؟
فهد/بانتظارك اكيد...
جواهر/ها..صحيت؟
بندر/لا.. بعدني...
جواهر بمرح/غريبة اول مرة اشوف ناس ترد على تلفوناتها وهي مو صاحية؟قوم بس قوم خلصني ترى بكبري اليوم متاْخرة؟؟
بندر بعناد/روقيني علشان اقوم!!
جواهر/ مو دور الرواق اللحين الله يهداك...قوم لاتتاْخر؟
بندر/خليني اتاْخر اذا سالوني ليش متاْخر بقول مارضت تروقني...!!يعني مو ذنبي ابدا!!!
جواهر/طيب وش تبي اقولك على الله من الصبح؟
بندر/كلام حلو..
جواهر/قوم..
بندر بخلعة/اللحين قوم صارت كلام حلو؟؟؟
جواهر بضحكة/ههه أي ومافي غيرها يالله.....صدق عيار وماينقدر عليك....
علي بخوف/فيك شي
عبير بهدوء/لا
علي/ليش داقة ها الوقت انتي مالك عادة؟؟
عبير بتردد/كنت بشوفك اذا صحيت لدوامك ولالا؟؟
علي بارتياح/ أي..توني صاحي اللحين..
عبير/خلاص ماابي اعطلك اجل ...بالسلامة...
علي/الله يسلمك..
سكرت التلفون وقعد مابينه وبين نفسه يفكر...
من وين تطلع له عبير دايما بحنانها وطيبتها؟؟
كل مايجي يشيلها من باله يرجع يصير شي يخليهي تردد..
معقولة ياعلي مابتطلقها لو صارت السالفة جد؟
لا..لازم تطلقها ...حتى لو كانت طيبة وحنونة هذا مايمنع انك كنت تنتظر لمياء من زمان وجت الفرصة لعندك ومالازم تضيعها؟؟؟
بوعلي/ناصر فيك حيل تداوم يبى؟
ناصر/أي يبى فيني..
ابوعلي بتردد/بغيت اسلك وتجاوبني بصراحة شنو انت ماتكلم اخوك انا شفتكم البارحة كل واحد واقف بعيد عن الثاني ماكانكم اخوان كانكم عدوان حشى لله؟؟
ناصر باسف/انا اسف يبى..
ابوعلي/ وش اللي صار قولي!!
ناصر/ لاتشغل بالك موضوع وبيعدي ان شاءالله..
ابوعلي باصرار/ناصر..انتوا متهاوشين صح؟ليه؟
ناصر/قلت لك السالفة بسيطة ومجدر سوء فهم بيزول؟
ابوعلي/أي بس انا ابي اعرف...ومصر بعد!!
ناصر/صدقني يايبى مي محرزة ..انت لاتشغل بالك وصحتك على شي سطحي بكرة بتتعدل الامور كلها لاتخاف يبى..
ابو علي بحزن/ماظن ياناصر ماظن....
ناصر فضل انه يسكت ومايتكلم ولايزيد على شي....
بالفصل,,,,
نجود/طبعا هاذي اخر حصة انشاء تاخذونها وهي اللي بيكون فيها التقييم؟
نور/طيب...عسى بس الموضوع مو صعب؟
ماردت عليهم بس اخذت القلم وراحت تكتب على السبورة ها الابيات,,,
ياملهم الشعراء حسن بيانه ...بالعلم كم صقلت يداك عقولا
لولاك ماملك الخطيب لسانه..رفع المضاف واخفض المفعولا
لولاك لم يجد للتلاوة قارىء...لم يحسن التجويد والترتيلا..
لولاك ماخط المهندس فكرة,,لولاك ماداوى الطبيب عليلا,,,
تركت القلم ولفت لهم,,,
ولقتهم يبتسمون..
نجود/ممكن تهدئون شوي...
سكت الفصل كله وقعدت هي في اخر الصف كعادتها بمعظم الاحيان,,,
نجود/المعلم هو الركيزة الاساسية في العملية التعليمية وعنصر هام من عناصر التدريس,,,فالتدريس مهنة من انبل واشرف المهن,,وهي مهنة الانبياء والرسل الذين بعثهم الله لتعليم خلقه وهدايتهم,,,وله منزلة رفيعة من خلال القران,,,
فلولا (معلم اللغة العربية*)
لم يملك الخطيب لسانه ولم يجيد قارى القران التلاوة,,,ولولا معلم الرياضيات لم يخط المهندس فكرة,,ولولا معلم العلوم لم يداوي الطبيب احد من مرضاه,,,
وجهي كلمة شكر وتقدير,,,او اكتبي كلمة في المعلم موضحة فيها ماتبذله نحوكي من جهد جهيد ودور فعال في توصيل المعلومات من اجل انجاح العملية التعليمية باسلوب ادبي جميل وافكار مترابطة..مراعية في ذلك العوامل والنقاط ونظافة الخط ووضوحه مستشهدة بما امكن بالشواهد والادلة الدالة على الدور الكبير الذي يبدله المعلم مبينة دوره في الوظيفة التعليمية....
اعتقد الموضوع واضح ومايبيله شرح؟
لفت ملاك وهي تبتسم/..


يتبع ,,,,

👇👇👇
أحدث أقدم