رواية شرع ربي ولا اعتراض -86
جواهر/نجود..اتفقنا سيرة ها الاخ مابتجيبنها؟
نجود/خلاص ماراح اجيبها تطمني....
جواهر/قولي لفهيدان يجيب لي عصير فراولة خاطري فيه؟
نجود بنرفزة وصوت عالي/فهيدان بعينك وبعين طوايفك؟؟؟
جواهر بمرح/ههههههه
نجود بثقة وبغرور/هذا العم فهد حبيبتي....ماهو صبي عند بندر يجيب لك اللي مشتهيته؟
جواهر/ها شفتي كيف حزت بنفسك اني اهينه؟بالمثل تعرضي لبندر مرة ثانية ومابتلاقيني الا قلبتها على فهيدان والبادي اظلم يانجود؟
محمد/البيت مو حلو بدون رحاب وعيالها ..
منال/لان احنا متعودين عليهم ياحظي فيوم اللي يرووحون نحس بشوقنا لهم بس طول ماهم جنبنا مايتغير علينا الوضع..
محمد/كلها شهر ونفتقدك انتي بعد؟
منال/ياله تعال زورني هناك..خلني احس ان عندي ناس مشتاقة لي!!
محمد/وش اسوي عاد اجيك هناك..يبى خلني مقابل فوز هنا احلى...
منال/جيبها معك..
محمد/تهقين؟
منال/مو تصدق وتعرس وانا مو موجودة ترى والله ازعل منك؟
محمد/ياسلااااام ونقعد ننتظرك سنة كاملة!!لا مو حكي هذا ابدا!!!مايصير تبين انزلي احضري العرس وبعدها ارجعي اما ان احنا ننتظر علشانك فاسمحيلي مااعتقد نقدر ننتظر سنة كاملة؟
منال/مو مشكلة ان اتفاهم مع فوزية وهي بتسمع كلامي
محمد/لو تسوينها اذبحك؟
منال باتسمت له وهي تغمز بعيونها/عارف انها بتمشي كلامها عليك صح ؟
محمد/تمون..وبعدين بجانب كل رجل عظيم مثلي طبعا امراءة عظيمة تسير معه جنبا الى جنب مثلها,,
منال/اممم قلت لي...
محمد/شلون اجل؟
منال/ومتاْكد بيجيك قلب تعرس وانا مو حاضرة عرسك؟
محمد/طبعا!!اهم شي فوز جنبي ..انتوا خلاص انتهت صلاحيتكم؟
منال/اجل زين قلت لي اجل علشان اقوم اتصل في رحاب ابشرها؟
طلعت لان فهد دق عليها وقال لها انه قريب من البيت وهي طالعة كان علي طالع بعد من شقته ووقفته..
نجود/علي..
لف لها وتنهد وكانه شايف جني؟؟؟
نجود بنرفزة/حشى مو شايف بشر قدامك!!!ليه قلبت وجهك يوم شفتني!!
علي بنرفزة/اخلصي..شكلك طالعة؟
نجود/أي بمشي الرياض...بس كنت بسال عن عبير جوالها مقفل من يومين وماسمعت صوتها...فيها شي؟
علي/وش بيكون فيها يعني!
نجود/انا اللي اسئلك مو انت تسالني؟
علي بلااهتمام/مافيها شي..
نجود/متاْكد؟
تردد يقول لها ولا مايقول وقرر اخيرا يطلع جواله..
نجود/في شي؟تخانقتوا طبعا بس لوين وصلت ها المرة؟
مارد عليها بس فتح جواله وعطاها رسالة عبير تقراْها,,,
نجود بذهول وصدمة وهي تقراْ رسالة عبير لعلي/وش ها الحكي ياعلي؟؟؟
علي ببرود/طلقتها!!!
نجود رفعت راسها وكانت تناظره بقمة الاحتقار والاشمئزازوقالت بدون تصديق/طلقتها؟؟انت مو صاحي ياعلي؟؟؟عقلك صار له شي؟
علي بنرفزة/هذا كان طلبها؟
نجود بحرقة/ومن زود حبك لها ماتقدر ماتلبي طلبها طبعا!!!!
علي/وبعدين معك..
نجود/وينها اللحين؟
علي/مدري..
نجود/شلون يعني ماتدري؟؟؟؟
علي/انتي ماقريتي اللي راويتك اياه؟رجعت امس ومالقيتها وارسلت لي ها المسج؟
نجود بخوف/وين بتكون راحت ياعلي؟؟؟عبير نفسيتها تعبانة واذا صار فيها شي كل اللوم بيصير عليك؟ يااناني,,ياحقير...ياتافه...وحدة متزوجة وعندها عيلة ومستقرة ممكن تتركها تفرط في حياتها وتفرط انت في حياتك علشان حب انمحى من قلبها من زمان!!!المشكلة مو معك ..كلامي مو معك اصلا!!انا اعرف مع منو اتكلم وشنو اقول؟
ابو رياض/انا كلمت امك ياعبير؟
عبير بخوف/خالي..
رياض بلوم/يبى...مااتفقنا على كذا؟
عبير/وش قالت؟ابوي درى؟
ابو رياض/انا ماقلت لها..بس قلت لها اني ابي اتكلم معها بموضوع واذا طلع بوبندر بكلمها فيه..
رياض/يبى لا..
او رياض/لا يارياض..غلط ان احنا نسترت على الموضوع,,هذا مو جريمة,,,هذا شرع الله وصار ولازم كل واحد يعرف حدوده وشنو له وشنو عليه؟
عبير سكتت وتنرفز رياض وقال بعصبية/أي بس يبى هذا واحد حقير ومايستاهلها ...الخوف ان زوج عمتي يجبرهم يردون لبعض..هو ماطلقها غير طلقة وحدة بس؟
بها اللحظة دخل محمد ولد رياض ومسك يد عبير يبيها تقوم معه..
او رياض/تعال يبى حمود عندي..
محمد باعتراض/لا...ابير...
عبير بهدوء/وش تبي؟
محمد/حليب منيلا..
عبير/طيب..تعال بعطيك....
قامت معه ورجع رياض يتكلم مع ابوه بانفعال..
رياض/انا ماابي احد يذلها ويهينها يبى؟
ابو رياض/انا فاهم زين وش تفكر فيه يارياض؟وعارف انك تود عبير من قبل لاتنخطب لعلي وانك زعلت يوم صارت له وماصارت من نصيبك وانك ظليت متحسر على حياتها معه..بس هالشي مايعطينا حق ان احنا نخليها معنا هنا ومحد من اهلها يدري عنها شي؟
رياض /طيب قولهم واطلب منهم يخلونها معنا..يبى حمود متعلق فيها وهي تحبه وقايمة فيه؟
ابو رياض/اللي انا شايفه ان مو بس حمود اللي متعلق فيها يارياض؟في ناس غيره بعد متعلقة فيها؟
تنهد رياض وماقال أي شي؟
العصر في بيت السبيعي,,
ناصر/مرحبا...
ام ناصر/هلا يمه..
ناصر/شلونس,,شعلومتس,,وش مسوية يالغالية عساتس بخير؟
هيا باحتقار/عسى ماشر ان شاءالله؟
ناصر/بس اتدرب على اكثر من لغة للمستقبل؟
نورة/هههههه حلوة عجبتني بصراحة؟
ناصر/صحيح..تبين اعلمك يعني!!
نورة/اكيد..علشان اروح استهبل فيها بس علمني انا وهنوفوا علشان نساعد بعض..
هيا/وفرحانة في اخوك بعد!!من زين ها الحركات عاد؟
ام ناصر/احط لك شي تاكله يمه؟
ناصر/والله احس نفسي نص شبعان..بس ماابي اكسفك مشكلتي مقدر ارد لك طلب يالغالية؟
ام ناصر/عن العيارة ماتبي لاتاكل؟
ناصر/لالالا ابي..الا وين نجود؟
نورة/راحت..
ناصر/وين؟
هياب قهر/وين بعد!!الرياض؟
ناصر/وليش رايحة ها الاسبوع بدري..مالقت حجز؟
ام ناصر/لايمه بس رايحة مع بنات معها بالباص...
ناصر/اها...علشان كذا ناس قالبة نفسيتهم لانهم ماراحوا معها للمطار؟
هيا/لاتعليق؟؟
ناصر/يكون احسن!!!
هيا/انت ليش دايم حاط دوبك ودوبي؟
ناصر/حرام عليك..انتي تبين الزلة مثل اخوك؟شقلت انا اللحين علشان اطلع حاط دوبك ودوبي؟
هيا/انا ادري فيك ماتحبني!!!
بعد ماقطعوا مسافة طويلة بالسيارة وفوق الساعة وشوي تكلم فهد يقطع صمتهم...
فهد/بظل جنبك طول الطريق..علشان بالنهاية تضلين ساكتة وماتسمعيني حتى صوت تنفسك؟
كانت نجود بعالم ثاني وتفكيرها بعبير وبطلاقها..المشكلة انها مادرت الا بالوقت الضايع وهي طالعة لفهد علشان تجي الرياض وماقدرت تسوي أي شي..
قالت بصوت هادى وجامد وكانه مافيه حياة/علي طلق عبير يافهد؟؟طلقها البارحة؟
فهد بذهول/ليه!!!
بلعت غصتها وكانت تبي تقول زوجة مشاري السبب بس سكتت لانها عارفة ان لمياء يمكن تكون مظلومة وماعطت علي أي اشارة فماحبت تظلمها لين تعرف السالفة كلها...
فهد/ماهو بصااحي هذا!!!على اللي قلتيلي عنه المفروض انه يحطها بعيونه بعد ها الحياة السودة اللي شافتها معه؟وبعدين هو مو تغير معها؟
نجود/الظاهر كان التغير علشان ها اللحظة يافهد؟انا محتاسة ومو عارفة شسوي؟
فهد مسك يدها بقوة/ولايهمك..بتنحل..مافي شي..يضل بدون حل؟
نجود/عبير تعبانة وهذا اللي قالقني؟حالتها النفسية سيئة وماعندها صديقات تفضفض لهم وماتتكلم معنا ابدا بمشاكلها الا اذا شدينا عليها انا وجواهر...المشكلة انها طالعة عن البيت ومدري وين راحت؟وهي ماعندها احد؟تتكلم معه يافهد ولا حتى تشكيه حالها؟
فهد/مافيها الا العافية صدقيني..لو لاقدر الله كان فيها شي كان بان من امس لليوم؟انتي بس هدي,,
نجود/وين اهدي يافهد وين؟كل العيلة بكوم وعمي لاعرف بكوم ثاني؟؟؟وش ممكن يسوي,,
وهي غارقة بانفعالاتها وفهد يسمعها جاها مسج واستثقلت بالبداية تفتحه بس يوم فتحته شهقت؟؟؟
سارة/ماما..وين ابوي من امس ماشفته؟
نجلاء/وانا وش يعرفني بالله توني قاعدة من النوم بعد تكسيرة امس...
لمى/ماما انا جوعانة؟
نجلاء/ومن ماسكك ان شاءالله؟
لمى/ننتظرك علشان نتغذى؟
نجلاء بلامبالاة/انا توني قاعدة مو مشتهية اكل شي روحوا انتوا خلوا الشغالة تباشركم؟
سارة/انا بكلم بابا اخاف ان احنا نتغذى وهو يكون ماتغذى للحين وكان ينتظرنا واحنا ماصحينا الامتاْخر؟
لمى/أي صح..بكلمه معك من امس ماكلمته..
نجلاء/وين فيصل؟
سارة/فوق..قاعد بغرفة ابوي؟
نجلاء/وش يسوي هناك؟لايعفس باغراض ابوه؟
سارة/لمى روحي جيبي التلفون خلنا نقد على البابا؟
لمى قامت/طيب.....
سارة/ماما...
نجلاء/هلا يمه..
سارة /يمه ليش انتي بغرفة تنامين وابوي عنده غرفة ثانية؟
نجلاء/وانتي ليه تسالين؟
سارة/بس...اللي اعرفه ان المتزوجين تكون غرفتهم مشتركة..بس انتي وبابا كل واحد له غرفة خاصة فيه!!
نجلاء/عندنا غرف فاضية بالبيت ليش مايكون لكل واحد غرفة خاصة فيه؟
سارة/امممم....
نجلاء/وبعدين انتي ليش شاغلة بالك عادي...
سارة/يعني أي اثنين متزوجين يكون عندهم غرفة خاصة اذا كان بيتهم كبير ؟
نجلاء/أي عادي....
سارة/طيب ليش عمي للحين بغرفته مع خالتي ام مشاري وماحط له غرفة خاصة مثل ابوي؟
نجلاء/ياشين مانطقتي والله!!!اللحين عمك شايب وش يقعد بغرفة بروحه علشان تجيه سكتة قلبية الليل ومحد يحس له؟؟ملزوم يقعد مع مرته بنفس الغرفة؟.وبعدين عمك ومرته دقة قديمة يايمه ياسارة ماهم متطورين على ها العالم!!!!
لمى/سارة..تفضلي..
سارة/جيبي....انا اللي اكلم بالاول مو انتي!!
لمى بخوف/طيب....
علي/شلون يعني؟
لمياء بهمس/شنو اللي شلون؟؟؟اقولك مشاري نزل اخر الليل من الرياض بعد ماخلص العرس ومريم طلعت الصباح من المستشفى وبعد شوي بنمشي الرياض؟
علي بنرفزة/بس انا لازم اشوفك؟
لمياء بخوف/قولي وش تبي!!انا صدق مقدر اشوفك؟
علي/ماينفع..لازم اشوفك يالمياء وجها لوجه ونقعد نتكلم,,,كلام طويل ..طويل حيل بينا ولازم نقوله؟
لمياء بتردد/طيب دق عليّ بكرة الصابح وقولي وش تبي وخلصني...سالفة الشوفة هاذي مربكتني ياعلي وماودي فيها,,تكفى قول وش بغيت؟
علي باصرار/لاتخليني اعصب عليك ووانا ماودي!!قلت لك بشوفك يعني بشوفك..اجي عندك الرياض؟
لمياء بخوف وذعر/لا مستحيل!!!لاتسويها؟؟؟شلون بشوفك هناك؟ووين بخلي بنتي لا جيت لك وانا مااعرف في الرياض غير اهل مشاري؟؟كيف بتحجج له بطلعتي بالله!!!!
علي/انا عندي هناك شخص اعرفه ممكن اخليه يتصل فيك ويعزمك وتطلعين ..
قاطعته لمياء باصرار/انسى ياعلي انسى؟؟
علي بضعف/طيب الاسبوع الجاي بشوفك وبدون أي عذر من اليوم قولي له انك معزومة عند وحدة من البنات ليوم الخميس الجاي..طيب...
فهد/شفيك؟
نجود بذهول/هاذي عبير يافهد عبير...
فهد/ها بشري وش تقول؟
نجود وهي تقراْ من جوالها..تقول لي انها تطلقت!!!
فهد/بس!!
نجود/أي بس!!
فهد/طيب كلميها؟
نجود تنهدت/شقول لها؟
فهد/اللحين انتي من ساعة تحاتينها؟ويوم عرفتي خبر عنها تقولين شقول لها؟دقي عليها يالله اشوف؟
نجود بتردد/مدري شقول لها؟
فهد/ساليها وينها فيه؟واذا قالت لك قولي لها انك بتحجزين لها تجيك الرياض على اول رحلة؟
نجود/؟؟؟؟؟؟؟؟؟؟
فهد/سمعتيني!!بتتفهامين معها هناك بدون تدخل أي احد وبعيدا عن العيلة علشان اذا عرفوا تكون هي معك بعيد عنهم..يالله دقي ليش تناظريني كذا!!
ترددت قبل لاتدق بس فهد سحب الجوال منها وراح للاسماء لين وصل لااسم عبير وضغط على زر الاتصال وحط السماعة باذن نجود اللي فعلا كانت مترددة..
ردت عبير بهدوء وحزن/نجود..
نجود بتردد/عبير..وينك انتي!!!
عبير/عرفتي؟؟
نجود/سالتك وينك انتي!!!!
عبير بضعف/بالقصيم يانجود..في بيت خالي!!!
نجود وهي تناظربفهد/ بالقصيم!!!
اشر لها فهد انها تقول لها بتجيها على اول رحلة..
نجود/سمعي..انا بشوف الرحلات حق القصيم للرياض وبرد عليك طيب...
عبير/ليه!!
نجود/لانك بتجين عندي بالرياض علشان نتفاهم!!
عبير/أي بس...
نجود/خلاص..الموضوع غير قابل للنقاش..هذا المكان الوحيد اللي ممكن تكونين فيه بامان قبل لايوصل الخبر لااحد من الاهل؟
عبير/للحين ماعرفوا؟
نجود/انا ماعرفت الا قبل ساعة وحاولت اتصل فيك علشان نتفاهم بس ماحصلتك..
عبير/يعني علي قال لك؟
نجود/أي...
عبير/يعني اكيد الباقيين دروا؟
نجود بنرفزة/ومن متى علي يسوي الشي ويكون قده بالله!!هذا اصلا واحد حقير وتافه وضعيف وجبان وماقال لي الا علشان يتهرب هو من المسؤلية ويبيني انااوصل لهم الخبر بنفسي!!
عبير/خالي بيدق على امي الليلة وبيقولها؟
نجود بصرامة/لا..ماله داعي يقول لها...انتي تعالي عندي الرياض وبيوصلهم الخبر مني مو من خالك؟لان ابوك لو عرف انك رحتي القصيم بيسوي لك سالفة لها اول مالها تالي!!!
بندر/احس براحة عجيبة؟
جواهر/وش اسبابها ياترى؟
بندر/ان نجود فكتنا بدري ها الاسبوع بروحتها؟
جواهر بزعل/ماسمعت سمعني؟
بندر/ههههههه بالذمة منو تحبين اكثر؟
جواهر بسرعة/طبعا نجود؟
بندر بزعل/افا!!
جواهر/احد يزعل من الحقيقة؟
بندر/وعادي تقولينها بوجهي وماتدارين شعوري؟
جواهر/مو كذا بس حبيت ابين لك الحقيقة علشان لاتحط في بالك اشياء مالها من الصحة؟
بندر/ زين لكن ..مني بمعلمك اللحين..بعلمك ليلة العرس؟
جواهر بدلع/خلاص مو مشكلة..نلتقي ليلة العرس...
بندر/تبينها من الله مو؟
جواهر/هههههههه
بندر/العصر بروح استلم بطاقات الدعوة..
جواهر/احس ان السالفة قربت خلاص....
بندر/طبعا قربت..باقي ثلاثة شهور بس؟
جواهر/شهرين واسبوع وش فيك مخربط بالحسبة؟
بندر/لاني بموت بناري وانا احسب متى بيجي ها اليوم اللي...
جواهر بحب/اللي شنو؟
بندر/مو قايل لك خليها ليوم العرس افضل؟
دق جواله ويوم شاف اسم المتصل تغيرت ملامحه...
جواهر/ياهي على ها الشباب اللي ماعندهم ذوق ابدا!!يبى خلني ارد عليه واقول بندر نايم ..طالع وناسي جواله..اللي يصير؟
بندر بارتباك/لالالالا ماله داعي...هذا الجوال وقفلناه وش تبين بعد!!
جواهر/لاتقفله يمكن ان احد يبيك بشي مهم ياعيوني؟
بندر بنفس الارتباك اللي ماغاب عن جواهر بس سكتت/مافي شي اهم منك ياعيوني..وانتي قربي وش ابغي في باقي خلق الله..
جواهر بتشكيك/صحيح..
بندر بسرعة/اكيد..
جارته بالوضع وهي شاكة بتصرفه بس ماحبت تبين له,,,
بسيارة مشاري,,,
مشاري بخوف/ها شلونها اللحين؟
لمياء بسرحان/لا خلاص طابت الحمد الله..
مشاري/تعبانة حبيبتي صح؟
لمياء بنفس الشرود/شوي..
مشاري/ماعليه ياقلبي تاخذين فيها اجر وثواب....بس تدرين صار مااصر بالمرات الجاية مااتترككم بروحكم مهما صار؟
لمياء/ولو كنت معنا يامشاري بترد عنها التعب!!
مشاري حط يده فوق يدها وقال بحب/لا..بس على الاقل بخليك ترتاحين وانا بظل بقربها..اهم شي عندي راحتك انتي حبيبة قلبي...
تنهدت بقوة وكانها شايلة هم جبال فوق كتفها...وبداخل صدرها...
علي..ووجوده بحياتها قالقها بشكل كبير...قالت له انها تحب زوجها وبنتها بس هو مصر على انهم يشوفون بعض ويقعدون مع بعض؟؟؟
شتسوي بها الازمة اللي طرت عليها بس!!!
مالها غير التوسل برب العالمين يطلعها من ها المشكلة اللي هي ورطت نفسها فيها؟؟؟
////////////////////////////////////////////////////////////////////////////
بسيارة فهد,,,
فهد/ها...خلاص ارتحتي اللحين هذا انا كلمت مصعب وبيشوف لي اقرب حجز وبيرد عليّ..تطمني الموضوع بيكون تحت سيطرتك بس انتي فلي شوي..
نجود بتنهيدة/عذبتك معي!!عارفة ان المشوار كان المفروض يكون احلى من كذا..بس السالفة جتني بوقت حرج ومقدر اتركها وامشي..وانا عارفة عبير مابتتصرف؟شوفة عينك اول قرار اتخذته انها تروح بيت خالها بالقصيم وكان ها الشي بيكون حل للمشكلة؟ضيقت عليك المشوار حبيبي اسفة..فوق تعبك تعبتك زيادة؟
فهد بحنية/المشوار ماخلص يانجود..راحت ساعة ونص وبقوا ساعتين ونص قدامنا!!!يالله سولفي انا اسمعك...ابي نجود الي كانت معي الامس بالفندق هي نفسها اللي جالسة جنبي,,
نجود/حبيبي انت...عسى ربي مايحرمني منك....
فهد/...................
نجود بسرعة/اقول فهد...سيارتك ماهي عاجبتني؟
فهد بذهول/خير ان شاءالله؟
نجود بلامبالاة/انا مااحب السيارات الرفيعة اللي مثل كذا..مااحسهم يتناسبون مع تركيبتي النفسية؟
فهد/مشالله...
نجود/تعرف انت وش يناسبك ..يناسبك سيارة افلون..احس فيها وقار وهيبة وتناسبك ,,
فهد/ومن متى انشاءالله تفهمين بالسيارات يابنت السبيعي؟
نجود/عادي...ا ي شي يتعلق بحياة فهد سواء كان صغير ولاكبير انا لازم اعرفه وافهم فيه؟
فهد/امممممم
نجود/ويكون لونها ابيض بعد!!
فهد/بعد!!!
نجود/خلاص اتفقنا متى بنروح نختارها؟
لف لها يناظرها بتعجب وهي تبتسم له
نجود/شفيك تناظرني متى بنروح نختارها ونطلعها من الوكالة؟
فهد/مين اللي بيروح حددي؟
نجود بثقة/انا وانت!!مو الحياة مشاركة والمراْة دائما تسير جنبا الى جنب مع شريك الحياة,,,
فهد باحتقار/هذا اللي قاصر بعد تدخلين لي وكالة سيارات!!وين قاعدين بالله بدبي ولابالكويت؟
نجود بثقة/بالسعودية وبالشرقية تحديدا!!وش فيها اذا رحت معك واخترتها..
فهد/انا اولا ماافكر بها السيارة اللي تتكلمين عنها...
نجود قاطعته/ليش لا,, اصلا الافلون مصمة علشان تجمع بين القوة والاناقة والانسيابية,,
فهد كمل كلامه/قلت لك انا ماافكر فيها ولو فكرت اخذها انتي شكو...عليك تركبينها وبس!
نجود بقوة وثقة/ومن قال لك اني بقبل اركبها ومااختارها..
فهد/ياسلاااام...!!
نجود/انا بركبها يعني انا بختارها ومافيها أي اعتراض؟
فهد/قلت لك الحريم مايدخلون وكالات؟
نجود/يدخلون مايدخلون هاذي عندك؟انا ماامر الوكالات الا الاقي فيها حريم وخصوصا بالجبيل !!مايخصني وقت اللي بتشتريها بكون معك وبدون أي اعتراض بعد؟
فهد/هذا اللي ماراح يصير..بعد اخر زمن حرمتي تدخل وكالة سيارات؟
نجود/بنشوف.....
فهد/احسبي حسابك نروح للمزرعة علطول ونقعد فيها ونتعشى وبعدين تردين شقتك؟
نجود/اممم افكر..
فهد/غصبا عنك مو بكيفك...
نجود/.............
فهد/..........
ظلوا ساكتين فترة طويلة وقطع الصمت فهد بسؤاله وهو مسوي روحه مضيع/قلتي افلون اللي تناسبني؟
نجود ناظرته وهي تبتسم وقالت بخبث/أي...
فهد/يمكن اطلعها بكرة...
نجود/هههههههههههههههه
///////////////////////////////////////////////////////////////////
نورة/شفيك..
هوف/ولاشي بس انتظر خالي يتصل؟
نورة/ليه؟
هنوف/هو قايل لاامي بيكلمها الليلة اذا طلع ابوي ..يعني يبي يقول شي مايبي ابوي يعرفه فهمتي!!
نورة/شي مثل شنو يعني؟
هنوف/مدري...
نورة/وقلبك بشنو محسسك؟
هنوف/بان السالفة فيها رياض...يعني يمكن يبي يخطب له لبنى ولامضاوي؟
نورة/هكذا اذن؟
هنوف/انا كذا حاسة..بس متى يطلع ابوي ونعرف السالفة؟
نورة/اجل تطمني عمي ماهو بطالع؟
هنوف/ليه!!
نورة/اهل خالد صاحب ناصر اخوي جايين الليلة يخطبون مضاوي لااحمد ولدهم ..
هنوف/محد قال لي!!
نورة/انا سمعت من ناصر..يقول ان احمد مستعجل وخايف انها تطير منه بيملكون بسرعة وبياخذها معه لمكة لانه يشتغل هناك وبيقعدون اسبوعين بعدين بيسافرون شهر عسل..اذا اتفقوا وخلصوا؟
هنوف/وابوي يدري؟
نورة/انتي وينك؟عمي رافض يزوج مضاوي قبل لبنى بس ابوي طلعت روحه وهو يقنعه وبالزور يالله اقتنع لانه يعرف حمولتهم زين واليلة بيجون شكليات يعني بس علشان يتفقون قيما بينهم..يعني حسبي حسابك بعد اسبوعين ثلاثة بيتكون ملكة مضاوي وبتفارقكم لبيت زوجها؟
ابو رياض/والله اني محتار يارياض؟
رياض/ليش يبى عسى ماشر؟
ابو رياض/يوم اكلم اختي قلت لها اني بسولف معها قالت لي ان الليلة في ناس جايين يخطبون مضاوي؟
رياض/وين المشكلة يبى؟
ابو رياض/مدري كيف افاتحها بالخبر يعني هم فرحانين لمضاوي وبيضيق خلقهم لعرفوا عن عبير؟
عبير وهي واقفة عند الباب/ماله داعي تشيل همي ياخالي خلاص؟
ابو رياض/عبير!!
عبير/انا طالعة ياخالي؟
رياض/وين بتروحين..والله ماتطلعين من ها البيت الا معززة مكرمة..
عبير/تسلم ياولد خالي ..بس انا رايحة لعند بنت عمي بالرياض...بقعد معها هناك وبنتفاهم لين نشوف كيف ومتى نقولهم؟
رياض/أي بس ياعبير مايصير تطلع
عبير قاطعته/هي طلبت مني ها الشي..وبعدين انا اثق في نجود وفي حكمتها وتاْثيرها وكلامها عليهم..يعني هي ممكن توصل الخبر بطريقة افضل مني...
ابو رياض/هذا ياخته؟
عبير/أي....
ابو رياض/مدري شقولكي ابنيتي..
رياض/لاتقولها شي..قول لها قعدي مكانك هنا وهذا بيتك ومايصير تطلعين منه؟
عبير/ماعليه ياولد خالي..ملزومة اروح...انا اصلا غلطت بجيتي هنا؟
ابورياض/افا ياعبير..
عبير/سامحني ياخالي مو قصدي...بس ابوي لو عرف اني جيت هنا ومارحت عنده ممكن يس..
ابورياض/فاهم عليك يابنيتي..بس يبى خليك على اتصال بيني وبينك انا بظل احاتيك..
عبير/ان شااءلله ياخالي....رياض ممكن توصلني ولاعليك امر...
رياض/ولو اني مو مقتنع بطلعتك من الاساس بس مقدر ارفض لك طلب...
ابو خالد/على بركة الله...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك