بداية الرواية

رواية رجولتي تقدر تسميها النخيل -10 البارت الاخير

رواية رجولتي تقدر تسميها النخيل - غرام

رواية رجولتي تقدر تسميها النخيل -10

سحر أوووووما عاد عفده..فجأه..بالله شوف شعرك..نعومته تهبل بس طبعا شعري احلى وتلعب في شعره

المتناثر

نواف فيني نوم وانتي حكيتس واجد

سحر الا تعال شفيك مع الإتس..العاده كاف

نواف حك دقنه تغيير ..أبي أصير زي مسفر أبوو الهووول

سحر هههههه لا صدز حلوه بفمك الإتس

نواف قرب لشفايفها وباسه يسلم لي هالبؤ..

وقام باخذي لي شور جهزي لي ملابس

سحر بصوت خافت من عيوني

دخل وتروش ولبس وعلطول دخل تحت الفراش طبعا لازم السوالف قبل النوم قالها وش سوى مع منصور وهي

ماغير تتدمع..

""""

يتبعـ..

""""

عقب 3أسابيع..بالضبط..

عند منصور..في الصحراااء القاحله..لاماء ولا مأوى ولا شـــــــــــي فيها من الحيا..حتى الجبال مافي الأرض مستويه وتخـــــــــــــرع..فيها من أنواع الجن ..بسم الله علينا وعليكم منها..وأنــــــــــوااع الزواحف المميته..

تآكل جسمه بالدود والعقارب والحيايا..تلطخ التراب بالدم النجس..والشكل لااااااايرثى له..مررررررره فظيـــــــــــــــــع....يعني مات وش بعد موب باقي على الحياه ..ماباقي منه غير العصعص{أخر عظمه ف

العمود الفقري} ..مكان بعيد ولا حد يفكر يكشت في جوووووو يشوي الوجه حراره..ولا حد يفكر أصلا يزور هالمكان المرعب..

وهذي نهاية كـــــــــــــل إنسان تمنى لأخيــــــــــه المسلم شــــــر..

مافي حد طيب ..مافي حد يفكر بمنمطقيه..هذا هو نواف الي محد توقع يووذي مخلوق كان..ذبح له أنجــــــــــس

من سكن على وجه الأرض..الي ماخلى ولا معصيه والعياذ بالله إلا وسواها..

تهقوى نواف وقتله قتله شنيعه فظيـــــــــعه..الكل فكر ان نواف بيرحمه بيرجع له عشان هو طيب وخلوووق..

لكن لكل انسان وتفكير سلبي فيه..نواف ماختار الحق الصدق ..يعني هو من حقه ياخذ دم أبوه ..لكن بطريقه

أفضل وأحسن..بطريقه دينا الإسلامي..

مافي أحد على وجه الأرض مافيه من الجوانب السلبيه..

بتقولون محنا مفكرين زيه..بهذي الوحشيه..لكن بيجي اليوم الي ينقلب فيه الإنسان الطيب الى شرس وشرير ..الإنسان الخلوق إلى انسان بذيء وخسيس..الإنسان الحنون إلى انسان قاسي..

سرعان مايختفي هذاك الإنسان بصفاته الحكيمه الي عرفت منه شلون تتعلم من الحياه..وسرعان ماينسرع

بقراراته

هذا ماتعلمته في حياتي والكثيـــــــر الكثيـــر مافي جعبتي من مأسي أناس لانتخيل في يوم أذية أحد..ولا يسعني التعبير أكثر من هذا....لانتخيل في يوم..

كلام جارح لأغلى مايملكه..

بنظرة يحكيها.. لاتتوقعها بل تصدمك وتفجعك أحياناً..

سووء ظن..

عدم تفهم..بل بالأصح تسرع ف القرارات..

والوواجب علينا التحكم في قراراتنا..

التحكم في مشاعرنا..

التحكم في عقولنا..إصابة القرار الصائب ..وإلا الندم على مافاتك..

هكذا هي الحيـــــــــــــااااه..والمطلووب الصبر ثم الصبر ثم الصبر..

""""

بعد 20 سنه


\يبه..تقفى لاتردني

ناظره بنظره على جنب\عارف ورى هالحتسوه شتبي

خلف بترجي\طيب لاتردني يبو جرح

ضحك بخفه وتذكر جاسم رفيقه أيام الثنوي هو الي أطلق عليه هاللقب وألحين عياله يرددونه على

مسامعه\هههه الله يذكره بالخير

خلف بستغراب\منهو؟؟؟

نواف{أبو خلف}\عمك جاسم

خلف\يوووووووه..خلنا ألحين من عمي جاسم الله يستر عليه مع عياله وأهله في البر

نواف بستغراب\وأنت وش دراك

خلف بذكاء أبوه القديم\من عمي ناصر شفته وهو طالع معهم

نواف سك على فمه بنرفزه\لاتقووووووول توك تكلمهاااا..أذبحك..وموب تلعب علي ياولد التسع طعش

خلف تلعثم أن كانه ذكي فأبوه أذكى ..صررح\يايبه عجزت وأنا أقولك خطيبتبي عادي

نواف\لاتحدني أسحب الجوال منك

خلف\لا خلاص....{وبتردد}...بس أنا..أمممم{بلع ريقه وبصوت خافت}أحبها

نواف صرخ بعصبيه\جعل عدوك الحبه انشالله.حبها لكن بعد الزواج..لاتعلق البنيه فيك وانت موب ضامن لك

لعمر..البنيه توها في السبع طعش وانا مني مزوجك عشان تهيت معها عاد كلكم مرجه ماتجتمعون

خلف بلع لسانه ولا رد كل يوم يعصب عليه بهالسالفه..

سمعتهم سحر وجات\شفيك أنت على ولدي..نسيت عمرك توك بالعشرين معرس

نواف\محد مقوي راسه الا انتي.{وصرخ عليه}قــــــــــــــــــم لابارك الله في عدوينك قـــــــــــــــــــم

قام سيــــــــــــداا لغرفته

سحر عصبت\تراك مصختها كل يوم والثاني تعصب على شي تافه

نواف حط الحرره فيها\موب عارفه وش مضموني اسكتي

سحر\لا عارفه

نواف تنهد\أنا مابي البنيه تعذب معه

سحر\نسيت نفسك لازم يجي يوم فجأه تدخل علي بدمك يسيح ولا مضروب وانا أتقطع بكا اترجاك انتبه لنفسك

ومطنش..قال ايش قال أهم شي كرامتي..وزود على كذا ذبحتلك واحد مدري هو حي ميت

التفت عليها مفجووع وخايف لحد يسمع\أوووووووص والله لو يطلع الخبر فترا منك أنتي..ولو أروح فأنتي

يامرررررتي يأم عيالي السبب>>شدد على اخر كلامه

سحر بثقه\موب أنا الي أفضح وأشهر على زوجي بكلام مايسر الخاطر.زولو بتنفضح كان من قبل 20

سنه..موب على آخر العمر..

نواف طفش من حكيها ذادوووم الموضوع يحي ضده والسبب لسانها..شاف كتكوته جايه لمه تخطي توها بعمر

السبع سنوات\بابا شف الإستاذه وش كتبت لي

نواف ابتسم بشاشه على رغم من جديته مع عياله الكبار الا انه يرخــــــــــــي بقوه إذا شاف بنيته

هيونه..وشلون مايرخي وعشقه البنات ووحيدته بعد فق الست عيال وبنت هي لحالها\ياجعلني مبتسي ذا

العيانات

ابتسمت بخجل\شوووف بابا خطي حلو

شالها وحطها بحظنه\فديتها بنيتي الحلووه

باسته على خده بقوووه\وأنا بعد فديت بابا الجميل

سحر\فالح بس بتدليعها خربها علي

نواف طنشها\أشوف وش كتبت....الله ..ممتازه بنيتي جعلها تســـــــــلم ويخليها لأبووها

سحر\كلمني أنت لاتضيع السالفه

نزل بنته وخلاها تروح تنرفز\خيــــــــــــــــــر لازم تعكرين مزاجي

سحر\موضوعنا المهم..ولدك زوجه بالحلال انتبه له

نواف\وهذا الي مخوفني من مكالاماته معها..قد قالي جاسم وسع صدرك وخلهم ياخذون حياتهم

حلوه..لكن........

سحر\لاتقول تتعلق فيه ويعذبها ومدري ايــش الولد كبير وبالغ وفاااهم الحياه..لاتنتسى ذا شبيهك بصفاتك كل الي فيك بمراهقتك فيه..الى متى وانت تذم فيه حرااام عليك يارجال اذا موب ابوه الي بيسانده مين بيلقى مين

نواف تنهد بطفش\طيب خلاص عاد اسكتي..ينتظر بعد سنتين وأزوجه

سحر\لاااااااااا..ياخي لو قايل شهر شهرين وش سنتين

نواف بطرف عينه وهو ينهي النقاش ويقوم\قلت سنتين لاتخليني أطولها

سكتت سحر عارفه أبو عيالها مايغير قراره مخــــــــــــــــلوووق الي فراسه يمشي..

""""

خلف مسك الجوال بكئابه.. الظاهر ابوه ناوي على شنقه ..وش هالحياه موب فالح أنا الا ومتزوج..أبيــــــــــــــهااا حسووو فيني ياناس..شاف خوانه ناصر وجاسم وفواز يلعبون بلاي ستيشن بحماااس زايد.. ومعاذ بكورته يلعبها لحاله شوي تخرب عليه هيونه ويعصب ..بما انهم بزران وأعمارهم قريبه من بعض لازم كذا تصير الغيره خصوص ابوي مره مدلع هيونه كثير..ياحليلكم توكم مافهمتو الحياه..يجي اليوم الي ينكد

عليكم..آآآآآآه ياعلياء مراح اشوفك الظاهر ..

اهتز الجوال بإيده وشاف المتصل وعقد نواظره بغضب ..هذا شيبي الله يلعــ،،،،،..استغفر الله ملاحقني في كل

مكان قال ايــــــــش قال معجب..يلعـــــ،،،،،ياحيوان عارف نواياك وعارف شتبي لكن والله والي رفع سبع ماتاخذها مني غير الموت رد عليه بقهر مكبوت داخل الهدووء\نعـــــــم منصور بغيت شي

منصور\أفااااا لهادرجه..طيب راعي شعوري

خلف بقرف\الله ياخذك قل آميـــــــن يالورع يالبزر ..يالأخوو ترا عمرك صغيــــــــر يعني حراام تموت وأنا من

يطيح بيدي يموت فاهم

منصور\أما عاد صغير أنا سبع طعش وصغير

خلف\من الآخر تبي شي

منصور\ودي أسولف معك

خلف بهــــــــــــدوووء غريب\وأقســــــــــــم بالله لولا خوفي من الله ثم أبوي قدك جثه هامده..ولا أقولك خني

أبعد عن الذبح شرايك تدخل العنايه أبرك..أنـــا عارف مقصدك من ذا التمصلح تبي شي مني..بس حــــــــــــاااامض على بووزك تاخذها

منصور ووضحت نواياه\هذا انت عارف وبنت خالتي أبعــــــــــــــــــــــــد عنها

خلف ضحك على جنب\هه..أعلى مابخيلك إركبه

وسك فوجهه بقهر هذا الي يقهره يبيها قبل لاتروح لغيره ولو ياخذها هالكلب والله مايحيا..والي يقرب من أملاكي علي الحرام لأمحيه من وجهه الأرض..

\خلف شفيك سرحان

خلف\يوه معاذ موب رايق لك

معاذ\ولا أنارياق لك بوجهك النحيس..بس ابوي موصيني عليك تجي له تحت

خلف قام ..الله يستر منك يابوي وش عندك

تحت..

نواف سمع المكالمه بين ولده وطرف ثاني ماعرف مين بس وضح انه ذاك الأسم الي يقشعر جلد نواف منه ويذكره بماضي كئيـــــــــــــب وغليـــــس والمصيبه الكبيره ان هالولد قريب مرت جاسم رفيقه يعني

خوالهم..آآآآآآآه وش ذا الحظ..ملاحق حتى ولدك كأن الأيام تعيد نفسها..الله يستر عليك ياولدي..

خلف\سم يبه

نواف انتبه من سرحانه\سم الله عدوك اجلس يابوك

جلس خلف بجنبه بهدوء

نواف\أنت مستعجل عالزواج ليش

خلف نفس هدوءه\حاجة في نفس يعقوب

نواف\لاإله الا الله لاتبداها لي بأمثله..ليش تبغى الزواج بدري ابي اقتنع عشان اوافق

خلف بفرحه ناقصه بسبب الي عكر صفوه قبل شوي\مابيها تروح مني وإذا راحت وحتى لو سعيده أنا مو متزوج غيرها ولا أبي غيرها

نواف\عمك مهوب هو الي خطبك لها

خلف\ايه

نواف\يعني هو الي يبيك لها

خلف\ايه

نواف\طب ابي شي ثاني موب مقنعني هذا دام جاسم ناويها لك

خلف\مادري يايبه عندي احساس غريب وماحب هالأحاسيس

نواف كشر\وأنا أكــــــــــــــــــررها بعد..ياما سببتلي مشاكل..المهم تجاهل هالأحاسيس..فيه حد خايف منه لاياخذها

خلف\تقدر تقول

نواف\وميــن هذا الي يفوقك بأخلاقك وسمعتك

خلف\مو مسألة اخلاق وسمعه بس أنت عارفه أقرب مني

نواف\أهاا منـ...منصور..

خلف\ايه..يعني زي مايقولون القريب اولى من البعيد

نواف يطمنه\لاتخاف ماخبرت أحد يزوج عياله بدري الا انا

خلف ابتسم نص طمأنينه\أتمنى يبه

نواف\وعشان كذا..الأسبوع الجاي رايحين لهم عشان نملك

نقز خلف بفرحه كـــــــــــــامله\صـــــــــــــــــــــــــــدق يبه..

حب راسه شكر له\الله لايحرمني منك..

وراح يبشر امه الي فرحة له أكثـــــــــــــــــــــــــرر

أخذ تلفونه وبشر عماته هنادي وسعاد والعنود وبعدها جدته..ثم بشر خالاته ولا خلى أحد الا قاله الخبر الكل

فرح له وخصوص انه الحفيد الدلوع بالنسبه لهم من جهه اسمه اللقريب من قلب عماته وجدته ومن جهه خالاته الحفيد الأول لهم..

"""""

دلال بعجز\يابو حمد العشاااااااا

سمعت صوت وراعينها يتشاورون وكأنهم يحشون

دلال\هاهاا انت ويا وش تقول

حمد بضحكه مكبوته\يمه الله يرضى عليتس كان قلتي لي اناديه دام ذا صوتتس

دلال بنرفزه\صه انت يالشايب ماعندكم الا ذا الحكي اتس واتس كم مره قلت لكم وخرو عن ذا البدوان ذا الي

مرافقينهم

محمد\هههههههههااااي يم قصم صوتتس توحفه

دلال\أهوووه بس ماعاد الا هي بزران طول كراعيني ينرفزني

حمد\الحين انا ومحمد بزران أعمارنا بالعشرين تقولين بزران ..وش ذا الشعر ذا{ ويحط يده على شنبه}

دلال\ناد خوانك وخواتك وتعالو تعشو خلصوني

محمد\من عنيا ياماما

حمد\ماااماا..يالمصيري ياخي خل ماما للناس الي تعرف الدلع موب انت

محمد\أصه لاأصكك كف

حمد مد يده قدام وجه محمد\امسك يدي اشوف

محمدببرائه\ليه

حمد\امسك يدي

محمد مسك ذراعه..حمد مسوي عصبي\عط نفسك كف

محمدحط يد حمد على خفيف على خده وضربه بقوه جات الضربه قويه قام محمد وتعافس معه وحمد ميت

ضحك..وبدت هوشة التوأم الي يملون البيت بازعاجهم..ودلال ماغير تصارخ تهديهم لكن ماااااااافي احلى من الهواش

اكتملت العايله من ..أروى ولمى الصغار..وعبدالله وعبدالإله..يكبرونهم بكم سنه..واجتمعو بالعفاس

جا الوالد الله يطول بعمره بس تنحنح وكل واحد لزم مكانه بأدب\أحــــحـــم..

مشى بهدوء ووقار وحبات الشعر الشيب متناثره على لحيته وبعض خصلات شعره..

جلس على كرسيه ولف بنظره على التوأم المزعجح\ماقلت لكم لاتجلسون جمب بعض تنافرو اهوه

قام محمد وبععد عن حمد وجلس قدامه

ابو حمد\لابالله بتجيبون لأمكم الضغط حسبي يالله.و....

دلال بسرعه\لالالالالا عيالك لاتدعي عليه

ابو حمد\موب لزوم تذكريني عارف انهم عيالي..وش هالإزعاج لاتقولون الصغار ماحد بيصدع راسي

غيركم..نعنبووووكم بسنه ثاني جامعه وطب وحاله وهذي صجتكم..لا ويقولون نفتح مستشفى خاااااااص..لا بالله مافلحنا

حمد ببتسامه\الله يطولنا بعمرك يابيي رووق

ياسر مد يده وبدو ياكلون بهدوووء وأدب..مامرت خمس دقايق

محمد\أأأأأأ...حمد..الأرنب نسينااااااه

نقز حمد لفوق ويصاارخ\أرنبيييي..ياويحي ويحاااااه

لحقه محمد وثواني ونزل حمد ومحمد ورا بعض\ماااااااااااااااااااااااااااات

ياسر هز راسه بيأسف\مهوب اول مره ياعيالي يازلايب..يقالكم بتحطون تجارب ومدري ايش قلت لكم فكو

انفسكم من الدختره

دلال\لاتحطمهم حرام عليك

حمد\يوووووووه بعد فيه صيده

محمد بعربجه\أقلك خنا نصيد لنا ضبان وأفلح

حمد\أووص جاكم بضبانه حياتك كلها ضبان

محمد\ياويل حالي..أول ولد بيجيني بسميه ضبضوب

ياسر كتم ضحكته وشاف دلال منفقعه ضحك..ولده يعشق شي اسمه ضبااان..الله يعين\وانت يالثاني وش تسمي

ولدك

حمد مسوي نفسه بزر\أأأأأأمممممممممممم..جروجور

كشر بنواظره\وش يعني

محمد بخبرته المعتاده مع توأمه\يعني جربوع

هز راسه\بدال ماتقولون نسمي ياسر دلال تسمون على حيوانات

محمد\هذا انت يايبه ماسميت على ابوك

حمد\ولا امي سمت على ابوها

محمد\يابن الحلال من زين اسماء ابوانهم ويع

ماوعى الا بذيك الملعقه على راسه\تعقب يبو كلب..الحين اسم جدك شين الله يخسك يالمخيس

محمد ببرائه\وانتو من اليوم تكمخون ذا الراس المسيكين

ياسر بنفس مزحه\الله يلعن اابوك

حمد ومحمد صرخوا بضحكه\وااااااااااهههه يلعن نفسه يعوينه تراك ابونا هههههههههههههه

سفهم ياسر لو يعطيهم وجه أكثر مهوب مخلص لاأكل ولاهوةب نايم ولا مخلص شغله يشغلون الواحد الله يشغل ابليسهم..

"""""

تمــــت

the and..

وهكذا نتهت روايتي المتواضعه..بين يديكم..

أتمنى انها نالت استحسانكم واعجابكم..

قبل ماكتب هذي الروايه للتسليه كتبتها لأخذ العظه ومعرفه كيفيه التعايش مع الناس بأساليبهم

المختلفه..وكيفيه وضعنا وتعايشنا مع مشاكل الحياه وكيفيه حلها..

حياتنا محتاجه شويه نفهمها نعرف وش غرضنا وليه عايشينها..

اذا كان محبوبك عايش فحمد ربك ولا تفرط فيه..

واذا كان ميت فدعواتك له من ظهر الغيب..

ربعك لاااا تفرط في صحبتهم وخوتهم..لاتجحدهم..وحتى لو انه ماسوى لك شي..حتى لو انه

ضايقك في اشياء كثيره..يكفي انه خلى النااااس كلها ولف عليك انت اختارك انت تكون محبوبه..

فالأخير..نبغى يكون لنا هدف في الدنيا..هدفنا تعبد ربك..ترضي والديك..

اذا كان على الناس فطز فيهم اذا مارضو بالي فيك أهم شي والديك راضين عنك من بعد ربك..

واذا على الناس{احترم تُحترم}اذا كنت محترم فشي طبيعي يحترمونك وغصب عنهم يحترمونك..

أخر شي ..أحس اني لق لق لق واجد فوق روسكم..

هع..

تعلمت من الحياه وخذيت دروس وماأبخل اني اعطي الناس دروس من حياتي..

محبتكم..

أسيــرة أمواج


^_^

رِمْشْ الْغَ‘ـلآ


لآ أحلل ألي يشيل نكي عن الملف
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -