رواية تعال جنبي وابتسم لي واسامح -10
وليد:مادري بس حسيتها بريئه مرة والله حسيتها بتطلع من التليفون تبوس رجلي
نواف:هههههههه انت رجعت لها الحياة من بعد ماحكموا عليها بالاعدام من حقها تفرح ولا بعد تموت فرح
وليد:يلا انا بروح للبيت تبي شئ
نواف:تو الناس بدري
وليد:أي توه الساعه 2 ونص
نواف:لا انا بجلس مع الشباب شوي ثم بجي
وليد:طيب
ودخل وليد داخل عند الشباب
وليد:ثـامر
ثامر:هلا
وليد:يلا انا بروح البيت مانت بجاي معي
ثامر:الا بروح
ريان:غريبه ليش وش عندك
ثامر:الاهل بيروحون للدمام اسبوع وانا لحالي بجلس قلت كل يوم انام عند واحد ههههه
ريان:وش هالعله هههههههههههه
وليد:يلا ثامر انتذرك بالسيارة
ثامر:يلا هذاني بجي بس بجيب لنا عصير
وراح وليد وركب سيارته وقعد يطالع درج السيارة لوقت طويل وبعدين فتحهه وطلع منه صورة كانت صورة بنت ملكت جمال كانت ساحرة بشكل مو طبيعي
جلس يطالع فيها ويقول: شفتي يا اسيل هذي ضحيه جديدة وكله بسببك بس صرت احسن منك ومالمستها ماقدرت اخون زيك كل مااسوي مع بنت كذا اتذكر وش سويتي فيني واقول انا ولد العالي احسن منك بمليون مرة ويبوس الصورة ويدخلها الدرج بسرعه ويدخل السيارة ثامر
ثامر:يوه ياهو زحمة ها عسى ماتاخرت عليك
وليد:لا ,لاتاخرت ولا شئ أي واحد عصيري
ثامر:هذا اللي بالمنجا
وليد: لا والله وانت بالفراولة
ثامر:ايه اخبرك تحب المنجا مو الفراولة
وليد:يلا بعديها هالمره بس على شانك
ثامر:هههههه بعد انت وخشمك بتعديها غصب مو بكيفك هههه
وليد: لا والله مافي اجل نومه بالسرير بتنام على الارض
ثامر:لا خلاص توبه هههههههههههه
وليد:ايه خلك سنع
ثامر:والله يقولون لو لك حاجه عند الكلب قله يا سيدي
وليد: نعم نعم طيب يا ثامروووه ان مانومتك بالارض وخليت ظهرك ينكسر ماكون وليد
ثامر:لا الله يخليك خالي اهون عليك
وليد:انت تهون لكن المشكله اختي ماتهون
ثامر:هههههههههههههههههه
وراحوا للبيت
البنات وهم جالسين ياكلون ويلعبون ويغنون انفتح الفراج اللي قدام الفله وكل البنات نطوا يشوفون من
ريم: مو كن هذي سيارة عمي وليد
نوف:الا وشكل هذا ثامر اللي معه
نورة:والله وينه ابعدوا خل اشوفه
ريم:ههههههههههههه وش بك يالمطفوقه
نورة:على شان انا متاكده انه شيفه
نوف:اصبري لين ينزل وبنعرف
انفتح باب السيارة استعدادا لنزول ثامر وبنفس اللحظه انصبخ باب السطح عند البنات فالكل خاف والتفت للباب
الا بجدتهم ام خالد داخله
ام خالد:انتوا للحين هنا
البنات:بسم الله جديتي روعتينا
والكل بدا ياخذ نفس من الرعب اللي سببته لهم جدتهم
ام خالد:وش جالسين تسوون
نوف:ياجده ابد سهرانات
ام خالد: للحين وجدكم بعد قافل عليكم
نورة:ليش يمه الساعه كم اللحين
ام خالد:الساعه 3 ونص الفجر وانا قمت اتوضى اصلي لي ركعتين
نورة:اوف الساعه 3 ياويلي من امي ماقلت لها بتاخر
ريم:حسافه راحت علينا
وتناظر فيها نورة :وش اللي راح
ريم:المووووزة اهئ اهئ
ام خالد:وش موزته انتي وهي
البنات:ههههههههههههه
نوف:يمه كن جدي يناديك روحي شوفيه
نورة : الا والله اسمعوا يناديك
ام خالد ارتبكت : والله ماسمعته خل اروح له بسرعه ياويلي
البنات يتسدحون من الضحك:هههههههههههه
ريم: ياحليلها جدتي للحين تخاف منه
واول ماطلعت الجده كلهم نطوا على بعض يبون يشوفون العيال
لكن للاسف مافي احد
ريم:يووووووووووووووووه ماشفناه
نوف:انطمي انتي
نورة:اقول خل نهج قبل ماتطب علينا جدتي مرة ثانيه
نوف وريم:يلا النحشه
وكل وحده اخذت معاها الاشياء اللي جابوها وطيران على تحت على شان يطلعون
ريم: بنات الباب مقفل
نورة:احلفي وخري خل اجرب
وتحاول تفتحه باقوى ما عندها وبرضوا مانفتح
نورة:مافتح
نوف: والعمل
ريم:اوووووش في احد نازل
ويروحون البنات ويتخبون تحت الدرج بحيث ان محد يشوفهم
ريم:كن هذا خالي وليد ياويلي مفصخ مو لابس غير شورت
كان لابس شورت لونه اسود وكان جسمه مرة خيال مشدود وعنده عضلات ولونه برونز
نورة:ههههههههه وخزياه خالي متفصخ
ريم:يا قليلة الحيا غمضي عيونك
نورة:لا والله حلال عليك حرام علي
نوف:بس ما شاء الله عليه جسمه يخقق
نورة:وانتي الصادقه
ريم:اقول انا مانب جالسه ساعه استنى لين ياذن بروح للبيت قبل ما تقوم امي
نوف:طيب والعمل
نورة:انا جبتها بطلع لخالي واقوله يفتح لنا الباب
ريم:طيب يلا روحي له بسرعه
نورة:طيب لا تدفين
وتطلع نورة من المكان اللي متخبين فيه كانت نورة لابسه قميص نوم قصير ومرسوم عليه دبدوب زي قمصان الاطفال كان شكلها مرة طفولي
راحت تركض له وتبي تخوفه >>تقالها بتسوي اكشن
جت من وراه وصرخة باذنه
نورة:وااااااااااااع
كان المسكين يشرب مويه ومن الخوف طار الكاس حوالي مترين وطاح وانكسر وهو شرق مو قادر يتنفس راحت نورة تبي تنقذه لا يصير ضحية بلاويها وبدت تطق على ظهره باقوى ماعندها بغى الولد يموت بس مو من الشرقه من ظربها الا ويلتفت وهو معصب واول مالتفت انهبلت نورة
نورة وعيونها مدمعه من الخوف:انت مو وليد
ثامر:لا والله .. انا ثامر .. وانتي مين؟؟
نورة وهي تبكي:والله والله اسـ..فه
ثامر ابتلش بهاللي تبكي قدامه:خلاص لا تصيحين بس من انتي
نورة:ها
وناظرت لبسها وراحت بسرعه تركض للبنات
البنات:ها وش قال
نورة وهي تصيح :يمه طلع لي ثامر
ريم:هههههههههههههههههههههه وش وداك لثامر
نورة:هذاك اللي نزل مو وليد ثامر
وجلست تصيح من اول وجديد
ريم وهي ماسكه ضحكتها:طيب ورا تصيحين
نورة:خرعته وهو يشرب مويه وبغى يموت فرحت اطق على ظهره قلت حرام يموت وهو بعز شبابه وانا يمسكوني بجريمه قتل ويسون علي الحد وانا توني بزر ماشفت شئ من الحياة بس يوم اتفت وانهبل واقول له انت مو وليد
وهنا يفقعون البنات ضحك ماقدروا يستحملووون
نورة:وجع ان شاء الله جعلكم الباحص والماحص ورا تضحكون يا وجه الفقر
ريم:وجع بس ماخليتي شئ ماقلتيه .. طيب اللحين وش العمل
نورة:مادري دبروا لكم احد يخاطر مرة ثانيه انا ماعندي استعداد
ريم:لا والله انتي شافك كذا بس حنا لا انتي بتطلعين له يلا روحي
نورة:وجع يالدبه لا والله عندي انا اقعد هنا ولا اطلع له
ريم:يلا عاد لا تصيرين سخيفه بنروح للبيت
نورة:لا والله لو وش يصير لا ثم لا ثم لا
نوف:جعل لحلقك اللواء قولي امين
نورة:وانتي معي ان شاء الله بيوم واحد
ريم:بس وش بكم تهاوشتوا بس
الا يجهم صوت احد يقرب منهم
ثامر:في احد هنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك