رواية تعال جنبي وابتسم لي واسامح -11
ريم:ايه حنا البنات لا تقرب ماعلينا عبايات
ثامر:ههههه ايه شفت
نورة بصوت واطي:جعلك تشوف العذاب بعيونك قل امين
نوف:انطمي لا يسمعك
ريم:واللي يعافيك ثامر جب لنا المفتاح من وليد ودنا نروح لبيوتنا
ثامر: طيب ثواني
ويروح ثامر ويجيب لهم المفتاح
ثامر:هذا جبت لكم المفتاح
ريم:اجل واللي يعافيك افتح لنا الباب ورح خل نطلع
ثامر:طيب
ويسكت وبعد ثواني يقول:بس بشرط
كل البنات خافو
نورة بصوت واطي:جعل يشرطون لك حلقك
ريم:وش هو شرطك
ثامر: ابي هاللي جت قبل شوي وكسرت لي ظهري وخلتني اشرق شوي واموت تجي وتحب راسي وتقول اسف عمي ثامر
نورة بصوت عالي:نعم نعم لا والله وماتبيني بعد احب رجلك بالمرة
ثامر:ياريت ماقول لا
ريم:اوص قصري صوتك لا يخليها اللحين خده
نورة:لا والله لا ذي ولا ذي وعمري ماطلعت .. مابي ابي انام اليوم هنا
ثامر:خلاص اجل بروح انام وارجع المفتاح
ريم:لا لحظه
نورة:وش لحظته خل يفارق
ريم:نورة عفيا على شاني والله امي متوعدني اذا تاخرت برا البيت
نورة:لا والله وانا وش ذنبي تنهان كرامتي قدام هالخبل
ثامر:خبل بعينك صار اللحين تحبين يدي زيادة كعقاب لك
نورة:لواااء والله لو مقتلي بيدك خليتهم يقتلوني ولا جيت امنك
ثامر:ها ريم اروح
ريم:يلا واللي يعافيك نورة
نورة:طيب اطلعي له انتي
ثامر:لا مابي الا انتي
نورة:جعل الناس كلها ماتبيك يا وجه المصايب
نوف:يلا عاد ابي الحمام اخلصوا
ريم:هههههههه يلا نورة عفيا لا تسويها نوف على نفسها ونبتلش فيها
نورة:تروح لحمام الحريم هنا
ثامر:وهذي جلسة مافي لا دخول ولا خروج لين تسوين اللي ابيه
نوف ماسكه نفسها مو قادرة تتحمل :ابوس رجلك الله يخلييك ابي الحمااااام
ثامر:هههههههه مالي دخل اقنعي نورة تجي وتسوي اللي ابيه
نورة:لا تقول اسمي على لسانك اخاف توسخه
ثامر: نورة نورة نورة نورة نورة نورة نورة
نورة:وجع ان شاء الله وتفسخ شبشبها الدبدوب وترميه عليه
ثامر:هههههه ماجت فيني وش هالطفولة المفتقرة اللي عايشه فيها بجامه فيها دباديب وحتى الشوز وانتي بكرامه
نورة:وش خصك
نوف:بموووووت بسرععععععه طلعوني
نوف جلسه تحب على راس نورة:الله يوفقك الله يخليك مثانتي بتنفجر ارجوووووكي
نورة:طيب وجع خلاص بطلع بس تغمض عينك
ثامر:طيب
نورة:بس اول اضمن المفتاح
ثامر:يعني
نورة:عطه لريم
ثامر:لا والله وافرضي غدرتوا فيني
ريم:لا ماني بغادره كلمة رجال
ثامر:طيب اطلعي لي اول
نورة:لا سلم اول
ثامر:طيب بوقف عند الباب لين تجين وهمن اروح
نورة:طيب
وراح ثامر فتح لهم الباب وقف بالنص
وتجي نورة طااااايرة مليونين وتحب خشمه بدل راسه من السرعه وهي بنص الطريق لبيتهم تصرخ وتقول له اوريك مردودتلك بس انت اصبر
ويقطس ثامر عليها من الضحك ويوخر عن الباب على شان البنات يطلعون
وراح جلس بالصالة لين طلعوا البنات وقام قفل الباب وراح لغرفة وليد[/center]
وليد وهو منسدح على السرير:وش اللي اخرك
ثامر:لا ابد بس طاح مني الكاس وانكسر وجلست انظف المكان
وليد وهو يتثاوب: طيب طف النور بنام
ثامر:طيب
راح طفى النور وانسدح بينام
وهو منسدح جالس يفكر "وش هالبنت اللي قابلتها اليوم وبعدين شلون سويت معاها كذا هذي مو من عوايدي بس هي اللي استفزتني لا حتى ولو يا ثامر مفروض ما تسوي كذا بس كان شكلها مرة كيوت وكلها طفوله هههههههه يلا بس خل انام "
الساعه 4 العصر
نزل نواف مسرع على الدرج الا بامه جالسه بالمجلس على التلفزيون
نواف:صباح الخير على احلى ام نواف بالدنيا
ام نواف:صباح النور
نواف:ها يمه وش الغدا اليوم حدي ميت جووووع ترى يمكن اكلك لو مالقيت شئ ينوكل
ام نواف:ههههههههههه الغدا رز وسلطة لبن وكبة مقليه
نواف:الله طيب قولي للشغالة تحط لي
ام نواف :طيب
واخذت التليفون ودقت على المطبخ
في نفس الوقت دق جوال نواف
وقام نواف عن امه للحديقه الخلفية
نواف:الوو
:اهلين
نواف:عفوا من معي
:معقوله ماعرفتني
نواف:لا اختي سوري ماعرفت الصوت
: انا اللي رقمتها الاسبوع اللي فات
نواف:هههههه من ؟؟ والله ماذكر
: افا يعني مرقم مليون غيري خلاص على العموم ما صار الا الخير ومع السلامه
نواف:لحظه يابنت الحلال ذكريني بس متى ووين
: لا ماراح اقول لك وخلك على نارك بااااي
وسكرت الخط
نواف: ههههههههههه تجيبك الايام صبري
وراح لامه لقى ريم جالسة
ريم: صباح الخير يا حلوو
نواف: صباح النور
ريم: يلا انا بروح بيت عمي خالد عند نوف
ام نواف:ايه ترى نسيت اقول لك ان بنسوي لكم حفلة نجاح لان البنات طلعت نتايجهم ونجحوا الحمد لله
ريم:لا والله مبرووووك وناسه وكم جابوا
ام نواف: نوف جابة 95 ونورة جابة 97
ريم: ماشاء الله .. طيب متى الحفلة
ام نواف : بعد بكرة
ريم: يوه مرة قريبه ماراح يمدينا نجهز
ام نواف:الا ان شاء الله
ياترى وش توقعاتكم ...؟؟
وش بيصير بين نوف وبدر ..؟؟
ومن هالبنت المجهوله اللي دقت على نواف وايش تاثيرها عليه بالايام القادمه..؟؟
ووش تتوقعون بيصير مع نورة وثامر من بعد الموقف اللي صار..؟؟
ولا ايش بيصير لوليد بعد مارجع له حزنه بخيبة امل حبه لاسيل..؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك