بداية الرواية

رواية بنات النت -11

رواية بنات النت - غرام

رواية بنات النت -11

ام تركي / هـو وشو ابوك يقول عنها متينه

ساره / إييه يــاجده أبــوي يشتكي منها دايم المسكين دايم يدخل علي الغرفه يشكي لي الحال يقـولي قولي لـ أمك تضعف

/ ههه

ام اياد / يلا عاد عن العيـاره

ام تركي واهي مصدقه / اجل اسمعي يا بنتي ماترجعين من لبنـان الا و وزنك خمسين بعد شنو تبينه يـتزوج عليك

اياد / افا عليك ياجده مو أنـا ولدها اذا ماخليتها اضعف من ساره

ساره / ويــه وش فيه جسسمي احسن من عارضات أزيـاء

هشام / في هذي صدقتي

فارس حق تركي وهو مو متحمل ساره / وش فيها هذي جنـّت توصف جسمها سكتها احسن

تركي / هههه حمد الله والشكر بتصـير زي أبوك بعد انت

فارس / لا مو كذا بس عيب

تركي / وش عليك منها مافي احد غريب اولاد خالتها

فارس / ماقول بس الا الله يهديها ولا بعد تقول حق اياد ابي ادخل النت

تركي وهو يحرك حواجبه / هاا تغار

فارس / تخسـي بس

قام على طـول ودخـل الغرفه

التفتت ساره عليه واهي معقده حاجبها تبـي تعرف لـيه نظراته لها كذا ..! ( ويه ليكون اهو اللي قالي انتبهي على نفسك إيـوا انا متأكده إن هــو يااربيه )

دخلـو الكـل بـ غرفته .. ..

في غرفة فارس وتركي ..’

فارس وتركي بـ نفس الشباك يسـالفون ..

تركي / وش فيك على ساره

فارس / مافيني شـيء

تركي / لا والله انا شكيت يـ أنك تحبها أو تكرهها كره جيري لـ توم

فارس / ههههه يعني مافي حل وسط ياحب يا كره

تركي / ايواا اختار شـيء واحد

فارس وهو يضيع السالفه / شوف هالبنت خقق بـيضه ماشاء الله عليها

تتأفف تركي من فارس وجلس ع الكنب / ياخي مدري وش عاجبكم في بنات لبنان

فارس يلف عليه / هههههه بـيض ماشاء الله عليهم

تركي / انت واياد مابقى بنت ماخليتوها الحالها وش ذه وع مدري ليه ماطلعتو علي لا بنات ولا انترنت دراستي وبس

فارس / وش بينفع الدراسه

تركي وهو يتحلم / بـ صير طيــار ابي اطير فـي الجـو وانا راح اوديكم لبنان وتركيا وبجيب راكان من امريكا

فارس / لا لا تكفى الا راكان لا تجيبه

تركي / هههههههه

بالغرفه الثانيه ..{ فراس ، اياد ، هشام ..

هشام متسدح ع السرير ومغمض عيـونه

اياد / هههههه ترووك هو اللي خلاك تشوفها ؟

فراس / ايوا ليه مو مصدق

اياد / ههههه غريبه الحين هو يقول مايحب حركات المراهقين

فراس / ولا أنا احبها انا ماحب بـ هذي الدنيا الا منــار منــار وبــس

هشام بداخله ( فراس يحب منار ههههاي والله لـ أوريك )

اياد / فروس الحب حلو ..؟

فراس / يجنن

اياد وبدت الأحزان على قلبه / تخيل منار ماتكون لك وش بتسـوي

فراس / الله لا يـقوله وربي لـ ستجن واذبح اللي بـ ياخذها

اياد / هههه حلمك بعيد

فراس وهو متحمس / والله لـ اسويها وماخاف من احد وزود اني اذبح اللي بـ يتزوجها تدري وش بـسوي

اياد / وش بتسوي؟

فراس / باخذ جواز منار واطيـر معاها الى مكان ماحد يدري فـيه حتى لو منار تكرهني اهم شـيء اريح عيوني دايم بتشوف منار قبالها وأريح قلبي ان منار مو مع احد آآآآآآآآآهـ ابيهاااااااا

أبتسم اياد على كـلام فراس { شكلي ماعرفت احبك يـا ريتال ، الحب تضحـيه وانا شكلي ماراح أقدر اضحي في حبي لك ...}

وبـالغرفه قبال غرفة فراس واياد .. غرفة ..{ البنات ريتال ومنار وساره ..} أمـا دا’نه فـ تنام مع أمها

كلهم متسدحين بالسـرير وغارقانين بـ أحلامهم

منـار ماده بوزها واهي مو حاسه ..

{ راكان ويــنك والله مشتاقه لك حاسه اني غريبه وانا جالسه جنب اهلي من يصدق إن سنتين ماشفتك وإذا مو أكثر

ثلاث سنـوات وانت تدرس وتجي لنـا والحين سنتين ماجيت ، آآآهـ تعبت من الحيـاه أبي أحـب واحد يحسسني بـ حنان ابي اعيش مع شخـص يحبني أكثـر من نفسه ...غطت عيونها على ـآ احلامها

أمـا سـاره مبتسمه ومغمضه عيونها واهي تتخيل إن فيصل معاها ..

{ يــآآه والله أحبــك الله يكتبني من نصيبك ونعــيش طــول العمر مع بعـض ماحد راح يفرقنا و راح اذبح أي وحده تتقرب منك ..

أفكــارها إلى مــا له نهـايه ...

اما ريتـــال ماسكه بطنها واهي مبتسمه ...

{ يـاليت أقدر اضحي بـ اهلي والدنيا كلها وأعيش معاك ، أحلى شـيء بالدنيا إنك تعيش مع انسان جـاي من لحمـك

أحبــك يا جنيني ، آآممم ماراح يهمني سـواء بنت أو ولد اهم شـيء تعيش معاي وأربيك ومستحيل اخليك تعيش بـ نفس اللي عشته وأي شـيء تتمناه راح اجيبه لك ورواف أبـوك راح ابعده عنك ماراح اخليه يقتلك أو ياخذك مني .....

مسكت بطنها أكثـر وطاحت دمعتها يـوم تخيلت إن رواف يسقط اللي بـ بطنها صاحت أكثـر واهي تتخيل ان يدوس في بطنها مثل اول مره صرخت واهي تقـول / لاااا لاااااا مستحيل مسستحيل اخلي احد يااخذك مسستحيل

صحت ساره لانها مانامت / ريتال حبيبتي وش فيك

ريتال واهي تمسك بطنها وتصيح / مابي مابي احد ياخذه مني قولي لهم

صحت منار / وش فيكم

ساره / مدري وش فيها تقول مستحيل

منار وهي تقرب من ريتال / رتـول وش فيك تصيحين

ريتال واهي تصارخ / حتى لــو كااااااان بالحرام انا ابييييه ابييه مالكم شغــل فيني ماراح اخليه يقرب مني

بـالغرفه الثانيه

اياد / فراس فراس اختك ريتال تصارخ بالغرفه

فراس / ريتااال وينها

يــوم سمعو صراخها اللي زاد ، طلعو على طول من الغرفه ودخلو غرفة ريتال وبـنفس الوقت دخل فارس وتركي على صراخها

منار وساره على لبسو حجابهم ، اما ريتال كانت مو مهمته بـ شيء غيـر اللي بـبطنها

فراس وهو يقرب من ريتال / حبيبتي وش فيك

بعدت عنه واهي تصارخ / بــعد عنــي انا مــاحبك ماااحبك أدري انك تكرهني وبتخلي رواف ياخذني بس انا ماراح أخذه راح اعيش معاااه أهـو وبــس مابي احد بالدنيا غـيرنا

فهم اياد كلامها على طـول نـزل راسه و وده يـروح لها ويضمها ويطمنها ان رواف مستحيل يقرب منها بـس مستحيل يقدر يسويها وقدام اخوانها

فارس قـرب منها بعد مافراس بعد وقال بحنان / ماراح تتزوجين أحد الا اللي تبينه رواف انسيه اذا ماتبينه ماراح تاخذينه

صاحت ريتال واهي تمسك فارس / انا اذا ماتزوجت رواف ماحد يبيني مابي اعيش مع أحد غيره مابي

تركي بحنان أكثر / قـولي منو تبين تعيشين معاه وانا بجيبه لك

بعدت عنه ولصقت بالزاويه واهي تقول / لا لا ماراح أقـول تبــون تقتلونه أدري انكم بتذبحونه لانه بالحرام ... ارجعت تصارخ مره ثانيه / بــــس ماراح اخلي أحد يقررب منه مـاراح اخلي

فراس وهو اشوي ويصيح خايف على اخته / ريتال وش فيك

تعبت من الصراخ والتفكير والتخيلات وطاحت عليهم

فارس بخوف / ريتال ريتال قــومي قومي وش فيك ريتاال

فراس / قوم قوم نوديها المستشفى

اياد واخيرا تكلم خايف ريتال تنفضح / لا مافي داعي المستشفى شيلوها للـ سرير وخلوها ترتاح

تركي / انت وش تقول البنت بتموت ماشفتها تصارخ

اياد / انا رحت اليوم المستشفى معاها وعطاني دواء لها بس الظاهر هي ماخذتهم

فارس / ايووا وينه

اخذ شنطتها وفتحها وطلع الحبـوب مع الماي ..

حط قطرات ماي على وجهها وصحت وعيونها تدور ع الأمان .. شافت اياد بـ وجهها وابتسمت له ورد لها الأبتسامه ^_^ ..

فارس وهو يعطيها الحـبه / خذي ريتال ابلعي هذي الحبه

امسكتها واهي تتأملها وقالت حق اياد / ماراح يموت لو ابلعه

انحرج اياد مو عارف وش يقول .. ويوم شافها مصره على انها ترد قال / لا ماراح يصير شيء تطمني

ابلعت الحـبه وعلى طـول نامت وطول الوقت ماسكه بطنها وماحد لاحظ فيها ..

ونــامت بـ سلام والكــل نام وهو يفكر بحالة ريتال

.

.

وسن / ركون حبيبي متى راح نرجع السعوديه علشان نتزوج ؟

راكان وهو ضاغط على إيده / مدرري

وسن / امممم طيب اذا رجعنا على طول راح تخطبني ..؟

راكان / إيوا في شيء ثاني بعد

وسن / لا سلامتك بس انتبه على حالك طيب ؟

راكان وهو معقد حاجبه بقوه مصدقه نفسها / طيب

راحت ومشى وهو يتحمد ويتشكر عليها راح الجــامعه وهذي اخر اختبار له وبعد اسـبوع الشهـاده

.

.

سامي بحماس / جد اتصلت اليوم منار ؟

تغريد / ايوا اتصلت فديتها وربي مشتاقه لها موت

سامي ( وش تقولين عني انا )

تغريد / وش فيك سامو

سامي / لا مافي شيء بس جالس افكر فيها شكلها حبـوبه

تغريد / ايوا حبوبه وبسرعه تدخـل القلب ..

.

.

فـي المستشفى ..


ام بشار وأبـو بشار ينتظرون بنتهم الوحيده تطلع بـ سلآمه ونفس الشـيء ام عذاري وبناتها سمر وجمانه بعد التحقيق اجلسو في الكرسـي جنب بعــض وهم متوترين ..طبعا بو عذاري ماقدر يجي تركوه عند بو فارس ينتبه عليه لانه مشلول ..

طلع دكتـــور من أحد الغرف / عظم الله اجوركم في وفــاة بنتكم ؟؟؟؟؟؟؟؟؟؟؟؟؟؟!


انتظروني *_^


.

.

البارت السابع


.

.

فـي المستشفى ..

ام بشار وأبـو بشار ينتظرون بنتهم الوحيده تطلع بـ سلآمه ونفس الشـيء ام عذاري وبناتها سمر وجمانه بعد التحقيق اجلسو في الكرسـي جنب بعــض وهم متوترين ..طبعا بو عذاري ماقدر يجي تركوه عند بو فارس ينتبه عليه لانه مشلول ..

طلع دكتـــور من أحد الغرف / عظم الله اجوركم في وفــاة بنتكم ؟؟؟؟؟؟؟؟؟؟؟؟؟؟!

الكـل و قـف وهم مـو عارفين منو يقصد

ام بشـار / رنييييم ماااااتت

عقد حواجبه الدكتور وهو يقول / أي رنيم ؟؟!!

صرخت ام عذاري / ياحسره علـيك يابنتي رحتي من الدنيا وانتي صغيره

سمر بـ نهيار / انت كذاااااب عذااااااري ما ماتت كذاااب كذاااب

ام بشار تواسيهم / معليه يابنتي هم السابقون ونحن اللاحقون الله يعوضك في سمر وجمانه

الدكتور / لحظه انتو منو تقصدون منو عذاري ومنو رنيم اللي متوفيه اسمها فاطمه

لفو الجهه الثانيه وسمعو صراخ حـرمه / بنــتي فاطمه مااتت

و ولدها جنبها يضمها / معليه يا يمه تصبري

.

.

في لبنــان السـاعه أربع العصـر في المطعم جالسين العيال بـ طاوله والبنات بـ طاوله والحريم بـ طاوله

في طاولة العيال ..

هشام حق فراس/ هيي جيب لي الكاتشب اللي جنبك

فراس / لا تقوول هيي لا أسطرك

هشام وهو ناوي على فراس / تسطرني متأكد

لف اياد على اخوه / هيي انت وش فيك اليوم

هشام فرحان إن ماسك شيء على فراس /انت خلك بأكلك وخلني اتفاهم معااه

فراس / هي هي انت لا تصدق نفسك

هشام / تكلم معي عدل

فراس / هذا اللي بخليني امــوته الحين

هشام / لحظه لحظه قبل لا تموتني بروح أوصل حق منار إنك تحبها

شهق فراس شهقه قــويه

/ هههههههههههه

فراس / وتضحكوون ايوود امسك اخوك لـ أدخل هذي الشوكه في راسه

هشام / والله تسويها دامك تقول بتذبح اي واحد يتزوج منار

اياد / ههههههه هشووم تعجبني

فراس / وتششجع اخووك بعد

هشام وهو يقوم / اشوي وراجع بس بكلم منار

فراس / هيي هيي تعاااال لـ أذبحك .... يوم شاف هشام راح وقرب من طاولة البنات / ايوود كلم اخوك هذا بيفضحني قدام البنت

بس اياد مو حوله وهو ميت ضحك / ههههههههههههه آه يابطني طول الليل هشام يخطط

فراس / تروووك تكفى كلمه لا يفضحني

تركي / هههههه خلاص مافي فايده لف وراء

لـف وراء وشاف منار لافه عليه واهي معقده حواجبها ...نـزل راسه على طـول وهو يقول بصوت صغير / الله يحرجك زي ماحرجتني ياويلي البنت تطالعني واهي مستغربه

فارس / هههههههههههههههه رجع هشووم

فراس وهو يبعد عن نظرات منار / ياحيوان وش قلت لها ليه تطالعني كذا

هشام / هههااي قلت لها انك تحبها

اياد / هههههههههههه ماعليك منه يكذب ماقالها شـيء

هشام / لا تخليني اقولها الحين من جد

فراس برتياح / اجل وش قلت لها ليه ناظرتني كذا ..؟

هشام / بقولك بس ماتعصب

فراس / ماعصب بس قوول حرقت اعصاابي

هشام / قلت لها يقولك فراس يبي سلف فلوس

شهــق فراس وهو يضرب على راسه وكمل هشام ../ جات سوير اختك قالت لي عن العياره وروح ومنار كانت بتعطيني فلوس بس ساره قالت لها ماعليك من هشام بس منار اصرت تعطيني الفلوس وهذا اهي

فراس بعصبيه هاديه علشان ماتحس منار / يااحيوان الحين ترجع الفلوس لها وتقول لها انك تكذب

تركي بجديه / غبي هشــام وش تبي البنت تقول عن فراس

فراس / مدري عنه بسرعه ترجع الفلوس لها

اياد وهو ياخذ الفلوس / والله مو هينه منار غنــيه

سحب تركي الفلوس وهو يقول حق هشام / حرام عليك احرجت البنت من جد ماعندها احد واكيد ماعندها غير هذي الفلوس

هشام / يااخي أمزززح جيب الفلوس ارجعها لها كلتووني

فارس / ههههه احسن تستااهل تحرج أخـوي بعد

فــي الطاوله الثانيه بعد مـا هشام رجع الفلـوس لـ منار ..

كانو متوترين من وجود دانه يبــون يسـألون ريتال وش صار لها امس ..حسـت فيهم دانه وقررت تنسحب وتجلس مع امها وخالتها وجدتها ..

ساره / رتـول ممكن سؤال

ريتال / شنو ..؟

ساره / انتي منو تحبين

ضحكت ريتال بنعومه على سؤالها وقالت ببتسامه / احبك انتي

منار / افا وانا ماتحبيني

ريتال / الا حتى انتي احبك

ساره / لا والله جد ريتال منو تحبين

ريتال / ماحب أحد

منار واهي تغمز لها / و اياد

ريتال / وش فيه اياد ؟

ساره / امس ليه ابتسمتي له وانتي كنتي خايفه وقلتي له ماراح يموت اذا بلعته منو قصدك ..؟

ريتال بكذب / كنت خايفه من الحبوب وسألت اياد لان اهو اللي راح معاي المستشفى

منار / طيب امس وش صار لك ؟

ريتال / ماصار فيني شـيء

منار / كل هذا وماصار لك شيء خليتني اصيح عليك وانتي تقولين ماصار شيء

ريتال / خلاص خلاص سكرو المووضوع

ساره / لا ماراح يتسكر احنا بنات خاله وماعمرنا خشينا على بعض شيء

منار / ايواا بس انتي ماتقولين لنا وش فيك

ريتال / مافيني شيء بس كنت اتخيل اشياء

ساره / طيب تحبين رواف ؟

ريتال / اي

منار / ليه امس قلتي مابي اتزوجه وقلتي لـ فراس انت بتوديني له

ريتال / لانه فراس دايم يقولي راح تتزوجين رواف

ساره / يعني ماتحبين رواف

ريتال / الا احبه احبه

منار / والله انك غريبه

ساره / وعجيبه

.

.

مــر خمس عشر يــوم على لبنــان و في المغرب طيارتهم في المطار الساعه اربع ونص

البنات يتحلطموون ..

ساره / يعني من الساعه اربع ونص واحنا بالمطار والطياره الساعه ست لو احنا الحين رايحين السوق مو احسن

دانه / اييي والله انا اشياء كثيره ناقصتني نسيت الكريم اللي قالو لي البنات عنه والحين متى راح نروح لبنان مره ثانيه

ساره / يعني مستحيل في ناس زينا من اربع ونص المطار والطياره بتطير ست

تركي / انتو ليه هـذره يعني كلهم ساكتين بس انتو قرقرقرقر بس خلاص وقسم صدعتو راسي

اياد / وبعدين هذي لازم تصير علشان الأجراءت

ساره / كلكم جالسين وين الأجراءت

ام تركي بعصبيه / انتي بس خـلاص ماتعبين وانتي تهذرين عورتي روسنا اسكتي اشوي

اياد / ههههههه احسن تستاهلين

ساره واهي ماده بوزها / جده ليه تصارخين علي

ام تركي / لانك هـذره لسانك هذا فوق تحت يمين يسار مايجلس بـ مكانه

/ ههههههههههههه

ابتسم فارس على كلام جدته ( من جد ياساره لسانك هذا مايجلس بـ مكانه من يصدق انك ترسلين صورك لـ شباب ..! بس اتمنى إنك تكونين بريئه ..

.

.

وفـي هذا 15 يــوم ..

ارجعت عذاري بيت عمها بو أيمن ، أمـا رنيم بشار اخوها سافر وماحد يدري وين راح وطلعت من المستشفى بـ سـلام .. وجــود لازالت بالغرفه المقفـــوله تقـره قرأن وتدعي ربها إن يهدي البنات زي مـا أهداها ..

فـي بيت بـو ايمن بـ غرفة عـذاري ..

جالسه بالغرفه وتصيح ماتدري لـيه تصيح بس حاسه ان مستقبلها إنهـدم كـان احــلامها كبيـره كبيره والحين حلمها ضاع بـالحظه ، حلمهـا إنهدم وأهي اللي كـانت السبب في هـدمه هي اللي ساعدت الشيطان فـي كل شـيء وخربت بنت عمها جــود عاد لها شريط ذكريـاتها واهي كانت بالعمر 14 ...{

عذاري / جود شرايك نروح الحديقه

جود / اي حديقه ؟

عذاري / مدري نركب بـ تاكسي ونقـوله يودينا الحديقه

جود بخوف / لا لا عذاري ابوي وامي مايسمحون لي اركب تاكسي

عذاري / عادي ماراح يدرون يلا تكفين جـوده تعالي معاي

نزلت راسها جــود وراحت مع عذاري ..

في التاكسي كان سعـودي واحد مايخاف ربــه نـزلهم الشقه معاه

عذاري وجود بالغرفه ضامين بعض ويبــكون

راعي التاكسي ( وليد ) / خلوكم هنا ولا تتحركوون بجيب الشباب وجـاي

طلع ونسى يقفل الشقه ونحاشو جود وعذاري ...}

عذاري / كنت دايم انا اللي اخربـك هدمت حياتك زي انا ماهدمت حياتي

يــا ترى هـل ندمت عذاري ..؟

.

.

بـ غرفة رنيم .. ..

قافله على نفسها الباب وتسولف مع يحيى بالجوال واهي تقوله القصـه

ابتسـم يحيى وحب يختبرها / طيب دام اخوك مسافر افتحي لي الكام

رنيم / لا لا انا خلاص مستحيل اسويها الله ستر علي هالمره ماراح اسويها مره ثانيه خلاص حدي بس مسن بشيـل الكام

يحيى / امممم طيب في احد من اللي تكلمينهم يعرفـون رقمك


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -