رواية الجوري وفيصل -28
رشا : وانا بعدورن الجرس حق باب الرجال
وراح ابوالهام وشاف ابو فيصل بالمجلس
وسلم عليه وجلس شوي
وبعدين نادى ابو فيصل رشا وجوري ضمت رشا قبل لاتروح وراحت رشا مع ابوها
ولما جت الساعه 10 تقريبا
جاء مسج لجوري
رزقني الله ببنوته مثل القمر
وسميتها على اسمك ياقمر
اسمها (( جوري )) ربي يخليها لي
اختك : ندى
جوري وهي جالسه بالغرفه تصرخ هذيك الصرخه
جوري : يااااااااي ندووش الحمدالله على سلامتك بكلمها ببارك لها
وكلمت ندى
جوري: مبرووووك يااعز مخلوقه
ندى : اهلين جوري اخبارك وربي وحشتيني والله بارك فيك وعقبالك
ججوري : معقوله سميتيها جوري
ندى : ترى توني والده الساعه 3الفجر امس ايه وسميتها جوري
جوري: امانه ليش مارسلتي لي مسج
ندى : كنت مبنجه ناااايمه
جوري: يالبى قلبك يتربى في عزك مااتخيل انك بتصيرين ام
ندى : ههه مامليت عينك يعني
جوري : لا لا مو قصدي بس مدري مااصدق المهم مااطول عليك تبغين شيء
ندى : لا سلامتك
جوري : يلا باي
ندى : باي
وسكرت
ودقت على رشا
رشا : هلا جوجو
جوري : اهلييييييييين
رشا كانت جالسه بغرفتها وتشوف الصور اللي بجوالها اللي بدبي وفصل كان عندها سولف معاها وهي اذا شافت مقاطع حلوه تخلي فيصل يشوفها
رشا : شخبارك ؟
جوري : بخير الله يسلمك انتي كيفك ؟
رشا : والله الحمدالله
فيصل مبقق عيونه على رشا
جوري : ولدت ندوووووووووووووش جابت بنت
رشا : احلفي ندى ولدت طيب وش سمتها
جوري: احم احم على اسمي هههههههههه
رشا : هههههههههههه كذابه
جوري: وربي اسمها جوري
رشا : ياااهوه يعني صديقتها جوري وبنتها جوري
جوري : شفتي عاد
رشا : هههههههه ياحبي لها حلو انك قلتي لي عشان اكلمها وابارك لها
جوري : مابعد نمتي
رشا : ولانويت انااام جالسه اشوف المقاطع
جوري : وش مقاطعه
رشا : واحنا بدبي اللي في جوالي
جوري : ذكرتيني الله يذكرك باشهاده بروح اشغل كاميرا الفيديو
رشا : لااااااااااااا ياااويلك خليني بشوفها انا وياك مع بعض
جوري : بسم الله كلتيييييييني اصلن انا اكيد بشوفها معاك ههههههههههههههه
رشا : ياالبيه تسلميييييييين
جوري : اقول انا بسكر الحين باااي
رشا : باي
وسكرررت
الجزء الرابع والثلاثون
فيصل : انا بروح انام
رشا : فيصل لحظه بقولك شيء
فيصل : هلا
رشا : انت تحب جوري
فيصل : اتوقع انتي عارفه وش بقول ايه ااحب جوري انا
رشا : والكل عارفه بعد بس يافيصل لاتستسلم
فيصل :كيف يعني لا استسلم
رشا :روح لعمي وقول له انا ابغى جوري لاتروح له مره وبس رح ثلاث اربع عشر انشاءالله
فيصل : بس هي ماتحبني خلاص ماراح توافق
رشا : الا يافيصل جوري ماتقدر تعيش بدونك صدقني
فيصل : وانتي وش عرفك
رشا : ليش نحفت بعد طلاقها ليش تبكي ليش اذا سمعت اسمك تغير لونها لانها تحبك
فيصل : رشا انتي بكلامك هذا ريحتيني وانا بروح لجوري وبشوف اذا هي بتافق ولا لا بس مو هذي الايام
رشا : يمكن ماتوافق اول مره بس ثاني مره اكيد بتوافق
فيصل ابتسم ابتسامة فرح وراح ونام وهو كل تفكيره بجوري
جوري نامت وهي حزييييييينه وكل تفكيرها بفيصل
اليوم الل بعده قامو وهو يوم عزمية يارا اخت نوف بمناسبة رجوعها من السفر لانها جالسه سنه كامله
كانت العزيمه عند ام نواف
نوف جلست مع رشا وجوري عشان تشوف وش سوو في السفر وجلسو يسولفون عليها
ولما طلعت عليهم يارا وسلمت عليهم ةيارا تموووووووت في شيء اسمه جووووري اول ماوصلت لجووري ضمتهاااا وهي صديقة الهام الروح بالروح
وشافت رشا وسلمت عليها
وجلست مع البنات شوي
يارا : جوجو وين الهام وربي وحشتني ابغى اشوفها واشوف ولدها الجديد
نوف : هههههههههههه حلوه جديد هذي
جوري : الحين بتجي اكيد
يارا : يالبى قلبها المهم بروح انا اجلس مع الحريم لا يقولون عجوز وجالسه مع البنات
جوري : هههههههههههههه عجوز مره وحده حلوه هذي الصراحه
رشا : من جد ههههههه
يارا راحت
نوف : ياليتني معاكم بالسفر
رشا : هههههههههه ايه والله يا نوف من جد احلى شفره سافرتها
نوف : يعني قصدكم تقهروني طيب طيب
رشا : لا يادوبا مو قصدي اقهرك
جوري كانت سرحااااااااانه وفي عالم ثاني
نوف : اللي ماخذ عقلك يتهنا به
جوري : ههه محد ماخذ عقلي
جوري كانت مره مشتاقه لفيصل صار لها سنه ماشافته ماتدري تغير او لا قالت في نفسها "" ياااارب اشوفك الحين يافيصل قبل لانروح البيت ياااااااااارب ياكريم ""
مها بنت الهام كانت تلعب عند لرجال وتستهبل
فهد زوج الهام : مهوي روحي لماما
مهوي : اووكي
وراحت وهي تركض وطاااحت طيحه مو سهله على يدها
ابو الهام وفهد والشباب فيصل ونواف وعبدالرحمن راحو لعن مها يشوفون وش فيها
مها تبكي على يدها تبكي بقوووه
فهد : اوووه وش اسوي
ابوالهام : كلم على جوري يمكن تعرف وش فيها تعرف للعظام << لان جوري داخله طب >>
فيصل مو مصدق انه بيشوف جوري يبغى يشوفها حتى بالعباااييه
كلم فهد على جوري وقال لها
جوري لبست عباتها وجو معها البنات والهام
جوري شافت نواف قدامها : اهلين نواف وين مها
نواف : شوفيها بالمجلس
جوري : اوكي
وراحت ودخلت عليهم : السلا م
فيصل خق علي عيونها وصوتها ومو مصدق اللي قدامه جوري
ابوالهام : تعالي يابنيتي شوفي وش فيها
وكانت مها منسدحه وتبكي
جوري كانت عيونها على فيصل وخرت عيونها : اوكي
ووخرو الشباب عنها
وهي جلست ومدت يدها وجلست تحركها
ابوالهام : عسى مو كسر
جوري: لالا مو كسر الكسر ماتجي كذا
الهام : يوووه الحمدالله طيب الحين وش اسوي فيها الحين
جوري : اممممم حطي عليها كمادات دافيه وعطيها مسكن كاتا فلام
فهد : انا بروح لصيدليه وبشتري المسكن وانتم كمدوها
رشا : ياحظك ياجوري ياليتني دكتوره واعرف مثلك
جوري: هههه خبله
فيصل كان يشوف جوري وهو مبتسم وخاق عليييييها
جوري تذكرت فيصل والتفت عليه وصارت عين فيصل بعين جوري
الهام : يلا جوري تعالي معاي
جوري التفتت للاهام : لاصرت خدامه مو دكتوره لا حبيبتي انا بس اقول وش تسون فيها واروح
الهام : هيييييييين اوريك مو اذا رحت لبيتي تكلميني وتقولين تعالي عندنا طفشت ابغى اكلمك والا اذا ضاق صدرك الهام فاضيه بقولك شيء
جوري : هههههههههههه احمدي ربك اني تكرمت وجيييييييييييييييت اشوف بنتك
رشا : جوري تخيلي انك في عياده للعظام وتجي عندك حالة طارئه وتدخلين غرفة العمليات وتسوين عمليه وش شعووورك ماراح تخافين واذا خلصتي تصير ناجحه العمليه
جوري: الله اصير اسعد انسانه بالدنيا يعني كاني انقذت روح من المووت يارب يصير لي كذا
رشا : يممممممممممه انا بموت لو افتح الجلد واعالج العظم
جوري: لا اذا كانت االهوايه عندك عادي
الهام : جوري تعالي معاي بكمدها
جوري : الهام ماتفهمين حطي مويا حاره وجيبي منشفه وكمدي يدها ماتعرفين
الهام : لا
ابوالهام : ماعليك منها خليها اهي اللي تكمد بنتها
جوري تلتفت على الهام : سمعتي مالي شغل بنتي ولا بنتك
الهام : تخيلي انتي مكاني وطاحت بنتك
جوري تقاطعها : هذا اذا صار لي بنت ماعندي بنت
الكل تأثر الهام تبغى تغير الجو : اوررررررررررررييييييييييييييييك
فيصل ضاق صدره وطلع برا
وجلس باحديقه يفكر في كلام الهام ورجع شاف البنات جالسين يسولفون
رشا حست بفيصل انه متضاايق
ونفس الشيء جوري اول مادخل جلست تناظره وتقول في نفسها "" وربي تغيرت يافيصل نحفت منجد بس انك قمر لحد الحين ""
راحت الهام ودخلت وكمدت بنتها
والبنات جالسيت يسولفون مع الرجال
ابو الهام : الا وين يارا
نوف : الحين بتجي دقت علي وقالت بلبس عباتي وبجي
ابوالهام : اييه اشوا
وجت يارا : االسلام
نوف : جبنا طاري القط جانا ينط
سلمت يارا على عمها وابوها وجلست جنب جوري
يارا : مستحيه
جوري : ليش وش منه
يارا : مدري الا اقول وش عند رشا ونوف في هذي الزاويه غريبه مارحتي معاهم <<بصوت واطي > >
جوري : لا استحي فيصل عندهم
يارا : ايه صدق وش اللي صار فيك انتي وفيصل
جوري : بعدين اقولك
ابوفيصل : وشلونك يابنيتي عساك بخير
يارا : بخير الله يسلمك
رشا كانت جنب فيصل وجنب رشا نوف
نوف : ماصورتو
رشا : الا بكميرة جوري الفيديو
نوف : وماجبتوها
رشا : لا
نوف : طيب ماصورتو بجوالاتكم
رشا : الا انا صورت اذا دخلنا بوريك ياها
نوف : جوال جووري معها هي مصوره فيه
رشا : جوري
جوري تلتفت عليهم :هلا
وفيصل يسمع كل شيء
رشا : جواللك معاك
جوري : ايه
نوف : ارميه علي ابغى اشوف صوركم
ورمته جوري عليهم وكان جوالها سوني اركسن مرصع بكرستالات الماس
خذته رشا وبعدين جلست تشوف الصور نوف
وفيصل عيونه على جوري وجوري كل بعد دقيقه تلتفت على فيصل اللي عيونه على جوري
جوري استحت منه وطلعت واول ماطلعت من عند الباب دموعها طاااااااااااااااااااحت وماقدرت تستحمل تشوف حبها قدامها ابوالهام ماشاف جوري تطلع
ابوالهام : وين جوري
رشا نفس الشيء ماكانت منتبه : ايه وينها توها هنا بسم الله على قلبها
فيصل : طلعت
رشا بهمس : اها وانت مراااقبها طبعا
فيصل سافهاا
دق جوال جوري
رشا : بسم الله خرعني وش اسوي الحين
نوف : هاتي انا بوديه لها
رشا : تعالي انتي وياها اذا خلصتو
نوف : ايه بسم الله عليك بجيبها معاي
وراحت نوف وردت على جوالها جوري صارت بويه اللي هي اشواق ناااشبه في جوري وتحب جوري بس جوري ماتطيقها ولاعاد صارت تعطيها وجهه
رجعو نوف وجوري
جلست جووري نفس مكانها جنب يارا وبعددين صارت تشوف هي ويارا وهم بدبي في جوال جوري
وبعدين دق جوال جوري
جوري : الو
هديل : اهلن جوري كيفك
جوري : مين معاي
هديل : هديل
جوري :اووووف نعم خير وش تبغين
يارا تهمس لجوري مين هذي
جوري قال لها : ولي يسلمك يارا كلميها مالي خلق لها
يارا : طيب مين
فيصل كان حاس انو فيه شيء
جوري : كلميها وتعرفين مين
جوري حسن انها مكتومه وهي تمشي بتطلع التفت على رشا والدموع في عيونها وهمست لها تطلع معها
نوف : وش فيها
يارا طلعت تكلم برا
رشا : مدري الدموع في عيونها
نوف : بس عرفت مين
طلعت رشا وهي شوي وتركض قدامهم
وراحت لها وشافتها تبكي وجلست معها وجلست جوري تشكي لها همومها
رجعت يارا : هذي الززفت اللي فرقت بينكم
جوري : ايه هذي هي
يارا : ياثقل دمها
رشا : شوية ثقيله دم
جوري ضحكت والدموع في عيونها
عند الرجال ....
فيصل : عمي ابغى اكلمك شوي برا
ابوالهام : انشاءالله الحين بقوم
وقامو ابو الهام وفيصل بالحديقه
ابوالهام : خير وانا ابوك وش فيك
فيصل : ياعمي انا
ابوالهام : انت وش فيك
فيصل : انا ابغى جوري الله يخليك ياعمي لاترفض خذ راي جوري اناشاريها هالمره ومستحيل ارجع اشك فيها ثانيه
ابوالهام :صدقني يافيصل انا لو بيدي رجعتها لك اليوم قبل بكرا بس جوري مو راضيه تتزوج احد نهائيا انت او غيرك
فيصل : طيب حاول
ابوالهام : انا بسالها وبرد لك
فيصل : اكيد ياعمي
ابوالهام : خلاص انشاءالله اكيد
فيصل : مشكوره ياعمي
ابوالهام : العفو بس لاتشكرني الحين
فيصل : هه انشاءالله
وقامو ابوالهام وفيصل ودخلو لرجال
وبعدين تعشو وراح الكل لبيته
جوري لما رجعت للبيت فصخت عباتها وجلست مع امها وابوها والهام
ابوالهام : انا بروح للمجلس جوري تعالي معاي ابغى اكلمك بموضوع
جوري : انشاءالله
وراح ابوالهام وجوري صعدت لغرفتها وبدلت ملابسها ونزلت تحت عند ابوها
جوري وهي بتجلس :خير يبا وش فيك
ابوالهام : شوفي يابنيتي كل انسان لازم يغلط بس احنا اللي علينا اننا نعطيه فرصه صح ولالا
جوري : امم ايه بس على حسب الخطاء اللي سواه
جوري حست انه بيقول ارجعي لفيصل
ابوالهام : لا مو شرط الخطاء اللي سواه المهم نعطيهم فرصه
جوري : بابا مافهمتك ادخل بالموضوع على طول
ابوالهام : شوفي ياجوري فيصل اليوم كلمني ويقول انه شاريك يا جوري وابغاها ومستحيل يرجع يشك فيك مثل اول
جوري : بابا انا رافضه الموضوع نهائيا الزواج من فيصل او غيره انا رافضته واتوقع انت عارف ردي
ومشت جوري وراحت لدرج وهي تبكي
وصعدت فوق وانسدحت السرير وتقول في نفسها "" ليش ياجوري ماوافقتي انتي تحبينه ليش تكابرين انتي تحبينه وتبغينه يصير لك ليييييييييييييش ياجوري لييييييييش ""
وطبعا جوري نامت وهي تفكيرها كله بفيصل
اليوم اللي بعده قامت جوري العصر لانها سهرانه بليل
وتروشت ونزلت تحت عند التلفزيون وامها كانت بالمطبخ
الجزء الخامس والثلاثون
مر اسبوع تقريبا عادي مافيه ا احداث انفقو الكل انهم يسافرون الشرقيه
جاء اليوم اللي بيسافرون فيه
الكل اتفق يجتمعون عند ابوفيصل ويمشون سوا لشرقيه
( يلا خليكم مركزين مع كلمه اكتبها لان في احداث كثيره صارت مع جوري وفيصل )
الهام مع فهد وعيالها ومشاري معه خواته وامه
وجوري مع ابوها وامها والخدم
وكانو يمشون بيروحون لبيت ابو فيصل وكانو وراهم سيارة مشاري وسيارة فهد ووصلو لبيت ابو فيصل
ابو الهام : يلا انزلو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك