رواية رجولتي تقدر تسميها النخيل -2

رواية رجولتي تقدر تسميها النخيل - غرام

رواية رجولتي تقدر تسميها النخيل -2


عند باب بيتهم شافت ثلاث شباب توهم نازلين من السياره كان ودها تتعرف بس كانت خايفه من يوم شافت اطوالهم واشكالهم سمران بس على الفاتح..ومعهم السبته حقت الدروس لفت بتدخل سمعت احد\ياهوه ياولد

لفت لهم برعب تخفيه بصدرها يمه وش هذول وش يبون

قال الثاني الي مبين من حدة ملامحه الخليجيه عصبي وطايش\من انت ولده ياذا المزيون

قال الثالث الي كان واضح عليه البشاشه\تعال قرب اول مره اشوفك تدخل ذا البيت

نوف وهي تسمع كلامهم حست راسها يدور من الخوف بدووخ لالا مابي تماسكي شوي هزت راسها والي قالها المزيون حط السبته وركض لها

طاحت عل الأرض ماقدرت تكمل مشوارها داخل البيت بس انه بنص وعيها تسمع كلامهم

مسكها الولد الي جاها وصار يصفق خدها الناعم بظهر ايده\يالأخو يالأخة بك شي قم

وصرخ على خويه\تعال ساعدني بدخله بيتهم

قربو الثلاثه منها وهي قامت على حيله بعد مساعدتهم\خ..ـلاص..انـ..ـا..أكـ..مـل

قال نفسه الي جاها اول\انتبه على نفسك واقرا المعوذات خوف انهم رامينك بعين

قال الي بوجهه بشاشه\والله مالوم هاعين يوم جاتك قومك ذا الزين

الطايش\بنيتن مقعده لااله الا الله

انتفضت نوف وكشرت وجاتها صيحه ضمت نفسها ورقت عتبة بيتهم حسبي يالله عليكم هذا اول يوم اشوفه اجل كيف الباقي ..لا يانوف لازم تماسكين اقصد نواف خلك رجال..لف عليهم قبل لايدخل البيت\جز..ـيتم..خيـ..ـرا

دقهم عاقلهم\اسكتو شكلكم احرجتوه يالملا..ين..

دخلت العاقل جلس يهاوشهم\ليمتى بتمون كذا تراهو ولد يومك تغزلون فيه

\ايه ولا نتغزول بالبنيات

\احسن شي بعد مفروض تحمد ربك منتغزل ببنات

\ايـــــه لأني وراكم ولا كان رحتو وطي

\روق يارجال الحياه حلوه

\لا مهو كذا عاد دقيتو المانه فجأه

\خلاص مانعودها بس ابي اصاد..ق..ه

قطع كلامه يوم شافه يرميه بنظره ضحك عليه خويه بطيش واستهتار

"""""

رمت شنطتها وامها كانت بالصاله مع ابوها جالسين ومسفر توه جاي قبلها بشوي فتحو عيونه وهم يشوفونها تتسحب وتسند نفسهها عالجدار

نوف شافت امها راحت عنده رمت الشنطه وجلست جنبها ورمت راسها بحضنها ولمت نفسها وتنتفض\يــ..ـمـ..ـه..تعــبـا..ـنه..كــثــ..ـيــر

ام مسفر بحزن\سم الله عليك يايمه من الجوع يابنتي

مسفر\أول شي وين عباتتس

نوف\مـ..ـابـ..ي عب..اة

ابو مسفر\خلاص يابوي تتغدين ونروح المستشفى

نوف تحاول تخفف عن نفسها بالأكل تبي تحط حرتها بالأكل\جــ..ـو..ـعا..نه

ام مسفر بفرحه ناقصه\الحين اكبه

ونزلت دمعتها رفعت بنتها على حضنه

نوف\لا ..خلاص ..مــب..ي..اجلسي

ضمتها امها ونامت على حضن امها

ام مسفر\ميعاد الله يرضى عليك كبي غدانا

ميعاد\ان شالله خالتي

بعد الغدا نوف ماكثرت لأن حست بالألم يرجع لها

"""""""

مسفر\يعني كل شي سهل والحمدلله

ابو مسفر\الحمدلله..يقول تحتاج عمليات بسيطه لأنه منذ الصغر مع حبوب وادويه وشويات أبر

نوف بعد ماستعادت شوي من صحتها من الغذايه\لاااااا مابي اوبر..

مسفر يشجعها\وش قلنا رجال مايهاب شي

نوف بدلع بنات\ماااااابي اهئ توجع

مسفر\هاها اركد شوي خنا نشوف شغلنا

نوف\اوف مابي اوبر

ام مسفر\خلاص ماتبغى كيفها

ابو مسفر\لازم ولا بتطولين

مسفر\وكم تجلس

ابو مسفر\اكثر شي 4شهور

مسفر\حلر حلو

مسكه مسفر ابوه وطلعه\يبه لازم دكتور نفساني

ابو مسفر\ليه وبنتي مجنونه

مسفر يبتسم غصب\وش قلنا يبه لاتعقده ولدك مهوب بنتك نوووااف..وبعدي الدكاتره النفسيين هم بس يعالجون أخطاء الي تصير له بحياتنه يخلون النفسيه تتصلح شوي..انت ماتشوف نفسيته مره شينه ماتتقبل احد ودايم هواش مع بنات اجل لو جات عند العيال الي مصايبهم لاتعد ولا تحصى يبه لاتضيع الولد فكر زين انا بروح للدكتور النفسي ذا الي هنا اشوف واسأل عنته

ابو مسفر وكأنه ااقتنع\سو الي يصلح..توكل على ربك

"""""""


انتظروووني




أسيره..

شوكة خفيفه..الثالثه





ويبدأ مشوار الذكور..




لحظات من الح ــزن ولماذا الحزن يبقى لمدة طويله

تعاسه.. سعادة

ضيـــقهـ..نشــــوة

تقلبات مزاج

اهازيج أفراح

وتصفيق حار

وقطار متقلب الحظوظ

وسكة حديديه جامده..شامخه..صامده

بين ] الأمل [ ورحلة الحياة




(بصمات من الواقع يمتزجها الخيال)





الصباح كانت المرافق امها وخواتها كل يوم بينوبون عن امهم بس تجلس على الأقل اسبوع لين يتصلح حالها ثم تخلي بناتها كل يوم وحده

<<<

سعاد حطت الفطور وحكت عيونها وبصوت كله نوم\يوووه ماشبعت نوم

جات العنود ورمت شنطتها وجلست بكسل\ولا اناااا

هنادي بعين مسكره والثانيه مفتوحه ومنسدحه على المركى\عشان مافي امي قمتن تقرقن يالله بس اعجلو افطروا وطسوا لجامعتكم

سعاد\انطقي بس شايب متقاعد ماغير نوم نوم لاوراها دوام ولا هم يحزنون

العنود\مفروض تحمدين ربك اخر سنه بالجامعه انا وش اقول تو بالبدايه اهئ

بعد الفطور نزل ابوهم وافطر وراحوا

هنادي\يبه بتروح الدوام

ابو مسفر\امر امتس اشوف وش تبي واروح

هنادي\طيب استأذنت من مديركم

ابو مسفر\لا لارحت اقوله..تركي حبيب ومتفاهم

"""""

سوا شغله الي عليه وراح للمستشفى

ابو مسفر\هاه شخبار الحلوين اليوم

نوف بتعب\زين

ابو مسفر\شفيك

نوف\صخنت شوي ماعرفت انام

ابو مسفر\ليــــــــــــه

ام مسفر طلعت من دورة المياه\جاتها آلام قبل شوي

نوف بملل\يمه جاته وليس جاتها

ام مسفر\طيب طيب..عطوها ابره وبالغصب اقتنعت

نوف\يمـــــــــــــــــــــــــــــه

ام مسفر\طيب قلنا خلنا نتأقلم شوي

نوف \اذا ماتأقلمتو ماتأقلمت

ابو مسفر\ودكم بشي اجيبه معي

ام مسفر\لا كل شي متوفر مسفر جاب لنا امس كل شي يعطيه العافيه

ابو مسفر\اجل مع السلامه

"""""

من ورا المكتب بهيبته المتواضعه وبأدب\وليـــــه يابو مسفر ماقلت على الأقل تلفون

ابو مسفر\طال عمرك كنت مشغول حتى احك جبيني فالعذر والسموحه

تركي برفعة حاجب\زين ترا ماتعامل بهالطريقه بس شسوي معك انت بالذات متساهل يالله توكل

ابو مسفر\يعطيك الف عافيه

طلع ابو مسفر ورفع تركي السماعه وبحب\هلا بكل دنيتي

\خلص من الآخر دوامك متى ينتهي

تركي\شوي رومنسيه يختي ..اف العصر تقريبا

\طيب انا اليوم بروح مع بنات عمك للمجمع ضروري اشتري اغراض

تركي\اخاف تتعبين ياروحي عاد انتي بأخر حملك

\لالا تخاف معي ذيابه

تركي\براحتكـ..يالله بحفظ الله لاتعطليني

\الله يحفظك ويوفقك لكل درب مشيته

تركي\ايوه كذا زوجتي تدعيلي كثري كثري

\القلب معاك وين مارحت مع السلامه

سكر وهو مبتسم الحمدلله الي خلى حالته تتحسن من بعد هالزواج الي مريحني صحيح البنيه مقطوعه من شجره لكن فيها قــلب فيها حب وحنان..الله لايحرمني منها من بعد الله ثم اهي كان ماجيت على هالمكتنب الراقي لبى عيونها

""""""

بالمجمع..

سمر\معجزه يابنات تصدقون تركان خلى زوجته تطلع معنا

هياء\هاااااي انتي وياها لاتتكلمون عن زوجي كذا

سحر\ميتين عليه ابو خشه معفوسه

قمر\امشو خلصونا ترا ذا الكرشه الي قدامها ماتطول وهي واقفه

هياء\يوه تراكم تغلطكون واجد وانا حبوبه اسكت

سحر\لاوالله ذلحين ذي تسكت ملســــــــــونه

سمر\طالعه على زوجها يمتي منه

هياء راحت تركتهم وهم يمشون وراها وتضحك على تعليقاتهم وساكته عنهم تتقيد بحركات تركي الي اخذت منه شي الكثير

اعرفكم...

سمر سحر قمر ....>خوات توأم لكن مختلف بالشكل لكن في المضمونمره متشابهين..سحر شعرها طويل بيضا جذابه..سمر شعرها اقصر بشوي من سحر لكن لونه على فاتح وسمرا على فاتح..قمر شعرها قصير ومتوسطة اللون

اما هيا فهذي زوجة تركي ولد صاحب الشركه الي هو ابو تركي صاحب الشركه

اما تركي فهادي نوعا ما شخص يقل الوصف عن شخصيته..وحيد امه وابوه

"""""""

الدكتور\ها نواف كيفك اليوم

نواف بملل\زيـــن

الدكتور\ابي اتأكد من نفسي انك زين او لا

نواف بدون اسلوب\انا بعرف انت وش وصفتك..جاي تقرق فوق راسي تبغى تطفشني بحكيك

الدكتور بذرابه لأن هذا حكيه كل يوم\لا يانواف ماهقيتها منك ..لازم كلامك يكون لبق مع الناس عشان تقدر تكمل حياتك

رفع ذراعه فوق راسه\انا ودي اعيش سليط اللسان عشان محد يقرب مني

الدكتور\طب بقولك حاجه وانت احكم..جاك واحد يبغاك بشي به حياة وموت ياتنقذ اهلك يايهلكون دخل معك بالسالفه علطول من غير مايبدا بمقدمات على طول قال تعال معي بالغصب وش راح تقوله

نواف\اقوله ضف وجهك مانيب جاي

الدكتور\طب جاك ثاني سلم عليك وسأل عن احوالك بوجهه ابتسامه تريحك وتدخلك بالعافيه وسال حتى عن اهلك وحست انه مهتم لشي يبغى شي قالك ممكن يالأخو اخذ من وقتك وش ردت فعلك

نواف اندمج معه وبأسلوبه\بروح اشوف وش يبي

الدكتور\اهااا هنا وصلنا لنقطة موضوعنا اليوم

قطعه نواف\امس نجاح وقبله اهداف وقبله الحب والعطا وقبله وقبله واليوم وش ان شالله

الدكتور بطولة بال\الذوق والأسلوب وهي اهم نقطه عشان نتعايش وندخل مع الناس

نواف\ليه شايفني عديم الذوق

الدكتور\يابابا لاتقولني شي ماقلته

نواف\طيب ممكن تعلمني قبل انت وش سالفتك تجيني من اسبوعين

الدكتور\انا دكتور

كشر نواف\دكتـــــــــــــــــور

الدكتور\ايوا انا دكتور معالجة نفسيه

نواف يكلم ابوه الي بجنبه من الجهه الثانيه\ليه شايفيني منفس تجيبوني له

الدكتور\كثير من الناس ماتحب هذا التخصص او ماتحب تروح له ليش نظلم هذا المجال دامه بيعاجنا..ابغاك تقول من جد انت بالله مارتحت لسوليفي معك انا عن نفسي ارتحت

ابتسم نواف بالغصب\الا بصراحه ارتحت احس اني متحسن كثير ابي ارجع لبيتنا خلاص

الدكتور\تقدر تواجهه الناس

نواف\اممممم..مـ..ـدري..أتوقع إيــه..لأني شامخ..ومافي شي يخوفني

الدكتور\جمــــــــــيل..والله عمري ماشفت مثل ايمانك القوي خلك كذا تعجبني وتراك قدها وقدود..

وبنفس تكرارك للأشياء لاتتوقع ان النتايج بتكون نفسها..لاتعلق أمالك على ناس حبوك وفقدته

نواف عض شفايفه جاء على الوتر الحساس..\بس في الحقيقه ناس ماتقدر تعيش من دون ناس حبتهم

الدكتور\ومن قالك..

نواف\سمعتها كثير

الدكتور\وليش تشوف نظرية الناس نفسها نظريتك..أنت تقدر تغيرها وتروح تقول لا قدرت بإصرارك القوي بتقدر حللك نظريه ثانيه تعايش مع الناس بأساليب مختلفه

كمل كلامه الكثـــــــــــــــــــــير الي مايخلص الا بعد كم ساعات طويله

""""""""

(كانت اختبارات النهائيه بدت ..ويذاكر بالمستشفى ويختبر فيه يرسلون مراقبه بس مازال بنظر الناس نوف..لأنه ماخبر أحد)

بعد 4أشهر..

ناظر بالمرايه ..معقوله هذا انا كل هالتغير يانواف وصرت انت كذا لبس جزمته الزبيدي وابتسم بفرحه..ونـــــــــاسه صدق بصير رجال صدز..راح عند المرايه مره ثانيه وشاف شكله مهو مزبوط بالغتره محيوسه ماعرف يشخصها بالعقال نزل العقال وربطها عمامه..وبقتيا من شعره نازله بكل شمخوخ على رقبته..قرب من المرايه اكثر لف يمين يسار يناظر خدوده ورجع مره ثانيه ونظرات الدهشه بعيونه..

رجع تقدم للمرايه ومسك بداية حواجبه العريضه مرسومه باتقان ومطها على ورا يرتبها كذا مزبوط..ابتسم على خفيف وشاف غمازته اليتيمه على خد واحد لف يناظرها يااااااااااازيني والله بهبل بالبنات ..على طاري بنات نسيت اقولكم كلمت امس غزل وهاوشتني لأن ابوها هزأها يوم سمع صوتي ودرا اني نوف سابقا..ونواف حاليا على العموم تركتها عشان خاطرها ولا انا ماعلي من احد وكلمت دلول مره مبسوطه يوم سمعت صوتي بصحه

طلعت تحت وشافوني خواتي وهبلو بي

سعاد\ياويلي ويلاه ..يماااااااااااااااااه اقري على ولدك لايصكونه بعين

ناظرتها بغرور\وخري يبنت

هنادي\خيـــــــــر لايكون تصير لنا ابو الهول رقم 2

نواف\لا ابشرك صرت مفرق جماعات

العنود باستهزاء\قام يتكلم عن غروره رح عني هناك

سمع صوت الإقامه لصلاة المغرب وطلع يصلي

شاف نفسهم الشباب الي دايم بطريقه يزعجونه جالسين على الفرشه حقتهم ويقشمون فصفص

لفيت عليهم وصديت بسرعه لأني لاحظت نظراتهم

\يااالأخو السلام لله

لفيت مره ثانيه وببساطه\والصلاه تقيم

صد عنهم وراح يصلي..

بعد الصلاه لف وشاف مسفر من الجهه الثانيه بعيد يبتسم له رد له الإبتسامه

جا لعنده

مسفر\ها اشوفك اليوم فيذا

نواف\طفشت

مسفر\زين الي لحقت على الصلاه..اقول وش رايك تروح بالاستراحه

كش جسمه خوف\ليه من االي فيه رجاجيل

مسفر\اجل حريم ايه في رجاجيل

نواف\كثيرين

مسفر\ايه بس حبيبين

نواف\لالالالالا ابعدني عنكم

مسفر\براحتك..وين بتسري له

نواف\لبيتنا

وحط يده بجيبه وكل راح لطريقه وشاف ذا الثلاث نفسهم بمكانهم

راح عنهم توه بيدخل البيت

\تعال انت ورا ماتحاكينا

نواف ببرود\شتبي انت مني

\شوي مني ماكلك

نواف بملل\يارجال فكني منك خلني بحالي

نقز واحد منهم وراح لعند ومسكه من يده وبمرح\لا بالله ماتعدي ذا الخرابه الا وانت متقهوي امش

ابتسم بخفيف\وش تبي

جاو الباقي\نبي اسمك ومن انت وش تقرب لهالبيت

نواف\نواف خلف مو من هالديره توي جاي انا ذول اهلي

اعقلهم تكلم\اها طب حنا نعرفك علينا انا جاسم الـ....واشر على البشوش\فوازالـ.....والطايش\ناصر الـ....

نواف اشر عليهم\خوان

ناصر\عيال عم

نواف ارتاح لهم بس باقي حاجز مابعد فكـ\تشرفت

جاسم\الا انت باي سنه

نواف\بثالث ثنوي شريعه

جاسم\كنا بعمرك

فواز\وبأي مدرسه

نواف\........

جاسم ناصر فواز\معـــــــــناااا

نواف ابتسم\الحمدلله معي احد اعرفه تراي معرف احد بهالديره غير اهلي

ناصر\اقول تعال فيذا بجلستنا نسولف

بالبدايه تردد وبعدين تذكر الكلام الي يوجع الراس مع الدكتور..والله مايروح عبث..يالله الثقه بالنفس..جا لعند فرشتهم

فجأه قامو يتجمعون الشباب الي طلع من البيت والي جاي بالسياره وكلهم تعرفو عليه

\اقول فوزيه من ذا الزين

فواز بنظره على جنب\اقول ورا ماتاكلك تبن ياصدام حسين

صلاح\خلص انا اخوك الكبير احترمني

فواز\نواف ولدخلف الجيران

مهند\اسمي مهند..بس ترا مهند تقليد..

ضحكو كلهم على اسلوبه

فواز\زيتونه إطبقي بس

مهند\وانا وش قلت

ناصر\ماقلتي شي الله يسلمتس قومي نظفي المطبخ قبل لايجي بباي

فقعو ضحك وبدت التعليقات على كل واحد يمسكونه ونواف انبسط بس مازال يحس بقيود لأنه منحرج شوي

""""""

ابلمدرسه

نواف\مستحيل اجلس بفصل لحالي فصلهم كئيــــــب هادي

فواز دق الصدر\مانخليك واحنا وراك

ناصر جلس يدور يمين شمال\ازهلاها ارقد وانت تطاقع

نواف\ هههههههههههههههههههههه ينفع هههههههههههه

ناصر صرخ له\هذا المدير يالله نروح له

راحوا له كلهم..وحاولو فيه يمين شمال فوق تحت وهو راااااااااااااااااااااااااااااااااااافض مع ان المدير مره يتعامل معهم ويلبي طلباتهم بس هالمره غريب

راحو للمساعد وهو بعد رفـــــــــــــــــــــــــــــــــــــــــــــض بقـــــــــــــــووووه

يأأأأسو من المهمه هذ وراحو لنواف\يووووووووووووه مب يقاعد ولا اقدر اتحمل تكفوون

ناصر مايحب احد يقوله تقفى خصوصا ولد زيــه تهزه ذا الكلمه

ناصر حاط يده على جنبينه\شباب باقي المرشد نروح له

جاسم\تم

اصررررررروا عليه يكلم المدير المهم را للمدير لأن ذول الثلاثه مايرد لهم شي لأنهم متعاونين معهه بكل شي اذاعه مشاهد حفل كل شي

حتى من المرشد رفض المدير وةبإصرار غريب

المرشد\وش عندك اول مره ترفض

المدير\لسبب

المرشد\وش السبب هذا

المدير\مقدر اقولك

المرشد\يالله عاد من متى وانت تخبي عني وبعدي عارفني ماحكي

المدير\أأأأه اتلشكوى لله ابوه مكلمني يقولي انتبهوا عليه ترا اول مره يخالط عيال

المرشد مافهم\كيف يعني وضح

المدير\يعني ماكان ذكر

المرشد نظره من تحت النظاره\كان بنت

المدير\ايه عشان كذا مبي احطه عند ذا الثلاثه خاصه

المرشد\طيب انت عارف ان هالثلاثه هم نافعين المدرسه

المدير\وعارف انهم اشطن من في المدرسه

المرشد\ها وش اقولهم مصرين وانت عارف ناصر اذا اصر عالشي

المدير\بكلم ابو نواف

""""""

نواف\والله لو ماجيت عندهم لأفصل

ابو مسفر\ياوليدي

نواف\هذا انا قلت لك انا عارف نفسي يايبه وعارف قصدك انهم مهم مستقسمسن ولا يصلون وهذا الشي صح

ابو مسفر\صح وعشان كذا ابعد عنهم

نواف بمنطقيه\ودام هم مهم مستقيمين ماقدر اخليهم يستقيمون يعني ..ولا اتركهم على ماعاصيهم..ويحاسبني ربي بيومي..ساعتها من بينفعهني..يبه قل للأداره تقفى..وأنا ولدك تربيتك لاتخاف علي

ابو مسفر مابيده حيله\خلاص ابشر

""""""

..أسيـــــــره..





يتــــــبــــعـ..

بعد ماتأقلم نواف على جو الدرسه ومع العيال وناستهم وفلتهم حس ان الحياه حلوه بس لازم نصبر على بلاويها..

في يوم من الأيام كانو يمشون وفيه شله وصخه جالسه بنص الساحه يلعبون اوامر جات على واحد معجب بنواف كان هو كبير مره لكنه ساقط

\تقوم تبوس بعض الناس الي تحب

بحماس\وابوس فمه فديته وفديت غمازته

قام لعنده وصرخ\نــــــــــــواف

نواف لف عليه\نعم

جاسم بهمس\لا تروح ترا نجس

نواف\شيبي ترا معرف اصارع زيكم

ناصر\ازهله

تقدم ناصر قدام نواف\شبغيت

منصور بوقاحه\بغيت حبيبي

فواز\ماعندنا حبيبات

ناصر بنظره\فااااارق عنا لااكوفنك

مسكه منصور بذراعه\الحين انت الي بتكوفني بعععد بس

ودفه بقوه وتسند ناصر عل الجدار بغى يطيح

وسحب نواف وهو مصنم ماقدر يتصرف لف ذراعه ورا ظهره وقرب بيبوسه بفمه

دفه جاسم بعصبيه بس ماقدر عليه لأنه اجبر واقوى بس نواف لحــــــــــــــــقــــــــــــه بكـــــــــــف بظهر ايده اليمنى على خذه الأيمن كان صوت الكف مدوي بالساحه وهذا الكف يعتبر اهانه لأشكالهم السمرا

بلل نواف ريقه وهو معقد نواظره وببرود يعكس النيران الي تحترق بجوفه\ســـــــــــــــــــــــــافــــــــــــــــ ــــل

منصور ابتسم بخبث على جنب\انا اوريك جزا من يلمس خدي بكف..وهمس باذنه..يالبنيه

ارتعش جسمه بس مابين الخوف ابتعد منصور عنهم بس مازاااااااااااال يغلي قهر هذا النتفه البنت يعطيني كف انا اردها لك يالكلب ولله ماخلي هالإهانه

جاسم\وش سويت ماتدري بسواياه

نواف شمر اكمامه\وهو مايدري بسواياي

ناصر\ماظن احد العن منه انت ماتعرفه

نواف بثقه\وهو ماعرفني

فواز\انتبه منه وبس

نواف\خله يجيني..انا بنيه هاه

ناصر ابتسم بالغصب يخفف الجو\قصده بشكلك

نواف بغموض\يمكن كان يدري اني كنت بنت بس مادرى اني كنت شرس وخبيث العن منه..والمدفون يانوف انبشيه

جاسم باستغراب\نوف

ناصر\انت وش تقول

نواف بيفصح عن كل شي\تذكرون يوم تقولون شفتوني جالس على الكبوت وسحبن مسفر

ناصر انشد\ايـــــه

نواف\وانكم تجاهلتو مادري ايش وماتعرفون السبب الي كذبت عليكم وقلت كنت مسوي شي

فواز\إيــــــــــــــــــــــه

نواف\ ويوم شفتوني الظهر جاي من المدرسه ودخت واستغرتو ماشفتوني بمدرسكتم

جاسم احترقت اعصابه\إيـــــــــــــــــــــــــــه عاد وش السالفه

نواف ابتسم على جنب\كل هذا وانا نوف

جاسم بنظره غريبه\نـــــــــوف

نواف بيفخر\ايه كانت نوف الله يرحمها ساكنه هنا بذا الجسد

فواز انصدم وناصر مهو اقل منه صدمه ونفس الشي جاسم

جاسم\اثاريك تنتفض لا شفت ولد

نواف\والحين غير واقوى من اول والي كنت اسويه وماسويته الحين اطبقه الآن وعلى كل من يعتدي علي

ناصر\وهذا كيف درى عنك

نواف رفع كتوفه\مافيه احد يسكت

فواز بخوه\لا تخاف نعون ونعين ياخوك

جاسم يغير جووه\ولا تنسى انك كنت ولا زلت ولد يعيني ماعليك من احد ولا يكسرك احد

سكت نواف يفكر وش مصيره

""""""

نواف\ابي ادخل النادي

جاسم\والله اني افكر من زمان بس ذول مايشجعون شحوم قاعده

نواف\يالله نسجل فيها

جاسم\تم يالله..تروحون انتو

ناصر\وش الي يقعدنا بس كلنا

فواز \والله انكم فاضييين

ناصر\بلا نحاسه شف كرشتك وشلون كابره

"""""

مسك غترته وطلع

ام مسفر\نواف وين يامك قدلي شهر ونص كم يوم ماعاد اشوفك زي ولاتقعد معي قعاد زين كل هذا اغنوك عنا

نواف\لا يالغلا محد يحوز على مكانكم

ام مسفر\اجل تعال اقعد

نواف كان مستحي من مرت اخوه الي من يوم طلع من المستشفى ماتقابل معها الا مره وهو منحرج لكن الحين من زمان ماشافها

دخل وسلم..ابتسمت ميعاد\كيفك نواف

وهو صاد\تمام..ثواني ومارتاح بجلسته لأنه كبر وبلغ وملاحظ على نفسه تغير كبير سواء من طول جسمه وعرضه ولا صوته الغليظ..أو حبات الشعر الي بدت على شنبه بشكل خفيـــف

طلع وهو يعدل غترته هزئه جاسم على عصبته الي يسويها واعترف له انه مايعرف يشخص وجاسم وراه لمن تعلم كيف يلبس لبس رجال

دار على مكان ربعه ماشافهم ابتسم قد لهم كم يوم متحسنين من عقب تهزيئ امس الي بردت خاطري فيهم مايركعون لربي الا بالسنه حسنه عطيتهم من الي يحبه قلوبكم وانا وراهم لمن تعدلوا وباقي المسيــره طويله يانواف..

مشى للمسجد وحس بيد سميكه تمسكه\يانواف

لف بششاشه وروح حلوه\سم

\سم بدنك تعال بالطيب

نواف كشر.. من هذا اول مره اشوفه\شتبي ومن انت

\انــا..ودخل اصبعينه بفمه وصفر..وطلع واحد قديم له كم اسبوع ماشافه..

نواف!!!!!!\منــــــــــــصور

منصور\هه زين تذكرني

نواف\انت ماتمل

منصور\ولا راح امل..يعني ماوحشتك

نواف\وحشتك عفاريت الأرض..طردتك من المدرسه وكف بوجهك وهزئتك..ماتخج انت..وجهك مغسول بمرقه<<بمعنى عند الدواسر مافيـــــــــــــه من الحيا ذره بمعنى اصح جرييئ بوقاحه..

منصور\انا حالف اردها لك وهي ثلاث..وبنظره تخــــــــــوف..بس نواف ماهزه شعره..

منصور\يااافالح ابدا شغلك

علطول الي قدامه بقسه على خده ولــــــــــف من قوة البقس وكان بيطيح بس مســـــــــــك نفسه بالقووووه..\حقيــــــــــــــــر

وجا بيمد يده مسكه فالح من يده ودفه على الأرض وتمالك نفسه وبخفه وحركه بسيطه بس عنيفه رفع ثوبه ونط لمستواه وشاته برجله على خده بكل قـــــــــــوته الي تعلمها من النادي..

كانت ضربة نواف قويه وجات بالصمـــــــيم مسكه فالح ولف ذرااااااااااعه على غير سنع ولوااااها ورماه بكـــــــــل قهر وغضب على الأرض توجع نواف وحس انكسرت يده جا لعنده منصور ورفع رجله بيحطها على وجهه

فجـــــــــــــــــــــأهـ وقبل لا يحط رجوله على راسه جاته ضــــــــــــــــــربه خطيــــــــره على راسه

مسك راسه وحس انه بيدوخ لف ولقى فواز معه العجرا<<الي هي عصا كبيره وثقيله حقت غفاص .. وهو الي ضارب وجاسم وناصر معـــــــــــــــصبين ومهم اقل من فواز تعصيب

ناصر\محد قد قالك لاتقرب ممتلاكاتنا

فواز\دور لك بمستواك مب ناس اعلى منك..ويشر على نفسه بغرور

منصور راسه يدور ومهو يمهم\فــ..لح..حرك

مشى منصور بعيد عنهم ومايبغى يتكلم لأنه لو كمثر كلامه راسه يعوووره

جاسم بصوت عالي\يااااااااااااااااااارخمه..لاتقاتل ناس مهم في مقامك

ركضوا عند نواف الي جالس يكابر الوجع وماسك يديه وراااااااااص عليها ويكسي وجهه الجمود والبرود

اول ماقفى منصور ماتحمل اكثر يكتم وبعدين ذولا ربعه مايخبي عليهم شي

ناصر\قم والله لأدبه

نواف\يــ..ـدي..

جاسم بخوف\شفيها يدك

نواف\مدري ..والله شكلها انكسرت اول مره يجي هالوجع ..وبألم مكتوم..أأأأخ

ناصر\قم رحنا المستشفى هيا

نواف\لا..لاتقولون..لأهلي

فواز\قم بس قم..فاضي انت

""""""

نواف\يابن الحلال بيتجبر خلاص عاد

ناصر\والله ماخليه حقــــــــــــير

نواف\جاكم الثاني انا اهدي وهو يطيش

فواز \على بالك انا بخليه

نواف\انا والله ماخليه بس انتو ابعدوا عنه عشان خاطري بس

جاسم بهدوء\وتبينا نتخلى عنك وانت بحاجتنا

نواف استحى وسكت ..الله لايحرمني منهم

بعد فتره

نواف\دخلنيى المخدر بنام

ناصر\هذ انا وصلنا والله يعينك على حنة الحريم

نواف ابتسم بصعوبه\لااااااااتغلط..ماتعيش من دون حريم

جاسم ضحك\ياهوووووووووه اموت انا هههههههه

فواز\مالومك شايف شين زين من اهلك مهب انا هاه كش..ويكش على بشكل يضحك

\ههههههههههههههههههههه

نواف\والله انها عندكم بس ابن ادم جحــــــــود لنعمة ربه ههههه

فواز\إلا تعال ..سليمان ذا الي يثالث متوسط..أنت وش علاقتك معه ليش دوم تروح له

نواف ابتسم على جنب\هه..أحد ورعاني..كنت ناوي عليه نيه قشرا..

جاسم\حرام عليــكـ..مالقيت الا ورع مابعقله شي

نواف\لا..أقولك كنت ..{وبغموض}..مابي أحطه ضحية ناس سافل..بعامل الناس بدمقراطيه

ناصر\اترك عن الألغاز

نواف\أوف حكيكم واجد أوصكتو خنا اروح أخمد

جاسم\طــس بس

فواز\نوم العوافي يانونو

نواف\كــــــــــــــــل....حلاوه

\هههههههه

فواز\وانت بعد كلها

""""""

دخل يسحب رجول بكســــــــل ويخبطها على السراميك وراسه يدور يبي فرااااااااشه

ام مسفر\يمه وليــــــــدي سم الله عليك شفيها يدياتك

نواف\مابني ماغير طايح

ام مسفر\عساهو بسيط

نواف\ايــــــــــــــــه مره

سعاد\اخوووووي شفيه

نواف مسك راسه بتأفف يحس انه سكرااااااان من ذا المخدر\بنـــــــــــام وجات ذا الذبانه

سعاد بصراخ\انا ذبااااانه ياناموسه

العنود بخباله\لا هو قصده جاموسه بس غلط بالحرف

نواف\يـــــــــــاليـــــــــــــل مسكوها تنكيت

سعاد تغني\يـــــــــاليل خبرني عن امر المعاناه

ترد وراها العنود\ياليلي يليلي

هنادي\روح ياخوي نام ماعليك منهم لو تعطيهم وجه مراح يخلونك

عض لسانه ورقى سافههم..

"""""

عد اسبوع لاجديد..غير نواف فك ايده وسوا لها تدليك وحاجات زي كذا

عند دلال صارت لها مشكله كانت تبكي بقــــــــــــــــــــوه ومالقت لها حــل الله يذكره بالخير نواف كان كل مشاكل بحلولها عنده

منهاره نهائيأ..

تذكرت احداث الليله ذيك ورجعت تبكي بقهر وخوف من المستقبل..آآآآآآآآآآهـ يازمن اهئ ورجعت تبكي ..كيف اخو صديقتي الي اعزها واحبها غزل يسوي بي كذا وترجع تصيـــــــــــــــــــــح..

((مزن\انا بروح السوق خذو راحتكم هما

دلال\لاتوصين فرازدي بس

مزن\بفارق بس بأدب هما

دلال\هما وين يالا باي

غزل\امش فوق

دلال\لا وين اخاف

غزل\امش بس ياسر اربع وعشرين ساعه برا البيت وابوي بالشغل مب يمنا مراح يجي الا على الساعه2

دلال\يلا ..يالبيه تذكرين نوف يوم نحسر بها لا جتمعنا انا وانتي

غزل\الله يوفقه سمعت مره ياسر يكلم ابوي عنه يقول ماكأنه بنت لاصوت ولا جسم بس الشكل احتار يحدد هههههههههه

دلال\مشالله البنات بيخقون عليه مزينه

غزل\ترا محجوز

دلال\بكيفك هو..اصلا اخر مره كلمته صوته يخرع يقول مافكر بالزواج ا لاوصلت 40

غزل\مجنون هذا ان شالله مايجي 20 الا وهو متزوج

بالغرفه غزل..

غزل\ودي اتروش احس اني طفحـــــــت حرر

دلال\عاد انتي ساعتين لمن تخلصين من الحمام

غزل\فاهمه قصدي

دلال\اي دام مابلبيت احد ادخلي انا بكلم عادي ادج ببيتك

غزل\اي لكان خزي راحتك

دلال\العن ابو اللبناني هههههههههههههه

..دقت على رقم وحده من بنات خالها تحب تسولف معها كثير..

مشت برا الغرفه .دلال من النوع اذا كلمت تنسى نفسها ماتدري وين الله حاطها دارت بالبيت كله ..دارت دارت ليـــن وصلت لجناح بعيــــــــــــــــد مره فخم وكبير واسع وراق وفتحت فمها فيه وجلست تعلم بنت خالها عن الي تشوفه قالت لها يمكن جناح ياسر قالت لها بما انه مهب فيه بدج بالجناح سكرت منها ودخلت غرفة نوم اروع ممن يتصور شافت رسمه عالجدار وكش جسمه يمــــــه حسبته صدق ياسر..لمست عيونه الحاده وشفايفه المبتسمه على جنب وابتسمت اول مره ادري انك مزيون كش جسمها حست ان الي قدامه صدق..

من جهه ثانيه دخل وهو طربان ورايق حده قال لربعه ببدل والحقكم دخل غرفته وفتح ازارير قميصه وجلس صدره عاري وقفلها وسمع صوت خطوات نعال قال اكيد انها غزل ولا مزن بخرعها وتخبى ورا الجدار الي يدخل للغرفة النوم الأساسيه وشــــــــــاف شي ماتصوره شعرها لنص ظهرها بلون اللوز وعيونها بلون اللوز وبرائتها وحدة انوثتها ولبسها الماسك مفصل جسمها تفتــصيل ولا حتى بالحقيقه نظرات عيونها......................




انتظرو البقيه..


لاتنسوووون التوقعات..

وش بيصير مع نواف ومنصور؟؟

وش مصير نواف مع الشباب؟وكيف بيكون تهديداته..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -