رواية تعال جنبي وابتسم لي واسامح -4
نواف: لا وعد ماراح اسوي شئ
ريم: طيب امري لله
نواف: متى بتروحون .؟
ريم: على الساعة 7
نواف: اوكي .. باي
ريم: باي
البنات: ها وش قال
ريم: قال طيب بوديكم لكن بشرط
نوف: وش الشرط
ريم: هههههههه ان عبير تجي معانا
البنات:هههههههههههههههههه
نورة: لا اخوكي هذا "وائع لشوشتوا ">> بالمصري
البنات:هههههههههههههههههههههههه
ريم: خل اروح اكلم عبير اقول لها وانتهم يلا تجهزوا
البنات: هاه ياكافي تو الناس الساعه الان 5 ونص
ريم: معليش على شان مانتأخر عليه
البنات: اوكي
في هالوقت ببيت ابو خالد وخصوصة في غرفة وليد
وليد:ههههههههههههههههههههههههههههه يالبى قلبك
لميس: ههههههههههههههههههه فديت هالضحكه
وليد:ايه حياتي وش جالسة تسوين
لميس: اممممممممم والله جالسه اكلمك
وليد:لا احلفي توني ادري هههههههههههه
لميس: لا والله طفش × زهق
وليد: تيب لموستي ماودك نطلع
لميس: لا ولودي ماقدر
وليد: ليش حوبي
لميس: حياتي ماقدر اخاف
وليد: يؤ لميس معقوله تخافين مني انا وليد حياتك لا خلاص انا زعلت
لميس:لا مو قصدي حبيبي بس انت عارف انا بنت ماقدر اطلع مع اولاد بعدين اخاف من اهلي لا يدروا
وليد: طيب وش بيعرفهم علميني هاا
لميس:لا لا وليد خلاص مابي بلييز لا تضغط علي
وليد: خلاص براحتك ..يلا انا بسكر تبين شئ
لميس: حبيبي ولوودي لا تصيير زعلت
وليد: ليش ازعل انتي قلتي شئ يزعل هذا حقك
لميس: يوووووه خلاص تيب بس متى ووين
وليد: فديت قلبك الطيب .. اممم متى انتي فاضيه
لميس:امممم بعد ساعه كذا يعني على الـ 6 بروح مع اختي الفيصلية
وليد: خلاص اجل وش رايك عالساعة 7 في الفيصلية لان الساعه 6 انا مشغول
لميس: اوكي قلبي
وليد: يلا اجل بروح اتضبط واتسنع هههههههههه
لميس : اوكي قلبي باي
وليد: لحظه على طول كذا باي وين بوستي
لميس:ههههههههه بوسه وحد بس
وليد: انتي كريمه واحنا نستاهل
لميس:موواااااااااااااااااااح احلى بوسه لاحلى وليد بحياتي
وليد:مووواااااااااااااااااااح فديتك وفديت هالصوت ياجمل ماحصل بحياتي
لميس:يلا باي حياتي
وليد: باي عيوني
قام وليد يروح يبدل على شان يطلع الا يدق جواله
يشوف الشاشه مكتوب
العله يتصل بك
وليد: هلا وغلا يالعلة
نواف: الله يسامحك ياوليد انا علة
وليد: وليد كذا حاف وين عمي
نواف: لا هالرسميات شلناها من زمان
وليد:ههههههههههههههه تيب ياولد اخوي وش بك داق
نواف: والله من الطفش وقلت من زمان عنك وبعد لاني بودي البنات السوق ودي احد يجي معي ماحب اصيع لحالي وطبعا مافي احسن من حبيبي عمي هو توأم روحي
وليد: لا انا متأسف جدا ماراح اقدر العيال دقو علي ومستنيني
نواف: افا تبيع دمك ولحمك على شان شحمك
وليد: شحم بعيينك ههههههه
نواف: يلا عاد وليد تعال معي وربي لو ماكانت عبير رايحه مع البنات كان من زمان ساحب عليهم
وليد:ههههههههههه ايه قل كذا وانا اقول ورا الولد صاير مطييع يودي خواته .. نصيحه مني ابعد عن عبير ماتصلح لك البنت واعيه وعارفه خرابيط العيال ماراح يمشي معاها كلام البزارين حقك
نواف: والله ماكون نواف اذا ماجبت راسها خلها تتكبر اللحين لكن انا وراها والزمن طويل
وليد: كيفك انا قلت لك وانت ادرى بس وش لك بالمشاكل ياخي هالبنت اهلك يعرفون اهلها يعني أي غلطه منك رحت وطي
نواف: ياخي كيفي البنت داخله مزاجي وابيها
وليد: انت حر يلا عاد اذلف عطيناك وجه
نواف: ماشي مقبوله منك يلا باي
وليد: باي
ريم: يلا عاد عبورة بليز
عبير: لا يعني لا
ريم: صدق اني حمارة ليش اقولك ان اخوي اللي بودينا بس قلت لنفسي حرام صديقتي وعيب اغدر فيها
عبير: يختي هذا اخوك لا يطاق ماراح اقدر استحمله
ريم: عبير تكفه وتكفه تهز رجال بليييييييز يلا عاد
عبير: اه منك ياريم تيب موافقه بس بشرط توقفين اخوك عند حده ولا ترى انا اللي بأدبه
ريم: خلاص ولا تزعلين ماراح اسكت له
عبير: تيب متى بتجون
ريم: يلا بعد شوي الان الساعه 6 يعني 6 ونص وحنا عندك
عبير: تيب يلا خل اروح اللبس
ريم: اوكي حياتي باي
عبير: باي
عبير : 18 سنه فتاة واعيه ورومنسيه مو بسهوله الناس يلعبو عليها جميله بشكل خيالي وهذا السبب يعود لامها البريطانيه .. ابوها وامها منفصلين لعدم توافقهم بالعادات والتقاليد وبعد الانفصال سافرة امها تاركه اولادها عند ابوهم وماتشوفهم الا كل سنتين مرة...عبير ماعندها اخوان غير اخوها فيصل الاكبر منها بـ 3 سنوات يعني عمره 21 سنه .. عبير مدلعه مرة من ابوها .
نزلت عبير للصاله لقت ابوها واخوها جالسين بالصاله
عبير: مساء الخيير
ابو فيصل: هلا عبيير
عبير: بابي ريوم بتمر علي بنروح السوق
ابو فيصل: تيب حياتي تبين فلوس
فيصل: انا ابي فلووس
عبير:ههههههههههههههههههههههه عطه يبه لا ينحتني بالقرش اللي باخذه
فيصل: حلاو هو انحتك فيه
عبير تمد لسانها: اوص يلا مناك اساسا انا زعلانه عليك للان ماتحمدت لي بالسلامه
ويقوم فيصل يركض لها ويشيلها
عبير: ههههههههههههههه نزلي يامجنون
فيصل وهو يدور فيها: احبك يا خبله انتي اختي وحيدتي
عبير: ههههههههههههه وانا احبك واموت فيك بس خلاص نزلني ... بـــــابا
ابو فيصل: هههههههههههههههه نزلها ياولد
وينزلها فيصل: ايه على شان ماتقولين مرة ثانيه ماتحمدت لي بالسلامه
عبير:ههههههههههه الا الان مهبول الله يهديك بس
فيصل:هاااا شكل ودك اشيلك مرة ثانيه
وركضت عبير بسرعه للدرج :لا خلاص امزح انا طالعة البس
وقالت وهي تغمز لابوها:وراجعة اخذ الفلووس هههههههههههه
......
نوف:ريم يلا دقي على نواف قوليله يلا
ريم: تيب الان ادق
نواف:الو
ريم:هلا ها نواف وينك يلا حنا جاهزين
نواف: تيب يلا 5 دقايق وانزلوا
ريم:اوكي يلا
نورة:ها وش قال
ريم: يلا البسوا عباياتكم يقول كلها 5 دقايق وهو عند الباب
وراحوا البنات يلبسون عبياتهم وراحوا يستنونه عن الباب
وصل نواف وركبوا بسيارته
نورة ونوف: هلا نواف
نواف:هلا والله بنات شخباركم
نورة ونوف:تمام
نواف:ها ريم نمر عبير
ريم:اكيد مانقدر نخالف اوامرك
نواف:هيااا سرينا
ووصلوا عند بيت عبير
نواف:دقي لها يلا
ريم: اوكي
ريم:هلا عبوورة يلا حنا تحت .... اوكي يلا باي
هذاهي نازله
ودخلت عبير السيارة :السلام عليكم
الكل: وعليكم السلام
نواف:وعليكم السلام ورحمه الله وبركاته
عبير "بدينا هذي اولها"
نواف:شخبارك عبير؟؟
عبير:الحمد لله
نواف: بحط لكم اغنيه اهداء مني
ريم:احم اقول نواف ماودك نمشي
نواف: يوووه غربلتني هالعيون .. يلا
وحرك السيارة متوجه للسوق
نواف: ريم أي سوق تبون
ريم: الفيصليه
نواف:اوكي ...
شغل نواف سي دي اغاني وهو يطالع من المرايه وجت عينه بعين عبير:هذي الاغنيه
وخرت عبير عينها على طول وبدت تناظر الطريق وكأن ولا همها
وتعالى صوت عبدالمجيد عبدالله في السيارة ويبدأ نواف يغني مع صوت عبدالمجيد وهو يشوف عبير من المراية
يحلمون يحلمون اللي فيك يفكرون
ياخذونك انتا مني والله لو يتجننون
ياخذوا قلبك مكاني او ينسونك حناني
قولهم هذي اماني ولا هم ما يقدرون
عبير"الله ياحلو صوتك ولا الاغنيه ياعيني..وجلست عبير تغني بقلبها.. ولاهم يقدرووووون > يؤ عبير وش فيك لا تصيرين حبيتيه > لايخسى هالصايع احبه"
يحلمون يحلمون اللي فيك يفكرون
ياخذونك انتا مني والله لو يتجننون
لو يغيرونك عليا او تجاملهم شويا
خلي بالك انتا لي غيرك انتا يدورون
عبير"لا والله والاخ مغتر بنفسة غيرك يدورون بعد"
ما احد يقدر يحبك ولا ياخذ مني حبك
لو يشوفوا شويا قلبك فيه اسمي يلمحون
عبير"يؤ يؤ شوفوا ذا وش يقول بعد .. مالت عليك وش يلمحون بقلبي جعل قلبك السكته"
يحلمون يحلمون اللي فيك يفكرون
ياخذونك انتا مني والله لو يتجننون
عبير"الله لو كان احد غيرك يانواف كان انا من زمان متيمه بحبه بس مشكلتي اعرفك لعاب "
يكتبونك يرسمونك ولاهم يتخيلونك
لا حشى مايلمسونك فيك لا لايحاولون
عبير"الله خلاص انا خقييت"
لو يمدولك اديهم ضحكتك راحة عليهم
وحتى لو انت تبيهم أنت معهم تحلمون
عبير"هههههههههههههههههههههههه لا والله "
يحلمون يحلمون اللي فيك يفكرون
ياخذونك انتا مني والله لو يتجننون
خلصت الاغنيه والكل في هدوء مرعب مرة حول الـ 5 دقايق والكل ساكت مو مصدقين اللي صار
نواف وهو يناظر عبير اللي جالسه تناظر الطريق من الشباك اللي بجنبها:ها وش رايكم
ريم:الله من جدك هذا صوتك
نواف:ههههههههههههههههههه لا مستلفه من الجيران
الكل وحتى عبيير:ههههههههههههههههههههههههه
نواف:تسلم لي هالضحكه جعلي دوم اسمعها
نورة تستخف دمها:تسلم ياولد خالي
نواف:هههههههههههههههههههههه
نوف:تسلم لي هالضحكه
نواف:تحتكين يعني لا حبيبتي هذي حصرية
نوف:لا والله
نورة:تستاهلين ورا تقلدينه
نوف:قلت بستخف دمي زييك
الكل:ههههههههههههههههههههههههههه
وصلوا للسوق
واول من فتح الباب ينزل عبير لانها ماتت خجل وخدودها صاروا طماطات
عبير"ياربي وش فيك ياعبير من متى هالخجل ومن متى كنتي تهتمين لكلامه لا ياربي وش جالس يصير فيني "
ويدخلون لجوا السوق
نواف:ريم
ريم:هلا
نواف:انا بروح أجلس بالكافي لاخلصتوا دقي
ريم:بس ترى بنطول
نواف:موب مشكله متى مامليت رحت ورجعت لكم زين
ريم:خلاص يلا باي
نواف:باي
عبير:ريم وين راح نواف
ريم:راح للكافي على شان ناخذ راحتنا
عبير:اكيد راح يغازل بنات
ريم:وش عليك خليه بكيفه
عبير:ايه وانا وش علي خليه بكيفه
ريم:هههههه امشي تيب يلا
راح نواف للكافي بيجلس شوي ويقز له كم من بنت بعدين بيطلع
وراح لقسم العوايل من هناك القز على اصول وشاف شخص كنه يعرفه جالس مع وحده على طاولة وكانت ستارتهم مفتوحه شوي
نواف:هههههههههههههه مو كن هذا عمي وليد
"لكن من الموزَه اللي معه"
ويطلع نواف جواله ويتصل على وليد
وليد:هههههههههههههه اجل عجبك شكلي
لميس: والله وطلعت تاخذ العقل .. كنت احسبك شين
وليد:ههههههه هذاك انتي وشفتيني تيب حبيبتي وش رايك تشيلين الطرحـ.... ويرن جوال وليد
يطلعه من جيبه ويشوف الرقم "الله ياخذك يانواف ماتجي الا بواقف حساسه":ياربي هالعله وش يبي
لميس:مين حبيبي
وليد: واحد من الشباب
وليد:الـــــو
نواف:هلا والله بعمي بقدوتي وش تسوي
وليد:هلا بالعله اللي بإذن الله بفقع له وجهه
نواف:ههههههههههه الا وليد وينك
وليد:وانت وش عليك
نواف:ياخي ودي اجيك
وليد:لا انا طالع مع واحد من الربع
نواف:عادي اجي معاكم
وليد:لا هذا واحد ماتعرفه ولا راح تعرفه ان شاء الله
نواف:هههههه
وليد:وجع ان شاء الله وش هالضحك
نواف:لف وراك وانت تعرف
اول ماقال كذا وليد حط يده على جبهته "لاتقولها"
ولف وليد وشاف الكارثه نواف واقف وياشر له
وليد:اشوف فيك يوووووم يانواف
وسكر الجوال
وليد:حياتي لمووسه شوي وراجع لك لا تتحركي اوكي
لميس:تيب بس لا تتاخر علي انا قايله لاختي ان بسلم على وحده من صديقاتي وراجعة
وليد:لا ماراح اطول كلها ثواني
لميس:اوكي
وراح وليد لنواف
وليد:الله يبلشك وش جاااااابك انت
نواف:اعصابك ياخي مو انا قايل لك بجيب البنات للسوق
وليد:ومن بد كل اسواق الرياض ماجيتوا الا هنا
نواف:هههههههه حظك وش اسوي لك
وليد:تيب يلا انذلف قطعت علي لحظه حاسمه
نواف:لاتصير لحظه الشوفه بس
وليد:ايييييييييييييه يالمقروود
نواف:ههههههههههههههههههههه معليش تعيش وتاكل غيرها
ويسفهه وليد ويمشي ويخليه
وليد:ها ان شاء الله ماتأخرت عليك
لميس:لا حياتي
وليد:ايه وش كنا نقول ..... ايه تذكرت كنت اقول بما انت شفتيني ههههههه وش رايك بعد انا اشوف حياتي اللي اخترتها من بد كل هالبنات
لميس:تيب
وتفك لميس الطرحه
وليد"والله منتي من زودها جمال بس نمشي امورنا معاك هالايام":بسم الله عليك قمر لا اله الا الله ربي يحفظك
لميس:لا عاد مو لهالدرجه عارفه نفسي موب حلوة
وليد:حرام عليك كل هالجمال ومانتي بحلوة اجل لو انتي حلوة شلون بيصير شكلك
وحمرت خدود لميس من الخجل
وليد"مسكينه تصدق أي شئ الله يخلف عليها مصدقه عمرها"
لميس:يلا حبيبي انا لازم اروح تاخرت على اختي باي
وقامت بسرعه وطلعت
وليد:عشتوا كل هذا حيا اللحين هههههههههههه
ويجي نواف ويجلس على الطاوله
وليد:بسم الله علي من متى وانت هنا
نواف:من يوم عشتوا كل هذا حيا
نواف ووليد:ههههههههههههههههههههههههههههههههههههه
نواف:ها بشر عسى تسوى
وليد:ولا ريال
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك