رواية رجولتي تقدر تسميها النخيل -6

رواية رجولتي تقدر تسميها النخيل -6

بصره أحسن اليوم أبغى أصيح مابغا أشوفه..أهئ فيني دلع..يوه بس ماينفع أتدلع عليه..أبي ابوي غزل نوف..أبي أحد قريب مني ليش كذا..

حست دمعتها قريبه قامت من الطاوله وسحبها وجلسها\ماتقومين الا لمن أقوم فاهمه

دلال نزلت عيونها على الطاوله وسكتت..نزلت راسها عالطاوله ودمعتها تنزل من غير صوت وهي معطته ظهرها يعني مايشوفها::ليه يادنيا علامك خاطري ماترحمينه::آآآآآآآآهـ أبي أرتاح وراحتي مهيب معاه..حسيت بيده تمسح على ظهري كان ابي أقوم مابي لمساته تزيدني تزيدني أكثر تضيق خاطري أكثر..حنـــــون ومابيه يحن علي

ياسر بصوت رايق\علامك ضايقه..منتي عاجبتني اليوم

ارتجفت شفايفها حاس فيني ليش هو الي يحس فيني.. ليش مهو ابوي ولا نوف ولا غزل ليش مهو الناس القريبين الي يحسون فيني..ليش بالذات هو الي أكرهه هو الي يواسيني..قربك مني يشتتني..

قرب شفايفه لأذونها وبهمس شــــــــــ،،ــــــاعـري\ترا ماتهون دمعتك..اشفيه خاطرك مكسور..قرب لحضني اضمك..قرب لضلوعي وفرغ همك..

سكت يوم شافها تشاهق بألم وضيقه..مالها نفس تتكلم ومعه هو بالذات قلبها بدت تضعف دقاته..من همساته

دلال بجفا\اأأهـــئ..أكـــــــــره قربك مني..لاتحاول تحببني لك..لأني مابي أحبك..مابي أحب واحد زيك..أكـــرهك تفهم..::وبهمس::..أكـــــــــــــــــررهك

ابتسم لها وعارف وش يدور براسها وهل يخفى عليه شي من حركات البنات بس هذي غيــــــــــر أسلوبها في الحب غير..بدت تقرب منك بس تبي تبعد بقولها أكرهك

هز راسه مبتسم بخبث\اكرهيني بس أبغى يظل بينا شي حلو..قبل ننفصل

رفعت راسها دلال وبانكسار\أنا مبغى تقفى وخر عني..خلك بعيد مني..مابي هم ثاني

هز راسه بشويش\أبشري..مالك الا طيبة الخاطر..بس عندي طلب صغنون

دلال ناظرته ودموعها تمشي على خدها وبنظره مكسوره..

ياسر مسح دمعتها وسكرت عيونها وبععدت يده بهدوء\قلت لاتلمس..تفهم

ياسر مازال محافظ على رومانسيته وهدوء\ماقلتي وش طلبي

دلال؟؟؟؟؟؟؟\إيــــــــــش

ياسر\نتمشا اليوم

دلال هزت راسسها\لاااا لاااا..ماتفهم مابي اطلع معك

كان عارف انها تموت وتبي تطلع\طلب صغنون بس..ماراح نطول

خضعت له وقامت تجمع الصحون..

ياسر مسك يدها\خليه تعبتك معي اليوم..بنادي العامل ينظفها..

فكت يدينه بجفا وعيونهاتحت ودخلت غرفتها

حافظ على بشاشة وجهه..بعد مادخلت اختفت ابتسامته..جلس على الكرسي يالله نخلي عندنا أوف اليوم بس عشان خاطر عيوني..هه

..تلبس وتروش ثم صلت العصر.. بس مازالت متضايقه::وش يبي مني ليش يسوي معي كذا انا مابيه ولا ابي حبه ولا ابي اي شي يذكرني فيه لازين ولا شين أنا باليالله حاولت أنسى..وأبي أنسى

"""""

..أسيــــــــــرهـ..

لاوصيكم عالردوووووود أهم شي

الشوكه الثامنه..

ورقة حمـــــــــــــــرااااااااءـ ـ ـ

\نـــــــواف

نواف\لبيـــــــك

\جاهز يمه::ودمعت عينها::

ابتسم بربكه\لا يالغلا..أبي وقفتك معي ضحكتك محتاج لها

ابتسمت له بفرحه\والله من الفرحه..لاتاخذ عليها

نواف بهمس\يمه....إدعيلي

ام مسفر بدمعه مسحت على خده بحنان الأمومه الي ينسيك هموم الدنيا ومافيها\الله يجعل لك الي فيه الخير.::وبعبره

قتلتها::..ماخليتك وربي في صلاتي..دوم في بالي

نواف\عارف يم وش الي وصلني لين هنا الا بدعواتك بعد ربي

نواف مايتحمل دمعه الحريم أجل كيف دمعة أمه شلون تهون دمعة الغلا لا وربي ماتهون..بلع ريقه والصيحه قربت..حاوط

يدينه ورا رقبتها وانحنى بطوله عندها ودفن وجهه برقبتها\جعلني قبلك لاتورين اياها..ابلعيها لجل خاطري

ماعرفت تمسك دمعتها بعد ماضمها بكــــــــــــت بحضنه بكــــــــــــت بكــــــــــت لين طلعت الي بقلبها وهو مستسلم بحضنها

ويبلع عبرته ::الرجوله يارجال لا تدمع عينك يادلوع ماعاد بك بنيه قدك رجال بطولك وعرضك..

فكته ام مسفر\الله يحفظك ويخليك لعين ترجيك ..الله يسعدك ويفتح عليك

نواف مسح دمعتها\خلاص عاد ترا ماتنمسك أكثر

ابتسمت له\عكرت عليك

نواف بحب\أنا كلي لك

ا

م مسفر\نفداك يامك حافظ على نفسك

نواف\ابشري ياموميتي

ام مسفر\لاتنسى وردك اذكره

نواف\تامرين أمر

ام مسفر\والصلاه اهم شي

نواف\ولا يهمك

ام مسفر\الله يسعد قلبك

..وبدت وصايا الأم قبل كل سفره

هذا كله قبل صلاة العشا لأنه بيسلم على الرجال وعلطول بيمشون للشرقيه بالطياره

"""""

نواف بهباله\يالله شباب ترا ماني فاضي لكم لحد يزعجني

فواز\ههه من قدك عريس

ناصر\بالتوفيق مايحتاج أوصي

نواف\اسلم وسلم

جاسم\فمان ربي

نواف\دعواتكم شباب

فواز\حافظك الي عينه ماتنام..طس يالله مابقى الا نرضعك

جاسم\هههه وش نوع الحليب

ناصر ببرائه غبيه\وش حليبه..حليب طبيعي

فواز\هههههههههههههههههه

نواف رجع كتوف على ورا\ههههههههههههههههههههه رهيبه..

فتح السياره ومسك يدها\مشينا

نزلت معه وفك يدها لأن يحس مهو طايق أحد استغفرالله وبذات هي مايدري ليش يحس انها سبب ضيقته هالأيام

مشو متجهيين للطياره محلقين لأجواؤ الشرقيه

""""""

ناظرها بطرف عينه::لا البنيه ناويه علي اليوم تبيني أذبحها ..صك على شفايفه ولف يناظر بالناس رايحه جايه والأكياس الي

قضت على نص المجمع بيده اليمين..بس جاي هنا عشان تونس بعمرك بــــــس آآخ من ذا النتفه تشدني بحركاتها ..هي

قاصده ولا عفويه..واضحه عفويتها..كانها بزره أول مره تطلع كذا طلعه..

دلال\تعورت يدي..الأكياس توجع

مد يده بهدوء وأخذ منه الكيس الي ولا شي بالنسبه لثقل الي بيده..وحطها مع الأكياس الباقي بيده اليمين واليسار بجيبه..

دلال::وهـ فديتك وفديت هالعضلات::بس موب علي ياشاطر::مراح أحاول أداريك بالي تسويـه::أنا منفصله منك منفصله

شاف الأمن موزعين بكل مكان بالمجمع الي هم فيه..ابتسم على جنب ومد يده على واحد منهم ويتعيبط بهزه بكتفه على

تحت\ياشرطي كلم حبيبي..ياشرطي سارق قليبي طفي لي ناري ولهيبي..تقفى ياشرطي ..كلبش لي ياشرطي قلبه..

ياشرطي احجز لي حبه..

واراعي الأمن الفرنسي مهو فاهم شي ويناظره متهيبل به\كريزي

ياسر سمع همسات ضحكاتها..يبي يغيير جوه الممل من يوم طلع وهو عالصامت وهي تسوي حركات مبزره وهو ماعليه الا انه

يبتسم ويتبيزر معها\اي والله كريزي لو ماتمسكه

جا له الفرنسي\هااي يو

ياسر\قلت امسك لي حبيبي سارق قليبي..

كشر الفرنسي وعرف منه انه عربي..لولا مسكة دلال ليده وجرته لكان جاب العيد معه مجــــــــنوووون هههههههههه ذا

الحزه..ههههههه\هههه موب هنا تتهيبل..يقالك يعني حبيت

ياسر\لا..ولا ابغى اعذب قليبي..

دلال بصوت خافت كأنها خايفه من سؤالها\ليــش؟

ياسر بهدوء\محد يستاهل تفكيري

دلال\اهمم..الاحظك دوم تقول شعر

ياسر\أنا شاعر

دلال\بياع كلام..مو شاعر

ياسر\حلوه منك ..وليه ابيع كلام دامه سموها مشاعر

ابتسمت بهدوء\ماعتبر الشعر من ضمن الحب والمشاعر

ياسر\وليش لا..يمكن يقدر ربك ونجتمع مع بعض

دلال\فالك ماقبلناه..تلعب علي بشوية حكي..أعرفك بياع كلام ..ولا تضمن قلبي يمشي عليه قصيدك لو اموت..

ياسر\اسم الله على قلبك..بتموتين أنا وراك

دلال برفعة حاجب وهي تعدل حجابها\ذبحتني قبلها

ياسر\امس غير.. وباكر غير

دلال\تبي تبدا بيع كلامك أنا ماقبله..توك تقول محد يستاهل

ياسر ابتسم لها\تدرين؟؟

دلال عقدت نواظرها وبلعت ريقها الله يستر من نظرتك\إيش؟؟

ياسر بغموض\مجنون توت..!!

دلال مافهمت من كلامه اللأغاز صدق لاقالو ::المعنى في بطن الشاعر::\كيف..وانا شدخلني

ياسر لف وبنفس الغموض\دمــكـ،،

دلال ابتسمت على جنب وهي تسايسه بأسلوبه الغريب\حاذر تذوقه..خوف لاتدمن وتموت عليه<<معناه انه بيموت على

حبها>>

ياسر\بشرب منه بشرب بشرب بشرب..وعقبها::وبصوت خافت فيه من الغموض الكثير::..تدرين من الي بيموت

بعدها>>عكس الوضع وصار يقول انتي الي بتموتين علي>>

ضحكت بهمسات خفيفه ونظره على جنب فهمت أسلوبه وعرفت وش يبي\هههه..ممره واثق بنفسك ياخطير..أنت تدري

من انت ..شويعر..مجنون ..بياع حكي..تخدع البنات بكم قصيده..كلها كذب وشتات

رفع حاجبه ونزله وبنفس نبرت صوتها الي شدته ::هذي البنت والله مهي سهله مهي لأي أحد\لا تسودين الظنون

دلال\بس هذي الصحيح..لاتنكر

ياسر\أنا مانيب مثل غيري

دلال ببتسامه على جنب\وأنا مهره ماتروضت..ماتجيبها طقت الأصبع::وطقت ألأصبعها الصغير::

ياسر كل يوم يزيد اعجابه فيها واليـــــــــوم وصل حد حد حد الثماله بالأعجاب والله وعرفتي لأسلوبي قسم منتي سهله لكن أجيب لك الصعب وبمناجاة وطق الصبعه اليسرى بصوت عالي\تجيبها طقت ياسر::ورفع حاجبه ونزله بغرور::

دلال\لاتغتر كثير..أنا مو أي بنت::وبنفس غروره::أنا خدي بألف خد وإسأل خدود البنات..و

أنا قدي بألف قد..واسئل قدود البنات..أنا يوم أضحك بسني تحترق عيونك ضياء..لو تكتب ماتكتب شعرك مايوصل لبرمة خصري..

ياسر وصل فوق فوق فوق فوق ابتسم على جنب باعجاب:: وأقوى بعد لا وتتغينج علي تبيني اليوم أنهي عليها..لكن أنا لك

ياالدلال والغنج وأنا الي بروضك واستمر بغروره وثقه::لو تنافس في مجال الغروريفوز بجائزة نوبل بسهوله::\غلبتيني في هذي

بس ماتقدرين توصلين ..لوقفتي وشموخي..ولا..حكيي وغموضي..ولا شدتي وانجذابي..أنا لاحكيت كل مخلوق

ينخرس..كان او ماكان...::وسكت يناظرها مبتسم بنتصار::..أو بيكون

دلال ناظرت قدام تتجاهل نظرة عيونه الجذابه\لا ينطق لك عرق ماشفت شي منك غير البلا والمصايب

ياسر\هه ماتلاحظين دوم أسكت عن كلامك البذيء..لكن مهو منك مني انا مخليك براحتك كود تتأدبين

حطت يدها على عيونه\تشوف

عقد ناظره\وش فيه

دلال\سيفي..أقدر أخليك تموت منه

ياسر مسترسل معها باسلوب الغير مباشر\خليه لا تستخدمينه أنا ميت ميت..من يوم شفتك فديتك..ناشف دمي على

حافة لهاتك

دلال قلبها يرجف موب صاحي..يبي يطيحني بحفرته\مجنوووووون وبياع قصيد..لاتفكر تشتري قلبي بكلامك الغير مباشر

ترا فاهمه عليك

ياسر حك ذقنه\وهذا مطلبي

دلال سكتت لو تسترسل معه طول الحكي والله ماينتي انقطع نفسها..وهي سهله بتطيح علطول هذا أقوى منها بكل

شي..\قطعت نفسي..تبي توصل بس

قطعها ياسر\لين أخر رشفه من أنفاسك أبوصل

دلال\لاتحاول..الطريق طويل

ياسر\قلت واصله

سكتت دلال وقلبها يرجف من يوم بدت تجاريه بكلامه ماتدري ليه جاها مشاعر جياشه بس ماتبيها تطلع كتمت عليها لين

اختنقت وكل مره بتسوي كذا تخنق مشاعرها لين تموت وتطيح بحفرته هذا كذاااب ..مايندرى عن كذبته من صدقه::بس

لي متى بتم على هالحال موصــــــره مبيه مبيه قدامنا سنه كامله

دخلوا مكان ورجعو يطلعون شده شي يموووت ويشوووفه عليها\دلال

دلال بدون شعور\سـمـ

ياسر عرف منها وصل الي يبي بس الصبر\اليوم بطلب آخر طلب فديتك لاترديني

دلال ابتسمت من دون شعور\وشو

ياسر اتسعت ابتسامته وأشر على محل بعيد\خذي واحد فديتك

ناظرته واختفى لون وجهها\لاااااااااااا..مخيس انت على بالي شي يستاهل

ياسر سوا نفسه خذا على خاطره\براحتك....باقي لك شي

مسكت بيدينها بحراج وغلبتها العواطف\خلاص هيا باخذ واحد بس

ياسر هز راسه بثقل\الي يريحك

مشى ومشت ورا أشياء حقت نوم..

أخذت لها أستر واحد مع انه مابه ستر وأعجبتها أشياء<<دلال من النوع الي يحب الغريب فانجذبت له..وأخذت كثيــــــــر تدري انها مهي لابسته الا لحالها وبس..تعطيه على قد جووه هو ماقال لها مابي اقربك أحسن يعني بس يبغى

اشتريه

طلعو من المحل للسياره وهم واصلين

"""""

مــــــــــــــــاااش أحس قلبي مهو مرتاح صح قد لي يومين معها بس ماحس بذيك الراحه::يتهيأ لك يارجال يمكن عشان مابعد عاشرتها ولا قربتها..شي طبيعي::لااااا أحس فلبي مهو مرتاح فيني ضيقه مضيقتني..عندي احساس فيه شي بالعالم شي

بحياتي بينقلب::خل عنك هالهواجيس والتفكير هذا لايوسوس لك الشيطان ويلعب براسك ::أعـــــــــــوذ بالله منــــــــــــك يابليس..تنهد ودخل الفندق وقفل الباب مره ثانيه ..شافها تدور بالمكان تشيل ذا وتحط ذا وتطيب وتزبرق ابتسمت بخفه مع اني والله ماشفت شي منها بس مابعد حسيت بالراحه حتى هي مأحس انها حست بالراحه معي::أف انت وش بك

اليوم على الأحاسيس..تقفى ياحساااس بس::يووه وبثقل\احـــم .سلام عليكم

ابتسمت بنفس خفته\وعليكم السلام..

جات لعنده وخذت كيس الغدا من يده..::حتى ماهان عليه يقولي نطلع نتغدا برا ولا نتعشى برا وش هالحياه البارده الكئيبه::لاياسحر تظلمينه يمكن متضايق من شي..أوووه الله يعين بس::مير من يوم خذيته أول كلمه نطقها صاحيه\ممكن

تغيري لبسك بالعبايه لأني مرضى حد يشوف تفاصيل جسم زوجتي المصون..هزت راسها بصمت وبس

هذا الجمله الوحيده الطويله الي قالها لي

..زيط الغدا بصحن وحطيته قدامها وجلست قدامه بدون مامد يدي ولا أرفع عيوني جلست أطالع بيدي وبالنقش الي

عليها..على فكره كان فيه طاوله أول يوم ماجلس عليه بعلي العزيز مايحب جلسات الخكاره..زي مايقول يعني الطاولات للخكاره عشان كذا نجلس على الأرض..بدل القناه وحط على الجزير..

مد يده..\سمي

هزيت راسي\لا شبعانه

كف يده ولا حطها بالغدا\وش ماكله؟

سحر\أفطرت

نواف\من الساعه9

سحر\ايوه

نواف بأمر\تغدي بس..بلا دلع

سحر\مابغى

نواف\طب ليش..فيك شي

\لا..

نواف\الا فيك شي..وش فيك..

سحر\...........::وش اقوله ذا مبيه ياخي اف::

نواف بنبره هاديه\تحمليني كم يوم..عارف مقصر بحقك ومفروض اسوي اشياء واشياء..بس قدري لين تنفرج

سحر هزت كتفها لفوق وبرود\وانا شكيت لك الحال..عادي

نواف ناظر بصحن الغدا وسمى بالله\يعني قلت يمكن ضايقك هالشي..

سحر..\لا..موب شي

قامت لغرفتها ودخلت وقفلت الباب..طلعت لها لبسه هااااديه وجذابه بنفس الوقت..أممممم فستان يوصل فوق الركبه

الظهر كلـــه مفتوووح..وفيه قصه من الصدر..لونه فوووشي صارخ..حطت روج فوووشي يعكس لون بشرتها الفاتحه

سيحت شعرها على ظهرها يوصل تحت كتوفها مقصص بشكل مغري..ناظرت بشكلها الفاتـــن..مو هذا الي لازم

أسوي..قالت لي امي تكشخي زين ترا الرجال يحب المره الدلوعه.. بس مافهمت قصدها الا الحين..لازم يشوفني بأحلى

طله كنت أكشخ بناطيل بلايز برمودات أشياء زي كذا..

طلعت عليه لقيته يرشف آخر قطرات من اللبن ابتسمت بجاذبيه تلوموني فيه ..بـــــــــدوووي قرووي..

طاحت عيونه عليها بنظرات غبيه..حط الكاس وقطرات خفيفه متناثره على شنبه..مسحها بطرف كمه ومازالت عيونه

عليها بغــــبــاء..تحطــــمت من نظرته قربت منه ترتب الصحون..

نواف من يوم شافها سرت بجسمه قشعريره أول مره يحس بها..وش ذا كـــــــــله كامل والكامل لله..عارف اني لازم أسوي الي لازم يسويه أي زوج بس معليش أنا مو أي احد..نظرتي لها كانت شوي غبيه بس أنا كنت كذا أبيها مابيها تتعلق بأمل ألحين ولا أبي أعلق نفسي ألحين ..قمت بنفس غبائي..وغسلت يديني ..ريحة عطرها بخشمي استنشقته و

سمعت همسات خفيفه لفيت وراي بنظره جامده..\هأ أنتي هنا..{وببلاهه}..أقول وش ذا الريحه الي مب غريبه

سحر بصوت نعوم\بالعافيه

نواف من غير مايناظرها مسح يده بالفوطه إلي شايلتها\على قلبك..ماعندك نيه للغدا

هزت راسه وبدلع رباني\أخاف يخرب جسمي

ناظر جسمها بتفحص من فـــــــــــــــوق لتـــــــــحت ومن غير شعور\أنتي كذا كذا ..عســـــــــل..يكفي اسمك..سِحر..

نزلت عيونها بخجل وحطت الفوطه بمكانها\تسـ..ـلم

نواف بهمس\فديت الي يستحووون..

بلعت ريقها بصعوبه وتحس بمششاعر مــــــــره غريبه..

نواف بدون شعور قرب منها وقرب شفايفه لأذونها وهمس\تضيعيــــــن علومي..تهبلــــــــين{عض أذونها بخفه}

ماعد تحملت أكثر من كذا..حاولت تبتعد عنه بس نواف كان أقوى منها مسكها مع خصرها وقـــــــــــرب منها ولاصق فيها

وباسها مع رقبتها بوسه طــــــــــــويلهـ..

نواف شدها له وبنفس رواقته..لكن سرعان ماخفق قلبه ومارتاح..تفكيره يغلبه كثير ..بس أنــا رجااال وأعرف ،،،..لالا فكها بخفه وتركها محتاره من أمره كذا فجــــــــــاأه بععد عنها سحبت نفسها وطلعت من المكان الي هو

..صحيح حس بخشونته عند أنوثتها الطاغيه..بـــــــس..لايكون عاجز..لالالا..وش عاجز..ماتوقع..بس أنا ماتأقلمت مع جوي..

وش الي ماتأقلمت حياة الرجال وعارفها وش بعد أكثر..موب مرتاح أبدن موب مرتاح لحياتي ..لاتنسون اني مجبور

أخذها.آآآآآآآآآآآآه حسبي يالله وكفى..

"""""

قمت بسرعه ..ناظرت بالمكان..تأففت بملل إلى متى يصير نومي ثقيل..هذا ثاني يوم يشلني لغرفتي بدون ماحس..

يومــــــــيــــــــن ماشفته من بعد ذاك اليوم أبد ماله حس بالبيت أقوم الصباح مالقاه وإذا جلست إلى الليل أستنى حضرة جنابته يوصل..أجلس بالصاله.. ماحس بنفسي إلا الصبح بغرفتي..يعني إيش قصده يشيلني ليش مايقومني..ناظرت بالساعه 7ونص أوهووو قد راح من زمان للدوامه..هذا مايريح نفسه أغلب الأيام..وش أغلب الأيام يومين وأنا أستناه للفجر..أنا وش صابني لايكون الشووو....لالالا يابت مابه هالعواطف خليه يولي هذا يبي يقضي علي قمت وتروشت بالسريع ..وعلى أساس مو هنا كشخت..برمودا أسود ضيق..وبلوزه بدون أكمام سودا تمسك من الصدر وتتوسع تحت الصدر ..حطيت جل بشعر وجعده من زمااااااان ماستشورته ..زبطت نفسي ..إشتهيت أتكشخ..حطيت روج أحمر ..ودعجت عيوني كحــــــــل..بلاشر ومشطت حواجبي..أوو جواجبي شينه..طلعت التشقير وبدت تصبغ بحواجبها..كلها نص ساعه وصارت قومــــــــــــــررر..طلعت وسيــــــــدا للمطبخ جوووعانه..من زمان ماكليت..جلست تدندن ..صوتها موب حلو لكن موب شين..يميزه النعومه..\ولا أنا ويا حبيبي غرق الغرقان أكثر..غرق الغرقان أكثر.. جيت وش جابك حبيبي من بعد طول المغيب..من بعد طول المغيب..قول إني ماهمك يابرودك والله دمك.........

وادخلت جو مع الأغنيه.. سمعت صوت خشــــن وراها..بس يغطي على صوتها بالشاعريه والأحساس وتسليك

الصوت..حنجره ذهبيه..\وإلي جابك هو حبي..ولا شي مستخبي..ولا شي مستخبي..يالي ساكن وسط قلبي ..ليه

من حبي تنكر..ليه من حبي تنكر..أنت في دنياك لاهي وعن حبيب القلب ساهي..عن حبيب القلب ساهي..

بلعت ريقها هذا هو هذا هو أخيـــــــــــــــرا بروي عيوني..لفت بالتدريج..ماسك كوب قهوه..ومتسند بكتفه على الباب

وحاط يد بجيبه..

حاولت تخفي ابتسامتها قد ماتقدر..وهو داخل جو مع الأغنيه وبيده الكوب..ونظرته هاديه ماتحمل اي شي..

سكت بأخر تناهيده وآهاته..بللت ريقها وقلبها يرجف..{مانكر بصوته العذاب..بس أنك حيوان طيحتني بحفرتك..بس أنا أطيحك معي}

دلال كست وجهها قناع البرود وهي من داخل تحترق شوق\خيــــــــر..قاط وجهك..وبعدين وش جابك

ياسر بروقان\جيت وش جابني..جاوبتك قبل شوي

عقدت نواظرها مافهمت أصلا ماقال..

كمل كلامه بلحن صوته\إلي جابك هو حبي ولا شي مستخبي

دلال بقرف\يــــــــــع مالقيت الا انت

ياسر بضحكه\ههههههه..لاتخفين علي شي..{ورشف رشفه}..قاعده تتنتظرين مين أمس وقبله

دلال صدت عنه وبربكه\..مـ..محد

ياسر ببرود\العبي على غيري..من حلمتي فيه

دلال\أنت ماتنقلع عن وجهي تراك أشغلتني

ياسر فتح عيونه وبجمود\أنــــــــــــــاا ماقلت لاتسبين..تدرين إن فيه طرق كثيره عشان أأدبك فيها واحمدي ربك ماستخدمت

ولا سلاح

دلال\ولا على بالك بتخرعني رووح زيييين

عض على أسنانه{هه مادرت وش سوت لي البارح يومها نايمه وتحمد ربها ماجيتها ولا استغليتها بأحلامها..}..

صرخت بصرخه خفيفه..آهـ

ياسر بجفوه..لف عنها وطلع برا..

دلال ..الله ياخذك شتت أفكاري لين قطعت يدي آآآآآآآآآآآآآهـ ابي أمـــــــــي أهئ يماااه الحقي يدي كلـــــــــه منه..أهئ..

جلست على الأرض بعجز أخ تعور..الجرح صغير بس عميق..دمــــ غزيــــــــــــــــــر..بصوت مكسووور\يـ،،ـاســ،،ـر

صاحت له مره ثانيه وثالثه لين جا يسحب رجوله حط الكاس عالطاوله وبدون مايناظرها\خيـــر وراي دوام لاتتدلعين مابه شي

ناظرته بخوف متجمع عليه الحزن والضيق وانكسار..\ياسر..إيدي..تعورت..أهـــــــــئ أهـــــــــــئ..وكتمت بكيتها بذراعها

ياسر رفع راسه وتنهد ..ماقدر أتركها ليتني مانظرت بعيونها..جا لعندها..ونزل لمستوا جلستها.. وبخشونه\من رفالتك

يارفلا..

مد يده الضخمه قدامها\وريني يانانا

دلال بنعومه وطفوله عفويه\منهي نانا

ياسر\أنتي نانا..وريني يدك

مدت يدها ببراءه ترتجف\تعـــــــــــور

بلل شفايفه ونزل عيون هذي جننتني من زمان البارح مسويت لي حلم واليوم تتبيزر..

ناظرت بيدها دمها كثير..قمت وسحبتها معي...

دلال\مابي يدي..تعور اهئ

ياسر يكلمها وكأنها طفله\طيب يانانا انا بعالجها تعالي معي

مدت شفايفها الي تحت بدلع..صد عنها بسرعه لاتتهور لاتتهور والله حركه ثانيه نفسي مامسكها..حط يده ورا خصرها

وهي مامانعت بالعكس حاوطت يدهاالصغيره ورا ظهره الغليـــــظ صاحت زياده شد عليها بحنيه\خلاص قلت بعالجها

دلال\أهــــــــــــــئ أهــــــــــــــــــئ..كله منك

ياسر\وش سويــــــت!!!!!!!!

دلال\أهـــــــئ تكلمني ..أهــ,ونا مشغوله

ابتسم طفله طفله..جلسها على الكرسي ودخل غرفته ثواني وهو متواجد عندها..بصندوق اسعافات..حط عليها علاجات وهي تبلع بكيــــــــها بالقوه..لفها بالشاش ومندمج مع لف يدها ومعقد ناظره مع كل شهقه تطلع منها..

\هذا انا خلصت..طبتي

دلال بطفوله\لا..

ياسر\طيب الحين بتطيبين..يالله بروح دوامي تبغين شي

ضاقت أكثر..ماتبغاه يروح وبكت..\أهـــــــــــــــــئ لا انقلع

ياسر شد شفايفه ويسايسها\حاضر..شي ثاني

دلال\..لاااااا..

حط يده على بطنها\الا شخبار النووو..ماكمل جملته وهو يتحسس بطنها الصغير ..مافيها اصلا بطن..

فتح عيووونه هو عارف قبل انها تكذب بس يبي يخوفها يبي يزيدها خوف ورهبه منه..\تكذبين علي

مسكت يده وتبي تبعدها عن بطنها لأن حست بقشعريره بجسمها لكن بلا منازع كان أقوى منها

ياسر بغضب مصطنع\تكــــــــــذبيـــــــــــن

دلال بقوه مصطنعه\إيـــــــــ،،ــه..عنــ..ـدك شي

ياسر بنظرة جمــــــــــود تطيـــــــــر القــــلب رعــــب\عنــــــــــــــــــــدي..قولي وش ماعندي

دلال بخوف وقلبها يدق طبول وتنفسها يســـــــرع\ي..ي..ي..يـاس

ياسر بنفس النظره\أووووووووووش..ولا كلمه حسك هذا مابيه أسمعه مفـــــــــــهــــــــوم

غرس يــــــــــــــــــــــــده ببطنــــــــــــــــــها وتعورت

قامت بسرعه\إيــه..مفهوم

رفع عيونه\على وين أنا خلصـــــــــــت كلامي

سكتت وهي ترجع لورا........

ياسر\قـــــــــــــلــــــــــت خلصـــــــــت..ردي

دلال\..............

ياسر خفض من نبرة صوته\دلالــ

دلال تتنفس بالسريع ولا هي قادره تنطق\هــ..

ياسر بصوت منخفض\دلالـــ

رفعت عيونها\وش

ياسر سكر عل أسنانه\دلالــ..وإذا قلت وش تردين

دلال\ســـمـ

ياسر يبي يذلها أكثر هذي فرصته\مابي ذي..وأعيد ولو ماسمعت الي ابي .....دلالــــ

دلال من غير شعور\وش تبــــــــــــي؟؟؟لاتنادينـ.....

سكتت يوم شافته وقف وحاط يدينه بجيوب بجامته وبنظرة برود\أنا وش قلت..

هزت كتفها\مدري

يتبع ,,,,

👇👇👇

تعديل المقال