رواية لا تظن انساك وانت قطعة مني -18
اسيل : هلا حبيبيضاري : هلا يا قلبي
اسيل : ضاري شفيه صوتك
ضاري : ما فيني شي سوله ابي اشوفج الحين
اسيل : الحين يمكن ماما ما ترضى لان انا قايل لها بقعد ادرس
ضاري : سوله بليييييز ضروري
اسيل : اوكي خلاص انا اقول لها واتصل عليك
احمد قال لفاطمة مثل الشي وتواعدوا ان يروحون البحر
اسيل امها وافقت وقالت لضاري
احمد : فطوم
فاطمة : عيونها
احمد : بقولج شي بس تاكدي ان احبج موووت موووت موووت
فاطمة : قول أحمد ترى خوفتني
احمد : انا بقولج عشان يكون عندج خبر وانا بامريكا في وحدة اسمها ملاك تحبني بس انا ورب البيت ما احبها
فاطمة غارت شوي : اكييد ما تحبها
احمد : احلف على المصحف
فاطمة : مصدقتك حبيبي
احمد : يعن مو زعلانه
فاطمة ابتسمت : ليش ازعل وانت ما تحبها انا متاكدة من حبك لي
احمد : يعل ربي يخليج لي قولي امين
فاطمة : أمين
عند ضاري واسيل كانوا قاعدين بمطعم و الاوضاع متكهربا
ضاري : سوله
اسيل : هلا يا قلبي
ضاري : بقولج موضوع بس اتمنى ما تزعلين
اسيل : ضاري خوفتني قوول
ضاري : اول شي اوعديني انج ما تزعلين
اسيل : اوعدك
ضاري : اسيل انا بقولج القصة من الاول الى الاخر
اسيل : اسمعك
ضاري : اول سنه لي بامريكا شفت وحدة بكوفي صار معاي ومعاها خلاف بسيط على كرسي لان الكوفي كان زحمه فانا واهي مسكنا الكرسي مع بعض قعدنا نتهاوش اهي عاندتني وانا عاندتها شفتها مره ثانية بالجامعة وبعدين صرت اشوفها كل يوم بالجامعة لما صار بينا موقف مع الدكتورواهي كانت موجوده بالصدفه بعدين صرنا نكلم بعض ونطلع مع بعض بعد 5 شهور حسيت اني ما اقدر استغني عنها كانت اهي الي تملي فراقي بعد احمد كنت احس بالراحة معاها واهي تبادلني نفس الشعور كنت اذا ما اتصلت انا اتصل وبعد مدة اعترفت لها بحبي واهي اعترفت صرنا ما نفارق بعض ابدا عشقتها عشق محد اعشقه (سيل دمعت عيونها) ومره كانت بتعرف اذا كنت صج احبها ولا لا مو شك بحبي بس كانت تلعب قالت لرفيجتها انا اتصل على ضاري رنه واصكر وبعدين اهو راح يتصل ثاني مره وانتي سجلي صوتي بالكلام الي الحي اقوله وليما يتصل ضاري نسمعة الكلام عشان اشوف اذا يحبني ولا لا وكان الكلام انها تضحك مع واحد ودلعة ويطلب منها تبوسه استمرت تمثليتهم شهر وطبعا لمياء ما كنت اسمع صوتها واذا اهي يت تلمني انا اصد عنها بعدين لمياء حبت تزيد الجرعة قالت لملاك قولي لضاري ان لمياء ماتت مع واحد كانت تحبه وان لمياء كانت تلعب علي اول ما سمعت الخبر حجزت على اقرب طيارة لي الكويت وقبل شهر اتصلت علي ملاك تقول ان لمياء عايشه وانا هذي كانت لعبه منهم وان لمياء الحين ندمانه قد شعر راسها على المقلب السخيف بس انا طنشت فيها الي سوته فيني مو شوي كله عشان تشوف ان كنت احبها ومره اتصلت على احمد لان غيرت رقمي وطلعت الرقم بسم واحد من عيال عمامي واحنا كنا مع الشباب والبنات وحاولت انها تكلمني بلس احمد ما رضى وانا ما كنت ابي اكلمها انا كرهتها كره محد اكره على كثر الحب كرهتها الحين لو تيبين لي قبري ولا لمياء اختار الموت والقبر لاني ما احبها الي سوته مو شوي
اسيل : خلصت
ضاري : اسيل ورب البيت ان حبيتج من اول لحظة شفتج فيها وانتي صرتي كل حياتي انتي صرتي الهوا الي اتنفسه انتي نور عيوني وضوا قلبي واسيل انا اعشقج
اسيل : خلصت
ضاري نزل راسه: اسيل احبج
اسيل : كل انسان له ماضي بس ليش اعترفت لي ليش ليش ما خلتني ما ادري عن شي
ضاري : لان ادري لمياء ما راح تسكت اكيد تاذيني وتأذيت ما تخلينا نعيش بأمان
اسيل امسكت ايد ضاري : ضاري انا عشقتك وما ابي اترك اغلى الناس عشان ماضي و اذا على لمياء لو تقرب خطوه يمي ولا يمكن بذبح انت هواي انت وغلاي
ضاري بدون أي مقدمات ضمها
اسيل استحت لان كان بالمطعم
ابي توقعات وردود بليييييييييييييييييييييييز
في البيت العود
راكان كان قاعد بداره
راكان : يا ربي انا صج اعرف بنات بس هالبنت غير من اول ما شفتها اقلبت كياني صورتها مو راضيه تتحرك معقوله حبيتها لا يبه انا وين والحب وين اااه يا هناء انتي الي دخلتي هالقلب اللي ما حب بنت ابد
في بيت بو عبد العزيز :
في غرفة جاسم بالتحديد
مها : قلبي
جاسم : هلا
مها : ابي اقولك شي
جاسم لف جهتها : قولي
مها : انا
جاسم : أي
مها : انا حـ حامل
جاسم الابتسامه شاقه حلجه : حلفي
مها استانست : والله
جاسم شال مها وقعد يلف فيها : هههه احبج ههههه ماني مصدق
مها : هههه
جاسم : قلتي لامي
مها : لا بس اسراء ودانه يدرون حتى فطوم ما قلت لها
جاسم : امشي خلنا نقول لهم
جاسم ومها انزلوا تحت لقوا منى وفاطمة قادين بالصالة
جاسم : يــــــــــــــــــــــــــــمــــــــــــــــــــ ـــــــــــــــــــه
منى : نعم عيال ما يعرفون الهدوء
جاسم : باركي لي بسير ابو للمرة الثانية
فاطمة : صــــــــــــــــــــج واااااااااااو مهاوي
منى : مبروك يا ولدي مبروك يا مها
مها : الله يبارك فيكم
فاطمة : اذا يبتي صبي لذبحك
مها : هههه تعقدت من الصبيان
فاطمة : والله نبي بنت بنت
منى : الا صج عبد الرحمن ونور حددوا عرسهم بعد شهر
فاطمة : شهر بس
منى : أي مساع دقت خالتي وقالت لي
فاطمة : ما يمدي نجهز
منى : يمدي يمدي
فاطمة : افففففففففف هذو يا يؤخرون حيل يا قربونا حييييل ما في حل وسط
منى : مو شرط تروحين
فاطمة : شنو والله انا اول من يروح هذي عرس خالووو وعمتي ايه هذا الي قاصر ما اروح
مها : هههه
رن موبايل جاسم : هلا والله
احمد : هلا فيك
جاسم : وينك
احمد : انا يم باب بيتكم
جاسم : ليش
احمد : عشان اشوف مرتي وقلبي وعشقي
جاسم : بس بس بس لاا تموت علينا
فاطمة : تدرون شنو بسوي بروح السوق الحين
مها : الحين
فاطمة : الحين مها تروحين
مها : لا يبه
فاطمة : اوكي نشوف اسوله باااي
مها : باااي
فاطمة اصدت فوق قالت اسيل وقالت لها اوكي لبست ونزلت تحت
فاطمة : جاوو
مها : جاووو
فاطمة طلعت تبي تركب سيارتها وهي تبطل باب السيارة يا لها واحد من ورى
احمد : بووووووووووووووووووووو
فاطمة : أأأأأأأأأأأأأأأأأأأأأأأأأأأأأأ بسم الله الرحمن الرحيم خرعتيني قلبي طار
احمد : سلامة قلبج يا قلبي
فاطمة استحت
احمد : فطوم بغيت اكلمج يعن بموضوع
فاطمة : شنو
احمد : اهني
فاطمة : نروح كوفي
رن موبايل فاطمة كانت اسيل
فاطمة حطته صامت
احمد رن موبايل احمد كان رقم دولي
احمد : الووو
: الووو احمد
احمد : هلا صالح
صالح : وينك انت ترى الاجازة خلصت من اسبوعين
احمد : ادري يبه انا بعد 3 ايام راجع
فاطمة بنت آثار الضيقه فيها
احمد : اوكي صلوح انا اكلمك بعدين بااي
فاطمة : بعد 3 ايام بترجع
احمد : أي أنا هذا الموضوع الي كنت بكلمك فيه
احمد حس انها تضايقت
احمد : طومي اذا بتزعلين ما اسافر
فاطمة : لا عدي وبعدين شنو ما تسافر هذا مستقبلك
احمد ابتسم
فاطمة ردت له الابتسامه : تروح وترجع بالسلامه
احمد : اوكي طومي انا اخليج تروحين اكلمج بعد شوي
فاطمة : اوكي باي
مشى احمد شوي بعدين لف عليها
فاطمة واحمد بنفس الوقت : احبك ههههه
احمد : مواه
فاطمة استحت خاصه انهم واقفين بالشارع
ركبت السيارة وراحت اسيل وراحوا المجمع طبعا بعد هواش اهي واسيل عشان تاخرت وما ردت عليها
وبعد ما خلصوا راحوا كوفي
اسيل قالت لفاطمة عن لمياء وفاطمة قالت لها عن ملاك
اسيل : ما ادري خايفه من لمياء
فاطمة : شوفي انتي متاكدة ان ضاري يحبج فخلي حبكم اهو الحاجز والسيف الي بتوقفين ضد لمياء فيه
اسيل : هههه قاعدين بمعركة سيف وحاجز
فاطمة : ليش ودفعا عن حبج مو معركة اصلا اكبر معركه انا ليما قالي احمد قلت ورب البيت ما اخليها
اسيل : انا مصيبتي اكبر ضاري كان يحبها
فاطمة : كان وكان فعل ماضي
اسيل : ههه
فاطمة : انت مو تحبين ضاري وما تبين يكون لغيرج
اسيل : اكييييييد
فاطمة : خلاص دافعي ليما تنتصرين
اسيل : والله ما اخليها تاخذ حبي مني
فاطمة : ايوه يا البطلة
اسيل : يله قومي خلينا نرجع
فاطمة : يله
بعد يومين
كان مجتمع البيت العود عشان سفر احمد
اشواق : كل يوم اتصل اوكي
احمد : يمه اول مره اسافر
اشواق : يمكن تنسى
احمد : احد ينسى يتصل على روحه
عبد الرحمن : يعن ما تحظر عرسي
احمد : للاسف لا
نور : لا ما يسير
احمد : سوري نوري بس والله ما اقدر
نور : خلاص سماح
احمد : هههه
سلم على الكل الا فاطمة لان ما كانت بالصاله
احمد نطر نطر شوي بقى على الطيارة تقريبا ساعة ياله يمدي يروح المطار
ضاري : يله يا احمد راح تتاخر على الطائرة
احمد ما قدر يصبر اكثر لان راح تطوفه الطيارة
احمد : يله يا ضاري مع السلامه
الكل : مع السلامه في حفظ الله
احمد طلع والدنيا مسكرة بويع عشان فاطمة ما سلمت عليه
ضاري : زعلان عشان ما سلمت عليك
احمد : ايه
فاطمة : تتوقع بخليك تروح وانا ما سلمت عليك
احمد : طوووووووووووووووومه
فاطمة راحت حضنته بقوة وعيونها تدمع : تروح وترجع لي سالم غانم
احمد : ليش سالم وغانم ليش مو احمد حمودي
فاطمة : ههههه تنكت مع ويهك
احمد باس فاطمة
فاطمة : احبك يا روحي يا هوي يا مناي يا عشقي وغلاي
احمد : TOMY I LOVE YOU
فاطمة : احمد كل يوم اتصل ودش المسنجر كل يوم الساعة 12 ترى ما انام ليما تكلمني
احمد : اوكي يا روحي
فاطمة : بااااااااااااي
احمد : باااااااااااي
فاطمة وقفت تطالعه ليما وصل باب السيارة
احمد لف عليها
فاطمة راحت تركض له ما ودها تتركه
احمد حضنها بقووه
ضاري : بس عاد ترى احنا بالشارع
احمد : طومي دري بالج على نفسج
فاطمة واهي تبجي : وانت بعد
احمد همس لها بأذنها : أحبك
فاطمة : وانا بعد
احمد : يله بااي
فاطمة : هىء باااي
احمد باسها وركب السيارة
فاطمة على طول دخلت البيت واهي تبجي
بعد شهر
عرس عبد الرحمن & نور
بالصالون :
فاطمة : وااااو نوور طالعه قمر
نور : انشالله بعرسج
فاطمة : أمين
الكل : هههه ولاول مره
فاطمة : انا قبل كنت ارفض لاني ابي حبيبي ما ابي غيره
فجر : يله انا بروح الفندق
مي وانا ورنا معاج
فاطمة : نطروا نص ساعه ونروح كلنا
نور : وانا منو يقعد معاي
مرام : انا ومريم وايمان
نور : وليكون بتروحون مبجر بعد
مريم : لا ندخل معاج
نور : أي حسبت بعد
فاطمة : يله بعد ربع ساعة مو نص وايد نص بروح ارقص
نور : تو الناس الحين 5 والناس ما هي الا 7 8
فاطمة : نوري ترى مو اول عروس انتي ههههه
نور : روحوا عساكم ما تتهنوا واي احد ويرزقكم
فجر : بل بل بل شنو هالدعوه
رنا : يله يله ترى سليم ناطر تحت
فاطمة : يله حتى ما قعدنا 5 دقايق
شوي ورن تلفون فاطمة
فاطمة : الووو
: احلى الووو
فاطمة : اشتقت لك وربي
احمد : وانا بعد يا قلبي
فاطمة : مبين والدليل امس اتصلت ودشيت الماسن
احمد : والله رديت من الجامعة تعبان
فاطمة : سلامتك من التعب عساه فيني ولا فيك
احمد : قلبو نوري يمج
فاطمة : أي أخذ كلمها
احمد كلم نور وبارك لها وسكر التلفون
البنات راحوا السيارة
وصلوا الفندق
ادخلوا الفندق وتحديدا الصاله الي يسون فيها العرس ما في احد موجود بس منى واشواق ولولوه و ام عبد الرحمن وام فهد ومها واسيل واسراء
فاطمة قالت لي الدي جي يشغل الاغاني لهم
البنات قعدوا يرقصون ومستانسين
اسيل : تعبت
فاطمة : انا خصري عورني من الهز بالمصري
فجر : خلونا ناخذ راح قبل ما يجون المعازيم
شوي يت هناء
فاطمة : هنوووو شتقت لج ( والله يا هناء ما جذبت )
هناء : طومي
هناء سافرت مع اخوها فيصل لعمتها بكندا ساكنه
فاطمة : يا خايسه
هناء : ههههه
يت ام فهد
ام فهد : يا بنات تعالوا ساعدونا
هناء : قوه خالتي
ام فهد : هلا والله بهناء شلونج يا بنتي
هناء : الحمد الله
ام فهد : يله يا بنات
الكل قام يساعدهم
واهم قاعدين يعدلون شوي بالورد ومكانه
هناء : انا بروح الحمام واتوا بكرامه باغسل ايدي وارجع اوكي
فاطمة : اوكي بس دري بالج يمكن راكان وعلي موجودين بره
هناء : وين بره
فاطمة : لا بره القاعة بس قصدي خلاص خلاص ما اظن انهم يدخلون
هناء : اكييد
فاطمة :اكييد
هناء راحت الحمام(وانتوا بكرامه)
أوقفت يوم المغاسل الخارجيه
اسمعت صوت ريايل ما تقدر ترجع اكييد يشوفونها وما عندها مخرج غيره
هناء توهقت
راكان : اوكي علي انت روح الرسبشن قول لهم لازم يستلم بطاقة الدعوه وانا بروح اعدل غترتي ما بقى على وصول الناس شي
هناء اسمعت ودقات قلبها مليون بالثانية : راح يشوفني يا الله يا ربي ساعدني
راكان دش شاف ملاك قدامه شاف الصور الي ما فارقت عينه من يوم الملجه
هناء نزلت راسها وراحت صوب الباب بس راكان كان واقف
راكان استح على ويه وخر شوي
هناء بسرعة راحت عند فاطمة
فاطمة : شفيج ويهج قلب اصفر
هناء : شفت
فاطمة : أي
هناء : شفت ر راكان
فاطمة ابتسمت : أي شنو قلتي له
هناء : ما قلت شي
فاطمة : حلوو صح
هناء بزلت لسان : يهبل
فاطمة : ههههه أيا ما تستحين
هناء : كلبه جرت مني الكلام
فاطمة : ههههه ههههه
هناء : يله جب يله
فجر : شفيكم
فاطمة : لا ههههه ولا شي
رنا : ولا شي مبين
فاطمة وهناء راحوا لمنى يساعدونها
بعد ساعتين بدت الناس تحضر العرس
البنات رقص ووناسه وسوالف
فاطمة قالت لدي جي يحط دقني
فاطمة ادخلت عليها محد دخل معاها من البنات اشرت للبنات لين دخلت وقعدت ترقص معاها
وحدة تتكلم مع الي يمها
الاولى : هذي مرت رائد
الثانية : أي أظنها بس شكلهم مستقبلينها
الثالثة : الا ميتين عليها يقولون عسل
الثانية : ويه ما شفتي اشواق شلون تتكلم عليها تقول دانه دانه ما في مثلها
الاولى : الحين وش فيهم بنات الديرة
الثالثة : يا وخيتي ريال هالايام ما لهم أمان
الثانية : وانتي الصاجه عسى ما سافروا تلقين عيونهم يمين ويسار
عند طاوله ام عبدالله ريل ايمان
ام عبد الله : ما شالله شوف فطوم شحلاتها
مروى : الله يحميها من العين
نوف : اصلا تلوع الجبد
مروى : الجمال مخلينه لج
فاطمة كانت لابسه نفنوف لونه كيوي (اخضر فاتح) أي لف على الرقبه وظهرها طالع حاطه من تحت السدر لي بطنها كله شفاف وفيه شك على السدر واي من بداية الساق نافش شوي كان ناعم وفخم بنفس الوقت ومسويه تسريحه رفع وشوي نازل من شعرها وحاطه مكياج خليجي كااان شكلها روووووعة
مروى : انا بروح ارقص مع فطوم
ام عبد الله : روحي
نوف : اف قطيعة شوفيها حسبالها الحين منو اهي اليسا ولا نوال الزغبي وانا ما ادري
مروى : لا والله فاطمة بنت الراشد
نوف : ليكون اهي اختج مو انا
مروى : أي اهي اختي
نوف : مالت عليك وعليها
ام عبدالله : نوف عيب عليج هالكلام
نوف : يوه
مروى خالتها وراحت
نوف : اف يا كرهي لها بنت
ام عبد الله : ابي افهم شنو سوت لج عشان تكرهينها
نوف : احسها تتكبر على ولا شي
ام عبد الله : اسمل على فاطمة من التكبر الكل يدري ان فاطمة جمال ومال ودلال وشهادة ويا بخت احمد فيها
نوف : الي تزوجته اسمه احمد
ام عبد الله : أي ريال عنده شهادة من امريكا
نوف : شفيج على الشهادة
ام عبد الله : اقولج عشان يمكن يطلع لج احساس وتصيرين نفسهم
نوف طنشته وقعدت اطالع الموجودين
صار وقت دخلت العروس
طفوا الاضاءه وكان بس ضوء الفلاش شغال فتحوا البوابه أدخلت لولو تمشي مو بنت كانت جميله بمعنى الكلمه تمشي بهدوء على شعر اهداء من راكان اخوها وصلت الكوشه قعدت يت لها فاطمة
فاطمة : ملاك يمشي على أرض الكويت
نور ابتسمت لها :الفال لج
فاطمة : تو الناس المعرس بامريكا ههههه
يت المصورة صورتها مع امها وخالتها والبنات
شوي البنات قعدوا يرقصون
مها تبي تدش على ويلو ويلو
اشواق : مها تعالي وين بدشن
مها : برقص
اشواق : قعدي انتي مره حال
مها : ترى ما رقصت إلا مرة
اشواق : يكفي
مها : انشالله
نوف يت بترقص عليها واهي توهي بترقص ولا ينكسر كعبها ولفت ريلها
محد انتبه الا فاطمة ورنا وفجر ومي : هههه
نوف تفشلت ورجعت وهي تدعي على الساعة اللي نزلت فيها هالاغنية
بعد جم ساعة قالوا المعرس بيدخل الحريم تغطوا والبنات البسوا أثواب مثل ارواب المغاربة وعليها صورة عبد الرحمن من ورى
الريال دشوا كان بالبدايه عبدالرحمن وبو فهد وفهد و حسين والوليد
والشباب والصغار يرقصون ورهم
فطمة ورنا وفجر ومي و مرام ومريم راحوا يرقون جادم المعرس
عبد الرحمن يبتسم مو مصدق نفسه
وصل الكوشه قعد بس ما شاف نور لان حاطه الروب الابيض ومغطين ويها البنات كل وحدة ارقصت مع ريلها او اخوها
ضاري قاعد يدور اسيل عيونه شافها بس كانت ورى اشر لها اسيل راحت له وقعد يرقص معاها وفاطمة راحت ترقص مع رائد وبعدين نادت لين عشان رائد
ورقصت مع راكان وجاسم بس طبعا بالارواب عشان الرياييل الثانية بعدين فهد يه وطردهم عشان المعرس ياخذ راحته الكل طلع بس بو فهد وفهد وحسين والوليد وراكان
البنات قطوا الارواب واقعدوا يصورون مع المعرس والعروس بو فهد سلم على نور وطلع واخوانها سلموا وطلعوا الا راكان
ام فهد : خلاص راكان اطلع
راكان : شوي شوي حنين دير بالك على نوري يا ويلك اذا هاوشتها
عبد الرحمن : من عيوني
راكان صور صورة وراح شوي الباب بعدين رجع يرقص
فاطمة ومي ورنا راحوا يرقصون معاه
راكان : يله انشالله ترقصون بعرسي
فاطمة : أمين
راكان رقص شوي وطلعته ام عبد الرحمن
راكان واهو طالع شاف البنت نفسها ابتسم لها : ثاني صدفة بنفس اليوم
هناء استحت هي كانت بتروح تيب لها شغله وترجع ما تدري انه الريايل ما اطلعوا والمعرس ما يطلع من هذا الباب
راكان : تراج ساكنه هالقلب من شهر تقريبا انت هنا قلبي
هناء طالعته باستغراب شلون يقول هالكلام : قلت ادب
وخلته وراحت
راكان : اخ معذبه هالقلب يا هنو انت غرامي ما نسيت اسمج صورتج شكلج من هذاك اليوم
وراح بره للشباب
بالفندق
عبد الرحمن : يمه بطلع
ام عبد الرحمن : انطر شوي
عبد الرحمن : مليت يله
اشواق : انطر شفيك مستعجل
عبد الرحمن : ننطر يله
بعد تقريبا نص ساعة
عبد الرحمن مسك ايد نور ومشى اوصلوا آخر البوابه بعدين جر شريطه معلقينها ببالون ابيض واحمر كبير وطلع منها حمامتين بيض و حاطين على ارقبتها شريطه حمرا
وبعدين راحوا جناحهم الي حاجزين بالفندق
البنات كلهم راحوا البيت العود عشان يسهرون ويسولفون
فاطمة : ههه
رنا : ودي اشوف شريط العرس الحين واشوف شلون طاحت هالرفله
فجر : بسم الله توج ترى كنت هناك وشفتيها
هنا لبست عبايتها : يله طومي قدساوي اتي انا بروح
فاطمة : وين وين وين حبيبتي كلكم اليوم تنامون هني ليش ما تعرفين قوانين بنات العايله
هناء : لا شنو انام هني يله بروح
فاطمة : قلت ما في طلعة
هناء : والله فيصل يمكن ما يرضى
فاطمة : ويه خبرج عتيج ضاري كلم فيصل من زمان عشان تنامين عندنا
مي يت تركض لهم : بنات بنات
الكل : شفيج
مي : الشباب
الكل : أي
مي : قاعدين يرقصون وناسه تعالوا نشوفهم
الكل نزل يشوفهم من بابا المطبخ
يه راكان يستعرض خادمهم
فاطمة صفرت : شهالرقص يا عمووو
راكان شاف هناء
بس هناء حست باحساس غريب بعدت عيونها عنه
راح راكان والبنات
رن موبايل فاطمة : الوووو
احمد : احلى الووو
فاطمة : شلونك
احمد : اسلم عليج
فاطمة : تدرين اشتقت لك اليوم
احمد : بس اليوم
فاطمة : لا مو بس اليوم بس اليوم الي موووووووت
احمد : واااي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك