بارت مقترح

رواية لا تظن انساك وانت قطعة مني -27

رواية لا تظن انساك وانت قطعة مني - غرام

رواية لا تظن انساك وانت قطعة مني -27

في مكان يعم فيه الظلام والدموع تغرق الدار من الحزن على الضايع وعلى فراق وعلى الحزن وعلى الوحدة "الكل تركني لا حبيب ولا صديقه لا ام ولا ابو لا اخ ولا اخت لا زوج ولا عيال ولا مستقبل الزمن قاسي علي ما يرحم"
لمياء كانت تحرك يدها بحركة سريعة على جسمها وتردد الكلام هذا
اتصلت على ملاك
ملاك : الوو
لمياء ببكاء يقطع القلب : الووو ملاك تكفه لحقيني
ملاك خافت على صديقتها صج تركتها بس ما نست العشر الي بينهم : لمياء شفيج
لمياء : بمووت لحقيني بمووت
ملاك سكرت السماعة وراحت لمياء
وخلال ربع ساعة ملاك اوصلت
ملاك فتحت باب الشقه الي كان بعده المفتاح عندها
ملاك : لمييييييياااااااء شفيج لمياء
لمياء : راح امووت عطيني ابره الله يخليج ابي ابره
ملاك : لا يا لمياء حرام عليج قاعده تعذبين نفسج
لمياء وتحرك يدها : اقول لج راح اموت
ملاك : لا السم الي تاخذينه وهو بيموت
لمياء : اسمل علي عشاه باسيل ولا فيني
ملاك : بس يا لمياء بسج حقد حرام عليج والله حرام
لمياء :طالعه لي بكلام يديد
ملاك : انا تبت والحمد الله ربي هداني تجارت المخدرات تركتها وبشوف مستقبلي
لمياء : بس انا ما اقدر اتركها قبل لا انتقم من اسيل وخليها تبجي دم
ملاك : حرام عليج شنو سوت لج
لمياء : شنو سوت عذبت قلبي واخذت حبيبي مني
ملاك : انتي اللي ضيعتيه بايج احد يقول لحبيبته انه يخونه عشان يشوف غلاه
لمياء : جنج ما شاركتني
ملاك : كنت خبله وانت اخبر مني
لمياء : اسيل موتها على ايدي انا قلت لواحد من حراس الكاسر يذبحها باي طريقه
ملاك : مجنونه انتي شلون تسوين جذي بتمرين حياتج
لمياء : حياتي انتهت من يوم ما تركني ضاري
ملاك : انت خبله يا ولج ان سويتي هالشي
لمياء : بسويه ويالله روحي يبي لي ابره
ملاك : اسفه ما استعد ادخل السجن عشان هالاسم الي تاخذينه
لمياء : راح اموت
ملاك : لا ما راح تموتين
لمياء : انت ما تحبيني تبين امووت صح طلعي بره اكرهج اكرهج اكرهكم كلكم كلكم اكرهك واكره ضاري واكره اسيل واكره الدنيا كلللللها طلعي بررررره بررررررررررررررب
ملاك اطلعت ويها الحسره على صديقتها وعلى تفكيرها شلون صار حالها بعد ما ترها ضاري
ملاك " انا لازم اكلم ضاري واسيل لمياء ما راح تخليهم بحالهم يا ربي اهديها "
دخل البيت وهو مقرر قرار ما راح يرجع فيه
ام سعود : هلا والله فيصل
فيصل وابتسامته مرسومه : هلا فيج يا الغاليه
ام سعود : ها عسى مرتاح اليوم من بعد الكرف اللي كرفته بالشركه
فيصل : اوصلك الخبر عمي مسحت فيني البلاط حتى كرفنا كرف
ام سعود : روح خذلك شور وانا احط لك الغدا
فيصل : خالتي
ام سعود : نعم
فيصل : وين امي
ام سعود استانست ان فيصل سأل عن امه : داخل مع هناء
راحت ام سعود وفيصل دخل الصاله شاف هناء شلون مستانسه بأمها وتضحك يتغشمر معاها
فيصل تجمعت دموعه
هناء شافته وبقت بتقوم لانها ما تكلم فيصل من يوم الملجه بسبب الكلام الي قاله بس ردها الي سمعته
فيصل : يمه سامحيني
ام فيصل حضنت ولدها واهي تبجي على سنين الي مضتها بعيد عنهم
فيصل : سامحيني يمه سامحيني يا الغاليه
ام فيصل : ان الي سامحني تركتكم وانتوا صغار وخليتكم تفقدون حنان الام ادري كرهتوني من بعدها
فيصل وهناء اقعدوا يبجون
هناء : لا يمه لو مهما تسوين ما نكهج انت الغاليه
ام فيصل احضنت عيالها اثنينهم
في بيت بو عزيز :
فاطمة : ها شوف والله ما فيني شي
احمد : صدقتك بس يا ويلج ان صار فيج شي وما قلتي لي
فاطمة :انشالله عمي
احمد : لا قولي انشالله حبيبي
فاطمة : انشالله حبيبي
احمد : اااااااااخ يا قلبي
فاطمة استحت وخاصه انه قط نفسه بحضنها
دخل ضاري الدوانيه وشاف احمد
ضاري : ههههه احم احم
فاطمة استحت مووت
احمد واهو بعده على الوضع ما قيره : اقول رزة الفيس من طبايع التيس
ضاري : التيس اللي ياخذك يا ما تستحي
احمد : ليش ما استحي مسوي منكر ولا مسوي منكر
ضاري :لا مسوي عيب
احمد : اقوول ضوير جب
ضاري : حميدوه
احمد قام : ضروري لا تطفرني
ضاري : اصغر عيالك ضروري
احمد : لا والله تبي ولدي يتعقد اسميه ضاري
ضاري : وليش يتعقد انشالله
احمد : لان بيطلع جيكر مثل خاله
ضاري قرب من احمد : اقول لا تخليني اطلقك
احمد : تخسي
فاطمة تمثل : اااخ اخخخ لحقوني
احمد وضاري : شفيج
فاطمة : اح يعور
احمد ضاري وين يعورج
فاطمة قامت : بسكم مناجر
احمد وضاري : هههه يا خايسه
فاطمة : يله احمد انا اخليك بروح لداري عشان الشله بتي البيت
احمد : اوكي cu
فاطمة : cu
أحمد ارسل لها بوسه طايره فالهوا
ضاري : احم احم
احمد : اقوول تطلع محمد وجراح وجسوم وفصيل بيطلعون وبطلع لان باجر بسافر
ضاري : الساعة جم
احمد : على الساعة 7 نطلع
ضاري : اوكي من زمان عن الشله
احمد : يله cu
ضاري : cu
ضاري صعد داره يبدل يلعب سله
رن موبايله
ضاري : الووو
: الووو
ضاري استغرب الصوت : منو ؟؟
: معاي ضاري
ضاري شك : اي نعم ضاري منو
: انا ملاك صديقة لمياء
ضاري : ملاكوو نعم خير شنو تبين
ملاك : هد شويي يا ضاري انا ابي اشوفك بمكان
ضاري : خيييير شنو تقولين لا يا استاذه خطط أنت ولمياء ما تمشي علي
ملاك : وربي البيت ابي اقولك شغله تخصك وتخص اسيل
ضاري : تخص اسيل
ملاك : لمياء ناويه على موتها
ضاري : شنوووو
ملاك : شوف يا ضاري ابي اشوفك واتكلم معاك بالموضوع
ضاري : خلاص انا الساعة على الساعة 7 ونص 8 انا اشوفج
شرق ملاك : خلاص اشوفك بالمطعم الـ ........ يم سوق شرق
ضاري : اوكي بااي
ملاك : بااي
في بيت بو سعود :
فيصل : وين رايحه انسه اقصد مدام هناء
هناء لفت على فيصل : مدام قصبن عليك
ام فيصل وام سعود : ههه
فيصل : لا يطق لج عرج يا حرم راكانوه
هناء : اسمه راكان
فيصل : لا والله ما يعجبني الا اسم راكانوه
هناء طنشته عشان تقهره : يمه
ام فيصل : هلا
هناء : صج قايله لراكان أن بنسوي عرس
ام فيصل : أي
هناء : بس انا ما ابي اسوي عرس
فيصل : على كيفك هو
هناء : أي على كيفي انا وراكان اتفقنا جذي
ام فيصل : لا مو على كيفج اهوو
ام سعود : يا ام فيصل هدي شوي
ام فيصل بعصبيه زايده شوي : ما تسمعينها تقول ما تبي تسوي عرس
ام سعود : هدي شوي وبعدين الامور تاخذينها بالمسايس
هناء : انا قلت لا ابوي ما صار له جم سنه ميت
فيصل : وكلام وأبو ووصيته
هناء دمعت عيونها : كلامه على عيني وراسي بس واهو عايش
فيصل : هناااااااااااااا
هناء : بس انا قلت لا
فيصل : العرس يصير يعني يصير
ام فيصل : هناء ابوج الله يرحمه اذكر اول ما ينتج قال ابيها تقعد على الكوشه واهي لابسه الابيض وانا يمها ابيها ملاك
هناء : بس كان كلامه قصده واهو عايش يبي يشوفني
فيصل : بس كلام ابوي مو اول مره يقوله حتى بمرضه كل ساع يوصيني عليج هناء انتي اختي وانا انا وامي وخالتي نشوفج وانت عروس
هنا وبس
فيصل : لا بس ولا شي
هناء : رايكم جذي
ام فيصل وام سعود : اي
هناء : اوكي خلاص
اسمعوا صوت صراخ
الكل قام يشوف شنو في
هناء : جوري
جوري : ااااااااااااااااااااااااي
هناء : شفيج
جوري : لا بث سعودي تكني
هناء : سعود ليش اطقها
سعود : هذي دلوعه و ما ادري على شنو تحبونها
هناء : هههه غيران منها
سعود : لا اخر زمن اغار من ياهل
فيصل : ما شالله اسكت اقول انت شنو تطلع على زمن عنتر بن شداد انولدت
سعود : انا كبير بروح الصف الخامس
فيصل : اي يا الكبير اقول تعال الديوانيه بدال ما تقعد بالبيت
سعود : لا ما ابي راح اي لي فالح ولد الجيران وبقعد معاه
فيصل : احسن بس يا ويلك اذا طقيت جوري
سعود : مابي كل ما اشوفها اطقها
هناء : لا جوري باخذها معاي فطوم تبيها
فيصل : اوكي انا ابي اروح الشركه وبعدين بروح مع ربعي بااي
الكل : باااي
في بيت بو سامي (ابو اسيل واسراء )
اسيل " ضاري شفيه اليوم ما كلمني غريبه خلني اتصل "
اتصلت على ضاري اول مره ما رد ثاني مره ما رد ثالث مرة رد عليها
اسيل : الوو ضاري حبيبي وينك ما ترد على التلفون
ضاري تبلعم : ها لا بس كنت اخذ شور
اسيل : اوكي حبيبي وين بتروح بعد شوي
ضاري : بطلع مع ربعي وانتي بتين لفاطمة
اسيل : اي بس بعد شوي
ضاري : اوكي يا قلبي انا اخليج الحين
اسيل : اوكي بااي
ضاري : بااي
اسيل : غريبه شفيه ضاري مو من عوايده
في بيت بو علي ... حسين ...
رنا : لا يا فجر ما اقدر وربي ما اقدر شنوو اوكي اوكي اقول لامي يله باااي
رنا " يا ربي ساعدني لين قلبه علي شوي وربي احبه بس تطنيشه سبب لكرهي له ... انا الي ما اكلمه ولا احاول اقرب منه ... يا رب انا من عبدك فارحمني "
مريم : السلام عليكم
رنا : وعليكم السلام والرحمه
مريم : شفيج
رنا : ها لا نا فيني شي بس تعبانه
دخل بو على .. حسين عليهم واهم توه راجع من المستشفى
حسين : السلام
رنا وريم : وعليكم السلام
حسين : وين احمد
رنا : مو موجود طالع
حسين : ليما اي خليه ايني
رنا : انشالله
دخل حسين مكتبه
قعد على كرسيه وحط راسه بين يدينه " وش هالورطه اللي احنا فيها "
يه أحمد وقالت له ربنا انه يبيه بالمكتب
احمد : قوه يبه
حسين : الله يقويك
احمد : بغيتني بشي
حسين : اي اقعد
أحمد قعد على الكرسي الي قدام ابوه
حسين : متى سفرتك
احمد : باجر
حسين : ابيك بموضوع بس محد يدري عنه
احمد : تامر يبه
بعد ساعتين :
في بيت بو عزيز :
فاطمة : ياااااااي منكم وين اغراضي
مها : فطوم شفيج
فاطمة : وهو ما شفتي ساعتي الي يابها جسوم ليما سافر
مها : لا دورها مع الاكسوارات
فاطمة : مافي
مها : دورتي عدل
فاطمة : أي
مها : خليني ادور معاج
واقعدوا ايدورون بالعلب الاكسوارات
فاطمة : يا الله عاد الساعة عزيزه علي معتزة فيها
مها بطلت الدرج : الحيـ
ماكملت جملتها .. من الي شافته
مها التفت على فاطمة الي تدور و مو منتبها لمها
مها : فاطمة
فاطمة واهي ما التفت : ها لقيتيها
مها : شـ شنو هذا
فاطمة التفت وما عرفت شنو تقول
مها : شنو هذا
فاطمة وفيها الغصه : هذا دوا اطلبوه الجامعة مرة مع بحث وبعده بدرجة ما قطيته
مها واهي مو مصدقه : فاطمة اعرفج من عيونج
فاطمة : مها شفيج
مها : عيني بعينج اعرفج عشره عمر من الابتدائي
فاطمة تحاول تبين ان ما فيها شي
مها بطلة العلبه لقتها شوي وتخلص : هــــــىء هذه مستعمليها فاطمة
فاطمة والدموع تجمعت بعيونها : بس يا مها بس أي مريضه مريضه
مها : ليش ما قلتي
فاطمة : مابي ابين ضعفي
مها : بـــــس الامها تعور واذا ما تعالجتي خطر على صحتج ويمكن تموتين لا سمح الله
فاطمة : شنو تبيني اسوي يعني ما ابي اضعف وما ابي اشوف الشفقه من احد
مها : شنو هالخرابيط تشوفين الشفقة ولا موت بروح اقول لخالتي
فاطمة واهي تمسكها من ايدها : حلفتج وغلاتي عندج وغلاة جاسم وحمود ولدج ما تقولين لاحد
مها : بس يا فاطمة
فاطمة ودموعها نهر من الالم وخوف من الموت ومن كل شي : حلفتج يا مها حلفتج
مها اقعدت تبجي ما تحب تشوف فاطمة تترجاها : خلاص بس باقرب وقت بقول لانج عزيزه علي وما ابيج تروحين مني يا فاطمة
اسمعوا صوت فهد ينادي فاطمة
فاطمة : ابوي ينادين طلعي له قولي تتسبح على ما اغسل ويهي
مها مسحت دموعها وطلعت لعمها
فهد : مها وين فاطمة
مها : تاخذ شور عمي تامر على شي
فهد : مايامر عليج عدو بس بغيت اسولف معاها من مده ما قعدت معاي
مها : انشالله ليما تخلص اقولها تنزل لك
فهد : يله انا بروح لصلاة بالمسيد
مها : يتقبل الله
فهد : مني ومنج
وراح فهد ومها راحت تشوف حمود وبعدين ترجع لفاطمة
مر الوقت بسرعة يو الشله لفاطمة
عالية : يا بخليج انزين اعزمينا على مطعم
فاطمة : يا بخلج لسانها متبري منها هالبنت
عالية : ههه
فاطمة : الا انا عازمتكم على مطعم يا هو مطعم وتغمز لهم
عالية : عفيه على رفيجتي الحلوه
فاطمة : احم احم شحنتي غروري هع
عالية : لا لا لا تو يشحن غرورج الي اعرفه ان دايما على الشحن
البنات : ههه
فاطمة : يا حمارة لا صج يله شوي ونروح
رن موبايل اسيل حمر ويها
فاطمة : احم احم حبيب القلب يتصل
البنات : ههه
اسيل : جب يا حمارة
فاطمة : بنااات سكروا اذونكم وعيونكم
دانه : اذونا عرفنا عيونا شحقى
فاطمة : لا عشان اذا يا قرين ضاري على الطاير وجاب معاه بوسه
الكل : هههه
اسيل : حمير وراحت غرفه ثانيه
ضاري : هلاااا وغلااا اشوف بيتنا منور
اسيل : منور بوجود اهله
ضاري : انتي بالسرداب
اسيل : يس
ضاري بخبث : بنزل
اسيل : لا شنو تنزل
ضاري : لا لا لا بنزل
اسيل : ضروي روح دربك وانت ساكت
ضاري : يا زين ضروري بحلجج
اسيل استحت : اوكي حبيبي بااي
ضاري : باااي يا روح حبيبك
ضاري : يا الهي شنوو ناويه عليه لمياء النحس
وراح يلبس عشان يروح يقابل ملاك
بعد ما لبس وركب السيارة اتصل أحمد وقال له انه ما راح يروح معاهم عنده شغله ضروريه
وصل لي المطعم وقعد يتلفت يدور ملاك بين الطاولات
شافها وراح لها
ضاري : السلام
ملاك : وعليكم السلام
ضاري : وش بغيتي تقولين
ملاك : اول شي اطلب لك شي
ضاري : لا ماله داعي دخلي بالموضوع سيده
ملاك : ضاري لمياء مو ناويه على خير
ضاري خاف : شنو بتسوين يعني تذبحها وتذبحني
ملاك : أي مو غريبه على لمياء .. لمياء حاقده عليك وعلى اسيل وبصراحه من تركتها صارت وحده ثانيه مجرمه بمعنى الكلمه ولو تذبحها بنفسها عادي عندها
ضاري استغرب من ملاك شلون تقول جذي ولمياء صديقتها الروح بالروح
ملاك : لا تستغرب اني اقول هالكلام انا صج كنت مع لمياء بكل شي بس والله اني متندمه ومتندمه على كل شي ونويت التوبة بس لمياء معانده وتقول تبي تحرق قلك مثل ما حرقت قلبها تبي تحرق قلبك باسيل و ناويه على الشر اهي قالت لواحد من بودي جاردات واحد من معارفها يدور لها على خطة يقضي عليها فيها
ضاري : اهي قالت لج هالكلام
ملاك : لمياء مخططه على هالشي من زمان وانا قلت لك عشان تاخذ حذرك
ضاري : مشكورة يا ملاك والله ما قصرتي
ملاك : العفو يا ضاري بس سامحني على الي سويته ووصل آسفي احمد وفاطمة اختك
ضاري يوصل انشالله
ومد ايده عشان يسلم عليها
: هــــــــــى
ضاري وملاك التفتوا لمصدر الصوت
ضاري : اسيل
اسيل والدموع تجمعت بعينها : يا خاين
ضاري : اسيل اهدي خليني افهمك
فاطمة : منو هذي
اسيل : ما ابي اعرف منوو
وكانت تبي تمشي بس ضاري مكسها وبقوه
اسيل : اتركني
ضاري : ماابي اتركج ليما تفهمين السالفه
اسيل : وانا ما ابي افهم السالفه
ضاري : سمعيني ولا تصيرين غبيه
اسيل : انا مو غبيه واتركني يا يا الخاين
فاطمة واهي تطالع ملاك : ضاري منو هذي
ضاري : هذي ملاك
فاطمة واسيل طالعوا في بعض
فاطمة : وشتبي انشالله
ضاري : فاطمة اسيل قعدوا خلوني افهمكم
فاطمة : شنو بتقول بعد يا اختي انتي ماعندج احساس انتي وصديقتك شتبون بعد ما عشته اخوي بكآبة نعم شتبون
ملاك : يا فقطــ
فاطمة : لا تنطقين اسمي على السانج لانج وحده حثاله وانا ما اتشرف اسمي تنطقه مثلج
ضاري بعصبيه : فاااااااااااطمة
فاطمة : نعم احتج بعد احتج شووف اذا انت رجعلك حبي الاولاني في ستين الف داهيه بس انك تجرح ولا تمس كرامة اسيل ولا تحرق قلبها فهذا انساه لانها ببساطه تسوى عشره من لمياء
ضاري مسك ايد فاطمة بس ما زال ماسك اسيل بايده الثانيه وضعط على ايد فاطمة بقوووه : تعرفين تسكتين ولا شلون لا تزيدين الطين بله
فاطمة طالعته بنظرة
البنات شافوا كل شي ما حبوا يضلون واقفين فاقعدوا على الطاوله الي وراهم
ضاري قعد فاطمو واسيل بالقصب اسيل دارت دمعتها قدر ما تقدر
ضاري قال لهم السالفه كلها
اسيل لا شعوريا راحت ضمت ضاري
ضاري : سول احنا بمكان عام خليها بوقت ثاني وغمز لها
اسيل استحت مووووت
فاطمة وملاك : احم احم
ضاري : ملاك مشكورة على الي سويته وربي ماراح انساها لك فاطمة خذي ملاك وفارقوا
فاطمة : توك مشكورة وبعدين ارجو
ملاك : قليل الخاتمه
ضاري : ههههه اقوول تلايطي يله
فاطمة وملاك : زين يا شينك
فاطمة تكلم ملاك : حيااج قعدي معانا
ملاك : لا مشكورة عندي شغل
فاطمة : خلاص بس وعد لنا قعدا ثانيه مع بعض
ملاك : وعد
راحت ملاك فاطمة يا لها عواار
ماقدرت تستحمل منه
راحت للبنات واضغط على الطاوله حييل عشان تخفي الالم شوي
مها حست فيها قربت منها وهمست لها : تعبانه
فاطمة : اه يعور
مها : قومي نروح المستشفى
فاطمة بصوت عالي : لاااا
دانه : شفيج
هناء : فطوم شفيج
فاطمة : ما فيني شي انا يوعانه يله طلبوا
اطلبوا البناات وكلوا
واسيل اقعدت مع ضاري
في البيت العود :
راكان : مساء النوور على احلى ام وخاله ومرت ولد عم
الكل : ههه
لين : حلووه مرت ولد عم
راكان : شلونكم
ام فهد : الحمد الله
راكان : اما عندي لكم خبر بيطير طبنات العقل على قولة السوريين
لين : شوو هوو اللي بيطير طبنات العقل
راكان : انا وضاري
الكل : أي
راكان : قررنا نسوي عرسنا بيوم واحد ويكون بعد شهر
ام فهد : شهر شنو شهر ما يمدي
راكان : ليش شهر 30 يوم في حالة ما يكفي عيل جم تبون قرن
لين : ههه شوبك مستعجل بس اصبر شوي ترا الزواج ماحي طير
راكان : لا والله بس مليت وانا ناطر يامرت ولد عمي
لين : ههههه هدا وانت صار لك اسبوع بس مالك
راكان : الشوق وما يفعل يا لين
لين : هههه
ام فهد : راكان انت صج تبيه بعد شهر
راكان : يس مام
ام فهد : لا ترطن بلقت اليهود
راكان : نعم امي
لين : وانت يا انجليزي يا عربيه فصحى
راكان : عشان ترتاح امي نفسيا ومعنويا وماديا هع
ام فهد : تطنز علي يا ولد فاطمة
راكان : مام انت فاطمة
ام فهد : جب يله قولي صج تبي عرسك بعد شهر
راكان : نعم يا امي العزيزه
ام عبد الرحمن : بس يا راكان ما راح يمدي
راكان : يمدي يا خالتي يمدي
ام فهد : خلاص امري لله بس مو هناء ماتبي عرس
راكان : مو انا قلت لخالتي ام فيصل ما نبي نسوي عرس قالت لا ولازم تسون ووصيه بو فيصل حتى وهناء صغيره ان يبيها عرووس
ام فهد : اها
يه فارس : ماما
لين : نعم ماما
فارس : بابا برى يقوول بسرعة يله
لين : اوكي يله مع السلامه
الكل : مع السلامه
في بيت بو علي :
رنا : واااااااااااااااااااااو حلفي
مريم : والله
مرام : مبرووك مرايم
مريم : الله يبارك بعمرك عقبالك
مرام : يسير خير
رنا : راح اصير عمه ياااااي
مريم : وحسون مو عاجبج
رنا : رنا لا قصدي للمره 2 يااي وناسه
مريم : تخلف عقلي وبشري
مرام : ههه حلوه عقلي وبشري
دخل احمد عليهم : شفيكم صراخ ياي ياي
مرام : ههه لا بس رنا مسويه احتفال لانها بتصير عمه للمره 2
احمد : ها مرتي حملت وانا ما ادري
مريم : هههه احمدوه
احمد : ههههه اشدراني عنكم منو حامل ليكون مريم

يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -