بارت مقترح

رواية لا تظن انساك وانت قطعة مني -3

رواية لا تظن انساك وانت قطعة مني - غرام

رواية لا تظن انساك وانت قطعة مني -3

فاطمة : السلام عليكم
الكل : وعليكم السلام
كان الكل قاعد شباب وبنات وحريم واليد بو فهد
بو فهد : فطوم تعالي قعد يمي
فاطمة راحت وقعدت يم يدها : شلونك يدي
بو فهد : انا الحمد الله انت شلونج
فاطمة : الحمد الله
بو فهد : متى تبدين دوام
فاطمة : بعد شهرين يدي
اشواق : بدال ما انت فاضيه من الأسبوع الياي تعالي المستشفى
فاطمة : لا تكفه ما صدقت افتك من الجامعة
اشواق : بلا دلع وراح تين تدربي
فاطمة بدون نفس : انشالله
زياد : يدي
بو فهد : نعم
زياد : لو سمحت يعني ابي نطلع المزرعة الاسبوع الياي
بو فهد : لا وراكم مدارس
فاطمة : لا عفيه يدي
بو فهد : خلاص مدام طلبت دلوعتي من عيوني
فاطمة : تسلم عيونك يا الغالي
زياد : لو ندري لما تطلب فاطمة بتوافق من زمان خليها تطلب
بو فهد : هذي فطوم الغالية
رنا : افا يدي يعني احنا مو تارسه عينك مو عيالك
بو فهد : كلكم عيالي وتارسين عيني بس فطوم غير
فاطمة : احم احم
بو فهد : خلاص يوم الخميس الياي نروح المزرعة من الصبح
طلال : يدي الخميس الصبح عندنا مدرسة
زياد : جب يا حمار ليش اذكره
منى : يعني ما راح نذكر
مشعل : تكفه يدي لا تغير رأيك الخميس الصبح
بو فهد : خلاص سمحولهم الخميس غياب وراها عطلة العيد الوطني
الكل : يييييييييس
مشعل : عاش والله ولد الراشد
الكل : هههههههههههه
إلا ويدخل احمد ( رجع من السفر الساعة 12 الظهر عشان جذي اشواق قالت لهم ايون بس ما قالت إن أحمد يه)
الكل قام سلم عليه
أحمد قعد على الكنبة الي يمد يده
احمد : شلونكم عساكم بخير
الكل : الحمد الله
بو فهد : انت شلونك شلون دراستك
احمد : الحمد الله عند off وراح اقعد 4 أسابيع تقريبا
بو فهد: الحمد الله بس متى رجعت
احمد : الساعة12 تقريبا بس الوالدة ما قالت
ام فهد : انا طالبه من راكان كيك جذي بس بما أن احمد رجع الكيكة عشانه
الكل : هههههههههههه
احمد : لا يدتي انا ابي وحده مكتوبة باسمي مطلوبه عشاني
يدته : نطلب لك واحدة بسمك جم أحمد عدنان
احمد بغرور : واحد
ام عبد الرحمن : فديت هل واحد
احمد : تسلمين يا الغالية
ام فهد : انشالله نأكل كيك عرسك يا احمد
احمد : تو الناس يدتي
ام فهد : هذا انت وهذا ضاري تو الناس تو الناس
احمد يطالع ضاري : خلاص لي تزوج ضاري أتزوج ورآه
ضاري : عيل حلمك تتزوج
الكل : هههههههههههه
منى : ضاري شقلنا
ضاري : قلنا نفكر اقول احمد خلاص بعد سنة تتزوج
الكل : هههههههههههه
عزيز : لا ابصم بالعشر انت مو ضاري
ضاري : باجر أبجي دم والسبب عيون عبد العزيز
ام عبد الرحمن : سمل عليك من الدم وعزيز قول ما شالله
عزيز : بحسده مع ويها بس من رجع وهو يضحك وينكت العاده ما البوز وهادي وما يكلم احد
فاطمة : يمكن ليش لا
عزيز : فطيم إن ما سكتي يا ويلج
فاطمة : فطوم ها
زياد : حكمت على نفسك بالإعدام
عزيز : ليش انشالله
زياد : فطوم ورآها حكومة
عزيز : ومنو الحكومة انشالله
مشعل : الكل اولهم يدي وعمي فهد خالي رائد وخالتي ويدتي ام فهد وام عبد الرحمن لا يعدون ولا يحصون حكومة فاطمة
فاطمة بغرور : احم احم يدي شوفه يقول فطيم
بو فهد : عزوز ويع
عزيز : يدي ريال طول وعرض وعيال ومره وعزوز ويع
بو فهد : لا تقول فطيم وما تلاقي هل كلام
فاطمة : حره على العذال حره
عزيز : فطوم ويع عذال ها شوفي منو يطلع ويعطيج
فاطمة : سيارتي وفلوسي يطلعني وتعشين وتغدين بعد
عزيز : سيارتج ها خل سيارتك تنفعك
فاطمة : لي الحكومة
عزيز : هين يا فطيييييم
فاطمة : شحلات هل اسم أيمن أحبه فطيم قمر 14
الكل : هههههههههههه
فاطمة : نونو رنون
رنا: نعم
فاطمة : ما جنج اليوم ساكتة انت والثنائي الي معاج ( تقصد فجر ومي)
رنا : اليوم قلنا نأخذ off
فاطمة : لماذا؟
رنا : أحب الفصحى انا
فاطمة : عاد انا اكره العربي
رنا : مبتدأ خبر فاعل مفعول به
فاطمة : ذكرتني أيام الثانوية
فجر : اليوم مو بنرتاح منه شوي يرحم أمج لا تذكرينه
فاطمة : أحسن خل نذكركم بس انا كنت أتعذب
رنا : آيا النذلة
فاطمة : ههههههه
ضاري : شباب تعالوا بره
احمد : لا أبيك بروحك انا بكلمك بموضوع
عزيز : افا طرده محترمه يا بو حميد
احمد : ما عاش من يطردك يا بو العز
علي : تفسير كلامك
احمد : كلمت راس شتبون شحقه التليقف
ضاري : من تدخل في ما يعنيه فطوم شنو
فاطمة : سمع مالا يرضيه
ضاري : صح لسانج
فاطمة : صح بدنك
فاطمة : فديتج يا عاشقة مخاوي الليل وحامد زيد
فاطمة : يمه قلبي
بشار : لا تموتين علينا كل هذا على شاعر
فاطمة : انت شعرفك بشعر انت طير بس طير
بشار : ما خلصنا من شاعر المليون يتنا فاطمة
فاطمة : انزين انت شكو ها
رنا: على طاري شاعر المليون فطوم شفتي المطيري الكويتي شحلاته وبعد أهلوه اللجنة (لا تقولون انا مطيريه بس صج المطيري كان حلو والله الله اني مو مطيرية صدقتوا تنكت الاخت ههههههههههههه )
فاطمة : يعجبن لما يقول والحب طيرن ربا فيني وعيه يطير ولا لما يقول والنور كلمه عجز عنها لسان الضرير
رنا : حافظه
اشواق : بس هذا الي فالحين فيه
فاطمة : خالتي الشعر إحساس
اشواق : سكتي يا ام الإحساس
فاطمة : وشلون اتركه وشلون وقلب اعشقه
اشواق : منو الي يعشقه قلبك
فاطمة : لا يروح مخج بعيد الشعر الي اعشقه
اشواق : حسبالي
فاطمة : افا يا خالتي افا انا تربيت اختج
اشواق : بهل زمن الإنسان صاير يشك بنفسه
فاطمة : حكمة لو تقول يا ليل دان
منى : فطوم بس عاد حافظ شاعر المليون كله
فاطمة : يدي شنو رايك بالشعر
بو فهد : شعر أول يا زينه بس شعر هالايام يا شينه
رنا : فاطمة يصلح بيت شعر
فاطمة : أي والله ارجع واكتبه (فاطمة تكتب شعر ) بس يدي ليش يا شينه
بوفهد : كله احبك واعشقك
فاطمة و رنا بصوت واطي محد يسمع : وهو في أحلى منه
فاطمة : معاك حق الشعر ما عندهم ذوق احلى الي يتكلم عن الفداء بالوطن والعز والفخر وعن ايام قبل
رنا وهي تغمز لفاطمة : صح اكو احلى من اشعار الوطنية واشعار احمد شوقي وسعد العراف
الكل : ههههههههههههههههههههههههههه
فاطمة بصوت واطي رنا : سعد العراف وأحمد شوقي مره وحده يا جذابة
رنا : قصر صوتك لا يسمعك العمدة يذبحنا
بره عند ضاري واحمد
احمد : ضاري ليش ما تبي تتزوج
ضاري : الحين انا ما خلصت منهم تين انت يا احمد
احمد: صج يا ضاري ليش ما تزوج تراك مو صغير
ضاري : اقول هالكلام لنفسك
احمد : ضاري ليكون ما نسيت لمياء
ضاري : لا يا احمد انا نسيتها وخلاص ما عاد تهمني
احمد : عيل ليش ما تزوج
ضاري : بالوقت الحالي ما أفكر
احمد : ترى العمر يمشي يا ضاري
ضاري : قول حق نفسك ليش انت ما تزوج
احمد : انا ناطر ارد من السفر و خلص الدراسة وأتزوج
ضاري : انت من وازك علي اليوم
احمد : محمد وازن بس شفت الكل يحن عليك
ضاري : يسير خير يا احمد يسير خير
احمد : لمياء ماتت وماتت وهي خانتك لا تنسى يا ضاري
ضاري : احمد انا اكرها اكرها على كثر الحب الي حبيتها كرهتها
احمد : الحمد الله ماتت موتت كلاب
ضاري : شنو سويت مع اللغة الثانية
أحمد : اف أظن هذي حتى لما ارجع الكويت تلحقني
ضاري : خلها تولي
البنات كانوا متجمعين بروحم بالصالة الثانية
البنات هم : فاطمة اسراء مها رنا ومي وفجر ومريم و ايمان و نور ومرام
فاطمة : بنات الاسبوع الياي نبي نسوي حفله تنكريه
رنا : شلون يعني
فاطمة : كل وحدة تلبس لبس وتخشه عن الثانية لما نقول روح لبسوا ونشوف منو أحسن لبس وأكثرها غرابة وضحك يفوز
نور : شنو الجائزة
فاطمة : امممممم وش رايكم اشتري ساعة غالية والفايزة تاخذها
مريم : ومنو بيدفع فلوس الساعة
فاطمة : كلنا ندفع بالتساوي والفايز يأخذها
رنا : خوش فكره
ايمان : منو لجنة الحكم
فاطمة : الحريم
مها : خلاص الخميس الحفلة التنكرية
مرام : يالله عندنا اسبوع نجهز فيه
فاطمة : يا شطار ما وزعنا الإغراض منو بيب الحلويات
رنا : انا
فاطمة : ومنو الألعاب مثل أوني ونجفه والمني بولي و الطاولة
فجر : انا
فاطمة : الأشرطة والمسجل انا يله شنو تبون أشرطه يديده
وسجلو الاشرطة اليديدة الي يبونها وزعوا الأغراض ومنو يبها
بعد أسبوع
يوم الخميس:
البنات جهزوا كل شي عشان الرحلة
وتجمعوا عند البيت العود عشان يمشون مع بعض
فاطمة : يبه عفية قول حق عمامي نبي نتيمع عند سياره وحده انا والبنات
بو عزيز : انشالله بس اختاروا السيارة الي تكفيكم واحد يسوق غير السايق لانكم بنات بروحكم
فاطمة : مشكور يا احلى أبو بالدنيا
بو عزيز : ههههههه
فاطمة راحت وقالت للبنات والبنات استانسوا واختارتها سياره السايق الكبيرة
فاطمة : تكفى ضروري طلبتكم
ضاري : قتلج يا فاطمة ما اقدر مااحب أسوق وايد
فاطمة : اخذ احد معاك تكفه ضاري طلبتك
ضاري : أمري لله أروح معاكم
ولف جهة احمد : احمد تروح معاي بسيارة
أحمد : أي سيارة
ضاري : مع البنات
احمد : انت ما تستحي شلون تبي تركب مع البنات
ضاري : يا ثور أنا أسوق لان ابوي قال واحد من الشباب يروح معاهم ما يصير السايق وهم وايد وكلهم بنات
احمد : اها انزين ok
و ركبوا سياراتهم
توزيع السيارات :
بو فهد مع راكان معاه أم فهد وأم عبد الرحمن و عبد الرحمن
بو عزيز يسوق ومعاه ام عبد العزيز والاغراض
بو علي يسوق ومعاه ام علي والخدمات
بو خالد معاه ام خالد والفواكه ( المؤجلة )
عزيز وجاسم ومعاهم اسراء ومها وعيالهم
علي ومعاه مريم ولده وايمان وعيالها لان عبد الله مسافر
خالد ومعاه بشار وزياد ومشعل وطلال
ضاري وأحمد والبنات
بسيارة البنات
فاطمة : بنات بلعب ماني بولي منو يلعب معاي
رنا : انا
البنات كانوا رافعين الكراسي وفطائر مساحه وايد وقاعدين على أرض السيارة
فاطمة : رنوه غشاشه ما ابي العب معاج
رنا : ههههههه لا تلعبين
فاطمة : لا تلعبون معاها غشاشة كبرا
رنا وهي ترفع وتنزل بحواجبها : مقهوره لان فزت عليج
فاطمة : بالغش يا حماره نور شوفيها أمانه مو غشاشه اشكره تاخذ فلوس اللعبه جدامي
نور : بنت اخوي تعلمني فيها
مي : انزين فطوم يبتي شريط جوزيف
فاطمة : أي
مي : صج يا بعد قلبي والله
فاطمة : اهاك أستاذ ضاري شغل الشريط
ضاري : انشالله عمتي
فاطمة : والله انك وردة
ضاري : مصلحة
البنات كانوا فاتحين الأكل والاجياس وحلو وقهوة وجاي وعصير هذا وهم بالسيارة
فاطمة : شباب تبون
ضاري وأحمد : لا شكرا
فاطمة : لا صج احنا يايين مجله لشهر مو 3 ايام
ضاري : شنو عندكم
فاطمة : كل ماتتمناه نفسك الخيره
ضاري : محمد العوضي وانا مادري عندكم قهوة راسي بينفجر
فاطمة : فيه
ضاري : عطيني
ويرن تلفون فاطمة
فاطمة : رقم غريب ما ني راده عليه (فاطمة ما ترد على الأرقام الغريبة )
رد ودق ثاني مره
فاطمة : يالله شيبي هذا
فاطمة : الو
الخط الثاني: فاطمة فهد الراشد
فاطمة : من معاي
الخط الثاني : مو شرط تعرفين
فاطمة: شلون مو شرط اعرف تكلم انت منو
الخط الثاني : انا واحد يعشقك
فاطمة : صج انك قليل ادب وما تستحي
الخط الثاني : افا بس مقبوله يا حبيبتي
فاطمة : حبك برص قول امين
ضاري بعصبية : منو هذا
فاطمة : هاك اخذ كلم واحد قليل ادب
ضاري : نعم آآآآ لا لا لا ok
فاطمة : طاع هذا
ضاري سكر بعصبية : ثاني مره لاتردين على ارقام غريبة
فاطمة : ان شالله
احمد طالع ضاري وياشر بيده شنو صاير
ضاري غمز له
احمد فهم
دق الرقم ثاني مره
فاطمة : ملاغة رد واتصل
ضاري : ردي يمكن بيسمع صوت انوثي
فاطمة : ضاري شهل كلام الو
الخط الثاني : ليش العصبية
فاطمة : والله كيفي انت شتبي
الخط الثاني : ابيج
فاطمة : قلة ادب وحيا ما عندك خوات تخاف عليهم
الخط الثاني: عصبيه يا بعد خالو
فاطمة مستغربه : يا بعد خالو ( فاطمة تذكرت محد يقول يا بعد خالو الى خالي رائد) خالو رائد
رائد كان على الخط : رائد يا بعد خالو رائد
فاطمة : والله انك سخيف ليش تسوي فيني جذي
رائد : هههههههههههه
فاطمة : لا والأخ الثاني يمثل ثاني مره لاتردين على ارقام غريبة
الكل : ههههههههههههههه
فاطمة : خالي داق من رقم داخل الكويت
رائد : بس انا بالكويت
فاطمة : احلف
رائد : والله
فاطمة : لا ابي ارجع ابي ارجع شوفك
رائد : طومي انا راح أيكم المزرعة بعد شوي
فاطمة : صج والله لفرش الطريج الي تي منه بساط أحمر
رائد : وابي بعد ورد
فاطمة : افا عليك جم رئود عندنا
نور : عطيني بكلم اخوي
فاطمة : ما ابي داق علي مو عليج
رائد : يالله فطوم بصكر عطين بوسه مثل أول
فاطمة : والله خالي كبرنا على بوستك بس يالله مواه
وذكرت احمد بقلبه( ياريتها لي)
ضاري : اختي عاشقة خالها
فاطمة : فديت خالي والله
نور : والله ما دري لما تتزوجين بتحبين اخوي ولا ريلج
فاطمة بعصبية : نور جب
نور : عيال اخوي فاطمة بعد بوسة رائد ضربة فيوزاتها
ضاري : اظن بعض الناس محترين من البوسة
احمد طالع ضاري بنظره
نور : منو انا هذا الي ناقص
الكل حسباله ان ضاري كان يقصد نور
فاطمة : ضروري شنو فيه علبة الأشرطة هذا واشرت على العلبه الي بالسيارة
ضاري : شريط حاتم العراقي و راشد الماجد
فاطمة : وع حاتم العراقي حط رشود جوزيف صكنا بصوته
مي : هذا وانت تحبينه
فاطمة : بس مليت من صوته معنا حلو
رنا : بس ما أي بصوت رشوودي
ضاري حط الشريط وكان اغنية العيون قديمه بس فاطمة تموت عليها
فاطمة : سود العيون كبار والشامه حلوه..شايل جمال الكون وباليني بلوه..
هالعيون اشلون اميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحكتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها
ضاري : الله الفنان راح يعتزل
احمد : جب عاد صوت فاطمة اينن
فاطمة : احم احم شكرا يا ولد عمي وبقلبها "يا قلبي"
وصلوا المزرعة 12 الظهر
وصلوا الكل للمزرعة
وقفت السيارات في باحة المزرعة اللي تكون على أطراف روضة خريم ...
المزرعة كانت أرض خيال ...
عبارة عن أرض وااااسعة ...
حدائق من الأشجار ....
أغصان متشابكة تتسلل من بينها أشعة الشمس....
و أهم شي النخل اللي كان يزين طريق الدخول للمزرعة ...
عبارة عن مستطيل أخضر كبير و واسع ...
في الوسط بوابة شامخة و كبيرة ....
اذا انفتحت نشوف طريق ممهد بحجر غريب يشبه حجر الطرق الأندلسية القديمة ...
و على أطرافه نخيل ....
بعدين اذا مشيت فيه مسافة طويلة ترتفع شوي لان فيه مثل الهضبة ...
و اذا طلعت ....
تشوف على ارض منخفضة شوي....
أجمل منظر ممكن تتخيله عين ...
فيلا من أروع تصميم
شلال اصطناعي صغير ..
نافورة...
أرض خضراء واسعة تسرح فيها الخيل ...
كان البيت من الطراز البريطاني القديم البسيط لون البيت الأبيض بسطح منزلق أحمر
و جنب الفيلا من الخلف ....
اسطبل خيول...
و فيه على جنبات الفيلة على الجدار من بداية الفيلة من فوق شلال اصطناعي ينزل منه ماي لين نهاية الفيلة ..
المزرعة حلوة فيها بنص فيلا كبيرة فيها أجنحة وفي صالة كبيرة لهم كلهم ومطبخ وحمام (وانتوا بكرامه) وديوانية للريايل ويمها بيت شعر ومسبح كبير للشباب وفي مسبح مصكر للبنات بس ورى ويم مسبح الشباب صالة فيها بلياردو وبليسيتشن لشباب وفي ملاعب حق لعب كرة طائرة
وفيها مثل نافورة وفيها ارض خضراء كلها عشب اخضر حلو وارض كلها رمل لشباب يلعبون كرة فيها ويم المطبخ ارض كلها رمل للأطفال وفيها الألعاب لهم ويما كراسي للقعده وفي أشياء وايد راح أقولها بالقصة
السيارات راحت و ودارت واحدة تلوا الأخرى حول النافورة لين وقفوا كلهم ....
الكل نزل ما عدا فاطمة قاعدة دور نظارتها و احمد يسكر السيارة
ولما بتنزل فاطمة من السيارة خيط جوتيها الرياضي (تكرمون) لف على الجوتي و طاحت على الارض
فاطمة : أي ريلي
أحمد يا لها : سلامات شفيك
فاطمة : لا بس ريلي لفت أي تعور
احمد : تعورج حيل
فاطمة : يعن
احمد مد ايده عشان يقومها امسكت يده وبسرعة قامت وهدته
احمد : تقدرين تمشين عليها
فاطمة : أي بس شوي تعور انادي وحدة من البنات تساعدني
احمد : سلامات عساه فين ولا فيج ( يتغزل الأخ اشكره)
فاطمه انحرجت : الله يسلمك
رنا يت : فطوم شفيج تمشين جذي
فاطمة : لف الخيط على جوتي وطحت
رنا: سلامات
فاطمة : الله يسلمج
وراحت داخل وصارت الساعه 3 الظهر
رائد : السلام عليكم
فاطمة نطت من مكامنها : خالو رائد
رائد : يا بعد رائد انت
فاطمة : مشتاقه لك مووت
رائد : وانا بعد
فاطمة : ليش ما قلت لنا راح تي عشان نستقبلك بالمطار
رائد : حبيت أسويها سبرايز
فاطمة: وربي احلى سبرايز
رائد : ههههههه
الكل قام وسلم عليه
فاطمة : خالو تعال نلعب خيل
نادوا الكل عشان يروح هناك
جاسم : يالله فطوم تسابقين بالخيل
فاطمة : اتحداك واتحدى عشره مثلك
راكان : راح تخسر يا جاسم فطوم بالخيل احسن وحدة فينا
جاسم : نشوف
فاطمة البست الخوذه مالت الخيل فوق حجابها وكانت لابسه بنطلون جنز وفنيله مكتوب كلام بالانجليزي لونها اسود والكلام ابيض وحاطة جاكيتها على خصرها لونه اسود ولابسه جوتي رياضي اسود وابيض طالعا كووول رياضية
فاطمة اركبت احسن خيلها المهرة وكانت شوي كبيرة بالحجم ومبين قويه واول ما اطلعت فاطمة الخيل طلع صوت قوي الكل ضحك عليه
تسابقوا وفاطمة هزمت جاسم بفرق صغير
احمد : وشاطره بعد بالخيل
ضاري : قول ما شالله
احمد : ما شالله

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -